تناهيد شعرية

دلـــــة الشـــــــوق



يامرحبا بك ضيف كل المشاعر = من طلتك زود ناري لهبها

تعال صدر المجلس الي انت خابر= مابين خفاقي وعيني وهدبها

صبيت لك من دلة الشوق ناظر = من كثر شوقي فاض فنجاني بها

عيت توقف عند حد المخابر = وتذوقك من سم هجرك سببها

من رشفة الفنجان بتظل ساهر = وبزيد فوق السم خافي عتبها

بس اوعدك ياحب من قلب طاهر = ما غيرك انت لدلتي واتشربها



أوراق الخريف
 
اذكريني في غيابك

ياحياة الروح ابقي واوعدك واحلف يمين
تحت أمرك كل عمري وكل غالي لك يهون

ليه لابد انتفارق واحنا اكبر عاشقين
ليه في الدنيا مواني و الحبايب يرحلون

أنا بهديلك حياتي ذكرى مني لوتبين
اذكريني في غيابك واذكري من هو أكون

وان وصلتي بالسلامة ارسلي لي كلمتين
الله يرحم خل غالي لاني في قبري بكون

أوراق الخريف
 
ارهاب المشاعر

مانسيت انك سبب كل الجراح = وانت حارمني حياة العاشقين

واذكر ان الدم عندك مستباح = من قتلت الشوق واحييت الأنين

انت ارهابي المشاعر ولك سلاح =تعرفه واعرفه زين زين

من غرورك شوف قصر الحب طاح= واغرقه صدك وهجرانك يدين

الله اكبر من جيوشك والرماح= استحلت قلب معشوقك سنين

الأسير ان طال سجنه في تراح= في سجونك المأبد لي يزين

وللتنهيد بقية ......

أوراق الخريف
 
24/10 /1432هـ

جيتك وأنا احمل لك من الود معنى= واحمل من أشواقي وعالي طموحي

وقفت عند أبواب قلبك ولا أقوى= احكم زمام القلب يومك تروحي

احترت امسح دمعتي دون شكوى= والا مع الأشواق ارسل دموعي

ارحم عزيز (ن) ذل والحب دعوى= ما يعرف العالي بشانه شفوعي

كل شرب من كاس هالذل وأروى=عمق العروووق النابضة والخفوقي

جيتك وأنا مثل السجلات تطوى= سطره فرح ممزوج بالحزن بوحي

أوراق الخريف
 
جتني رسالة

جتني رسالة تحمل الشوق فسطور= والدعوة اني أنتمي لمنتداهم

واكون عضوة تكتب الحب وشعور= يسمى همس الروح ان حد جاهم

ما يعرفون اني هنا حيل مأسور= ومشاعري تأبى تلبي نداهم

عبير حبيتك وبالحب معذور= والله ماغيرك لفتني هواهم

جيتك تسيرني حلاوتك والنور= وأصبحت عضوة مميزة بمنتداهم

عبير عشاقك ملايين يالنور= ومشاعري مليون أو محتراهم

أخاف يخطفني مع الوقت مسعور= وأخاف أوصل بالحكي لمستواهم


أوراق الخريف
 
فارس وبدوية

يوم ناداني خياله في ليال سرمدية

يذكر أيام خوالي حيل عانى من تعبها






ماتمالكت المدامع يوم عاتبني و فيه

من جراح الوقت حمل من عرفها ما قربها






لو تعدد في عيوبه زاد فيه الجاذبية

وان يباري من بسنه أصعب الجولة كسبها






مثل طفل لا حضني زد حضنه في يديه

وارتمى راسه بصدري والمدامع هو سكبها






يرسل التنهيد قلبه يم قلبي والبلية

ان قلبي دون قلبه درع يحمي من غضبها





وا فديته ليت روحي ترسلله كالهدية
من سكن فيها سنين(ن) له بلحظة لو طلبها




في عيونه سحر واضح ماعزم للسحر نية
يوم يرمش لي بجفنه اسرتني في هدبها




لا تكلم جيت كلي اسمع ألحان شجية
تلتظي نيران حبه وهو يزود في حطبها




إن رفع بالراس شامخ فوق كل الادمية
المراجل من صفاته والكرامة هو سببها




ثار بعتابه يبين ملابسات في القضية
والحقيقة نجم لامع والشهادة ما كذبها




سيرتنا العوايد ((ابن عم للبنية))

ما تحرر من يمينه حتى لو غيره طلبها




الصحارى والحبارى وفارس ويا بدوية
قصة بالعشق زانت لكن الله ما كتبها



أوراق الخريف
 
رد: تنــــــــاهيـــد شعرية

مجاراة شاعر

صدقت ياللي جيتنا تنظم أشعار = وتقول كلمة صدق هم وبالي

هذي حقيقة مابها ظن وغبار = نتبع بنات الشات وحتى العيالي

اصبر بعد أيام مابين الأمصار = بنت السعود تسوق ياهم لالي

وتزاحمك في السوق تنشد عن خيار= وعباتها بتكون غتر وعقالي

ويصير همك تبعد القلب ان جار = لأن الفتن بتزيد من كل جالي

أوراق الخريف
 
محتاااااااجتك

[SIZE=+0]
احتاج تحضني اذا جيت يمك = واحتاج قربك يالغلا لو ثواني

انثرلك اسراري واشاركك همك = يابوي شوقي بحر وانت المواني

أخاف ذيب الإنس يسفك بدمك= واخاف ارسم شوق لشخص اناني

محتاجتك ياروح روحي اضمك = واحتاج لك ما غير حبك سباني

لمحت دمع امي تمناك وامك = من كثر بعدك كل يوم (ن)تعاني

الروح اغلى من ريال يهمك= والحب أرقى والجسد يوم فاني
x.png

أوراق الخريف
[/SIZE]​
 
رسائل قصيرة

رسالة اعتذار

خل الزعل للي عيونه فدا لك

واقبل عذر ياتاج راسي ونظرها


رسالة حب

ياحبيب الروح تدري ماريد = غير حظنك التحف به في شتاي
لأنه ادفى ما خلق رب العبيد= غاية في وصلها تغلط خطاي



رسالة لغائب

سلام مع نسيم الليل يسابق لهفة اشواقي = عساك بخير ياصاحب سنين ماضية ماتعود

ابنشد عنك كل الناس واقولك حيل مشتاقي = ابذكر بسمة اشفاتك ولطفك ياعيوني زود

كتبت القاف من خافق عجز يوصفلك الباقي = لو ان الأمنيات تصير تمنيتك بلحظة تعود

موجة مشاعر /أوراق الخريف
 
رد: تنــــــــاهيـــد شعرية

ان جيت تكتب في ملفات الأحوال = تاريخ ميلادي ولحظة وجودي


انا انولد لي عمر من بين الأعوال= من غير يوم وشهر وعام طرودي


اللي مضى لي قبل لقياك يحتال = احسبه من عمر الفرح والسعودي


عمري هواك وحالتي عالي العال= وروحي تحبك والمشاعر تزودي


لك مسكن في قاصي القلب تختال= قصرك وحر فيه ويش للحسودي



للتنهيد بقية

أوراق الخريف
 
رد: تنــــــــاهيـــد شعرية

جتني رسالة ذكرتني بغالين = ما نسيتهم الا تجدد غلاهم

أرد بالأشواق وأهلا ملايين = ياليت عيني ساكنة في حماهم

والله ما اسأل خافقي جاي من وين ؟=خله مع الأحباب ينشد رضاهم

أوراق الخريف
 
رد: تنــــــــاهيـــد شعرية

جيتك وانا كلي امل ندفن جراح = سببتها لك وانت غالي على الروح

الحب خلاني جريح (ن) وسفاح = لجلك ولجل الحب مرخص لك الروح



أوراق الخريف

 
خطاه بس اللي يزيد انكساري*

عيا القلم لا يرسم السطر لأنه = ما ينكتب حبر(ن) على نهر جاري

حتى الورق هذي دموعي سقنه = واصبح يشاركني بهمي وناري

باع الوصال اللي عيوني شرنه = وأعلن تمرد غيبته والطواري

حتى الرسايل خايفة ما تجنه = يحرق ورقها وفي ردوده يواري

عيني تغاضت عن خطا ما ترنه = خطاه بس اللي يزيد انكساري

أوراق الخريف
 
من هو حبيبك ؟؟؟

من سأل عن سر غامض ومدفون = في وسط قلبي والمحاني حمنه


سؤال أصعب من سيربح بمليون = مابه صديق ولا يدن ساعدنه


من هو حبيبك لأنطرا حب وجنون = نجم خفا الا عيونك ترنه


قمت اتنهد وارفع الراس من دون= مانطق بسر (ن) فاضح(ن) يدركنه


واقول خلوا راعي الدر مكنون = لا تضايقوا سر الهوى وتكشفنه



أوراق الخريف
 
رد: تنــــــــاهيـــد شعرية

في وسط بحر الهموم ابحث على ذاتي = ارمي شباك الأمل وارجع ألملمها

لحظه رسمت في خاطري همي ومأساتي= نار بحشاي تزيد وهجرك يضرمها

تكفى انا في غربة الشوق مسكاتي = وردة بوسط أشواك والعبرة اكظمها

أوراق الخريف
 
التعديل الأخير:
مشتاقة لك

مشتاقة لك *

13-1.gif


ياغايب عني ترى الشوق ذباح = خلى فؤادي لك ولجلك ضحية

ان قلت راجع لي يباغتني صياح = والدمع فوق الوجن اكبر قضية

مشتاقة لك واللي خلق ورد فواح = هديتي لك والمشاعر هدية

ان جيت لك قلبي مكانك وترتاح = في وسط عيني وانت للعين ضيه

وان كنت في وقتك سعيد ومرتاح = ربي يديم أيام سعدك هنية


أوراق الخريف
 
رد: تنــــــــاهيـــد شعرية

قصيدة ق2 أهديتك احساسي



سلام لك ياسيد الروح مليووون = غصب على نفسي ارسل سلامه



من قلب لك في داخله شي مكنون= ادمن علومك مدري والله علامه



كنت اتنفس طيبتك في هوا الكون = واحملك هموم نفس (ن)ملامه



من له ابشكي وانتحب واطلب العون= لاصرت مقفي كن نوري ظلامه



مالذ لي في الليل تغميض لعيون = وما اروى ضمى شوقي نهر او غمامه



أخفيت حبك خوف تجريح وظنون = الناس غلابة بطرح الملامه



اهديتني يالخل جراح وطعون = وا هديتك احساسي وقربك مرامه



ان كان كفك يمسك الرمح مسنون= ترى بفؤادي قبل هذي علامه



قله انا من كثر مافيه مجنون = عميت عيني حب وزد بغرامه



لاصار بعدك خير يانور لعيون = ابركها من لحظات تنهي خصامه



واللحظة اللي سجلت شك وظنون = عشها لوحدك لا تدور سلامه




أوراق الخريف
 
رد: تنــــــــاهيـــد شعرية

العين تعكس كل صورة تجيها = الا انت يوم تشوف زولك تخبيه
تخاف لا غادرت عنها تعميها = نور(ن) لها تعشق خيالك تناجيه
 
رد: تنــــــــاهيـــد شعرية



انت مدري كيف ترمي كلمتك مثل الحصاه = تخدش الإحساس مني وتبقي في قلبي أثر

شوف قلبي قبل حبك كان عالي مستواه = وبعد ذاك الحب كنه طير مجروووح بمطر

اختلط دمعه بدمه وبرد قارس ما قواه = كل ما حرك جناحه نحو قلبك ينعثر

صرت أكبر عجز عشته صرت ضري وله دواه= وان تمنيتك بقربي خفت يزداد الضرر


وللتنهيد بقية....

أوراق الخريف
 
عودة
أعلى