تناهيد شعرية

رد: تنــــــــاهيـــد شعرية






دنيا عجيبة كم من العالم أنهار
والخلق راحوا والنهايات تحكي


مرت سنين ولا كسر راس بشار
وسيده بمصر اليوم منزوع يشكي


جور الزمن خلا المجانين تختار
تركض مع العلمان والحق يبكي


اللهم انصر الإسلام والمسلمين وأذل الشرك والمشركين ودمر أعداء الدين
اللهم امين


أوراق الخريف
 
رد: تنــــــــاهيـــد شعرية



اليوم مثل الأمس والغد مثله
دارت رحى الأيام والعمر محدود


واللي فطن بالخير يزداد فعله
يعمر لدار الخلد ويمد ويجود


كلي عتب لمقاطع الرحم وش له
وشلون تحيا بالرخا قاطع عهود


والجاحد المغتر بالمال وأهله
مابين طرفه عين فاقد ومفقود


لتكون عبرة في حكايات رحلة
مضرب مثل والمنتهى حفرة و دود

أوراق الخريف

 
رد: تنــــــــاهيـــد شعرية



صباح الخير ياعالم عسى قلب الأمل مجبور
صباح يداعب أجفانن ستار الليل اسرها


اذا زارتني الذكرى تسابق دمعي المستور
رغم ضعفي دعيت الله عسى ربي يناصرها


تمنيت الرجولة يوم وأخلي الدم له مهدور
حياة الذل تشقيني ودمع أخوان كاسرها


انا الخنسا وانا خولة لها قصة نصر بسطور
وجدي المعتصم بالله اذا طالت يقصرها


سألته فالق الاصباح من الظلمات شق النور
يعجل نصرة الإسلام على طغيان قاهرها


ولو طالت حبال الظلم بلحظة ينكبه مثبور
ولاهو ناسين خلقه بعد كسره يجبرها


الا ياجرح أمتنا تصبر بالصبر مأجور
ومالك غير رب الناس بعد تخريب يعمرها
ومالك غير رب الناس بعد تخريب يعمرها
ومالك غير رب الناس بعد تخريب يعمرها


أوراق الخريف
 
رد: تنــــــــاهيـــد شعرية

[FONT=.Helvetica NeueUI]عشرين مرت كنها ليلة ويوم [/FONT]
[FONT=.Helvetica NeueUI]الامس اول يوم واليوم تالي [/FONT]
[FONT=.Helvetica NeueUI]
[/FONT]

[FONT=.Helvetica NeueUI]واقبل مع العشر البقيات والصوم[/FONT]
[FONT=.Helvetica NeueUI]ليله بألف اشهور خير الليالي[/FONT]
[FONT=.Helvetica NeueUI]
[/FONT]

[FONT=.Helvetica NeueUI]
[/FONT]

[FONT=.Helvetica NeueUI]يارب بلغنا مع وقتها نقوم [/FONT]
[FONT=.Helvetica NeueUI]واعتق رقاب الخلق ارفق بحالي[/FONT]
[FONT=.Helvetica NeueUI]
[/FONT]

[FONT=.Helvetica NeueUI]
[/FONT]

[FONT=.Helvetica NeueUI]و أشرقت شمس العشر الأواخر اللهم اعتق رقابنا من النار ♡♡[/FONT]
[FONT=.Helvetica NeueUI]
[/FONT]

[FONT=.Helvetica NeueUI] أوراق الخريف [/FONT]
 
رد: تنــــــــاهيـــد شعرية

اليوم ياجمعة مع الدمع بنعيك
مدري على التفريط هلت دموعي




جانا وداعك سهم وفراق يشكيك
شهر الفضايل راح بأحلى جموعي




الوداع يا فجر اخر جمعه في رمضان ،


اسأل الله ان يجمعنا جميعا في مستقر
رحمت ، ويغفر ذنوبنا ، ويعتقنا من النار ،
رحمنا الله واياكم .،!

اختكم في الله / أوراق الخريف​
 
رد: عاد عيدي






احمد الله يوم تممنا الصيام
واشكره واثني على فضله وازيد


عاد عيدي هالسنة والحزن قام
ياجروح الكون جرحي لك جديد


في غياب الروح ما ينفع كلام
لا ولا يجبر مصاب الفقد عيد


اذكر انه قبل عامن بالتمام
حولي الضحكة مع عيشن رغيد


يوم راحت حل بالدنيا ظلام
كني اللي مات وبلحدي وسيد


ليتني رجال لا دبر وقام
كان رحت لقبرها زاير وحيد


علموها وبلغوا عني السلام
مانسيت اعلومها هذا أكيد


وان عيدي وان تجنبت الملام
طعمه ادموع من الطرف السهيد

وان حزني ما سكن بمرور عام
ذكريات الفقد ياعالم تبيد

أوراق الخريف​
 
التعديل الأخير:
رد: تنــــــــاهيـــد شعرية

مرت بي الذكرى على غير ميعاد
مر النسيم اللي مع الليل يسري


عام مضى مابين مقرب ومبعاد
واشياء اخرى منها ضاق صدري




وعرفت ان الموقف المر ينعاد
وجرح الغوالي مستحيلات يبري




لا تحسب اللي فات بالأمس ماعاد
وان بعتني ياهيه مازلت بشري


اشري لي الراحة على حفنة اسعاد
واحفر لكل أسباب ماصار قبري


أوراق الخريف
 
رد: تنــــــــاهيـــد شعرية

مابقالي شي يجبرني أعيش
كيف والراحة مع همي تموت


طرت في جوه وأنا منزوع ريش
والشقا يحكي بلا حرفن وصوت


ضاع وقتي بين تحطيم وهشيش
واستكان الجرح والحل السكوت


صدقوني مابعد هالعيش عيش
بهجره واقدر على بعده وأعيش


ماوفيت ولا هجرت بوقت طيش
هو نصيب وقبل ما يولد يموت


أوراق الخريف
 
رد: تنــــــــاهيـــد شعرية

احتاج وصلك واعتزل باقي الناس
واختار قربك لو يكون اغترابي


انت الأمان بدنيتي وانت الأنفاس
تعال خفف لوعتي مع عذابي


هواك دق بداخلي كل الاجراس
يعلن عن الفرقى وهم وغيابي


أوراق الخريف​
 
رد: تنــــــــاهيـــد شعرية

قصة الطالبة شجون
الاسم / شجون
العمر /٨ سنوات
الصف / اول ( معيدةواحتمال تعيد السنة الجاية بنسبة ٩٩٪)




شجون وش صابك وبعثر حروفك
واجبر احاسيس الطفولة بك تموت


صدقت حكي اللي عذل قبل شوفك
قالوا شجون الساكتة مالها صوت


يوم التقيتك شدني فيك خوفك
طفلة على باب الأمل ترفض تفوت


حضنت كفك وارجفت بي كفوفك
وشفاتك اللي ترتعش كنها توت


شجون اسمك والشجن في وصوفك
واظنها قسوة تحاربك بسكوت


اذكر دموعك يالغلا وفي كسوفك
يومك تكلمتي معي بصوت مخفوت


تعالي احكي ودي اعرف ظروفك
باقف معك يالغالية لين ما موت


بالأمس قالت أبلتي وين اشوفك؟؟
ودي اسولف قصة البحر والحوت


قصة قسى ما وصفتها حروفك
فيها ألم خلا المشاعر بي تموت



تعليمنا مثل البلا وسط جوفك
منزوع رحمة في السجلات والنوت


هذي انا والثانية في رفوفك
أحلامنا بالأمس صارت بتابوت


أوراق الخريف
 
رد: تنــــــــاهيـــد شعرية

كل(ن) على ليلاه غنى ومرتاب
عاش بهموم الحب محدن درى به


نسى حياته انقضت كلها اكراب
ماعمر لقبره ولا قد حكى به


خلوه يذكر لو سكن تحت لتراب
ماينفعه خله ولا أخطى عذابه


ان غاب عنك الخوف الموت ماغاب
وبه يوم كلن منشغل في كتابه


عمر حياتك خير ومواصل أقراب
واللي سترك اعوام لازم تهابه


واحمده طول بالعمر عنده اسباب
منها تتوب وتبتغي له قرابه


العمر واحد والنهاية لها باب
كلن يحدد للنهايات بابه


طبعي اذكر من نسى لحظة وغاب
وادعي عسى الدعوات تلقى اجابه

أوراق الخريف
 
رد: تنــــــــاهيـــد شعرية

الموت قرب وانت بالحب لاهي
ما اقول اكره واترك الحب كله



لكن تذكر ساعة الذكر يا هي
توزن زمان اللهو الا تشله



سبحان ربي واحمده في شفاهي
والله أكبر كل لحظة نجله



ربي دعيتك في السريرة إلهي
ثبت فؤادي لا يغادر محله




خله على حب الملذات ساهي
قريب من رضواك يارب خله


أوراق الخريف
 
رد: تنــــــــاهيـــد شعرية

الا انت بعتب والعذر داخل القلب
وان قلت اسف كثر الله جميلك


مخطي بحقي وفي محبتك تغلب
بالله قلي وش عقابك دخيلك


ان جيت يمي لا تغلب وتطلب
أشر بطرف العين كلي أجيلك

أوراق الخريف
 
رد: تنــــــــاهيـــد شعرية


ليلة البارح عن البارح تقول
اقصد اللي راح من عمري بكا


حزن دايم والمواجع بي تجول
مانفع اهي ولا لساني شكا


ارتجيته لين ما كملت حول
لين همي في خفاياي ارتكا


علموه الجرح ولد بي علول
وان جرحي من فراقه انتكا


وللتنهيد بقية ...........


اوراق الخريف
 
رد: تنــــــــاهيـــد شعرية

خذيت عمري والبقا بالاماني
وحلم الطفولة كان انك عرفته

كافي جراحن دمرت لي كياني
وادمان دمع/ ن في غيابك ذرفته

أوراق
 
رد: تنــــــــاهيـــد شعرية

كفك بعيد وكفي ابعد من الشمس
والوصل بين اللي ذكرته محالي

لا تعلق اقليبك بقيفان او رمس
الحب ما هو قول الا فعالي
 
رد: تنــــــــاهيـــد شعرية


اوراق من ذاك الخريف الماضي

احلامها مابين روحة وجيه

ابوي يبقى طول عمره راضي
والوالدة في خدرها مرضيه

واشوف من اذيت لي متغاضي
والناس تتعامل بحسن النيه

ودي اكمل حلمي الهياضي
وارقى على بعض الرؤوس الحية

وما اكون في وسط الجحيم اللاضي
ربي دعيتك حقق الأمنية

أوراق الخريف
 
رد: تنــــــــاهيـــد شعرية

ياحبيبي ماعشقت سواك والله وانت تدري
وماسكن عيني من العالم شبيهك ياحبيبي

لو بغيت اني اعلمك بشعوري حب عذري
والله انه صافي لك في علن والا بغيبي

هم كثير اللي يبوني وياصلون لعمق فكري
مادروا انك رئيس الفكر كنت مبعد أو قريبي

لك فخر اني هويتك دون كل الناس وادري
واعذرك لاني احبك وانت ياعمري نصيبي


أوراق الخريف
 
رد: تنــــــــاهيـــد شعرية


كونك فسيح ودي اسكن بها عيونك
امسح دموع الحزن يا أغلى عناويني

عذرا نسيت اقول يا الزين وشلونك
واشلون عايش بدوني يانظر عيني

أوراق الخريف
 
رد: تنــــــــاهيـــد شعرية

والله من خوفي على الروح ماصرت
اقدر انام الليل واهنا بحلومي

كل ماسلكت بدرب حظي تعثرت
حتى هجر جفني من الهم نومي

يارب اغفر زلتي وان تكبرت
اصفح لجهل الخلق انت الحلومي

أوراق الخريف


 
عودة
أعلى