استرجلي يا بنت مابه رياجيل

الشعر, قصيدة , شعراء, القصايد ارسال إلى Twitter ارسال إلى facebook
  1. سفيرة الاحزان
    24-10-2011, 09:37 AM

    استرجلي يا بنت مابه رياجيل

    استرجلي يا بنت مابه رياجيل





    بعض المجالس ماتضم الرجاجيل
    تضم صدقان الرخا والحثاله

    فيها يدور الكاس لاعسعس الليل
    ومافيهم اللي ينتمي للاصاله

    والمجلس اللي فاح بنه مع الهيل
    يبكي على رجال الشيم والشكاله

    روح زمان اهل اللحى والفناجيل
    وياكثر من يحسب يمينه شماله

    ماعاد به الا الكدش والمهابيل
    ماعاد به ناس(ن) عليهم تكاله

    استرجلي يابنت مابه حلاحيل
    هذا الزمن حنا غدينا عياله

    استرجلي جعل العوض فالمقابيل
    وكلن على ماقيل عقله حلاله

    استرجلي يا ام العيون المظاليل
    بعض الرجال اليوم يابنت عاله

    السالفه ماهي تشبه وتطبيل
    السالفه حمله وضد السفاله

    وماهي حشا لله ياناس تقليل
    لكنها للي مضيع عقاله

    بعض الرجال اليوم يحتاج تحليل
    ترى الرجوله اعتمد واستقاله

    استرجلن يالابسات الخلاخيل
    والقصد واضح والمعاني رساله

    منقوووووول
  2. εηđмa̶j Ω̴̩Łν̵яώa7
    24-10-2011, 01:31 PM

    رد: استرجلي يا بنت مابه رياجيل

    استرجلي يا بنت مابه رياجيل




    يعطيك العافيةة ع النقل الذوق ~

    دمتي بود
  3. SOoΚaRh
    24-10-2011, 09:43 PM

    رد: استرجلي يا بنت مابه رياجيل

    استرجلي يا بنت مابه رياجيل


    تسسلم يمينك وصح لسسان قايلها

    استرجلي يابنت مابه حلاحيل
    هذا الزمن حنا غدينا عياله


    سسلمتي على النقل الرائع
  4. طير القوافي
    24-10-2011, 10:39 PM

    رد: استرجلي يا بنت مابه رياجيل

    استرجلي يا بنت مابه رياجيل


    صح لسانك ولسان الشاعر

    ابيات جميله كثير

    الله يوفقك
    سعدت كثير بقرائتها
    دمت بسعاده
  5. سوسو الكايده
    25-10-2011, 01:11 AM

    رد: استرجلي يا بنت مابه رياجيل

    استرجلي يا بنت مابه رياجيل


    أي والله استرجلي ...

    راق لي الطرح وبقوه بعد

    يعطيك الف عافيه ثانكيو فري ماتش ..على الطرح الرائع

    تقبلي مروري
  6. سفيرة الاحزان
    25-10-2011, 01:14 AM

    رد: استرجلي يا بنت مابه رياجيل

    استرجلي يا بنت مابه رياجيل


    شكرا لمروركم
  7. zoozalblooshi97
    24-03-2014, 12:39 AM

    رد: استرجلي يا بنت مابه رياجيل

    استرجلي يا بنت مابه رياجيل


    صح لسانج والله كلام منطقي


    بنت البلوشي
  8. قناعتي رضا ربي
    24-03-2014, 05:48 AM

    رد: استرجلي يا بنت مابه رياجيل

    استرجلي يا بنت مابه رياجيل


    صح لسانك انشهدد انه الحق