قصيدة ضحكي بيديك - مطلق النومسي

ديوان الشاعر مطلق النومسي ارسال إلى Twitter ارسال إلى facebook
  1. راعي مزاج
    18-12-2006, 10:46 PM

    قصيدة ضحكي بيديك - مطلق النومسي

    قصيدة ضحكي بيديك - مطلق النومسي


    ضحكي بيديك ودمعتي برضو نواصيها بيديك
    تقدر تضحكني وتبكيني وتلحق مشتهاك

    الله عطاك وسلمك أمري وأمري محتويك
    إحفظ حقوقي وإلطف بحالى بعد ما الله عطاك

    العفو عند المقدرة والعدل شيمة والديك
    وأنا ولد هادي معك وأكبر مشاغب من وراك

    هنا اتفرق منك وهناك اجتمع واذوب فيك
    والخوف جايز من هنا والموت حتمي من هناك

    وأكبر دليل إني ليا حاولت يوم أزعل عليك
    لقيت قلبي كل ما يزعل يدور عن رضاك

    وإذاك تذكر يوم كنا بين أجيك أو ما اجيك
    وشلون قلبي كسر الرهبة تحت صدري وجاك

    ما جاك يهلك في نجاتك جاك ينجى بك هليك
    لن النجاة بما تنص اللائحة عندك هلاك

    ياللى هلاكك مبتكر على نظام الهيدروليك
    مهما يكن حجم الألم يمنع وجود الإرتباك

    لبا الهلاك اللي كذا يوم انتهي به وأبتديك
    وألقى نظام الطيش يرسمني على فوضة صباك

    وأنا ولا أدري ليه أنا أظما لك وأنا أقدر أرتويك
    تدري أقولك شي أحلا شي يوم أروى ظماك

    أبيك ياعمري وإذا ما تعجبك كلمة أبيك
    خذها بلهجة ساكنيين دبي ياعمري أباك

    يكفيك لامن غبت مالك إسم غير إسم المليك
    وإن جيت عقب غياب مالك إسم غير إسم الملاك

    حشمة غلا وإلا غلا حشمة وذيك تعز ذيك
    غلاك يفضح حشمتك وبحشمتك يستر غلاك
  2. أروى
    18-07-2009, 09:13 PM

    قصيدة ضحكي بيديك - مطلق النومسي


    الله يعطيك الف عافيه
    على القصيده
    الروووعه
  3. eslam_mohamed350
    06-08-2009, 08:43 PM

    قصيدة ضحكي بيديك - مطلق النومسي


    يسلموووووووووووووووو
    حلوة كتير

    تحياتى عاشق الوسمى قريبا
  4. ح ـكآية
    15-02-2010, 09:29 AM

    قصيدة ضحكي بيديك - مطلق النومسي


    ضحكي بيديك ودمعتي برضو نواصيها بيديك
    تقدر تضحكني وتبكيني وتلحق مشتهاك


    كلمات جميله ..
    يسلمو ..