رواية شتات الزمن للكاتبه غربه الأحزان / كامله

رد: رواية شتات الزمن للكاتبه غربه الاأحزاااان


بعد الغدا الكل اجتمع في الحديقه سوالف وضحك واهل لندن يسألون عن اهل الكويت ورغد طول الوقت سرحانه ولاهي قادره تكون طبيعيه من كثر ماتفكر بسعود وخيانته لها .. ومن رجعت واهو يتصل عليها واهي تطنش ويرسل لها مسجات يبي يتفاهم معاها وانه تعبان من فراقها وحلف لها بأغلى ماعنده انه مستحيل يخونها بس اهي فهمت غلط .. بس ماقدرت تسامحه لان مثل ماقالت شافت الخيانه بعينها ومستحيل تجذب عيونها ..!!
فزت رغد على صوت امها : رغد
رغد : هلا يمه ..!
ام رغد : حبيبتي روحي غرفتي هاتيلي صندوق الخشب الي بخزانتي ..
رغد : ان شاءالله ..
جراح: أي عمي مالك نيه ترجع الكويت ..؟
ابو رغد : لا ان شاءلله قريب بنكون هناك ونقعد شهر تقريبا ..
جراح :على خير ان شاءالله ..
رغد:تفضلي يمه ..
اخذت ام رغد الصندوق وطلعت منه سلسال فضه على شكل عين زرقه وقربت من اشجان .واهي تبتسم : هذا لج يابنتي ..!
اشجان بفرح :الله لا يحرمني منكم ياخالتي .. مشكووره ..
ام رغد : العفو حبيبتي تستاهلينه يالغاليه ..
.....
صار المغرب وام رغد وابوها اطلعوا من البيت واتركوا البنات وجراح وكان هالشي من طلب جراح نفسه لان يبي يتكلم براحته مع رغد ..
ادخلوا الصاله وراحت رغد اتيب لهم عصير ومكسرات واهي طالعه حست بقلبها ينغزها وطاحت الصينيه من ايدها .. سمعوا الصوت اشجان وجراح وراحوا يركضون لها ..
جراح بخووف :صار لج شي ...؟؟
رغد بعيون مليانه دموع وشفايفه ترجف بقوه :...
اشجان قلبها مقطعها عليها قربت منها ولمتها:اسم الله عليج حبيبتي .. شفيييج ؟؟
رغد بصوت متقطع تترجى جراح :دق على سعود شوفه وين ؟؟
جراح بإستغراب:شصاير تكلمي ؟؟!
رغد بخوف:مادري ياجراح قلبي ناغزني حسيت انه فيه شي صاير له اكييد .. اهو من امس يتصل وانا مارد واليوم مادري عنه اكيد صار له شي جراح تكفى أسال عنه شوفه ..!
جراح يطمنها :الحين بتصل فيه لا تخافين ومافيه الا العافيه ..
تم جراح يتصل واشجان حاضنه رغد حييل وتفكر بحب رغد وسعود وشنو الي صاير بينهم عشان كل هالتوتر ..
جراح اختبص: مايرد !!
علا صوت شهقات رغد :كنت حاسه .. انا بقوم ايب تليفوني بحاول ..
راحت غرفتها بسرعه واشجان وراها واول مامسكت التليفون حصلت فيه مكالمه من رقم غريب ومسج افتحت المسج واهي ترجف وكان من نفس الرقم : مرحبا رغد .. انا جابر
سعود محتاجج بالمستشفى تكفين لاتقسين عليه اكثر وتعالي ..]
رغد بصوت عالي :لا
جراح بخوف وقف عند باب الغرفه ماقدر يكمل حس في شي صار :
اشجان:شفييه شصاير تكلمي ؟؟
رغد من بين دموعها : سعود بالمستشفى تعبان .. انا السبب انا ..
دخل جراح ومسكها من ايدينها ووقفها قريب منه واهو يمسح دموعها:لاتبجين وانا معاج لبسي وانا انتظركم تحت .. وانتي شجونه خليج معاها ساعديها لا تتأخرون ..
,,,,
جابر:ليش سويت جذي ياسعود لييششش ؟؟ ياليتها تستاهل الي قاعد تسويه عشانها انت مظلوم واهي ماقددرت موقفك ..
سعود ودموعه تنزل بصمت واهو عاجز عن الحركه والكلام من قوه الحادث وكأن دموعه تشرح لصديقه معاناته وحبه الكبير لرغد وانها اكيد تستاهل .. بس بالموضوع في سوء فهم ولابد بيوم بيتوضح ..!!
وصلت بهاللحظه رغد عند باب الغرفه وكان جابر تو بيطلع منها وقابلها بعيون مليانه حزن وأسى على سعود تمتم لها بكلمتين وطلع:ظلمتيه يابنت الناس ..!!
ماتحملت رغد اكثر وادخلت الغرفه واهي تجر خطواتها بخوف على سعود .. كافي الايام الي فارقته فيها والجرح الي ساكن وسط صدرها .. اكبر من انها تتحمل وقفت قريب منه واهي تبجي على المنظر الي شافته .. ايده وريله مكسورين ورقبته وويهه كله جرووح وحاله يقطع قلب الكافر .. امسكت ايده اليسار واهي تشاهق:سعووووود
فتح عينه على صوتها وكأنه الحياه ردت بقلبه .. وكان يشوف صورتها مشوشه جدام عينه من كثر التعب حرك اصابعه عشان يحس فيها ولف بأنظاره عليها .. ارفعت راسها تشوفه من فتح عينه واهي تبجي وتشاهق : ليشش تبي تخلينييي ليششش ؟؟
سعود بهمس:لاتبجين ..
رغد بدت تفقد عقلها واهي تحس انه بيفارقها من كثر الكسور والتعب الي اهو فيه .. صرخت من بين دموعها:لاتخلينييييي لا تخلينيي ..
سعود بهمس اقرب للسكوت:الموت اقرب من فراقج ..
طق الباب جراح ودخل قرب من بنت عمه وبعدها عن سعود:لاتسوين بنفسج جذي ارحميه عالاقل ..
طاحت بحضنه واهي تبجي:قوله لا يخليني .. انا راضيه بكل شي منه وبسامحه بس لا يخلينيييي
جراح حاس فيها:ماراح يخليج طولي بالج تعالي معاي الحين ..
اخذها وتركها برا عند اشجان ورجع يتطمن على سعود وماتركه لين رجع نام ..
,,
 
رد: رواية شتات الزمن للكاتبه غربه الاأحزاااان


مر 3 ايام وبدت حالت سعود تتحسن ورغد كل يوم كانت تروح له وتحس شي داخلها يعذبها نظراته كلامه دموعه واهو مغمض عيونه .. تحس بقلبه كلام بيقوله بس مو قادر من التعب ..
واليوم كانت المواجهه بينهم على موضوع خيانته لها ..
كان قاعد على السرير ورغد على الكرسي يمه .. غمض عيونه بألم وعبره خانقته : رغد !!
رغد بخوف:هلا .!
سعود تعالي قعدي يمي . عشان تسمعيني عدل موقادر اخبي اكثر من جذي
لبت رغبته واقعدت يمه عشان ماتتعبه بالكلام .. مسك اصابعها بين اصابعه وغمض عيونه واهي منزله راسها : رغد سمعي كلامي للاخر .. وبعدين علقي .. انا لما حبيتج .. حبيتج وبعت كل الناس وانتي عارفه هالشي ..
بس الي ماتعرفينه .. اني ماخنتج !!
عورها قلبها ورجعت تشوف نفس الملامح نفس الصوره جدام عينها وكأنه يطعن فيها غمضت عينها وكان ودها تسكر اذونها ماتبي تحسه يجذب عليها لان مافي مبرر للي شافته ..!!
سعود حس انها تتذكر الي شافته ضغط على ايدها اكثر : ادري شنو تفكرين فيه بس الي صار مو نفس الي فهمتيه ..
البنت الي كانت معاي مالي أي علاقه معاها .. وانتي لو فكرتي شوي .. انا ماعرف ارقص سلو صح ؟
استغربت من السؤال :..!!
سعود:ردي علي صح والا لا ؟!
رغد تذكرت انها مره اطلبوا منه الشباب يرقص معاها بحفله عيد ميلادها السنه الي فاتت وماقدر لانه مايعرف :بلى صح ..!
سعود ارتاح:المهم وانا قررت انه بعيد ميلادج الياي اني بكون متعلم عشان نرقصها .. والي شفتيها معاي يارغد كانت المدربه ووقتها انا كنت تعبان ماقدرت اروح لها فهي مامانعت انها اتيي وتساعدني لاني قلت لها عن الموضوع واني مستعجل وابي اتعلم بسرعه .. عشان تكون مفاجأه عيد ميلادج ... وهذي كل السالفه .. وانا مستحيل اكون حقير لهالدرجه وافكر اخونج وانا الي كنت مفكر بعد ماترجعون الكويت بخطبج رسمي .. بس انتي فهمتيني غلط ولاعطيتيني فرصه افهمج السالفه ..!!!
رغد تحس قلبها وعقلها بيوقفون من الصدمه .. تحس بالفرحه ودها تصارخ وبنفس الوقت خجلانه من الي سوته وموقادره تحط عينها بعينه .. عذبت نفسها وعذبته معاها بس ماكان بيدها من شافت البنت معاه ماقدرت تفكر الا انه خانها ..!!
سعود يشد على اصابعها:وين رحتي ؟؟ للحين مو مصدقه ..؟!
التفتت عليه وبعيونها دموع الاعتذار والاسف والأسى على الايام الي عاشوها اهما الاثنين .. اهي الحبيبه المجروحه واهو الحبيب المظلوم من حبيبته .. اثنينهم شعورهم اصعب من الثاني ..
ابتسم لها وشجعها تنسى الي صار وتساعده ينسى ويقوى ويرجع مثل اول ويقدر يمشي بأسرع وقت ..!
وصل الخبر حق اشجان وجراح واعزموهم بهالمناسبه الحلوه وبعدها اطلعوا اشجان وجراح يكملون شهر عسلهم الي اعتفس من اول يومين مع رغد بس الحمدلله بالاخير تصلحت الامور وتحسنت بينهم ..
كانوا اشجان وجراح يتمشون بشوارع استراليا واهو ضامها قريب منه :عصفورتي !
اشجان:هلا حبيبي
جراح:ماتحسيين باليوع ؟؟ لنا ساعات نمشي ..!
اشجان ::اممممم بلى
جراح:انزين تعالي مني في خوش مطعم بيعجبج !!
اشجان:يلا .!
ادخلوا المطعم وكان دافي عكس الجو برا اول ماقعدوا افصخوا الجاكيتات لان الجو حلو ..
اشجان:حلووو هالمكان
جراح:اكيد لانه من اختياري
اشجان:عشتوا وايد واثق ..لا مو حلو بس كنت اجاملك !!
جراح يقرص خدودها:نصابه ..
اشجان:ههههههه .. مابيك تتدلع عليي
جراح: اذا ما اتدلع عليج اتدلع على منو .. تبين اشوف غيرج يعنني ؟؟!
اشجان تشهق : لا تقدر بسس
جراح:يمه منج تخوفييين لاعصبتي .!
اشجان :تطنز ؟!
جراح يضحك:والله تهبلين وانتي معصبه والبرد لاعب بخشمج صاير احمرررر
اشجان استحت:يوووه خلاص عاد ..
فجأه اشجان قامت تضحك .. وجراح مستغرب منها : شفييج شنو الي يضحك ؟؟
اشجان : ههه هههه ههههه انت شنو سويت تو ؟؟
جراح : انا !!!! بسم الله على عقلج شسويت ؟؟
اشجان:هههههههههه والله احبها لانها عفويه وتذكرني بطفولتك ..
جراح:هههههههه اما الطفوله فلم رومانسي ولا احلى ..! هههههههه
اشجان:ههههههههه لاتذكرني تكفى .. كافي تو بحركتك موتني ضحك ..
جراح :: يووو يلا تكلمي شسووويت ؟؟ اييييييي ايييييييييي تذكرت .. ههههههههه تقصدين هذي الحركه ؟؟ << وسواها لها
اشجان : ههههههههه اييي
جراح :ههههههههههه
اكيد تذكرونها .. حركت جراح من يمرر اصبعه السبابه على خشمه ... كانت حركته بالطفوله وكبر وللحين يسويها وصارت عاده ملازمته ..
اطلبوا العشى بعد هالضحك وتعشوا بهدووء يتخلله بعض الكلمات البسيطه .!
........

حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
 
رد: رواية شتات الزمن للكاتبه غربه الاأحزاااان


دخل جراح غرفتهم وشافها واقفه بالبلكونه وتسمع فيروز قرب منها واهي سرحانه ومو منتبهه عليه حط ادينه حوالين خصرها وشدها عليه .. خافت بدايه ومن شافته ابتسمت له بخجل :هلا حبيبي متى رجعت ؟!
جراح بحب : اشتقت لج وماقدرت اطول ..
اشجان باهتمام واهي بين ادينه:وسعود شلونه الحين ؟
جراح:بخير الحمدلله .. وتحسنت حالته اكثر بعد ماترضى مع رغد وامورهم تعدلت .. وقريب بيروح يخطبها رسمي .
اشجان بفرح:الله وناسه
جراح:الله يوفقهم يارب ..
اشجان:جراح..
جراح:عيونه وقلبه ؟
اشجان تبتسم:فديت عيونك انا بس كنت ابي اكلم اهلي ..
طلع تليفونه من جاكيته واتصل لها على طول بدون لايتكلم .. يتمنى انها تطلب منه اغلا شي بالدنيا عشان بس يسعدها .. شاف ملامحها الفرحانه واهي تكلم اهلها وتطمنهم عليها وتقول لهم بصوت واطي شلون اهي تحب جراح .. وجراح كان يستانس عليها ويبتسم على حركاتها الحلوه . . وبعد ماخلصت وسكرت قربت منه تعطيه التليفون :مشكووور حبيبي
جراح:بس مشكور
اشجان:اممممم شنو بعد تبي ؟!
جراح:انتي تعرفين حبيبج شنو يبي !!
اشجان بخجل : مو الحين..
جراح:بووستي يلا
اشجان تعض شفايفها :جراح
جراح :اووص يلا
اشجان بخجل قربت منه وباست خدوده ..
يمسكها ويقربها اكثر:بوستي مو هذي لاتسكتيني يلا هاتيها... صارت تضحك عليه تعرفه بيقعد يحن لين ياخذ بوسته .. قربت اكثر باسته وابعدت بسرعه ..
جراح:اح ياحلووج
............
اشجان: يلا حبيبي كاني نزلت ...
جراح:وين تهقين بنحصلهم مدينه الالعاب هذي كبيره
اشجان:مادري بس رغد قالت لي بتكون عند نافوره من الجانب الثاني ..
جراح :أي عرفتها .. يلا تعالي هالصووب
مسكها من ايدها عشان لاتضيع منه الزحمه فضيعه .. وبعد ماوصلوا شافوا رغد موجوده تنتظرهم وسعوده كان معاها ..
جراح:مرحبا
سعود:مراحب . هلا وغلا شخبارك
جراح:هلا بك اكثر الحمدلله وانت شلونك الحين ؟
سعود يخز رغد:دام الغالين راضين علينا احنا بخير ان شاءلله ..
رغد واشجان يضحكون على كلام سعود ..
رغد:يلا انتوا مطولين ؟ ترا انا فيني طاقه ابي العب ..!
اشجان:أي حتى انا
جراح يخز اشجان: انتي شنو ؟
لفت عليه واهي حاطه اصبعها بحلجها تفكر شنو تلعب اول شي : اممممم انا ابي العب اول شي قطار الموت ..
جراح:لا ماتلعبين
اشجان بزعل:يوو ليش 
جراح:اخاف عليج
رغد:لالالالا حبيبي مافي شي اسمه اخاف عليج .. يلا كلنا راح نلعب واترك هالكلام عنك
سعود تدخل: أي والله الكل بيلعب .. يلا هات مرتك وتعال انا باخذكم ونفتر ..
اشجان تبتسم بانتصار:شوف انا ماتكلمت اهما الي تكلموا عني
جراح يقرص خدها:انتي بكل مكان الناس توقف معاج .. يلا استانسي بس مو اذا صار فيج شي تقعدين تبجين ..
اشجان واهي تضحك:اذا بجيت لا تسكتني ..
جراح:قدها .. هين يلا يا شجونه روحي ونشوف تاليها
راحوا مع بعض يلعبون واركبوا قطار الموت وجراح اول شي رفض يلعب بس مع اصرار شجن ركب يمها وكانت قمه بالمتعه وصراخ الناس يزيدها متعه ووناسه واشجان تضحك ومستانسه كأنها ياهل موحاسه بالي حوالينها ..
بعد ما انزلوا تموا يتمشون ويشترون حلويات وشبسات وعصاير ومر الوقت لعب ووناسه ..
التفت جراح بيكلم اشجان:شجونتيي !!!
بس انصدم اشجان مو معاهم !!!!! وينها ؟
جراح بخوف :رغد وين اشجان ؟؟
رغد تلتفت حوالينها :ها ؟ مادري توها كانت يمنا ..
سعود:لاتخافون توها كانت يمنا اكيد مو بعيده تعالوا ندورها ..
جراح مات خوف المكان كبير واشجان خوافه بطريقه فضيعه شلون ما انتبه عليها ...
....
وبالصوب الثاني اشجان كانت خايفه وتمشي وتتلفت وتنادي : جراح .. رغد
ومافي احد كان يسمعها صوت الالعاب والناس ازعاج .. تمت تصارخ وتنادي بس بدون فايده:ياربي انا ضعت !!!!
بدا الخوف يتسلل قلبها أكثر وبدت دموعها تنزل على خدها بقوه: جراح .. ويننننك ..
ياربي وين الاقيهم..ليش ضيعوني وين خلووونيييييي
تمت قاعده عالكرسي واهي تبجيييي ..
....
جراح بعصبيه:وين راحت لنا ساعه ندور وماحصلنا
رغد بدت تخاف اكثر لان لهم ساعه يدورون ومالقوها
تم جراح يضرب ادينه فبعض ومره يمررها بين شعره واهو يتلفت يمين يسار يروح جدام ويرجع ورا من التوتر موعارف أي طريج ياخذ .. راح يمشي ناحيه اليمين واهو ينادي : اشجان .. اشجان .. اشجان
اشجان كانت قاعده واسمعت احد يناديها وقفت واهي حاطه ادينها على حلجها اول ماشافته انهارت بجيي :جراح انا اهنييييي
التفت جراح عالصوت وشافها واقفه وادينها مسكره على حلجها
راح لها ركض واول ماوصل لها طاحت بحضنه واهي تبجيييي:وين خليتونيييي .. انا خايفه حيييل
واهو ضامها حيل ويحس برعشه جسمها تم يهدي عليها :بسم الله علييج لاتخافين حبيبتي لاتخافين .. بس انتي شلون ضعتي ...؟
اشجان من بين دموعها واهي دافنه نفسها بحضنه وشادته حيل عليها:مادري طلعت من الحمام كنت مع رغد ومالقيتكم .. اهي اهي اهي
جراح:خلاص حبيبتي خلاص لاتبجين .. عشان خاطري تهدين شووي
كملت اشجان بجيها واهي بحضنه ..
رغد بتعب تتنفس بقوه:اوووف تعال كاهم ..
سعود:والله انتوا متفرغين لك ساعه ضامها واحنا ندور ياخي جان قلت لنا
ابعدت اشجان عنه واهي تمسح دموعها .. تكلم جراح:والله طيحت قلوبنا ولها ساعه تبجي
راحت لها رغد ولمتها تهدي عليها..
سعود:يلا بعد هالتعب .. يبي لنا عشا محترررررررررم وانا عازمكم بمناسبه سلامة اختي شجونه
جراح:ماراح اردك كنت انا بعزمكم .. بس يلام مقبوله عزيمتك .. يلا بنات مشينا ...
بعد العشا كل واحد رجع على بيته يرتاح ..
,,
جراح:تعالي
قربت منه واقعدت عالسرير مقابلته:هلا ..
عدل قعدته ومسك ويهها بأدينه:ليش للحين احسج خايفه ؟
اشجان بتوتر:لا مافيني شي ..!
جراح:حبيبتي !!
اشجان:هلا ؟!
سحبها صوبه وتركها على صدره بدون لايتكلم .. اكتفى انه يحسسه بحنانه !!
....
مرت الايام بإستراليا احلى ايام واحلى لحظات بين اشجان وجراح ومستحيل يمر يوم من الايام وينسون هاللحظات الحلوه . .
وتمر الايام والشهور على كل ابطال قصتنا وتتجدد المواقف والاحداث
,,
 
رد: رواية شتات الزمن للكاتبه غربه الاأحزاااان


أم راشد:يمه جراح ابيك بموضوع !!
جراح كان يشرب قهوه وباله بعيد:هلا يمه امري ؟!
ام راشد:والله ياولدي مادري شنوا قولك .. بسس انا احاتيك وصرت خايفه عليكم .. واشجان بنت اخوي بس مو معنى هذا اني اسكت وما اتكلم ..
جراح حس بالي تبي تتكلم فيه امه .: شنو الموضوع خوفتيني ؟!
ام راشد:مرتك لها سنه وللحين ما حملت ولا رحتوا تشوفون طبيب ؟؟ وهالشي مايصير ..
جراح :يمه ..! تو الناس ..
ام راشد:شنو تو الناس ؟؟؟
جراح:يعني تو الناس .. مو مستعجلين .. خلينا براحتنا .. وان شاءالله مافي الا العافيه ..
...
اشجان حاسه بألم جراح واهله بس موقادره تسوي شي .. اذا اختارت الطفل بحياتهم يعني تبيع حياتها وحياة جراح الي اهو حبيبها وكل حياتها ...
دخل جراح الغرفه وكان واضح عليه الضيقه والزعل من كلام امه واصرارها عليه انهم يعالجون اذا كان فيهم شي ..
اشجان بخوف:فيك شي قلبي ؟
جراح بإهتمام:لا حبيبتي مافيني شي .. بس دايخ وابي انام لاتحاتين..
اوقفت كانت تبي تطلع بس مسكها من ايدها:تعالي لاتخليني ..
اشجان وقلبها يدق بقوه من نظراته ولمسته .. ارجعت واقعدت يمه:بسم الله عليك حبيبي .. اذا فيك شي قولي ..
جراح:وغلاج مافيني الا الخير بس خليج عندي وهذا بحد ذاته يكفيني ..!
اشجان تبتسم بألم : فديتك انا بتم معاك لاخر يوم بعمري !!
,,,
ريم:بس ياشجونه مايصير الي تسوينه صارحيه وايد احسن .
اشجان تبجي:اخاف اذا صارحته يزعل مني !!
ريم:لا جراح يحبج وانتي كل حياته مستحيل يزعل منج يمكن يتفهم موقفج بس مايزعل منج مستحييييييل..
اشجان بخوف: مادري والله مادري .. خلاص ريمي انا اخليج الحين واكلمج بعد شوووي ..
ريم:اوكي حبيبتي واذا صار معاج شي يديد قوليلي ..
اشجان:اوكي حياتي .. باي
ريم:باي ..
,,
الساعه 7 بالليل :
جراح:شجونتي انا طالع مع الشباب شوي وارجع تامرين على شي ؟؟
اشجان:لا حبيبي سلامتك ,,
جراح:الله يسلمج .. تجهزي امرج الساعه 8ونص بنطلع نتمشى شوي ..
اشجان:: اووكي قلبي بنتظرك ,,
قرب منها باسها على خدها بحنان وطلع,,
اشجان ودموعها على خدها:ياربي عليك ياجراح .كل يوم يزيد حبي لك وقلبي يتقطع عليك اكثثثثثر شسوي ياربي ساعدني ..
طلع جراح وراحت تبي تاخذ حبوب مانع الحمل طلعته من تحت ملابسها تو بتحطه بحلجها والا توقف مصدوومه ,, ج ررراح !!!
من الخوف والربكه خلت يحس انه فيها شي مو طبيعي .. قرب منها اكثر وسحب شريط الحبوب من ايدها وانصدم من الي شافته عينه !!!
جراح بتوتر:شنو هذا ؟؟؟؟؟!
اشجان بخووف وتوتر :هذا هذا !!
جراح فقد اعصابه ماحس الا بالكف على خدها خلها تطيح بالارررض ..
والاثنين مصدومين من الموقف واشجان بالارض ايدها على خدها ودموعها وصوت بجيها واصل اخر الدنيا ..
حذف الشريط عليها : هذا اخر شي كنت متوقعه منج يا اشجان .. حبوب منع حمل ليييييييييييييش ؟؟
مو حرام عليج مووو حرام ؟؟ شلون هنت عليج شلون تسوين فيني جذي شلون ترفضيني بهالطريقه البشعه ؟؟ ماتبيني يا بنت الناس كان قلتيييي وماخليتج لحظه على ذمتي مو ترفضيني بهالطريقه .. لا مو مصدق عيووووني مو مصدق الي يصيييييير ,,,
حرام عليج,,,,
طلع وتركها بصدمتها ودموعها تلملم ماتبقى لها من جرووح ..
...
جاسم:< صديق جراح المقرب ..
شفيك ليش كل هالعصبيه والتوتر صاير شي ؟
جراح:جاسم الله يخليك اسكت عني ... الي فيني مكفيني ..
جاسم:اوكي بسكت بس طول بالك . اول مره اشوفك معصب جذي .. طول بالك واذكر الله.
جراح:لا اله الا الله ...
جاسم:قولي شفيك ؟
جراح وادينه على راسه:متضايق ..
جاسم:انت قلت لي بتنزل تاخذ اغراضك نسيتها ورجعت لي نار وشرار في احد قالك شي بالبيت زعلك؟
جراح بحزن: خلاف بسيط مع زوجتي!!
جاسم مصدوم:لا جراح ما اتوقع انت وزوجتك يصير بينكم شي يخليك تهيج بهالصوره .. انتوا تعشقون بعض لاتخلي أي موقف بسيط يخرب الي بينكم .. ارجع وتفاهم معاها لا تهرب بهالصوره والوقت تأخر ..
جراح:مابي اشوفها اليوم ..
جاسم:اهي بحاجتك مهما كان روح لها صدقني تبيك الحين روح لها ..
جراح بنظرات كلها حزن وتذكر الي صار وتذكر انه طقها اول مره بحياته .. وفجأه تذكر شي لخبط كل كيانه ..
أشجان: مهما صار بينا بيوم من الايام من خلاف لاتفكر تطقني .. اكرهك وقتها وانا مافكر بيوم اني اكرهك !!!!
جراح:لا
جاسم:بسم الله شفيييك ؟
جراح:انا راجع البيت تامر على شي ؟؟
جاسم:ابي سلامتك .. بس خلني انا اوصلك ..
جراح:لا لا انا اروح .. مع السلامه..
جاسم:مع السلامه وانتبه على نفسك..
جراح:اوكي لاتحاتي ..
,,,
وصل جراح البيت وشاف امه البيت ظلمه والكل نايم مر من صوب غرفه اخته وفجأه اطلعت بويهه:جراح؟
جراح:هلا اروى.
اروى:تو ترجع ؟
جراح:أي
اروى:فيك شي ؟
جراح:لا.. بس بسألج اشجان ماطلعت اليوم من غرفتها ؟
اروى: لا ماطلعت وطرشت عليها الخدامه مرتين ومانزلت ..
جراح بخوف:وانتي مارحتي عليها شوي ؟؟
اروى:لا
جراح:ليششش ,,
ماترك لها مجال ترد وراح بسرعه صوب جناحهم وفتح الباب وشاف الجو الكئيب الليتات طافيه والغرفه على حالها ماتغير شي فيها من وقت ماتركها وشافها مسدوحه بجسمها الضعيف على الغنفه محتضنه جسمها بأيدينها ودموعها على خدها ..قرب منها اكثر واهو متضايق عليها وعلى نفسه مو هاين عليه كل الي صار ولا هاين عليه يتركها بهالحال .. ش ش جونه
اشجان بدون لاترد افتحت عيونها ورجعت سكرتها وبس الدموع تنزل منها لمت نفسها اكثر وزاد صوت بجيها,,
نزل لها ومسك ادينها يترجاها تسكت وتوقف دموعها:حبيبتي بس عشان خاطري اهدي شوي ..
اشجان من بين دموعها:اتركني !!
جراح :اه .. قومي خلينا نتفاهم ..
اشجان واهي تتعدل وتمسح دموعها بطرف ايدينها:مابي منك شي .. خلني
جراح:شجون .. لاتقسين علي وتنسين غلطتج !!
اشجان:ليش طقيتني !!
جراح منزل راسه:مو بيدي فقدت اعصابي ..تدرين شنو معنى الحركه الي سويتيها ؟؟
اشجان يزيد بجيها اكثر وبإنهيار خوف جراح :لا قصدي مو نفس قصدددددك والله مو نفسه
جراح يحضنها واهو خايف عليها:خلا ص خلاص اهدي ادري مو قصدج خلاص حبيبتي اهدي عشان خاطري ..
اشجان من بين دموعها:جراح
جراح:عيونه:
اشجان:انا احبك ,,
جراح بإبتسامه ميته < والي يحب يسوي جذي والله مادري شلون تفكرين:وانا احبج قلبي ..
....
 
رد: رواية شتات الزمن للكاتبه غربه الاأحزاااان


الدكتوره : النتيجه ما تطمن !!
اشجان بخووف: ليش ؟؟
الدكتوره:الحبوب أثرت على المبيض عندج وهالشي بيضر بالحمل .. يعني بالقليل يبي لج فتره سنه علاج عشان يرجع الوضع طبيعي ..
اشجان:سنه وايد ..
الدكتوره:هذا الي بنقدر عليه وقدرت ربج اكبر ,,
اشجان بحزن:مشكوره يادكتوره ..
...
بالغرفه ..
دخل جراح وشافها قاعده على السرير ولامه ريولها على صدرها وسرحانه بعييد وشكلها تعبان قرب منها اكثر:شجونه !!
انتبهت له .. والتفتت عليه بحزن:هلا ؟
جراح عافس حواجبه:اسم الله عليج .. فيج شي ؟
اشجان ودمعه تخونها على خدها:لا
يقعد يمها ويمسح دمعتها:شنو لا ؟؟ احلفج بالله قولي شصاير ؟؟
تقوم وتعدل ملابسها وتمشي صوب الباب:اتركني شوووي
استغرب من حركتها لحقها ومسكها من ايدها وسحبها صوبه بقووه:تعالي
اشجان بألم:ايييي عورتنيييي
انتبه لنفسه ونزل ايده:تعالي قوليلي شنو فيج .. لا تسوين هالحركات وتخليني اموت قهر وتفكير خلصي قولي ..
اشجان متضايقه من اسلوبه الي تغير معاها ومن وضعها قامت تصارخ:لاتعصب علييي خلاص قلت لك مافيني شييي هدنيييي ..
جراح مستغرب: اشجان !!
اشجان:اتركنييي ماتفهم اتركنييي !!
تركها واهو مو مصدق معقوله هذي اشجان والا وحده ثانيه ؟؟
طلعت اشجان وراحت قعدت بالحديقه ودموعها على خدها:ياربي انا شسويت شسويت .؟ جراح لو عرف بالموضوع بيزعل ويعصب وانا مو حمل زعله عليي .. والله احبه والله احبه !!
ماحست الا بإيد على كتوفها وهمسه تبعثر كيانها:واهو بعد يحبببج !!
ارفعت راسها ودموعها اربع اربع:جراح
نزل لمستواها وضم راسها لصدره:ياقلب جراح لاتسوين جذي بنفسج .. وانا حاس فيج وادري بشنو تفكرين !!
اشجان خافت:بشنو؟
جراح:موضوع الحمل مو ؟
اشجان نزلت راسها مستحيه منه:....
جراح:رفعي راسج وصدقيني شي انتي ماتبينه ماراح اسويه فهمتي .. واذا ماتبين يهال خلاص انا بعد مابي !! اووكي اتفقنا ؟
اشجان زادت دموعها وكأنها تبين له انه المشكله اكبر منها ومنه:..............
جراح:لاحول ولاقوه الا بالله يا عمري ليش تبجين الحين شصاير ؟
اشجان:ابي ابقى معاك اكبر وقت ممكن مابي اعيش من دوننك ولا ابيك تعيش من دووني
جراح:وليش هالكلام .. انا وعدتج ما اتخلى عنج وعدتج صدقيني وانا عند وعدي العمر كله
اشجان بأسى:مصدقتك وربي لايحرمني منك !!
,,,,
بعد مرور سنه كامله على الاحداث وكل شي على ما اهو عليه بين جراح واشجان بس الوضع بدا يتأزم وامه بدت تحن عليه تبي يهال مو معقول يبقون جذي بدون ذريه
أم راشد:خلاص يا جراح لازم تشوف لك حل !!
جراح بتعب:يمه الله يخليج سكري هالموضوع ذبحتيني !
ام راشد:اذا انت مو حاس على عمرك وانكم طولتوا ترا الناس بدت تتكلم
جراح بعصبيه:وانا شكو بالناس ؟؟ لاعاد تطرين لي الناس محد له شغل بحياتي .. واشجان مستحيل ابدلها بحريم الدنيا كلهممممم ,,, عن اذنج
بنفس الوقت كانت اشجان ورا الباب بتدخل الصاله بس صدمها كلام عمتها وراحت غرفتها بسرعه قبل لايطلع جراح ودموعها تسابق بعض من قوه الالم والجرح:يبوون يزوجونه ؟!!!! يزووجوون جراح لا مستحيييل هالشي يصييييييييير مستحييييييييييييل !!!
جراح صار يكره يدخل البيت من الجو الكئيب الي فيه واشجان ماعندها الا تفكر بهالمووضوع وفكره انه جراح لغيرها بدت تتعبها بس توصلت لهالطريج ..
بالليل والكل نايم وجراح ضام اشجان لصدره والصمت سيد الموقف اقطعت اشجان السكوت بهمسه:جراح ؟
جراح مغمض عيونه:هلا قلبي ؟
اشجان:نمت ؟
جراح:امريني
اشجان بتوتر : اممم خلاص باجر نتكلم نام الحين ..
جراح:لا الحين .. مافيني نوم خلينا نسولف !!
اشجان بصعوبه قدرت تنطق:تزوج !
جراح فز مصدوم وعينه بعيونها:شنو قلتي ؟
اشجان بقوه وحده بالكلام:تزووج !! اظن سمعتني
يقرب ايده من جبينها :مافيج حراره.. انتي صاحيه والا جنيتي ؟
اشجان من داخلها بتموت بس تتظاهر القوه قدامه:صاحيه .. وانا هالمره اطلب منك انك تتزووج .. والبنت انا اختارها لك بعد بس انت وافق .!
جراح يضحك من التوتر الي اهو فيه:ههههههههههههههههه
اشجان قلبها يتقطع على الصوبين:تسمعني لاتضحك رد علي ..
جراح:نامي نامي .
اشجان تسحبه:لا تتركني قاعده اكلمك رد عليييييي
جراح بألم ودمعه تخون محاجر عيونه:تكفيييييييين نامييييي ورحميني
اشجان وكل جسمها يرجف من هالفكره لفت الصوب الثاني ونامت بس شي اكيد بيجافيها النوم ..
ام فواز:والله يا فجر مادري روحي شوفيها بغرفتها قاعده وماتكلم احد ..
فجر:خلاص يمه لاتحاتين انا بشوفها لج ..
راحت فجر وادخلت غرفة اختها وماتشوف الا الحزن والدمووع .. قربت منها بسرعه
فجر:بسم الله عليج شفييج ؟؟
اشجان بدمووع احضنت اختها وزاد صوت بجيها:فجرررر
فجر:ياقلبي لاتبجين قوليلي شفيج ؟ لاتسكتين قولللي والله راح تموتين
اشجان:جراح
فجر بعصبيه:شفيييه ؟؟ شمسوي لج؟؟
اشجان:ماسوى شييي < وتمسح دموعها
فجر :عيل ؟
اشجان:احبه
فجر وعلامات الاستفهام فوق راسها:وليش البجي ؟
اشجان زادت بجي وصياح وضمت نفسها اكثثثر وطاحت عالسرير موقادره تتحمل الكلام الي يدور في راسها وشلون لو تنفذ اكيد بتموووت عليه ..
فجر:يابنت لاتخوفيني قوليلي شفييييييييج ؟؟
اشجان:راح يتزوووج
فجر :شنووووووووووووووو ؟!!!!!!!
اشجان: اهو مايبي انا الي جبرته ولي شهر ما اكلمه واذا يبيني اكلمه وارجع له البيت مثل اول يتزوج
فجر:انتي مجنووووووووووونه ؟؟ في وحده تزوج ريلها ؟؟ لا لا مو مصدقه الي اسمعه .. لو ماتحبينه قلت اوكي بس انتوا تعشقون بعضضضضض يابنت شهالخرابيط ؟؟
اشجان:اه محد حاس فيني .. يا بنت انا مافيني يهال ماقدر احقق حلمه وانجب له لو طفل واحد انتي عارفه وضعي حسوا فينييييييييي
فجر بحزن ضمت اختها وتمت تهدي عليها:كل شي بيد ربج ذكري الله ولا تستعجلييين ,..
اشجان تبجي:اه اه ياربي ارحمنييي ..
جراح بحزن يرفع السماعه:هلا ؟
فجر:شلونك جراح ؟
جراح:مو بخير والله مو بخير ..
فجر بتموت على حالهم :اذكر الله..
جراح:لا اله الا الله ..
فجر:جراح ؟
جراح:هلا
فجر:انت وين؟
جراح:بالبيت ليش ؟
فجر:تعال اشجان وايد تعبانه تعال شو ف لك حل معاها البنت بتموت اذا تمت جذي ..
جراح بألم : بعيد الشر عنها . بس اهي ماتبي تشوفني انا تعبت والله تعبت ..
فجر:تعال اهي الحين نايمه خلها تشوفك اول ماتصحى تكفى لا تتخلى عنها ..
جراح :يلا ياي ثواني بسس ..
ام فواز:شصار ؟
فجر:ماعليها شر لاتحاتين ..
ام فواز :وانتي شنو فيج ؟ احس صاير شي صح ؟
فجر بإهتمام:لا يمه والله عادي بس اهي شوي متضايقه خلوها ترتاح
ام فواز بضيق:اكيد عشان موضوع الحمل ..
فجر:اكيد يمه هالموضوع مو هين وانتي عارفه اشجان صعب تحمل واذا حملت الله لايقوله احتمال كبير يكون سبب بوفاتها ..
أقطعوا كلامهم اول ماسمعوا الباب ينطق .. ودخل عليهم جراح وباين على ملامحه التعب والحزن ,,
جراح:السلام عليكم ,,
ام فواز وفجر:وعليكم السلام,,
جراح:شلونج عمتي ؟
ام فواز تتنهد:الحمدلله بخير .. انت شلونك ؟
جراح :ماشي حالي ..
فجر:جراح تعال معاي ..
جراح:بعد اذنج عمتي ..
ام فواز:اذنك معاك يمه ,,
 
رد: رواية شتات الزمن للكاتبه غربه الاأحزاااان


صعد مع فجر صوب غرفة اشجان واتركته فجر وراحت :بخليك تاخذ راحتك واتمنى تلاقي لها حل وتطلعها من الي اهي فيه رجيتك ..
جراح بحزن:ان شاءلله ..
دخل بخطوات متردده وشافها معطيه ظهرها له وملتمه على نفسها والجو بارد قرب منها اكثر وقعد عالسرير وبعد ماحست فيه وماكان يبيها تفز وتخاف ... فجأه لفت صوبه بس كانت مغمضه عيونها ومانتبهت لوجوده .. ابتسم لها بكل شووق وحب .. مد ايده يمسح على شعرها وقرب اكثر باسها على جبينها وهمس لها:اشتقت لج يانور عيوني ..
وبدا يهمس لها بإغنيه كانت تحبها واييد ..
أنا يا عصفورة الشجن مثل عينيك بلا وطن
بي كما بالطفل تسرقه أول الليل يد الوسن
و اغتراب بي و بي فرح كارتحال البحر بالسفن
أنا لا أرض و لا سكن أنا عيناك هما سكني
راجع من صوب أغنية يا زمانا ضاع في الزمن
صوتها يبكي فأحمله بين زهر الصمت و الوهن
من حدود الأمس يا حلما زارني طيرا على غصن
أي وهما أنت عشت به كنت في البال و لم تكن
ماحس الا بإيدينها تضمه حيييييل وصوتها التعبان يهمس بكل شوق:لاتبعد عنييي
ضمها اكثر وغمض عيوونه مايبي يبعد عنها لحظه وحده ...
...
ام فواز كانت تحاتيهم وماسمعت لهم صوت راحت تبي تشوف شصار عليهم قدر يكلمها والا لا ؟
طقت الباب ومحد رد عليها افتحت الباب شوي وشافت جراح متسند عالسرير واشجان بحضنه : خانتها دموعها وقلبها المتقطع على حال بنتها .. اطلعت بدون لحد يحس فيها وسكرت الباب ,,
...
صحت بعد ساعات وماحست نفسها الا واهي بحضنه ارفعت راسها وقعدت تتلمس ويهه معقوله جراح عندها .. بجت من شوقها عليييه وحبها حق هالانسان ..
جراح:فديت هالعيون وراعيتهم .. لاتبجين
اشجان من بين دموعها:اشتقت لك
جراح بكل حب :وانا اكثررر وربي شاهد عليي ..شلونج ؟
وقفت بتروح الحمام:اذا انت بخير انا بخير ..
جراح:اه ياليتني بخييير ..
دخلت غسلت وبدلت ملابسها ورجعت عنده:من متى اهني ؟
جراح:من زمان بس مادري شلون غفيت ..
اشجان :ليش تعبت نفسك ؟
جراح:ماقدرت اتحمل .. اشتقت لج وانتي حارمتني منج ,,
اشجان:انا ماحرمتك .. انا طلبتك طلب وياليت تنفذه ..
جراح:اه انتي وبعدين معاج ؟؟
اشجان بثقه مصطنعه:دام اليوم انا اطلبك هالطلب لبييه لي .. احسن ما يتغير رايي وتجرحني من تسويه من شورك .. الله يخلييك لاتردنييي
جراح:انتي تطلبين المستحييل
اشجان:والمستحيل اني ارجع وانت مانفذت طلبي ..
جراح:احلفج بالله لاتصعبين الامور علي .. حرام عليييييييج والله عذبتينييي
صدت عنه ماتبي تشووف العذاب بعيونه:هذا قراري ..
جراح:انزين رجعي البيت ونتفاهم ..
اشجان بإبتسامه باهته:اول شي اوعدني ..
جراح:يابنت تكفيييييييين غييري هالموضوع الله يخلييج رجيتج غيري هالسيره ..
اشجان بتعب:ماعندي غير هالموضوع .. وماراح ارجع
جراح: مو كيفج وراح ترجعين غصب عنج ..
اشجان:مافي شي بالغصب ...
جراح بعصبيه:انا وايد دلعتج .. قومي امشي معاي احسن لج
اشجان بهدوء:لاتعصب .. بس هذا مكاني ومابقووم ..
جراح بترجي:عشان خاطري ..
اشجان من بين دموعها:ليشش ارجع لييييييييش وانا اقل شي موقادره اقدمه لك .. كل واحد يتمنى يتزوج عشان يصير عنده يهال وانا ماقدر ماقدر حسس فينيي لاتعذبني اكثرر
قرب وضمها لصدره:لاتبجين انا ابيج انتي واليهال اخر همي والله اخر همي .. لاتزعلين نفسج والي ربج كاتبه انا راضي فيه بس انتي لا تعبين نفسج .. شجونتي حبيبتي رجعي معاي وذكري الله ..
............
ام راشد:خلاص توكل على الله والبنت موجوده ..
جراح مل من هالموضوع وهالسيره ويبي يشوف شنو تاليها :ومنو هالبنت ؟
ام راشد:بنت ام عبدالعزيز يارتنا الاوليه .. تذكرتها ؟
جراح بإهتمام:يمه والله حرام تظلمون بنت الناس معاي .. انا اذا بتزوج بتزوج بس بالاسم وانتي عارفه شنو يعني هالزواج ...
ام راشد بعصبيه:وما تستحي تقولها جدامي ؟؟ انا مازوجتك عشان تحطها عندك ديكور انا ابي عيال يترسون البيت ويشيلون اسممممك انت فاهم ..
وقف جراح سحب شماغه وطلع واهو معصب .. ركب السياره وتم يدور ويدور وبدون أي فايده ولاهو قادر يسوي شي وتعب من هالوضع وكل مره يكابر بس خلاص فقد الامل انه اهله واشجان بيفكونه من هالسيره .. بعد ساعات من هالفراره قرر يرجع البيت وكان الوقت متأخر دخل وصعد غرفته على طول وشافها تنتظره بكل خوف:ويينك ؟؟ وليش مسكر نقالك .؟؟
طالعها بتعب ولف الصوب الثاني نزل شماغه عالسرير .. وقعد واهو منزل راسه تاهت فيه الحياه والظروف ..
قربت منه اشجان واقعدت يمه:حبيبي شفيك ؟
مارد عليها وكان سرحان بعيييد ..
قربت منه اكثر ومسكت ادينه:حبيبي لاتعور قلبي قولي شنو متعبك ؟
رفع راسه لها وماقدر يتكلم انسدح وحط راسه بحضنها ومسك ادينها وشدهم حييل وقربهم من شفايفه وغمض عيونه ...
اشجان حست برعشه من حركته وابتسمت له واهي من داخلها مجروحه وميته من تعبه وضيقته:قلبي ارتاح وريحنا معاك .. لا تفكر وايد انهي الموضوع وتزوج ..!!
شد ايدها بقووه وغمض عيوونه حيييل وكأنه يطرد هالفكره من حياته بأي صوره وبأي شكل كان ... بس موقادر وين مايروح يسمع نفس الاسطووووانه ..
فجأه حست اشجان بشهقه قويه طلعت من حبيبها وقلبها ودموعه الحاره ملت حضنها .. ضمته اكثثثثر واهي عاجزه عن شي ..!!!
...
صحى جراح الصبح وكان بيروح الدوام التفت صوبها ماشافها نايمه يمه قام غسل وبدل ملابسه ونزل صوب المطبخ .. اول ماقرب سمع صوت ضحكاتها مع اخته ابتسم لحبه وتقدم خطوتين منهم:صباح الخير
اشجان : صباح الورد قلبي
اروى:صباح الورد ياقلبها حياك تريق معانا
جراح يبتسم ابتسامه صفرا:لا متأخر بروح الدوام .. تبون شي ؟
اشجان:قلبي اكل شي قبل لاتروح .
جراح:مشكوره .. مستعجل .. تبون شي ؟
اشجان:سلامتك ..
جراح:باي
اشجان+اروى:باي
اروى باهتمام:فيكم شي ؟؟
اشجان بحزن:لا
اروى:وضعكم مو طبيعي بالمره ..
اشجان:انتي عارفه الموضوع ..
اروى بضيق:بصراحه ما الومه ..
اشجان خانتها دموعها:اه .. يعني انا الي هاين علي الموضوع بس شسووووي لازم يصير جذي لاززززم ..
اروى:انزين عالجوا سوي شي ..
اشجان بحزن :ربج كريم انا قايمه برجع انام شوي مانمت عدل ..
اروى:اوكي براحتج .. بس فكري بالموضوع لاتضيعين جراح وتضيعين نفسج معاه والله حرام ..!
اشجان:الله كريم .اشوفج عالغدا ..
اروى:اوكي ..
....
 
رد: رواية شتات الزمن للكاتبه غربه الاأحزاااان


مرت الايام والحال اهو الحال واليوم بيكون زواج جراح مرت اشهر طويله واهو يحاول يغير رايها بس اضطر لان الكل وقف معاه ومع زواجه واشجان اقنعته انه مستحيل بيوم يصير حمل معاها .. واذا احملت بتخسر حياتها وجراح وكل شي حلوو بدنيتها ...
اشجان بغرفتها والحزن اشبه بالكابوس .. يخنقها من كل صوب .. حتى الدموع ما فادتها كانت تبجي بإنهيار وجنووون وتقول كلام مو مفهوووم وندمت على زواجه .. موقادره تتخيل فكره انه حبيبها وزوجها يكون لوحده ثانيه .. وحده تشاركها حياتها وحبها .. ومع منو جراح .. هالشي كان يطعنها ويذبحها ..
دخلت عليها امها واهي تبجي وتسمي على بنتها : يما خلاص لاتسوين بنفسج جذي راح تموتين ..
ردت اشجان واهي تبجي وتشاهق وراسها بين ريولها:يمممممممه راح .. انا اموووت من دوووونه .. يمممممه بمووووت ...
امها بحزن والدموع ملت ويهها:يمه رحمي حالج هذا الي انتي كنتي تبينه .. تحملي يايمه مابيدي شي اسويه قوليلي شسوووي انا تعبت اشووفج بهالحال ..
ارفعت اشجان عيونها الحزينه تتوسل امها:ابي اروح العرررس ..
امها بصدمه:شنوووو
اشجان:ابي احضر العرررس
امها:انتي نسيتي انه مافي عرس بس حفله صغيرره بالبيت ..
اشجان تصارخ:ادرري ادررررررري بس ابي اروووح ابيييي اشوووفه لاخر مره يايمه حرام عليكم حسوووو فينيييي ...
امها بحيره وقله صبر:لا يعني لا فاهمه لاتموتين نفسسسج خلاص هذا الواقع وعيشي معاه ..
....
جراح ماكان احسن حال من حبيبته كان يحس نفسه رايح عالمشنقه مو على عرسه كان يتخبط بأفكاره مره يقول انحاش واخذ اشجان ومره يقول اذبح نفسي وارتاح .. والافكار تلعب براسه ...
قطع عليه حبل افكاره صوت التليفون يرن مسج ..
مبروك عرسك ياحبيبي
كانت هالثلاث كلمات كفيله انها تذبحه وتنهي على ماتبقى فيه من صبر وقووه .. حذف التليفون بأقوى ماعنده على الارض وصار يصرخ بكل الم :لييييييييييييش يا اشجان لييييييييييييش من وين يبتي كل هالقسوووه من وييييييييين ؟؟ وين عصفوورتي وين حبيبتي وينها يا ناس ليييش اختفت ليش تتركني اموووت بهالطريقه ليييييييييييش .....!!!!!
دخل عليه راشد واهو يسمع صوت صراخه:جراح ... جراح اهدا شووووي شفيييييييييك
جراح واهو يبجي:اذبحتني ياخوي اذبحتنيييييي
راشد يحضن اخوه واهو حاس بجرحه وتعبه : صل عالنبي ياخووووي بهالطريقه ماراح يتغير شي .. قوم غسل وجهز نفسك مايصير تسوي بحالك جذي والليله عرسك شتبي الناس تقول علينا ..
جراح:ذبحوني وفكوني من هالعيشششه فكوني ...
راشد:لاحول ولاقوه الا بالله قووووم ياريال واستهدي بالله ...
.........
صار الليل وبدت الطقطقه والاغاني تصدح بالمكان .. وكان الصوت كفيل انه يوصل لمسامع اشجان بحكم انه البيتين يم بعض .. تمت واقفه عند الشباك واهي ترججججججف من البجي واحساسها بالخووووف .. كانت تحس بخوووف يشل عظامها طاحت عالارض تبجي واهي لاحول لها ولاقووه ...:احبببببك لا تخليني احبببببببك ....
بهاللحظه دخل فواز على اخته وانهار من منظرها راح يركض صوبها ومسكها من كتوفها:اشجان شفيييج ؟؟؟ ردي علي كلمينيييي !!
كانت ترجف بين ادينه واهي مغمضه عيونها: بروح عنده .. قولوله لا يتركنيييي انا ماعيش من دوووونه ... ابيييي جراح ابييييه .... ابيي اموووت لايتركنيييي
فواز انهار وبدت دموعه تنزل على اخته: دخيلج لا تسوين بنفسج جذي اشجان حبيبتي ردي علييييي ...
حط ايده على جسمها كانت تشتعل نار والعرق يتصبب من كل مكان :اشجان حرارتج عاليه
ياربي ياربي راح تمووت شسووووي ...
التفت يمين يسار يدور عبايتها اخذ العبايه لقاها على الارض وحطها على اخته وشالها على المستشفى ...
اول ماوصل المستشفى دخلوها غرفة الملاحظه على طول لان حرارتها كانت مو طبيعيه وتهذي بأسم جراح طول الوووقت وانها تبي تموت من دوونه ...
الدكتور:ابقى برا شووي لو سمحت ..
طلع فواز واهو يمشي رايح راد بالممر وقلبه بيتقطع على اخته : اه يا اشجان ليش سويتي بنفسج جذي ليششش ...
بعد نص ساعه طلع الدكتور من عندها وتوجه صوب فواز:انت شنو تصير لها ؟
فواز بخوف:اخوها .. طمني فيها شي ؟
الدكتور:ريلها وين ؟
فواز احتار:مسافر
الدكتور:البنت تعبانه حييل وصاير معاها انهيار عصبي حاد .. وفوق كل هذا احنا شاكين انه البنت حامل .. وبجذي كل الامور راح تتعقد ..
فواز:تتعقد ؟؟ حامل ؟؟ انهيار عصبي حاد ؟؟؟ دكتووور فهمني مو فاهم شي ...!!!
الدكتور:تعال معاي الغرفه افهمك كل شي ..
راحوا الغرفه وقعد فواز على اعصابه يبي يعرف شنو سالفه اخته :
الدكتور:انا قريت ملف اختك الموجود عندنا .. واختك كانت تعاني من صعوبه بالحمل بسبب حبوب منع الحمل الي كانت تاخذها ..
فواز مصدوم:حبوب منع حمل ,,!!!!!
الدكتور بأسف:والي اكبر من جذي .. اختك معاها تضخم بالكلى والحمل اساسا ممنوع عليها .. وهالشي يأسفني اقوله لك .. بهالحال لازم تسقط الطفل قبل لا يكبر بداخلها وبالاخير تفقد نفسها وتفقد الطفل .. ونجاح العمليه والولاده بيكون 10 % واختك عندها علم بهالامور كلها .. وعشان جذي كنا ننصحها بحبوب منع الحمل .. عشان تستمر حياتها ..
فواز حاط ادينه على راسه:لا حول ولا قوه الا بالله .. لا حول ولا قوه الا بالله ... دكتور الياهل لازم يطيح لازم ..
الدكتور:طول بالك يا اخ فواز .. اختك وزوجها اهما الي يقررون هالمصير .. انا ماقدر اسوي شي وانقلها للدكتور المختص الا بموافقة زوجها والاهم موافقتهها اهي بنفسها ...!!!!
.....
رجع فواز واهو يزف الخبر التعيس والمشؤم حق اهل بيته ... بعد ماوصل الخبر للكل انه المعرس انزف على عروسته ... والله وحده العالم بحال جراح هاللحظه ..
ام فواز: وين بنتييي ؟؟
فواز بتعب:يمه مرقدينها عندهم!!
ام فواز تشهق وتحط ايدها على صدرها:لييش شفيها بنتي ؟؟
فواز:يمه
ام فواز:ها
فواز:اشجان من متى فيها تضخم بالكلى ؟؟؟
ام فواز اشهقتتتتت بقوه:لا تقووووول اختك صار لها شي .......
فواز بأسى:يمه اشجان حامل
ام فواز طاحت من طولها:لا ... شلووون صار جذي ....لا اشجان ... شلووون بنتي تروح منييي ...
فواز بعصبيه:يمه صلي على النبيي . اشجان لازم تنزل الياهل والا بتكون حياتها بخطرررر ... يمه اذا صار بأختي شي ماراح اسامحكم كلكم ... ليش زوجتوها وانتوا عارفين بهالمصيبه ليييييييش ؟؟؟؟
................
بغرفه جراح .. كانت العروس بنت بعمر الزهور اسمها ساره ...
كانت قاعده على الكرسي وجراح واقف بعيد عنها وكل التوتر مرسوم على ملامحه .. الي يشوفه يحس انه مستحي من عروسته موعارف شلون يبدا معاها الكلام بهذي الليله وشنو يقدر يقولها ..
بس جراح كان ابعد مايكون انه يفكر بهالطريقه .. كان فكره مشغول بذكرى اشجان هاللحظه .. اول يوم جمعهم مع بعض هالقدر .. شلون الحين في وحده ثانيه مكانها ..
ساره المسكينه كان الخجل ذابحها وكانت تتمنى ترفع عينها وتقرا ملامح جراح بس ماقدرت من خوفها وحياها .. استغربت من خطواته الي تقرب منها اكثر ..
جراح ببرود:ساره ..
ساره بخجل:هلا ..
جراح:قومي بدلي ملابسج واخذي راحتج .. انا بنام على الغنفه وانتي اخذي السرير ...!!
ساره بعفويه:ليشش ؟ انا سويت شي يزعلك
جراح يبتسم لها:لا .. بس سوي الي قلته لج ...
ساره بحزن:ان شاءلله ..
قامت العروس الحزينه باول ليله لها واهي تجر اذيال الخيبه معاها .. كانت متوقعه ليلتها مثل باقي البنات .. رومانسيه وحنان وعاطفه مالها بدايه ولا نهايه ... !
بس احب اقولكم .. ساره بنت حبوبه وطيبه حيييل وتتصرف بكل عفويه .. والي يشوفها يعطيها عمر 15 سنه مو 22 سنه .. على برائتها وطيبة قلبها .. وانا معاكم انها ماتستاهل هالقسوه والجفا بس شنو نسوووي هذا مصيرها المسكينه ..
مرت الساعات ثقيله على جراح موقادر ينام واهو يحس انه اشجان مو بخير .. قلبه ينغزه عليها .. اخذ التليفون واتصل على فواز ... رن التليفون اكثر من مره ومحد رد .. اكيد محد يرد الساعه 5 الفير منو بيرد عليه تتوقعون .. بس ما يأس وقعد يتصل ويتصل ويتصل فوق العشرين مره .. لين رد عليه فواز واهو مو مستوعب منو المتصل الحين ..
فواز بصوت كله نوم وتعب :امممم .. ال و
جراح بلهفه:فواز اصحي كلمني ...
فواز يحك عيونه يبي يتأكد من الصووت :منوو ..... جراح !!!؟؟؟؟
جراح يوطي صوته عشان ساره ماتسمعه : فواز قوم كلمني انا جراح .. صحصح شوي
فواز يعدل قعدته:شفيك ؟؟ شفيك انت بعد شصاير ؟؟
جراح: اشجان وين ؟؟
فواز حس للحظه انه مو مستوعب شي .. جراح شعرفه انه اشجان بالمستشفى:ليش شفيك تسأل عنها ؟
جراح يعلي صوته:وينها يافواز قلبي ناغزني عليها
فواز ماحب يخرب ليلته:ياجراح انت معرس شهالكلام داق الصبح تسأل عن اشجان وانت عند زوجتك الثانيه ؟؟؟؟
جراح بعصبيه: اترك عنك هالكلام ... اشجان ويييييييين علمني ...
فواز حس انه مافي مفر :اشجان بالمستشفى ياجراح ...
جراح بخوف:ها ؟؟ شنووو ؟؟ شصاير شفيها ؟؟؟
فواز:لاتحاتي بخير .. نام انت الحين وانا باجر الصبح اكلمك واقولك شفيها .. الحين ماينفع ..
جراح:فواز انت خبببببل ؟؟ شنو باجر .. انا ياي عندك الحين .. اطلع تعال ...
فواز كان يبي يتكلم بس تسكر الخط بويهه: طوطوطوطوطوطوط !!!!!
قام جراح بسرعه لبس دشداشته واخذ شماغه وطلع بسسسرعه وما انتبه للكائن الحي الي معاه بنفس المكان وكان يخبي شهقاته بإدينه : رايح لها ياجراح ؟ حرام عليييك تسوي فيني جذي .. حرام !!
وقف جراح عند سيارته ينتظر فواز واول ماوصل له فواز: انت مجنووون في احد يطلع بهاليوم شنو تبي الناس تقول عنك ..
جراح:اركب ودني لها اررركب بسسرعه ..
ركب فواز والتفت على جراح .. وفضل السكوت على الكلام لان الوضع مايسمح .. بس بلغه بأي مستشفى وسكت مره ثانيه ..
اول ماوصل المستشفى نزل بسرعه واهو يسأل جراح:أي جناح .؟ واي غرفه ..؟
فواز يمشي وراه :الجناح الثاني غرفه15
راح جراح بسرعه يسابق الوقت والدنيا عشان يشوفها ويتطمن عليها وصل غرفتها وفتح الباب شوي شوي ... شافها نايمه على السرير الابيض وشعرها البني منثور حوالينها بإهمال والهالات السودا تحارب عيونها الحلووه ... والمغذي معلق بعروقها ... حط ايده على قلبه وقرب منها بكل وله وشوووق وحزن وندم وانكسار الدنيا بعيوووونه ...!
قرب لها اكثررر وقعد على ركبه والتفت بعيونه على فواز وكأنه يقوله خلنا بروحنا ..
فهم فواز الرساله وطلع يكفي انهم ادخلوا اهني بالقوه لان الزيارات انتهى وقتها .. فما يبي يحرمه لحظات قربها ..
مسك ادينها بنعومه وحبها وحطها على شفايفه: حبيبتي .. شجونتي .. انا عندج .. سامحيني .. سامحيني انا مارحمت قلبج ولا قلبي .. حبيبتي سامحيني انا تعبان مثلج واكثر منج .. !!
خانته دموعه واهو يشوف الهزل والتعب والموت بملامح حبيبته الصغيره ..
رجع يكلمها مره ثانيه واهو يترجاها : ابوس ادينج سامحيني والله ماراح اخليج .. بقعد معاج العمر كله بعيش معاج واموت معاج .. بس كلميني قوليلي شصار لج .. ؟
ادري انا السبب .. بس انا تعبان لاتحسبييني متهني ومستانس يانبض جراح........ حاجيني ...!!
 
رد: رواية شتات الزمن للكاتبه غربه الاأحزاااان


وقف وقعد يمها..... ورفع راسها لحضنه وحط شفايفه على جبهتها:عصفورتي ماراح اخليج .. والله احبج ومالي حياه بدوونج أسف أسسسسسف !!!!!
حس بأصابعها تتحرك ببطئ وعيونها تفتح شوي شوي :ج راح ..
جراح بلهفه:عيون جراح ... بسم الله علييج ..
شكلها كانت تحلم لانها رجعت نامت مره ثانيه ولا افتحت عينها .. ماحب يزعجها اكتفى انه بقربها ماحب يبعد عنها خطوه ..
اتصل عليه فواز يقوله انهم تأخروا لازم يرجعون قبل لحد يحس بغيابه بس كان كلام جراح مثل حد السيف : انا باقي اهني لين تطلع معاي اشجان .. انت توكل على الله .. اخذ سيارتي وروح ..
ماقدر يسوي شي فواز ...راح واهو يدعي ربه تعدي الامور على خير .. !!
.....
نام جراح ليلته الاولى من زواجه اليديد مع حبيبته وزوجته الاولى .. ونسى انه في عروس تركها بحزنها ولا اهتم لها ولا راعى مشاعرها .. بس صعب نلومه او نعاتبه قلب المحب محد يقدر يلومه على سواياه  ...!!
.....
صحت اشجان من نومها الثقيل واهي تحس بجسم ثقيل يمها وعطر رجولي مستحيل تخونها نفسها وذكرياتها هذا عطر جراح .. التفت وشافته يمها ناييم .. اشهقت بصوووت عالي ودموعها سيلان على خدودها .. اهمست بخووف انها تحلم او كابوس : جراح ......؟؟؟!
المست خدوده وعيوونه واهي ترجف : لالا هذا جراح . .. شيسوي اهنييي .. ..
ارجعت تنادي مره ثانيه بصوتها المبحوح:جراح .. جراح ...!
فتح جراح عيونه وشافها قدامه بصوره تعور القلب .. وتقطعه وتنثره بدون رحمه .. شاف الحزن بعيونها شاف الضعف والانكسار والخيبه والتعب والموت بنظرتها المكسووره ..
تكلمت اشجان وكل جسمها يرتجف بقوووه ودموعها على خدها حاولت تمسك نفسها بس ماقدرت انهارت بجييي .. لمها لحضنه وتم يمسح على شعرها ويبووسها على راسها:حبيبتي تكفين لاتبجيين .. الله ياخذني ان شاءلله ولا اشوفج بهالحال ..
اشهقت حييل وحطت ايدها على شفايفه:يووومي قبل يووووومك ... لاتصييير انانيي وتروح وتعذبني مره ثانيه ... > وارجعت تبجي بصوره تقطع قلب الكافر ..
جراح بحزن:شجونتي ..
تركها بحضنه تبجي واهي متمسكه فيه بكل قوتها ودافنه راسها بصدره .. لين حس بدموعها تتغلغل لصدره وروحه وكل دمعه منها جمر على قلبه .. رفع راسها وحطه بين ادينه باس دموعها ورجع يطالع عيونها:لاتبجين والله تذبحيني ..!
اشجان واهي تشاهق بضعف: مابي اموت بعدني ماشبعت منك .. اخاف اعيش بدوونك ..
جراح بحزن يغمض عيونه وياخذ نفس عميق:ماراح تموتين .. واذا متي اخذيني معاج .. ليش تروحين انتي بعد وتخلين حبيبج .. مو احنا اتفقنا نعيش مع بعض ونموت مع بعض ؟؟
اشجان ببرائه:ايي .. بس انت خليتني ..!
جراح ماحب يذكرها انها اهي السبب وانها هدمت حياتهم بهالطلب لانه مقدر وضعها:حبيبتي ..
اشجان :هلا ..
جراح :انتي تعرفين انا شكثر احبج وماقدر اعيش بدونج ؟ ووعد مني لج ماراح اخليج من هاليوم .. ومابي اسمع أي كلمه منج .. اوكي
اشجان وكأنه تذكرت الحين انه البارح كان عرس جراح وين ترك عروسته:ها ؟؟؟ و و ساره ؟!!
رجع حطها بحضنه واهو ماسك اصابعها:انا مابي الا انتي ..
غمضت عيونها وتنفست بصعوبه ودقات قلبها تتسارع بدون توقف:وانا مابي الا انت .. !! بس
حط ايده على شفايفها:مابي اسمع لا بس ولا غيره ..!! انا لج انتي وبسس !!!
انطق الباب بهالوقت .. وكان الدكتور ..
دخل الدكتور وشاف جراح الي ازعجهم امسس وقلب المستشفى عليهم .. قاعد عالسرير وابتسامه النصر على ملامحه ..
ابتسم لهم الدكتور للحظه وحده بعدين استأذن من اشجان:بالاذن يا اشجان بس ممكن تتركين جراح شوي ,, نبيه ..
استحت اشجان واهي ماسكه ادين جراح وكأنها خايفه لاينحاش منها ابعدت عنه وجراح يتبسم لها .. باسها على راسها وهمس لها:احبج .. نطرييني شوي وراجع لج ..
اشجان بخجل:اوكي ..
طلع جراح ورا الدكتور ورجعت اشجان انسدحت على السرير وانزلت منها دمعه حاره:احبه ..!
..............
أروى:بسم الله عليج .. خلاص اهدي شوي ومسحي دموعج .. اكيد راح يرجع وين بيروح ..
ساره من بين دموعها: مو من اول يوم يا اروى .. بس انا الغلطانه .. ليش وافقت من البدايه .. ليش ؟ حرام اهو يحبها .. انتي ماشفتي شلون كان راح يموت البارح من الخوف عليها ..
اروى بحزن عارفه وضع اخوها وزوجته وهم بعد قطعت قلبها ساره .. بنت صغيره ما تتحمل كل هالجرح ..
ساره واهي تمسح دموعها: اروى تكفين لحد يدري .. واذا احد سألج عنهم قولي نايمين للحين ..
اروى تبتسم لها:وتدافعين عنه ؟ غيرج يقلب الدنيا على راسه .. الله يكملج بعقلج ..يارب .. والله انج بنت اصل ..
ساره:ماعليج زوود .. بسس .. اتصلي على اخوج وقوليله يدخل من الباب الي ورا لحد يشوفه .. وتصير مشاكل ..
اروى:اوكي قلبي .. يلا استأذنج وانتي اكلي لقمه لا تبقين على لحم بطنج .. اوكي
ساره:لاتحاتين ,,,
.....
 
رد: رواية شتات الزمن للكاتبه غربه الاأحزاااان


جراح بصوت عالي : شنووووووو؟؟؟؟ دكتور انت شتقوووول ؟؟ شنو يعني تضخم كلوي ؟؟ شنو يعنييييي؟؟
الدكتور بأسف:اسمعني يا جراح .. انت اقرب انسان لها ولازم تفاتحها بالموضوع بطريقه ماتخليها تنهار .. لاتنسى انها امس وصلت لنا بحاله فضيعه من الانهيار وبالقصب انزلت حرارتها ..
الحين لازم تقررون هالطفل ينزل والا حياته وحيات زوجتك بخطر وانا اقول هالكلام الحين قبل لا يطيح الفاس بالراس ..
جراح بصدمه:حامل .. وتضخم كلوي .. حياتهم بخطر ..ليش ياربي يصير جذي ..؟؟؟ استغفر الله استغفر الله ... ياربي صبرني على هالمصيبه ..
خلاص دكتور الطفل ينزل انا مافرط بزوجتي عشان طفل ..
الدكتور:لازم يكون عندها خبر .. مانقدر نسوي شي الا بموافقتكم انتوا الاثنين .. والاهم اشجان يصير عندها علم بالموضوع ..
جراح:اهي ماتدري انها حامل ؟؟
الدكتور:لا .. وانا اساسا دكتورها المختص بحالتها ومن قبل منعتها من هالشي يصير وحذرتها بس مادري ليش صار الي صار .. المهم الحين لازم تتصرفون ...!
انصدم جراح انه ماكان عنده علم بالموضوع وانه سبب تأجيله للحمل اهو هالمشكله الي معاها ..!
طلع من غرفه الدكتور وماعرف شلون يفاتحها بالموضوع .. وصل عند باب غرفتها وحس انه باين عليه انه في مصيبه .. قرر انه ينزل ويرجع لها بعد شوي ..
....
مر نص ساعه واشجان بدت تحاتي:ياربي وينه تأخر .. لايكون صاير شي ..
بعدها ماخلصت كلامها الا يدخل عليها جراح وبإيده بوكيه ورد كبييييييير وكله ورد جوري ابيض واحمر خيالي ..
اول ماشافته ابتسمت وطارت من الوناسه:فديييتك ...
جراح:اعرف حبيبتي رومانسيه وماتحب الا الورد .. لانها اهي ورده حياتي ودنيتي وكل عمررري..
اشجان بخجل:مشكووور
قرب منها وباسها على خدها:فدييتها يا ناس والله احبها ..
اشجان:هههه وانا بعد ..
قعد يمها ومسك ادينها:اكلتي شي ؟
اشجان :امممم لأ
جراح:اها وليش لأ ؟
اشجان:ما اشتهي
جراح:مفروض ما اسألج لان ادري هذا جوابج دايم .. بس انتي ضعفانه حيييل ولازم تاكلين ..
اشجان :والله مابخاطري اكل ..
جراح:لاتكثرين كلام .. الاكل طلبته الحين يووصل اصلا.... وانا راح اوكلج بإيديني بعد شنو تبي حبيبتي المدلله تامرني وانا البيها ..<< غمز لها
ابتسمت له ونزلت راسها:احبك
ضمها حيييل لصدره:وانا اعشششقج وامووووت فييييييج ...
وصل الاكل بهاللحظه .. وتم يوكلها مثل الياهل الصغير ويمسح شفايفها بحنان .. كان يعاملها برقه وحنان يذووبها .. تحس كأنها اول مره تشوفه او تعرفه .. كانت كل حركه منه تعني لها مليوون شي وشي .. والاهم من كل الي اهي تحسه .. انها بدونه لايمكن تعيش لحظه وحده ..!
مرت الساعات واهما مع بعض سوالف وضحك وكان يتحاشى انه يعلمها الحين بالموضوع .. وخاف انها تسمع من اهلها .. استأذن منها بهالوقت:عصفورتي ..
اشجان:هلا قلبي ؟
جراح:الحين صار لازم تنامين .. انا بروح ساعه وحده وارجع لج .. قبل لا تفتحين عيونج بتلاقيني عندج ..
ردت بسرعه:لاتروووح
باسها على خدودها:حبيبتي انتي .. والله ساعه وارجع .. وانتي الحين موعد نومتج .. وصدقيني قبل لاتفتحين عيونج انا عندج ..
اشجان حست انها لازم تخليه يروح يرتاح : اوكي .. انتظرك ..
جراح:فديتج انا .. يلا حبيبتي نامي الحين اشووف ..
اشجان :مونعسانه ..
جراح:انا ما سألتج .. نامي غصب ..
اشجان تبتسم:اوكي
انسدحت واهو يعدل لها المخدات تحتها .. لحفها عدل وباسها بين عيونها:تاركج بحفظ الرحمن .. يعله نوم العوافي يارب ..
اشجان:حط بالك على نفسك ..
جراح:دامج معاي ومحاوطتني بحبج .. انا بخير .. لاتحاتين ياقلبي . .يلانامي حبي ... باي
اشجان بحب :باي حبيبي ..!
....
اول ماطلع منه اتصل على فواز وبلغه انه اهو الي راح يبلغ اشجان بحالتها وحذره مليون تحذير انه احد يوضح لها شي .. وقاله لحد يروح لها الحين لانها نايمه .. خلوا زيارتكم الظهر احسن ..
سكر الخط منه .. ورن تليفونه كانت اروى ..
اول ماشاف الرقم عرف انها درت واكيد صايره سالفه بس ماهمه رد عليها:هلا اروى ؟
اروى:شالي سويته ؟
جراح بحزم:اروى تكفين مو ناقصج كافي المصيبه الي علي .. وانا اسوي الي ابيه انا حر .. لحد يدخل بحياتي ..
اروى:شصاير لك ؟؟ انت ويييين ؟؟
جراح:انا راجع البيت ..
اروى:انزين اسمعني .. اذا رجعت ارجع من الباب الخلفي .. لان ساره قالت لي اقول حق اهلي انك نايم .. فشله تطلع جذابه بعيونهم .. شوف المسكينه ترقع لك وانت ولا هامك ..
جراح حس بالاحراج من ساره بس مو بيده:اوكي يصير خير باي ..
اروى :الله يهداك ... باي
...
رجع جراح البيت وطبعا اخذ تكسي ورجع لان سيارته اخذها فواز .. وكان منحرج من تصرف ساره .. توقعها راح تقلب الدنيا عليه .. وطين عيشته .. استغرب من تصرفها هذا وقال بقلبه:هذا الهدوء الي يسبق العاصفه الله يستر ..
اول ماوصل دخل من الباب الخلفي بحذر لحد يشوفه .. لان مو حلوه بحق العرووس قبل لاتكون مو حلوه بحقه اهوو ... اول ماوصل غرفته تنفس بقوه ودخل ...
ساره اول ماشافته لفت الصوب الثاني واسكتت ماكلمته .. الله يلوم الي يلومها البنت مجروحه مهما كابرت ..!
جراح حس بالاحراج منها:السلام عليكم ..
ساره بجفا :وعليكم السلام ..
جراح ماعرف شنو يقول لها اهو الثاني او شلون يبرر موقفه : امممم ساره .!؟
امسكت نفسها والتفت عليه وابتسمت بويهه:هلا
جراح:ادري زعلانه ..
ساره بقلبها تكفى لا تحن علي هاوشني طقني بس لا تحن علي وتعذبني اكثر امسكت دموعها قبل لاتخونها:لا عادي
جراح حس فيها لانه مو غبي وماتفوت عليه هالملامح المتماسكه غصب : مشكوره
ساره:على ؟
جراح: على موقفج معاي اليوم ..
ساره:عادي..
جراح:انا بدخل اتسبح ..
ساره:اوكي وانا اجهز ملابسك ..
جراح:لا .. انا اجهزهم لا تتعبين حالج ..
ساره بحزن:اوكي براحتك ..
ماحب يهتم فيها اكثررر عشان مايعلق البنت فيه واهو اصلا مجبور على هالزواج بكبره .. اخذ ملابسه ودخل يتسبح وبنفس الوقت كان يفكر بأشجان وحالتها .. طق ايده بالطووف حييل : مستحيييل اخليها ترووح من ايدي مره ثانيه .. مستحييييل ..!!
تمت ساره تنتظره بخاطرها تسأله وين كان امس بس خافت من ردت فعله .. اهي لليوم ماتعرف اهو شنو وشلون صاير ؟
طلع جراح واهو لابس ملابسه وقف جدام المنظره ينشف شعره ويمشطه .. التفت عليها وحس عندها شي بتقوله .. بس تم ناطرها اهي تتكلم ..
ساره بتردد :جراح
جراح:نعم ؟
ساره:امم ممكن اسألك سؤال .. بس ماتعصب علي !!
جراح استغرب:اعصب عليج ؟ لا ماراح اعصب . قولي!!
ساره بنظرات كلها تردد واهي تفرك باصابعها:وييين .. اممم ..
جراح:وين شنو كملي !
ساره:ايي وين كنت ؟
جراح :ليش السؤال ..؟
ساره بنظرات كلها حزن:اسفه .. بس خفت عليك ..
جراح:لاتخافين علي .. يلا قومي تنزلين معاي .!
ساره:ليش انزل معاك ..؟ انزل بروحك .
جراح يرفع حاجبه :وشنوا قول حق اهلي لي سألوني عنج ؟
ساره بإبتسامه:جذب عليهم مثل ما انا جذبت عليهم قبل شوي عادي ..
جراح:اها جذي يعني ..؟!
ساره:أي جذي ..
جراح:اوكي .. بقولهم عروسكم المصون رافضه تنزل لكم ..
ساره بضيق:ليش تتكلم بإستهزاء .. اذا انا بعينك مو عروس .. فبعيون الناس انا عروس لا تتكلم معاي جذي ..
جراح حس انه جرحها شوي واهو مو من طبعه يجرح احد او يضايقه وشلون يضايق هالمسكينه واهي بعد مالها ذنب ..:اوكي اسف حقج علي .. يامدا م .. يلا قومي نزلي ..
ساره بإبتسامه عريضه:خلاص قبلت عذرك .. وبنزل ..
ابتسم جراح بداخله على هالطفله .. مره تبتسم ومره تكشر .. بس عرف انه قلبها ابيض وشفاف وطيووبه حيييل فوق ما تتصورون كلكم ..
.......
 
رد: رواية شتات الزمن للكاتبه غربه الاأحزاااان


بعد ماخلصوا من مواجهه الاهل بأول يوم بعد العرس .. استأذن جراح قالهم عنده شغل ضروري لازم يطلع .. اول ماوقف لحقته ساره: جراح .. جراح ..! لحظه شوي ..
جراح:بغيتي شي ؟
ساره :سلامتك .. بس سلم عليها .. باي ..
اتركته بصدمته وراحت عنه .. ابتسم لعقلها الطفولي :باي ..
طلع من البيت واهو يفكر بمليون طريقه يسهل ويبسط فيه الموضوع حق اشجان .. بس بالاخير توكل على الله وقوه قلبه وقرر يقولها مهما كانت النتايج ..!
وصل المستشفى والحمدلله لقاها للحين نايمه .. اخذ الورد الي اشتراه وحطه داخل المزهريه الكبيره جدامها .. قرب منها وقعد يمسح على شعرها .. ويبتسم لها ..
ماقلت لكم...
اهو بنفسه مشط لها شعرها واهتم فيه .. لان مايحب يشوفه مبهذل .. يعوره قلبه عليها
اهي تحب شعرها وتحب تهتم فيه .. لان جراح بعد يحبه ..
أفتحت عيونها على احلى صوره بعيونها .. جراح كان يبتسم لها بكل حب وشووق .. بس عيونه تحكي كلام ثاني .. تحكي الخوف .. القلق التوتر .. !!
تكلم جراح واهو مبتسم:صح النووم ياقمر ..
اشجان واهي تعدل قعدتها:صح بدنك .. متى اييت ؟؟
جراح :اممم تقريبا من ربع ساعه .. المهم مثل ماوعدتج تفتحين عينج انا عندج ..
ابتسمت اشجان له .. فجأه حست بدوخه قويييه امسكت راسها بين ادينها :اه
جراح بخفوووف:شفيييج .. بسم الله عليييج
اشجان بتعب :دايخه حيييل موقادره افتح عيوووني ..
تنهد جراح ومسكها وقربه لصدره حييل:بسم الله عليج لا تحاتين الحين بس تهدين بترووح الدوخه .. والدكتور الحين بيشوفج ..
تمت تتنفس بقوه ومتمسكه فيه:اه .. خايفه ..
جراح بهدوء:من شنو حبيبتي ؟ لاتخافين وانا معاج..!
اشجان:مادري ..!
جراح بإهتمام:انتي حاسه بشي ؟
اشجان:لا بس دوخه ..!
بعد تقريبا ربع ساعه رفع راسها شوي شوي وتم يطالع بعيونها :الحين .. شلونج ؟
اشجان:الحمدلله احسن .!
جراح:الحمدلله يارب .. امم شجونتي
اشجان:هلا قلبي
جراح: ابي اكلمج بموضوع .. بس توعديني تسمعيني للأخر ..!اوكي
اشجان بخوف:ان شاءلله .. بس شصاير ؟
جراح:لا لا .. اذا بتخافين جذي ماراح اقول شي .. انا ابيج شجونتي القويه مو الضعيفه .. يلا اوعديني ..
اشجان:ولو انك وقفت قلبي .. بس وعد .. بسمعك .. ودامك يمي ومعاي ماراح احاتي شي ..
جراح:ياعلني فدوتج ..
اشجان:بسم الله عليك .. يلا اسمعك..
شد على ادينها ومثبت نظره بعيونها يبي يقرا كل ملامحها :الموضوع انه حبييبتي الحلوه لازم تسمع كلامي .. كله .. واهي عارفه انه جراح ماعنده احد بالدنيا الا عيونها وقلبها يعيش عشانهم ..
كانت نظراتها كلها حب واهتمام .. واهي تشوفه يكمل وعيونه مثبته عليها ..
الي ابي اقوله .. اني انا حبيتج وبعيش معاج العمر كله .. وبروحنا .. ومسأله الاطفال ننساها خير شر .. !!!!
كانت تبي تعلق بس اهو سكتها بسرعه بحركه سريعه من اصابعه على شفايفها... تكلم بهدوء:انتي حامل ..!!
اشجان بشهقه قويه:صصصصصج !!
غمض عيونه حييل واخذ نفس قوي :أي صج ..!
اشجان:وليش زعلان ؟
جراح:شجونتي .. من صجج ؟؟ انتي عارفه شنو يعني انتي حاممل ؟؟؟ معقوله انتي ماتعرفين انتي من شنو تعانين ؟؟؟؟؟؟
تكلمت اشجان واهي ترجع شعرها ورا اذونها... وتمت تفرك اصابعها بطريقه توتر فضيعه: ادري
جراح:تدرين ؟ عيل لازم هالطفل ينزل ..!
اشجان ودموعها تجمعت بعيونها بدون سابق انذار:مستحييل ..
جراح:رفعي راسج لاتوطينه .. شجونتي حبيبتي .. انا ابيج انتي ابيج بكوني العمر كله .. انا مستغني عن الطفل بس عنج لا ..!
اشجان:وانا ابي هالطفل .. ومستحيل انزله ..
جراح:وانا ؟؟؟
اشجان بهدوء:اذا الله كاتب لي اموت .. بموت ..!
مسكها من كتوفها وتكلم بصوت عالي :بسسم الله علييييييييييج .. لاتقوووولين هالكلمه مره ثانيه ..!
اشجان من بين دموعها وهدوئها الغريب:انا ابي الطفل ومستحيل اتنازل عنه ..!
تكلم جراح واهو يتنهد:حرام عليج .. انتي شكلج مو فاهمه شي ..
اشجان بدفاع : بلى اعررررررف .. واعرف انه احتمال كبيييير اموت او نموت احنا الاثنين .. ادررري بس بنفس الوقت انا ابي الطفل حتى لو اموت انا .. المهم انه يصير لك طفل منييي .. انت موحاس بالي احسسسه .. انا اموت باليوم مليوون مره .. تكفى يا جراح تكفى لاتحرمني من هالطفل الله يخليييك ..
وصارت تبجي بصووت يقطع القلب .. فشلون قلب جراح الحنوون المحب ..؟!
ضمها لصدره وقعد يمسح على شعرها ويمسح دموعها:تكفين لا تبجين .. خلاص الي تبينه يصيير !!
ماكان مقتنع بفكره انه الطفل يبقى هالشي معناه انه راح يخسر زوجته اذا لاقدر الله وتم هالحمل او يخسر الاثنين مع بعض . . ونجاح الولاده والحياه ضعييف جدا ..!
طلع جراح بعد ماوصلوا اهلها .. امها واختها وابوها وفواز ..
ام فواز:الحمدلله عالسلامه يا يمه .. ماتشووفين شر حبيبتييي ..
اشجان:الشر ما ايج يا يمه ..
ابو فواز:الحمدلله الي تطمنا عليها ماله داعي الدمووع ..
فجر :أي والله يا يمه كاهي بخير .. ليش تبجين ؟
ام فواز:ابجي على بنتيي ..
اشجان:يمه لاتفاولين علي .. مافيني الا العافيه ..!
ام فواز:ان شاءلله يايمه ان شاءالله ..!
...
فواز:كلمتها .؟
جراح بتعب:أي
فواز:شصار ؟
جراح:اه ... مارضت تمت تبجي وموراضيه ننزل هالطفل !
فواز بعصبيه:شنو يعني مو راضيه ؟ انت عارف شبيصير فيها ان تم هالياهل ؟
جراح:تكفى لا تزيد علي .. والله اني بمووت .. احس اني مخنووووق وراح انفجرررر ..
مشى جراح يبي يطلع من المستشفى كله ولا رد على فواز واهو يناديه ..!
...
ركب سيارته وراح البيت بدون تفكير .. دخل غرفتها واهو يترنح من التعب والهم الي بقلبه ..:اه يا اشجان .. هجرتي هالغرفه من زمان .. وهجرتي قلبي معاهم .. تركتيني اتعذب بغيابج .. والحين تعذبيني بهالخبر .. انا شسووويت ياربي .. عشان يصير معاي جذي ..؟
حبيتها من طفولتها لي شبابها .. حبيت حزنها وابتسامتها وقلبها وكل شي فيها .. معقوووول تهدم كل هالمشاعر بقرارها هذا .... لا مستحييييييييييييل !!!!
طاح عالارض واهو يحس بضعف الدنيا يحاوطه ..يبجي نفسه ويبجي حبيبته .. يبجي سنينه .. كان حلمه يكون له طفل من اشجان .. بس اليوم مايبي الا اهييييي .. ..
......
 
رد: رواية شتات الزمن للكاتبه غربه الاأحزاااان


مر هاليوم واهو بغرفته وغرفه اشجان مافكر يطلع منها حتى حق اشجان ماراح .. وطبعا كانت تسأل عنه .. بس قالها فواز انه صار عنده شغل وراح وباجر الصبح بيزورها ..!
الصبح الساعه 9 : طلع بعد مابدل ملابسه ولبس شماغه .. وقابلته ساره .. واهي لابسه عبايتها تنتظره .. استغرب من شافها .. وفكر للحظه انها تبي اهلها بس اصدمته بالي قالته .:
ساره: صباح الخير
جراح:صباح النور
ساره:ممكن تاخذني معاك !!
جراح:وين ؟
ساره بإبتسامه:حق اشجان .. المستشفى !
استغرب جراح ورفع حواجبه:ماسمعت ؟
ساره:اذا ماتمانع ابي ازورها ..
جراح بحيره خاف لاياخذها وتستاء حاله اشجان اكثر:امممم اوكي .. بس اخاف ماتتقبلين ولا اهي تتقبل الوضع .. وانا صراحه مابي يصير لها شي وضعها مايسمح ..
زعلت ساره من كلامه:لاتخاف بس اسلم واطلع ماطول .!
جراح :اوكي .. خلاص لاتزعلين.. يلا امشي !
راحوا مع بعض المستشفى .. وجراح كان يفكر بالصوبين .. اشجان وساره ..
شنو بيصير بينهم ؟؟! واكيد اشجان بتتعب اذا شافتها . يالله انك تستر .!
وصلوا المستشفى وجراح كان يمشي بتردد ووده انه لو يصير شي ويخليهم يتعطلون ومايوصلون لغرفه اشجان .. :اكيد الحين تنتظرني .. بس اذا شافت ساره شبيصير فيها ؟؟ اه ..
ساره:وين غرفتها ؟؟
جراح تو ينتبه لها:ها ؟ أي تعالي مني ..!
طق الباب بهدوء وسمع صوتها واهي تسمح له بالدخول:صباح الورد ..
اشجان بإبتسامه عريضه:صباح الشوق والحب ..
جراح:شلونج قلبي ؟
اشجان:بشوفتك بخير ..
ساره مادشت كانت تسمع الحوار الي بينهم وابتسمت بداخلها.. غريب امرها معقوله في زوجه ثانيه جذي تتصرف .!
انتبه جراح انه في احد كان معاه .. التفت يمين يسار ماشافها .
اشجان :تدور على شي .؟
جراح واهو متوتر ويحس عرق برقبته قام ينبض بقووه :ها ..؟ لا ولا شي ..بس .. بس في ضيف معاي يبي يزورج !.
اشجان:منو ؟ ووينه ؟ ماشوف احد ..!
جراح:صبري ..
طلع جراح وشافها واقفه عند الباب تبتسم له:ها ادخل والا بعد ؟!
جراح:اه .. أي تعالي ..!
دخلت ساره واهي منزله راسها .. لان اهي الثانيه كانت خايفه من المواجهه .. اول ماصارت بوسط الغرفه ارفعت راسها بتوتر وكانت النظرات كلها متوجهه صوب اشجان من جراح وساره .. بس كانت نظراتها بارده ماتعني أي شي ..
ساره بإبتسامه عذبه:الحمدلله على السلامه .. وماتشوفين شر ..!
اشجان توترت لانها اعرفت من تكون هالانسانه .. وحست انها بترجع كل الي بمعدتها نادت على جراح بسررعه : برررجع ...!
ركض لها جراح وبإيده سله الزباله وفرغت كل الي بمعدتها وجراح ماسكها حيييل .. اول ماخلصت وغسلت رجعت نامت وغمضت عيونها بقووه .. وكأنها تطرد صوره ساره من جدامها ..
جراح بصوت واطي يكلم ساره:خلينا بروحنا بسرعه ..!
اطلعت ساره ودمعتها على خدها .. حست انه مالها داعي .. وتسببت بالي صار تو ..!
اشجان:ليش يبتها ؟
جراح:اسسف حبيبتي .. بس والله اهي الي اصرت .!
اشجان:اه .. عادي
جراح باستغراب :شنو عادي .؟
اشجان:نادها ..
جراح:شنو ؟ ليش ؟ لا لا خلاص الي صار كفايه ..!
اشجان:نادها عشان خاطري !!
جراح :متأكده ؟
اشجان:أي
جراح:اوكي الي تشوفينه .!
طلع جراح وشافها قاعده على الكراسي ودمعتها على خدها ضاق صدره عليها نادها بهدوء:ساره
ارفعت راسها واهي تمسح دموعها:هلا
جراح:لابتجين .. تعالي ..
ساره:وين ؟
جراح:اشجان تبيج !
ساره:تبيني انا ؟
جراح:يعني في ساره غيرج ؟ يلا تعالي بسرعه ..
ادخلوا عند اشجان .. وساره منزله راسها بالارض ماتكلمت ..
اشجان:ممكن تخلينا شوي ياجراح ؟
ماعلق جراح لبى طلبها :ان شاءالله ..!
اشجان:اسفه ..
ارفعت راسها ساره واهي تشوف اشجان ليش تتأسف منها..
اشجان تبتسم:حياج تعالي قعدي قريب ..
قربت ساره واقعدت واهي ساكته ..
اشجان:مشكوره على الزياره..
ساره:العفو ماسويت الا الواجب .!
اشجان:ماقصرتي بنت اصول والله ..! بس اسفه على الي صار من شوي بس كنت تعبانه شوي .. لاتزعلين .!
ساره تبتسم:لا عادي .. المهم انج بخير الحين ؟!
اشجان:الحمدلله بخير
ساره:الحمدلله
اشجان بإرتباك:امم مبرووك
ساره بابتسامه ميته:الله يبارك فيج !
اشجان:ساره
ساره:هلا
اشجان:انتي بنت حبابه وطيبه .. وزيارتج هذي اكبر دليل ..! بس انا ابيج تساعديني وتوقفين معاي
ساره : انا اساعدج ؟ بشنو؟
اشجان:توعديني .!
ساره:أي اوعدج ؟!
اشجان بمراره:ابيج تملكين قلب جراح ..!!
ساره مصدومه:شنوو؟
اشجان من بين دموعها:ساره .. انا احب جراح .. ومستعده اضحي بكل شي عشان سعادته .. انا مو دايمه له .. مابيج تزعلين من تصرفاته .. انتي لازم تصيرين شاطره وتقربينه منج ..!
ساره : بسس !!! اهوو
اشجان:مالج شغل فيه .. انا مثل ماقلت لج مو دايمه لكم
ساره قلبها عورها:ليش تقولين جذي ؟؟؟ انتي مافيج شي وبترجعين حق جراح .. واذا تبينه يطلقني انا ماعندي مانع .. انا ماكنت ادري انه يحبج جذي .. والله ماكنت ادررري .. انا لولا ظروفي الصعبه مارضيت اتزووووج من واحد متزووج . .. << وصارت تبجيي المسكينه
اشجان:لا تبجين حبيبتي .. وسمعيني ..
وقالت لها كل سالفتها وحملها وانها ليش تمت هالفتره كلها ماحملت ...
ساره:لاحول ولاقوه الا بالله ... خلاص اشجان نزلي الطفل.. لاتضحين بنفسسسج .. جراح يموت من بعدج .. والله يموووت !
اشجان بتنهد طوييل:اه ... مستحيل يا ساره ..
دخل بهاللحظه جراح: لا والله شرايكم تزرعوني برا اكثر ..؟
اشجان+ساره:ههههههههه
اشجان:اسفين ..
ساره:أي احنا بنات انت شتبي بينا ؟
جراح رافع حاجبه ويقول بقلبه : سبحان الله ..!!!
اشجان:شفيك ؟
جراح:ولا شي ... عيني عليكم بارده .!
ساره ابتسمت .. وبادلتها الابتسامه اشجان ..
جراح:مطولين ؟
ساره:لا خلاص
اشجان:تو الناس .. لاتروحين ..!
جراح منصدم من هالمشاعر المتبادله بين هالبنتين :بس ليش انصدم وحده اطيب من الثانيه .. الله يكون في عوني انا ..!
ساره:لا لازم ترتاحين .. وبرجع ازورج مره ثانيه ..!
اشجان:توعديني ؟
 
رد: رواية شتات الزمن للكاتبه غربه الاأحزاااان

ساره:أي وعد اكييد
اشجان:اوكي انتظرج ..
قربت ساره وباستها وسلمت عليها واطلعت:يلا فمان الله ..
اشجان:الله معاج .
جراح:راجع لج ..
اشجان:لا بنام ..
جراح:طرده ؟؟؟
اشجان:هههههههه لا بس صج بنام خلك انت مرتاح ..
جراح:عسى دوم هالضحكه .. اوكي حبيبتي تصبحين على خير ..
اشجان:وانت من اهله .. باي
طالعها جراح وارسل لها بوسه بالهوا:امواح .. باي
اشجان:ههههههه
اول ماطلع جراح .. احذفت نفسها على المخده وانفجرت بالبجي والمشاهق :اه ياجراح ... غصبا علييييييي اسوووي جذي ... ابيييك تعيش من بعدي انا راح اموووت واخليييييييييك .. اه .. ارحمني ياربي وصبرني على فرقاه ...<< صارت تبجي بإنهيار الله يكون بعونها .. يارب ..
......
مرت الايام والكل كان يحاول معاها انها تنزل الجنين .. بس كانت رافضه رفض قطعي .. وبطنها كل يوم يكبر .. والتعب والالم يزداد عندها شهر بعد شهررر .. طبعا ارجعت بيت جراح .. وكانت علاقتها حلووه مع ساره .. وتأقلمت معاها .. بالرغم من تقصير جراح الكبير بساره .. الا انه ساره كانت مرتاحه .. وتقول الحمدلله على كل حال .. يكفيني انه يحترمني .. ويعاملني زين .. احسن من القسوه الي كنت اعيشها فبيت زوج امي .. اهني واييد احسسسن .. على الاقل احسهم قراب مني والكل يحبني ويحترمني .. ويعاملوني بحنان .. واشجان بنت طيبه لأبعد درجه ماتوقعتها بتحبني بيووم .. لدرجه اني في ايام كنت انام يمها وجراح ينام بالدار الثانيه .. كنت اراعيها اكثر من الكل .. كنت احسبها اختي الكبيره وواجب علي اني اراعيها .. وتبون الصج ؟؟ انا بعد مو قادره اصدق اني بيوم راح افقدها ؟؟ وكل يوم اصلي وادعي ربي انها ترجع لنا بالسلامه ...قولوا امييين .!!
....
بعد سبع شهور من الحمل كانت اشجان قمه في التعب وكانت ملازمه الفراش اربع وعشرين ساعه ..
وفي يوم من الايام بدا صوت صرخاتها يضج البيت من كل اتجاه:اه جراح .. جراح
دخل جراح الغرفه ركض واهو مرعووووووب:شجنننننن
اشجان تبجي وتصارخ:راح اووووولد بموووووووووووت .. اه بطنيييييييييييييييي
جراح اختبص بهالموقف شالها بسسسرعه واهي تصارخ وتعض على ملابسها وتبجيي:اه بسسسرعه
الحقته ساره بهالحظه واهي تبجيي كانت نايمه واسمعت صوت الصراخ وفزت بسرعه :بسسسسرعه جراح .. تكفىىىىىى
حطوها بالسياره وطار فيها المستشفى.. دخلوها على طول غرفه العمليات .. وجراح وساره ميتين خوووف:يارب ساعدها
ساره تبجي:جراح انا خايفه ..
جراح ماكان اقل منها خوف وتوتر وجنوووون كان يمشي بدون هدى .. يضرب كف بكف واهو يدعي ربه انه يسهل عليها :ان شاءلله سهالات ان شاءلله ..
ساره:اتصل على امها وعمتي خل ايوون بسرعه ..
جراح:مووقادر ... انتي دقيييي ...
اخذت ساره التليفون واتصلت على البيت وبلغت اروى .. واروى راح تتكفل بكل شي ..
بعد ساعه تقريبا .. الكل صار بالمستشفى والازعاج عم المكان ..
ام فوواز تبجييي :طمنيييي وينها؟
جراح بتوتر وقلق:بالعمليات
ام فواز:اه ياحسرتتتي عليج يابنتيييييي
جراح بعصبيه:لحد يفاول عليها ... شجن بترجع لنا سالمه .. لحد يبجييييييي مابي اسمع صوووووت ولا اشوف دموووع ...
كان جراح منهار لاخر درجه ... وفواز واخوه راشد يهدون عليه ...
مرت 4 ساعات على العمليه .. وطلع من بعدها الدكتور .. وكانت ملامحه ماتطمن بالخير ..
اول ما انفتح الباب الكل تجمد بمكانه محد قدر يتحرررك .. الا جراح راح يركض:طمنيي يادكتووور .. بشرررر .. زوجتي شلوووونها ..
الدكتور بأسى: طول بالك ياجراح .. ما راح اجذب عليك .. زوجتك للحين تحت الخطر .. بس الطفل بخير .. والحمدلله صار عندكم ولد !!
جراح بخووف: شنو يعني ؟؟ بتعييش والا تموووووت ؟؟
الدكتور:هالشي على رب العالمين .. الي علينا سويناه .. والحين راح ينقلونها العنايه المركزه ..
الكل صار يبجي وانهار ... بس جراح كان يطالع بعيون الكل واهو مصدوم مذهول مو مصدق موقادر يستوعب : يعني شنو تحت الخطر ؟ بتموت ؟ لا لا مستحييل
راشد:تماسك ياجراح وادعي ربك تقوم بالسلامه .. ومبرووك ما ياكم .
جراح ماسك اخوه يستمد منه القوه:قولي انها ماراح تموت .. قوووول ياراشد ..
راشد:جراح .. اترك عنك هالكلام .. انت انسان مؤمن .. ساعد اهلها ساعد زوجتك الثانيه المنهاره.. لاتضعععععف انت .. حرام علييك تسوي جذييي حرام .. حتى ربك مايرضى .. اذكر الله .
جراح بعده تحت تأثير الحزن والصدمه:لا اله الا الله ..!!
ساره المسكينه كانت تبجي بحرقه والم .. وام فواز انهارت عليهم .. والوضع مايطمن بالخيير ..
مر اليوم كله ومحد شاف اشجان لانها بالعنايه المركزه وممنوع احد يقرررب منها نهائي ..
.....
مرت الساعات ثقيله على جراح الي كان ملازم المستشفى ومحد قدر يثنيه وياخذه ...وساره بعد تمت معاه تنتظر أي خبررر .. يفرحهم .. وقاعده تدعي ربها انها تقوم بالسلامه ...!!
صار استنفار غررريب صوب غرفه العنايه المركزه والدكاتره والممرضات يركضون صوب الغرفه .. وكل واحد مسك له جهاز يتفحص الوضع بطريقه تقشعر لها الابدان ..
الدكتور بحزم:عطوني الصاعق الكهربائي بسسسسرعه ...
قعد يحط الجهاز على صدرها يبون دقات القلب ترجععع .. كانت تشاهق وعيونها طايره بالسما كان منظرها مرعععععب ... انشلت حركه جراح واهو يشوف المنظررر
دخل يركض ويبعد الدكاتره عنها واهو يصارخ ويبجييي: تركوها ... شجن شجن ردي علييي ...... حبيبتييييي حاجينيييي
كانت تشاهق ولون بشرتها صار ازررق بسسسرعه حاولت تتكلم بصعوبه : ج ج ج ج را
جراح يبجي واهو ماسك ادينها : يمج يمج .. اسمععععج ... شجن لا تتكلمييييييييييييييييين اهديييييييي اهديييي الله يخليييج
كانت تتنفس بقووووه ودموعها تنزل بقوه: وو ل دييي ..
ماكان قادر يسمعها قرب اذوونه من شفايفها عشان يسمعها عدل واذهلته من قالت بهمس:اسمه
ج ر ا ح .. جراح ...
انهار جراح بهاللحظه والدكاتره يبعدونه عنها:لا تعذبها اتركها خلها ترتاح ...
جراح:خلووووني لاتحرموني منها خلوووني
امسكت ايده اشجان وحطتها على شفايفها ..... وغمضت عيونها ..
فجأه افتحت عيونها و تعلقت بعيون ساره واهي تناديها: سا ا ا ا ره
ركضت لها ساره واهي تشاهق وتبجي:اشجان لاتخلينييي .. لاتخلينييي .. ماعندي احد غيرج اشكي له تماسكييي تكفيييين عشاني
اشجان تأزمت حالتها اكثثر امسكت ايدين ساره بضعف:ان ت ب هيي ..لولديي .. رب ي ي يه
ساره: لا لا انتي تربيييينه انتيييي ... وانهارت تبجييي بجنوون وهستيريا ..
جراح انهار وصار يتخبط يمين وشمال وفجأه سمع شهقات اشجان تعلى اكثر واكثثثثر وكأنها تودعهم ... وعيونها اغرقت بالدموووع . ... وغمضت فجأأأأه
جراح بذهوووول:شجنننننننننننننن .... شجننننن فتحي عيوووووووونج كلمينيييييي .. شجن لا ترووووووووووووووحييين وتخلينيييييي ...... لا
اخر كلمه تنطق فيها وبهمسس خفييييف : أأأأ أأأ ح ح ح ببببب .........
واقطعت كلمتها وصفرت الاجهزه تعلن عن فاجعه كبيييره .. مصييييبه حلت بهاللحظه ..
ساره واهي مفجوعه :لا لا ا
جراح مذهووول مفجوووع اشجان راحت مسكها من اكتوفها يهزها بقوووه:شجننننننننننننن .. ليييييييييييييييييييييييييييييييييييييييييش .............. اصحيييييييييي ردييييي عليييييييييييييي لاتخلينييييييييييييي قوووومي قووووووووووووووومي .....
نزل يبووس ادينها وريولها بجنون وضياع : لا تخليني ابوووس ريووولج لاتخلينيي ياشجننننننننن...
.
 
رد: رواية شتات الزمن للكاتبه غربه الاأحزاااان


تجمعوا الدكاتره مذهولين بس ماقدروا يسوون شي ... حبيبته ماتت .. حبيبته اتركته .. عصفورته طارت من الدنيا واتركته وحيييد ...
حاولوا يبعدونه عنها بسس افشلوا كان ماسكها ويصارخ بجنووون:قولو لها تررررررررررررررررد علييييي ...شجن ما ماتت لا لا
شجن قووووميييي قوووووومييييي ...
ولدنا ينتظرنا يا شجنننننن ... شجن حبيبتيييي والله احبببببج والله احبببببببببج .... حاجينيييييييييي ... جراح الصغييير ناطررج ... رديي عشانه ردييي ياشجنننننننننننننننننن ردييييييييييييييييييييييييييييييييييييييي اه
حاط راسها بحضنه وصررررررخ من اعماق قلبه بعد مافقد الامل : شجنننننننننننننننننننننننننننننننننننننننننننننننن نننننننننننننننننننننننننننننننننننننننننننننننننن ننننننننننننننننن !!!!!!!!!!!
ساره من هول الصدمه اغمى عليها وانهارت اهي الثانيه ... اشجان كانت تعني لها الام والاخت الي افقدت حنانهم .. كانت لهم القلب الرحوووم .. كانت لها شي كبيير مانقدر نوصفه بالكلام ..
..
راحت اشجان .. راحت واهي ترسم بسمه على شفايفها .. كانت حاسه انها بتغيب وبتموت .. كانت قبل وفاتها ماتترك اهلها وناسها .. كانت تتمنى تشبع منهم بكل لحظه .. عاشت سبع شهور مع جراح من احلى شهور بحياتها .. كانت مرحه تضحك وتسولف .. ولا كانت مهتمه للمووت او مصيرها الي ينتظرها ... كانت دايم واهي بحضنه .. تقوله وتذكره بحبها له .. وانها حتى لو فارقته بيووم .. راح تفارقه واهي تعشقه وتعشق ترابه .. كانت تذكره بأيام الطفوله .. وايام المراهقه والشباب ...
كانت توصيه على الطفل الياي بالطريج .. وكانت رافضه تعلمه بالاسم .. قالت له مفاجأه بس اولد اقوولك وتسميييه .. راحت اهي مع ساره وجهزوا غرفه الطفل من كل مستلزماتها ...
وشنو صار الحين ؟؟ راحت اشجان واختفت روحها من هالعالم .. بقت شتات ذكرياتها يعذب كل من حولها ..
الخبر كان فاجعه كبييره .. الكل تأثر وتعذب وانهار بهالخبر ... !! جراح اشبهه بالانسان المييت .. كان يسكت مره ويصرخ ويناديها الف مررره ... وقت الدفن فجع قلوب الناس بالي سووواه ..
ماكان راضي انهم يدفنونها .. كان يبجي مثل الطفل الي فقد امه .. بس اهو مفجوع بموت زوجته وحبيبته .. : لاتدفنووونها ... حرام عليكم تخاف حبيبتي تخاف ياناس ...
راشد وابوه كانوا منهارين على ولدهم وفواز منهار يبجي اخته الحنوونه .. معقووله صار وقت يتغطى فيه جسمها تحت هالتراب ..
راشد : جراح .. جراح ياخوي صل عالنبي .. ترحم عليها ..
جراح قاعد بالارض مفجووع والتراب يتناثر على ملابسه وويهه بجنووون :اه ياراشد راحت .. راحت ياراشد ... حبيبتي زوجتي بنتي راحتتتتتتتتتت ...
احضنه راشد واهو يبجيي:الله يرحمها الله يرحمها ...
الناس كلها كانت متعاطفه معاه لابعد درجه .. مصدوم مفجوع مذهول .. لحد يلووومه
راحوا الناس بعد ماخلص الدفن وبقى بروحه وكم شخص من المقربين له .. تم يناظر بقايا الشجن تحت التراب .. يشووف القبر تسكر .. تغطى بالتراب .. حبيبته تحت الارضضضضض ...
انهار فجأه من يديد وراح يحفرر القبررر ويصارخ : طلعووها ..... طلعوها الله يخلييييييييكم .. وقعد يصارخ يناديها :ششششششجن شششششششششششجن .... راح اخذج معاي وكان يبعد الرمل بس بدون فايده ... تجمعوا عليه اهله يسحبوونه عن القبررر ...
الكل كان يهدي عليه بس حالته اخطر من ما نتوقع .. : عليك العووض يا جراح ...!!!
كان بهالوقت في عين مجروحه من سنين وقلب مات من سنين واظن انكم تذكرتوا .. بشار ...!
بشار كان واقف وشاف المنظر الي صار بكل تفاصيله : حبيب فاقد حبيبته من يديد ...!!
شفتوا الصدفه .. ابطال قصتنا اجتمعوا بنفس النقطه ونفس الموقف يتكرر بصوره مختلفه بعض الشي ..
بشار بحزن: الله يكون بعونك ..!!
حمود:صلي على النبي ياريم ..
ريم من بين دموعها : ماتت يا حمود ماتت اشجان .. اه
حمود:الله يرحمها مايجوز عليها الا الرحمه .. حرام الي تسوينه بنفسسج ..
ريم:راحت بدون لا اشوفها .. ماتت وخلتنا كلنا نعاني من بعدها
حمود متألم على حالها:هذا القدر وهذا المصير الي بنعيشه كلنا .. هذي الدنيا يا ريم .. شتات في شتات .. والزمن لعب لعبته فينا .. ترحمي عليها ياحبيبتي ..!
ريم بحزززن:الله يرحمها يارب الله يرحمها ...!!
....
انصدم بشار لما كان يسولف السالفه حق اهله ... وعرف انه الي ماتت صديقة ريم .. وقريبه منها حيييل .. ضاق صدره اكثثثثر واكثثثثثر ... وماكان بيده الا انه يترحم عليها وعلى زوجها المسكين ...!
جراح ظل حبيس المستشفى فتره .. كان يبجي ويهذي بأسمها في كل ليله .. كان يتخيل طيوفها تزوره في كل لحظه .. حتى من طلع البيت .. كانت حالته تقطع القلووووب المتحجره ..
كان ينام بسريرها ويشم عطرها .. ياخذ ملابسها ويحضنها ويبجي فوقهم .. ويناديها ويسولف لها عن حالته بغيابها : الله يسامحج .. عذبتيني لاخر لحظه انا السبببببببببب انا السبببببببببببببببب
ادخلت ساره واهي تبجي على جراح .. صار حزنهم ماينوصف .. فقدوا اشجان وفقدوا جراح ..
اقعدت يمه وكلمته بهدوء:جراح ..
التفت لها وكل العذاب بنظرته المكسوره:راحت ياساره راحت عصفورتي .. ماتت الشجن .. اختفت بسمتها اختفتتتتتتتتت
ساره تبجييي وايدها على حلجها:جراح كفايه ... ترحم عليها لها شهرين من ماتت خلاص ارضى بالواقع .. حتى ربنا مايرضى ..
جراح بنبره تعور القلب وترجي:ابيها .. ساره حسي فيني ..
ساره تبجي:حاسه والله حاسه .. جراح .. انت نسيت جراح ؟؟؟ ولدك ولدك له اسبوع بالبيت وانت ماشفته ..!!
جراح:ولدييي ؟؟؟ اهو السبب ... انا السببب .. احنا السبب .. احنا ذبحناها
ساره تصارخ عليه:لاتقول جذي حرام عليييك ... هالطفل ماله ذنب لاتحمله مسؤلية الي صار .. ولدك بحاجتتتتك ... لاتنسى وصييية اشجان .. وصتنا نربيه ونهتم فيييه .. قوووم قووم ياجراح .. قوم اخذ ولدك بحضنك .. ونفذ وصية الغاليه ...
شد ملابس اشجان لصدره بقوووه وغمض عيونه:خلونييي
اوقفت ساره واطلعت واهي تطالع فيه:كلنا بحاجتك ..!!
تم جراح غارق بحزنه وهمه والسواد الي يحيط حياته بغيابها
.........................................


راحت من يديني كذا وانا اناظر في يدي
لا قادر اوصل دربها ولا قادر اقوى بعادها

حسيت يوم افراقها كن جسدي ما هو جسدي
مثل الشعوب اللي تحس غربة وهي ببلادها
قولولها محتاجها والشوق حاديني حدي
تعبت من كثر السهر البعد نفسي بادها
ضاع جهدي فدوة لها لو منها ضاع جهدي
احط موعد وانتظر يمكن تجي بميعادها


!

!
......
بعد مرور 5 سنوات من تلك الاحداث
اشجان:بابا
جراح:عيون بابا
اشجان::ابي الووح البحل .. ابي اروح البحر
جراح يضحك:هههه زين قولي حق ماما تجهز الاغراض وانا اخذكم ..
يت ساره تمشي اهي مع بطنها الكبيره :جراح والله عيالك تعبووني مافيني ارووح ترا
جراح:حرام لاتكسرين بخاطرهم .. بعدين هذي الغاليه واطلبت البحر يعني البحر ..واذا ماتبين تروحين خلييج انا اخذهم ..
ساره:انزين اخذهم .. بس جراح الصغير نايم اقعده والا اخليه ؟
جراح:لاقعديه في احد ينام العصر .. وبعدين بتصل على اروى وفواز يروحون معانا ..
ساره:اوكي براحتكم .. انا بقعد جراح وارتاح شوووي وانت انتبه عليهم عدل ..
جراح:لاتوصين ...!
....
بعد هالسنين قدر جراح يطلع من حزنه وكملت فرحته يوم حملت ساره ويابت له بنت .. وحلف مايسميها الا اشجان ..
وصار عندنا اطفال صغار يحملون نفس الملامح والاسامي ... اشجان وجراح .. بس هالمره اخوان .. وندعي الله يحميهم ويخليهم لبعععض ...!
....
وقف بشموخه يناظر القبور والبشر الحزينه حول كل قبر .. تقدم خطوتين لقبر حبيبته .. وقرا سوره الفاتحه على روحها ..
لليوم عاشق لهالتراب .. وحالف مهما طال الزمن .. مابيكون بقلبه حبيبه الا اشجان ..
تقدم خطوتين وسلم بصوته الخشن الرجولي : السلام عليكم ..
جراح باستغراب:وعليكم السلام ..!
بشار بإبتسامه تجعدت مع مرور السنين وغمامه الحزن الثقيله الي تعيش بقلبه:الله يرحمها ..
جراح:اجمعين .. مشكور ..
بشار:حزنا واحد .. انا نفسك فقدت زوجتي وحبيبتي .. وقعدت عمر طويييل وانا ازور القبر .. وهذا وعد علي اني ما اقطع عنها .. بس يبقى هذا عذاب لنا ولهم ياخوي ..
جراح : الله يكون بالعون .. ويصبر الجميع على مصايبه ..!
بشار:امين يارب .. بس هذا الزمن وهذا شتاته .. لازم نكون اقوى منه ..
جراح:ان شاءالله .. ومشكور على كلامك ..استأذنك الحين
بشار:الله معاك ..
.................................................. ......................


..
..
..




النهايه
 
رد: رواية شتات الزمن للكاتبه غربه الاأحزاااان

الاروع تواجدك
الله يسلمك وشكره لك هذا المرور
دمت بخير
 
عودة
أعلى