ضميت فيك الحزن وان زاد ضميتك

غآلي

Well-known member
جرحت لي خافقي من يوم حبيتك


ياليتني ماعشقتك والهوى ذمه




ادري عطيك غلا ياليت م عطيتك


وادري بأن العطاء مثل العطر شمه




اتبعثر بكل كلمه لاتهجيتك


يا اصعب حكي في حياتي فرحته غمه]




اجيك والشوق ذابحني اذا جيتك


اصبح في عذب الغلا وامسي على سمه




ودي لو اني بودي كان خبيتك


وسط العروق وعليك الروح ملتمه




ما الومها عروق قلبي يوم عزيتك


قلب(ن) فقير وعطاه الله من يمه




لو انت فرض(ن) عليه كان أديتك


واصير لك شيخ دين ومجلس الامه




اغار لامن رأوك الناس في بيتك


واطيش لامن رميت البشت من كمه




الله على اول الى مني تقهويتك


ترهي علي لين نوصل منتهى القمه




سكرت لي هاتفك من عقب ما اهديتك


بسمات يومي وضحكاته على فمه




ما غير ماسك بجوالي من اقفيتك


اطالع بصورتك والوضع ماهمه!!




ضميت فيك الحزن وان زاد ضميتك


والحين بعد الهجر دور على الضمه!!




اسوأ شعور بغرامك لاتناسيتك


ثم عاتب الجرح [جرح(ن) من بني عمه]




روح وتذكر بأني يوم سميتك


اغلى حبيب(ن) جرى دمي على دمه




خلاص ماعدت احبك لو تضاميتك


اموت عطشان مادام الهوى ذمه


!!!

شاعرها


!!!

حمد شافي الدوسري

صح لسانه​
 
صصح لسانكك و لسان ألشاعر ,

أبيات قمه ف ألروعه ,

و تسلم إيدكك ع ألنقل ,

يعططيكك ربي ألف عافيه خخيو :) ,
 
لو انت فرض(ن) عليه كان أديتك


واصير لك شيخ دين ومجلس الامه



صح لسان الشاعر وسلمت يد الناقل مشكور عزيزي الغالي

تقبل مروري وتحياتي العطره لك
 

اغار لامن رأوك الناس في بيتك


واطيش لامن رميت البشت من كمه

قمةة الإبداع ‘!

يعطيك العافيةة ع النقل الذوق

تقبل مروري

دمت بخير :) *
 
روح وتذكر بأني يوم سميتك


اغلى حبيب(ن) جرى دمي على دمه




خلاص ماعدت احبك لو تضاميتك


اموت عطشان مادام الهوى ذمه


صح لسان قايلها
ويدين ناقلها مشكووووووووووووولر خيوووووو

تحيتي لك
 
عودة
أعلى