هذي عنود الصيد والصيد مقسوم

الشعر, قصيدة , شعراء, القصايد ارسال إلى Twitter ارسال إلى facebook
  1. ضنان الشوق
    17-12-2006, 08:58 PM

    هذي عنود الصيد والصيد مقسوم

    هذي عنود الصيد والصيد مقسوم


    بسم الله الرحمن الرحيم ،،

    السلام عليكم ورحمة الله وبركاته .

    أخواني أخواتي لكم منى صادق الود واتمنى ان تحوزهذه القصيدةعلى أقل درجات الرضى لدا ذائقتكم العالية .

    يابدر انا البارح جفى عيني النوم
    واصبحت عايش في متاهات الايام

    هاضت هواجيسي وانا اطيح واقوم
    واقلب الجوال في كل الارقام

    واكتب مسج واضح وباين ومفهوم
    مدري شعر مدري نثر مدري اللهام

    مابين كيف وهل ترى صرت محروم
    او ليت ياعل وعسى تصبح اوهام

    احيان تطري حرب كسرى مع الروم
    واحيان تطري دبكتك ياهل الشام

    مابين ذيك وذيك والقلب مهموم
    والصدر ضايق كنة يشوف الاعدام

    شفت العنود وصرت هايم ومهيوم
    من شافها ياناس مانام00مانام

    يبقى جريح في الهوى دوم مظلوم
    عينة سهيرة والمخاليق نيام

    ام العيون اللي حوت عشرة سهوم
    والرمش يقذفها على كل الاقسام

    والعنق عنق الريم والخد مختوم
    والشفة اللي ضمن تخطيط الاجرام

    في حكيها ترتيب شعري ومنظوم
    حتى الحكي من فمها كنه اللغام

    وانفاسها ريحة عبير ويشموم
    لو شمها صايم حشى ماهو صيام

    كل البنات بكوم والفاتنة كوم
    لا نور لا ناهد مع نوف واريام

    هذي اميرة في الجميلات معلوم
    بالتاج فوق الراس تستاهل وسام

    حبيت اوصف لكن الزين محشوم
    في وصفها ماتكفي اوراق واقلام

    من بعدها فزيت خايف من اللوم
    واهدي السرعة على خط دمام

    واقول يمكن حالتي برق وغيوم
    واحول الجوال صامت من العام

    لكن حقيقة قلتها قبل لانوم
    واحلف بدين الله مع بصمة ابهام

    هذي عنود الصيد والصيد مقسوم
    لكن حظوظي طايحة قبل هالعام

    يابدر خبرها ترى الزين معدوم
    والشعر فيها كنه يقول قدام




    ولكم خالص الود .

    أخوكم : ضنان الشوق .
  2. ضنان الشوق
    18-12-2006, 05:34 PM

    رد: العنود

    هذي عنود الصيد والصيد مقسوم


    أخواني اتمنى من لديه خبره في التنسيق ففضلا وليس امرا .

    لان روعه القصيده من تنسيقها .

    شاكر ومقدر .

    اخوكم : ضنان الشوق
  3. كلي غلا
    18-12-2006, 07:42 PM

    رد: العنود

    هذي عنود الصيد والصيد مقسوم


    أخوي ضنان الشوق /

    صح لسانك لا هنت قصيده رائعه اجبرتني

    على الهيام مع كلماتها و اجواءها

    كلمات رائعه واسلوب جميل

    مميز بادائك ...

    لا حرمنا من قلمك الرائع

    دمت بود ..

    كلي غلا
  4. عيوني فدااك
    18-12-2006, 10:58 PM

    رد: العنود

    هذي عنود الصيد والصيد مقسوم


    اولا السلام عليكم و رحمه الله و بركاته


    ثانيا

    اخوي ضنا الشوق

    يابدر انا البارح جفى عيني النوم
    واصبحت عايش في متاهات الايام

    الي اشوفه انك تكتب القافيه قبل ما تكتب البيت كامل
    و في الشطر الاول من البيت الي انا ناسخه لك

    جفى عيني النوم ؟

    ما ادري انت شلون جبتها ولا ادري شلون فاهمها


    انا اقول لك ان عندك كلمات رائعه بس يبيلك تنسيق و توازن الابيات


    هذا تعليقي ولا اهانه


    دمت بود
  5. ضنان الشوق
    19-12-2006, 09:14 PM

    رد: العنود

    هذي عنود الصيد والصيد مقسوم


    أختي : كلى غلا .

    صح ربي بدنك .

    أختي مما يسعدني ويشرفني تواجدك و مرورك على قصيدتي المتواضعة .

    اشكر لك مرورك .

    ولك صادق الود .

    أخوك : ضنان الشوق
  6. ضنان الشوق
    19-12-2006, 09:23 PM

    رد: العنود

    هذي عنود الصيد والصيد مقسوم


    أخوي : عيوني فداك .

    مما يسعدني ويشرفني مرورك وتواجدك وتعليقك على قصيدتي المتواضعه .

    أخوي احترام تعليقك .

    اتمنى اخوي انك تعدل في البيت اثبت لتعليقك ؟

    عشان كيف يجي معك يالغالي .

    احترام وجهت نظراك أخوي .

    لك خالص الود .

    أخوك : ضنان الشوق