مغروره نفسيه(بقلمي)

هلوسة شآعر

Active member
مغروره نفسيه مدري على ايش
هاذي اللي مابيوم قد قلتها لش

تبين الصدق والكلام اللي يعيش ..؟
ترى ماتمنيت بهالدنيا إلا أتصالش

طيب افعالش.. زاد الحلا فيش
وبحة خفوقش تتل قلوب عذالش

وصوتش لاسمعته صاب الفكر تشويش
كأني كما ورعن ضايع ويلجأ لش

وليا حصل فرقى وسوء ضن وتهويش
تليت طرق الدروب وعجلها في سؤالش

الا يارهيه بطيب قلبش ترى الروح تفديش
صفي النوايا واطلبيني حلالش ومالش

من يدور الزله عليش لو بتفقيش
يبطي عظم مالقاها في وصالش

طلبتش اليا سمعتي بحة الصوت تدعيش
ترى القلب صابه وهم وروحه ديالش

وش حيلة قرمن في دروب الحب هاويش
تراش على باله لو ماهوب على بالش

..
وسلامتكم
ب قلمي( محمد بن حمد الدوسري)
 
صح لسانك على الابيات
وبارك الله فيك
صراحه قريتها كذا مره
اعجبني:

وليا حصل فرقى وسوء ضن وتهويش
تليت طرق الدروب وعجلها في سؤالش

 

الا يارهيه بطيب قلبش ترى الروح تفديش
صفي النوايا واطلبيني حلالش ومالش

من يدور الزله عليش لو بتفقيش
يبطي عظم مالقاها في وصالش

قمةة الإبداع ! !

صح لسانك خيو ‘

وبإنتظار جديدك بكل شوق ‘

دمت بخير :) *
 
وش حيلة قرمن في دروب الحب هاويش
تراش على باله لو ماهوب على بالش

رووووووووووووعه اخوي صح لسانك مبدع
 
عودة
أعلى