هذا قراري عن قناعة كتبته (بقلمي )

أوراق الخريف

V - I - P, , , ,



هذا قراري عن قناعة كتبته = ما يلزمه شور (ن)و تبديل عنوان

حاولت أعيش ومر وقتي شربته= والهم رافقني مرافقت خلان

حتى الفرح لازارني ما عرفته=غريب عني عافني قبل أزمان

في كل لحظة حر دمعي سكبته= حزني عظيم (ن) والمعاناه طوفان

هذا سعيد (ن) بالسعادة لمحته =يحدد لعمره مدينة وعنوان

وهذاك محزون (ن) لصبره شكرته = يجامل ببسمات والقلب عتبان

دنيا غريبة ما تجاريك بته= تباعد الخطوات وان كنت تيهان

كل على حاله يلوح بكرته=وينسى عزيز (ن)في مصالحه لو كان

تسعى تمهد والغني لو كسبته=كنك ملكت الكون وقصور وأفنان

وان طاح حظه رحت عنه وتركته= تخشى يطالب بالمعونه والامان

عهد قطعته وفي يمينك مسكته= دفنت أشلاءه شهيد(ن) لخوان

والصدق عزف (ن)نادر(ن) ما سمعته= كل يشفر موجته وسد الاذان

لا تسألوني عن عظيم (ن)كتمته= لانه وكاد (ن)شيب برووس ولدان

واصل رحم من يوم يومه عرفته=امه وابوه بعالي الراس تيجان

كمل نصف دينه وتزيين بيته = واستخلف الزوجة على لذ الألبان

وش عاد باقي دونكم ما ذكرته= وكل المسايل واضحة دون برهان

اصبحت خايف من طريق (ن)رسمته = حوله ذنوبي ترتقي والخطا بان

يا خالقي الذنب اللي سترته = ادعيك ترحم فاعله وزود غفران

استغفر الله عد خلق(ن) لمحته = واستغفره واستسمحه حيل غلطان

عبد(ن) أنا مخلوق طين (ن) قبضته= ارحمه لا جالك مكفن ووجلان

ابرجع بقلبي لرب (ن) عبدته= وادعيه يغفر زلتي وكل انسان

المصحف الغالي بيدي لمسته = ابكي انقطاعي عنه بالحيل ولهان

من كثر شوقي مسجدي من دخلته= خريت ساجد والمداميع طوفان

القلب مشروح لرب طلبته= والهم اصبح في خبر كان ما كان

هذا قراري عن قناعة كتبته = ما يلزمه شور (ن)و تبديل عنوان



خربشة قلم /أوراق الخريف
 

دنيا غريبة ما تجاريك بته= تباعد الخطوات وان كنت تيهان

كل على حاله يلوح بكرته=وينسى عزيز (ن)في مصالحه لو كان

ماشاء الله قمةة الأبداع ‘

صح لسانك خيتو ‘

احلا فايف ستارز :)

دمتي بخير ‘
 

دنيا غريبة ما تجاريك بته= تباعد الخطوات وان كنت تيهان

كل على حاله يلوح بكرته=وينسى عزيز (ن)في مصالحه لو كان

ماشاء الله قمةة الأبداع ‘

صح لسانك خيتو ‘

احلا فايف ستارز :)

دمتي بخير ‘

يالبى قلبك ياᵽ¡ҋʞ ║•

تسلمي غاليتي على الفايف استار

والله يعطيك ألف عافية ولا يحرمنا منك يالغلا

لك خالص ودي
 
عودة
أعلى