1234567891011 ...

همس الموت | Whisper of death ™..كامله

قصة كاملة - رواية كامله جميلة للكاتبه
  • ارسال إلى Twitter
  • ارسال إلى facebook
  • ارسال إلى google plus
    1. ஜ .¸¸ فجر¸¸. ஜ
      30-09-2011, 05:35 PM

      همــس الموت | Whisper of death ™..كامله

      همس الموت | Whisper of death ™..كامله


      رواية رائعة للمبدعة لمسة براءة

      اليوم سأطرح لكم ما خطته أناملي ..ورسمته مخيلتي..

      اتمنى ان تنال اعجابكم وتحيز على رضاكم ..

      همس الموت | Whisper of death ~> روايتي اليديدة..

      همس الموت | Whisper of death ™..كامله

      حيث الغموض هو الذي يلفها..

      والاثارة هي التي تنعشها..

      مقتطفات

      " مات..الظاهر انه اختنق من الدخان وماكان عنده فرصه للهرب..وو احترق

      صرخت بداخلها: مستحيييييل...مامات من الحريق..انا جفته بعيني وهو مقتوول..!! "

      " ليش ما تدورين لج ع شغلة محترمة غير انج تكونين رقاصة ومغنية !! "

      " أصوات عالية برا ومخيفة..وضرب قوي ع الباب ..وهي يالسة وسط الظلمة وقلبها طاح من كثر الخوف ! "

      انتظرووني
      لمسة براءة ..~>
      250*300 Second
    2. ஜ .¸¸ فجر¸¸. ஜ
      30-09-2011, 05:38 PM

      رد: همــس الموت | Whisper of death ™

      همس الموت | Whisper of death ™..كامله






      ~| الهمسة الأولى |~












      ..: بس الله يخليك بس..









      ..: جب ولا كلمة أقولج سكتي...










      كانت تبكي بحرقة والم وحسرة وضعف..وهو بلا رحمة ممسك بشعرها ويشده نحوه بقوة ..وهي تحاول جاهدة ان تتخلص منه وتنقذ ما تبقى من بقايا شعرها الكستنائي..







      أرخت بصرها للأرض ورأت خصلات شعرها المتناثرة عند قدميها..وصوت المقص الكريه لازال مستمر..!





      قالت برجاء وضعف: خلاص ..بس..بس ..ليش تسوي فيني جذي..؟!





      ولكن رجائها لم يحرك فيه ساكنا..قاومت كثيرا لكنه اقوى منها ..حاولت الصمود أمام جبروته..لكنها لا تجرأ..!








      بعد مدة..











      تنهد براحه: رفعي راسج اجوف..









      لكنها لم تنفذ رغبته..بل زاد صوت نحييبها..





      صرخ عليها بصوته المرعب: أقوووولج رفعي راسج ولا ابي اسمع صووتج ..





      توقفت عن البكاء ولم يسمع الا صوت شهقاتها التي لم تستطع إخفائها..رفعت رأسها ببطىء ..لكن عينيها بقيت معلقة في الارض..






      نظر اليها بتمعن..









      .....: حلوووو..يلا ذلفي حجرتج يا بنت ******







      ما ان انتهى من جملته..حتى اطلقت سراح ساقيها ..وفرت هاربة الى ملجئها..








      لم تكن لديها الشجاعه بان تتحسس راسها او تنظر الى المراة لترى ما تبقى من بقايا شعرها..كانت خائفه من ان تنصدم بواقعها المرير..





      جلست في زاوية غرفتها الكئيبة او بالأحرى مستودعها !! فهذه لا يمكن ان تسمى ب غرفه..كانت قذرة بكل معنى الكلمة ..الارض خشنه وصلبة..النافذة لا يتسللها ضوء اشعه الشمس بسبب الجدار الذي يمنعها من التسلل..والفئران المختبئة في الشقق الصغيرة والحشرات الواقفه على الجدران..كل هذا مثير لتقزز والخوف..






      ضمت رجليها..كانت خائفة...تائهه ..ضعييفه..اغمضت عينيها..









      تمنت لو انها ماتت في حادث السير ذاك الذي توفي فيه ابويها وإخوتها..واحترقت معهم..ولا تكون تحت رحمة هذا الشخص الذي تشك ان لديه قلب انسان!!








      .











      .










      بعد مدة ..استيقظت..ووجدت نفسها نائمة على وضعيتها السابقة..نهضت وتجوهت الى الحمام..








      صدمة!!!





      نظرت الى المراة المكسورة..بعيون مفجوعه..صدمت من شكلها الذي اصبح شكل " صبي"..!!!!





      رفعت يدها ببطىء وتحسست شعرها كان لديها امل بان تكون الصورة التي في المراه ليست صورتها..!





      لكن الامل تلاشى..





      نزلت دموعها بصمت ..خرجت من الحمام وجلست في زاويتها المفضلة..لتشكي اليها هموومها..!!







      \\












      ...: لا!! انت شكلك تخبلت..








      ...: لا ما تخبلت ولا شي..وخلاص..اللي فراسي بسويه..





      ....: إبراهيم لا تتهوور..ترا السالفه مب هينه..مثل ما انت شايفنها..





      إبراهيم: سلطان لا تحاول فيني..انا تقريبا خلاص نفذت نص اللي فراسي..بس باقي شويه..





      سلطان : انزين ما حصلت اي معلومات عنها او عن اهلها..؟





      ابراهيم: اللي اعرفه ان اهلها ماتوو في الحادث وهي الوحيدة اللي نجت بس دشت ف غيبوبة لمدة شهرين بس ع كلام المستشفى انه محد زارها..وماحصلو لها اهل عسب يتواصلون وياهم..




      وقدرت اظهرها من المستشفى على انه انا اللي برعاها..وطلعت لها اوراق مزوورة..





      سلطان بتفكير : بس لو تخليها رقاصه ولا مغنية..مو احسن..؟





      ابراهيم: لالالا..كذي عادي اي حد يعرفها..جيرانها ولا ربيعاتها..





      سلطان:افف منك تراك فريت راسي..مو تووك تقولي محد بيعرفها.؟





      ابراهيم وقف: الحينة بتجووف وانت احكم..







      ذهب ابراهيم..وعاد بعد دقائق وهو ممسك بذراعيها بقووة..ودفعها نحو سلطان..الذي غطاه الذهول ..










      سلطان وقف وهو منصدم: لا..مستحييل..هي نفسها هذيك البنت.!!!!!





      ضحك ابراهيم وبان ضرسه الذهبي: ها..؟ شرايك..؟ تنفع ولا لا.؟





      ابتسم ابراهيم بخبث: والله انك مب هين...(بتفكير) بس يمكن ما بتقدر..؟









      ابتسم ابراهيم بخبث: ما عليك..تطمن..انا بأهلها..(صرخ عليها) يلا ذلفي..






      لم تدري كيف وصلت الى مستودعها ..كانت ترتجف من شدة الخوف..وساقيها للم تعدان قادرتان على حملها..جلست على الارض بقوة..وهي تحاول ان تهدىء قلبها الذي ينبض بقووة..!








      \\












      سلطان: خخخخ..يعني الشباب برووحهم ضعيفين..هالبنت الضعيفة بتكون احسن عنهم..!!








      ابراهيم: ماعليك..هالبنت انا بشرف عليها بنفسي..





      سلطان بتفكير: بعد اللي انا جفته..والله انك قدها وبتسوي اللي براسك..






      وجلجل الاثنان بالضحك..!









      ~| انتهت الهمسة الاولى |~













      لمسة براءة ~>همس الموت | Whisper of death ™..كامله

    3. *مزون شمر*
      30-09-2011, 05:46 PM

      رد: همــس الموت | Whisper of death ™

      همس الموت | Whisper of death ™..كامله


      فجر ماتنقل لنا غير الرويات الرائعه
      يعطيك العافيه يالغلا
      متابعه لك واصلي
    4. فوفو@
      30-09-2011, 11:02 PM

      رد: همــس الموت | Whisper of death ™

      همس الموت | Whisper of death ™..كامله


      متتتتتتابعه
      بليز لالاتأخرين علينا
      باين عليها انها حماس
    5. ஜ .¸¸ فجر¸¸. ஜ
      30-09-2011, 11:06 PM

      رد: همــس الموت | Whisper of death ™

      همس الموت | Whisper of death ™..كامله


      المشاركة الأصلية كتبت بواسطة *مزون شمر*
      فجر ماتنقل لنا غير الرويات الرائعه
      يعطيك العافيه يالغلا
      متابعه لك واصلي
      تسلمي لي غلاتي
      ومبرووووك الترقية
      متابعتك شرف لي

    6. ஜ .¸¸ فجر¸¸. ஜ
      30-09-2011, 11:08 PM

      رد: همــس الموت | Whisper of death ™

      همس الموت | Whisper of death ™..كامله


      المشاركة الأصلية كتبت بواسطة فوفو@
      متتتتتتابعه
      بليز لالاتأخرين علينا
      باين عليها انها حماس

      حياك ياحلوة
      وإن شاءالله مابتأخر عليكم
      والقصة كلها أكشششششششششن
    7. ஜ .¸¸ فجر¸¸. ஜ
      30-09-2011, 11:11 PM

      رد: همــس الموت | Whisper of death ™

      همس الموت | Whisper of death ™..كامله





      ~| الهمسة الثانية |~





      أسرت قلوب جماهيرها بصوتها العذب وشكلها الجذاب ورقصاتها التي تسحر عقولهم..ويميلون معها كلما مالت..

      وصيحاتهم تتعالى " شهرزاد" أو الملقبة ب " حورية الغناء"

      تغني بصوتها الذي يشبه صوت العندليب ..ووجهها الطفولي الجميل وجسمها المتناسق الذي يتمنى كل المراهقات ان يصبحن مثله.!!

      نعم...فهذه هي شهرزاد .. حورية الغناء..!!

      استمر الحفل الغنائي الراقص حتى ساعات متاخرة من الليل..وبعدها ذهب البعض الى منازلهم..وبعضهم يكاد ان يطير من السعادة بمجر حصوله على توقيع "حورية الغناء"..او لمجرد مصافحته لها..!!





      \\





      جلست شهرزاد في الغرفة الخاصة باستراحة الفنانين..وهي تكاد تموت من شدة التعب..

      فتح الباب ..ودخل منه رجل في الثلاثين من عمره..

      ..: يلا ..شوو تترييين حضرتج..؟ يلا جدامي ع السيارة..
      شهرزاد بصوت خافت: اووك..




      نهضت وذهبت معه الى السيارة المتجمهرة حولها بعض المعجبين الذين لازالو ينتظرون خروجها..وبعض المصورين لالتقاط صور لها لكي يجنوا ارباح من ورائها..!!


      شهرزاد بداخلها " افففف لوعتوا بجبدي..سير ذلفوا عن ويهي.."

      همس لها وهو يصر على اسنانه: ابتسمي يال ******

      ابتسمت شهرزاد بسرعه..لكنها كانت ابتسامة خوف..

      ركبت السيارة وركب هو ايضا..



      شهرزاد" الله ياخذ يا اسماعيلووووه..اكرههههههك..متى بس بفتك منك.."

      اسماعيل تكلم: ادائج اليوم ماشي حاله..بس حصلت وراه بيزات..المرة الياية ابي احسن من جذي..ويوم يخلص الحقل مافي داعي تمدين بوزج شبرين..!! ترا حركاتج مقيدة..والصحفيين ع كل حركة تسوينها..! لو صار وفضحتينا باي حركة ..بتندمين..!

      شهرزاد بصوت خافت ومرتجف بشخصية مناقضة عن التي كانت واقفة ع المسرح تغني بصوتها الواثق :ان..ان شاءالله..





      ~><~





      وصلو للقصر الذي هو ملك لاسماعيل..والذي كان قبلا يعيش في بيت شعبي بسيط..! لكن بعد ما جعل شهرزاد مغنية حصل على كل هذا الثراء ..!! بفضل شهرتها..

      دخلا الى القصر..ذهبت شهرزاد الى قسمها الخاص..وقد كان فخم وراقي للغاية..يليق بفنانة مشهورة..!

      بعدما قامت بتبديل ملابسها..وارتدت بيجامة مريحه..استلقت على سريرها وهي منهكة..!

      ترقرقت من عينيها الدموع..وتخطت خدها الصافي بألم وحرقة..!

      يحسدها الجميع على ما نالت من شهرة ومال..! لكنها ليست سعيدة بما وصلت اليه..!!

      بل تشعر بحرقة داخلها والم مع كل كلمة تلفظها ورقصة تقوم بها..!



      كيف لا؟!

      وهي تعصي خالقها من فوق سبع سماوات..؟!!!

      لكن كل ماتفعله ليس بإرادتها..بل بالرغم عنها..,,,انتظروا..فلست انا من سيروي حكايتها ..سادع شهرزاد هي من ترويها لكم..لكن تشاركوها الامها..!




      شهرزاد " بقولكم قصتي..عسب تعذروني ع الوضع اللي انا فيه..



      كان عمري وقتها 15 ..كنت في قرية ريفية فقيرة..لكن الحلو فيها اهلها وناسها الطيبين..يجمعهم دين وعادات وارض وحده..ماكان فيه احد يكره الثاني ..او يحقد عليه..قلوبهم كلها مع بعض صافية..

      عايلتي..كنا عائلة فقيرة..تعتمد ع انتاج مزرعتنا الصغيرة..اللي نص الانتاج نبيعه و الباقي نسد فيه يوعنا ..!

      انا البجر..واللي عقبي اختي سارة والحينة عمرها 13 سنة..وعقبها نورة 10 سنوات..عقبها مريم 8 سنوات..وسلمى 7 سنوات ..واخيرن عبودي 6 سنوات..

      ابوي كبر في السن والامراض بدت تتلاحق عليه..مما خلاه يقعد ع الفراش وما قدر يكمل شغل المزرعه..!



      قررنا انا وامي نتشتغل في المزرعه بما انها مصدر دخلنا الوحيد..!
      لكن الانتاج كان اقل عن اللي قبل..وفقرنا قام يزييد..


      في يوم من الايام..اليوم النحيس اللي مستحيل انساه..يا ريال غريب عن القرية..الناس كانت متجمعه حووله و مبهورة تشوف البضايع اللي يايبنها..رحت انا وامي نجوف شرات الناس..وخاطرنا فاشياء وايد ناقصتنا ..بس البيزات ما تكفي..يالله تسد بها يوعنا..

      انتبهت ان الريال الغريب قام يطالع فيني بنظرات تفحص من فوق لتحت..خفت...وبعدت من المكان ورديت انا وامي البيت..

      ع المسا..سمعنا حد يدق الباب..سرت انا ابطله..جفت الريال نفس الغريب....خفت وايد وقام قلبي يدق..مادري ليش..



      قالي: وين ابوج..ابي ارمسه.؟

      قلت: ثواني..بعطيه خبر ..

      قلت لابوي..قالي خليه يدخل..زقرته وصلته عند ابوي اللي بحكم حالته ماقدر يروح لين عند الباب..

      انا سرت الغرفة الثانية عند خواني وامي..

      بعد مدة زقرني ابوي..ولييته مازقرني ..الريال كان محد..

      قالي ابوي: جهزي اغراضج ..

      قلت بفزع: ليييش.؟

      قالي: يا بنتي..انتي املنا الوحيد بعد الله..سيري وياه واشتغلي..هوو قالي يبا وحده تخيط ملابس..وهوو بيعلمج..والله يفتح علييج من ابواب رزقه..


      بطلت عيووني ع وسعهن..و امي شهقت..!!

      امي: كيف تبا بنت تسير ويا ريال غريييب..؟!! ماندري عنه ولاشي..وتونا اليوم اول مرة نجووفه في القرية..؟

      ابوي: لا تخافين يا ام عبدالله..ربي بيحفظها...والله وياها..وما بيغفل عنها..( ناظر فيني) كوني قووية..سيري ترزقي..موو عشاني..عشان اخوانج..اللي يموتوون يووع جدام عيني وانا عاجز ماقدر اسوي لهم شي..!

      نزلت راسي ....مارديت...كان ردي اني جهزت اغراضي وسرت ويا الريال الغريب..اللي عرفت عقب انه عطا ابوي مبلغ محترم..مقابل اني اشتغل وياه..

      سرت وياه المدينة اللي اول مرة اجووفها...بس طبعن لا تقارن بقريتي الغالية..
      شهر مر..وفيه تعلمت كيف اخييط..وكنت احصل ع بيزات و اطرشهن حق اهلي اللي فرحوو فييها وايد..وكان بالنسبة لهم بداية خير..

      لكن عقبها..قرر يخليني مغنية وبنفس الوقت رقاصة..!!
      يتلي جلطة..هذا تخبل ولا شوو..؟ طبعن رفضت بكل ما اوتيت من قوة..موو انا اللي اعصي ربي..و انزل راس اهلي في الارض..!

      قررت اشرد..لكنه حبسني..طرشت لابوي رسالة بالسر اقوله عن اللي استوا..




      بعد ايام ..جفت ابوي جدامي واسماعيل (الريال الغريب) وياه...
      خيرني اسماعيل بشيئين..!! كل شرط منهم اصعب من الثاني..



      " تستوين مغنية ورقاصه..!"



      أو




      " أقتل أبووج..!! "




      صدمة..! مصييبة.. طاحت ع راسي..طالعني ابوي بانكسار..حسيت كانه يقول : الخيار الثاني..!!

      ناظرت ابوي بالم وقلت: " إقتل ابوي"

      طالعني اسماعيل بصدمة..! عقبها ابتسم بسخرية..ومشى وخذ ابوي..وياه..

      صرخت بألم و باعلى صوتي ودموعي تنزل : ابوووووي نلتقي بالجنة ان شاءالله..


      لف علي..وابتسم بألم..وحب.. هذي كانت اخر ابتسامة له اجوفها..
      عقبها راح ابوي..ومارد..!!!!

      اليوم الثاني...وانا بعدني ماصحيت من الصدمة الاولى...تفاجات بصدمة ثانية..ياب لي الحقير ... عبودي الصغير..!!

      نفس الشي..عرض علي مرة ثانية الشرطين..

      طالعت ف عبودي..جفت كيف ويهه خايف..ويناديني بصوته البرىء: "شهلزاد..مابي امووت..شهلزاد..تعالي ادلبي الوحس "

      تقطع قلبي علييه وانا اسمع كلماته الخايفة..ماقدرت اتحمل..واتخيل شكله وهوو ميت..! اخييرن وافقت..لان لو مات عبودي.. اخواني وامي بيلحقووه..وانا مابستفيد شي..!

      جفت الحقير يبتسم بنصر..ومن هاك اليوم وانا اشتغل ع الشغلة..الين ما اشتهرت..

      5 سنوات مرت وانا ماسرت اجوف امي ولا اخواني ..مالي ويهه اجابلهم..! كان يطرش لهم اسماعيل بيزات بس هم مارضو ياخذون ولا فلس..باختصار لانه " مال حرام " ..





      \\






      البطلة الثانية..~




      شهرزاد " 20 سنة"






      \\





      في هذا البرد القارس والظلام الدامس.. في هذه الغرفة المخيفة الواقعه في سطح المنزل..

      فتاة قابعه في احد زوايا هذه الغرفة..محتضنها جسدها بيدها..محاولة ان تدفىء جسدها النحيل الذي يكاد يتجمد..شعرها الطويل المنسدل على وجهها بفوضوية وعدم ترتيب ولا يرى من وجهها الا عينيها التي تنبض بالخوف وعدم الامان..ملابسها الرثة الممزقة..التي تغطي جسمها..

      في هذه الغرفة..حيث لايمكن لضوء اشعه الشمس من التسلل للداخل..لانافذه..لا مصدر للضوء..وحتى الباب مقفل ..!


      شعرت بحركة خفيفه عند الباب ..وبفتحه صغيرة اسفل الباب تفتح بمفتاح صغير ..دخل منه صحن..ثم أغلقت الفتحه..

      كل يوم وفي كل مساء يتكرر نفس المشهد..اقتربت من الصحن وتحسسته..فتات خبز..القليل من حساء بارد مثل العصير ..وربع كوب من الماء..

      هذا هو طعامها منذ خمس سنوات..!!!!!




      فجاة سمعت صوت خطوات اقدام..ا

      فرت هاربة الى اخر الغرفة..مبتعدة عن الباب..و التفت حول نفسها بهلع وخوف شديد فقد بدأ " التعذيب النفسي " ...ضربات شدييدة على الباب..وصراخ يخرم الاذان..و اصوات مخييفه ..

      كانت تصرخ هي ايضا بكلمات غير مفهوومة وتردد بداخلها



      " بس ..حرام انا أخاف"




      صوت مخيف همس بالقرب من الباب: بدور اليوم وانتي راقدة ..بيي واذبحج "

      ضحكات تعالت بعد هذه الجملة..ثم ابتعدت الخطوات عن المكان..وعم الصمت..





      \\





      البطلة الثالثة..~




      بدر البدور " 13 سنة "





      \\





      ~| انتهت الهمسة الثانية |~





    8. ஜ .¸¸ فجر¸¸. ஜ
      30-09-2011, 11:21 PM

      رد: همــس الموت | Whisper of death ™

      همس الموت | Whisper of death ™..كامله




      ~| الهمسة الثالثة |~



      دخلت عليها الخادمة لتخبرها بان سيدها يرغب في رؤيتها..

      ارتعدت اوصالها..! فالمرعب يريد رؤيتها..!

      اسرعت اليه قبل يغضب..

      راته جالس على الاريكة..وقفت بعيدا عنه..


      ....: ن ..نعم...؟

      ابراهيم بنفس خايسه: نعامة ترفسج..


      بعلت ريقها بخوف..وهي تردد بداخلها " الله يستر..الله يستر"


      ابراهيم: تعالي يلسي..!


      جلست بعيدا عنه قليلا..


      ابراهيم: الموهيم..يا...صبح..؟! مادري ظهر ولا عصر..؟!!

      قالت بهدوء: فجر...فجر الليل..

      ابراهيم باستهزاء: هه فجر..! والله انه متفيج اللي سماج هالاسم..

      الموهيم..هالاسم..بتنسيينه..ولا كانه كان في يوم من الايام اسمج..!

      فجر منصدمة: ل..ليش.؟

      ابراهيم وهو يحط ريل ع الثانية: الله يسلمج..من اليوم ورايح اسمج بيكون..........فارس..!!


      ألقى بحزمة من الاوراق امامها..وبينهم جواز سفر..


      ابراهيم: جوفيهم..


      أخذتهم..وقرات ببطىء وتمعن..والصدمة لاتزال على محياها..

      هويتها تغيرت 180 درجة.

      الاسم: فارس محمد ال.....!!

      الجنس: ذكر..!!

      وصورتها الحالية ..!! من قد يصدق ان هذه فتاة..؟ بل لن ياتي في بال احد ابدا..!


      تذكرت ان ابراهيم..قد اخذ لها صورة ..بعدما غير من شكلها..

      ياللفظاعه..أهذا بشر حقا..!


      فجر الليل " مصدوومة..مصدوومة..مصدوومة ..الحينة يوم شكلي تحول لولد..قلت يلا مو مشكلة..هويتي تبين اني بنية..الحينة لا هوية ولا شكل..طاحت الاوراق من ايدي..ماكان عندي اي طاقة اني بعد اقرا..!


      تكلم ابراهيم:الموهيم..مو عشان هذا ابيج (ابتسم باستهزاء) اقصد ابيك...الموضووع اهم من هذا كله..طبعن..انا انقذتك من الموت..وخليتك تعيش عندي..بدل ما تتشرد في الشوارع..وصرفت عليك..(وبسخرية) وعوضتك حنان الابو والام اللي فقدتهم..

      يعني ..ما فكرت ترد لي ولو شوي من الجميل هذا كله..!

      انا يت ف بالي فكرة..بدل ما انت كذي لا شغل ولا مشغلة..قلت خل نستفيد منك شوية..ووو مالقيت غير اني اخلييك ..

      .


      .


      .


      " لاعب كرة قدم "


      الجمت الصدمة لسانها..فالصدمات الان تتلاحق عليها ..


      كمل ابراهيم: ..صح نسيت اقولك هالمعلومة اللي اظن ما تعرفها..انا مدير نادي " الصقر " خخخخ اكيد ما سمعت عنه..ترا ماتنلام..لانه فاشل.!

      ولا مرة خذ البطولة..وو اللعيبة..فشلة وكسلانيين..وهمهم..المعاش اللي ياخذونه..وو الرقاد..ولو مني كنت طردتهم كلهم..لكن العقوود اللي موقع عليهم وياهم شوو نسوي بعد..اتريا العقد يخلص.؟

      اما انتي يا فارس..ف بايدي هذي بأهلك..واخليك افضل لاعب ع مستوى الفرق...


      ومازال ابراهيم..يتكلم..ويتكلم..عن اماله وطموحاته التي ستتحقق من خلال فجر..! او لنقول فارس..!! اما هي..فلا تسمع ما يقوله بل ابحرت في التفكير لحل لهذه الازمة..!


      " حسيت اني بتخبل..!! مبطله حلجي وعيني ع وسعهن..!! هذا صج يرمس ..ولا يمزح..؟


      ابراهيم بحنية غريبة : بس ..بس..اذا ما تبا..اقصد ماتبين..عادي قوولي..الامر راجع لج..وو انا مابجبرج ع شي ما تبيينه..


      " حسييت براحه..انا قلت هذا اكيد يسولف وياي..هه لاعبة..وين عايشين نحن.؟"


      قلت وانا مبتسمة براحه: لا طبعن..اتخيل بس ..ههه..


      ما ان انتهت من جملتها..حتى ثار ابراهيم..وتفيرت ملامحه الى ملامح تملؤها القسوة..اخرج من ورائه سوط ..!


      " اوييه انا شقلت الحينة..؟ عصب..ياويلي منه ><..يارب ..ساعدني...خافه..اكيد بيذبحني.."


      قلت بسرعه: لا لا.. امزح.. موافقة..موافقة..!!


      لكن ابراهيم..كان قد تحول الى وحش مفترس..يريد ان يتلذذ بصراخ الالم..!!


      ابراهيم: لا ياقلبي..لازم تذوقينه..توه يديد هالسوط..وو..ابي اجربه عليج..مممم لج الشرف طبعن...؟

      وو عسب تعرفين اذا فكرتي مرة تعصيني..بيكون هذا (اشر ع السوط) ردة فعلي..!!


      رفع السوط عاليا لينهال على جسدها ...ويلسعها..بدون رحمة...وو..


      stop


      \\


      >>قطع المشهد..مراعاة لذوي القلوب الضعيفه..!<<


      \\
    9. ஜ .¸¸ فجر¸¸. ஜ
      30-09-2011, 11:21 PM

      رد: همــس الموت | Whisper of death ™

      همس الموت | Whisper of death ™..كامله


      كانت تستعد لحفل هذا المساء..فاليوم ستظهر لجمهورها ك الأميرة "سندريلا"ارتدت فستانا ابيض طويل بدون اكمام..وارتدت قفازا ابيض..وضعت على راسها التاج.. ارتدت الكعب الزجاجي ..كانت حقا ك سندريلا..!!


      دخل سليمان وعلى وجهه نظرات الاعجاب والانبهار

      نظرت اليه باحتقار..


      سليمان:الجماهيير بتزداد اذا جافوج..وبيزيد الطلب عليج..!!


      شهرزاد"مارديت..احتقرتة..ادري انة مابيرد علي الحينة اهم شي اني اسوي اللي يبيه وعقب الحفلة بيغسل شراعي!!


      جفتة ظهر..انا الحينة يالسه ف غرفة استراحة فنانيين..اتريا لين مايبدا الحفل..


      جفت سليمان مرة ثانية دخل ويياه حد وقاعد يرحب فية ..


      سليمان:يامرحبا ..هلا والله تفضل..تفضل..

      دخل الريال...


      سليمان:شهرزاد هذا المغني المشهور في البلاد سعيدال...اكيد تعرفينه.. افضل مغني في البلاد..!!


      "لا والله ماعرفة..اكيد بتستغربون كيف مغنية وماتعرفة..؟!

      لاني باختصار ماتابع اخبار الفنانيين ولا اهتم لهم!!


      سليمان: شهرزاد..اليوم الفنان سعيد..مسوي مفاجأة للجمهور..وبيغني وياج..


      جفت نظرات الاعجاب منه سويت روحي مب مهتمة..!


      وبدون مقدمات..

      تقدم سعيد وركع امام شهرزاد بطريقة مسرحية..وامسك بيد شهرزاد وقبلها..!!


      سعيد:تشرفت بمعرفتج يا...... سندريلتي..!!


      "انصدمت من جرأتة ووقاحتة كنت ناوية اعطية كف يصلبة لكن جفت نظرة سليمان المرعبة..واشر لي اني ابتسم..ابتسمت ابتسامة باردة..!!


      وقف سعيد..وجلس على اقرب كرسي اما سليمان فاعتذر وخرج بحجة ان لدية عمل ما.... اما شهرزاد ..فلم تدري ماذا تفعل فجلست بعيدة عنه..


      تكلم سعيد: اظن..انه هاي اول مرة تغنين ويا حد..؟


      " لا رد..سفهته..خخخ..حسييته يبا يرمس وياي..ويدقها سوالف..بس انا مو معطيتنه مجال..


      مر الوقت بطىء..الين ما زقرونا..بعد شويه دورنا..وقفت ..وهوو بعد...يت العاملة تعدل فستاني والمكياج..


      سرنا انا وسعيد..الين ورا ستارة المسرح..الين ما المقدم يعلن اسمائنا..

      بعدت الستارة شويه..اجووف الجمهور..اخخ وايد..كل مرة يزداد اكثر واكثر..!!

      تنهدت وسندت ظهر ع الطوفه القريبة..غمضت عيني..اهدي اعصابي..


      سمعت سعيد يقول: ليش سندريلتي زعلانة..؟


      طالعته باحتقار...وايد لاعب الدور حظرته..!


      سعيد وهو يقرب مني: له..له..منوو مزعلج..؟ خل اسير اراويج فيه.!


      جفته قرب وايد مني..مسك ذقني..


      قالي بهمس: ارمي همومج ورا ظهرج..واستانسي..

      اوعدج اخلي هاليوم احلى يوم ف حياتج..!!


      مسكت ايده بقووة..وفريتها بعيد عني..حسيته انصدم من حركتي..بس خله يستاهل..قليل الادب..!


      جفته راح عند مقدم الحفل..ماسمعت غير انه قال له..مايزقر اسمه وياي..

      استانست شوي ع الاقل مابيرتز وياي..


      " والان..نقدم لكم أعزائي الحضور مغنيتكم ..والتي حازت على رضاكم...حورية الغناء .............."شهرزاد"..


      تعالت الاصوات...وصفير ..وصراخ وتصفيق الجمهوور..!!


      تقدمت عل خشبة المسرح ببطء وضوء وحيد موجه اليها ويتحرك معها..مع بداية موسيقى الاغنية..


      " استغربت..! الاغنية هاي المفروض يغنيها اثنين..؟! ليش ما غيروها.؟! يمكن يحسبون سعيد الزفت بيغني وياي..؟

      حسيت اني توهقت..بس يالله بمشيها وبغني مقاطعي ومقاطعه..


      بديت اغني مقطعي..ومن خلصته..تريت الين ماتبدى موسيقى المقطع الثاني..بطلت حلجي بغني....!

      بس سمعت حد يغنيه..!!

      وضوء ثاني توجه ..للشخص اللي لابس بدلة أمير

      ومسوي روحه" أمير سندريلا"..واللي هو ما غيره ....سعيد..!!

      كان يغني ويطالع فيني..

      لاعب الدور الحبيب..جفته يتجدم صوبي..مد ايده لي..وهو بعده يغني..مثل حركات افلام سندريلا.."يطلب مني ارقص وياه"!!

      طالعت ف ايده الممدوده..حركته وايد سخيفه..!

      جفت الجمهور..اللي يصارخون بحماس..يبون ارقص وياه..

      عيوني لا إراديا ..كانت تدور سليمان..اللي من جفته ..

      سوالي حركة بايده " كانه يقص رقبته" فهمتها ع طول..قصده بذبح امج وخوانج..

      بدون مافكر مديت يدي له باستسلام..

      اما هو فابتسم..وباس يدي مرة ثانية..والجمهور استانس واللي يصفق ويصارخ..واللي يصفر..!

      رقص وياي نفس مارقصت سندريلا ويا اميرها..

      سكت يوم خلص مقطعه..وباقي مقطعي الاخير..وبين مقطعي ومقطعه موسيقى..

      همس لي قبل ما ابدأ : قلتلج..بخليه يوم ما ينسي ف حياتج..!


      طالعت فيه بنظرة..وانا احاول اخفي الانكسار اللي ف عيني..!

      حسيته ضغط ع ايدي ينبهني..عسب اغني مقطعي..

      بعد ما غنيته ما صدقت اني خلصت الا يوم سمعت تصفيق الجمهور الحار..

      اخييرن انتهت المهزلة هذي..!! "


      وانسدل الستار اخيرا ..بعد شكر الفنانين الذين أقاموا الحفل..!


      " فيني غصة..وابي اصيييح..من الصبح وانا ميودة دموعي..

      يالله متى بس برد البيت..

      انتهيت اخيرن من الاجراءات الروتينية بعد كل حفل.."اوقع..اسلم ع الجمهور , لقاءات صحفية, تصوير, الخ "!!


      ماصدقت ان الحينة ف حجرتي..ع طول فريت عمري ع السرير..

      و تميت اصيح واصيح واصيح..وطلعت كل اللي فخاطري.." !



      \\




      في احد البيوت المتواضعه..

      الام تتحدث في الهاتف مع احدى صديقاتها..واولادها الخمسة ينشرون الفوضى في ارجاء المنزل بصراخهم ولعبهم ومشاكساتهم..

      والاب..لم يرجع من عمله بعد..!


      ام خالد : هييه..واقولج ..سرت اليوم عند ام عبدالله..هيه..هيه..كانت ملجة بنتها مريم..


      جاء ابنها اليها..واخذ يشد سلك سماعة الهاتف..يريدها ان تتحدث اليه..


      رشود: يمه..يمه..جووفي حموود يضربني..

      ام خالد: خلاص..حبيبي..عقب براويه..سير العب الحينة..


      لكنه رفض ذلك.وجلس على الارض امامها..واخذ يصرخ ويبكي..

      اعتذرت الام الى صديقتها..وبعد توديعها..اقفلت السماعه..


      ام خالد: افف منكم..عورتوو راسي..!!

      حمود: يمه..هو يبا ياخذ سيارتي..

      رشود: لا يقص عليج..كنت ابي العب فيها شوي..

      ام خالد: بس..سيروا يلا فوق السطح..وخوفوا الشريرة ..!!

      رشود استانس: يلا..يلا بنسير نخوف الشريرة..


      همسة " خالد 10 سنوات...حمود 7 سنوات ...رشود 6 سنوات..نورة 4 سنوات..نوف..سنتين.. "


      خالد يرفع ايده : يلا هجووووووووم..


      صعد الاطفال الى السطح..واتجهوا الى الغرفة الوحيدة الموجودة في السطح...و ابتدأ عملهم الذي اعتادوا عليه لكي يسيلهم وقت ضجرهم..


      و بدر البدور ترتجف من الخوف..!!


      قصة بدر البدور ترويها لكم لمسة براءة..


      " بما ان بدور ما تروم ترويها لكم ..لان حالتها ما تسمح..فانا بقولكم قصتها..

      بدور كانت بنت تعيش ويا امها وابوها حالها حال أي بنية..وابوها كان قبل متزوج ام خالد..وال بسببها نكدت عليهم عيشتهم..

      بسببها طلق ابو بدور .امها..اللي ظهرت عليها ام خالد رمسة..وان بدر البدور موو بنته..وانها هي خانته...وو الخ..

      كان عمر بدور وقتها 7 سنوات..بعد سنة من العذاب اللي ذاقته بدور ع ايد ام خالد..

      اقنعت ام خالد ابو بدور انه يعقها في الغرفة اللي فوق السطح..وانها اصلا مو بنته..هي بنت حرام...المفروض انه يذبحها من زمان..!! واقل شي يسويه يخفيها من الوجود ويعقها ف هذيك الغرفه..

      سمع كلامها..وحطها ف هذيك الغرفة..بدون أي رحمه..لان الغضب اعماه..! لدرجة انه ما فكر يتاكد هي بنته او لا..!!


      اما بعد من سوايا ام خالد..زرعت افكار غلط فاولادها..وان هاي وحدة شريرة كانت قبل تحاول تقتلها هي وعيالها..وتحرق بيتهم..وتسرق فلوسهم..

      ولانهم يهال صدقوها..

      ومرت خمس سنوات...وبدر البدور لا تزال مسجونة..!"


      \\



      ~ | انتهت الهمسة الثالثة |~

    10. *مزون شمر*
      01-10-2011, 12:12 AM

      رد: همــس الموت | Whisper of death ™

      همس الموت | Whisper of death ™..كامله


      يعطيك العافيه فجوره
      وربي يبارك فيك يالغلا
      متابعه لك
    1234567891011 ...