قصيدة شياطينك - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    26-10-2011, 08:48 PM

    قصيدة شياطينك - فزاع

    قصيدة شياطينك - فزاع


    با جيك يا ناعس الأهداب وانت ادرى
    لو المسافه كبيره بيني وبينك

    إجرح عسى كل جرح منك ما يبرى
    وتشيطن الله يحفظ لي شياطينك

    أبغيك مستقبل الخفاق والذكر
    وابغي عيوني تنام وتصبح ف عينك

    يا غاليه لو يطول الليل والمسرى
    أبا اسأل الليل عن اخر عناوينك

    تمخطري مثل وصف المهره الشقرا
    إلى تمثلت بالأشعار في زينك

    وتمايلي مثل غصن الشجره الخضرا
    لا حست إيدي برقة لمسة يدينك

    ولهان يا فاتنه .. يا بنت .. يا عذرا
    ولو إن عندي صبر ما قلت لك وينك

    إن القيم والأدب والصدق والأحرى
    يطغى على قسوتك يوم الهجر لينك

    الهجر بين الحبايب عيب ما يطرى
    وانتي من الهجر ذابلة بساتينك

    يكتب فراقي في عينك شي ما يقرا
    وتنسخ دموعك حروفه فوق خدينك

    يالله عسى كل جرح منك ما يبرا
    وعساني اخر حبيب من محبينك
  2. ᵽ¡ҋʞ ║•
    30-10-2011, 10:07 AM

    رد: قصيدة شياطينك - فزاع

    قصيدة شياطينك - فزاع




    يالبيةة ابيات في قمةة الروعةة

    يعطيك الف عافيةة مزون

    تقبلي مروري

    دمتي بخير