( بالهون ياقلبي )

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. اقوول فديتك
      23-08-2011, 08:18 AM

      ( بالهون ياقلبي )

      ( بالهون ياقلبي )


      بالهون ياقلبي مع الناس بالهون



      محدا ترى ياقلبي الحين يمك





      الكل في ليله يغني ومفتون

      وأنت تغني تالي الليل همك





      وأحباب قلبك في هواهم يغنون

      وأنت تغني ليل ياليل غمك





      أحباب قلبك يم غيرك يسارون

      وانت تساري الهم ياقلب لمك





      ماتدري أنهم في مساهم ينامون

      وانت سهير الليل وأضويت دمك





      أصحى وصحصح يامغفل ومجنون

      وخل الحلوم الي بليلك تضمك





      الحب في دمك والأحباب ينسون

      أنك تحب وحبهم حيل سمك





      ودك تأكد كيف للحب يلغون

      شفهم بحضن الغير ملغين شمك





      شفهم ترى جنبك ويمك يمرون

      ماكنهم من قبل بطراف كمك





      شفهم ترى قدام عينك يحبون

      واحد تعدى سن خالك وعمك





      نسو نسو ترى ترى مايدانون

      تطري غلاهم ودهم كتم فمك





      بالهون لا تزعل على الحب بالهون

      بكره تلاقي من بحبك يلمك

      منقول ‘



    2. *مزون شمر*
      23-08-2011, 04:53 PM

      رد: ( بالهون ياقلبي )

      ( بالهون ياقلبي )


      انتقاء جميل
      يعطيك العافيه

      ياليت نتقيد بالقوانين و نكتب منقول عند النقل
      ولك شكري
    3. ᵽ¡ҋʞ ║•
      23-08-2011, 08:26 PM

      رد: ( بالهون ياقلبي )

      ( بالهون ياقلبي )



      إختيار موفق ‘

      لاعدمناك :) ‘
    4. غلا عمري
      23-08-2011, 08:45 PM

      رد: ( بالهون ياقلبي )

      ( بالهون ياقلبي )


      صصح لسانج ,

      نقل جميل ,

      يعططيج ربي ألعافيه ,
    5. سااااكب الدمعه
      23-08-2011, 08:47 PM

      رد: ( بالهون ياقلبي )

      ( بالهون ياقلبي )


      يعطيك العافيه
      وكلمات حلووووة
      ننتظر الجديد لاعدمنك
    6. طير القوافي
      24-08-2011, 03:50 AM

      رد: ( بالهون ياقلبي )

      ( بالهون ياقلبي )


      صح لسانك ولسان الشاعر
      من اجمل القصائد هذا الاسبوع
      اعجبني كثير/

      أحباب قلبك يم غيرك يسارون

      وانت تساري الهم ياقلب لمك

      ماتدري أنهم في مساهم ينامون

      وانت سهير الليل وأضويت دمك




      انتظر جديدك وقصائد التي تروق لك
    7. اقوول فديتك
      25-08-2011, 01:38 AM

      رد: ( بالهون ياقلبي )

      ( بالهون ياقلبي )


      ابشرو بالعلم الغانم مني منقول ولا من احداخوياء لانه شاعر
      والله ودي اني شاعر لتحفكم بجديدي
      وتشرفت بردودكم ومروركم بما نقيته من الشعر