رواية شتات الزمن للكاتبه غربه الأحزان / كامله

رد: رواية شتات الزمن للكاتبه غربه الاأحزاااان



وقفت اتأمل ودمعة خساراتي على البيبان
..........تبي تنساح لكن داخلي به شيء يمنعني!


ذكرت اجمل ليالي رحلتي والحب والأشجان
..........تبسمت وتذوقت الحياة بكل ما تعني


سرحت بفكري وشفت الزهر والورد بالاغصان
..........زمن كنت اعتقد يبقى واقول الله لايقطعني..


وفجأة وقف احساسي وعدت لرحلة الاحزان
..........وحسيت بعيوني شيء يقتلني ويفزعني


غريبه .. دمعة طلت وعادت داخل الاعيان
..........وقلت اكيد هالدمعة تكاثر لا تودعني


حسافه دمعتي تكره محيط عشته بكتمان
..........كأن الدمعة تشوف الحزن والموت يتبعني


تخيلت بعيوني حالة العالم بلا سكان
..........تشابه حالتي لا خف حزن دوم يوجعني


وداعا يا دروب الحب والعشاق والخلان
.........وداعا يا دروب كل ما فيها يلوعني !


ابرحل عن حزن داري وابترك سيرة الاوطان
..........واببحث في طريقي شي عن حزني يمتعني
:::::
حمود: كنت قاعد بالصاله واحس بتعب وقله نوم وقله اكل وارهاق بس الي شافته عيني هاللحظه نستني كل شي شفتها واهي تطلع من الغرفه وابتسامتها الخجوله على شفايفها ونظرتها الهاديه الي يا ما تعودت اشوفها بس بدون مشاعر بدون احساس منها .. بس الحين اشوف ريم مختلفه ريم مليانه احساس وروعه وقفت وتميت اطالع فيها لين قربت مني وريحة عطرها ملت الجو نزلت راسها وبكل خجل:حبيبي ممكن تسامحني ...
ماصدقت الي اسمعه ابي اتأكد اكثر مديت ايدي:تعالي خليني اصدق ..
ريم بخجل تمت واقفه مكانها وتحركت خطوه وقبل لا تكمل سحبها من ادينها وحضنها بكل قوته يبي يحس فيها يبي يتأكد من الي قالته ريم نطقت وقالت له حبيبي ... بعدها عن صدره وتم يطالع بعيونها:ريم الي قلتيه من قلبج والا للحين تعبانه ..؟
ريم بنعومه :لاصج ..
حمود بفرحه كبيره:يعني رضيتي بالواقع ..
ريم:رضيت فيه لاني احبك ..
حمود:ياويل قلبي مابي اصحى من هالحلم ..
ريم واهي تبعد عنه:ليش مو راضي تصدق ليش..؟
قرب لها ومسكها من ادينها وباسهم:والله مصدق بس لا تلوميني صرت اخاف احبج وانتي تصديني اكثر ..
ريم:بس انا احبك ومابي انحرم منك .. ابييييك لي ..
حمود طار من الفرح حط ادينه بوسط خصرها ورفعها عن الارض واهو يدور فيها وعينه بعينها واهي تصارخ عليه : حموود نزلنييي ادووخ ..
حمود وصوت ضحكاته العاليه:احببببج والله مارح اخليج ولا ابعد عنج ..
ريم:نزلني خلاص..
نزلها احمود ومسكها وثبتها اكثر وصارت المسافه بينهم ضيقه والمشاعر ذوبت كل الحواجز مافي احد بهاللحظه غيرهم بالكون كانت لحظه حلم فيها حمود من يوم عرسه انه ريم تكون ملك له وما يقرب لها الا برضاها قرب راسه لهاكثر واهي بين ادينه ماصارت تحس بشي غيره اهو .. رفع راسها باصبعه وباسها بحنان طاغي ...
خذوني من دفا قلبك وياما كنت توعدني
نسيت الحب و أخباره وكنك ما تحضنته


تردد لي صدى صوتك ( أحبك ) فيها أطربني
تعال ارجوك في قلب تركته يموت حطمته

أحبك والجروح اللي من عنادي تعذبني
تراني حيل ندمان وعنادي أنت روضته


كفانا جروح ياعمري طلبتك لاتزعلني
أنا ما اقدر على الفرقى تعال بقلب جننته

وضمه حيل لا تقسي لعالم ثاني أسرقني
ولحظة حب تاخذنا وهذا الحب هو أنته


*
*


أروى: يمه يلا عاد متى عرس علي لاتقولين بيطول ..
ام راشد بضيقه:أي بيطول ..
اروى:ليييييش؟؟
ام راشد:البنت تبي تكمل دراستها واهي وعلي متفقين على هالشي والعرس يبونه متأخر يعني بعد سنه تغريبا ...
اروى:سنننه؟؟؟؟؟ يمه وايييييييييد ؟؟
ام راشد:اخوج وزوجته متفقين على جذي ماقدر اقول لهم شي ..
اروى تمت ساكته واهي معصبه وتنافخ ..
جراح:مساء الخير ...
اروى:هلا..
ام راشد:مساء النور هلا يمه وين كنت ..
جراح:عند الربع .. شفيكم احس فيكم شي ....
ام راشد:اختك معصبه لان عرس علي بيكون بعد سنه ...
جراح يطالع اروى:وليش معصبه علي بعده صغير وزوجته تبي تكمل دارستها ولا تنسين انا الكبير وبعدني ماتزوجت ..
ام راشد فزت:أي والله انت الي شالع قلبي مو ناوي تتزوج وترحمني ..
جراح واهو يقعد ويقلب بالقنوات:بلى...
ام راشد بصدمه: صصصصج متى ...
جراح:اليوم
ام راشد:شنو اليوووم ..
جراح:من قال اليوم...؟
ام راشد:انت فيك شي ؟؟ انت تقول اليوم .؟؟ تكلم بالسنع شعندك اخلص ..
جراح يلتفت على امه:يمه شفيج يعني انتي مو عارفه انا منو ابي ..
ام راشد:لا انت قووول ..
جراح:اشجان ..
ام راشد بفرحه كبيره:خوووش ما اخترت يا ولدي ونعما البنات والله شيختهم وقمرهم هالبنت ..
جراح:ها اشوف تتغزلين فيها .. بس عاد عارف كل هالاشياء الي ابيه منج باجر تروحون وتخطبونها لي رسمي وعلى فكره العرس بيكون خلال هالشهرين لا اكثر ولاقل ...
ام راشد:خلاص يمه الي تشوفه بنروح باجر ونخطبها لك والله يقدم الي فيه الخير ..
جراح:اوكي يمه عيل بروح انام شوي لاني تعبان وانتي فاتحي ابوي بالموضوع اوك..
ام راشد:ان شاءالله لا توصي حريص الله معاك ..
**
 
رد: رواية شتات الزمن للكاتبه غربه الاأحزاااان


فجر:تسألني شنو فيني يا احمد والا انا الي اسألك؟؟
احمد:فجر صدقيني كنت مشغول..
فجر:زين ماقلت شي انا بس على الاقل لا تكلمني بهالاسلوب الناشف .. احمد احنا بعدنا عالبر اذا ما تبيني اتركني ...
احمد:شنووووووو ؟؟
فجر:اتركني اذا ما تبيني ..
احمد:انتي مجنونه؟؟ شنو هالحجي ..؟
فجر تبجي:.....
احمد:جوري تكفين لا تبجين وربي انا اسف وماكنت اقصد اضايقج..زين ردي علي ..
فجر من بين ادموعها:احمد صرت اخاف منك والله اخاف ..
احمد حس فيها:تخافين مني وانا الي احبج؟؟
فجر:أي ...
احمد:لانج ماتعرفين انا شكثر متمسك فيج واحبج.. فجر سكري التليفون وحطي راسج ونامي انتي تعبانه والعرس مابقى عليه شي كلها اسبوع وشوي .. وبعدين نتفاهم اوك..
فجر ترجف من طاري العرس وتفكيرها فيه: زين..
احمد:يلا حبيبتي تصبحين على خير ومابي دموع مفهوم...
فجر:بإيدك دموعي ..
احمد بهدوء:ومارح اخليهم ينزلوون ان شاءالله ..
فجر:تصبح على خير ..
احمد:وانتي من اهله .. فمان الله ...
فجر مو فاهمه اهي من الخوف تحس جذي والا فعلا احمد متغير عليها ...
احمد مسدوح:حسبي الله عليج يا مها محد بيخرب حياتي غيرج انتي وكلامج السم .. فجر حساسه وشفافه ماقدر اقسى عليها حتى لو مجرد تفكير اني اقسى عليها احس بالذنب .. هالبنت من عرفتها راحت قوتها الي قبل ماحسها فجر القويه الي ما تهاب شي .. ليش صارت دمعتها دايم بطرف عينها .. بس لايكون انا السبب ..؟ ان شاءالله لا مابي اكون سبب تعاستها ....
::
ابو راشد:خلاص خوش راي من باجر اروح واخطبها له ولا يهمه..
ام راشد: بس الولد مستعجل يبي العرس هالشهرين ..
ابو راشد:ليش؟
ام راشد:يقول بياخذها معاه شهر عسل وايب شهادته مره وحده ..
ابو راشد:خلاص انا بقول لهم باجر ويصير خير ...
::
باليوم الثاني تمت الخطبه والمشاورات ...
ابو فواز:والله انا ما عندي مانع بس برد الشور للبنت تدرون لازم ..
جراح:ولايهمك خالي ..
ابو راشد:الله يقدم الي فيه الخير ان شاءالله ...
بعد الكلام وطول المناقشات بالموضوع وصل الخبر عند ام فواز وكانت ردت فعلها غريبه : لا انا مو موافقه ...
ابو فواز:شنو لييييش ان شاءالله ترفضين ولد اخوج؟؟
ام فواز:ولد اخوي على عيني وراسي ... بس لا اشجان ما تاخذ جراح ...
ابو فواز بعصبيه:والسبببب؟؟؟؟؟؟
ام فواز:السبب عندي وانا اتفاهم مع بنتي ...
:::
بالليل جراح ماصبر يبي يشوف اشجان وشصار عليهم ...قام واتصل فيها ...
جراح:مساء الخير بنور العين ...
اشجان والتعب زايد عليها : هلا غلاي ..
جراح بنبره شك:تعبانه؟
اشجان:لا
جراح:عيل شنو فيه صوتج؟
اشجان تمسك خاصرتها من شده الالم وتضغط على اسنانها:جراح مافيني شي
جراح:لا والله شنو مافيج شي مجنونه انتي صوتج تعبان حييييل ....
اشجان تشوف امها الي دخلت عليها فجأه واهي مختبصه:اشجان منو تكلمين؟؟
اشجان:رفيجتي ...
ام فواز:ابوج قالج عن خطبة جراح لج؟؟
اشجان مصدوومه وجراح استغرب انهم تو يقولون لها :شنوو؟؟
ام فواز:جراح اليوم ايا واخطبج من ابوج
اشجان بعدم تصديق : جراح
ام فواز:أي جراح شفيج ما تسمعين ..
جراح عالخط يسمع الحوار....
اشجان:لا ما كلمني ابوي ..
ام فواز:سمعي اشجان انا مابي اخسرج ومن الحين اقولج جراح لا ...
جراح فتح عيونه من الصدمه واشجان انخرست ولا حرف غير نظرات كلها شتات وصوره جراح تتمزق جدام عينها وبصوت متحدرج:ليييش ..؟
ام فواز:بلا ليش بلا حجي فاضي .. انا امج وابخص بمصلحتج...
جراح من الصدمه مو عارف شنو يسوي واشجان ماسكرت الخط ...
اشجان:بس يمه ..
ام فواز:شنو بس مابس ...لايكون انتي موافقه ..
اشجان بدا الالم يزيد عليها اكثر واكثر وتحس نفسها تختنق من هالضغط.... خايفه تقول ايه وخايفه تقول لا تخسر منو وتكسب منو بس اهي تحب جراح ماتقدر على خسارته..
ام فواز تمسكها من جتوفها:اشجان شنو فيج ردي علي تحسين بشي؟؟
اشجان ساكته وعينها بعين امها :.......
ام فواز:اشجان تكلمي لا تطالعيني جذي ...
جراح مات خوف على اشجان :يارب يارب استر شفيها شصار لها ...
اشجان:يمه ليش ترفضين جراح؟
ام فواز:اشجان انتي نسيتي الماضي والا اذكرج فيه انتي شلون تقدرين تعيشين معاهم بنفس البيت يا يمه انا مو رافضه جراح كشخصه انا رافضه الوضع الي انتي بتعيشين فيه يا بنتي فكري عدل ..
اشجان ماتت قهر واهي تحس انه امها تذكرها بضعفها:يمه خلاص الماضي مات ليش تحينه ليييييش؟؟
جراح مستغرب:ماضي وذكرى ووضع شنو الي اسمعه شنو الي قاعد يصير؟؟
ام فواز:مستعده تعيشين بذكرى عبدالله والي صار؟؟
اشجان تبجي بصوت عالي :يمه شفيييج ليش تسوين فيني جذي ليييييش؟؟ حرام عليج انا ابي انسى وانتي تزيديني علي الجرووح حرام عليج رحميني رحميني ... وطاحت على السرير تبجي..
ام فواز تمسك بنتها:اشجان يمه انا خايفه عليج..
اشجان:يمه خليني بروحي..
ام فوز:بس ..
اشجان:يمه تكفيييييين تركيني تكفييييييين ...
اطلعت ام فواز واشجان ميته من البجي وجراح مصدوم من الي يسمعه حاول ينادي عليها بس مو قادر يركز ولا يستوعب موضوع الماضي وطاري عبدالله ... سكر الخط وتسند على طرف السرير يفكر بالموضوع ..
:::
ريم:حمود بس تعبنا خلنا نرجع ..
حمود:لالالا انا اليوم مستانس مافي رجعه الفندق الا عقب ما اشبع وناسه ..
ريم:ههههههه الله يديم عليك هالوناسه ..
يقرب منها حمود:وياج فديت قلبج ...
ريم تخزه:مو جدام الناس ..
حمود:محد له شغل اصلا يموتون بهالحركات تبين نجرب وتشوفين..
ريم:شنو تجرب؟؟
حمود:تبين والا لا ؟؟
ريم:قولي شنو تبي تسوي؟
حمود بحركه سريعه حط ايده ورا ضهرها وايد تحتها ورفعها عن الارض وصار يدور فيها جدام الرايح والراد جدام نهر التايمز وكان الجو خيال ...
ريم: ههههههههههه مجنوون نزلني ..
حمود: مو قلتي تبين تجربين ... شوفي شلون مستانسين علينا ..
ريم:بس ادووخ حرام عليييييييك ...
حمود:دوخي انا اشيلج ..
ريم واهي تنزل:انت تبيها من الله بس مالك امل ..
حمود:هههههههههه مالي امل؟؟ صج مسكينه انتي ..
ريم:ليش؟؟
حمود:مو ملاحظه شي؟؟
ريم:شنو؟؟
حمود:صرتي ماتعرفين شي وكل ماقلت شي قلتي شنو ؟؟ اشك انج فقدتي الذاكره او التركيز
ريم بخجل:زين انت لا تخز واحنا بخير ..
حمود:ههههههههه يؤ بس خلاص بلا هالخجل ويهج صار طماط ..
ريم واهي تمشي :زين اعقل ..
لحقها حمود ومسكها من خصرها ولفها عليه:تمشين بدوني اهون عليج؟؟
ريم واهي تضحك بصوت واطي:زين ابعد شوي ..
حمود:انتي شكو..؟
ريم:ابعد عشان اقدر اتكلم..
حمود:تكلمي من قاضبج.. خلصي اهون عليج؟؟
ريم واهي منزله راسها:لاحول منك ... أي تهووون ..
حمود فاتح عيونه:والله ...
ريم:لا
حمود:ليش غيرتي رايج خوافه ..
ريم ترفع حاجبها:مو خوافه ...
حمود:زين لاتزعلين..
ريم:مو زعلانه ..
حمود:امممم
ريم:شفيك..؟
حمود:ممكن طلب...؟
ريم:شنو..؟
حمود:قربي اشاورج احسن ..
ريم:تكلم محد يسمعك..
حمود:اول شي اخذ رايج وبعدين اسوي الي بطلبه..
ريم شاكه فيه:زين كاني قربت قول..؟
شاورها حمود من صوب واهي قلبت طماطه من صوب:حموووووود...
حمود:ها
ريم:ويعه .. شنو ها ..
حمود:قولي تم..
ريم بتموت ضحك:لا..
حمود:تكفين..
ريم:بالبيت..
حمود:اخ على هالبيت متى اوصل واخذ هالحلاوه وربي احس بدوخ ابيها ..
ريم:ههههههههههههههههه لا مافي رجعه البيت انا بخاطري امشي بعد..
حمود بنظره خبيثه:ترا مصخت اليوم امشي احسن لج .. وبسج هرووب ..
ريم:هههههههههههه لالا مو الحين بعد شوي..
حمود واهو ماسكها من ايدها:اقول لاتكثرين كلام يلا مشينا ..
:::
اشجان ماغفت لها عين من يوم سمعت كلام امها واهي تبجي وحابسه نفسها بالدار وكل ماتصل فيها جراح ماترد عليه ويزيد عليها الجرح والالم اكثر واكثر ان قرت مسجاته لها واهو يصبرها ويوعدها انها بتكون له .. ومستحيل يرضى بدموعها عشانه ..
,,
جراح:اخ يا اشجان ليتني احتويج وانسيج الهم والبكى وكل ذره حزن فيج .. بس لو احد يفهمني منو عبدالله ؟؟ شنو دوره برفضهم لي .. يالله والله احس راسي راح ينفجر بس لازم اعرف لازم ..
,,
حمود بهمس:ريمي يلا قومي كافي نوم ..
ريم بنعاس:همم
حمود يلا حبي قومي خلاص راح الوقت واليوم نرجع الديره ..
ريم:بنام
حمود:يالبيه على الي تبي تنام محد قالج تسهرين امس كله .. يلا دنيتي بلا دلع قومي ..
ريم:زيين .
حمود واهو يبوسها على خدها:فديت العاقله انا .. يلا خلصي لا تطولين ..
اقعدت ريم وتمت تطالع فيه :احبك
حمود:دخيلج مووقته ترا اكنسل الطياره واقعد بحضنج الحين
ريم:ههههههههه مجنون تسويها ...
حمود:ومنو جنن فيني غيرج انتي يا مجننتني ..
ريم:حموود .. اطلع برا يلا خلني اخلص ..
حمود:نعم نعم يما .. وصرتي تطرديني .. أي هين انتي قومي خلصي ويصير خير ..
طلع حمود واهو يضحك وادخلت ريم اخذت شاور والبست لها لبس خفيف بحكم برودة الجو الا ان الكويت حر وماتبي تتوهق بالمطار ..
.. .. ..
 
رد: رواية شتات الزمن للكاتبه غربه الاأحزاااان


اليوم احلى ليله عند احمد وليله توتر عند فجر اليوم ليله العرس وما ادراك مالعرس .. ^_^
اشجان:جوري ليش هالخوف والله تاخذين العقل كل الجمال والزين فيج ..
فجر ترجف:بموت خووف مو قادره اتحمل ابي ابجي ..
اشجان:والله حاسه فيج بس ماينفع البجي الحين .. مابقى شي وتنزفين تقولين بجي مابجي .. والله بزعل منج .. بعدين خليج حلووه لايطلع ريلج احلى منج ..
فجر قلبها يخفق بقوه من طاري احمد : اخ يارب صبرني واعني على هاليوم .. زين زين شجونه شكلي تمام اكيييد ..
اشجان كانت سرحانه مو فبالها :
فجر:اشجان اكلمج ردي علي ..
اشجان:ها هلا حياتي ..
فجر: ولا شي خلاص ..
ام فواز:انتوا بعدكم يلا الزفه راح تبدا .. والناس مالين الصاله .. يلا يمه قومي معاي ..
فجر:يمه لا تخليني خليج معاي ..
ام فواز خانقتها العبره على بنتها:الله يفرح قلبي فيج ويطمني عليج يارب .. الف مبرووك يا يما ..
فجر تحضن امها وتبوسها على راسها:الله يبارك فيج يالغاليه ولايحرمني منج ..
اشجان:يلا الزفه راح تبدا يما خلينا نطلع فجر الحين ..
ام فواز:يلا يا بنتي ..
اطلعت فجر على انغام رومانسيه وهاديه .. مع جمالها وفخامتها الباهره .. كانت تطالع الناس من حولها واهي مو بعالمهم تحس انها بعالم ثاني عالم راح يجمعها بأحمد وبس دقايق ووصلت الكوشه وبدوا البنات بالسلام والرقص ...
منال بصوت خبيث:مبروك يا زوجة اخوي ..
فجر بابتسامه:الله يبارك فيج ...
اشجان تخز منال بقهر وبنفس الوقت تغيضها:جوري حبيبتي لج سلام خاص من جراح وعلي تو متصلين فيني ..
منال شبت فيها نار الغيره من طاري جراح لليوم ما نسته ولا نست الي سوته اتركت البنات وانزلت من الكوشه ..
فجر:انتي شسويتي ؟؟
اشجان بإبتسامه نصر:ولا شي ..
//

فواز: الف مبرووك يا احمد .. وحط بالك على اختي .. وهالله هالله فيها ..
احمد:الله يبارك فيك ولا توصي حريص فجر بعيوني ..
ابو فواز:الف مبروك يا ولدي منك المال ومنها العيال ان شاءالله ..
احمد:الله يبارك فيك عمي .. تسلم ما تقصر ..
الكل سلم ع المعرس قبل لا يروحون صالة الحريم ويزفون المعاريس ...
احمد:واخيرا بنروح الحين ..
فواز:وانت ليش مستعيل اولا واخيرا بتروح لها .. يلا مشينا ...
...
اشجان:يلا حبيبتي تعالي البسج ردائج الريايل وصلوا ..
فجر قامت ترجف والعبره اخنقتها :اشجان لاتروحين ..
اشجان فيها بجيه على اختها وانه اليوم بتفارقها ...:لا تخافين كاني يمج ...
ادخلوا الريايل والمعرس بين ابوه وعمامه وكان وسيم وجذاب بطريقه كبيره تم يمشي لين وصل الكوشه وسلم على اهله وابوه وقعد يم زوجته التفت عليها :مبرووك حبيبتي ...
فجر بصوت خافت:الله يبارك فيك..
منال:الف الف مبروك يالغالي ...
احمد:الله يبارك فيج ..وبعدين انتي شنو هاللبس ؟؟
منال:اقوول احمد لا تقلب علي خلني فرحانه بعرسك ..
احمد:لاحوووول منج انتي ..
منال كان ثوبها عاري بصوره كبيره عشان جذي انصدم منها اخوها لكن ماحب يصدع راسه معاها واهو قاعد يم ملاكه وحبيبته ..
فجر بقلبها:أي خلك تهاوش مع اختك بس لا تلتفت علي ..
احمد مثل الي حس فيها التفت عليها ومسك ايدها وكانت ترجف حيل وبارده ابتسم لها :سبحان الي خلقج وسواج وربي اني محظوظ فيج ..
فجر قلبها طبوول جدامها ابتسمت غصب..وكانت تدعي ربها يهدي عليها وتفرح بهالليله ..
اشجان:مبرووك يا احمد وما اوصيك على اختي ..
احمد بإبتسامه عريضه:هلا بالشجن .. انتي بالذات بقعد اشكرج العمر كله ولا توصين على اختج ..
اشجان تضحك:مابيك تشكرني الحمدلله ان الله جمعكم .. يلا استأذنكم ..
احمد:اذنج معاج .. ها جوري فرحانه مثلي والا لا ؟؟
فجر تطالع الارض :بلى ..
//

ام فواز بدارها وتبجي ادخلت عليها اشجان:يمه قاعده ؟؟
ام فواز:تعالي ..
اشجان:يمه حبيبتي ليش تبجين ؟؟
ام فواز:البيت بدون اختج يضيق الصدر .
اشجان:افا يمه واحنا ما نملي العين ؟؟ انتي تبجين وسراب قالبتها مناحه وبعدين يعني؟؟ادعوا لها بالتوفيق ..
ام فواز:الله يوفقها ان شاءالله ويهنيها يارب ..
اشجان:يلا يما اخليج الحين بروح انام توصين على شي ؟؟
ام فواز:سلامتج روحي نامي ..
اطلعت اشجان حق دارها واهي مهمومه وبخاطرها تسمع صوت جراح امسكت تليفونها وبدت تقرا مسجاته وتسترجع ذكرياتها .. اخنقتها عبرتها واهي تتذكر ايامها واحلى لحظاتها مع جراح .. لفت انتباهها اكثر من مسج ..
احبك ولكن...
من يعرف اني احبك ؟
سوى
ربك
وقلبي
والوساده
وليل الشوق اللي تسهره عيني
ودمعي يوم خانتني الإراده
فخمس شهود عندي تأكدلك وتعطيك الافاده

...اشجان:اه يا جراح مابي احد يشهد على حبك كافي اني شاهده عليه .. وحاميته بقلبي ..

تبسم يابعد حسي بعد نبضي وكل شعور
تبسم وأترك اللوعة علامه من علاماتي
تبسم وأترك البسمة تجبر خاطري المكسور
ترى بسمتك وهي بسمة تساوي كل ضحكاتي
اشجان:ماعاد لي بسمه من دونك يا جراح .. ليتك تحس فيني وتكلمني والله الشوق مضنيني وذابحني ..
خانتها دموعها وصارت تبجي ..

كل الي يكفيني ب ع مري " لحظتين "
ل ح ظه أشوفك ../ وأختنق من " عبرتي "
ولحظه أبادلك " ال ح نين "وأشتاق لأحلى " لحظتين "
وأشتاق أنا في هالحياه " لكلمتين "
كلمة أح بك نفسها بس مرتين ..!*~

بس بس تعبت والله تعبت من فراقك وليالي صبري وانتظاري .. وينك يا جراح شنو الحل مع هالفراق ليش تتركني يوم اني بأمس الحاجه لك ..
//
في نفس اللحظه كان التفكير والبال مشغول بأشجان..:يارب لي متى بقعد جذي ماقويت افراقها اكثر من جذي قلبي ملهوف عليها .. بخاطري اتصل فيها بس خايف الوقت متأخر .. والبنت نايمه ..
بس احساسي يقول غير جذي اعرفها تسهر ولازم افاتحها بالموضوع مره ثانيه ...
اتصل جراح وبعد خمس رنات ردت عليه :جراح ...؟
جراح بصوته الحنون:عيون جراح وقلبه ..شخبارج..؟
اشجان بصوتها الولهان المشتاق :انا بخير انت شلونك ..؟
جراح:من بعدج مالي لون ..
اشجان اخنقتها العبره:جراح
جراح:لبييه؟
اشجان:لا تخليني ..!
جراح:اشجان انا ما حبيتج عشان اخليج وانتي لي اليوم والا باجر انتي لي ..
اشجان:بس ..
جراح:خلي امج علي .. بس حبيبتي ممكن تهدين عشان اقدر اكلمج بموضوع ..
اشجان:تفضل ..
جراح يلملم الموضوع عشان يقدر يبدا معاها : حبيبتي تذكرين يوم امج ارفضتني وانا كنت ع الخط معاج .. امج طرت سبب الرفض انه شخص اسمه عبدالله ..
اشجان ضاق صدرها من هالموضوع وبجت على طول :جراح سكر الموضوع ..
جراح:اشجان يا عيوني لا تبجين رجيتج .. خلاص نسكر الموضوع .. بس توعديني تهدين ..
اشجان:جراح مابيك تفهم موضوع عبدالله غلط..بس مابي اذكره ..الله يخليك ولابد بيي اليوم الي اقولك فيه .. بس اصبر علي الله يخليك ..
جراح:خلاص حبيبتي ننسى الموضوع .. بس انتي ليش سهرانه للحين ..
اشجان:الصج..ماياني نوم بعد ماطلعت فجر وثاني شي انت
جراح:وانا نفس الشي ماقدرت انام حسيت اني محتاج اكلمج .. اشجان انا ماقدر على فراقج اكثر من جذي ..وقرب وقت السفر ولازم اخذج معاي قبل لا اسافر .. حياتي انا قررت اكلم عمتي بنفسي .. واهي لازم تتفهم الوضع ..
اشجان:ان شاءالله تقدر الوضع انا تعبت .. من التفكير وشوقي لك ..
جراح:فديت قلبج وشوقج وكلج يالغاليه ..بس تأكدي انا وانتي لبعض ..
اشجان:امييييين يارب ..
جراح:حبيبتي
اشجان:هلا قلبي ..؟
جراح يتحنحن ويعدل صوته :سمعي وبعدها سكري الخط ونامي .. اوك
اشجان مو فاهمه:اوك ..
جراح بدا يغني بصوته العذب :
انت غير الناس عندي
انت عندي شي كبير
كيف بصبر وانا شايف
ناس من حولك كثير
وانا احبك واقولها لك
كلمه خليها في بالك
انا ماني اي عاشق
انا لمه اعشق اغير

من عيون الناس والله
اغار يا عمري عليك
وما اتطمن وانسى خوفي
الا وايديني بئديك
بس تحمل كل جنوني
لانك اغلى من عيوني
لو تدور ماتلاقي
منهو غيري يموت فيك
انت غير الناس ..

قلبي في ايدينك يا غالي
بس خل بالك عليه
يا حبيبي هذا قلبي
وانت ادرى الناس فيه
لو اعيش العمر كله
ما انسى حبك او امله
ما ابي شي بحياتي
انت بس اللي ابيه
انت غير الناس ..

اشجان تسمع واهي طايره من الفرح تحس مشاعرها تخونها اتجاه جراح ودموعها وخوفها كل شي مختبص في قلبها ...
جراح:تصبحين على حب ياحب قلبي ودنيتي انتي ..
اشجان:احبك ..
سكرت الخط وحاولت تنام بس ماقدرت واهي تتذكر جراح ووعده لها ..
//
 
رد: رواية شتات الزمن للكاتبه غربه الاأحزاااان


ام فواز:هلا يمه حياك تفضل .. بس على ماقعد فواز ..
جراح : لا عمتي انا ابيج انتي خلي فواز نايم ..
ام فواز:يالله صباح خير .. تفضل يمه تعال نقعد هناك ..
راح جراح مع عمته واهو مقرر مايطلع منها الا والموافقه عنده ..
ام فواز:تقضل يمه كاني قعدت قول ..
جراح:عمتي انا مابي اضيع وقتج ولا وقتي .. بس عندي سؤال وتجاوبين علي بكل صراحه اذا تعزييني وتغليني ..
ام فواز:اكيد يمه والله يشهد بمكانك عندي ..
جراح:عمتي ليش رفضتيني ؟؟
ام فواز تكدر خاطرها بس لازم تصارحه:يمه يا جراح انت اكيد راح تفهمني اذا صارحتك صح ؟؟
جراح:اكيد عمتي بتفهم كل شي بس انتي تكلمي وريحيني ..
ام فواز:يمه يا جراح انا مارفضتك لعيب فيك بالعكس انت كل بنات الكون يتمنون اشارتك بس .. لكن اشجان ماقدر اعطيك اياها خوفا عليها وعليك انت بعد .. يا جراح اشجان تعاني من صغرها ...
....:لا يمه تكفييييين ...
جراح وقف مصدوم وام فواز اسكتت من شافه دموع بنتها ورجفة ادينها :اشجان
اشجان:ليش يمه ؟؟ ليش ماتبين تنسين ؟؟ ليش تعذبيني بهالموضوع وترجعين تفتحينه؟؟ انا شكيت منه قلت لكم اني لليوم اعاني منه .. يمه الله يخليج انسي مثل ما انا نسيت وخليني اعيش حياتي ..
جراح مو فاهم شي قرب خطوتين من اشجان وتكلم:شجونه رفعي راسج ..
اشجان من بين دموعها:جراح والله مافي شي والله ..
جراح يلتفت على عمته ويهز راسه لها انها خلاص توافق واهما يحلون الموضوع.. ورجع كلم اشجان:شجونه اول شي مسحي دموعج وثاني شي ماصار أي شي يخليج تبجين وتقولين هالكلام .. وامج وافقت ..
اشجان تطالع امها واهي مو مصدقه:يمه
ام فواز تهز راسها بلاحول ولا قوة:الله يبارك لكم في بعض ..
جراح ابتسم من كل قلبه وتألم اكثر على اشجان ودموعها:الله يبارك فيج عمتي
راحت اشجان لحضن امها واهي تبجي:يمه اهم شي تكونين راضيه علي .. يمه صدقيني راح اكون سعيده مع جراح .. خلوني بس هالمره اشوف حياتي ..
ام فواز:خلاص يا يمه انا موافقه بس ..
اشجان:بس شنو يمه؟؟
ام فواز:تقدر يا جراح يكون لبنتي بيت بروحها ؟؟
جراح بإبتسامه:على هالخشم .. اشجان تامر وانا البي ..
اشجان تبتسم بخجل:بس انا مابي بيت بروحي وبقدر اعيش يا يمه ..
ام فواز:نتكلم بعدين بهالموضوع يا بنتي ..
جراح:زين عمتي بما انج وافقتي مافي شي يخليني اتأخر ترا كل الي باقي عندي شهرين وارجع استراليا اخذ شهادتي وارجع وابي اشجان معاي..
ام فواز:بس مارح تقدر تجهز شي ..
جراح:عمتي انتي وافقي وخلي كل شي علي وعليها وبتطلع احلى عرووس .. مو جذي شجن ؟؟
اشجان ماترد عليهم بس تبتسم لهم .. وخلتهم وراحت دارها وقابلتها سراب هناك:ها خير ليش كل هالوناسه كلمتي فجر ..
اشجان متسنده ع الباب وتبتسم : لا
سراب: عيل ؟؟
اشجان بخجل:جراح...
سراب : شفيه ؟؟
اشجان:خلاص امي وافقت ..
سراب:صصصج؟؟؟؟متىىى بسم الله ؟؟
اشجان:أي صج تو الحين .. كنت نازله المطبخ وسمعت صوتهم وصار الي صار ..
سراب بضيقه:مبرووك
اشجان:الله يبارك فيج .. بس شنو فيج ليش تضايقتي ؟؟
سراب تحبس دموعها:فجر راحت وانتي راح تلحقينها انا منو يبقى معاي؟؟
اشجان تحضن اختها وتبوسها:ياقلبي لا تقطعين قلبي وتبجين .. ماراح اخليج وكل يوم بكون عندج شنو تبين بعد ..
سراب:أي هذا اذا خلاج جراح ..
اشجان:لاتقولين عنه جذي .. والله انه طييب وتشوفين ..
سراب:خلاص من الحين تدافعين عنه ..
اشجان تضحك:هههههههه خلاص ماراح اتكلم عنه ..
//
حمود:نورتي البيت حبيبتي ..
ريم:منور بأهله وفيك يالغالي ..
حمود:سمعي حبي بما ان تو واصلين وتعبانين بنام شوي والمغرب لازم نروح البيت العوود ..
ريم:شورك وهداية الله خلاص نروح ..
حمود:يلا قلبي تكفين جهزي لي الحمام بموت من التعب ..
ريم:من عيوني دقايق ويكون كل شي جاهز ..
مسكها من ايدها قبل لا تروح :تعالي ..
ريم:لبييه هلا حبي..
حمود يقرب لها :قبل لا تروحين عطيني علاجي ترا اليوم كله ماخذت منه شي ..
ريم بخجل:انت وبعدين معاك .. ما تشبع ولا تمل ..
حمود :والي عنده هالملاك يمل منه او يشبع .. يلا يلا خلصيني ترا تعبان وابي اصحصح..
ريم تضحك:التعبان يرتاح
حمود بخبث يقرب لها:خليج مطيعه وهاتيه بالطيب لا اخذها بالغصب ..
ريم تحاول تبعد نفسها:زين خلاص بعطيك بس أبعد ..
حمود:يالله هاتي..
قربت منه اكثر ليين اخذ واكتفى ابعدت نفسها بسرعه:مجنوون وربي ..
حمود يضحك:تووت ياناس ويلوموني فيها ..
ريم تضحك بخجل:اروح اجهز لك الحمام احسن لي ..
بعد ما تجهز الحمام وتسبح حمود وبعده ريم اكلوا لهم شي خفيف وادخلوا يناموون انسدح حموود وغمض عينه اول مادخلت ريم يمه قرب لها وسحبها من خصرها على صدره ودفن راسه بشعرها:خلييج يميي
ريم تغمض عيونها:نام حموود انت تعبان...
تمت بين ادينه لين غفوا الاثنين ..

//
أحمد:صباح الخير يا عرووس
فجر بخجل:صباح النور
احمد:يلا عاد شنو هالكسل صارت الساعه 9 قومي حبيبتي ورانا مشوار اليوم وطلعات ..
فجر بقلبها ليش انا قدرت انام عشان اشبع اصلا:خلاص قعدت
احمد:انا بنزل اللوبي تحت اذا خلصتي تعالي ..
فجر بنظره يعني مايعرف ينتظر بينزل بروحه شحقه :اووكي
ادخلت اخذت لها شور والبست بنطلون ابيض جنز وبدي تركواز مع كرستال خفيف وبلوفر ثقيل ابيض وبووت تركواز مع شوي ميك اب خفيف من لون لبسها وانزلت تحت وشافته قاعد بروحه وسرحان:مرحبا
احمد:ها خلصتي ..
فجر بدون نفس:ايي
احمد:شنو تبين تاكلين؟
فجر:ماشتهي شي ..
احمد بنظره:جوري زعلانه؟في شي صاير احس فيج مو على بعضج..
فجر:لا
احمد:بلىى تكلمي قولي
فجر بإحساس غريب انها بتبجي:قلت لا
احمد يرقب منها:شنو لا وانتي الدمعه بطرف عينج؟
فجر:احمد ..
احمد:هلا قلبي
فجر:ليش ما صبرت وننزل مع بعض ..
احمد ابتسم:وهذا الي مزعلج؟
فجر:مو جذي بالضبط بس مادري حز بنفسي
احمد:فديت نفسج واحساسج .. والله ما كنت اقصد بس قلت اخليج تاخذين راحتج ..
فجر تمسح دمعتها:خلاص انا اسفه لا تتضايق من تصرفي
احمد يبتسم:ازعل منج؟ انتي سوي الي تبينه وماعاش الي يزعل او يضايقج ..
فجر:الله لايحرمني منك ..
احمد:ولامنج حبي .. كلمتي اهلج ؟؟
فجر:لا والله ..
احمد:بعد ما نتريق نكلمهم اووكي؟
فجر تبتسم:اوكي..
//

اشجان : الوو
فجر:قووه شجووونه ..
اشجان تبي تستوعب الصوت لانه يقطع:منوو فجر ؟؟
فجر:أي فجر شدعوا نسيتيني ؟؟
اشجان:هلا وغلا ياروحي شلوونج طمنيني عنج ..
فجر :بخير الله يسلمج انتي واهلي كلهم شلوونهم؟؟
اشجان:والله الكل بخير وفاقديننننج البيت بدونج ضيقه ..
فجر تبجي:يا بعد قلبي انتي .. تكفين لا تتضايقون واهم شي امي خليكم معاها
اشجان:لاتوصين عليها يا قلبي بعيوني ..
دخل فواز وقعد على الارض وعينه على اشجان ولهفتها بالمكالمه..
اشجان:زين وبعد ان شاءلله كل شي تمام ..
فواز:منو تكلمين ؟
اشجان:فجررر
فواز:يا قلبي هاتيها هاتيها والله لها وحشه الدبه ..
اشجان:جوري اخذي فواز يبيج :
فواز:مرحبا يالعرووووووس
فجر:انت ما تترك سوالفك .. هلا ومليوون مرحبا ..
يخزها احمد:كل هذا لهم يابختهم ..
فجر تضحك..
فواز:ليش الضحك قايل نكته انا..
فجر :لاياقلبي مو عنك انت شلوونك؟
فواز:والله دام اذني تسمع هالضحكه انا بخير .. هاتي الي يتحرش فيج ادري اهو الي يضحكج
فجر:ههههههههههههه اوك لحظه
فواز:اهلا اهلا بالمعرس الكاشخ..
احمد:هلا فيييك يالغالي شلوونكم ؟؟
فواز:الحمدلله الكل بخير .. طمني عنكم .؟
احمد:اختك ملعوزتني ..
فواز:بل امداها بيوم تلعووزك..
فجر :حرام عليك .
احمد:أي والله يا فواز بلاك ماتدري بس خلني ساكت ..
فجر:بسسس
فواز:اقوول لا تحرج اختي وخلك مضبووط
احمد:هههههههههههههه بل عليك وقلبت ضدي بعد ..
فواز:أي عاد كله صوب وجوري صووب ..
احمد:طيب طيب .. خلها تكلم امك وتخلص وانا اعرف شغلي معاها ..
فواز:::هههههههههههه أي هيين ..
///

حمود:ها حبيبتي جاهزه؟؟
ريم:أي بس دقيقه البس عباتي وايي
حمود:يلا بقعد لين تخلصين ..
ريم:انزل شغل السياره لين ايي لك ..
حمود:خلصي ننزل مع بعض ..
ريم:اووك
حمود:على ما تخلصين شعرج وين حاطه العبايه ؟؟
ريم:فديت قلبك تلاقيها بالكبت ..
قام حمود وفتح الكبت : أي وحده تبين هذي والا هذي ؟؟
ريم:على ذوقك مايفرق معاي ..
حمود:اممم هذي اعجبتني
ريم:وانا احبها حيييل .. حركات الناس الذووق
حمود:ها يما مو عاجبج؟؟
ريم تضحك:هههههههههه لا عاجبني ونص ..
حمود:أشوا حسبت بعد ..
//
في بيت عم حمود المقارب لبيت ابوه مايفصل عنه غير ممر وباب واحد لكن كل الجمعات تصير في بيت العم باستمرار ..
نوره < بنت عم حمود وعمرها 27 وللحين ما تزوجت ..
نرجس< اختها الي اصغر منها وعمرها 22 سنه وتكمل دراسات عليا وما فبالها الزواج الا لين تتزوج اختها ..
نوره:اوووف مو طايقه نفسي اليووم ..
نرجس:ليش؟
نوره:شنو ليش واليوم بشوف الكريهه
نرجس باستغراب:منو تقصدين لولوه؟؟
نوره:لا والله لولوه الي ما كنت اطيقها صارت تسوى بنت بليس بمليون مره ..
نرجس:يووه عيل منو تكلمي ..
نوره بحقد:ريييييم
نرجس:ريم زوجه حموود؟؟
نوره:لاتقولين زوجه حموود والله ما بخليها تتهنى فيه .. حمود لي انا واهي راح تندم والله تندم ..
نرجس:هييي نوره شهالكلام انتي ما نسيتي لليوم يعني خلاص .. ريم مالها ذنب بشي ولا حمود كان يعرفها ولا شايفها وانتي الي ضيعتي حمود من ايدج .. والا اهو كان شاريج والا تبين اذكرج
نوره:انتي جب مالج شغل .. وحمود مثل ماراح مني بيرجع لي واهو يركع .. وعينج تشووف
نرجس:لا تحلمين واييد عشان ترتاحين وارضي بنصيبج احسن لج ..
نوره بنظره خبث:نصيبي معاه وبس ..وغير هالكلام ماراح اسمع ولا ارضى فيه ..
نرجس:براحتج انتي المتضرره الاولى والاخيره .. محد بياكلها غيرج .. يلا انا بروح مابقى شي ويوصلون الناس وانتي قعدي مع افكارج السوده هذي
نوره:ذلفي عساج مارجعتي .. كلامج ايب السم .اووف منج من اخت ..
//
حمود:يلا ريم وصلنا ..
ريم:وانت بتخليني ادخل بروحي ماقدر .
حمود:بياكلونج؟؟ دشي اسلم وايي
ريم بترجي:حمود لا الله يخليك تعال معاي اول وبعدين اطلع براحتك ..
حمود يرفع النظاره من عينه:طيب امشي والله ماله داعي كل هالحركات ..
ريم تمسك ادينه:زين ماله داعي مو مشكله بس امش ..
حمود:امرج عمتي كم ريم عندنا ..
نوره بالصدفه شافتهم من شباك الغرفه وماتت قهر من قربه لها ومسكت ايدها له .. لفت شعرها بحركه عشوائيه وحطت الملفع بطريقه بسيطه يبين كل شعرها وانزلت بسرعه ...
حمود:السلام عليكم ...
وقف كل من كان بالصاله عشان يسلم عليه عمته وبناتها : وعليكم السلام والحمدلله عالسلامه ..
حمود: الله يسلمكم من كل شر ..
نرجس:حيالله العرووس منوره البيت ..
ريم: الله يحيج ويخليج يالغاليه ..
سلمت عليهم ريم وحست انها مو مرتاحه في شي مخوفها ....
نوره بصوت كلها ثقه :شخبارك حموود ؟؟
حمود بنظره بارده:الله يسلمج بخير .. يلا ريم حبيبتي انا ماشي اذا تبين شي سوي لي الوو اوك حبي
نوره ماتت قهر من كلامه وتمت تخز ريم..
ريم: ان شاءالله ..
طلع حمود وتمت ريم بروحه بدونه حست بخووف وارتبا ك فضيع .. وفجأه وصل لها صوت نوره:عسى ولد عمي مرتاح بس ..؟
ريم ترفع حاجبها صج وقحه:الحمدلله اكيد بيكون مرتاح ..
نرجس تلطف الجو:والله وعرف يختار ولد عمي ماشاءالله قمر اسم الله عليج ..
نوره:لا تبالغين عاد جمالها عادي ..
ريم بابتسامه:شكرا من ذوقج يا نرجس ..
نوره بغيض:وتعرف تحقرني بعد ..
//
حمود:الله يستر من هالبنت لا تزعل ريم والا تسوي لها شي ..
ابو حمود:وبعد يا ولدي شخباركم ان شاءلله استانستوا وارتحتوا ؟؟
حمود:الحمدلله يا يبا كل شي بخير ..
وصل اتصال من ريم حق حمود:الووو
ريم:حموود وينك ؟؟
حمود:بالديوانيه قلبي فيج شي ؟؟
ريم ماسكه دموعها غصب:برجع البيت تأخرت
حمود يتكلم بهمس:ريم فيج شي حبيبتي ؟؟
ريم:حمود تاخذني والا اروح بروحي ..
حمود:خلاص خلاص طالع.. يلا ثواني وطلعي انا عند السياره ..
ريم:طيب ..
//
نرجس:حرام عليج يا بنت شنو سويتي فيها ..
نوره تلعب بطرف شعرها :انتي مالج شغل بشي .. وهالبزر انا الي بعرف شلون اطفشها واخليها تكره حياتها ..
نرجس:نوره تسنعي ترا والله اسوي شي مايعجبج ..
نوره:انتي جربي تدخلين وشوفي شنو راح اسوي اقلها بعلم ابووي على موضوع حبيب القلب نادر ..
نرجس:تهدديني يا نوره روحي قولي حق ابوج وانا بقوله بنتك تركض ورا ريال متزووج ..
ونشوف منو بيرحمج من لسان ابوي وانتي ابخص ليش تركج حموود يعني حطي راسج بعقلج واستريحي بأرضج..
نوره بقهر:طلعيي برا ....
نرجس:طالعه بدون لا تقولين لان مايشرفني اقعد معاج الا لين تعقلين ..
//
حمود:يلا والحين صرنا بالدار قوليلي شنو الي زعلج وخلاج تبجين قوليلي الله يخليج ..
ريم تمسح دموعها:خلني بروحي ..
حمود:مو بكيفج تكلمي..
ريم:شتبيي مني مالك شغل فيني فاهم مالك شغل .. < وارجعت تبجي وعطت ضهرها حقه
مسكها حمود من كتوفها ولفها عليه وتم يطالع عيونها:هالكلام يطلع من حبيبتي الصغيره الهاديه ..؟وعشان شنو كل هذا ...؟
ريم حاطه عينها بعينه مو قادره تنزلها كل شي فيه يجذبها له:مافي شي
حمود بإصرار وحنيه:وهالدموع الغاليه منو سببها ..؟
ريم بصوتها الدافي:انت
حموود باستغراب:وانا شنو سويت قلبي؟
ريم تنزل راسها :مادري
حمود:ريمي هذا لغز والا شنو ؟؟ يلا قولي تكفين لاتخوفيني عليج والله ماسويت شي يزعلج..
ريم تبجي:انت تزوجتني عشان تقهر نوره انها رفضتك وانت تبي تطلقني وتاخذها بعدين
حمود مسكها اكثر وحط عينه بعينها:ريييم شهالكلام وانتي صدقتي ؟؟؟تكونين مجنونه لو صدقتي ؟؟
لا شلون ماصدقتي لو مو مصدقه ما بجيتي واهتميتي ..
ريم ترجف بين ادينه:لاني مابي اخسرررك ماقدر اعيش بدونك
لمها حمود على صدره ومسح على شعرها وباسها:بسم الله علييج .. عمري حبي انتي والله محد بهالدنيا بعيني غيرج انتي والله لا نوره ولا عشره من امثالها يملي عيني .. يلا عشان خاطري لاتبجين وتقطعين قلبي عليج..
ريم واهي بحضن حمود تبجي:حمود لا تزعل مني بس اهي حرة قلبي بكلامها واهي واثقه منه
واذا انت ما تبيني اتركني من الحين قبل لا يجمعنا الله بشخص ثالث ويزيد حبي لك اضعاف ماقدر والله ماقدر ..
بعدها حمود عن صدره وحط ايده على شفايفها:اشش مابي اسمع هالكلام .. الي ابيج تعرفينه انتي الوحيده الي بقلبي وبس فاهمه بسسس انتي امي واختي وحبيبتي وزوجتي انتي ياريم عوضتيني حنان الام ورزقتيني عطف الحبيبه وكل شعور حلو اخذته منج شلون بفرط فيج .. حبيبتي عشان خاطري انسي كلامها والله ان قالت شي مره ثانيه بشوف شغلي معاها هذا الناقص نورره بعد ..
ريم:ان شاءلله مابيصير شي .. بس خلك معاي
حمود:وانا معاج وبموت معاج بس انتي ارتاحي
ريم:اسم الله عليك ..
حمود:زين ما تبين تروحين حق اهلج ؟؟
ريم:بلى بس مو اليوم باجر ..
حمود:براحتج قلبي .. يلا تعالي نتعشى تراني ماتعشيت بسبب هالدمووع الغاليه والناس المتنرفزه وقالبينها مناحه ..
ريم تدزه:لا تتمصخر علي ...
حمود:وييلي فديتها ياربي .....
//
نوره:يا سلام والله وطحتي بين اديني ياريم .. هذا رقم حمود وصار عندي والخطه بتبدا مع الايام ياريم .. ههههه قالت شنو حمود حبيبها وزوجها .. طيب نشوف هالحب وين راح يوديج يا بنت ابوج ..

انتهت الحلقه ..
 
رد: رواية شتات الزمن للكاتبه غربه الاأحزاااان

الحلقه التاسعه والعشرون .. !!

في بيت ابو محمد الساعه 4 العصر والكل مجتمع ع القهوه تدخل ريم على اهلها : السلام عليكم ..
الكل مصدوم: وعليكم السلام .. رييييم ؟؟
ريم تقرب لابوها وتسلم عليه : أي رييم شلونك يبا شخبارك ؟؟
ابو محمد: بخير الله يسلمج شلونج يا بنتي شخبارج طمنيني عنج ..
ريم بإبتسامه: الحمدلله يا يبا انا بخير ..
تلتفت على اخوانها ويكلمها محمد:شلونج يالغاليه ..؟
اخنقتها العبره من صوت محمد ياكثر ما تحبه وتغليه قربت منه ولمته:اشتقت لك يالغالي ..
محمد واهو حاضنها:واحنا اكثر قلبي .. طمنيني عنج ..
تبعد عن صدره وتطالع فيه وكأنها تبي تتكلم عن كل شي صار لها واكتفت بهالكلمتين : انا بخير ..
خالد بنبره ثقه : اكييد بخير دامج عند حمود ..
ابتسمت ريم : الحمدلله ..
تتدخل بدور وتاخذ ريم عندها:والله ونورتي البيت فدييتج .. تعالي قوليلي الاخبار بالتفصيل ..
ريم تضحك : شوي شوي بالتفصيل مره وحده .. ؟
محمد:ريم .. وين ريلج ؟؟
ريم:وييي ماقلت لكم راح الديوانيه مع سلطان ..
دخل سلطان: يا ناس وينكم الريال ساعه ينتظر يلا تعالوا ..
ابو محمد : زين لا تصارخ ضيف زوج اختك والحين لاحقينك ..
سلطان: ماصارت ضيافه يبا خلصت .. يلا بسرعه فشله ..
خالد : ياكثر حنتك .. امش امش بس ..
...
بدور وريم بروحهم الحين .:.. تتكلم بدور وعينها بعيون ريم:قوليلي شنو الي صار ..؟
ريم بحيره : من وين ابدا ..؟
بدور:على راحتج ..
ريم:والله يا بدور حياتي معاه بالبدايه كانت قاسيه .. اهو يحترمني ويقدرني ومايرفض لي طلب .. بس انا ما كنت متقبله منه أي شي .. وصارت علينا ظروف وخلتنا قراب من بعض اكثر واكثر وعرفت اني مهما سويت ماراح اغير شي وببقى زوجته .. واهو يحبني .. ..
بدور تبتسم : وانتي ؟؟
ريم بإبتسامه : الصج ..؟
بدور: أي الصج ..
ريم:أي حبيته ..
بدور تضحك : واخيرا هذا الي كنت ابي اوصله .. والله انج عاقله وطيبه وفاهمه .. وعرفت انج ماراح تضيعين زوجج من ايدج ..
ريم: اكتشفت اني ما ارح اسوى شي ان خسرت اخر انسان بقى لي بحياتي .. واهو قدم لي كل شي الحب والرعايه والاهتمام .. عشان جذي ماقدر اخون حبه لي .. والله يعلم بحبي له ..
بدور: الله يوفقكم يارب ويستر عليكم .. امممم ..
ريم:شفيج ؟؟
بدور:مافي شي مني مناك ..؟
ريم:هههههههه من صجج لا تو الناس ..
بدور:علينا تو الناس ..؟ ترا الريال ما يظبطه الا الحمال .. حملي بسرعه احسن لج ..
ريم: ههههه يما منج تخوفين .. ان شاءلله اذا ربج كتب بيرزقنا ..
بدور:ان شاءلله .. وتملوون البيت يهال ..
ريم:الله كريم .. يووو نسيييت ..
بدور:شنو
ريم:اشجان ...!!
بدور:شفيها ؟
ريم:ما اتصلت فيها من زمان والله الظرووف خلتني انسى هالبنت .. لكن والله ماغابت عن بالي .. اكيد زعلانه الحين ...
بدور:شجونه طيبه ماتزعل اتصلي فيها وجربي ..
ريم:اكييد فديت قلبها الحين بتصل ..
.....
سراب:شجن ..............!!
أشجان تطلع من الحمام عزكم الله ولافه شعرها بالفوطه : شفييييييج خيير ؟؟
سراب: شوفي شوفي منو يتصل فيييج ؟؟
اشجان : هاتي منوو ؟؟ رييييييييييم ....؟
سراب:يابخت هالريم والله ...
اشجان : الووو .. هلا وغلا بالقاطعه ..
ريم: شجوونه حياتي شلووونج ؟؟؟
اشجان:الحمدلله انا زينه .. الحمدلله ع السلامه متى رجعتي ؟؟
ريم: الله يسلمج قلبي .. امس رجعت .. ادري بتعاتبين بس والله ماكان بيدي ..
اشجان:يا قلبي لا تهتمين .. اهم شي راحتج وسعادتج .. طمنيني انتي بخييير .. ؟ والله لج وحشه ..
سراب بصوت واطي:كل هذي محبه .. مالت .. ياليت الاقي احد بحبني جذي ..
ريم:الحمدلله قلبي كل شي بخير وانا بعد اشتقت لج مووت .. تكفين قوليلي اخبارج شنو الي صار ماصار بغيابي ..
اشجان تاخذ التليفون وتطلع من الغرفه : لحظه كاني طلعت من الغرفه عشان سراب يمي .. اه ياريم اه .. شقولج بس
ريم:سملا عليج من الاه .. شفيج لا تخوفيني عليج ..
اشجان:ريم انتي تعرفين بالي بيني وبين جراح ومحد كثرج فاهمنا ..
ريم:اييي اكييد ..
اشجان:جراح تقدم لي اكثر من مره وواجهتنا عراقيل ..
ريم بخووف :اهلج رفضووووووو ..؟؟
 
رد: رواية شتات الزمن للكاتبه غربه الاأحزاااان

اشجان بهدوء:بالاول ايي .. وجراح واجه امي وفهمها كل شي .. وبالاخير اقتنعت ورضت ..
ريم بفرحه كبيره: مبروووووووووك .. يعني خلاص انتي وجراح لبعض الحين ..؟
اشجان تضحك: ان شاءلله ...
ريم: أي أي من قدج .. والله اذا بعد كل هالحب وما تاخذون بعض .. صج شي يقهر .. بس الحمدلله انه الله وفقكم ..
اشجان: الحمدلله .. وانتي طمنيني ؟؟
ريم:اممم سمعي حبي .. الحين حمود ينادي بنرجع البيت .. اشوف على يوم اشبك ماسن واقولج كل شي اووكي ..؟
اشجان:اووكي حياتي على راحتج .. بس لا تقطعين والله افقدج حيييييل ..
ريم: من عيووني فديتج .. يلا حياتي باي
اشجان:باي والله يحميج يارب ..
........
حمود :ها قلبي شفتي اهلج واستانستي اشوف الابتسامه شاقه الحلج الله يديمها ..
ريم تطالع فيه : تبي الصج .. هالوناسه كلها لاني كلمت اشجان ..
حمود مستغرب: اشجان ؟؟؟
ريم: أي اشجان رفيجتي ..
حمود:اها رفيجتج .. شكلج متعلقه فيها وايد ..
ريم: اكثر من ما تتصور ..
حمود:شمعنى يعني ؟؟
ريم:حط بالك ع الطريج وانا اقولك ..
حمود:اووكي قولي اسمعج ..
تمت ريم تتكلم عن علاقتها بأشجان ومدى قوة هالعلاقه وانه ما عمرهم زعلوا من بعض ولا ضايقوا بعض .. وانهم اقرب حتى من الخوات وقلوبهم دايم على بعض ..
حمود:ماشاءلله عليكم .. اول مره اشوف علاقه صداقه جذي قويه .. بس غريبه ...
ريم:شنو الغريبه ..؟
حمود:الي فهمته من كلامج انه تتمنين شوفتها ...؟ يعني انتوا مو شايفين بعض والا شنو الموضوع ؟؟
ريم تبتسم وتطالع الجانب الثاني : أي ماعمري شفتها ولا شافتني ..!!
حمود رافع حاجبه:معقوووله ؟؟ ليش زين ؟؟
ريم:مادري مافي سبب معين ...
حمود:والله امركم غرييب .. كل هالعلاقه والحب والاحترام الي بينكم وبالاخير علاقه ماسنجر وتليفون ,,!! صج امر محيير ..
ريم: المهم اني اسمع صوتها وارتاح من اشكي لها وافضفض لها ..
حمود يطالع لها: وانا وين رحت ؟؟ والا صارت اشجان كل شي يعني ؟
ريم تبتسم: انت شي واهي شي ..
حمود:انا شنو ؟؟
ريم تضحك : انت زوجي ..
حمود: بس ..؟؟
ريم تستغرب الطريج: اول شي قولي انت وين رايح ؟؟
حمود ينتبه:مادري ..
ريم:شنو يعني ماتدري ؟؟
حمود يضحك: حسبي الله عليج انتي واشجان .. ضيعت طريجي من سوالفج ..
ريم: هههههههههه بل عليييك يعني عقلك ماهو بالطريج ...
حمود: لا والله كان معاج واندمجت بسالفتكم ..
ريم : زين يلا رجعنا البييت ..
حمود يطالع الطريج ويكمل: من صجج ؟؟ لا يبا شنو البيت .. انا يوعان وبخاطري نتعشى برا ونطلع نتمشى شوي ...
ريم: اوكي على راحتك ..
تموا يفترون بالسياره وتعشوا وجبات بحريه وكان الجو روعه وهادي بينهم .. وبس خلصوا انزلوا صوب البحر يتمشون ..
حمود: حبي مرتاحه ؟؟
ريم ماسكه ادينه: أكييد دام اني معاك ..
حمود:ريم..
ريم:هلا
يوقف حمود ويصير جدامها وعينه بعينها :توعديني ؟؟
ريم بنظره استغراب:؟؟؟
حمود:ما تبعدين عني ...؟
ريم تفتح عيونها:شهالكلام .... ؟؟
حمود:اوعديني وخليني ارتاح ..
ريم تضغط على ادينه:وعد يا حمود ما اتخلى عنك ابد ..
حمود يبتسم لها: والله احبببج ..
ريم بحيا : الله لايبين حبك وغلاك .. وانا بعد احببك ..
يرن تليفون حمود والرقم غريب: منو هالرقم ؟؟
ريم:شفيك حياتي ..؟
حمود:سلامتج بس رقم غريب .. صبر اشوف منو : الوو ..
نوره:مساء الخير ..
حمود مستغرب الصوت:مساء النور .. منو معاي ..؟
نوره:افا ما عرفتني ..؟
حمود يبعد عن ريم عشان ما تمسع الصوت : منو انتي ؟؟
نوره:حبيبتك ...
حمود بعصبيه : خيييييير نعم عيدي ماسمعت ...
ريم اسمعت الصوت وتمت تطالع مستغربه : حمود يكلم بنت ؟؟؟؟!!!!
حمود يتكلم بهدوء:صج قله حيا وناس مو متربيه ..
نوره بدلع: تغلط على حبيبتك يا حمود ماهقيتها منك بس عاذرتك لانك ما عرفتني ..
حمود جن جنونه: قسما بالله ان ما تكلمتي بتشوفين شي ماشفتيه ..
نوره تضحك: ههههههههه حبيبي لاتعصب والله ماتهون علي ..
سكر حمود التليفون ورجع حق ريم والعصبيه باينه عليه: يلا ريم نمشي ...
ريم ماحبت تتكلم وفضلت انها تكلمه بس يهدى شوي ..
بعد ماوصلوا البيت وطول الطريج ساكتين وحمود سرحان وشكله يفكر وريم اعصابها انتلفت من المحاتاه واتفكير بالي سمعته ...
حمود قاعد على طرف السرير ويحرك ادينه وريوله بتوتر وريم تراقبه بصمت لين اهو بدا وتكلم معاها:ريم
ريم بهدوء:نعم ؟؟
تم حمود يطالعها واهي واقفه بعيد عنه مد ايده لها :تعالي قعدي يمي ابيج ..
قربت منه واهي خايفه ومتوتره اكثر منه ماتبي تسمع شي يصدمها:هلا
مسك ايدها ونزل راسه:انا اخذت وعد على نفسي اكون صريح معاج بكل شي صح ؟؟
 
رد: رواية شتات الزمن للكاتبه غربه الاأحزاااان

ريم بخوف:أي صح
حمود يغمض عيونه:ريم الاتصال الي قبل شوي توقعته غلط .. لكن طلع مو غلط ولي ..
ريم مو فاهمه شي : حمود تكلم والله بموت من الخوف.
حمود يضغط على ايدها: سملا عليج من الموت عسى يومي قبل يومج ..
ريم:لاتقول جذي .. خلاص اذا ماتبي تقول السالفه خلها تولي ..
حمود:رييم .. وصلني اتصال من بنت .. وكل كلمه والثانيه تقول انا حبيبتك وانا مادري شنو .. وانا والله بعمري ماحبيت ولا كان في بنت بحياتي ...
رييم مصدومه بس تحاول تخبي :زين حياتي انسى السالفه ..
حمود:انساها؟؟
ريم: أي قلبي دام انت واثق من هالشي وانا واثقه منك بعد ليش نكبر الموضوع .. خلها تتكلم وتسكت .. وانت لاترد عليها مره ثانيه ..
حمود يبتسم لها ويحضنها: الله لايحرمني منج .. والله كنت احاتيج .. بس طلع عقلج كبيير وقلبج اكبر ..
ريم تغمض عيونها وتاخذ نفس: الله يخليك لي .. !
.................
ام فواز: يا الله يا بنات ما خلصتوا صارت الساعه 8 ونص راح نتأخر ...
فواز: يمه شفيج تصارخين .. تو الناس والمزرعه مو طايره ..
ام فواز: وين تو الناس .. ؟ بيت خالك طلعوا وخواتك للحين ماخلصوا ..
فواز:زين انا بركب الاغراض السياره مع ابوي وانتوا لحقوني... لان اذا تميت واقف معاج بيصدع راسي من صراخج ..
ام فواز:يا جليل الحيا والله طولان لسانك ..
فواز يتحلطم:بدينا .. اروح احسن لي ..
اشجان:صباح الخييير
ام فواز:وينج انتي يلا تأخرنا ..
اشجان:انا جاهزه وسراب وراي ..
ام فواز مستغربه:جاهزه؟؟ ليش مو مسنعه شكلج ..
اشجان:يما شفيج كلها مزرعه مالي خلق من الصبح ..
ام فواز:اها مالج خلق .. زين زين امشي ..
....
ابو راشد:وين خالكم يا عيال للحين ماوصل ؟؟
راشد: توني متصل فيهم واصلين قريب من المزرعه ..
جراح كان قاعد يشرب شيشه بالحديقه ولابس جاكيته وكابه من البرد وبس دخان الشيشه يلعب بأفكاره لين سمع صوت وفز قلبه من اسمعه التفت وشافها واقفه مع امه وعمته وابتسامتها تملي ويها:يا بعد قلبي وحياتي انتي يالشجن .. والله شوفتج تسوى الدنيا وكل من فيها ..
ام راشد:يا بنات الجو بارد عليكم .. روحوا لبسوا جاكيتاتكم اذا بتطلعون الحديقه ..
أروى: أي يما الحيين .. يلا شجن امشي ..
اشجان:لا انا لابسه ما احتاج بس اخذي سراب معاج .. وتعالوا الحديقه الي ورى اووكي اليوم بنقعد فيها ..
اروى: اووكي دقايق وايي ..
اطلعوا سراب واروى يثقلون اللبس الي عليهم وراحت اشجان تتمشى عند الحديقه وادينها داخل الجاكيت وراسها بالارض ...
جراح:صباح الورد ع الناس الحلووه ..
اشجان بخوف ترفع راسها وتمت ساكته وقلبها يدق حيل :......
جراح لاحظ نظرات الخوف بعيونها:اسف خوفتج ..
اشجان ماحبت تبين له هالشي ابتسمت له وردت عليه بهدوء:صباح النور .. لا عادي بس ماتوقعت فيه احد اهني ..
جراح:تبون تقعدون اهني ؟؟
اشجان:لا خلاص ما نزعجك نروح الصوب الثاني ..
جراح:وليش الصوب الثاني .. انا ما انزعج منج .. بس اذا انتي تنزعجين هذا شي ثاني ..
اشجان قلبها يخفق بكل كلمه ينطق بها لسان جراح:لا عادي ..
جراح يبتسم: حياج عيل ..
اقعدت اشجان ع الكرسي الي مقابل جراح واهو قعد وكمل شرب الشيشه وعينه عليها واهي تفرك ادينها من البرد : بردانه ؟؟؟
سرت رعشه بجسمها من سؤاله: شوي ..
وقف جراح وكثر الفحم بالدوه :قربي تدفي .. !
اشجان:مشكوور ..
جراح يتأمل فيها :العفو .. وبقلبه:ليتني هالنار الي تدفييج وقت بردج .. يابخت ادينج الي يلامسون بعض ويابخت قلبج فيج ويابخت كل من كان قريب منج ويملي عيونه من هالكنز هذا ..
اشجان حست انه البنات طولوا عليها واهي مو متحمله تقعد مع جراح بروحها :اممم مو شكل البنات تأخروا ..
جراح ينتبه لها: هلا ؟؟
وصلوا البنات .. واسكتت اشجان عن جراح: وينكم ليش تأخرتوا ؟؟
اروى:شسوي امي مسكت فينا طلبات واخرتنا ..
سراب: أي والله ناس مزعجه ...
جراح يرفع حاجبه:انسه سراب شلونج ؟؟
سراب تعفس ويها:اووف هذا انت ..؟
اشجان تضحك : بلشت الحرب ..
جراح:تصدقين هذا انا ..
سراب:يا ملغك ..
جراح:يا ثقل طينتج ..
سراب تتأفأف : انت شتبيييي ؟؟؟ اووف ماحبك ..
جراح حابس الضحكه : امبييه طاع الويه صار طماطه .. لا حياتي حبيني لاني اموت فييييييج
سراب عصبت : انت غبي منو يحبببك اصلا ..
جراح مات ضحك وحرك كل ذره بأشجان وصارت تضحك معاهم :
اروى:ويعه شوي شوي لا تموت من الضحك ..
جراح: لا لا صبري .. تعالي انسه سراب .. ليش كل هالكره هذا ؟؟
سراب واهي متخوصره: وانت ليش مهتم بحبي وكرهي لك .. مو كافي اهي تحببك شتبي بعد ..؟؟
اشجان طلعت عيونها وتمت ساكته .. وجراح حب يكمل عليها:منو هذي الي تحبني وانا مادري ..
سراب:شفييك ماتفهم يعني ..
جراح: لا ما افهم فهميني ...
سراب:يالغبي اشجان يعني منو امي ..
جراح ابتسم ابتسامه عريضه وخبيثه :ادري انها تحبني اصلا ..
اروى تطالع اخوها:هذا اشفيه جن نسى ان البنت قاعده ؟؟
اشجان تتعبث بالجاكيت وتعدل ربطتها المهم تسوي نفسها مو معاهم ...
اروى:انت ما تستحي ؟؟
جراح:شتبين يا هانم
اروى بصوت واطي:شوف شسويت بالبنت لم نفسك شوي ..
جراح يخز اشجان:اها اسفين يمكن خرناها شوي ..
اشجان تطالع جراح وبخاطرها تضحك عليه بس صج زودها جدام البنات ..
جراح يعدل قعدته : ليش الحيا كله.. بالليل راح تعرفون كل شي يا حلوين ..
اروى:شجن قومي نروح داخل احسن ..
جراح:أي اخذيها الحين .. بس وراسج ما بتطول عندج ..
اشجان ماتت حر رغم البرد .. هذا ما ايوز عنها ..
......
 
رد: رواية شتات الزمن للكاتبه غربه الاأحزاااان

حمود : حبيبتي فيج شي ؟؟
ريم ماسكه بطنها : لا ولا شي عوار خفيف ويرووح ..
حمود خاف : ومن متى معاج العوار وليش ما قلتي لي ؟؟
ريم: لا تحاتي مافي شي .. الحين بنسدح وبيروح العوار بس اتركني ارتاح شوي ..
حمود:زين تعالي دخلي فراشج .. يمكن حاشتج بروده..
ريم: أي اكييد بروده ..
انسدحت ريم وحمود قاعد يمها : حياتي اسوي لج شي حار ؟؟
ريم تغمض عيونها:لا
حمود: خلاص ارتاحي وانا بتم يمج واذا حسيتي بألم باخذج الطبيب ..
ريم : ان شاءلله ...
بهاللحظه رن نقال حمود وكان عمه الي يتصل فيه : هلا ومرحبا عمي ..
العم: هلا فيك يا وليدي انت وين ؟
حمود : انا بالبيت خير عمي في شي ؟
العم: لا سلامتك بس اليوم مجتمعين بالمخيم حياك انت وريم .. ومابي اعذار ننتظركم .. يلا مع السلامه ..
حمود:لحظه عمي لحظه .. يوووو سكر الخط ..
ريم: شفيك قلبي؟
حمود: عمي متصل علي ويقول تعال المخيم انت وريم وماعطاني فرصه اشرح له اني ماقدر وانتي تعبانه شلون نروح والجو بارد حيل عليج ..
ريم:حبيبي لا تحاتي انا مافيني شي والله مغص عادي ويروح .. لا ترد عمك .. خلاص قوم تجهز وانا بلحقك ..
حمود: لا يا بنت الناس شهالحجي .. رجعي انسدحي وارتاحي انتي تعبانه ..
ريم:حمود لا تدلعني ترا العوزك بعدين .. خلاص قلت بنقوم يعني بنقوم ..
حمود:فديت الي بتلعوزني خلاص براحتج اذا تحسين نفسج تقدرين تقومين يلا عيل نقوم نتجهز ..
,,,,,,
جراح: يبا كل شي جاهز ..
أبو راشد : والله انت بتفشلنا مع الناس شهالحركات الي تسويها .؟؟
جراح : يبا الله يخليك لا تتراجع ترا كل شي صار جاهز واوكي . وبعدين انتوا شعليكم بالمكان والجو والوقت الاهم اني مخطط حق كل شي .. واشوف انه كل شي ماشي تمام ..
ابو راشد : زين امش امش ندخل عند خالك والشباب ونقولهم واذا صار شي تراه بويهك انت انا طلعني من الموضوع ..
جراح: افا عليك يا بو الشباب .. وراك ضهر لا تحاتي ..
ابو راشد : خير عمي جراح شقلت .. ؟؟ اقول انضبط لا كف يعدلك الحين .. واحد من ربعك انا يا جليل الحيا
جراح يحب راس ابوه واهو يضحك: غشمره يالوالد غشمره .. يلا بس تكفى لا تغير رايك وابتلش ..
ابو راشد: ياصبر ايوب على مصايبه . زين امش ..
أبو فواز::وينكم الكستنه خلصت عليكم ..
ابو راشد: بالعافيه عليكم ..
راشد بصوت واطي:ها شصار .
جراح بوناسه: كل شي تمام لاتحاتي ..
راشد: مو صاحي انت .. الحب جذي يخليك تستخف .. ياخي قبلك حبينا مو جذي .. مالت عليك
جراح: يا بابا حب عن حب يفرق ..يالشايب ..
راشد:شاب راسك وقلبك يالغبي ..
جراح:اسكت اسكت اسمع ابوي راح يتكلم ..
ابو راشد يبدا كلامه وعينه بجراح : أقول بو فواز..
أبو فواز يقلب بالفحم : امرني ..
ابوراشد: اترك الي بيدك تعال شوي
ابو فواز يلتفت : هلا سم ..
ابو راشد: سم الله عدوك .. بصراحه بما انه احنا مجتمعين بدش بالموضوع على طول
ابو فواز:خوفتني شنو ؟؟
ابو راشد: لا سلامتك .. بس احنا قاعدين اهني يومين مو جذي ؟ وبهاليومين خططنا نفرح بالعيال وبالطريقه الي اهم يبونها ..
ابو فواز مستغرب : نفرح وطريقه :؟ خير تكلم شصاير.؟
ابو راشد حسبي الله عليك يا جراح الدعله : اليوم نبي نملج حق جراح وشجن بنتك .. !
......
أشجان: نعممممم شقلتيييييييي عيدي ماسمعت ....... ؟؟؟
أروى تضحك وماسكه بطنها : اقولج الشيخ الي يملج حقج وحق جراح قاعد بالديوانيه
اشجان تلمس جبهت اروى: مافيج حراره ..
اروى: مالت عليج زين .. والله اتكلم جد ..
اشجان بعدم تصديق وفرحه وشعور غريب بس للحين مو متأكده الا من شافت امها وعمتها داشين عليهم الغرفه والابتسامه شاقه الحلج ..
ام فواز تحضن بنتها : مبروك يا يمه الف مبرووك ..
اشجان تحت تأثير الصدمه والفرح : الله يبارك بعمرج يمه ..
بأركوا لها الكل واطلبت منها ام راشد تنزل عشان ياخذون موافقتها وتوقع على هالملجه الغريبه ..
وبعد ماوقعت وبدون تردد لانها بتعيش مع احب الناس لها واقرب مخلوق لقلبها ارجعت الدار واهي للحين مو قادره تستوعب : أروى .. شالي قاعد يصير ..
أروى: ههههههههه هذي افكار اخوي فديته وا لله
اشجان:وفي بنت تملج بالمزرعه من صجه هذا ؟
اروى: يووو شجونه مو مهم وين.,, المهم صرتي مرت اخوووووووي كلووووولوووووش
سكرت اشجان حلج اروى واهي تضحك: مجنونه انتي واخوج ..
اقعدت اشجان تفكر وقلبها طبول طبول من الفرح لين وصلت عمتها : شجن قومي ابيج ..
اشجان: ان شاءلله عمتي .. هلا
ام راشد: يما حبيبتي ادري المكان مو مكان ملجه ولافرح بس والله انا انصدمت مثلج بس كله من تدبير خالج وولده ..
أشجان تبتسم بحيا فديت ولده: بالعكس عمتي انا فرحانه .. لاتشيلين هم ..
أم راشد تحضن بنت اخوها : الله يخليج لنا ولايحرمنا منج .. والحين يلا قومي جراح ينطرج ..
اشجان: عمتي وين اقوم ؟ من صجج شلون اشوفه بهالبس والمنظر .. خليه ينتظر لين نرجع البيت ويصير خير ..
ام راشد: لا لا جراح يبيج جذي .. يلا امشي .. جرتها عمتها واشجان تترجاها توقف ..
دخل بهالوقت جراح:يما تركيها ..
ام راشد تبتسم : بما انك شرفت انا طالعه ..
اشجان: عمتيي وين رايحه تعالي ..
طلعت ام راشد وتم جراح واقف عند الباب ماعطاها فرصه تطلع: وين وين ..؟
اشجان منزله راسها شهالورطه : ها لا مابروح .. !
قرب لها جراح ومسك ادينها: مبروووك حبيبتي ..
اشجان منزله راسها : الله يبارك فيك ..
جراح ميت عليها واهي مستحيه : زين بنتم واقفين تعالي نقعد .. والا اقولج امشي نطلع أحسن شرايج؟؟
أشجان تطالعه بصدمه: وين نطلع برا .. ؟
مسكها جراح ومشاها معاه لين الباب الخلفي واطلعوا الحديقه بدون لحد يشوفهم وتموا يمشون واهو ماسك ايدها .. وقف والتفت عليها: شجن ..
اشجان: هلا ..؟
جراح يتأملها ويتأمل جمالها : أنتي اكيد مصدومه من الي صار والملجه الغريبه .. بس انا محضر لج مفاجأت وابي نكون احنا غير عن كل الناس ..
اشجان تبتسم : المهم اني معاك ..
 
رد: رواية شتات الزمن للكاتبه غربه الاأحزاااان


جراح تشقق من الوناسه: ياويلييييييي فديتها والله .. .. اقووول حبي
اشجان: امرني ..
جراح يأشر صوب الشيره الكبيره ويغمز لها : شراييج ؟؟
اشجان: ههههه يلا مشينا ..
وصلوا لين الشيره واقعدوا تحتها أرجعت اشجان لذكرياتها بهالمكان وكانت تبتسم وتطالع جراح .. تكلم جراح : اليوم ملجنا يعني صرتي حلالي وهالمكان شاهد علينا .. والي تحت التراب ماراح نطلعه تدرين ليش ؟
اشجان: ليش ؟
جراح:بنرجع ومعانا عيالنا المره اليايه وبنطلعه ..
أشجان: هههههههه اوكي ..
جراح:عساها دوم هالضحكه
أشجان:جراح ..
جراح: عيونه .. امريني يالغاليه ..
اشجان: مايامر عليك عدو حبيبي .. ونزلت راسها .. ممكن اخذ منك وعد ولو انه مو وقته .. !
جراح : عيوني لج وكل الي تبينه انا حاظر فيه
أشجان: تسلم عيونك .. بس انت تدري انا شكثر احبك صح ؟ وتدري اني مستحيل بيوم افكر اعيش بدونك .. ومحد بهالدنيا كان فاهمني وقريب مني كثرك ..
جراح: ادري حبيبتي وادري اني أموت بنبض قلبج ومستحيل ابعد عنج خطوه .. قولي كل الي بقلبج ولاتخبين شي ..
اشجان واهي منزله راسها ومتردده تتكلم بس قطت كلامها بسرعه وخلت جراح مصدوم :لو مهما يصير علينا ونتخالف ماتمد ايدك علي .. !!!!!!!
جراح يطالعها ويبي يتأكد من كلامها وانها بوعيها : شجن رفعي راسج ..
أشجان : هلا ..
جراح واهو يبتسم : تتوقعين اني بيوم امد ايدي عليج ؟ ردي لا تسكتين .
اشجان: مادري
جراح مقدر وضعها وفاهمها واهو وبذكائه يقدر يوصل لها الرساله بدون لايتكلم .. قرب لها وفتح ذراعه لها: تعالي ..
...........
نوره : أقول ريم شخبارج اليوم شكلج تعبانه عسى ماشر ..؟!
نرجس تخز اختها: بسم الله منين يتها كل هالحنيه ..؟؟!
ريم : لا الحمدلله انا بخير مافيني الا العافيه ..!
نوره : اها ..
بدر << أخو نوره الصغير عمره 8 سنين .. دخل الخيمه واهو يركض وراح قعد عند ريم : عمتي عمتي ..
ريم : هلا حبيبي ..
بدر : عمي حمود يبيج برا بسرعه ..
ريم : ان شاءالله حبيبي روح انت والحين الحقك ..
بدر : زيين عمتي .. !
أم نوره : يما ريم لبسي شي على ظهرج الجو بارد ..
ريم : ان شاءالله عمتي لاتوصين ..
نوره: المره السنعه ما تتأخر على ريلها مو جذي نرجس ؟؟
ريم تلتفت على نوره وتخزها : المره السنعه على قولتج ترد على الي اكبر منها وتالي تتيسر بطريجها مو جذي ؟
نوره ترفع حاجبها العووبه لسانها متبري منها والله مو هينه .. !
اطلعت ريم تتمشى لين وصلت حق حمود : هلا حبيبي .. ناديتني ؟؟
حمود يمسك ادينها: مابي شي بس اشتقت لج وابي اتطمن على صحتج ..! تحسين بشي الحين ؟
ريم: وانا بعد اشتقت لك يا بعد عيني .. لا تحاتي الحمدلله الحين احسن .. !
حمود: يا عين ابوي انتي يالغاليه .. امم شرايج نتمشى شوي والا ماتقدرين ؟؟
ريم وتحس الم بطنها يزيد : و الله ودي حبيبي بس خلها وقت ثاني ..!
حمود:لا تحاتين حبي اهم شي راحتج .. خلاص دشي داخل ارتاحي ولاتعبين نفسج بشي ..
ريم واهي تبتسم: ان شاءلله قلبي ..
راح حمود وريم كانت تمشي صوب خيمه الحريم وقبل لا توصل قابلتها نوره وبيدها سطل ماي بارد قامت وكتته جدام ريم وبللت ملابسها .. !
رييم اشهقت بصوت عالي: شسويييييتييييي ؟؟!
نوره بفرح : ويي اسفه اسفه مادري مانتبهت لج ..
 
رد: رواية شتات الزمن للكاتبه غربه الاأحزاااان


ريم ميته قهر : لاتقولين ما انتبهتي .. انتي ليش تسوين معاي جذي ؟؟ انا شسويت لج مو حرام عليييج تسوين هالحركات .. ؟
نوره بعصبيه: اقوول انتي لا تسوين لي فيها حركات وسوالف قلت لج مادري انتي ماتفهمين ..
ريم : شوفي يا نوره وحطي هالكلام في بالج .. الشي الي براسج ماراح توصلين له انتي فاهمه .. صج انسانه حقيييييره ... !
نوره من الغيض والعصبيه دزت ريم بكل قوتها وطيحتها بالارض وصراخ ريم وصل قلب السما والكل طلع على الصوت : شصار شفيها ريييييم ؟؟
الريايل وصل لهم الصوت والكل كان مستغرب .. ايا بدر يركض ينادي حمود : عمي عمي تعال بسررررررعه ريييييم تصارخ ..
طلع حمود يركض لين وصل مكان البنات وبعدهم عن ريم الي كانت فاقده الوعي نزل لها : ريييم ريييم قومي ... شصار لها منو سوا فيها جذي ؟؟
الكل ساكت ونوره عينها على حمود وخوفه على ريم جننها .. رفع حمود ريم من الارض وانصدم اكثر من الصيخ الي كان تحت ضهرها يعني فقدت وعيها من قوه الضربه .. حطها بالسياره وطار فيها المستشفى .. !
الدكتور : انت زوجها ؟؟
حمود بخوف : أي ليش شفيها الله يخليك طمني ..!
الدكتور: للأسف ماكان بخاطري اقولك هالشي لكن زوجتك يتها ضربه قويه على ضهرها واهي كانت حامل ..
حمود مصدوم :حامل ..؟ والحين شصار لها ؟؟
الدكتور : للأسف سقطت لان حملها ضعيف واهي توها بالشهرين الاوائل .. والطيحه مارحمتها ..!
حمود: سقطت ؟؟!!! يعني اهي كانت حامل والحين خلاص راح الحمل .!
الدكتور: اذكر ربك وطول بالك انتوا صغار والعمر جدامكم والخيره بما اختاره الله ..
حمود: وزوجتي يادكتور شلونها الحين ؟
الدكتور: زوجتك بخير بس تعبانه شوي .. والحين دخلوها العمليات يسون لها تنظيفات ساعه وتقدر تشوفها ..!
طلع حمود من الدكتور وضيقه الدنيا على قلبه:ياعمري ياريم وين تتحملين كل هالعذاب وشلون احط عيني بعينها واهي زعلانه . اخ يالله صبرها وصبرني ... بس اموت واعرف السالفه شالي صار ؟؟ منو الي تهاوشت معاه .. بس ريم ما تضر احد مستحيل تسوي شي ..!
...............
جراح:حبيبتي ندخل الحين .. الجو صار بارد اكثر .؟!
اشجان ماتحس بالبرد واهي تسمع كلام جراح المعسول:لا عادي ..
جراح:شنو عادي ..؟ ادري ماتبين تفارقيني واصلا مارح اخليج بدخل وبقعد معاج ..!
اشجان:حبي وين تقعد معاي كافي أني مستحيه منك .. والا في بنت يشوفها زوجها بهاللبس ..
جراح: واحنا شقلنا .؟؟ نبي نكون غير .. وبعدين انتي بعيني أحلى من الحلى نفسه .. وماهمتني المظاهر يا شجن.. اوووف لاتعورين قلبي زووود وربي اني اعشقج واموت فيييييييييج .. يلا يلا نمشي قبل لا اخربها صج الحين ..
اشجان تطقه على جتفه: مجنووووون ..!
جراح: مجنون فيج يا مجننتني انتي ..!
وعلى بروده الجو كانت مشاعر الاثنين ملتهبه بالحب والحنين والشوق حتى واهم مع بعض .. طالعها جراح وبدا يدندن عليها بصوته الي تعشقه اشجان .. وتعشق اغاني كاظم الساهر من حنجرة حبيبها ..
محروس من عين البشر و أولهم عيوني
باردة عيوني عليك
يا خوفي مني و الحذر من ناري وجنوني
باردة عيوني عليك
عيونك الحلوة بحر لو فرصة ينطوني
غرقني بيه كل العمر من كل شي حرموني
لو بيدي ابني لك قصر
جزيرة ما يمرها بشر
بس اني و وحيدي
بليلي احجي لك قصص
و احرص عليك كل الحرص
تبرد أدفيك تعطش أرويك
يا قدري و أحلى قدر
محروس من عين البشر محروس*****
جزيرتي من أحلى الجزر و انت الل محليها
بوجودك أنت يا بدر جنه أنا أخليها
توسد ذراعي بالحضن مثل الطفل أرعاك
أنت حبيبي و اطمئن مشدودة روحي و ياك
يا قدري و أحلى قدر محروس من عين البشر محروس
يا عمري أنت أشكرك عز السعادة وياك
ما ابخل عيوني الك و بروحي اتفداك
اقترب من عندي بعد ضم روحك بروحي
القلب بيتك للابد تستاهله يا روحي
يا قدري و أحلى قدر محروس من عين البشر محروس
................
اشجان طايره من وناستها وخربت عليهم سراب وجراح كان حاضن أشجان بين ذراعه : هي هي هي جراح شتسوي وتغني بعد وحاضن اختي والله اعلم فواز ..
فواز طلع من وراها : وليش تعلميني انا شايف وسامع .. صج قليل ادب ..
اشجان ماتت خوف من اخوها واحتمت بضهر جراح ومسكت فيه : جراح
جراح ماسكها وبخاطره يموت ضحك لان فواز غمز له يبون يسون فيها حركه :خلاص فواز ماصار شي ..
فواز: انت جب ولا كلمه .. حاضن اختي وتتغزل فيها وتغني لها بعد بس الشرهه مو عليك على اختي الي ذايبه معاك ..
جراح يسوي نفسه معصب : وانت شكو ؟؟ زوجتي وكيفي .. خلاص اقصر الشر ياريال ..
فواز يخز اشجان الي ترتجف ورا جراح:تعالي انتيييييي
اشجان نزلت دمعتها على طول وتمسك بجراح: نعممم
فواز : تعالي ماتسمعين ..!؟
 
رد: رواية شتات الزمن للكاتبه غربه الاأحزاااان


اشجان تكلم جراح واهي تبجي بدون صوت : شووفه لايسوي لي شي ..
جراح منزل راسه : هذا اخوج ماقدر ارده يلا روحي له ..
اشجان ماتت خوف وانصدمت من جراح وين وعوده وكلامه من شوي ؟؟ : اروح حق فواز ؟
نزلت راسها ومشت صوب اخوها واهي ميته خوف : نعم ..
فواز بخاطره ينفجر ضحك عليها ومن شافها جذي ميته خوف ماتحمل اكثر اخذها بحضنه وباسها : يالمجنوووونه كنا نلعب معاج ..؟
اشجان تطالعهم واهي معصبه: هين اواريكم .. وانت ياجراح اعلمك شغل الله .
فواز ميت ضحك : عاشت اختي عاشت من الحين تهدد عريس الغفله .. ! ههههههههههههههههه
جراح : انت انطم واكرمنا بسكوتك .. وانتي تعالي يلا ...
اشجان صارت بين اخوها وحبيبها وزوجها : منو يبيني الحين ؟
جراح: انتي منو تبين ؟
الاثنين يخزون اشجان وينتظرونها منو بتختار وتمت دقيقه تطالع فيهم وساكته بالاخير اضحكت : جراح ..
مسكها جراح وراح يركض فيها قبل لا يطولها فواز ... ادخلوا الصاله وسكروا الباب واهم ميتين ضحك .. طالعها جراح : تدرين كنت خايف من اختيارج بس الحين عرفت شكثر تحبيني .. غمز لها ولمها على صدره واهو يضحك ..!
....................
أطلعت ريم من العمليات ولها ربع ساعه من طلعوها الغرفه وكانت تحت تأثير البنج .. دخل عليها حمود وقلبه مكسور عليها تم قاعد يمها واهي ماتحس بشي .. والدكتور طمنه عليها وانها بخير الحين...
حمود:الله يصبرج ياريم ويعيني على هالمصيبه بس وغلاج ماخلي حقج يروح .. والي سوا معاج جذي بياخذ حقه بياخذه ..!
افتحت ريم عيونها شوي شوي وتحس راسها ثقيل تكلمت بصوت واطي : حموود
فز لها ومسك ادينها:عيون حموود .. سلامتج حبيبتي .. شلونج الحين ؟
ريم بتعب : حمود شنو الي صار ؟ انا تعبانه حيل ..
حمود متضايق عليها : حبيبتي ماصار شي هدي نفسج ورجعي نامي الحين .. وارتاحي .. لاتفكرين بشي عشان خاطري ..
ريم بدت ترجع تنام بس تتكلم كلام مو مفهوم ومتقطع : ن وو ره .. تاخذك .. حمود تعال .. لاتغييب ..
حمود: ريم حبيبتي بسملا عليج شفيج انا يمج مابروح .. يارب يارب الطف فيها وخلها لي ولاتحرمني من عيونها بهالدنيا ..
طلع حمود وكلم الدكتور عن حالتها وطمنه الدكتور انه هذي هواجيس بسبب البنج ماله أي معنى بس احيانا يكون تعب نفسي داخلي ومن تأثير البنج يطلع منها هالكلام .. تطمن لاتحاتي باجر بتكون بخير ..
حمود: مشكور يادكتور .. ماتقصر .. طلع حمود واهو يفكر : بس نوره شكو ؟؟ لا شنو شكو اكيد اهي سبب هالبلاوي كلها . والله ان كانت اهي مابخليها وبعلمها شغل الله عدل ..!
فجر: أحمد شنو تسوي انا مليت قاعده بروحي ..
أحمد: شتبيني اسوي لج يعني ؟
فجر بعصبيه: يعني هذا مو وضع من سافرنا وانت كله تاركني بروحي وقاعد عالنت او تطلع .. تراني مليت ..
أحمد بنرفزه: فجر أكرميني بسكوتج ترا مالي نفس اوووف .. < تركها وطلع من البيت ..
وهذا وضعهم من ثاني اسبوع زواج .. محد له خلق الثاني وبدون اسباب مقنعه ..
وقررت فجر ترجع الكويت برضاه او غصب عنه ..
حمود يهدي على ريم الي قالبه الدنيا بجي : خلاص حبيبتي اهدي اهدي لا تسوين بعمرج جذي .. الياهل بداله ياهل بس انتي ذكري ربج عشان خاطري ..
ريم من بين دموعها : حموود الجنين طاح .. واهي السبب نوره السبب .. ليش تكرهني انا شسويت لها شسوووووويت ..
حمود بكره كل ماتذكر طاري بنت عمه: لانها حقيررره لاتفكرين فيها الحين بس وراسج ماخلي هالموضوع يعدي عليها .. بس انتي اهدي الحين ..
ريم تمسح دموعها وتعدل قعدتها: حمود
حمود:امريني
ريم : نوره تحبك ..؟؟ لاتنكر هالشي ..
حمود تغير لونه: وانا شكو فيها .. انا احبج انتي ؟
ريم وقلبها يعورها : اهي تحبك .. ومستعده تهدم حياتي بحبها لك .. لا تخبي عني قولي انت كان بينكم شي قبل .. حموود لاتسكت رد تكلم ..
حمود بثقه قعد جدامها وحط عينه بعينها: ريم انتي تعبانه بس بما انج فتحتي الموضوع خليني اتكلم يمكن ارتاح من نظرات الشك بعيونج .. سمعي قلبي .. انا مافي بيني وبين نوره أي شي وان كانت اهي تحبني هذا شي راجع لها وانا مو مهتم بحبها .. لكن الامر من هذا كله انها بفتره من الفترات ابوي خطبها لي وانا ماكنت ابي ووقفت جدام عمي وابوي وقلت مالي نصيب مع بنت عمي .. يعني مانزلت راسي وقلت الي تشوفونه بسويه .. ومرت الايام واهم زعلانين مني ولايبون يكلموني وانا كنت اتضايق بس صابر على هالوضع .. لين مره سمعت انه عمي طاح بالمستشفى معاه الجلطه والسبب كانت بنته .. يوم عرف انها تمشي بطريج خطأ وعلاقات .. ويوم دشيت عليه بعد ماصحى حلفني استر عليها واتزوجها وماكنت ابي ازيد عليه التعب واحس انه رجع واهان كرامتي بهالطلب بس قلت له ابشر ياعمي بس انت ارتاح .. وخطبتها وقلت بتغاضى عن علاقاتها ان كانت عابره لكن بوقت الخطبه اكتشفت المصايب علاقات ع التليفون وطلعات ومقابلات مادري شنو تاليها .. يوم الي عرفت بكل هذا ماتحملت نفسي ومديت ايدي على نوره وبردت قلبي فيها .. وحلفت على نفسي ماتزوجها وبخليها فبيت ابوها لين تتسنع .. لان ماقدر اعيش مع وحده جذي .. شلون بيكونون بناتها وعيالها ..! ويوم قررت ارتبط فيج اتصلت فيني تبجي وتقول انها تغيرت وتحبني وتبيني .. بس عمر قلبي مافز لها ياريم .. ولا عمري نظرت لها نظره حب او حتى اعجاب .. ياريم هالبنت مريضه لا تهدمين حياتنا بسببها والي يرضيج بسويه .. بس انتي بعدي الشك عنج وتأكدي قلبي ماحب ولاعشق بنت غيرج .. انتي صرتي لي كل شي ياريم .. مونوره الي تهدم حياتنا ..
ريم بحيره من امرها تطالع حمود وتنزل راسها: اه وولدي ؟؟
حمود: ربج بيعوضنا .. وهذي خيره ..
ريم بنظرات تهديد : حقي من نوره راح اخذه بالغصب بالطيب راح اخذه ..
.....
فجر واقفه عند الباب : الحمدلله ع السلامه تو راجع ؟؟ ماشفت الساعه كم ؟؟
أحمد : وانتي ليش قاعده للحين ؟؟
فجر:يقولون اني بغربه وشهر عسل .. ولو اني ماشوفها غير غربه وتعاسه ... وانت تتركني بهالفندق وتطلع ؟؟ عموما حجي ماراح اكثر انا برجع الكوييت .. وانت حر
 
رد: رواية شتات الزمن للكاتبه غربه الاأحزاااان


مسكها احمد من جتفها : شنو برجع مارجع وغربه وتعاسه .. شهالحجي الي ينقال واسمعه كل يوووم خيير ؟؟؟
فجر بقهر تبعد ايدها عنها: هزك كلامي ماعجبك ؟؟ أي تعاسه ولوعه جبببببد وينك انت عني طول هالايام ليش متغير بدون اسباب كل كلمه تعصب واتنرفز وتقط علي حجي مثل السم ليييييييييش ؟؟
اذا انت لليوم شاك فيني وموراضي تعيش حياتك معاي ليش مثلت انك تحبني وتزوجتني ؟؟
صحيح عرفتك من نت .. بس الاصح اني حبيتك وانت الي كنت تلعب . الصح اني كفرت عن غلطتي وتركت النت بكبره بعد ماكنت تطلع مرجلتك علي وتهدد .. وتالي دق قلبك وحبيتني والا هذا فلم وفصل من فصوووولك ويوم وينتهي وتلعب وتمثل غييييييره ..؟؟
احمد بدون وعي مد ايده عليها بكف طيحها لي الارض : جببببببببب
فجر واهي تبجي : أي طق طلع حرتك فيني .. بس اذا انت ما تحبني ماجبررررررك على هالشي ب خساره بعد كل الي تسوويه معاي قلبي الحقيييييير مايرضى يكرررررررهك انت انسان بلادم ماتحس .. لييييييييتني ماحبيتتتتتتتتتتك ولاعرررفتك ..
< قامت فجر دارها وسكرت الباب واحمد قعد بالصاله واهو مصدوم من كلامها وثورة غضبها .. اهو ماحس بالي يسويه غلط ولاعرف شلون يتعامل معاها .. بعد ساعتين من الموقف والعتاب الي دار بينه وبين نفسه راح وقف عند باب غرفتها وطق الباب بهدووء ماردت عليه دخل شوي شوي شافها متكوره على نفسها بالسرير ومتغطييه قرب منها:فجرر ... !
ماردت علييه ولا تبي ترد .. قعد على طرف السرير وحس برجفتها وصوت بجيها ماهان عليه يشوفها جذي واهو السبب واهم توهم في شهر العسل .. بعد اللحاف عنها ولفها علييه ومسكها من راسها بحنيه ومسح دموعها .. كانت اعتذاره باين من نظراته ولمسته الدافيه لها وعشان ييرتاح لازم يعتذر بالصوووت : جوري لاتبجين دموعج غاليه . . .
فجر واهي بين ادينه وعيونها ذبلانه من البجي:لاتقول غاليه .. انا عارفه قدري عندك .. لاتقول كلام بس عشان تكفر عن ذنبك معاي ..
احمد بألم:فجر حبيبي انا اسف و الله كلامج طلعني عن طوري .. بس مالومج لج حق وقولي كل الي تبينه .. صارخي عصبي كسري طقي . الي بخاطرج سويه ماراح امد ايدي مره ثانيه ..
فجر من بين دموعها: انت تكرهني ..؟؟
احمد يمسح دموعها ويضمها لصدره:لافجررر لا شهالكلام ..؟ لو اكرهج ماتزوجتج .. لاتخلين الوساويس تعذبج .. وربي ماقدر اشوفج جذي وانا السبب ..
فجر تنزل عيونها:انت متغير معاي
احمد يبتسم:الشاطره والي تحب من قلبها تقدر تخليني لها دووم بكل مافيني ..
فجر افهمت عليه ولعت نار واهي بحضنه: المهم انت تحبني ..
رفع راسها وصار بمستوى راسه وتم يطالع لها:معقوله عيونج ماشافت ولا عرفت بالحب الي بعيوني لج ؟؟ قلبج ماحس ؟؟
فجر بخاطرها تنفجر بجي : بلىى
ابتسم لها اكثثثر وضمها لصدره حييل وتم يمسح على شعرها ويحسسها بالامان معاه .. !!!!
...........
ام فواز: اشجان طاحت ريولي من الفره معاج بالسووق يلا خلصي ..
اشجان: يمه باقي بس بروفه نفنووف العررس .. اسويها ونرجع البيت .. ماقدر اطوفها الله يخلييج ..
ام فواز:انزين امشي .. صج لاقالوا هم البنات للممات .. مادري متى بخلص منكم؟
اشجان بنظره عتب:شدعوا يمه .. لاتقولين جذي .. خلاص كلها ربع ساعه واحنا خالصين وبعدين تو الناس .. ماصار لنا 3 ساعات بالسوووق ..
ام فوواز: يلا دخلي سوي البرووفه خلينا نطلع ونخلص ..!
ادخلت اشجان تسوي البرووفه وكان احساسها ومشاعرها بهالحظه غيير .. واهي تشوف نفسها بالنفنووف الابييض والطرحه الطوييله .. اجمل احساس حق كل عرووس .. تمت تلف بالنفنووف واهي طايره من الوناسه:الله ويينك يا جراح تشووف الي اششوووفه اه ياربي لاتحرمني منه ..
...
فواز: هلا هلا بالمعررس
جراح بصوت تعبان:هلا فواز انت وين ؟؟
فواز بخوف: جراح شفييك؟؟ صوتك تعبان ..؟
جراح:لا عادي حراره وتخف .. قولي انت وين ؟؟
فواز: بالسووق مع شجن ..
جراح:مطولين ؟؟
فواز: لا الحين بنرجع ..
جراح:اسمع لا تتحرك من مكانك انا الحين بيي عندك .. ولاتقول حق اشجان اوكي ؟
فواز مستغرب: بس انت تعبان وين بتيي ؟؟
جراح:لا مافيني شي اقوولك المهم لا تتحررك ..
فواز: على امررك .. يلا ناطرك .. !
وصلت اشجان وامها السياره : السلام
فواز: وعليكم السلام .. هاخلصتوا ؟؟
اشجان بوناسه:ايي
فواز يضحك عليها:حلجج راح ينشق من الوناسه ..
اشجان استحت: ههههه
فواز: لاتستحين يا مال العافيه .. امس تبيعين اخوج عشان هالزوج الغبر والحين مستحيه اقوول مالت بس مالت ..
اشجان: يوو فواز تدري كنا نلعب لاتاخذ الامور بالجد .. وبعدين هذا جراح ..
فواز: وييييعه وتقولها جدامي هذا جراح ومن يكون ...؟
اشجان:انت شكلك ناوي تتهاوش . اقول يلا امش ليش واقف ترا امي فولت عصبيه ههههههههه
ام فواز: الحين حسيتوا حسبي الله عليكم .. << عصبت
فواز تذكر جراح: لا نصبر شوي ..
اشجان: ليش؟
فواز: ناطر احد بيمرني اهني وقال مابيطووول ..
ام فواز: لاحووول ياربي .. عشر دقايق مافي غيرها ..
فواز: ان شاءلله .. .. يارب يوصل جراح امي حدها عصبت مالي خلق تطلع الحره فيني الحين ..
وصل جراح بهاللحظه ونزل له فواز واشجان مستغربه شالي قاعد يصير هذا جراح ؟؟
فواز: شفييك خوفتني ؟؟
جراح: وانت كله خايف .. باخذ اشجان ونطلع ..
فواز رافع حاجبه: اشووف صارت لعبه كل يوم طالعين والحين بتاخذها بعد اقوول اعقل ..
جراخ يغمض عيونه ويعصر على اسنانه:فواز لاتكثر حجي ناد اختك الله يخليك ..
فواز حس انه في شي مايبي يطول السالفه: زين بناديها بس اذا فيكم شي قولي لا تكتم بقلبك ..
جراح:زين .. بس روح الحين ..
راح فواز عند اشجان وكلمها: تعالي يلا ..
ام فواز : وين ؟؟
اشجان : على ويين ؟؟
فواز: شفيكم.. جراح يبي يطلع معاها وقال بما انه بالدرب مر اهني واخذها ..
اشجان خافت : جراح فيه شي ؟؟
فواز: روحي له وشوفي ان كان فيه شي او لا ..
انزلت اشجان بدون تردد وراحت صوب جراح .. شافها جراح اخذها وفتح لها الباب واهي عينها عليه ..
اشجان تشوفه واهو يركب السياره وشكله تعبان ومتضايق : جراح؟
جراح بصوت خافت: هلا يالغاليه ؟
اشجان قلبها يدق اكثر هذا مواسلوب جراح المعتاد: فيك شي ؟؟
جراح: لا مافي شي
اشجان:اكييد ؟؟
جراح بنفاذ صبر : أي اكيد
اشجان حست انه معصب بس ماتقدر تسكت واهو يزيد بهالسرعه ولا مهتم لاحد صرخت فيه حييل : جراح
وقف جراح والتفت عليها وتم ساكت ..!
اشجان بخووف يتملكها قامت ترجف من فوق لي تحت وموقادره تتكلم:ج ج را اح .. شفييييييك ؟؟
ليش تسوي جذي ؟؟
جراح بدا يبجي بإنهيار مسك ادينها وضمها عليه واهو يبجي :اه ياشجن اه
اشجان بدت تبجي : جراح انت تبجي ؟؟؟؟؟؟ ليششش ؟؟؟
جراح يهدي من نفسه : شجن خلييج معاي ...
اشجان:جراح حبيبي انا معاك وين بروووح ؟؟ لاتخوفني قولي شالي صاير ؟؟
جراح:تعبان ياشجن تعبان ..
اشجان تمسكه من ويهه:حبيبي ؟؟ انت تعبان ومنهار .. شالي سوا فيك جذي ؟؟ شالي صاير معاك .. جراح رد عليييييي لاتوقف قلبي ..
مسح جراح دموع حبيبته وكمل طريجه واهو ساكت وكان رايح البحررر ..
اقعدوا ع الشاطئ واهو ماسك ادينها وساكت واشجان تبادله نفس الشعور بس الخوف مسيطر ع الاثنين .. التفتت اشجان عليه واهي تضغط على اييدينه:حبيبي ؟؟
جراح بهدوء: عيوونه ؟؟
اشجان:كلمني قولي شنو الي متعبك ياروحي ؟؟
جراح:يعتصر الم بس مابيلاقي غير شجن توقف معاه وتساعده وتريحه .. التفت عليها وشاف الخوف والحب بعيوون هالملاك .. باس ايدها ونزلت دمعتها عليها مره ثانيه ..
اشجان توترت وراح يغمى عليها من الخوف بس تصبرت وخلته على راحته لين يقول كل الي يبيه بدون ضغط .. تم حاضن ادينها لين هدا من نفسه وتكلم: شجن حبيبتي .. انتي تعرفين ومتأكده من حبي لج .. صح؟
اشجان تبتسم ابتسامه خوف: أي اعرف .. وانت بعد تعرف اني اعشقك ماحبك وبس .. << دموعها تبرق بعيونها ..
جراح اه ياربي سهل علي الامر : وانا اموت فيج واعشق تراب توطيه ريوولج .. شجن انا محتتاجج محتاج انج تكونين بهاللحظه امي وحبيبتي وزوجتي واختي وابوي وكل اهلي .. انا تعبان وراحتي واماني عندج انتيي .. !!
اشجان بصبر: حبيبي .. قول وانت مرتاح .. انا بوقف معاك بكل شي انت تبيه ويريحك ..
جراح: شجن انا بقولج السالفه وتسمعيني للاخر وتوعديني ما يصير لج شي وتساعديني ..
اشجان يارب استر : اوعدك ..
جراح ماسك ادينها ويتلمسها باطراف اصابعه: الله لايحرمني منج يانبض قلبي يالشجن .. انا حياتي بدونج مستحيل تستمر ولا بتستمر .. وحتى للموت طريجنا مع بعض .. لا انتي تعشين من دوني ولا انا اعيش من دونج .. شجن .. << غص بالكلام .. وحاول يكمل بدون لا يعذبها اكثر .. انا كنت احس بتعب من فتره ومن ثلاث ايام الدكتووور قال انه احتمال يكون معاي ...
اشجان بخووف : كمللللل
جراح بقله حيله:احتمال يكون معاي خبييييث ..؟؟؟؟؟؟؟؟؟؟؟!
توقف الزمن للحظات وانتهى عمر الاثنين في لحظه صدمه اكبر من انه اشجان تتحملها ...
جراح بخوووف يطالعها: ردييي عليييييي لا تستكييييييين
اشجان مغمضه عيونها حابسه دمعتها او انهيار حياتها محبووووس في جسدها .. : جراح
جراح : عيونه .. قلبه وروحه ..
 
رد: رواية شتات الزمن للكاتبه غربه الاأحزاااان

اشجان تبتسم وتمده بالحياه: احتمال .... انت قلت احتمال يعني مافي شي اكييييييييد .. حبيبي انت قلت احتمال .. واحنا بنعيش مع هالاحتمال .. جراح انت مافيك شي انت ماراح تخليني .. جراح انت وعدتني تكمل الحياه معاي .. ماتتخلى عني .. حبيبي انت اقوى من هالمرض انت اكبر من هالشي .. جراح .. جراح شقووووول وشخلي .. حبيبي في احد يعرف بهالموضوع ؟؟
جراح بنظره امل : لا يا روحي محد يعرف ..
اشجان تشد على ادينه:ولا ابي احد يعرف خل الموضوع بينا .. جراح احنا بنوقف مع بعض .. وان شاءالله ان شاءالله ان شاءلله يطلع كله شكوووك .. واحتمالات مالها اساس من الصحه ..
جراح:يابعد عيني يالشجن : ماتوقعت احس بالامل او ارتاح .. شجن انتي كل هليييييييي وكل ناسي واحبابي .. رجييتج لاتبعدين عني خطووه بعد رجييتج ..
اشجان تشد من أزره:ببقى معاك للمات ..
حط جراح اصبعه على شفايفها:تكفين مابي اسمع الموت بلسانج ..
اشجان تغير الموضوع :حبيبي .. اليوم سويت برووفه بدله العرررس ..
جراح ابتسم من قلبه ونبذ الالم عنه: صج حبيبتي ؟؟ مبرووووك اكييد بتطلعين احلى واجمل وانقى عرووووس بهالكووون ..
اشجان: يبارك بعمرك ويخليك لي يارب ..
............
خالد :يبا ريم تطلق من حمووود بالطيب بالغصب تطلق ..؟!!!!
ابو محمد: شهالحجي وين قاعدين تطلق مجنون انت ؟؟
خالد: أي مجنون يوم زوجته اختي ورضيت علييه ..
محمد بعصبيه: وانت بكيفك مره تزوجها وتالي تطلقها .. اقووول اهني وكل شي يوقف عند حده
شنو سبب هالمطلب ان شاءلله من الباب للطاقه يعني ؟؟؟
خالد: لا مو من الباب للطاقه يا حبيب .. ريل اختك المحتررررم طلع اكبر حقير بهالدنيا ..
وريم تطلق والا ورب البيت بيصير شي ماشفتووه ولاشافته اهي بعد ..
ابو محمد تعب من وضع ولده العنييد واهو الي كبر راسه وخلاه يتصرف جذي .: لاحول ولاقوه الا بالله العلي العظيم ..
محمد: الحين فهمني الموضوع وتالي نقرر .. شنو الي خلاك تقول جذييي ؟؟
خالد : ريل اختك يا محمد طلع راعي سوالف بطاله وبنات .. ؟؟؟!!!!!!!!
 
رد: رواية شتات الزمن للكاتبه غربه الاأحزاااان

الحلقه الثلاثون
أنا تعبان ياقلبي . .
وربك لاتلوميني
وربك ماحد في الكون كله..
حس بس فيني . . !
ولا إنت
انا مرهق . !
أنا
مسلوب من فرحي
أنا
مأسور في جرحي . !
انا
قصة تعب تكتب ملامح للشقا ..
ولافكرت تمحي !

قعد حمود على الكنبه الي بالغرفه وكان ينتظر ريم تطلع من الحمام عزكم الله .. أطلعت ريم واهي تنشف شعرها بالفوطه وعينها تبرق بالفرح والسعاده بس من شافت حمود قلبها نغزها ..أ قعدت يمه ومسكت ايدينه .: عسى ماشر شفيك حبيبي ؟ احسك مو طبيعي ..
رفع راسه لها ومسك ادينها بقوه:قومي تجهزي ..
ريم رافعه حاجبها : ليش ؟ وين بنروح ؟
حمود يفكر وباله مشغول:امشي وبعدين اقولج ..
ريم بخوف: حمود شهالحجي وين بنروح قولي .. الحين الساعه 11 بالليل وين ماخذني ..
حمود اوديج بأيدي ولا ياخذونج بالغصب .. وقف واهو يتكلم بتعب: انتظرج بالسياره..
كانت ريم تبي تلحقه بس ماعطاها فرصه لبست بسرعه وانزلت وراه واهي تحاتي وطول الطريج بالسياره كانوا ساكتين بس لاحظت انه هذا طريج بيتهم .. تكلمت ريم بتوتر: رايحين بيت اهلي ؟؟ ليش ؟
وصل حمود وقالها : يلا ننزل ..
انزلت ريم واهي مو فاهمه أي شي يصير حوالينها وراحت تجر الخطى بدون وعي ولا ادراك للي ينتظرهم بالداخل ..
دخلوا البيت وكانوا بانتظارهم .. محمد و خالد وابوهم وسلطان رفض هالمهزله ولا قعد معاهم وفضل يروح عند ربعه احسن له من الظلم الي يشوفه ..
ريم بخوف مسكت ايد حمود:شصاير ؟
محمد تكلم قبل لاينطق حمود:حياكم تفضلوا ...
اقعدوا كلهم وكانت اشكالهم واضحه انه في مصيبه بتصير ..
تكلم ابو محمد وعينه على بنته: انا ماراح اطول بالموضوع ونبيك انت يا حمود تتكلم ..
حمود ماسك نفسه لا ينفجر عليهم: حاظر يا عمي بس انتوا شنو الي تبونه عشان البيه لكم .. واذا على الطلب الي طلبتوه مني انا اسف هذي بنتكم واسألوها بنفسها ..
خالد:بنتنا مالها كلمه والي طلبناه يصير يعني يصير ..
حمود يبتسم بسخريه: الراي لريم يا خالد ..
ابو محمد يتدخل:وريم بتقعد عندنا ..
ريم بفزع:شنوووووووو ؟؟ شصاير فهموووووني ... التفتت على حمود واهي تترجاه يفهمها الموضوع راح تفقد صوابها من الوساوس الي ركبت راسها ..
حمود ماسكها من ادينها ويهدي عليها قربها منه وعينه بعينها تكلم بهدوء:ريم اهدي خلينا نتكلم بهدوء .. أهلج ياريم مو راضين على هالزواج ويبوني اطلقج ... بس ماراح اسوي أي شي الا برضاج .. ياريم انتي تبين الطلاق ؟؟
ريم فاتحه عيونها من الصدمه وايدها على حلجها: ط لا ا ا ق ؟؟ انتوا شنو تقولون ؟
ابو محمد: أي طلاق وكلمتي ما تتثنى يا ريم ..
اصرخت ريم على ابوها وكل الموجودين :لا يا يبا لا انا مو لعبه بأيدينكم زوجتوني غصب وبطلقوني غصب مو كيفكم مو كييييفكم .. فاهمييييييين
ماخلصت ريم من كلامها والا بهذاك الكف على ويها : طقني يا يبا طقني بس حمود ما اتطلق منه ..
تدخل حمود وبعد ريم عن ابوها قبل لا يطقها مره ثانيه: خلاص يا ناس شتبون منا خلونا عايشين مع بعض مو زوجتوها مالكم حق تطلبون بطلاقها .. وهالشي مستحيل حتى لو اطلبته ريم ..
خالد بصوت عالي: بطلقها كافي خياناتك لها يا محترم
اشهقت ريم وامتلت عيونها بالدموع: خالد حرام عليييك لا تتكلم جذي حرام عليكم ..
سحبها خالد وامسكه حمود من ايده:اتركها وانا ربي شاهد علي مافكرت بالخيانه ولا لحظه .. وبنتكم عندكم الحين تبي ترجع بيتها لها... تبي تبقى ماراح اردها بس طلاق من سابع المستحيلات ..
ريم واهي ترجف بأيد اخوها وريلها ابعدت عن خالد وتمسكت بحمود:مالك شغل فيهم حمود مالك شغل انا برجع معاك ..
محمد الي كان ساكت ينتظر نهايه هالحرب واهو متأكد من برائه حمود ويعرف انه مستحيل يسوي هالشي مع انه محمد اكثر انسان كان رافض فكرة زواج ريم بالغصب والحين مستعد يساعدهم بكل الي يقدر عليه .. ولا يفرقوهم عن بعض .لان متأكد انه ريم تأقلمت وحبت حمود ونست الماضي ..
بعد محاولات تمت ريم عند اهلها مع وعد حمود انه بيرجع ياخذها .. الحقته عند الباب وامسكته من ايده : لا تخليني .. ارجع لي ..
حمود يمسح على راسها بحنان: برجع ياريم .. ماقدر اعيش من دونج .. تأكدي برجع ..


لليلة هذي واضحة ليلة {فراق}
حاولت أعديها وعيت تعدي ××
\

/

\

/ظروف ما تنطاق ولا راح {تنطاق}
صد القدر ماهو بصدك وصدي××
\

/

\

/
تعال خذني بين أياديك {مشتاق}
قبل انتفارق حط يدك بيدي××
\

رددت هالشعر في قلبها وماحست الا بحمود يلمها على صدره حييل ويبوسها على راسها ويطلع برا البيت تاركها بين دموعها وشهقاتها ...
أركضت ريم على غرفتها واهي ميته من البجي : ليش يا يبا ليييش تسوي فيني جذي .. حرام عليكم .. و الله تعبت منكم ومن ظلمكم لي .. فجأه اسمعت صوت الباب ينطق وماكانت ترد .. وصل لها صوت محمد يترجاها ..
محمد: ريم فتحي الباب عشان خاطر اخوج .. فتحي ياريم ..
قامت ريم واهي تمسح دموعها وافتحت الباب : ...........
دخل محمد وقلبه متقطع على اخته تذكر وصية منال له { يا محمد ريم أمانه برقبتك مهما طال الزمن .. } : سحبها من ايدها وقعدها على السرير : ريم رفعي راسج ..
بدت العبره تخنق ريم موقادره تتكلم : .............
ماتحمل منظرها اكثر من جذي وضمها لصدره وتركها تبجي لين تهدا .. وبعد وقت رفع راسها عليه وكلمها: انتي تثقين بأخوج ؟؟
ريم من بين دموعها : أي
محمد: محد بيفرقكم عن بعض .. وبترجعين له ..
ريم: وخالد وابوي ..
محمد يبتسم لها: انا قلت لج بترجعين ياريم .. وحمود لج وانتي له .. ومابي اشوف هالدموع مره ثانيه ..
ريم تحضن اخوها واهي تبجي:و الله تعبت يا محمد .. وحمود مستحيل يخوني مستحيل ..
محمد:صدقيني ماخانج .. وانتي لا تفكرين الحين نامي وارتاحي الوقت تأخر وباجر يصير خير .. يلا بروح قبل لا تقعد بدور .. واكيد بتقعد تحاتي وماتخليج تنامين ..
ريم تبتسم: الله لا يحرمكم من بعض ويخليكم لي يارب .
محمد يبوسها على راسها: ولامنج حبيبتي يلا قومي نامي وانا بسكر الليت والباب .. تصبحين على خير ..
ريم واهي تدخل فراشها وقلبها متقطع على غياب حمود: وانت من اهل الخير ..
.....
صحى جراح على نغمه اشجان تتصل عليه فز بسرعه: هلا حبيبتي ..
أشجان بصوت كله توتر : هلا .. يلا قوم لا نتأخر ..
جراح تذكر موعده اليوم بالمستشفى واهو اصلا متى نسى بس الله كريم : شجن ..
اشجان بتوتر: هلا ..
جراح بهدوء: لا تخافين .. أنا محتاجج ..
اشجان حابسه دموعها ماتبي تبجي وتكسر بخاطره:وانا محتاجتك اكثر .. يلا قوم انا انتظرك ..
جراح بحنيه: خمس دقايق وطلعي عند الباب ..
دخل جراح الحمام واول ماطلع فتح عيونه: ش ش جن ؟
اشجان واقفه جدامه منزله راسها :ماقدرت اصبر .. يلا بنتظرك
جراح حاس فيها وبتوترها .. قرب منها وطبع بوسه على خدها خلاها تذوب من حنيته .. اطلعت تنتظر عند الباب واهو لبس ولحقها قبل لحد يشوفهم ..
اركبوا السياره واهو ماسك ادينها ويتلمسهم بحنان يعطيها من الصبر الي عنده واهي تمده بالي عندها ..
الدكتور: تفضل يا جراح ..
قعدوا جراح واشجان وواحد يطالع الثاني وكأن اليوم يتحدد مصيرهم وحياتهم ..
الدكتور يبتسم:شخبارك يا جراح ؟
جراح يبتسم بقله صبر: الحمدلله من الله بخير ..
اشجان ودها تدخل بمخ الدكتور وتشوف شنو ناوي يقول قبل لاينطق فيه ..
الدكتور واهو يتفحص النتايج واشجان وجراح على اعصابهم ..
الدكتور واهو يرفع راسه : مثل ما توقعنا ..
جراح بهدوء : شنوووو ؟؟ !
اشجان حاطه ايدها على حلجها تحبس صرختها
الدكتور:مافيك الا العافيه يا اخ جراح .. وهذي مجرد اكياس دهنيه وموضوعها سهل جدا..
جراح مغمض عيونه وكأنه اليوم يبدا عمر يديد واشجان اطلعت صرختها من جوفها :الحمدلله يارب ...
طمنهم الدكتور وبلغ جراح انه اكياس الدهن عمليتها سهله مجرد نص ساعه وينتهي الموضوع ... اطلعوا اشجان وجراح وفرحتهم محد يقدر يوصفها .. اسبوع من الخوف والتوتر والموت البطيء انتهى على خييير ..
...
فجر واحمد حياتهم مستقره كأي زوجين يحبون بعض والحياه ماشيه على اتم وجه ارجعوا الكويت عشان يحضرون عرس اشجان وجراح الي مابقى عليه الا اسبووع والكل محتاس فيه وطبعا اثنين نايمين بالعسل وجراح مجنن اشجان بسوالفه وحركاته الي ماتخلص ..
 
رد: رواية شتات الزمن للكاتبه غربه الاأحزاااان

......
ريم غابت عنها اخبار حمود طول الفتره الي مضت لانه سافر السعوديه وابوها مانعها تتصل فيه او تفكر انها تشوفه .. تعبت واهي تحاول حتى النقال خالد خذاه منها ..
بدور:ياريم اهدي لاتسوين بعمرج جذي ..
ريم بعصبيه: شلون اهدى قوليلي شلووون حمود بيقرب الشهر مادري عنه ويييين الي وعدني ارجع له وييييييييييييييين ؟؟
دخل محمد وويهه اسوود : بدور تركينا بروحنا لو سمحتي ..
بدور: ان شاءالله ..
مرت من يمه واهي تحاتيهم:حاول تهديها ..
محمد: ربج كريم ..
اطلعت بدور وقعد محمد يم ريم :ريم أنا وعدتج وانا عند وعدي صدقيني ..
ريم ودموعها على خدها: ومتى ؟؟!
اختنق محمد من سؤالها بس اهو مجبور يقولها شصار على حمود:ريم ..
التفتت عليه واهي تشوف الحيره بملامح ويهه والخوف: شفيك ؟؟ صاير شي ؟؟
محمد يمسح ادينه ببعض: حمود محتاجج الحين ..
ريم بشهقه : شصاير ؟؟
محمد:البارح واهو راجع من السعوديه صار له حادث على طريج البر ...
اوقفت ريم وارجعت طاحت على السرير وايدها على قلبها وتتكلم بهمس: تعبان ؟؟ صار له شي ؟؟
محمد:قومي نروح الحين
طلع محمد وتركها تلبس وتلحقه السياره ...!
......
أم فواز: يووو يا يمه يا جراح اقعد و الله دوختني ..
جراح: عمتي شفيج .. أنا بصير ريل بنتج .. ليش تصارخين علي ..
أشجان تضحك واهي يمه : ههههههه
جراح يلتفت عليها ويقرصها من خدها: تضحكين ها ؟؟ بس انا اواريج ..
أم فواز: انا الغلطانه الي قاعده معاكم ..
كانت بتقوم بس سبقها جراح وقعدها : و الله ما تقومين يا عمتي .. وانا وبنتج الي نطلع .. انتي استريحي بس ..
ام فواز فاهمه عليه مو من طيبه بس يبي يطلع مع اشجان بروحهم : و الله لو ما اعرفك ولد اخوي قلت هذا من طيبك وسنعك .. بس انا فاهمتك ..
جراح اطلعت عيونه : افا و الله حدي طايح من عينج .. بس تدرين شلووون .. دام انتي فاهمتني فاهمتني .. عيل باخذ عمري واطلع ..
اشجان بسرعه: لا امي تضحك معاك ..
جراح يسوي نفسه زعلان: خليها تضحك .. بس من قال بطلع بعمري وبس لا باخذج .. { ويحرك حواجبه حق عمته يقهرها .. }
اشجان تضحك وتخز امها .. التفتت عليها امها : قووومي طسي وفكوني شوووي ..
اطلعوا اشجان وجراح الحديقه واهي تضحك عليه .. قرب منها ومسكها: ويعه
اشجان : ههههههههههه
جراح يرفع حاجبه: متى انجنيتي ؟؟
اشجان : ههههههههههههههههههههههه
جراح: لاحول الله عسى ماشر شنو الي يضحك ؟؟!
اشجان واهي تقعد ع الكرسي وماسكه ضحكتها :........
جراح قعد قبالها واهو يطالعها: شفيييج ؟؟
اشجان تمسح دموعها من الضحك : سلامتك ..
جراح: وهالضحك شخانته من الموضوع ؟؟
اشجان: جراح
جراح: نعم ..
اشجان: لا تلومني و الله هذا طبعي ان توترت اضحك .. وانت وامي كملتوها علي .. احب اشوفكم وانتوا تتناشبوون ..
جراح يبتسم : وشنو الي موترج ؟
اشجان تلم نفسها وتطالع فيه: مادري يمكن عشان العرس قرب ..
جراح: امممم ..
اشجان:شفيك ؟؟
جراح: و لا شي .. بس مالومج صح هالشي يخلينا كلنا متوترين . .بس ع الاقل انا وانتي عارفين بعض يعني اعتقد التوتر بيخف شوي ..
أشجان: جايز ..
جراح:تبين اغني لج ؟؟
اشجان تبتسم: ياليت ...
جراح:وشنو تبين تسمعين ؟؟
اشجان تفكر : أي شي حق كاظم .. احب اغانيه بصوتك ..
جراح: من عيوني كم شجن عندي .. يلا سمعي ...أحم احم ..

../ كلك على بعضك حلو .. والأحلى ال الخجل الل بعيونك
تزعل أو ترضى حلو
شوكة بعين الل يحسدونك
وجهك حلو طولك حلو قلبك حلو
عمري من عمرك حبيبي
كل شي لعيونك يهون
أنت أغلى الناس عندي
حبي لك حد الجنون
يكفي بعيونك الحلوة
تشوفني وتسأل عليه
تضحك الدنيا بعيوني والسعادة تطير بيه
وجهك حلو طولك حلو قلبك
من أشوفك أنسى خوفي وأنسى كل ما صار بيه
وأشعر بكل ارتياح من أضم أيدك بيديه
اه يكفي بعيونك الحلوة
تشوفني وتسأل عليه
تضحك الدنيا بعيوني والسعادة تطير بيه
وجهك حلو طولك حلو قلبك حلو


كان يغني وعيونه بعيونها يهديها الحرووف من نظراته يهديها الحب من همساته وصوته
كان الجو قمه بالسعاده والدفا .. وما اكتمل الجو الا بدخول هادم اللذات استاذ فواز ..
فواز واهو واقف وحاط ايده على باب الحديقه : يا سلام وطرب واجواء رومانسيه متشعلله عندنا اليوم ...
اطلعت من وراه فجر : وانت شتبي فيهم معاريس خلهم براحتهم ..
فواز: و الله الي اعرفه الاسبوع الي قبل العرس يبعدون عن بعض شوي عشان يشتاقون لبعض بس هذول اربع وعشرين ساعه لاصقين بخشة بعض .. كنت اقول الخبال من جراح طلع كله من اشجان و انا الصاج ..
جراح واشجان يطالعون صوبهم ولا تكلموا ينتظرونهم يخلصون : خلصتوووا ..
فواز: شفتي مو اقولج البنت طلعت اهي الخراب حتى الحجي يقولونه مع بعض .. عشان لحد يحاسب الثاني شقال من وراه هههههههه
اشجان: يووه فواز وبعدين ..؟
جراح: مالج شغل فيهم فديتج .. خليهم يحترقون بنارهم .. ناس حاسده يكافينا شرهم ..
فواز: هههههههههههه ياليت حاسد .. الا شايف وعايف .. طس انت معاها احسن ..
الكل : ههههههههههههههههه
.........
أدخلت ريم واهي تتسارع مع الزمن بخطواتها الذبلانه تبي تشوفه تطمن عليه لا يخليها ويرووح اكتفت من العذاب والغياب خلاص ماعاد فيها صبر وتحمل ..
أدخلت عليه الغرفه كان مسدوح والتعب والجروح مستقره بأحشاء قلبها قبل جسمه .. اشهقت من شافة الكدمات وريله المجبسه وايده المربوطه صوب صدره .. وجبهته المجروحه .. كان مغمض عيونه بكل امان .. قربت منه بهدوء وحطت ايدها المرتجفه على خده تتلمسه وتحس فيه وبروحه الي غابت عنها .. اقعدت قريب منه واهي تهمس له: سلامتك حبيبي ماتشوف شر .. ليش صار معاك جذي ؟؟ وشنو الي صار .. انت وعدتني ما تتركتني .. ليش كل ماحس بالامان انخذل وارجع لنقطه الحرمان .. حموود . . تسمعني .. قوم لا تخليني بروحي .. و الله ماعيش من دونك .. عارفه انك مظلوم .. و الله عارفه .. بس قوم كلمني .. قووووووم ....
تمت تبجي واهي حاضنه ادينه بدون أي استجابه منه .. دخل عليها محمد واهو يهدي فيها ويصبرها ..
ريم: مايكلمني يا محمد ليش ..؟
قعد يمها ومسكها من ادينها : ريم لاتسوين بنفسج جذي .. اهو تعبان خليج قويه عشانه .. كلها يوم وبيصحى الدكتور طمني لا تخافين عليه ..
ريم من بين دموعها: وان ماصحى ..
محمد بنظره : شهالحجي .. انتي مؤمنه بربج .. وحمود مافيه الا العافيه .. وريلج قوي بيقوم منها سهالات ان شاءلله ..
ريم: اه يا محمد .. الله يسمع منك .. و الله ان صار له شي مابسامحكم كلكم .. < وتمت تبجي بصمت وقهر ...!
مر يومين واهي كل يوم عنده وابوها من عرف منعها وعصب عليها بس ما ردت على احد واطلعت من شورهم هالمره .. والي يبون يسوونه يسونه .. هذا ريلها ما تتخلى عنه عشان احد .. كافي الخسارات الي عاشتها بحياتها ..
ادخلت على حمود وتحس انه شكله متفتح عن الايام الي قبل بس لحيته بدت تطلع شعره تبهذل ابتسامته الحلوه اختفت .. والهالات السود واضحه تحت عيونه ...
حطت الورد قريب منه واقعدت يمه : شلونك حبيبي .. انا مشتاقتلك .. انت للحين زعلان وماتبي تكلمني ..؟ الدكتور يقول كلها يوم وتقدر ترد علينا .. بس اليوم صار ثلاث ايام .. حمود انت عودتني انك توفي بوعودك وتكون اقوى من كل الظروف .. انا وانت مالنا الا بعض .. فلا تحرمني منك .. ماقدر ع الحياه من غيرك .. انت ابوي وامي واخوي وزوجي وحبيبي وكل شي بدنيتي .. انا حاسه انك بترد علي .. حاسه انك تحبني ومستحيل تتخلى عني .. اه يا حمود اه ...! الله يصبرني ويطمن قلبي عليك .. < أمسحت دمعتها واهي توعد نفسها انه بيكون لها وبيرجع لها ...! قامت من يمه باسته على خده بهدوء وامسحت على راسه وتوجهت صوب الباب وقبل لا تطلع اسمعت همسه خفيفه : ر ي م
ارجعت له بسرعه واهي تتأمل ملامحه وايدها تحضن ايدينه بس ماحست بشي قشعر كل جسمها وغمضت عينها : يارب مايكون تهيئا انا سمعته .. حمود هذا صوته ...
حرك اصبعه على ايدها عشان تحس فيه اكثر .. اشهقت بقوه وتمت تطالع فيه .. انت تسمعني رد علي .. حمود انا حسيت فيك انت تحركت وناديتني ...!
حمود يحس بحراره بجسمه غمض عيونه حيل وشد على ايدها .. التعب مو معطيه مجال يتكلم بس كان يحس فيها ويحس انها قريبه منه بكل لحظه ...!
....
 
رد: رواية شتات الزمن للكاتبه غربه الاأحزاااان

محمد:هلا سلطان
سلطان: ها طمني شخباره ما تحسن ؟
محمد: لا و الله مافي أي شي تغير .. للحين نايم ..
سلطان: الله يقومه بالسلامه ..
التفتوا على صوت ريم: محمممممد
مشى محمد بسرعه صوبها: شفييج ؟ حمود صارله شي ؟؟
ريم من بين دموعها: حموود صحى ..
أدخلوا محمد وسلطان وريم واقفه وراهم تشوفهم واهم يتحمدون له بالسلامه وتركز بالنظر اكثر على عيون حمود .. وتحمد ربها الي رجعه لها سالم واكيد راح تبقى يمه ولا تتحرك خطوه وحده ..
فزت على صوت محمد: تعالي ياهو وين رحتي ...
سلطان: خلها تتغزل بهالتعبان .. ماتشوفها شلون تخز فيه ..
حمود يبتسم لها ويناديها بعيونه .. قربت منه اكثر واقعدت على طرف السرير واهو ماسك ادينها ,, ما طولوا اخوانها شوي واطلعوا عنهم .. التفت لها حمود وغمض عيونه ..
حمود: لا تروحين ..!!
ريم اخنقتها عبرتها: مستحيل اتحرك من هالمكان .. مابروح الا معاك ..
حمود يضغط على ايدها اكثر : وصدقتي السالفه ؟؟!
ريم: اكيد لا .. لا تسألني ليش ما صدقت . بس قلبي ما يخوني .. !
قرب لها اكثر وباسها على خدها : ربي لا يحرمني منج ..
ريم: ولا منك يا نظر عيني ..!

....
مرت الايام سريعه واليوم عرس احلى اثنين اشجان وجراح ..
اشجان من الصبح بالصالون واختها معاها .. وباقي البنات والعمه وامها بصالون ثاني ..
كانت اشجان قمه في توترها .. او التوتر كلمه قليله في حقها .. ماكانت قادره تركز على شي
وكل جسمها يرجف .. وتحس بالبرد .. والخوف .. ماتحس بالفرح كثر ما تحس بالخوف ..
فجر: اشجان وبعدين .. بتموتين جذي ... نسيتي كلامج لي بعرسي .. وين الصبر الحين .. والقوه .. اشوف كله كلام خرطي ..
اشجان وشفايفها ترجف ..: خايفه .. مو قادره اتحمل ..
فجر: زين بروح ايب لج عصير يهديج شوي .. جذي ماراح نقدر نسوي شي ..
اطلعت فجر واشجان الافكار تاخذها وتوديها .. شلون بتتصرف مع جراح بروحهم .. شلون وشلون وشلون .. لين قطع حبل افكارها تليفونها يرن .. وكان جراح ..
اشجان بصدمه : جراح !!! انا ناقصه ياربي شسوي ارد او مارد ..
بس التليفون ماسكت لين ارفعته اشجان: وبصوت كله رجفه : الو و و ؟!
جراح: يالبيييه الالو وراعيه الالو .. وصباح الخير على احلى عروووس بدنيتي ..
اشجان : وليش دنيتك فيها اكثر من عروووس ؟؟
جراح يضحك: فديت الغيره الي اشتغلت من الحين .. ولا معصبه بعد ..
اشجان متنرفزه من برود اعصابه واهي من التوتر صارت تعصب : جراح
جراح: قلبه امريني ...
اشجان ما كملت كلامها : باي
سكرت الخط وجراح مثل الي انكب عليه ماي بارد من حركتها : يوو هذي شفيها ؟؟ لايكون زعلت ياربي ,,
بعد ساعه واشجان توها تبي تبدا شغلها اسمعت فجر تناديها .. : شجن تعالي عند الباب شوي ..
راحت اشجان واسحبتها فجر بسرعه واول ماوقفت عند الباب ماحست الا بأيد تسحبها كانت بتصارخ بس من شافته اجمدت مكانها ...! ! !
مسكها جراح وعينه بعيونها : اسف .. بس ماقدرت انتظر ..
اشجان منزله راسها وسرت بجسمها رعشه قويه من قربه: ليش ييت ؟؟
جراح: عشان اشوفج واشوف ليش زعلانه ؟؟
اشجان: مافيني شي .. بس
جراح: متوتره .؟
اشجان بحركه بريئه هزت راسها:أي
جراح يهديها ويطمنها واهو حاضن ادينها : لا تتوترين وهدي اعصابج عشان خاطري .. مابي اشوف اليوم غير ابتسامتج .. ولا تنسين هذي ليله العمر . .. .. < وابتسم لها ابتسامه فضيعه وباسها على راسها ودخلها وراح عنها واهو باله وفكره كله بهالبنت واخيرا بتصير له .. يحبها ويموت فيها بكل جوارحه ..
فجر : والله من قدج في عروس تشوف ريلها بالصالون وقبل الزفه والله هالجراح حركات
اشجان تضحك : فديته
فجر: ياعيني من الحين فديته ما فديته لا بابا خلي هالكلام اذا تميتوا بروحكم ههههههه
اشجان ارجعت لتوترها : زين زين .. سكتي بس الحين .. بدخل الحين وقت المكياج راح الوقت علي مووو ؟
فجر : لا ماراح تو الناس يلا روحي ..
..............
حمود: انتي متأكده ؟!
ريم: أي متأكده .. وماني راجعه والي يبون يسونه يسونه .. مايهمني
حمود يقرب منها: ماهزج كلامهم ؟!
ريم واهي ماسكه ايده: طبعا لا
حمود:ليش؟
ريم:لاني واثقه فيك .. واعرفك صريح معاي ..! وعمرك ماخبيت عني شي ..
حمود:ولاراح اخبي .. بس احمد ربي الي رزقني فيج .. عاقله وواثقه فيني ..
ريم بخجل:وانا عندي لك خبر وهالمره خبيته عنك ..
حمود بإبتسامه واستغراب:شنو ؟!
حطت ايدها على بطنها وطالعته: ......
حمود فتح عيونه وقرب مسك بطنها:صجججج ؟؟؟
ريم واهي تضحك : اي صجين ..
حمود: انتي حامل ؟؟!
ريم: اي حامل .. ولي شهرين ونص ..
حمود طاير من الفرح والارض مو سايعته :والله احلى خبر سمعته بحياتي وهالمره خلاص بنحط بالنا عليه .. وتكفين اهم شي صحتج ..
ريم بدلع: صحتي او صحة البيبي .؟!
حمود:انتي اول واهو الثاني .. الياهل بداله ياهل بس انتي محد بيعوضني عنج ..
لمته حيييل وكأنها خايفه لا تودعه ..!!
.....
 
رد: رواية شتات الزمن للكاتبه غربه الاأحزاااان


صاله العرس والناس مجتمعه والكل يرقص ومستانس والاغاني تصدح باعلى صوتها
والفرحه .. عامه المكان وكل القلوب صغير وكبير .. بس في فرحه مختلفه فرحه اشجان وجراح ..
مرت ساعات العرس بلمح البصر وصار وقت دخلت اشجان .. كانت مثل الملاك بالثوب الابيض الثلجي .. تمشي بين الناس واهي بقمه سعادتها وخوفها وتوترها مشاعر صعب تجتمع بنفس اللحظه بس اجتمعت عليها ونظرات الناس وتفحصها لها خوفها .. بس الي زادها ثقه نظرات اختها وبنات عمتها وصديقاتها .. ودموع الفرح بعيون امها .. ادخلت على احلى زفه وانغام هاديه واضواء خافته .. لين وصلت الكوشه وبدا الكل يقترب منها ويصلي ع النبي ويسلم عليها .. ويبارك لها ..
البنات : ماشاءلله عليها طالعه قمر .. ان شاءالله هالجراح يستاهلها ..
...
جراح:راشد .. ياراشد ..
راشد:هلا بمعرسنا ..؟
جراح: قولهم متى نروح .. خلاص مافيني صبر .. يلا
راشد:يامال الي ماني قايل .. اصبر شوي خل الناس تسلم وتالي نمشي ..
جراح متنرفز:وراهم سلام بعد .. لا جذي وايد ..
راشد:اقول استريح .. ماباقي شي ..
جراح يخز فواز وخاله .. انتبه عليه فواز وقرب منه :شفيك ؟
جراح عافس حواجبه: ولا شي بس اختنقت يلا نمشي .
فواز:الله واكبر الحين هالناس والعرس ومخنوق .. والا ما تتنفس الا مع اختي ..هههههه
جراح:الله يلوع جبدكم .. اي لانكم مو حاسين مالت عليكم ..
فواز: لا ولسان طويل بعد..عاد كنت برحمك بس انت مو مال احد يرحمك انطق بكرسيك احسن لك ..
ابوفواز:يلا يا عيال ..
جراح بوناسه:الزفه ..
راشد وفواز : هههههههههه مو صاحي ..
.....
أم راشد:يلا يا بنات تغطوا المعرس وصل ..
من اسمعت اشجان هالكلمه وكل ذره بجسمها قامت ترجف وتحس بالقشعريره تتملكها بهاللحظه ..
الكل تغطى ويترقب لحظه دخول المعرس مع اخوانه وابوه وخواله ..وصل جراح الكوشه واهو بقمه فرحته والابتسامه مرسومه بملامحه الجذابه : الكل سلم على العرووس وصور معاها ..وطبعا جراح يموت ويحرجها وهالمره جدام الكل باسها على راسها وبين عيونها وبارك لها واهي ردت عليه بالسكوت والابتسامه .. هذا الي قدرت عليه المسكينه ... !
وبوسط الزحام ادخلت من الباب بنت تقريبا الكل استغرب منو بتكون ؟!
قربت من المعاريس وقابلها جراح بكل فرح وابتسامه : هلا وغلا برغد ..
رغد:هلا بولد عمي مبرووك الف مبرووك ..
جراح:الله يبارك فيج يالغاليه ..
اشجان تبتسم بكل عفويه من قربت منها رغد احضنتها وباستها على خدها وباركت لها : مبرووك شجونتي والله تستاهلين كل خير ..
صوت الاغاني كان عالي وماقدر جراح يسألها مع منو يت من استراليا ؟؟ وتم يحاتيها ..
راحت رغد صوب البنات ومرت عمها وسلمت عليهم .. والكل استانس فيها .. بس رغد تغيرت في شي صاير بس محد يعرف للحين .. وجراح اكثر واحد حس بهالتغير بحكم الفتره الي عاشها عندهم ..
اروى:يما مالي شغل نبي نوصلهم الفندق ..
ام راشد:يابنت عيب الريال وزوجته رايحين انتي شعندج .. عيب قعدي مكانج
اروى ماردت على امها وطارت عند فجر : جور جوررر ..
فجر : هلا شفيج تصارخين ..؟
اروى:وين بتروحين ؟؟
فجر:انتظر احمد بنروح البيت ..
اروى:لالالالالا .. شفيكم انتم ؟
فجر:شفيج يا بنت ؟
اروى:بروح مع المعاريس الفندق ..
فجر:شعندنا ؟؟؟
اروى:برووح وبسسس ..
فجر:اممم انزين عادي تركبين مع احمد ؟
اروى:فشششله ..
فجر:خلاص عيل استريحي ..
اروى:يوووووووووووه بروح يعني بروووح ..
....
 
رد: رواية شتات الزمن للكاتبه غربه الاأحزاااان


اركبوا المعاريس اليموزين وفواز كان يساعد اخته واهي تركب السياره ومسك ايدها وحس فيها بارده مثل الثلج .. رفع راسه لها وطالع عيونها وابتسم لها:صلي ع النبي حبيبتي ..
اشجان وشفايفها ترجف واهي تشوف اخوها وشلون يساعدها وحنيته:فوازز
فواز:عيون فواز : تامر عروسنا ؟
اشجان:لا تخليني ..
فواز عافس حواجبه :خلاص كبرتي يلا ريلج ينتظرج ..
مامسكت نفسها اشجان ونزلت دمعتها : ...
فواز:لالالا والله بزعل منج ليش كل هذا .. امانه لا تبجين هذا جراح بيصعد حرام يشوف دموعج يلا عشان خاطري ..
حاولت تمسك دموعها وعدل قعدتها فواز وركب يمها جراح واهو يضحك على خبال اخته ..
جراح:والله هالاروى قلق وازعاج ..
اشجان :ساكته ..
التفت صوبها جراح :حبيبي !
اشجان بصوت خافت:هلا ..
جراح:والله مو مصدق احنا بحلم والا بعلم ..
اشجان ترجف ياليت حلم : ..
قرب ومسك ايدها وابتسم اثنينهم يرجفون والتوتر ذابحهم ..!
....
طبعا اروى ماسكتت والي براسها سوته .. شافت فواز وترجته يروحون وراهم الفندق وفواز ماقدر على حنت هالبنت اخذها اهي وسراب وراحوا وراهم الفندق ..
....
انزلوا المعاريس الفندق واصعدوا الجناح الي احجزه جراح : وقبل لا يسكرون الباب انطق عليهم بطريقه تخوف : وطبعا انصدم جراح .. اخته وفواز وسراب عند الباب : شعندكممممم ؟؟
فواز:مالي ذنب هذي اختك ..
ادخلت اروى بسرعه واهي تضحك : والله تتوقع بتركم بهاليوم .. وانا مو مطوله بس بدخل عند شجوونه شوي وبطلع ..
ادخلت اروى الصاله الي بالجناح وشافت اشجان بعدها واقفه مكانها ماتحركت وانطقت باسم جراح :
اروى:لا انا اروى مو جراح ..
التفت اشجان واستانست : يابعد قلبببببببببببببي الله يابج .. لا ترووحين تعالي
اروى:بسم الله عليج شفييج ؟؟
اشجان:اروى لا تخليني تكفين تعالي قعدي عندي اليوم .
اروى تضحك : ههههههههههه ليش ناويه جراح يذبحني ؟؟ ياماما انتي عروسته اليووم ياويلج منه ..
اشجان الخوف ذابحها وكلام اروى زادها :على طول انزلت دموعها ..
اروى مصدومه:شفييييييييييج ؟؟
اشجان:خايفه .
اروى:اي عادي .. بس من قال اخوي ذيب ؟؟ حرام عليج جراح طيوب مايخوف ..
بهالحظه دخل جراح وشافها تبجي سحب اخته وطلعها بره ورجع حق عرووسته الي قالبتها مناحه ..
سحبها من ايدها وقعدها على الكنبه الطويله وقعد يمها ورفع راسها:افا منو مزعل القمر ؟!
اشجان والدموع تزيد على خدها : .....
جراح بخوف:شجن حبيبتي شفيج ؟؟ ليش هالدمووع ؟؟
اشجان:ولا شي ..
جراح:وهالدموع ؟
اشجان ترقع موقفها:احس مشتاقه لاهلي ..
جراح يبتسم لها ويقرب صوبها اكثر:والحين بس اهلج تشتاقين لهم ؟؟ وانا مالي نصيب ؟
اشجان الخجل بيقضي عليها قبل يومها : ...
جراح:امممم مطولين قاعدين جذي ؟
اشجان بسرعه:ابي الحمام ..
جراح:غيري ملابسج اول .
اشجان موقادره تتحمل والافكار قامت تلعب فيها .. : زين اطلع خل ابدل ..
جراح يضحك : من اولها ..
اشجان:نعممم؟
جراح:لالا ولا شي اوكي انا بطلع وانتي اخذي راحتج واذا خلصتي ناديني ..
اشجان : اوكي ..
طلع جراح وتركها تاخذ راحتها .. سكرت الباب واقفلته مرتين وانتبه لها جراح وضحك بداخله ..
اتعبت واهي تفصخ النفنوف البست الروب وادخلت الحمام .. غسلت واطلعت .. افتحت الجنطه وطلعت قميصها الابيض امسكته بايدها واهي ترتعش من افكارها الي توديها واتيبها : يارب خفف علي موقادره اتحمل ..
البست القميص وافتحت شعرها وعدلت مكياجها الي خربته بالدمووع .. وكان شكلها قمه بالروعه .. والبرائه .. قبل لا تفتح الباب اسمعت صوت جراح وكأنه كان يكلم وحده .. استغربت وحست بشي بداخله يحترق :لا والله هذي اولها يا استاذ ..
اقعدت على طرف السرير وماراحت تناديه .. حس جراح انها طولت عليه : معقوله لها ساعه ماخلصت .. خل ادخل اشوفها .. وصل عند الباب طقه ماردت عليه بدايه وبعد ثالث طقه قامت افتحته وارجعت مكانها وقبل لا تقعد مسكها من ايدها ولفها صوبه . بس اهي ابعدت بسرعه .. واستغرب حركتها بس ماحب يضغط عليها راح الحمام واخذ معاه ملابسه بدل وطلع لها ..
وشافها وكأنها معصبه بس هدوء ملامحها تعذبه مايحب يشوفها زعلانه : قعد يمها وسحب ايدها وباسها:شنو فيه الحلو ؟
اشجان بدون تردد اسألت:منو الي .... وسكتت ..!!
جراح:شنو قلبي ؟
اشجان والدموع بعيونها:خلاص
جراح مستغرب من تصرفاتها:شفيج حبيبتي ..؟
اشجان:منو كنت تكلم قبل شوي ؟
جراح فهم عليها وضحك من كل قلبه:شجووونه ... تغارين ؟
اشجان:مووقت هالكلام .. رد علي ..
جراح:هذي رغد
اشجان:اها ..
جراح:شجونه رغد يت الكويت خصوصا عشان عرسنا واهي نازله بالفندق حتى مارضت تروح بيتنا وباجر طيارتها معانا على استراليا ..ترجع حق اهلها ..
اشجان استحت من تفكيرها وعلى طول شكت نزلت راسها وتمت تفرك باصبعها ..
جراح بشوق:رفعي راسج .. اشجاني ماتنزل راسها ..
اشجان بخجل:انا اسفه..
حط اصبعه على شفايفها:اوووص .. مابي اسمعج تتأسفين ..قومي معاي ..
اشجان :وين؟
جراح:طلبت لنا عشا ..
اشجان :لا مو يوعانه مابي .
جراح بقلبه والله وهذا الي ابيه .. :ليش ؟
اشجان:بس ماشتهي ..
جراح:ولا انا اشتهي ..
حط عينه بعيونها ومسك اطراف اصابعها:والله احبج
اشجان ولا كلمه كان الصمت سيد الموقف عندها ..
ماتمالك نفسه جراح قرب منها اكثر واكثررر رفع راسها باصبعه وطبع اول بوسه لاحب انسانه واجمل شريكه حياة في دنيته .....!!!!
...................
ام فواز:والله مو قادره انام واشجان مو بالبيت .. انا خايفه عليها
ابو فواز:نامي يامره .. البنت مع زوجها .. شهالحجي الي تقولينه ..
ام فواز:بسس ..
ابو فواز:لابس ولاشي الصبح بيطلع علينا .. نامي وارتاحي .. انا تعبان بنام..
حاولت ام فواز تنام وطول الوقت واهي تدعي انه الله يوفق بنتها ويبعد عنها رهبه اول ليله ويخفف عنها ..
..................
نرجع لمعاريسنا وبعد الساعات الي مرت عليهم والحين تقريبا الساعه 6 الصبح جراح كان نايم واشجان النوم مجافيها كانت نايمه بطرف السرير بعد مابعدت عن حضن جراح لين نام .. ادفنت راسها بالمخاد وحاولت تخفي صوت شهقاتها عن لايسمعها جراح .. وتمت تتقلب يمين ويسار ماقدرت تنام ..
حس جراح بحركتها بس مالقاها يمه وسمع صوت شهقتها من تحت اللحاف رفع اللحاف عنها وبسرعه غمضت عينها تفهمه انها نايمه ..
جراح:فتحي عيوونج .. ادري قاعده ..
افتحت عيونها ومايبان منهم الا الدموع:....
قرب منها ورفعها وقبل لايحطها على صدره انتبه لنظراتها الخايفه .. سحب بلوزته ولبسها عشان ترتاح شوي .. حطها على صدره وتركها تبجي لين هدت واهو يمسح على شعرها بهدووء :بسم الله عليج .. حبيبتي اهدي .. الي صار شي طبيعي .. انا اسف حبيبتي .. سامحيني .. لو ادري بتنزل دموعج ماقربت ناحيتج .. شجن ردي علي لا تقطعين قلبي بصوت بجيج ..
اشجان ماسكتت والبجي زاد وتمسك بصدره اكثر واكثر .. الي كانت خايفه منه صار .. كل لحظه مع جراح رجعتها للماضي المر الي كانت عايشته .. حاولت تمحي صورة عبدالله بس ماقدرت كانت تشوف جراح وتتخيل انه عبدالله ..
..........
إنتهت الحلقه
 
رد: رواية شتات الزمن للكاتبه غربه الاأحزاااان


[الحلقه واحد وثلاثين والاخيره



صبحت بالخير ياأول واخر احبابي

,,,,, صبحت بالنور والرضا والوله والهيام

قعدت اشجان الساعه 10 من النوم وشافت هالرساله مكتوبه بورقه وعليها ورده حمرا على الكمدينه حقتها ابتسمت وشمت الورده بفرح .. اتركتها وراحت الحمام اخذت شاور وغيرت ملابسها لان اليوم رحلتهم استراليا ع الساعه 1 الظهر .. اطلعت بروب الحمام .. نشفت شعرها الطويل وسرحته وبدت تورد ويها بالميك اب الخفيف مع الكحل الاسود الجذاب .. التفتت ع الكبت محتاره شنو تلبسس طلعت بدلتين وقبل لا تختار اي وحده فيهم .. تكلم جراح .. التركواز احلى من الاسود مع انه كل شي عليج حلوو ..
استحت من تعليقه وبدون لا ترد عليه اخذت البدله التركواز وراحت غرفه التبديل والبستها وعدلت شكلها بصوره اخيره واطلعت ..
كانت البدله تنوره قصيره لي الركبه تركواز مع بدي ابيض وقميص تركواز رسمي والبست معاه بوت ابيض وربطه ع الرقبه بلون ابيض ورده ع الطرف تركواز بزهر خفيف .. كانت جذابه بشكل كبيير ..
شافها جراح واهي تطلع خواتمها من الدرج قرب ناحيتها ومسكها من خصرها ولفها صوبه :سملا عليج من العين .. واولهم عيوني .
ابتسمت بخجل منه :شدعوا
قرب منها اكثر وباسها على خدها واهي منحرجه موووت منه ابعدت واهي منزله راسها ..
قعد على طرف السرير وعينه عليها : شجون حبيبي ترا رغد بتسافر معانا !!
اشجان باستغراب:مافهمت ؟!
جراح:يعني اهي يت تحظر عرسنا وبترجع على اول طياره واليوم بترجع هناك وبتكون معانا بنفس الرحله ..
اشجان تبتسم:اوكي حبيبي
وقف جراح بسررعه وحاوطها بيدينه : عيدي عيدي ؟؟!
اشجان:ههههههه مجنوون ابعد ..
جراح:خليني اسمعها مره ثانيه وانا ابعد ..
اشجان:يووه منك .. بلييز ابعد.
جراح يشد عليها اكثر:قوولييي
اشجان واهي تصرخ:اييي اي شقلت انا
جراح:قولي منو حبيبج ...؟!
اشجان واهي تضحك: انتتت
جراح بمكر : زين هاتي بوسه الصبح ..
اشجان رافعه حاجبها:بدينا
جراح:ليش انتهينا اصلا .. يا ماما اليوم اول يوم يعني دربج طووويل معاي .. واذا ماتسوين الي ابيه بزعل ..
اشجان:فديت الي بيزعل .. خلاص قرب ..ههههه
قرب وعطاها خده: يلا
قربت منه و بدل لا تبوسه عضته واهو يصارخ:لا
صارت تضحك بهستيريا على شكله واهو مستغرب ضحكها :معقوله كل هذا عشان عضه ..؟! هين يا شجوون انا اواريج ..
تجهزوا وانزلوا يتريقون باللوبي تحت .. وبعد ربع ساعه نزلت رغد :السلام عليكم .
جراح واشجان:وعليكم السلام ..
اشجان:هلا رغد حياج تفضلي ..
رغد:الله يحيج حبيبتي .. لا اخليكم على راحتكم .. انا بروح اتصل تليفون واصعد اجهز اغراضي قبل لا اروح ..
جراح:انزين تو الناس تريقي معانا ..
رغد:ماعليه اشوفكم بعد شوي ..!
جراح يكلم اشجان:غريبه حاس فيها شي ..!
اشجان:ليش ؟!
جراح:انتي ماتعرفينها كثري يوم كنت عايش عندهم .. اليوم اشوفها انسانه ثانيه .. حزينه .. الي تعودت عليها مرحه كله تضحك ومستانسه بس اليووم مادري حاس فيها شي ويها اسود وفيها شي .!
اشجان بدت الغيره تلعب فيها:اها .. تبي اروح اشوفها لك شفيها .!؟
جراح مافهم لغة الغير هالي تخبيها:ياليت اذا تقدرين ..
اشجان انصدمت معقوله تهمه لهالدرجه .. ياربيي شفيني افكر بهالطريقه هذي بنت خالي:اوكي بصعد لها .. بس نخلص ريوق .!
اصعدت اشجان طقت الباب على غرفه رغد وبعد دقايق يلا افتحت لها:هلا اشجان حياج .
اشجان:ها مطوله ؟!
رغد:ليش تعبتي نفسج كاني بنزل الحين .
اشجان تفكر صح البنت مو طبيعيه:امم رغد ممكن اتكلم معاج شووي ؟!
قبل لا ترد عليها رن تليفون رغد وردت عليه:هلا يبا .. لا لا الحين بنطلع من الفندق .. ان شاءلله لا تحاتي .. فمان الله .. !
رغد:يلا شجن نروح .
اشجان :اوكي يلا .!
بالمطار وبعد ماخلصوا كل الاجراءات واركبوا الطياره .. اقعدوا جراح واشجان يم بعض ورغد بروحها بالكرسي الي جدامهم ,, طول الطريج تسمع ضحك وسوالف اشجان وجراح واهي الهم بيذبحها والحزن اكل من قلبها وشبع .. كانت تواسي نفسها بدموعها طول السفر .. بنص الطريج نامت اشجان من التعب وجراح كان يقرا جريده تذكر رغد والي فيها .. التفت شاف اشجان نايمه باسها على خدها بشويش وقام بيروح عند رغد ..
جراح:اقعد .
رغد واهي تمسح دموعها بكف ايدها :اكيد تفضل ..
جراح بحنيته المعتاده:رغد .
رغد بألم:هلا .
جراح:بدون مقدمات . منو الي مزعلج ؟ شنو الي صاير معاج ؟!
رغد حابسه عبرتها غصب وطلع صوتها المخنوق:مافي .. شي ..
جراح:تخبين عن اخوج ؟ قوليلي والله شغلتي بالي .. وانتي غاليه ما تهونين علي .!
رغد بصوتها المخنوق وعبرتها المتقطعه:تعبانه ..!
مسك ايدها واهو يشد عليها:سلامتج من التعب اهدي .. وفهميني كل شي ..!
رغد :سعود .... !!!!
جراح رافع حاجبه: سعوود؟؟!
رغد واهي منزله راسها:ايي سعود الي قضيت معاه كل ايام استراليا والدراسه من الطفوله لين كبرنا ..
جراح:وبعدين؟!
رغد:سعوود خاني ياجراح ...< وبدت تبجي بصوره تقطع القلببببب ...!
جراح ياخذ نفس عميق: انتي اقوى من هالشي كله يا رغد .. طولي بالج ومسحي دموعج ..
رغد بصوت مخنوق:شلون شلون اكون اقوى . الخيانه شي مرررر موقادره اتصوره ومن منووو من سعوووووود ...!!!!!! صعبه والله صعبه
جراح متألم عشانها:ماحاولتي تفهمين منه شنو السبب او عطيتيه فرصه يدافع عن نفسه ..
رغد:خاين و اعطيه مجال يدافع .. انت شنو تقوول مستحيل
بهالوقت كانت اشجان قاعده مو نايمه قامت بتروح الحمام وشافته واهو ماسك ايدها يهدي عليها .. سوت نفسها ماشافت شي وكملت طريجها واهي النار تلعب فيها من داخل .. ادخلت الحمام واحذفت جنطتها ع الطاوله حيل من كثر الغضب:ليش ياجراح .. وتمسك ايدها بعدددددد .. هذا وانا معاك وماحطيت لي اعتبار ..
جراح انتبه لها من راحت وانتظرها لين ترجع بعد ماهدا رغد اول ماوصلت اشجان مكانها كان جراح واقف مشت من يمه واقعدت بكل عصبيه وتوتررر ..
جراح:شفيج؟!
اشجان بدون ولا كلمه طالعته ..:......
جراح:حبي تعبانه ؟
اشجان:ولا شي .. مافيني شي .!
قعد يمها ومسك ايدها وحس ببرودتها مع انه الطياره دافيه واصابعها ترجف :شجوونه
اشجان:نعم
جراح:ليش ايدج بارده وترجفين ؟ شتحسين فيه ؟
اشجان بتوتر:جراح اتركني بنام ..!!
جراح:!!!!!!!
حاولت تغمض عيونها بس ماقدرت ترتاح : جراح ..
التفت عليها جراح بإهتمام : هلا حبيبي ؟!
اشجان بزعل:ليش مسكت ايدها ؟!
جراح واهو يبتسم:تغارين من رغد ؟
اشجان متضايقه :مو بيدي .
قرب ومسك ادينها :انا اسف اذا ضايقتج بس رغد مثل اختي وكانت متضايقه وكنت ابي ادعمها مو اكثر ..
اشجان براحه:اووكي
جراح:شنوا وكي ؟ ابي ابتسامه حلووه ترد روحي .. فديت الي تغار انا
اشجان واهي تبتسم: خلاص مو زعلانه .. وانت لا تتضايق مني بس والله مو بيدي اغار ..
جراح يطالعها واهي تتكلم ومستحيه:انا ما اتضايق من روحي .. المهم اني انا الي ما اضايقج ..!
..
ريم وحمود الحياه تضحك لهم واخيرا .. عاشوا مع بعض بدون هموم ولا مشاكل .. ويترقبون وصول ولي العهد على احر من الجمر ..
....
فجر وأحمد متفاهمين ومتأقليمين مع بعض .. ونبرات الشك والاتهام اختفت من حياتهم ..
والله وفقهم لبعض .. وسخرهم لحب بعض .. الله يديم عليهم ..!!
...
 
رد: رواية شتات الزمن للكاتبه غربه الاأحزاااان


وصلوا جراح واشجان ورغد وكانت الفرحه تعم قلب اشجان بقرب جراح لها .. وجراح مستانس بس قلبه يعوره على بنت عمه ويحاول يساعدها ويشوف لها هالمشكله ....
رغد تمشي معاهم واهي مهمومه وتحس انها مثقله عليهم .. بس بتخليهم يرتاحون بس توصل حق ابوها .
كان ابوها ينتظرهم بالمطار وبعد ماخلصوا من الاجراءات راحوا يمشون لين رغد شافت ابوها..
رغد بفرحه: كاهو ابوي ينتظرنا هناك ..
وصلوا عند ابوها الي من سنين طويله ماشاف اشجان واهو خالها بعد ماسلم على بنته وضمها لصدره .. التفت على جراح:هلا وغلا بالمعررس .. مبروووك ياولدي ..والحمدلله ع السلامه ..
جراح يبتسم: الله يبارك فيك يا عمي وربي يسلمك ..انت شخبارك .؟
ابو رغد:الله يسلمك بخيير ..
التفت يشوف اشجان الي واقفه ورا جراح بخطوه:حيالله بنتنا ..
قربت اشجان وصافحت خالها لاول مره من بعد عمر طويل وحست بأحساس غريب اتجاهه .. كل جسمها قشعر من ابتسامته وهدوء ملامحه وشخصيته القويه البارزه من عيونه:هلا خالي ..ربي يحييك
طالعها بحب وكأنه مشتاق لهالبنت من سنين قرب منها وضمها حييل لصدره واشجان نفس الطريقه تمسكت فيه حييل وحست بفرحه وشعور ماتقدر توصفه ..
اطلعوا من المطار واركبوا البنات ورا بسياره ابو رغد اللكزس وجراح يم عمه يسولفون بكل الامور الشغل والدراسه والزواج .. واشجان عينها على خالها واذونها تسمع كل حرف ينطق فيه: ويني عنك ياخالي كل هالسنين .. والله ماعمري حسيت بهالشعور الا جدامك .. معقول لانك بعيد او في شي ثاني ؟! بس احساسسي له كبييير من اول ماطاحت عيني بعينه ..!
رغد:اليوم ترتاحون عندنا ؟؟
ابو رغد:كان بخاطري بس انا حاجز لهم سويت كامل عشان ياخذون راحتهم وباجر معزومين عندنا .. شرايكم يا عيالي ؟
جراح:تسلم يا عمي والله كلفت على نفسك ..
ابو رغد:مافيها كلافه انتوا عيالي وقطعه من روحي .
اشجان تبتسم:خالي حنوون .. بطريقه فضيعه .. كل هالقوه الي شفتها فيه بس قلبه حنون حييل ..
فزت من افكارها على صوت خالها:وبنتي بشنو سرحانه ؟
اشجان:ها .. ابد معاكم ..
جراح:يمكن تعبانه شوي .بس ماعليه بنوصل وترتاح ..
ابو رغد:ماعاش التعب .. الحين توصل وانت يا جراح خلها ترتاح .. واي شي تبونه او محتاجينه بس ارفع السماعه ..
جراح:يا عمي لا تدلعنا ترا نتمرد علييك انا وزوجتي ..
ابو رغد يضحك: ومن لي غيركم انتوا عيالي ..
رغد حست نفسها ضايعه بينهم:لا والله وانا وين رحت ..؟ بعدهم ماوصلوا اخذوا مكاني ..لا انا ارفض ..
جراح واشجان يضحكون:هههههههههههههههه
ابو رغد:انتي الغاليه ونور عيوني .. هالشي مافيه خلاف طبعا..
رغد بفرحه مصطنعه من ورا الهم الي فيها:ربي لا يحرمني منك يالغالي ..
بعد سوالف وضحك طول الطريج وصلوا الفندق وانزلوا المعاريس وخالهم ماتركهم الا لين وصلهم السويت حقهم ..
ابو رغد:ماوصيك يا جراح .. اشجان بعيونك .. والتفت على اشجان] وانتي يبا اي شي تحتاجينه لايردج الا لسانج وانا خالج ..!
جراح:بعيوني لا تحاتي يا عمي ..
اشجان:الله يخليك لي يا خالي ماتقصر .. < قربت منه ولمته ولمها بحنان الابو واكثر بعد ..
طلع ابو رغد وتركهم ياخذون راحتهم ..
سكر الباب جراح ورجع يلتفت على اشجان الي كانت واقفه وعينها على الشباك الكبير الي طال ع الشارع وقطرات المطر تتساقط عليه.. قرب منها خطوتين وتكلم:وين سرحتي ؟
اشجان تبتسم بحزن:خالي ..
جراح باهتمام الحبيب والزوج مسك ايدها:شفيه ؟
اشجان:مادري .. من شفته واحس قلبي ينبض له بصوره خياليه .. كان ودي اضمه اكثر اسولف معاه اكثر ماكان ودي ابتعد عنه ..
جراح حس فيها بس بدا بغشمرته:لا جذي بغار من عمي .. وماخليج تشوفينه بعد .
اشجان بخوف:لالالا شنو ماتخليني ماشوفه حرام عليك ..
جراح يضحك:شفيج قلبي ؟ اتغشمر .. واي شي بيفرحج اكيد بيفرحني .. يلا تعالي ..
اشجان : وين؟!
جراح : اواريج باقي المكان ..
اخذها من ايدها ودخل غرفه النوم .. كانت قمه بالفخامه والاناقه .. الاثاث باللون البني مع تعتيق بنفسجي فاتح معطيها شكل مختلف .. السرير كبير ومرتفع عن الارض وكانت فخامته بالاعمده الرومانيه والشالات البنفجسيه الي نازله من النص .. كان الجو بالشكل العام مريح وجذاب لاحلى عروسين ..
جراح:شرايج ؟
اشجان وصوتها مليان سعاده واهي تطالع المكان بتمعن:حلووه وايييد ..
جراح:والله خالي مو هين عليه ذوق .. بس طبعا في شي ثاني محليها .
اشجان:شنو ؟
قرب منها ولفها صوبه وصار قريب منها حيل يتأمل ملامحها وعيونها العسليه الواسعه:وجودج اهو الي بيحلي اي مكان تمرين فيه ..!
اشجان بخجل: وانت بعد .. وجودك معاي يريحني ويحلي بعيني كل شي ..
جراح بحب :الله لا يحرمني من قلبج ..
اشجان موحاسه بنفسها واهي تسمع كلامه ولمسة ادينه على ويها تنسيها كل الدنيا .. هذا اهو حبيبها الي تمنته من صغر سنهم .. والحين مافي شي يقدر يبعدهم عن بعض ..
جراح:حبيبي ؟
اشجان:هلا .؟
جراح:توعديني ؟
اشجان:اكيد ..
ضمها لصدره وهمس لها بشوق: مهما صار ما تبعدين عني ؟!
اشجان قلبها يعورها من هالكلمه:وعد .. لان باختصار فراق واحد فينا بيذبح الثاني.
بعدها عن صدره شوي وتم يتأمل كل جزء بملامحها والخجل الي ينرسم ببرائه عليها ماقدر يمنع نفسه منها الحين يبي كل وقته يقضيه بقربها ..قرب اكثر واكثر ورفع راسها صوبه والتقوا بهالحظه بمشاعر حب واحتياج ورمانسييه ...!
....
اشجان بحب :حبيبي يلا قوم تأخرنا ..
جراح بصوته النايم:هممم
اشجان تسحب اللحاف عنه :قوم خالي اتصل علينا فشله لا نتأخر ..
جراح :برررد حرام علييج رجعي اللحاف يا بنت ..
اشجان تبتسم على شكله :لا ماراح ارجعه شتبي تسوي يعني قووم ..
جراح :لاتتحدين رجعيه خلصي ..
اشجان تلف عنه وتمشي بدلع : ماب
قبل لا تكمل كلامها الا اهو ناط عندها وماسكها : العناد مو زين عليج ,,
اشجان ماسكه قلبها: يمه منك .. خوفتني .. ماتسوى علي غشمره ..
يمسكها من خدودها : لاتتغشمرين معاي وقت النوم ترا اصير وحشششش ..
اشجان من طرف خشمها: أي هذا انتوا يالريايل سهل تقلبون وتصيرون وحووش ..
ضحك عليها واهو يمشي للحمام : زين يا عصفوره جهزي ملابسي لين اخلص ..
اشجان بقهر من تطنيشه: زين .. روح ..!!
....
 
عودة
أعلى