12345678910111213141516

رواية شتات الزمن للكاتبه غربه الأحزان / كامله

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. *مزون شمر*
    02-08-2011, 01:13 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    أشجان:صباح الخير....
    فز جراح من سمع صوتها والتفت عليها واهو يبتسم:صباح الورد ...
    أشجان تطالع القلاص واهو بين ادينه ماسكه بكل قوته وكأنه بيطير منه:امممم يوعان...
    جراح استحى منها لان قلاصها بإيده:لا بروح اطلع شوي..بس طمنيني شلونج الحين...
    اشجان:الحمدلله احسن...
    جراح:والله خوفتينا عليج....
    اشجان:اسفه بس والله مادري شنو الي صار فيني..من شده البرد يمكن...
    جراح:خلاص تدفي وحطي بالج على نفسج..يلا قعدي تريقي اخرتج...
    اشجان:ومن قال بتريق بروحي...؟
    جراح يبتسم:يعني اتريق معاج..؟
    اشجان:ياليت..لان ماحب اكل بروحي..حياك..
    قعد جراح وقلبه يدق في الثانيه مية مره وطول ماهو يتريق عينه ما تفارقها يدقق باقل حركاتها ويتكلم معاها بكل صدق واهي ترد عليه بعفويه طاغيه,,حس بروحها الصادقه وجمال قلبها..
    وكل ما تذكر الماضي يتكدر عليها ويكره الايام الي راحت اكثر واكثر....


    انتهت الحلقه
  2. *مزون شمر*
    02-08-2011, 01:14 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله



    الحلقة الثالث والعشرون



    أم فواز:أشجان وين اختج..؟
    أشجان:مادري يمه اكيد بغرفتها ليش؟؟
    أم فواز:والله مادري شفيها اختج احس وايد تغيرت..
    أشجان:ليش يمه صاير شي...؟
    أم فواز:لا بس مو ملاحظه اختج كله ساكته ومتكدره حاولت افهم شنو الي فيها بس ماتعطيني مجال..كل كلمه والثانيه تقول مافيني شي...وعادي...
    أشجان محتاره:يمه كان ودي افيدج بشي بس ماقدر..انتي تعرفين العلاقة الي بيني وبينها...ماقدر اكلمها بأي شي...
    أم فواز:زين جربي تقربي منها يمكن تكون محتاجه لج ...
    أشجان:اه يايمه والله حتى انا محتاجه لها بس شسوي مابيدي شي...بس عشان خاطرج بروح واشوف شنو فيها...
    ام فواز:عساني مانحرم منج يالغاليه...ربي يخليج...
    اطلعت اشجان غرفة اختها وقلبها يدق خايفه من ردة فعل فجر .. واهي عارفه انه فجر ما تتقبل منها أي كلمه..
    أشجان:ممكن ادخل...
    فجر:.......
    أشجان:فجر انا اشجان ممكن اكلمج شوي...؟
    فجر تبجي:شنو تبين روحي وتركيني...
    أشجان خافت:فجر تبجين..؟ تكفين فتحي الباب خليني اكلمج شوي..الله يخليج...
    فجر بصوت عالي:اشجان روحي عني ترا مالي خلقج...
    اشجان بحسره:زين بروح بس ارجوج اهدي شوي ..
    راحت أشجان غرفتها واهي تفكر بحال اختها : معقوله فجر تبجي...؟ وليش شنو السبب...؟
    يارب استر والله بديت اخاف..احس في شي مو طبيعي...
    فجأه رن التليفون وارفعته اشجان:الووو...
    مها:مرحبا بالقاطعه...
    أشجان مستغربه:منو معاي...؟
    مها:افا يا اشجان نسيتي منو انا .. انا مها..ماتذكرتيني...؟
    اشجان تبتسم:بلى بلى تذكرتج شلونج شخبارج وين كل هالغيبه....
    مها:انا موجوده بس انتي الي غايبه عن الدنيا .. والي ماخذ عقلج يتهنا فيه..
    أشجان تضحك:انتي ما تيوزين عن سوالفج أي عقل واي بطيخ...روحي عني بس..
    مها:والله انتي غريبه في وحده بهالجمال والذوق كله لليوم ما لقت الي ياخذ قلبها ..
    أشجان تضايقت:مها بلييز مو وقت هالموضوع وتدرين اني ماحب اتكلم بهالمواضيع رجاءا لا تضايقيني ...
    مها:زين زين خلاص محنا مضايقين الحلوه...بس يا شوشو بليز لا تقطعين نبي نسمع الاخبار الحلوه اوكي...
    أشجان:اوكي يا شيطانه...
    مها:يلا اخليج الحين واكلمج بعدين يلا باي..
    أشجان:بايات....
    سكرت اشجان التليفون واهي تضحك على مها :هالبنت كبرت وليما الحين ما تابت من سوالف المراهقين...الله يستر عليها...
    تمت اشجان تقلب الكتب الي عندها وفجأه سمعت صوت فجر زاد في البجي اطلعت من الغرفه تركض :فجر فتحي الباب ارجوووج فتحي..فجررررر
    فجر تبجي:اشجان خلاص روحي رووووحي.....
    اشجان بإصرار:فجر والله اذا مافتحتي الباب بعلم فواز الحين بسرعه فتحي....
    قامت فجر وافتحت الباب وكان منظرها يقطع القلب دموع وحزن وخوف اول مره تكون بهالحاله..
    أشجان مفزوعه:فجررررررر شفييييييج شمسوي فيج جذي..تعالي تعالي...ندخل ونتفاهم..
    ادخلوا البنات وفجر ميته من البجي...واشجان تهدي عليها وتحاول تفهم منها شنو الموضوع...
    اشجان:يلا دام هديتي شوي قوليلي شنو فيج...
    فجر تصد عنها:اشجان لا تتعبين نفسج مافيني شي...
    اشجان:فجر تكفين لفي علي وعطيني الثقه وصدقيني بساعدج والله بساعدج بكل الي تبينه...
    فجر مرتاحه لكلام اختها وودها لو تقول لها على كل شي بس خايفه...ورن تليفون فجر وزاد من خوفها وتوترها وادينها قامو يرجفون...
    اشجان انتبهت عليها:ردي ليش خايفه....؟
    فجر:مابي خليه يولي...
    أشجان عصبت:فجر خلاص التوتر ذبحني علميني شنو فيج وانا مستعده اوقف معاج وما اخلي احد يضرج بشي...
    فجر تطالع اختها واهي تبجي ووتكلم بصوت متقطع:يهددني يا اشجان....يهددني...
    اشجان قلبها بدا يدق:شنو .....؟؟ منو الي يهددج شنو السالفه فهميني...
    فجر بخوف وتوتر:أشجان تكفين خليج معاي لا تتخلين عني...هذا واحد تعرفت عليه وموراضي يتركني بحالي...
    اشجان:وين تعرفتي عليه...؟
    فجر:بالنت...
    اشجان:وبشنو يهددج....؟
    فجر:يهددني اذا ما رديت على مكالماته ومالبيت الي اهو يبيه راح يزعجني ويبلغ فواز بكل الي بينا...
    اشجان:اهو ماسك عليج شي مثل صور او شي..
    فجر:لالالالا مستحيييل...
    اشجان:زين هاتي التليفون...
    فجر:شنو شبتسوين...؟؟؟
    اشجان تبتسم لها وتريحها:لا تخافين هاتي وبتشوفين كل شي بعينج الحين...
    فجر:لا اشجان خليه يولي راح يمل ويتركني..
    اشجان:ماراح يتركج طول مانتي تصدينه...هاتي وخليني اتصرف..صدقيني ماراح يصير الا كل خير...
    فجر : اوكي اخذي...
    اخذت اشجان التليفون واتصلت على الشاب الي يضايق فجر ومن اول رنه رد عليها
    ...:ياهلا والله واخيرا رديتي..
    أشجان:السلام عليكم...
    ....:وعليكم السلام...بس هذا مو صوت فجر...منو معاي....؟
    اشجان:انا اختها ...يا اخ...؟عفوا شنو اسمك..؟
    ...:واختج ماقالت شنو اسمي..؟
    أشجان:لا والله ..عالعموم ياخوي مو مهم..ممكن اكلمك شوي بس تسمعني للاخر وما تقاطع كلامي...
    ...:اولا معاج احمد..وثانيا مابيني وبينج كلام ممكن تعطيني فجر...
    أشجان:تشرفت بمعرفتك يا اخ احمد...اولا انا متصله عليك اختي شكو..بليز اسمع الي بقوله وافهمني...
    احمد مرتاح لأسلوبها:تفضلي...
    أشجان:زاد فضلك..ماتقصر...بس يا اخ احمد لا تتوقع اني متصله عشان ادافع عن اختي او عن الي سوته...صدقني اختي غلطانه من راسها ليما ريولها..تدري ليش..؟ مو لانها وثقت فيك وعطتك الامان...لا بالعكس يمكن تكون انت ريال خلوق ومحترم بس المشكله انكم ماخذين النت لعب وتسليه ، مافي انسان معصوم من الخطأ..بس الخطأ الي احنا الشباب نسويه...!
    ممكن اعرف شنو الفايده من التهديد والوعيد الي تهدد فيه اختي...؟ تبي تتسلى فيها...تبي تشبع رغباتك منها..؟ لك حق لانك شفتها انسانه ضعيفه وباعت نفسها لك..بس قبل كل شي فكر بخواتك..انت اكيد عندك خوات وتخاف على سمعتهم...ولما شفت فجر تمشي بالظلام ليش ما مسكت بإيدها ووجهتها للصح...لو كنت فعلا تحبها صدقني ما تظرها..وفجر كاهي يمي وتسمع كلامي...لو كنت تحبها صج ما تظرها...وانا ادري انك ما تبي تظرها ... بس قلت حق نفسك دام اهي راضيه بالحب هذا وعذابه انا بكمل لعبي ووناستي..صدقوني هذا مو حب كثر ماهو تسليه...
    فجر تسمع وقلبها يدق : معقوله هالكلام يطلع منج يا اشجان..يارب استر ويرد عليها عدل ويبعد عني...
    أحمد حز بنفسه كل كلمه قالتها اشجان ورجع يفكر من اول ويديد:والله يا اختي انج على عيني وراسي .. وماني عارف ارد عليج بأي كلمه .. كل الكلام الي قلتيه صحيح... وانا اعترف بخطأي..واعترف اني كنت بتسلى مو اكثر..بس ممكن سؤال...؟
    اشجان :تفضل ياخوي...
    أحمد:تسلمين...بس انا الي اعرفه عنج انج أصغر من فجر صج هالكلام..؟
    اشجان تطالع فجر وتهز راسها:ماشاءالله يعني عندك خلفيه عني وعن عمري..؟
    أحمد:العفو بس ممكن تردين علي..
    اشجان:أي انا اصغر منها بسنتين...
    احمد:ماشاءلله لا اله الا الله عليج الله يتمم عليج بالعقل يارب..وربي لو كل البنات مثل تفكيرج جان الدنيا للحين بخير...والله يهدي يارب..
    اشجان تبتسم:تسلم ياخوي والله كلامك وسام على صدري...وافتخر اني اسمعه منك ومن كل شاب كويتي يدعي لبنات ديرته بالهدايا...
    احمد :تفتخرين انج تسمعينه مني انا.....؟؟؟؟
    اشجان:وليش لا ... انت على العين والراس... واذا اختك ما تفتخر فيك منو بيفتخر فيك...
    فجر تسمع واهي مصدومه من اسلوب اشجان في المراوغه والحديث...
    احمد متحسف على الي سواه حق فجر واهو يشوف هالاخلاق من اشجان:والله ياخت اشجان..السموحه اعرف اسمج...بس دامج تعتبريني اخوج..ارجوج سامحيني وربي انتي الكبيره
    بعقلج واخلاقج واسلوبج المحترم ..وربي ماعندي شي اقوله غير الله يستر عليج وعلى اختج ويخليج لعين ترعيج يارب....بس ممكن طلب..
    أشجان:انت تامر ما تطلب..
    احمد:تسلمين يا بعد راسي..بس ممكن اكلم فجر بقول لها كلمتين...بعد اذنج..
    اشجان: من عيوني..تفضل..
    احمد:تسلملي عيونج...
    فجر بخوف:مابي مابي اكلمه..
    اشجان:خايفه منه...؟ كلميه وسمعي الي عنده..بعدين قولي مابي..يلا اخذي...
    فجر بخوف:الوو..
    احمد:مرحبا...
    فجر:مرحبتين هلا..
    احمد:فجر بقولج كلمتين وبعد ماراح تشوفيني ولا بتسمعين صوتي..تعلمي من اختج الي اصغر منج شلون تعيشين..انا وانتي كبار صحيح..بس اختج الي اصغر منا طلعت افهم واعقل منا وكأنها حرمه عمرها 30 سنه مو 19 سنه...فجر حطي بالج على نفسج وسامحيني ..وحاولي تنسين غرورج وكبريائج وحطي ايدج بأيد اختج...يلا مع السلامه..
    فجر انهارت من البجي واحذفت التليفون بعيد وطاحت بحظن اشجان تبجي وتطلب منها السماح:اشجان انا اسفه اسفه على كل الي سويته معاج...ما فكرت بيوم انج بتوقفين معاي وتساعديني..اشجان والله لولاج ما خلصت منه...ماعندي القدره اقول كلمه من الي قلتيه انتي...
    اشجان سامحيني ابوس ايدج سامحيني...
    أشجان لامه اختها وتبجي:فجر حبيبتي مستحيل ازعل عليج بيوم..بس الغلطه الي طحتي فيها لازم تتعلمين منها .. واذا انا اختج ما ساعدتج من منو تبين المساعده.. والحين مانقول غير الحمدلله انه هالولد عقله كبير وقدرت اتفاهم معاه وقدر الي قلته...فجر حبيبتي انسي الي صار وانسي كل غلطه مرت بحياتج .. وفكري بمستقبلج وحطي عينج على ايام كلها فرح وسعاده ورضا من ربج..
    فجر:يابعد قلبي يا اشجان والله اني ماني عارفه شلون اشكرج...بس ان شاءالله كل شي راح يتغير للاحسن قولي امين..
    اشجان:امين يارب...يلا قومي ارتاحي وانا بطمن امي..
    فجر:امي.......؟؟
    اشجان:أي امي طول اليوم تحاتيج وخايفه عليج...
    فجر:راح تقولين لها...؟
    اشجان تبتسم:انتي شرايج...؟
    فجر خافت:اشجان تكفين لا...
    اشجان تقطاعها:لا تقولين لي تكفين .. ومستحيل اقولها .. مشكله وانحلت ليش نكبرها ونعقدها...خلاص الي صار صار وانتهي .. يلا انا تعبانه بقوم اطمن امي انج تعبانه من الدراسه مو اكثر وانا برجع انام..اوكي
    فجر تبتسم:اوكي...
  3. *مزون شمر*
    02-08-2011, 01:16 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله



    احمد تم طول اليوم مسكر النت ومسدوح على سريره يفكر بكل حرف قالته اشجان:يالله معقوله بنت ياهل تأثر فيني وتقلب كياني من كم كلمه قالتهم..وماهي غريبه على هالنصايح يا ما سمعتها بس كنت اطنش..ليش هالبنت حسيت كلامها غير ...يمكن لانها اصغر مني كلامها حسسني بقيمة الوقت الي نضيعه ورا هالتفاهات او اللعب الي نلعبه على بنات خلق الله..اه ياربي سامحني والله قلبت حياتي هالبنت .... ماقول غير الله يستر عليج يا اشجان ياليت اختج تتعلم منج وتستفيد..
    فجأه سمع صوت الباب ينطق:منوووو....؟
    مها:انا مها بكلمك شوي...
    قام احمد وفتح لها الباب:خيرشتبين.....؟؟
    مها:احمد عطني لابتوبك شوي ..
    احمد متسند على الباب:ليش وين حقج...؟
    مها:مادري شفيه خربان مو راضي يشتغل...
    احمد:احسن ومافي نت انتي فاهمه روحي طسي دارج...
    مها معصبه:وانت ليش تكلمني جذي...؟ وشكو مافي نت حلال عليك وحرام علينا....
    احمد تنرفز مسكها من شعرها واهو يتذكر كلام اشجان:قلت لج مافي نت يعني مافي نت . ومن باجر باخذ الاب توب ومحد بيصلحه لج ....انتي فاهمه...ذلفي...
    مها واقفه بعيد عنه وتصارخ عليه:والله بتندم يا مجنون واللاب توب باخذه غصبا عنك ونشووووف...
    دخل احمد غرفته وحذف نفسه على السرير ويتنفس بسرعه:حسبي الله عليج من بنت...
    """""
    باليوم الثاني قعدت فجر من النوم مرتاحه وكل همها وخوفها من احمد راح ، كان يهددها ويخوفها
    ويزعجها ، لكن موقف اشجان حل كل الخلافات، طلعت فجر من غرفتها وراحت عند اشجان تشوفها ولقتها قاعده بدارها تمشط شعرها وسراب قاعده يمها ...
    فجر:صباح الخير ...
    أشجان:صباح النور...هلا وغلا نورت غرفتي...
    فجر تبتسم لها:تسلمين يا قلبي .. زين مطولين..؟
    اشجان:لا انا خالصه...بس دقايق وانزل...
    فجر:اوك انتظركم تحت نتريق مع بعض...
    تو كانت بتطلع فجر من الغرفه ولحقتها اشجان:صبر صبر ..
    التفتت لها فجر واهي تبتسم:هلا..
    اشجان تخز سراب خايفه لا تسمعهم:صار شي امس ..؟
    فجر:لا الحمدلله ماصار شي ولا اتصل..شكله صج استحى على ويهه وبيتركني..
    اشجان بصوت واطي:المهم الحين انه افتكينا منه وما عليج غير انج تنسينه وتفكرين صح..
    فجر:والله يا اشجان ماني عارفه شلون اشكرج صج انقذتيني وريحتيني .. وكنت اتوقع كل الناس تساعدني الا انتي..
    اشجان:افا...! والله ازعل منج اذا سمعت هالكلام ع العموم نزلي وانا لاحقتج دقيقه بس..
    فجر: اوكي يلا لا تتأخرون..
    ام فواز:يالله صباح الخير امس تبجين ومهمومه واليوم الضحكه تارسه الحلج..
    فجر:هههههه يمه قولي الحمدلله يعني تبيني دوم ابجي خلاص كنت متضايقه والحين مرتاحه...
    ام فواز:الحمدلله بس والله كنت احاتيج...
    دخلت اشجان واهي متنرفزه من سراب وصراخها من الصبح:يمه شوفي بنتج فكيني منها..
    ام فواز:شعندكم شصاير...
    فجر:هههههه سراب ولسانها منو يفكج منها تستاهلين دلعتيها وايد...
    اشجان:يمه والله مادري شنو تبي بس تصارخ ...
    ام فواز تكلم سراب:شنو انجنيتي انتي اليوم ليش هالصراخ كله...
    سراب تبجي وماسكه بطنها: يمه بطني تعورني حيل..
    اشجان خافت:وليش ما تقولين لي بس تصارخين...وين العوار وريني..
    سراب تأشر صوب بطنها : اهني..
    ام فواز:يمه اشجان الله يخليج روحي قعدي فواز خليه يوديها الطبيب..
    اشجان:يمه فواز مو هني طالع...وابوي بعد طالع...
    ام فواز:يوووه شنو هالمصيبه...خلاص يا سراب لا تبجين الحين الحين اوديج الطبيب ...
    سراب مساكه بطنها وتصارخ من شده العوار واشجان ماسكتها وحاضنتها:خلاص حبيبتي خلاص عشان خاطري اهدي شوي..
    سراب:يعورني حيييييل بمووت ..
    اشجان:سلامتج من الموت لا تقولين هالكلام الحين أمي بتشوف احد يودينا...
    ام فواز:اشجان هاتي اختج جراح بنتظرنا بره....
    سراب ماسكه اشجان:ماروح بروحي ...
    اشجان:حبيبتي امي معاج لا تخافين..
    سراب تبجي وتطالع اشجان:تعالي معاي انتي...
    اشجان تطالع امها:يمه تبيني ايي معاها ...
    ام فواز:يلا روحي لبسي وتعالي بسرعه لا تتأخرين...
    ::
    وصلوا المستشفى والالم يزيد على سراب واشجان ماسكه فيها وتحاول تسكتها..وبعد الفحوصات اكتشفوا عندها شوي بروده من الجو وسوء تغذيه ... صرف لها الدكتور علاج ووصفه غذائيه عشان صحتها...
    جراح:والله انج دلوعه كل هالبجي والصراخ على الفاضي...
    سراب: لا والله يعني تبيني اموت عشان مايكون على الفاضي انت ويا ويهك...
    جراح:بل بل هذا وانتي مريضه جذي الله يكافينا شر اللسانج...
    اشجان ميته ضحك:حرام عليك اتركها والله مريضه تكسر الخاطر..
    جراح بقلبه:يالبى هالصوت..زين عشانج بسكت بس والله لسانها متبري منها...
    سراب:تبرى منك ان شاءالله..
    جراح واشجان:ههههههههههههههههه هههههههههههههه
    ام فواز:ويعه صمختوا اذوني بسكم ضحك..
    جراح:عمتي شوفي بنتج شنو تقول والله مو صاحيه ...
    ام فواز: الله يخلي العقل لك انت .. الحمدلله والشكر بنتي زينة البنات..
    جراح:خالتي لو قايله اشجان زينة البنات مقبوله اما سراب لا والف لا ...
    اشجان تخزه وتضحك عليه وام فواز تتناجر معاه:طير بس طير وربي ماعندك نظر.. فديت بنتي انا...
    جراح مستانس بهالنجره لان لسانه مفلوت وقال الي بقلبه جدام اشجان بس اهو يحسب لكل كلمه حساب واشجان ما خذتها عادي....
    ::
    ريم:ياربي هالبنت وينها صار الظهر ولا بينت ولا اتصلت...
    بدور:ريم حبيبتي الله يخليج تعالي ساعديني شوي...
    ريم : عيوني لج شنو تبين امريني...
    بدور: فديتج تسلم عيونج روحي المطبخ تحت وهاتي لي المنظفات بنظف جام الغرفه والله عيال اخوج اذبحوني..اثنين وماخذين كل وقتي ولا يخلوني اشتغل...
    ريم تضحك:ههههه فديتهم والله..زين روحي ارتاحي وانا انظف مكانج...
    بدور:لا قلبي لا هاتي وانا انظف بس مافيني شده انزل تحت..
    ريم : اوكي دقايق واكون عندج ...
    انزلت ريم وراحت صوب المطبخ طلعت الاغراض واطلعت صادفتها مرت ابوها بالطريج ولا كلمتها العلاقه سطحيه ومن تحت لي تحت شغل عبير مع ريم اول ما وصلت ريم الصاله كانت بتصعد الدري واسمعت صوت خالد واهو يدخل الصاله وصوته عالي ويصارخ على سلطان : انا كم مره قلت لك لسانك ما تمده على مرت ابوك انت ما تفهم...
    سلطان: خالد ابعد عن طريجي احسن لك وقلت لك ما كلمتها ولا قلت لها شي..وخرررر عني عاد..
    انزلت ريم وتمت واقفه بعيد خايفه تتدخل ومرت ابوها وراها تبتسم ....
    خالد:يعني مرت ابوك جذابه...
    سلطان بعصبيه: جذابه ونص اذا مو عاجبك .. اذلف عني انت وياها فاهم صج مو مال حشيمه..
    خالد جن جنونه من سمع سلطان يغلط فصخ العقال من راسه وطق سلطان فيه ..سلطان ما سكت لان هذي اهانه له ينطق جدام مرت ابوه صاروا يتهاوشون ويغلطون على بعض وواحد يطق الثاني...ريم قامت تبجي وتنادي بدوور:بدووور تعالي بدوووووووور....
    سمعت بدور الصوت وانزلت تركض:شفيييييكم...
  4. *مزون شمر*
    02-08-2011, 01:24 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    ريم تبجي وحاطه ايدها على عيونها:خالد وسلطان يطقون بعض في الصاله...
    بدور:صبر بروح اتصل على محمد ماقدر اتدخل...
    ريم ماصبرت وراحت بينهم وصدت خالد اكثر من مره عن سلطان وخالد يدزها:بعدي يا ريم لا اذبحج فوقه بعدي اقوووووولج...
    ريم تبجي وتصارخ: اذبحني اذبحني بس لا تمد ايدك على اخوك .. حرام عليييك مافي قلبك رحمه انت .. في احد يطق اخوووه جذي..
    سلطان يتنفس بصعوبه:ريم بعدي روحي دارج...
    ريم تبجي:ما اروح داري قبل لا يفهم اخوك المحترم انه غلطان وربي ماراح اسكت له وبعلم ابوي على كل سوالفك يا خالد واخليه يعلمك شغل الله انت واحد حقيييييير ....
    ما تحمل خالد كلامها وطقها طراق طيحها بالارض:جبببببب يا جليله الحيا ..
    سلطان رفع اخته عن الارض واهي تبجي:وخر عني خله يذبحني وافتك من هالحياه الخايسه الي اخوك معيشنا فيها...
    قامت ريم واركضت صوب الدري ولحقها خالد ومسكها من شعرها:وشنو الحياه الي تبين تعيشينها .. تكلمي والله وطلع لج لسان ياريم...
    ريم بصوت عالي:أي طلع لي لسان وبقول الي عندي وانت مالك شغل فيني فاهم مالك شغل فيني....
    لفها صوبه واهو يصرخ عليها:ريم لمي نفسج ولسانج والا والله والله بتشوفين شي عمرج ما شفتيه..
    ريم:الي بتسويه سوه ماني خايفه منك .. واذا تعتبر طقك لي رجوله فأنت غلطان ....
    فتح عيونه خالد على كلمتها وجرها من شعرها بكل قوته: رييييييييييييم شنو قلتيييييييي......؟
    ريم تبجي:اتركني والله بتقطع شعري اتركنيييييييييييييي....
    تدخل بينهم سلطان وحاول يسحبها من عنده لكن رفسه وحده من خالد طيحت ريم بالارض مغمى عليها.....
    سلطان:رييييييييم ريييييييم كلميني ريييييم...شسويت يا مجنون ذبحتها الله لا يوفقك ...
    خالد فز قلبه وانبه ضميره من شاف اخته ممده بالارض حاول يقرب منها بس ماقدر تركهم وطلع من البيت كله...
    سلطان حاول يصحيها:ريم ريم ردي علي تكفين انا سلطان رييييم كلميني...ويلتفت على عبير:وانتي ليييييييييش واقفه مستانسه على الي صار روحي هاتي عباتها بسرعه...
    اصعدت عبير وشافت بدور بطريجها:يبي عبات ريم وملفعها ....
    بدور خافت:ليييش.؟
    عبير:مغمى عليها واخوها بيوديها الطبيب...
    بدور:شنووووووو..منو الي طقها ... بعدي عني بعدي...
    انزلت بدوور وشافت ريم بحضن سلطان مثل قطعه القماش وويها اصفر :بسرعه سلطان شيلها قبل لا يصير فيها شي بسرعه....
    ::
    خالد يمشي بسيارته ويحس نفسه مخنوق كل ما تذكر ريم واهي طايحه بالارض بسبب طقته لها،
    ويتعب اكثر من يتذكر وصايا ناصر عليها،،طق بكل قوته على السكان:لييييش ياريم ليش...!
    اه يارب انك تسامحني شقول حق ناصر شقول للامانه الي وصاني عليها ...يارب ارحم حالي
    اسف ياريم اسف.....ماينفع الاسف يا خالد لازم ارجع اشوفها لازم....
    اخذ الاشاره ورجع البيت مره ثانيه نزل من السياره بسرعه ودخل البيت يركض بس مالقى احد في الصاله غير مرت ابوه: عبير وين ريم...؟
    عبير بنفس خايسه:بالطبيب مع سلطان ومحمد وبدور..
    خالد بخوف:صار فيها شي.......؟
    عبير:انت الي طاقها ومو انا شعرفني شفيها ..؟
    خالد عصب:خلاص سكتي .......
    طلع خالد واهو ضايع مو عارف شنو يسوي قلبه يعوره على اخته بس ماقدر يروح لها المستشفى اكيد بترده وبتنزعج ,, قرر بس ترجع البيت بيكلمها....
    ::
    في المستشفى ....
    محمد واقف عند باب الغرفه ومعصب:وليش طقها ...؟
    سلطان:خلاص يا محمد بس نرجع نتفاهم...
    محمد عاض على اسنانه:والله الا يندم علي الي يسويه..يطلع رجولته على البنت يصير خير ..
    سلطان:زين الحين اهدا شوي وتعال ندخل نشوفها ...
    بدور:شلونج الحين...
    ريم:احسن شوي..
    بدور:لو ساكته عنه مو احسن لج...
    ريم تبجي بصمت:يعني يرضيج الي يسويه عشان مرت ابوي يرضيج..
    بدور:لا يا حبيبتي ما يرضي احد بس لو ساكته عنه ومحمد يتفاهم معاه...
    محمد:ما تشوفين شر ريوم...
    ريم:الشر ما ايك..
    قعد يمها محمد واهو ماسك ادينها:والله الا اندمه على الي سواه فيج وقولي محمد ماقال...
    ريم:لا يا محمد لا الله يخليك انا الي غلطت بحقه لا تسوي معاه شي تكفى..
    محمد:وادافعين عنه بعد...
    سلطان:اخونا يا محمد اخونا...
    محمد:انت شوي اسكت ....تشوف اختك كانت بتموت بين ادينه...والله ما بسكت له هالمره....
    بدور:محمد حبيبي طول بالك .. ريم الحين بخير .. هد اعصابك وان شاءالله ما بيصير الا كل خير ....
    :::
    فجر:وين بتروحين...؟
    اشجان:ضايق صدري بروح عند اروى تعالي معاي..
    فجر:لا مالي خلق بنام شوي..
    اشجان:خلاص نامي انا ما بطول شوي وارجع..بس اغير جو...
    فجر:اوكي طفي الليت معاج....
    اشجان:اوكي يلا باي...
    اطلعت اشجان وراحت بيت خالها ... اول ما دخلت شافت جراح واقف صوب الحديقه كانت بتمر وتسلم عليه بس شافته معصب ويدخن ....
    أشجان:امبيه جراح يشرب زقاير.....؟؟ من متى.....؟ حسافه يا جراح زقاير مره وحده وانت بالهعمر...احسن شي ادخل ومالي شغل فيه...كانت بتدخل وسمعت صوته يكلمها..
    جراح:اشجان....
    اشجان بخوف من نبرة صوته:نعم...؟
    جراح: شفيج خايفه باكلج انا ..؟
    اشجان خافت اكثر:جراح شفيك...؟انا مافيني شي...
    جراح منزل راسه ويحذف الزرع بريوله شكله وايد متوتر :زين بس ترجعين البيت ممكن تعطيني رنه ابيج ضروري اوكي..
    اشجان تطالع فيه واهي خايفه: ليش؟؟
    جراح: من دون ليش اتصلي وانا اقولج...
    اشجان بدت تدمع عيونها:زين .....
    جراح:اسف لا تزعلين بس كلميني اليوم وانا بقولج اوكي..
    اشجان منزله راسها :زين..
    دخلت اشجان وجراح يراقبها اول ما اختفت من عيونه رجع لمكانه واهو مهموم...
    أروى:ياهلا وغلا حياج
    اشجان تمشي وتفكيرها بكلام جراح وقلبها يدق اول مره تحس انه جاد وفيه موضوع بباله...:هلا هلا
    اروى:شنو هلا هلا شفيج..؟
    اشجان:ها...؟ ولا شي...
    اروى:شوشو شفيج..؟ ويهج اصفر..؟
    اشجان متوتره حيل وجسمها يرجف:اقولج ولا شي خلاص خليني شوي...
    اروى:اشجان لا تخوفيني عليج انتي يايه عشان تسكتين وترجفين...قولي شفيج...
    دخل جراح وسمع كلام اروى: مافيها شي لا تسألين وايد..بس الظاهر خافت من القطوه الي برا..
    اشجان تطالع جراح واهي مقهوره:اروى حبيبتي انا بروح تبين شي...؟
    اروى:انتي هيييييي شفيج وين تروحين..بعدج ما يتي..كل هذا من قطوه غبيه بطريجج...؟
    اشجان تطالع جراح بطرف عينها:خلاص اروى خلاص..يلا مع السلامه...
    اروى مستغربه:مجانين والله مجانين...شفييييكم شنو الي صاير..
    جراح:ولاشي بوصلها البيت وارجع...دقيقه
    اشجان تمشي واهي معصبه وفجأة سمعت صوت جراح ينادي عليها:اشجان اشجان صبري شوي...
    اشجان:نعم..
    جراح:شنو فيج..
    اشجان:مافيني شي .. بروح انام...باي
    جراح:زين انا اوصلج..
    اشجان:ماله داعي هذا باب البيت....
    جراح:مو مشكله امشي اوصلج وارجع...يلا امشي...
    اشجان تخزه مو فاهمه شنو يبي....:ياربي هدي علي والله قلبي بيطيح...
    تمت تمشي معاه لين وصلها عند الباب:تتصلين....؟
    اشجان خافت:ها...اليوم..
    جراح:ابيج ضروري تكفين ...
    اشجان:زين باجر..
    جراح:الييييوم..
    اشجان تطالع عيونه وترجع تنزل عينها:لازم...
    جراح:عشان خاطري...
    اشجان:خلاص بتصل..مع السلامه....
    جراح: مع السلامه...انتظرج....

    انتهت الحلقه
  5. *مزون شمر*
    02-08-2011, 01:31 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله



    الحلقه الرابع والعشرون



    أدخلت اشجان البيت والرعشه تسكن ضلوعها من شده الخوف والتوتر:ياربي انا ليش جذي خايفه منه...يمكن يبي شي عادي...لا لا بس اهو شكله مو طبيعي اليوم والله مو طبيعي .. ياربي ارحمني والله بموت خوف....
    فجر:بسم الله متى رجعتي...؟
    اشجان بخوف:ها...توني رجعت مالقيت احد اروى بتنام وقلت ارجع احسن لي...
    فجر:اها اوكي عيل انا بروح تبين شي...؟
    اشجان:لا سلامتج...
    راحت فجر غرفتها واشجان تمت واقفه وقلبها يدق:خلاص انا بتصل وبعرف شنو فيه احسن من خوفي هذا ....
    جراح ينتظر اتصال اشجان بأحر من الاجمر واهو متوتر اكثر منها بس ما يقدر يسكت اكثر من جذي...ووسط الافكار رن تليفونه بنغمة خاصه حق اشجان:
    علميني ليه احبك حب ما حبه بشر..
    وليه انتي في حياتي شمسها وانتي القمر...
    وليه صوتك لا وصل صحراي يملاها الزهر
    اعذريني يالحبيبه اه اه والله حبيبه...

    انتظرها ليما تسكر ورجع اتصل عليها ....
    جراح:الوو...
    اشجان:هلا جراح...
    جراح متوتر: هلا فيج...
    اشجان:جراح بليز قولي شنو الموضوع والله بموت خوف..
    جراح بصوت هادي:ليش خايفه..؟
    اشجان:مادري..
    جراح بدا يهدا شوي:زين انا بتكلم وماراح الف ولا ادور...بس توعديني تقدرين الي بقوله وما تعصبين ولا تنفعلين..
    اشجان بدا قلبها يدق:قول اسمعك...
    جراح:اول شي في احد يمج...؟
    اشجان تلتفت يمينها ويسارها:لا..
    جراح:زين سمعيني...اشجان بسألج سؤال وردي علي بصراحه...
    اشجان نفذ صبرها:شنو..؟
    جراح:شنو جراح بالنسبه لج..؟
    اشجان ارتجفت من اسمعت السؤال:.....
    جراح:انا مابيج تسكتين ردي علي...
    اشجان:شنو اقول...؟
    جراح:أي شي المهم ردي علي الله يخليج...
    اشجان:جراح انت.. انت..
    جراح:انا شنو كملي..
    اشجان:جراح انت ولد خالي وغالي علي...ليش هالسؤال..؟
    جراح تحبط:هذا انا بالنسبه لج...بس انتي بالنسبه لي غير..
    اشجان خافت:يعني شنو غير..؟
    جراح:يعني ما فهمتيني...؟
    اشجان:......
    جراح حب يقول الي عنده والي فيها فيها:اشجان سمعيني انا وصلت لمرحله ماقدر اخبي فيها اكثر من جذي...وانا لما طلبت انج تكلميني مو عشان تسكتين..ولا عشان تحتارين .. اشجان انتي كبيره وفاهمه وعارفه الي انا اقصده... انا صبرت وصبرت وايد .. وكل سنه تمر من حياتج احسبها قبل لا تحسبينها انتي...اشجان انا انتظرت وايد على ما اشوفج تخلصين مدرسه وتدخلين الجامعه وان شاءالله قريب تخلصين...انا متحمل كل هالسنوات عشان أي هاليوم واقولج الي بقلبي...
    اشجان قلبها يدق بسرعه من كلام جراح ما توقعت كل هذا بقلبه.،،وكمل جراح كلامه...اشجان انا احبج...
    اسف اني اقولج هالشي بالتليفون وادري انتي ما تحبين هالتصرفات وعندي فكره عنج..بس يا اشجان انا ولد خالج...تحمليني شوي...والي بقلبي كله لج ... والله ماني قادر اتحمل اشوفج كل يوم واتعذب زود...على الاقل حسي فيني حسي اني احبج وميت فيج...والله كل حركه تخطينها قلبي يروح معاج..وكل كلمه تطلع منج اظل معلق نفسي وحواسي صوبج...انا حبيتج يا اشجان وحبيتج من كل قلبي .. اتمنى انج تردين علي وما تخيبين ضني...!
    اشجان من شده التوتر جسمها صار يرجف بشده حاولت تمسك نفسها عشان ترد عليه ، وبعد عده محاولات جاوبته بصوت متقطع:جراح شنو تبيني اقول...
    جراح:أي شي .. قولي أي شي انا مستعد اسمعج ليما باجر..
    اشجان تشجعت شوي وبدت تتكلم معاه بهدوء:جراح انا مقدره الي انت تقوله...بس..
    قاطعها جراح:بس شنو قولي...
    اشجان:ليش تلعب بالنار يا جراح...؟
    تضايق جراح وعرف قصدها وحاول انه يمسك اعصابه اكثر:اشجان انا عارف شنو تقصدين،بس يا اشجان مو ذنبي اني حبيتج...بعدين انا بحل هالمشكله صدقيني...
    اشجان:تحلها...؟شلون...؟
    جراح:مو مهم شلون بس راح احلها صدقيني..المهم انتي الحين ردي علي...
    اشجان:جراح ماقدر اقول او اعطي شي وفي عقبات في طريجنا..
    جراح استانس:طريجنا...؟
    اشجان استحت وهالولد يتصيد عليها:اقصد الحياه عامه يا جراح...
    جراح:اشجان قولي الي عندج من دون خوف..
    اشجان:انا مو خايفه على نفسي قد ماني خايفه عليك..
    جراح:ليش تخافين علي..
    اشجان:جراح بصراحه انت اخترت خطأ...
    جراح:مو بكيفج ..
    اشجان:جراح لا تعصب هذا الصج...اولا انت تحبني وتبيني كزوجه..بكون معاك صريحه..انا زواج ما افكر فيه..
    جراح:ليش عاد...؟
    اشجان:.............
    جراح:زين ردي علي ليش..؟
    اشجان مقهوره:جراح خلاص قلت لك الي عندي...
    جراح:ماقلتي شي..انا ابي ارتاح..قولي تحبيني اولا...
    اشجان ماتت من المستحى ومن جرأته:جراح ...
    جراح:تكلمي...
    اشجان:انا بسكر..
    جراح:قوليلي اول وبعدين سكري...
    اشجان:ماقدر ماقدر...
    جراح:يعني في احد ثاني ببالج.........؟؟
    انصدمت اشجان من كلمته:شنووووووووو...؟؟
    جراح:عيل ردي علي..
    اشجان:للأسف..اذا هذا اسلوبك ماعندي شي اقوله...باي
    سكرت اشجان الخط وجراح ندم على كلمته بس مضطر ينرفزها عشان تعترف...او تقول أي شي...
    اشجان ماسكه التليفون وايدها ترجف حيل وعينها بالارض ، وبالها بكل حرف قاله جراح:ليش يا جراح...؟ليش تسوي معاي جذي...؟
    ::
    بعد ما رجعت ريم البيت وكانت مرهقه وتعبانه ،قابلتها مرت ابوها :سلامتج...
    ريم من غير نفس:الله يسلمج...
    تو كانت بتروح دارها واسمعت صوت خالد واهو يدخل الصاله التفتت عليه وشافته ،خافت اكثر لانه عقاله كان بيده وشماغه على جتفه منظره ناوي على الشر مره ثانيه،تم يطالع فيها وبخوفها واول ما نطق اسمها راحت تركض دارها ولا عطته مجال يقول شي...
    خالد عصب وراح غرفته وسكر الباب حيل : جذي تسوين فيني ياريم..على الاقل سمعيني وبعدين روحي...يصير خير ....
    تمت ريم واقفه ورا باب غرفتها وتتنفس بسرعه من شده الخوف:اووف ياربي زين ما طقني مره ثانيه والله مالي خلق جسمي للحين يعورني منه....! الله يسامحك يا خالد....
    ريم:منوووووووو.....؟؟
    خالد:انا فتحي الباب...
    ريم خافت من سمعت صوته:شتبي.....؟
    خالد:فتحي الباب اول..
    افتحت الباب واهي خايفه ومنزله راسها بالارض:نعم
    خالد عوره قلبه عليها:ريم رفعي راسج وكلميني...
    ريم بخوف ترفع عينها صوبه واهي متردده وخايفه من نظراته:......
    خالد:لا تخافين .. بس ياريم والله انتي الي طلعتيني من طوري..كم مره قايل لج من اعصب لاتقربين صوبي..؟ صح هالكلام اولا...؟
    ريم تبجي:.........
  6. *مزون شمر*
    02-08-2011, 01:32 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله



    يقرب منها خالد لاول مره ويمسح دموعها :ريم انا اسف .. احلفج بغلاة ناصر عندج انج تسامحيني...
    ريم من سمعت اسم ناصر انهارت بجي واقعدت على الارض:ناصر...وينه ناصر ايي وياخذني ويييييينه.......؟؟
    خالد تقطع قلبه عليها:ريم تكفين لا تسوين بنفسج جذي .. خلاص سامحيني....والله ايدي بعد ما تنمد عليج صدقيني يا ريم..وناصر موصيني عليج...اي ياريم موصيني عليج لا تطالعيني جذي..
    ريم:يعني تعرف اخباره........؟؟
    خالد منزل راسه:خلاص ياريم .. المهم اني اسف...
    توقف ريم وتمسك ايدين اخوها:ابوس ايدك قولي ...ناصر وين...؟شنو تعرف عنه...؟ ميت والا عايش...ليش يوصيك اكيد مات صح مات...؟
    خالد:لا ياريم لا ناصر ما مات ناصر حي......
    ريم وقفت مصدومه مذهوله:معقوله حي معقوله ثلاث سنين عايش وما ادري عنه..؟ ليش ليش يسوي جذي لييييييييش...؟
    خالد:بس ياريم بس تكفين ترحمي عليه...هالكلام مايسوي شي..وناصر بيتم بالسعوديه ماهو راجع....
    ريم بصراخ:لا لاتقول مايرجع...ناصر بيرجع واهو وعدني وعدني .....
    خالد ما تحمل اخته وبجيها وانهيارها طلع وتركها .....وقلبه يعوره عليها حيل :يارب انك تعينها ،يارب صبرها.....!!!
    تمت ريم تبجي بقهر على ناصر وتحس انه اناني بالي يسوي معاها .. وماتبي تقتنع انه كل هذا عشان راحتها .. ومستحيل ناصر يرضى بعذابها...
    ::
    جراح له يومين حالته مقلوبه لا نوم ولا اكل ولا راحه ، يفكر بزعل اشجان وشلون يراضيها ، فكر انه يطرش لها مسج ويشوف ردت فعلها وكان الصبح الساعه 7...
    اشجان كانت على سريرها سهرانه طول اليوم مع ريم وضايق صدرها عليها وعلى الي صار معاها .. وقبل لا تنام سمعت نغمة المسجات بتليفونها:بسم الله منو مطرش هالحزه....؟؟
    افتحت اشجان المسج وتوترت حيل من قرته صباح الخير .. نايمه والا قاعده...؟
    تمت اشجان ماسكه التليفون وعينها بالكلمتين الموجودين ، وتحس روحها بتطلع :ياربي هذا من صجه الصبح مطرش شنو يبي....؟ اه ...
    وجراح ينتظر على نار ، مسدوح على سريره ويتقلب يمين وشمال :يارب تكون قاعده وترد علي يارب وسمع صوت النغمه وفز بسرعه يفتح المسج[هلا صباح النور .. أي قاعده...ليش في شي...؟

    جراح استانس ورد عليها بسرعه..[هلا فيج يالغاليه شلونج اليوم..؟انا اسف يمكن ازعجتج بس كنت خايف عليج وابي اتطمن,وما هان علي تبقين طول هاليومين زعلانه علي...وزعلج غالي علينا وما نرضى فيه...]
    تلقت أشجان المسج وابتسمت له وردت عليه بمسج ثاني: بخير ماشي الحال...ومافيها ازعاج اصلا انا قاعده من البارح..وصدقني ماني زعلانه اصلا نسيت الموضوع لا تحاتي..]

    جراح انصدم:شنو نست الموضوع.....؟؟ هههههه اهو بكيفها تنساه يا ويلي منج يا اشجان ناويه علي وربي ... ما طول ورد عليها الحمدلله انج بخير بس يا شوشو انا ما كلمتج عشان تنسين...!!]

    أشجان بدت تتذكر كلامه من كم يوم وتحس شي غريب فيها:اه يا جراح مادري ليش مو راضي تقتنع انه هالحب فاشل...من الاحسن انام واسكر جهازي ...
    مل جراح واهو ينتظر رد منها لكن يأس والنعاس غلبه ونام....

    **
    مها:يالله صباح خير انتي وينج ...؟
    أشجان:شنو ويني ...؟ توني مخلصه محاظرات ليش شصاير...؟
    مها:بترجعين البيت...؟
    اشجان:أي شوي وبروح..بس بقعد مع شهد شوي .. لي فتره ما شفتها...
    مها بنفس خايسه:اوووف هالبنت ما اطيقها ووووع..
    اشجان:مها وبعدين معاج..ليش تسوين جذي..؟ شهد طيبه وحبوبه مادري ليش تكرهينها...؟
    مها:لانها ما خذتج مني..!!!!
    اشجان مصدومه:شنوووو...؟ يعني شنو ماخذتني منج...؟ كلكم رفيجاتي مافي فرق بينكم...
    مها تتصنع الزعل:خلاص زين روحي لها .. مابي منج شي...
    اشجان:يا قلبي يا مهاوي ما يسوى كل هذا .. قلت لج كلكم رفيجاتي وبعدين والله من زمان عنها...
    مها:زين خلاص انا بروح كاهو احمد اخوي وصل باجر اشوفج...
    اشجان:باجر ما اعتقد ماراح اداوم..عندي موعد بالطبيب...
    مها:سلامتج يا قلبي...خلاص الحين اروح وبعدين بكلمج تليفون اوكي...
    اشجان:اوكي...
    راحت مها واهي مقهوره من اشجان تغار منها .. وتتمنى توصل لربع ما وصلت له اشجان من حب الناس لها وجمالها ورشاقتها...
    اشجان:مرحبا شهودتي..
    شهد:مرحبتين هلا وغلا حبي شلونج...؟
    اشجان:تمام ماشي الحال...
    شهد:جذابه...!
    اشجان مصدومه:شنوو؟؟ انتوا شفيكم اليوم كل وحده تقط كلمه اقوى من الثانيه شنو جذابه؟ ليش ان شاءالله شنو سويت...؟
    شهد:ههههههههههههه بل بل راح تاكليني ... بس انتي مو تمام وواضح من ويهج يا روح شهد...
    اشجان اختبصت:ويهي؟؟ شنو فيه بعد..؟
    شهد:مادري سألي نفسج...
    اشجان:أي والله يا شهوده حدي تعبانه هاليومين عوار الكليه زايد علي هاليومين...
    شهد:ياقلبي سلامتج...زين روحي الطبيب...
    اشجان:باجر موعدي .. وربي مالي خلق...
    شهد:بس بس تركي عنج هالسالفه ومالي خلق ... اهم شي صحتج يا قلبي ...
    اشجان حاطه ايدها على خدها:اه الله كريم يارب...
    **
    جراح صارت ايامه بطيئه وكل تفكيره مع اشجان تعب من التفكير وتعب من تجاهلها له...
    بخاطره تحس فيه وتعترف بحبها له بخاطره يشكي لها وتشكي له كل الي فيها ..
    تنهد بقوه:اه يا اشجان...شكلي بتم طول عمري احلم فيج وما يتحقق هالحلم....
    رن التليفون بهاللحظه وكان فواز المتصل....
  7. *مزون شمر*
    02-08-2011, 01:47 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    جراح بتعب:الووو..
    فواز:صباح الخير ...
    جراح:هلا فواز صباح النور شلونك...؟
    فواز:بخير الله يسلمك..انت شخبارك صوتك تعبان...
    جراح ومحد متعبني الا بنتكم الله يسامحها:لا سلامتك مافي شي...
    فواز:زين جراح تقدر تساعدني..
    جراح:امرني ان شاءالله اقدر..
    فواز:اشجان عندها موعد بالمسنشفى اليوم وابوي في الدوام وانا سيارتي بالتصليح ... تقدر تاخذنه...
    جراح اول ماسمع اسم اشجان طار من الفرح وتكدر يوم عرف انها تعبانه:افا عليك دقيقه خلكم جاهزين بنزل اشغل السياره وانتوا طلعوا لي...
    فواز:تسلم يا بعد راسي يلا اهي جاهزه بس دقايق وتطلع..
    جراح فديت الي بتطلع من الصبح:اوكي يلا انتظركم..
    راح فواز وبلغ اشجان انهم بيروحون مع جراح...
    اشجان تلتفت واهي متوتره:مع جراح....؟؟ لييييش...؟
    فواز:لان سيارتي بالتصليح وابوي مو هني .. يعني منو يوديج .. وموعدج اليوم مهم...
    اشجان تفكر وبالها راح بعيد:.....
    فواز:شفيج سكتي...يلا الولد تحت ينطرنا...
    اشجان : اوكي انزل انت وانا الحين أيي وراك...
    فواز:يلا انتظرج لا تتأخرين...
    نزل فواز واشجان تمت تفكر واهي مخبوصه وقلبها يدق حيل من ذكر طاري جراح:ياربي شلون بشوفه بعد الي صار بينا والله مستحيه منه...
    جراح:وينها ...؟
    فواز:كاهي طلعت...
    دخلت اشجان السياره بكل هدوء:السلام عليكم..
    جراح:وعليكم السلام...
    اشجان قاعده ورا جراح وعينها بريلوها من المستحى ودق قلبها من سمعته يكلمها:شلونج اشجان..؟
    اشجان بتوتر:ها..بخير الحمدلله...
    جراح:عسى ماشر ... والله ضاق خلقي من عرفت فيج تعبانه..
    اشجان دقات قلبها تزيد وعينها على اخوها:سلامتك مافي شي موعد عادي...
    فواز يقلدها:موعد عادي...الا مطلعه روحي كل اسبوع موعد ...
    جراح يخزها وينزل نظارته:يعني في شي جايد...
    اشجان:لا تكبرون الموضوع .. عادي والله عادي...
    جراح يسوق وعينه مره عليها ومره على الشارع:معقوله فيها شي..؟ زين ليش ما قالت لي..؟يوو شكو تقولي اهي صارت حتى سلام تستحي تسلم...بس اموت واعرف شنو فيها..
    بعد ما وصلوا المستشفى ادخلت اشجان عند الدكتور وجراح وفواز ينتظرونها برا الغرفه..
    الدكتور:كان بخاطري يا اشجان اشوفج هالمره احسن من المره الي فاتت...بس ليش تهملين نفسج لهالدرجه..
    اشجان ضاق صدرها:بس انا اخذ العلاج دايم..
    الدكتور:يا اشجان العلاج مو كل شي .. النفسيه والغذاء لهم دور في علاجج وانتي كل فتره وزنج يقل فيها اكثر عن الي قبله...وانا نصحتج هالشي مو زين لصحتج..
    اشجان:بس يا دكتور السمنه مو زينه علي ..
    الدكتور:صحيح ماهي زينه ولا الضعف الوايد زين....فهمتيني...؟
    أشجان:ان شاءالله المره اليايه في تحسن عن هالمره...
    الدكتور: ان شاءالله .. بس انا لازم اوصي احد عليج...منو معاج..؟؟
    اشجان تبتسم:لا شدعوه يا دكتور انا وصيه على نفسي...ماله داعي توصي احد...
    الدكتور:والله يا بنتي من خوفي عليج مو اكثر وادري انج شاطره وعاقله بس هالايام مو عاجبتني...
    اشجان:الله كريم .. وان شاءالله وعد مني كل شي يتحسن..
    الدكتور :امين يارب...
    قامت اشجان بعد ما سمعت نصايح الدكتور واطلعت من الغرفه والدكتور معاها واول ماشاف جراح حسبه اخوها:ما شاءالله تبارك الرحمن اخوها مو جذي؟؟؟...
    جراح يبتسم:ولد خالها..
    اشجان تخزه وعينها تدور على فواز....
    الدكتور:تبارك الرحمن يا اخ...؟
    جراح:اسمي جراح...
    الدكتور:تشرفت بمعرفتك يا اخ جراح... بس شكلك انت الي مع اشجان اليوم... ما وصيكم عليها حطوا بالكم عليها ... تراها دلوعه وايد وما تاكل..وهذا الشي مضر لصحتها...
    اشجان تبتسم وبقلبها : ماعرفت الا توصي جراح شنو الي يفكني منه الحين....
    جراح وعينه على اشجان الي سرحت بعيد:لا توصي حريص يا دكتور اشجان بعيونا..وبنتفخها اكل بس تتحسن حالتها كم اشجان عندنا ...
    الدكتور:الله يخليها لكم ويحفظها...يلا اشجان حطي بالج على نفسج والعلاج بموعده ما نبي خربطه..
    اشجان:ان شاءالله .....
    جراح:سلامتج ما تشوفين شر..
    اشجان:الله يسلمك والشر ما ايك..
    جراح:تحسين بالم او شي..؟
    اشجان تبتسم:لا لا تحاتي مافيني الا العافيه...
    جراح:اشجان..بليز حطي بالج على صحتج ...
    اشجان:لا تحاتي وربي مافيني الا العافيه...بس فواز وينه...؟
    جراح:تو الحين تعب من الوقفه وراح السياره...
    اشجان تخزه وترفع عينها عليه:يعني اهو تعب وانت لا....
    جراح يطالع فيها:عشانج كل شي يهون...
    اشجان تصلبت في مكانها ونزلت عينها ومشت جدامه واهي تغلي من كلامه...
    فواز:زين خلصتي...؟
    اشجان سرحانه:ها...؟
    فواز:وليه..شفيج...؟ قالج شي الدكتور اليوم..؟
    اشجان:لا ماقال شي...
    جراح:قال لازم تاكل عدل .. عشان صحتها..
    فواز:هالكلام كل اسبوع ينقال بس الهانم تطنش وما تسمع الكلام ناويه على عمرها...
    جراح:لا عاد اليوم مو كيفكم ماراح ترجعون الا بعد ما نتغدا...
    فواز:لا من صجك يا ريال انا تعبان بروح اكمل نومتي...
    جراح:وراك نومه...؟ اقول استريح .. اذا ما تبي عادي انزلك هني ونروح انا واشجان...
    فواز:أي لا تقدر بس...
    جراح:هههههههه مادري عنك .. عيل اسكت شوي ... يلا بما ان الحين توها الساعه 10 شرايكم ناخذ غدا خفيف ....اممممم بيتزا شرايكم...؟
    اشجان ساكته:..........
    فواز:ماتفرق معاي..أسألها...
    جراح يطالعها من المنظره الي جدامه:شجونه شنو قلتي...؟
    اشجان مستحيه منه:براحتك ... بس ماني يوعانه...
    جراح:دلع البنات مابيه .. يلا كاهو المطعم قريب..مافي وقت للتفكير ...
    دقايق واهما في المطعم اول ما قعدوا كان الجو هدوء والمطعم فاضي .. الكل دوامات ومحد فاضي يطلع هالحزه...
    فواز:يووووه باكيت الزقاير خلص..
    اشجان بصوت واطي:احسن...
    جراح:ههههه ليش احسن...؟
    اشجان:بسم الله شلون سمعتني...بس ماحب الزقاير...
    فواز: والله بلاج اليوم فيني وفيه ... زين جراح ماعندك ...؟
    جراح:امممم لا...
    فواز:اوووف ماقدر اصبر اكثر... زين هات مفاتيح سيارتك بروح الجمعيه اشتري...وانتوا طلبوا الغدا على ما ارجع...
    جراح مستانس:زين روح وانا اطلب...بس لا تتاخر اقصد اخذ راحتك ....
    راح فواز وجراح اخذ فرصته:شفيج ساكته...؟
    اشجان تلم نفسها وتطالع الصوب الثاني:ولا شي...
    جراح:اشجان تكفين كلميني الله يخليج ...
    اشجان : شنو تبيني اقول؟
    جراح:لا حول ردت قالت شنو تبيني اقول...
    اشجان تطالع فيه وبوسامته:.......
    جراح:زين لا تطالعيني بعيونج جذي والله تحرقيني ..
    اشجان تضحك:ههههههههه
    جراح:يا حلو الضحكه...اي خليج جذي..بسج اربع وعشرين ساعه معصبه...
    اشجان : انا مو معصبه ..
    جراح يبي ينرفزها: شوفي عصبتي مره ثانيه ... ههههههههه
    اشجان:وربي انت الي تخلي الواحد يعصب...
    جراح:لا خلاص وعد ما بخليج تعصبين...بس شنو هذا الي طلبتيه...؟
    اشجان تطالع الصحن:شنووو؟؟؟
    جراح: الحين عازمكم وحظرتج تاكلين سلطه..لا تقولين تدورين رشاقه..راح تختفين من الضعف..هاتي الصحن عنج واكلي بيتزا....
    اشجان منحرجه منه واهو عادي ولا هامه:زين بس انا ما ادور رشاقه اكل السطله جذي عادي...
    فواز:اوووف زحمه الجمعيه مادري شعندهم...
    جراح:زحمه ورجعت مبجر..
    اشجان ميته ضحك:ههههههههههههههههه
  8. *مزون شمر*
    02-08-2011, 01:52 PM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    فواز:يعني كل هذا وما تأخرت الله يغربل بليسك...زين ما اكلتوا وتركتوني...
    اشجان:شدعوه ناكل ونتركك...
    الشباب ياكلون ومندمجين بالاكل واشجان سرحانه وبالها مو معاها وما اكلت الا قطعه وحده وقالت:الحمدلله...
    جراح التفت عليها ورفع حاجبه:شنو الحمدلله....؟
    اشجان:شبعت...؟
    فواز:معدتها معدت طير تشبع من لقمه...
    اشجان:وبعدين معاكم ذليتوني اليوم لاخر درجه...
    جراح:ماعاش من يذلج بس مو معقوله قطعه وحده وقلتي شبعت وربي ما نقوم الا بعد ما تاكلين هالقطعه يلا ...
    قطع لها جراح قطعه بيتزا ورفعها بإيده وعطاها واهي تطالع فيه ومنحرجه منه:مشكور بس والله وايد...
    جراح بصوت واطي:عشاني..
    اشجان تخز فواز الي مو منتبه لشي ابدا:زين...
    بعد ما اكلوا وخلصوا كانوا بيطلعون ورن تليفون اشجان وكانت مها الي متصله...
    اشجان:هلا والله ...
    مها:هلا بج انتي وين؟؟
    اشجان:ماداومت مشغوله شوي...
    مها:بس شلون لازم تداويمن في اوراق مهمه لازم تاخذينها في امتحان باجر....!
    اشجان: لا شلووون جذي...؟
    مها:تعالي الكليه بسرعه...
    اشجان:خلاص اشوف وضعي وارد لج خبر ..
    مها: لا تتأخرين باي.
    اشجان:باي..
    فواز:شفيج تضايقتي..؟؟
    اشجان:رفيجتي تقول لازم احظر الكليه اخذ اوراق مراجعه ضروري باجر الاختبار...
    فواز:لاحوول انتي كل شغلج طلع اليوم...
    اشجان:لا تعصب شسوي والله مهمه الاوراق..
    جراح:زين خلاص الكليه قريبه من اهني نمر ناخذ الاوراق ونطلع البيت...حرام عندها امتحان باجر...
    فواز يتأفأف:يالله على هاليوم الي مو راضي يخلص....!!
    اشجان حبستها الدمعه ماتحب احد يزفها او يصارخ عليها نزلت راسها وركبت السياره زعلانه:
    جراح يكلم فواز: حرام عليك ما يسوى عليها .. وربي مانرجع الا عقب مانروح الكليه وناخذ الاوراق الي تبيها...زين وانت بكيفك.....
    فواز:تعال انت هي من صجك...لا حول يا ربي الله بلاني بمجانين اليوم...
    جراح بعد ما ركب السياره كلم اشجان:شوشو لا تزعلين وربي دقايق وانتي بالكليه وماخذه اوراقج بعد شتبين يلا فديته لا تزعلين...
    فواز:والله محد مدلعها غيرك مالت عليك....
    اشجان تحس بفرحه كبيره من الي سواه جراح معاها وودها تشكره من كل قلبها...
    وصلوا الكليه وتصلت اشجان على مها..
    اشجان:هلا مها..
    مها:هلا شوشو..
    اشجان:بليز طلعي عند الباب انا موجوده ..باخذ الاوراق وارجع...
    مها:زين دخلي...
    اشجان:ماقدر بليز هاتيهم لي...
    مها:اوكي من عيوني دقايق واكون عندج...
    اطلعت مها وسلمت على اشجان وعطتها الاوراق وعينها بعيد عن اشجان..
    مها:شجونه لا تلتفتين بليز بس اذا رحتي غمضي عيونج ولا تطالعين يسار...
    اشجان:بسم الله شفيج...؟
    مها :يمه يمه قلبي بيطيح ... واحد وراج مزيون بس لو يشيل النظاره اكحل عيوني بشوفته...
    دشداشه سودا وشماغ احمر والطول اه عالطول ... بسم الله عليه يمه لايصير شي بالولد مني..لا لا ماقدر لازم اسوي شي..
    اشجان التفتت تبي تشوف الي تتكلم عنه مها وانصدمت انه مافي احد غير جراح الي بهالمواصفات بهاللحظه اشجان احترق دمها وعصبت واول مره تتكلم بهالأسلوب:الحين هذا الي عاجبج .. صج سخيفه...
    مها:قولي مو حلو...بعدين ليش تكلميني جذي...
    اشجان:يلا انا رايحه باي...
    مها جن جنونها من شافت اشجان تقرب عند جراح وامسكت ايده وهذي حركه جريئه منها ومشت...
    جراح تكهرب منها وتم يطالع فيها مصدوم:ها يبتي الاوراق...
    اشجان قربت من السياره واتركت ايده بعد ما بعدت عن مها:ليش نزلت وراي...؟
    جراح:يعني تنزلين بروحج...؟ وبعدين شنو فيها عادي..فواز ماله خلق ينزل..قالي انزل وراج...وبعدين ليش معصبه...؟ وهالبنت الي معاج رفيجتج...؟
    اشجان عصبت:ليش تسأل عنها..اعجبتك شنو؟؟؟
    جراح فتح عيونه:ليش تتكلمين جذي...؟
    اشجان عصبت واركبت السياره...
    فواز:ويعه سكري الباب شوي شوي....
    اشجان:خلاص اسكت عني شوي..والله مالي خلق نفسي...
    فواز:ها شفيج انتي اليوووم....؟
    جراح مو فاهم سبب العصبيه وتم ساكت:..
    اشجان تتنفس بسرعه ومعصبه:هين يا مها ....!!!


    انتهت الحلقه...!
  9. *مزون شمر*
    03-08-2011, 01:19 AM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    الحلقه الخامسه والعشرون

    الجو متوتر واشجان معصبه من الي سوته مها يا ترا هذي غيره والا حب .. اهي بنفسها مو فاهمه ليش سوت جذي .. جراح تم ساكت ومستغرب من الي سوته اشجان وتم يفكر فيها وكل شوي يرفع عينه عليها يشوفها واهي لافه ويها على الجام والعصبيه باينه عليها .. فكر جراح يسمعها اغنيه ومتأكد انها بتهدا شوي...
    جراح:فواز افتح الدرج الي عندك وعطني الشريط الي داخل..
    فواز : هاك...
    اخذ جراح الشريط وكان حق عبدالمجيد ودخله في المسجل وشغل هالاغنيه:
    من يزعلها يزعلني انا .. ومن يضايقها يضايقني انا
    والي يجرح قلبها في كلمتين .. صدقوا كنه جرح قلبي انا
    الا .. الا هذي لا تزعلونها العزيزه عندي اتعرفونها .. اتركوها تاخذ الي هي تبيه الله لا يخليني من عيونها]
    صوتها عندي انا مثل المطر .. وضحكها مثل الفراشه والزهر ..
    ولا زعلت شيصير في هذي الحياة؟؟ لا فراش ولا زهور ولا مطر
    من يزعلها يزعلني انا .. ومن يضايقها يضايقني انا
    والي يجرح قلبها في كلمتين .. صدقوا كنه جرح قلبي انا

    أشجان انتبهت على الاغنيه وتمت تسمع كلماتها حرف حرف .. وتحس نفسها بتطير من الفرح وابتسمت وبخاطرها تضحك بصوت عالي .. وفي هذي اللحظه جراح كان يطالع لها واهي مو منتبهه عليه..
    جراح بقلبه:عساني ما انحرم من هالابتسامه يارب...
    فواز:جراح غير الاغنيه ليش تعيدها والله صكيت راسي فيها ....
    جراح:اذا بغيرها يعني اشيل الشريط مره وحده...
    فواز:لا يا خوي قلنا غيرها مو تغير الشريط كله...
    جراح:لا خلاص طلع الشريط مره وحده...
    اشجان تضحك ومستانسه على جراح، وكل ما تتذكر كلام مها تموت قهر:والله يا مها ما بخليج تحطين عينج عليه مره ثانيه ونشوف ....!!
    بعد ما وصلوا البيت نزلت اشجان من السياره والتفتت علي جراح بتشوفه قبل لا تدخل ، اول ما التفتت تلاقت عيونها بعيونه نزلت راسها وادخلت البيت ...
    جراح : يا ليت اعرف شنو الي زعلها اليوم...والله سويت كل الي يريحها بس فجأه تعصب وتزعل .. اكيد انا سويت شي يزعلها....وتذكر جراح حركتها يوم تمسك ايده واهي معصبه:اوووف معقوله الي فبالي...؟ ياليت يكون هالزعل سببه الي فبالي ياليت ....اليوم بتصل عليها واشوف....
    **
    مها حطت جراح براسها وبدت تخطط من الحين ، وما حطت اعتبار حق اشجان ، واعرفت من شهد يوم وصفت لها شكله انه يقرب حق اشجان..بس مستغربه شلون طالع معاها وين اخوانها...
    شهد:انتي شفيج ..؟
    مها:اقول شهد.. هالولد اذا مو اخوها شلون طالعه معاه ، ويوم راحت مسكت ايده..؟
    شهد:والله ما ادري بس الي انتي وصفتيه مو اخوها ... لان اخوها مو طويل حيل ولا عريض..اخوها ضعيف وأطول منها بشوي ...بس اهما ما شاءالله عندهم شاب واحد يلعب ملاكمه وجسمه حلو وطالع المركز الاول على الكويت .. وطويل حيل واكتوفه عريضه..مثل ما وصفتيه...
    مها مو مقتنعه ولا تقدر تخمن انه خطيبها:زين ممكن يكون خطيبها واحنا ما ندري...؟
    شهد:لا مستحيل لو خطيبها جان قالت لي...
    مها:ياربي ماني قادره اقتنع... يعني لو مو اخوها ولا خطيبها شلون تمسك ايده واشجان ما عندها هالسوالف..
    شهد:بس الي انا اعرفه انها تمون على عيال خالها واهم يعاملونها معامله فضيعه وخاصه غير عن الباقي .. يمكن يكون شي عادي.. بس انتي ليش مهتمه في الموضوع..؟؟
    مها : ها...؟ لا مو مهتمه بس جذي عادي..مجرد اسأله...
    شهد ترفع حاجبها:اها اوكي...
    **
    ام بشار:شرايكم اليوم نروح بيت ابو محمد ...؟
    بشار كان يطالع التلفزيون والتفت عليهم: أي والله تصدقون من زمان ما رحت لهم...!
    خوله:انا باجر عندي اختبار صعب ماقدر اروح...
    ام بشار:بكيفج لا ترويحين بس انا ضروري اروح بشوف ريم تعبانه هاليومين...
    بشار:يالله على ريم .. والله هالبنت حياتها تقطع القلب..!
    ام بشار:خلاص انا بروح اتجهز والي بيروح يروح ..!
    قامت ام بشار عنهم والتفت بشار على خوله وكلمها:خوخه ريم شفيها تعبانه ..؟
    خوله:والله مادري ما قالت لي بس الي عرفته وفهمته منها .. خالد اهو السبب .!
    بشار:لاحول ولاقوة الا بالله .. ما أدري هالخالد متى يعقل .. اخته كبرت وللحين ما يحترمها...
    خوله:الله يعينها بصراحه...
    بشار:زين تعالي خواطر شفيها من تزوجت اختفت ؟؟
    خوله:الحبيبه ما يمديها ترجع من سفرها الا رجعت وسافرت مره ثانيه..
    بشار مرتاح:الله يهنيها ان شاءالله ... خواطر تستاهل ومشاري حاطها بعيونه..الله يديم عليهم يارب...
    خوله:امين... والفال لك ....!
    بشار يخزها:الفال لج انتي اول..
    خوله:ههههههههه انا تو الناس علي .. بس انت يا الحبيب عمرك وصل الثلاثين..
    بشار:اقول يا حلوج وانتي ساكته..طسي عني ممكن..؟
    خوله:براحتك ... يلا انا بقوم ادرس وانام واذا رجعتوا قولولي شنو يصير معاكم..
    بشار:ياحبج للسوالف..زين روحي ذاكري احسن لج...
    ***

    بدور:شلونج قلبي..؟
    ريم قاعده على سريرها وحاطه راسها بين ريولها:زينه..
    بدور تقرب لها وتقعد يمها:حبيبتي ريمي ليش تسوين بنفسج جذي...؟ عشان خاطري قومي معاي...
    أرفعت راسها والدموع على خدها:بدور تركيني بروحي شوي..
    بدور قلبها يعورها على حال ريم: والدموع بترجع لج ناصر..؟
    ريم بنظره تقطع القلب:ناصر...؟ اه يا بدور لو دموعي ترجع ناصر لي ، جان بجيته العمر كله بجيته بكل لحظه وبكل ثانيه .. ! بس يا بدور وينه ..؟ ليش تركني ؟ ليش يعذبني معاه...؟ اذا بيموت بموت معاه .. لان انا خلاص مابي اعيش مابي مابي..!
    بدور ما استحملت دموع ريم قربت منها اكثر واحضنتها :تكفين بس لا تبجين .. ادعي ربج انه يشافيه ... قومي غسلي وتوضي وصلي ركعتين ادعي من ربج يرجعه لج سالم..!
    محمد:انتي اهني وانا لي ساعه ادور عليج...
    بدور : هلا حبيبي ..؟
    محمد ما عجبه وضعهم:شفيكم ...؟
    بدور:سلامتك قلبي ما في شي .. بس كنت اكلم ريم ..
    محمد:وينها الحين..؟
    بدور:بالحمام عزك الله.. تغسل ويها..
    محمد:زين حبي الله يعافيج ... بس تطلع قولي لها عمتي ام بشار تحت .. نزلي معاها اوكي..
    بدور: من عيوني..
    محمد يبتسم لها : تسلملي عيونج يا الغاليه...اي صج قبل لا اطلع...
    بدور:شنوو.؟
    محمد يخزها:تراني مشتاق لج ..
    بدور تضحك:زين تشتاق لك العافيه..
    محمد يعض على شفايفه: اخ منج.. خلصي واتفاهم معاج بالليل..!
    بدور:هههههه زين روح لا تسمعك اختك الحين...
    محمد:وينها اختي خليها تشوف مرتي شنو تسوي فيني..؟
    بدور:يمه منك والله اني بريئه .. بس انت..
    محمد:بس بس.. هالحجي ما ينفع ناطرج ناطرج...يلا لا تتأخرون..
    بدور:ههههههههههههههه اوكي..
    **
  10. *مزون شمر*
    03-08-2011, 01:29 AM

    رد: رواية شتات الزمن للكاتبه غربه الاأحزاااان

    رواية شتات الزمن للكاتبه غربه الأحزان / كامله


    ام بشار:شلونج يمه...؟
    ريم:بخير عمتي ماشي الحال...
    ام بشار: عسى دوم يارب..بس ويهج مو عاجبني..
    بدور:تفضلي خالتي...!
    ام بشار:يا حبيبتي ليش متعبه نفسج...؟
    بدور:افا عليج خالتي ما فيها تعب ضيافتج واجب علينا..
    ام بشار:تسلمين يا بعد قلبي...
    بهالوقت استأذن منهم سلطان لان بشار بيدخل الصاله...
    بشار:السلام عليكم...
    ريم وبدور:وعليكم السلام...
    بشار من طاحت عينه على ريم تذكر منال لان صارت تشابهها وايد:شلونج ريم..؟
    ريم بنبره حزن:بخير.. انت شلونك..؟
    بشار قاعد ويطالعها بكل ضيق:الحمدلله على كل حال.. ريم تعالي ابيج شوي..
    ريم:هلا..
    وقف بشار وأشر لها:تعالي معاي شوي..بعد اذنكم...
    ام بشار:اذنك معاك يا يمه...
    وقفت ريم وراحت ورا بشار الصاله الثانيه:هلا...
    بشار قعد وأشر لها تقعد يمه:ريم حبيبتي شنو فيج...؟ قوليلي..
    ريم ما قدرت تمسك نفسها وصارت تبجي وايدها على ويها:......
    بشار التفت عليها ومسك ادينها: رييييم...ليش هالبجي كله ...؟كلميني قوليلي شنو فيج...اليوم ما اطلع الا وانتي قايله كل الي عندج..
    ريم ترفع عيونها عليه وادموعها على خدها:تعبانه يا بشار والله تعبانه...!!
    بشار ماسك ادينها ويهدي عليها: افا عليج يالغاليه تكلمي قولي الي متعبج انا بشار يا ريم.. لو كل الناس يضايقونج انا الي بساعدج وبوقف معاج...! بس رجيتج ما تبجين..
    ريم:اه يا بشار ... والله كل يوم يعدي علي من غير ناصر احس عمري يضيع ايامي تموت مابي شي .. بس ابي احد يطمني عليه .. تعبت ثلاث سنين احاتي والله تعبت...!
    بشار حس فيها وتألم عشانها: يا ريم يا قلبي لو بيدنا شي جان سويناه من زمان.. ناصر راح وادعي ربج انه يرجع لج .. والله يشافيه...والله يالغاليه سألت عنه ربعي هناك ووصيتهم يسألون عنه في المستشفيات .. وان شاءالله بيلاقون خبر عنه... وتتطمنين عليه...
    ريم تبجي:خالد عنده خبر عن ناصر بس ما يبي يقولي...الله يخليك كلم خالد بس يطمني ... الله يخليك..
    بشار:خلاص فديتج لا تبجين وما ابي اشوف دموعج مره ثانيه..وراسج ايام وتكون اخبار ناصر عندج...كم ريم عندنا...اي ابي اشوف ابتسامتج ...!
    ريم:الله كريم...
    بشار:يلا يالغاليه قومي نرجع لهم .. واي شي بيصير بكلمج .. وانتي بعد اذا تبين شي اتصلي علي اوكي...!
    ريم:ان شاءلله ...!
    بشار:يلا يمه تأخرنا وخوله بروحها في البيت ...
    ام بشار: يلا يا بنات حطوا بالكم على بعض وانتي يا بدور ما اوصيج على ريم...!
    بدور:لا توصين حريص خالتي..ريم بعيوني الثنتين..!
    ام بشار:والله ان قلبي مرتاح طول مانتي معاها .. الله لا يحرمكم من بعض...
    ريم:عمتي سلمي على خوله وفراس..
    ام بشار:ان شاءالله يبلغ..يلا مع السلامه..
    ريم:الله معاج عمتي..مع السلامه...
    **
    جراح ما قدر يصبر اكثر واتصل على اشجان ثلاث مرات ما ردت عليه ، وبدا يحاتيها اكثر..
    أروى:مرحبا...
    جراح:هلا...؟
    أروى:شفيك متضايق..؟
    جراح:ولا شي.. بس بنام...!
    أروى:اها..نوم العوافي .. اوكي اتركك الحين...!تصبح على خير..
    جراح مستغرب منها وحس انها تبي تقول شي:وانتي من اهل الخير ... باي..
    اروى:باي..
    جراح مسدوح على فراشه ويتقلب ماهو قادر ينام الا بعد ما يكلم اشجان ، مسك تليفونه واتصل عليها المره العاشره واهو طفشان واخيرا وصل صوتها...
    اشجان:الوو..
    جراح: مرحبا..
    اشجان من قبل لا ترد واهي ترجف:هلا جراح..
    جراح:نايمه..؟
    اشجان:لا..
    جراح:ليش ما رديتي علي...؟
    اشجان استحت تقوله انها كانت تتسبح : جهازي كان سايلنت وكنت اكلم رفيجتي ع النت.!
    جراح : المهم شخبارج..؟
    اشجان:تمام ماشي الحال..
    جراح:انا بعد بخير...بما انج حتى ما تكلفين على عمرج تسألين!؟
    أشجان استحت وحست انه موقفها باهت:اسفه..
    جراح:وليش الاسف يالغاليه ما سويتي شي..وحتى لو تسوين شي كلمة اسف منج مابي اسمعها ابدا...!
    أشجان تبتسم:ان شاءالله..
    جراح:اخذتي علاجج...؟
    اشجان:أي..
    جراح:تعشيتي..؟
    اشجان:لا
    جراح قعد على حيله:ليش يا شوشو...؟
    اشجان:بس ما اشتهي...!
    جراح: هالكلام ما يمشي عندي..قومي اكلي شي قبل لا تنامين..!
    أشجان قلبها ومشاعرها كل يوم تتغير اتجاه جراح بس اهي ما تبي هالتغير وخايفه منه: ان شاءلله...
    جراح:ياحلوج وانتي مطيعه...! [حب جراح انه يذكرها بعصبيتها اليوم الصبح] أي صج ذكرت خلصتي دراسة الامتحان...؟
    اشجان:الحمدلله
    جراح زهق من ردودها البسيطه:اشجان..!
    اشجان:هلا...؟
    جراح:ممكن سؤال..؟
    اشجان:تفضل..
    جراح:اليوم الصبح ليش كنتي معصبه انا سويت شي زعلج...؟
    اشجان تذكرت مها ونظراتها حق جراح وماتت قهر:لا انت ما سويت شي....خلاص لا تذكرني بشي سويته وانتهى...
    جراح:بس اذا انا كنت غلطان مستحيل اسامح نفسي..وعلى الاقل اعتذر اذا بدر مني شي غلط بحقج..!
    أشجان:لا ما في شي خلاص...
    جراح حب يجر الحجي منها:زين اهي رفيجتج حيل...؟
    اشجان افتحت عيونها:منووووو...؟
    جراح:الي سلمتج الاوراق..!
    اشجان:وليش تسأل عنها ان شاءلله...؟
    جراح استانس من ردت فعلها وتأكد من الي بقلبه واشجان تغار:بس جذي مجرد سؤال..
    اشجان بعصبيه:اها..خير ان شاءالله..
    جراح:غرتي منها....؟
    اشجان انصعقت من هالكلمه وما كانت متوقعه من جراح يقولها لها:نعم...؟
    جراح:ردي علي...غرتي منها...؟
    اشجان بخجل ودقات قلبها تزيد اكثر:لا شكوو وعلى شنو اغار..؟
    جراح:اشجان خلي قلبج يتكلم حرام تعذبينه معاج أكثر..
    أشجان لا شعوري نزلت دمعتها على خدها:.......
    جراح:لا تزعلين من كلامي .. بس انتي تسوين شي والي اشوفه شي...صح يا اشجان...زين علميني من شنو خايفه تكلمي ليش رافضتني...؟
    اشجان وباين انها كانت تبجي:جراح...
    جراح:عيون جراح...بس مابي اسمع صوتج والبجيه فيه...عشان خاطري...
    اشجان: انت قلت كل الي عندك .. عادي اقول الي عندي ...
    جراح ميت في برائتها:عادي ونص وبسمعج لاخر لحظه بدنيتي قولي يالغاليه اسمعج..
    اشجان تجمع قوتها عشان تعترف حق جراح قبل لا مها تخطفه منها:جراح لا تزعل من كلامي او تفكر فيني خطا..جراح انا اليوم مت قهر من شفت مها تخزك والكلام الي قالته عنك واهي ماتدري انك تصير لي وهالبنت خبيثه واذا حطت شي في راسها تسويه يعني تسويه..
    جراح يسمع واهو مستانس يحس انه بيطير من الفرح وهذي بداية الحب في طريجه:ومن شنو خايفه زين..؟
    اشجان مستحيه تقوله:.....
    جراح فهم عليها واستغل الفرصه:اشجان انتي تؤمنين بالحياه...؟
    اشجان:اكيد...
    جراح:خلاص عيل وصلنا خير...
    اشجان:شنو...؟
    جراح:ابيج نؤمنين وتحطين فبالج شي واحد...قلبج الي بين ضلوعج لو بيوم سلمتيه حق جراح مستحيل راح يتعذب ومستحل جراح بيتركه او بيطالع لقلوب ثانيه...اشجان انا حسيت بحبج من غير لا تتكملين..يمكن ابالغ ان قلت دقات قلبج وصلت لي الرساله الي كنتي خايفه تقولينها او مستحيه تقولينها.... بس صدقيني اذا في انسان بالكون عينه زايغه وقلبه يشيل قلبين فأنا مستحيل اكون مثلهم.. تدرين قلبي<بدا بالجرأه شوي شوي...والله اني كل ما أقعد مع الشباب اسمع قصص الحب الي يمرون فيها واسمع سوالف الحب العابره والجذبيه ولعب الشباب .. وكانوا دايم يسألوني جراح مافي احد بقلبك ...؟ او ما تكلم بنت وتحبها...؟ والله يا اشجان وانا ماني مجبور احلف لج بس كنت ارد عليهم بإبتسامه واقولهم بلى احب بس الي احبها ما انخلق منها اثنين بالكون ولا بنت من الي تحاجونهم توصل ربع الي عندي...كنت اتكلم وكأني واثق من قلبج وواثق من حبج لي...مع اني للحين مو واثق من شي...بس واثق من حبي الكبير لج...!
    اشجان مشاعرها كل دقيقه وثانيه تزيد صوب جراح بس اهي خايفه .. بعمرها ما فكرت انها تحب او تعيش قصه حب..مجرد تفكير بهالموضوع يتعبها :...
    جراح:وين سرحتي ..؟
    اشجان:معاك..
    جراح مسدوح على فراشه وعينه بالسقف:معاي والا مع كلامي...؟
    اشجان:تفهمها واهي طايره:بالاثنين...!
    تموا جراح واشجان يتكلمون ع التلفون تغريبا ساعتين من الساعه 10 ليما ال12 وجراح قال كل الي عنده مع التحفظ من طرف اشجان...كانت تضحك مره ومره تبتسم ومره تطير مع كلامه وتعيش عالم ثاني...
    جراح:زين حبيبي انا أخرتج عن النومه وباجر وراج امتحان...!
    أشجان قلبها يدق من تسمع كلام جراح:تدري اصلا بعدني ما خلصت مذاكره...بقعد ادرس وانام الفير...
    جراح مصدوم:وليش ما قلتي لي انج مو خالصه دراسه عشان اتركج تدرسين شوي..
    اشجان:عادي انا متعوده ع السهر..
    جراح:بس انا ما ابي عصفورتي تتعود على هالشغلات..مافي سهر ولا في ارهاق من اليوم وطالع..ووجباتج الثلاث بإنتظام تاخذينهم والعلاج بعد...
    اشجان تضحك:وكل هذا تبيني اسويه؟
12345678910111213141516