ميني كنافه السينابون

الحلويات الشرقيه والغربيه والكعكات المختلفه
  • ارسال إلى Twitter
  • ارسال إلى facebook
  • ارسال إلى google plus
    1. ـخجل
      17-08-2011, 08:21 AM

      ميني كنافه السينابون

      ميني كنافه السينابون



      ميني كنافه السينابون
      ميني كنافة السينابون

      المقادير & الطريقة

      أولا : نجهز علبة كنافة مفرومة ومفروكة ب 200 غرام زبدة

      ثانيا : نجهز الحشوة قشطة المراعي الطازجة + جوز البيكان مجروش ومخلوط بالقرفة + حلاوة توفو " اللي يجي مغلف إسطواني أحمر صغير وفيه حبات توفو " تدقينها لما تصير قطع صغيرة "
      لك فيها طريقتين يا إما تحطين كل هالأنواع بالترتيب << قشطة بعدها الجوز المخلوط بالقرفة بعدها حلاوة التوفو أو تخلطين كل الحشوة معه بعض << القشطة مع الجوز مع الحلاوة <<<< وهذي أسهل و أسرع

      ثالثا : تجهزين صينية الميني كب كيك وتدهنينها بالزبده بواسطة الفرشاة وتشغلين النار من الأسفل << نار هادية

      رابعا : تبدئين في توزيع الكنافة والحشوة << تحطين ملعقة صغيرة مليانة من الكنافة في قاع القوالب وتضغطين عليها بالملعقة أو بأصابعك وبعدها توزعين الحشوة << تقريبا ملعقة صغيرة وسط كل قالب
      <<< هذي في حالة الحشوة المخلوطة أما في حالة الحشوة المرتبة << مثل ماذكرت سابقا أول شي قليل من القشطة الطازجة بعدها قليل من جوز البيكان المخلوط بالقرفة بعدها قطع التوفو و اخر شي توزعين باقي الكنافة << تغطين فيها الحشوة
      وتضغطين عليها بخفة وتدخلينها الفرن حتى تنضج وتحمر من الأسفل و الأعلى

      خامسا : تطلعين الصينية من الفرن وتسقين القوالب بالشيرة << تقريبا ملعقة صغيرة لكل قالبتتركينها حتى تبرد وتطلعينها من القوالب

      سادسا : تجهزين التغطيات الأولى : صلصة الشوكلاتة : علبة كريمة خفق صغيرة تسخن على النار بعد ما تسخن نطفي النار
      ونضيف لها حبتين جالكسي سادة وتخلط حتى تذوب وتضاف لها 3 ملاعق كبيرة نوتيلا وتخلط جيدا وتترك حتى تبرد قليلا ثم تصب فوق قوالب الكنافة الثانية : الصلصة البيضاء : توضع في الخلاط الكأس علبة كبيرة حليب محلى + 6 - 8 حبات جبن كيري <<< تخلط حتى تمتزج تماما وتزين بها الكنافة على هيئة خطوط طولية وتقدم
      اترككم مع الصور

      ميني كنافه السينابون
      ميني كنافه السينابون
      ::

      بالعافيه

      250*300 Second
    2. ᵽ¡ҋʞ ║•
      17-08-2011, 08:23 AM

      رد: ميني كنااافه السينااابووون

      ميني كنافه السينابون



      تسلم الايادي ‘

      بإنتظار جديدك بكل شوق

      دمتي بخير ‘
    3. روح مشرقة
      17-08-2011, 08:42 AM

      رد: ميني كنافه السينابون

      ميني كنافه السينابون


      عاشت يدينك عالوصفة المميزة.,