حركات في اللبس..حلو ..غريبه..وملفت للنظر؟؟؟

حركاات في اللبس..حلو ..غريبه..وملفت للنظر؟؟؟


حركات في اللبس..
بشكل حلو وغريب وملفت للنظر..
راح نطرح افكار واقتراحات وابداعات في اللبس و في كل شيء..
راح ابداء
بأول فكره ....!
انك تلبسين بلوزه سوداء ساده ويفضل تكون(هاينك) برقبه
وتحطين من وراء على طوول ظهرك بروشات كثره الى تنباع في كليرز وتوزعينها
بشكل عشوائي..
او انك تشكلينها على اسمك..
وهذي فكره الثانيه....!
تجيبين بلوزه سوداء او بيضاء المهم تكون قطن وقديمه شوي يعني مليتي منها
وتجيبين المقص وتقصصيها بطريقه عشوائيه بس مايكون التقصيص لاكبير ولاصغير
مره ...
وعلى ذوقك ياتقصصيها من وراء او من قدام او من كل الجهات
وتلبسي تحتها بدي ويكون بألوان صارخه مثل الاصفر ...او الاخضر
الفسفوري ...الفوشيا...اللون اللي تحبيه
وبيطلع شكها حلو...
الفكره الثالثه..!
كيف تسوين اساور كشخه
روحي محلات الخياطه
وخذي لولو
واشتري شرايط الووان أي تحبينه
ودخلي الشرايط في اللولو وبعدين تربطينها على يدك
وووبس
الفكره الرابعه..!
الحركه هو تجيبين قميص رسمي اسود او ابيض وبعدين تلبسين فوقه بديهات حفر او
نص كم او البديهات اللي تجيك بالمره ولا يمكن تلبسينها لحالها وتكون الوانها
صارخه وبيصير شكلك كشخه ..........
الفكره الخامسه..!
البس بلوزه سوداء وتنوره سودا وتكون واسعه شوي
المهم البس احزمه سخيفه بالمره يعني 2 او 3 وادخلهم بأتجاهات متعاكسه
طبعا الاحزمه تجيكم سخيفه بالمره...مثلا اخذ لي احمر+اصفر+اخضر
والبس كويتش ديور الاسود وارفع شعري بالنظاره والبس سلاسل بنفس
الالوان ويطلع شكلي كووووول.....
الفكره السادسه..!
البس 2 فوشيي واورانج
وكويتش اسود اللي يكون تربيط واجيب لي شريطه فوشي او ارونج واربطها بالجزمه
بدل التربيط وارفع شعري والبس حلقات كثيره ويطلع شكلي كول الكول....
الفكره السابعه.!
لازم يكون عندك قميص ابيض ساده بأكمام طويله ومايكون عليه حركات ولا رسومات
لانك كذا بتوفرين احسن مانك كل يوم تلبسين ملون وعليه صور واشكال لان البنات
بسرعه ينتبهون اذا كررتيه
اما عن افكاري كلها مع البلوزه البيضاء:
1-انك تلبسين معه عقد طويل وكبير ملون وحزام نفس اللون
2-او تلبسين فوقه بديات ملونه
3-او تلبسين معه سكارف ملون(شال)
4-او تاخذين شريطه ملونه طويله وتلفينه على اليدين(من بداية الكتف إلى نهاية الكم
تخلينها على شكل اكس ×)
5-واذا كان فتحت الصدر سبعه v تلبسين تحته بلوزه كت او اللي ينلف على الرقبه
بألوان مرحه مثل:وردي سماوي اخضر---الخ
الفكره الثامنه..!
البسي بلوزه هاينك اسود اكمام طويله
وخذي شرايط من محلات الخياطه وسويها على شكل فيونكه( كرفته) وعلقيها على
البلوزه على شكل خط مائل ابتدئي من الكتف وتنتهي عند الخصر وتسوين نفس
الشيء من وراء وتحطين وحده في الاكمام بس...
الفكره التاسعه..!
فيه حركه بشعرك
تستشورينه بعدين تلفينه باللفافات
بعدين تفكين اللفافات وترفعينه بطريقه مجنونه وتحطين بنس واكسسورارت وخرابيط
وتكون ملونه
بعدين تحطين السبراي
يطلع شكلك فللللللللللله
الفكره العاشره..!
فيه فكره بعد حلووووووووة
البسي تيشيرت يكون لونه ساده مثلا اسود او احمر المهم يكون ساده وجيبي من
السلاسل الطويله اللي تنلبس على الرقبه والبسيها بالمايل يطلع شكلك مررررررره رهيب

إن شاء الله تعجبكم
 
رد: حركاات في اللبس..حلو ..غريبه..وملفت للنظر؟؟؟

شكرا على هالأفكار الحلوة بجربها انشاء الله
 
عودة
أعلى