12

حقوق المراه قال ( بالحجازي )

الموضوعات العامه التي لاتندرج تحت أي قسم من أقسام المنتدى ارسال إلى Twitter ارسال إلى facebook
  1. نفركويس
    19-10-2011, 11:48 AM

    حقوق المراه قال ( بالحجازي )

    حقوق المراه قال ( بالحجازي )



    حقوق المرأة


    للدكتورة : ليلى صالح عزوز
    باللهجه الحجازيه الجميلة
    ما يرفع ضغطي شي زي كلمة حقوق المرأة .. وبالذات في السعودية . وهادي المشكلة طلعت متى؟
    بعد 11 سبتمبر …. سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة ..
    إيش هادا؟ أترنو إحنا لنا حقوق؟! مادام كده …الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
    يا أختي حلال عليكم البلدية كلها .. يعني إيش تبغوا تسووا؟
    تحطوا ضوابط إصدار الرخص لمحلات الحلاقة مثلا؟
    والا تناقشوا سفلتة الشارع اللي يودي على بيت أم إبتسام؟
    والا ليه الشارع الفلاني ما فيه كوفيرة مغربية وكل اللي فيه مصريات؟
    يا أختي ريحي راسك . اذا كثير من الرجال ما سووا حاجه … بالله عليكي حتسيبي بيتك وعيالك وشغلك … عشان تناقشي مشروع إنتخابي؟ هادا من تمام الفضاوه..
    طيب قولوا لوحده زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
    أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.
    مثلا: في بلدان كثير عربيه وأوروبيه تلاقي شحط طويل عريض جالس في الباص …وقدامه
    وحده في الشهر التاسع واقفه على رجولها وشايله طفل تاني على كتفها …. إن الشحط يتحرك؟ .. أبدا…
    إن الثور يحس؟ …..لايمكن.
    لكن هل يمكن يحصل هادا في السعودية؟ أبدا ..
    واللي يبغى يجرب…. الطريق قدامو …. يا عمي العملية كلها دلع حريم في دلع حريم …
    رايح أعطيكم بعض الأمثلة وقولوا لي مين اللي اخد حقوقه بالكامل وزياده؟
    وهل عندنا المرأة متساوية مع الرجل .. والا هي أحسن منو؟
    قال حقوق المرأة .. قال.
    منظر عام


    رجال محترمين زي الورد واقفين أمام صراف في بنك .. وتجي أختنا في الله
    )اللي يقولو إنها مهضومة الحقوق)
    تتقدم للصراف (ATM)مباشرة ولا على بالها من الطراطير اللي واقفين من ساعات ..
    وبعضهم مستأذنين من عملهم. طيب ليه ما توقف تمسك سرا ورا عشرين بنغالي… وثلاثين باكستاني … وخمسين سعودي… واثنين معقبين معاهم شوية فواتير مقاس إكس لارج
    .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زي الرجال
    …. خليني في الطابور …. زيي زيكم؟! …. ليش ما تقول كده؟! … والا هي تماحيك وبس !
    ونفس المنظرفي الجوازات …. والأحوال … والتأمينات .. ويقدر أحد… يقول إنه من ظهر أبوه …. يفتح فمه؟ … على طول يسمع العبارة الشهيرة … ( عيب عليك …. إنت ماتستحي؟ .. هذه حرمة…إنت ما عندك أهل …((!ويضطرالراجل إنه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلعوا العوايل أول ..
    وبعدين بقية الركاب؟
    قال حقوق المرأة … هههه!
    اقتصاديا

    شوف الراجل.. السبع… الغضنفر.. المفتري…له ثوبين أوثلاثة في السنة ..
    يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ…
    والمرأة بسلامتها .. بقيمة أدوات مكياجها فقط …
    تقدر تفتح محل خياطة رجالي محترم . ويا ريت تحط من مكياجها في البيت.. لأ.
    دا بس للخروج … وقيمة صباع روج والا علبة بودرة تساوي قيمة جوال جوزها
    .. وكمان ازيدك من الشعر قصر .. مو بيت .. من حقوقها فستان لكل فرح. و مكياج.
    وكوفيرة..وجزمة..وشنطه. وكمان خدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خلفوه علشان موضوع (مهم وحيوي زي كده.)
    قال إيه! حقوق المرأة.
    نفسيا

    الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..
    ويعني إيه عنده مشاكل في العمل؟! والا أقساط متأخره؟!
    والافواتير؟! والا مقاضي ما يعرف كيف يجيبها؟!
    مو مهم ..واجب عليه إنه يرجع من العمل للبيت مروق ومبسوط وبس … كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد(( ….
    والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفشوني .. إيش رأيك نغير غرفة النوم؟ التلفون ما فيه حراره …
    جاتني رساله على الجوال يقولوا الفاتوره طلعت .. ألحق سددو قبل ما يوقفوه عن الخدمه … … .. … ومع هادا كلو ..لازم يبقى رومانسي.
    بينما هي وبكل سهولة تصحى بسلامتها في الظهر…وتجد الكارثة الكبرى….يوه … ما عندنا صلصه …وبكل رقة تتصل…ألو ألو …أبو خالد موجود؟ ممكن أكلمه لو سمحت؟ ألو .. إيوه… أنا ..
    حتكون مين يعني؟… المهم … جيب معاك غدا … ماهو إنت يا فالح نسيت تجيب صلصه معاك أمس.
    ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ….. طيب.
    وفوق هذا كله اخر السنه: طفشانه ….فين حتودينا …والله بنت خالتي راحت أمريكا .. وبنت عمي ما تصيف إلا ف أوروبا…. يا عيني علينا إللي ما نروح غير يا مصر… يا سوريا … والسنة اللي غيرنا فيها … رحنا ماليزياوماتقول شوف زوجة فلان ايش عملت لزوجها لانه من المحضورات .
    وفي رمضان: تعبت ….أوف …..إنت داري عن حاجه؟ أنا أبغى خدامة… أنا خلاص .. ومن ثالث يوم رمضان ….مقاضي العيد من جده …أختي جابت ملابس لها ولعيالها .. إيش أقولك بس … وخد مشاوير لليييييييييييل … والراجل المسكين لما ينزل السوق مع مرته ما يقدر يشتري ولا شي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوح من ثقل الزنابيل .. ولا تقول لو فزعه .. حتى لو بالكدب. واخرتها بعد ما يرجع البيت تقول لو إنها لسه ما أشترت ملابس العيد!!!!!! وإذا فكر ينزل السوق لحالو عشان يشتري شي لنفسو … على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟
    قال إيه؟ … حقوق المرأة.
    أضافه
    السواق رجال والكوافير رجال والطباخ رجال والخياط الى يخيط توب الست رجال
    شرعا

    المرأة لها حظ من أبوها …. وحظ من زوجها . هادا غيرأمها .. وأخوانها … وأبناءها .. والراجل مطالب إنو هواللي يصرف عليها مهما كان عندها فلوس.
    وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا … بينما الست تصلي تحت المكيف … في غرفتها… وأجرها زي الرجال تماما …. ياعيني .. يا عيني ..والله الإسلام أعطاكم كتير …. وياريتو يبان فيكم


  2. فرحة زمن
    19-10-2011, 12:04 PM

    رد: حقوق المراه قال ( بالحجازي )

    حقوق المراه قال ( بالحجازي )


    أولا ...مشكووووور على الموضوع والله قمة الروووعه
    ثانيا.... اللهجه الحجازيه الجميلة والله مهي لهجة أهل الحجاز هذي لهجة مصريه على جدويه الجميله
    ثالثا ....الله يديم الأسلام علينا والله ماقصر مع المرأة أعطها حقوقه كاملة بس وين ليفهم ؟؟؟؟!!!!
    رابعا ......""تقبل مرووووووري""
  3. PRSTieG
    19-10-2011, 02:02 PM

    رد: حقوق المراه قال ( بالحجازي )

    حقوق المراه قال ( بالحجازي )


    موضوع في قمةة الرووعةة

    الله يععطيكك الف الف الف عافيةة

    ودي
  4. قلب صافي
    19-10-2011, 02:18 PM

    رد: حقوق المراه قال ( بالحجازي )

    حقوق المراه قال ( بالحجازي )


    يديك الف عافية خشت جو مع اللهجة

    الحمد لله على نعمة الإسلام رب العالمين كرمنا ومايحتاج نطالب بحقوق لان حقوقنا محفوظة ولله الحمد

    دمت متميز يانفر كويس
  5. مرامي البدر
    19-10-2011, 02:44 PM

    رد: حقوق المراه قال ( بالحجازي )

    حقوق المراه قال ( بالحجازي )


    -





    نفر .. و الله مو عارفه اعلق

    ع الموضوع او اللهجه الحجازيه

    بس فعلا المرأه مدلله بالسعوديه

    يديم علينا العز و الدلال

    و تشكر ع الطرح الرائع
  6. امير الشوووق
    19-10-2011, 05:04 PM

    رد: حقوق المراه قال ( بالحجازي )

    حقوق المراه قال ( بالحجازي )


    ياناس الزمان تغير العالم تغير المكان تغير الان لسن مثل اول في زمان الجاهلية الان اختلف كل شي لكن لو نرجع الي حقوق المراءة في الاسلام والشرع يحق له كل شي الصراحة بالعكس مشاركة في المجلس الشوري الان راح تحل قضيا المراءة المتعلقة في المحكمة وغيرها وترفع الظلم عن نفسه الان المراءة هي من ترفع عن نقسه مشاركة في مجلس الشوري مشاركة من المفروض من اول ويضاء قيادة السيارة لا يوجد دليل يحرم ذلك ويضاء اعجبني امس تصريح الوليد بن طلال ويضاء يحق المراءة ان تبيع في محلات الملبس النسائية لكي يكون هناء الوظف خاصة النساء الفائدة النساء ولا يبع رجل عل امراءة في العالم لمن تكون الان احن التخلف عندا لم اشاهد في العالم ان رجل يبيع مستلمزمات النساء الا في السعودية هذي من حقوق المراءة ويجب علين ان نوفر عليه

    الصراحة اعجبني امس تصريح الوليد بن طلال شاهد ماذ قال


    اكد ان المجتمع السعودي بحاجة لخفض العمالة
    الوليد بن طلال يدعو لرفع الحظر على قيادة المراة للسيارات بالتنسيق مع هيئة كبار العلماء

    حقوق المراه قال ( بالحجازي )الرياض- الوئام- رويترز:
    ذكر الأمير الوليد بن طلال في مؤتمر صحافي في الرياض إنه يمكن للمملكة أن تعيد نحو 750 ألف سائق أجنبي إلى بلادهم إذا سمح للمرأة بقيادة السيارة.

    وربط الأمير الوليد اقتصاديا بين رفع الحجر على قيادة المرأة والوضع الاقتصادي السعودي، وأضاف أن المجتمع السعودي يحتاج إلى خفض العمالة الأجنبية وتساءل عن سبب التردد في إلغاء منع النساء من قيادة السيارات، ولا يمكن رفع الحظر إلا بواسطة الحكومة بالتشاور مع هيئة كبار العلماء في المملكة.

    وشكك الأمير في الحاجة إلى منع النساء من قيادة السيارات وقال إن رفع الحظر سيكون خطوة أولى سريعة لخفض اعتماد المملكة على الملايين من العمالة الأجنبية.

    وقال إن كثيرا من السعوديات يردن قيادة سياراتهن بما يتفق مع اللوائح الصارمة وهن مرتديات الحجاب لكنهن حاليا بحاجة إلى سائق واصفا هذا بأنه عبء إضافي على الأسر

    :::::::::::::::::::::::::::::::::::::::

  7. قلب صافي
    19-10-2011, 05:14 PM

    رد: حقوق المراه قال ( بالحجازي )

    حقوق المراه قال ( بالحجازي )


    اللحين موضوع نفر يتكلم عن حقوق المرأة لا تقعد تدس بالموضوع قيادة المرأة وتغير محور الحديث

    وتقول ظلم وظلم احد شكا لك الوضع ؟!؟

    ياليت يكون ردك هادف وبمحله وارجع اقرا الموضوع

    وبالعكس اللحين المراة مكرمة ولها حقوقها وعلى قولتك الجاهلية بالعكس ماكان لها حق بالجاهلية
  8. tal omri
    20-10-2011, 01:09 PM

    رد: حقوق المراه قال ( بالحجازي )

    حقوق المراه قال ( بالحجازي )


    كل الشكر لك ع هالطرح الأكثر من رائع }~
    يعطيييك العافيه لا عدمنا هالتميييز والابداع }~
    بأنتظار جديدك الجذاب }~
  9. ولد مكه
    20-10-2011, 11:19 PM

    رد: حقوق المراه قال ( بالحجازي )

    حقوق المراه قال ( بالحجازي )


    المشاركة الأصلية كتبت بواسطة امير الشوووق
    ياناس الزمان تغير العالم تغير المكان تغير الان لسن مثل اول في زمان الجاهلية الان اختلف كل شي لكن لو نرجع الي حقوق المراءة في الاسلام والشرع يحق له كل شي الصراحة بالعكس مشاركة في المجلس الشوري الان راح تحل قضيا المراءة المتعلقة في المحكمة وغيرها وترفع الظلم عن نفسه الان المراءة هي من ترفع عن نقسه مشاركة في مجلس الشوري مشاركة من المفروض من اول ويضاء قيادة السيارة لا يوجد دليل يحرم ذلك ويضاء اعجبني امس تصريح الوليد بن طلال ويضاء يحق المراءة ان تبيع في محلات الملبس النسائية لكي يكون هناء الوظف خاصة النساء الفائدة النساء ولا يبع رجل عل امراءة في العالم لمن تكون الان احن التخلف عندا لم اشاهد في العالم ان رجل يبيع مستلمزمات النساء الا في السعودية هذي من حقوق المراءة ويجب علين ان نوفر عليه

    الصراحة اعجبني امس تصريح الوليد بن طلال شاهد ماذ قال


    اكد ان المجتمع السعودي بحاجة لخفض العمالة
    الوليد بن طلال يدعو لرفع الحظر على قيادة المراة للسيارات بالتنسيق مع هيئة كبار العلماء

    حقوق المراه قال ( بالحجازي )الرياض- الوئام- رويترز:
    ذكر الأمير الوليد بن طلال في مؤتمر صحافي في الرياض إنه يمكن للمملكة أن تعيد نحو 750 ألف سائق أجنبي إلى بلادهم إذا سمح للمرأة بقيادة السيارة.

    وربط الأمير الوليد اقتصاديا بين رفع الحجر على قيادة المرأة والوضع الاقتصادي السعودي، وأضاف أن المجتمع السعودي يحتاج إلى خفض العمالة الأجنبية وتساءل عن سبب التردد في إلغاء منع النساء من قيادة السيارات، ولا يمكن رفع الحظر إلا بواسطة الحكومة بالتشاور مع هيئة كبار العلماء في المملكة.

    وشكك الأمير في الحاجة إلى منع النساء من قيادة السيارات وقال إن رفع الحظر سيكون خطوة أولى سريعة لخفض اعتماد المملكة على الملايين من العمالة الأجنبية.

    وقال إن كثيرا من السعوديات يردن قيادة سياراتهن بما يتفق مع اللوائح الصارمة وهن مرتديات الحجاب لكنهن حاليا بحاجة إلى سائق واصفا هذا بأنه عبء إضافي على الأسر

    :::::::::::::::::::::::::::::::::::::::

    ؟؟؟؟؟؟؟



    اخي الفاضل امير الشوق
    انت إطلعت على الموضوع ؟؟؟
    لاظن ذلك
    على العموم احب ان اشكر الاستاذ نفر كويس على الموضوع الرائع هذا الموضوع افضل رد ل امثال امير الشوق
    دمتم بخير
  10. عذب الذكرى
    20-10-2011, 11:45 PM

    رد: حقوق المراه قال ( بالحجازي )

    حقوق المراه قال ( بالحجازي )


    طرح موفق

    بنظري حقوق المراه تكفل بهالشارع

    لكن مانقول <<وعسى ان تكرهو شياء وهو خير لكم>>
12