قصيدة المستحيل- فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    26-10-2011, 09:13 AM

    قصيدة المستحيل- فزاع

    قصيدة المستحيل- فزاع


    المستحيل يحبني يوم رمته

    كأن مصيري مرتبط مع مصيره

    والياس حاربني ، لكني هزمته

    وايامنا راحاتها مستديره

    عزي من ابوي الكريم استلمته

    على المسار اكملت نفس المسيره

    الأوله .. حق العرب ماهضمته

    والثانيه .. نباي في كل ديره

    وابوي .. أبوي الصيرمي لا عدمته

    خذيت منه الأوله والأخيره

    كم بحر ترهب غبته .. بس عمته

    خطير ، واحب الدروب الخطيره

    وكم واحد لو ما حشمني حشمته

    ماهو على شانه .. على شان غيره

    وكم واحد لو يجهل اسمي ، ما لمته

    عيون لومي عن شراته ضريره

    وكم واحد عليه غيضي كتمته

    أسامحه ، واقول هو و ضميره

    وكم بيت شاعر كني اللي نظمته

    يجذبني اسلوبه وحسن تعبيره

    وكم صاحب يثبت معي لا زهمته

    يبين في شر الزمن قبل خيره

    وكم واحد احسسه باني فهمته

    أقرا في عينه ما حوته السريره

    وكم سيف في شوط التحدي لطمته

    ونفوس من تكره نجاحي كسيره

    وكم ليل أتعب رمش عيني ما نمته

    لين احتضن جفني شعاع الظهيره

    وكم من حزام يرتخي لا احتزمته

    ما ينلبس عند الأمور الكبيره

    وكم من جدار في طريقي هدمته

    وبنيت باحجاره للاجيال سيره

    وكم عاقل تستغرب الناس صمته

    كبير ، وعقول الخلايق صغيره

    وكم حلم يتحقق لا مني حلمته

    يثيرني يوم احلمه واستثيره

    وكم يوم من عمري يا وقتي خصمته

    ياماطولك ، وايام ناسك قصيره

    إنسان احس انه كفو لا احترمته

    نفسه غنيه لو يدينه فقيره

    وانسان .. بخزام الوفا لو خزمته

    نار الغدر في وسط يوفه سعيره

    وكم واحد لو ما حشمني ، حشمته

    ماهو على شانه ، على شان غيره

    الأوله .. حق العرب ماهضمته
    والثانيه .. نباي في كل ديره


    والثالثه .. الصيرمي لا عدمته

    خذيت منه الأوله والأخيره


  2. ᵽ¡ҋʞ ║•
    30-10-2011, 10:17 AM

    رد: قصيدة المستحيل- فزاع

    قصيدة المستحيل- فزاع




    يعطيك العافيةة مزون ع النقل الذوق

    لاعدمناك