تبسمها

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. انت الغلا
      24-10-2011, 10:09 PM

      تـبسمها

      تبسمها


      السلام عليكم
      الفرحه اللي على ثغرك تبسمها
      تكفي عن الشرح والكلمات ياغالي
      يادرة البحر للشعار تلهمها
      ياليلة الشعر فالمجمول تهنالي
      اللي على الوجه واضحة معالمها
      سرج القصيده وانا للشعر خيالي
      حضرت جنابك اذا جتني بسلمها
      تستاهل القلب ويا الروح مع بالي
      ازكى من الروض لا هبت نسايمها
      فيها القصايد من الاشواق تنقالي
      ماتت من الشوق والفرقا حمايمها
      رجعتك( تحيي هشيما دمدما بالي)
      مشاعر الشوق احرص لا تيتمها
      تصبح جريمتك بين الناس قتالي
      سقت المشاعر وطول الشوق يزهمها
      انتي وذمتك جاك القلب طوالي
      يا معشر الحب يا مجمل تلاحمها
      يصفالك الجو والأجواء تصفالي
      هاذي هي النفس جاتك كود ترحمها
      ياللي لك اعوام فالاحلام تبرالي
      احاول اسلا عن القصة وادمدمها
      اكذب على النفس بعض احيان ورالي
      اقول الابيات في صدري واتمتمها
      من خوف يدري من العربان عذالي
      هاذي علومي من اولها لخاتمها
      وانتي لك الراي والموضوع والقالي
      ان شئت يمناك بالإحساس قدمها
      واعطيك روحي على كفي وتزهالي
      والا امسك النفس عن عشاق واعصمها
      بس الحقيفه تراك القلب تغتالي
      لكن ابكذب على نفسي ثم اوهمها
      انك تبيني وظرف البعد غربالي
      نفسي من العام يا مكثر تحلمها
      بين ..... وحول الخصر جوالي
      امني النفس في .... مبسمها
      واداعب اللي على الكتفين شلالي
      اني على الخصر بالتشبيه محزمها
      .............. والأيام تحلالي
      واكسب من ......... لا ثارت غنايمها
      يا لذة الخمر بالأنفاس تسقالي
      واخدر العين في همسي وانومها
      يا ليلة العشق للعشاق مدهالي
      النار والثلج والأزهار في فمها
      تكوين فتنه تهز الخافق الخالي
      خده وخشمه وعينيا تسلهمها
      كن المنايا بأرض الحب تسعالي
      واعظم دلعها احسه في تكلمها
      اررد الحان قيفاني وموالي
      حتى على الارض لا سارت قوايمها
      ترفع عن الساق لبسا فوق خلخالي
      و..... يعبر بطولاته ملاحمها
      كنه على ............ يختالي
      هاذي مشاعر خيالي جيت اترجمها
      اما اقبليها وإما قلت عزالي
      طيفك من العام في عيني ملازمها
      حاولت اخفيه بس اليوم ما جالي
      حربي مع الشوق ذي ناتج هزايمها
      طوحت بالصوت لجل ارضاك بالعالي
      سلك المحبه يجرك في تناغمها
      لا صار قلبك وقلب الزين ميالي
      روحي من العام صوب الزين ايممها
      امني النفس بالقربات ووصالي
      قصة غرامي وجوب انك تفهمها
      ياللي من اسنين تعرفني وتقرالي
      ابطيت بالحيل والاشواق كاتمها
      جاوب عن الحب والمقصود منزالي
      ابطيت يازين والدله تلقمها
      وانا اتحرا تسوق الكف فنجالي






      للامانه

      منقول

      انت الغلا
      250*300 Second
    2. *مزون شمر*
      24-10-2011, 10:17 PM

      رد: تـبسمها

      تبسمها


      قصيده رائعه صح السان شاعرها
      اشكرك على امانتك و على انتقائك الرائع

      طبعا في كلمات مخالفه للقوانين اضطرين نحذفها بدل نقل القصيده للمحذوفات
      واتمنى تتقيدين بالقوانين عند النقل
      تحياتي
    3. ثوآني
      24-10-2011, 10:20 PM

      رد: تـبسمها

      تبسمها


      صح لسان شاعرها وناقلها

      لاخلا والاعدم اختي الفاضله

      تقبلي مروري
    4. انت الغلا
      24-10-2011, 10:31 PM

      رد: تـبسمها

      تبسمها


      المشاركة الأصلية كتبت بواسطة
      قصيده رائعه صح السان شاعرها
      اشكرك على امانتك و على انتقائك الرائع

      طبعا في كلمات مخالفه للقوانين اضطرين نحذفها بدل نقل القصيده للمحذوفات
      واتمنى تتقيدين بالقوانين عند النقل
      تحياتي
      اخذي راحتك ياقلبي

      منوره الموضوع
    5. انت الغلا
      24-10-2011, 10:31 PM

      رد: تـبسمها

      تبسمها


      ثواني

      شرفني مرورك