12

قصة ريم وخالد (قصة حب روووووعة)

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. زوزو
    31-07-2011, 05:37 AM

    رد: قصة ريم وخالد (قصة حب روووووعة)

    قصة ريم وخالد (قصة حب روووووعة)


    ((خالد ويا احمد فكروا يطلعوون و يرووحوون مطعم و اختاروا
    Chillis))
    .................................................. ...
    دانة:اقول خلوود احس اكيد بتقولين عني وجنوونة
    خلود:لا قولي انتي كله مجنوونه
    دانة:اوكي..تدرين للحين افكر فيه
    خلود:في من؟
    دانة((تتذكر الموقف)): ذاك الي جفناه في المجمع
    خلود(افتحت عيونها)):دانوو من صجج عقلي هذي صار له شهرين و انتي للحين عليه
    دانة:مثل ماتقولين الحب من اول نظرة
    خلود:ياربي هذي المينوونة
    ((و قاطعم ان احد دخل المطعم ..من تتوقعون؟؟))
    دانة((افتحت عيونها و شقت حلجها)):خلوودوو جووفيه جوفيه
    خلود تلتفت فتعجبت:بللللللللل تونا انتكلم عنه
    دانة:جوفيه صار احلى من قبل
    ............................................
    ((خالد و احمد دشووا و اقعدوا على طاولة جريبة حق طاولة دانة و خلود
    بس خالد حص انه احد قاعد يطالعه ))
    خالد التفت((و جاف دانة و خلود)):احمد
    احمد:نعم
    خالد :اشرايك انغير الطاولة
    احمد:لا لا لا..موب حلوة انغير الطاولة كل ساعة نقعد مكان غير
    ((خالد قعد وهو ساكت ))
    ..........................................
    خلود:من صجج دانة بدورين اسمه في البلوتوث
    دانة:ايي
    خلود:الله يهديج بس
    ((دانة قاعدة ادور اسمه و حصلته لان خالد كان كاتب خلوودي ..فطرشت له ))
    .................................................. .....................
    خالد((جاف تلفونه انه في احد امطرش له..و ألتفت على دانة فطالعها و اهي قاعدة
    اطالعة..فماقبلها))
    (احمد حس انه خالد فيه شي)فقال:خلوود اشفيك ؟
    خالد:سلامتك خلنا نطلب احسن
    احمد :أي والله
    ((اطلبوا و سولفووو بس خالد ما كان مرتاح لان دانة وايد اطالعه ))
    ............................................
    خلوود:بسج دانة عيب وايد اطالعينه
    دانة:خلود كييييييفييييييي
    خلود:الله يهديج بس فشلتينا
    دانة:كيفي اذا ماتبين روحي
    ((خلود تعجبت من دانة و قلة ادبها و اخلاقها صج دانة جريئة بس ماتوقعت ان توصل جرائتها لي هل درجة))
    خلود:اوكي انا باطلع باي
    دانة((بدون اهتمام):باي
    ........................................
    دانة جافت خلود راحت فنتهزت الفكرة اتكلم خالد
    دانة((بكل رقة )):احم السلام
    ........................................
    تتوقعون شنو بيصير
    ؟؟؟؟؟؟؟؟؟؟


    احمد:و عليكم السلام ..خير اختي في شي
    خالد ((كان ساكت))
    دانة:لا بس بغيت اعطي الاخ الي وياك رقمي
    خالد((اول ماسمع هل شي قام لها و قال )):اختي انا ماخذ ارقام احد سوري دوري احد غيري
    دانة:لا انا بس باعطيك احتياط يمكن تتصل فيني اذا احتاجيت
    احمد:خالد من ذي
    دانة:انزبن انا باروح و حطت الرقم في وسط الطاولة و راحت
    خالد:قصة طويلة احمد
    احمد انزين قولها
    (خالد قال حق احمد القصة كلها و احمد تعجب من هل بنت و تصرفاتها ))
    ..............................................
    في بيت ام ريم
    ((دينا كانت تسمع اغاني))
    اما ريم فكانت في غرفتها اتفكر في خالد ..
    ريم:خالد يحبني ..انا احب خالد..((ام ريم قاطعتها في التفكير لان طقت عليها الباب))
    ام ريم : ريم فتحي الباب
    ريم:انشاءالله يمه
    ام ريم: ريم تتذكرين ذاك الموضوع الي قلته لج ..ها شرايج
    ريم نزلت راسها و هي مستحية ((ساكته)):.....
    ام ريم :سكووتج يعني علامة رضاج يعني موافقة
    ريم((مستحية)):أي
    ام ريم : بارك الله فيج بنتي
    ريم:تسلمين يمه
    ((اطلعت ام ريم من غرفة ريم ))
    اما ريم فكانت منسدحة على السرير اتفكر في فارس احلامها
    ريم:الحلم تحقق اخيرا
    ((و نامت من كثر ما كانت اتفكر و مستانسة ان حلمها تحقق و حزينة لان بتفارق امها و اختها))
    .........................................
    ((ام ريم تتصل في ام خالد))
    ام خالد : الو
    ام ريم: هلا باختي شلونج
    ام خالد:هلا فيج والله الحمدالله انتي شخبارج
    ام ريم :دووم انشاءالله انا الحمدالله بخير
    ام خالد : دووم
    ((سولفوا وعقب بدت ام خالد بالسؤال ))
    ام خالد :اقوول اختي ها شسويتي عن الموضوع
    ام ريم : الصراحة انا كلمت ريم و وافقت
    ام خالد((استانست)):مبروووك مبروووك
    ام ريم:الله يبارك فيج
    ام ريم :الحين بنصير جدات و عليه علينا تونا شباب
    ام خالد : ههههههههههههههه أي والله الايام بسرعة تركض
    ام ريم:أي والله ..الفال لرانيا
    ام خالد:و الفال لبنتج دينا
    ام ريم:تو الناس عليها
    ام خالد:ههههههههههه..انزين متى تبون يوم الخطوبة و الملجه و العرس
    ام ريم:هذي كله تبيني اجاوبج مرة وحدة انشاءالله عقب بنتصل و بنتشاور
    ام خالد :هههههههههههه أي والله
    ام ريم:انزين الحين انا اخليج
    ام خالد:اوكي عيل يلا باي
    ام ريم:باي


    ((بعد اسبوعين خالد خطب ريم واليوم الملجة ))اخليكم
    ريم:ماما حدي خايفة
    ام ريم:لت خافين
    رانيا:اصلن كلها دقايق و بتقعدين وياه خمس دقايق او ساعة ساعتين هههههههههههه
    ريم:رانيا
    دينا:ههههه اختي اكبرت
    ريم:سكتي انتي عاد الاصغيرة بتجوفين اذا كبرتي و في ليلة عرسج باخليج اتحسين فيني
    رانيا:ههههههههههه مسكينة
    ريم(متوترة):انزين حلو شكلي
    رانيا:قمر بس شيلي هل التوترات الا اخوي يعني عادي
    ريم:هههههههههههه لا لا ريلي ذي مارضى عليه
    رانيا:الحين صار ريلج
    ريم:هههههههههههههههه
    دينا :ريمووو ببقه خمس دقايق و ادخلين عليه
    ريم:لت قولين
    رانيا:توج اتقولين ريلي
    ريم و دينا:هههههههههههههههههههههههههههههههه
    ((قاطعتهم ام خالد:يلا ريم خلود ولدي مللني الا يجووفج))
    ريم نزلت راسها وويها احمر
    دينا:جووف من الي يستحي
    ريم:سكتي
    دينا:يلا روحي
    .......................................
    دشت ريم الصالة و التفت يمين و يسار
    جافت خالد قاعد

    ((اما خالد اول ماجافها انذهل من جمالها ريم كانت لابسة احمر و مسوية شعرها الاسود الناعم كيرلي و حاطه مكياج بسيط و كانت صج صج قمر ))
    ريم((برقةو هي منزلة راسها)):السلام عليكم
    خالد((وهو مذهول من جمالها)):و عليكم السلام
    ((ريم جافت مكان فقعدت بس كانت قاعدة بعيدة شوي عن خالد))
    خالد(يتامل فيها ):ريم شخبارج
    ريم: بخير الحمدلله.. انت شخبارك؟
    خالد:دووم ..انا الحمدالله
    ريم((مستحية)):دووم
    خالد:تسلمين يا عمري يا حياتي يا كل ما املك في هل دنيا
    ((ريم احمر ويها من المستحى شوي و تبي تطلع من الصالة))
    خالد:ريم
    ريم:نعم
    خالد:بغيت اهديج هدية بسيطة
    ريم:خالد ليش كلفت على روحك
    خالد:لا كلافه ولا شي انتي الغالية و تستاهلين اكثر من ذي
    ريم((وهي مستحية)):تسلم
    خالد:الله يسلمج
    ((دشت دينا الصالة))
    دينا:احم احم ههههههههههههه
    ريم وخالد((يضحكون على شكل دينا))
    دينا:كمل الوقت ههههههههه
    ريم:اوكي
    ((اطلعت ريم من الصالة اما دينا كانت بتلحقها بس خالد ناداها ))
    خالد:دينا
    دينا:نعم
    خالد:تعطيني رقم ريم؟
    دينا:اوكي..*********
    .......................................
    يلا تبون اكملها
    ابي تفاعل
  2. زوزو
    31-07-2011, 05:40 AM

    رد: قصة ريم وخالد (قصة حب روووووعة)

    قصة ريم وخالد (قصة حب روووووعة)


    ((انتهت الحفلة و الكل استانس بالاغاني و الرقص))

    اما ريم فراحت غرفتها اتبدل و اتجووف الهدية
    ((و الهدية عبارة عن طقم الماس من داماس و تلفون بناتي لونه وردي ))
    ريم((وهي اتكلم روحها)):والله ماقصرون عمتي و خالد
    ((عقب عشرين دقيقة))
    رن تلفون ريم
    ريم:الو
    خالد:هلا وغلا بالغالية
    ريم(بكل رقة):هلا فيك
    خالد:صج اليوم تعب شخبارج عقب مارحت
    ريم(استحت):الحمدالله بخير
    خالد:دوووم حبيبتي فديتج والله
    ريم((استحت صار ويها احمر):..............
    خالد:ريم
    ريم:هلا
    خالد:يصير اطلب منج طلب و ارجووج لت رديني
    ريم:لبيه
    خالد:يصير اتقولين لي كلمة احبك
    ريم(ماتت من المستحى):استحي
    خالد:افا الحين انا تستحين مني
    ريم:............
    خالد:يلا عاد ريم قولي
    ريم:اوكي عاد عقب الكلمة اصك التلفون
    خالد:أي شي سويه بس ابي اسمع منج هل كلمة
    ريم(ويها احمر):احبك
    خالد:حبتج العافية
    ريم:يلا الحين باروح باي
    خالد :باي عمري
    ...................................
    ريم اول ماصكت التلفون راحت على السرير و نامت وهي طول الوقت تفكر بخالد..
    ..................................
    في بيت دانة
    ((دانة كانت قاعدة على المسنجر اتكلم صديقاتها ))
    ام دانة : dana I will sleep now
    دانة((كانت منشغلة بالمسنجر )) : ok
    ام دانة كانت مريضة و اتعاني من مرض في الرئة بس ما كانت تبي اتقول حق دانة ..ويوم كانت تبي تصعد الدرج حست ابدورة و سقطت في الارض مغمية عليها))
    اسمعت دانة صوت الطيحة
    دانة :mom mom are u ok
    ام دانة :a.a.a.a.
    دانة :hold on mom I will take u to the hospital
    ((بعد 15 دقيقة اوصلت المستشفى ))
    و نقلت ام دانة الى العناية
    دانة((وهي اتصيح على امها..مالقت احد يساعدها غير خلود فتصلت لها))
    خلود:الو
    دانة(تصيح):خلووود
    خلود(خافت من نبرة صوت دانة):هلا دانة اشفيج
    دانة :مافيني شي بس امي
    خلود:امج اشفيها
    دانة:امي في المستشفى
    خلود((انصدمت من الخبر)):اوكي اوكي الحين باييج و اول ماكون اهناك باتصل فيج
    دانة:مشكوورة خلود والله ماعرف شاقووول لج في هل وقت الله يخليج لولاج جان ماعرف شاسوي
    خلود:معلي دانة انتي صديقتي وغالية علي و هذي قليل عليج
    دانة:مشكوورة والله
    خلود:لت شكريني اصلن امج بالنسبة لي امي
    دانة:انزين خلود الحين باسكره
    خلود:اوكي يلا اجووفج باي
    دانة:باي


    ((بعد ربع ساعة اوصلت خلود المستشفى و اتصلت حق دانة وراحت لها ))
    دانة(تصيح):خلوود
    خلود:لت صيحين والله مابيصير لها شي
    دانة(تصيح):هذي امي حبيبتي مايصير مايصير
    خلود: كل شي بيد الله
    ((قاطعهم الدكتور..طلع من غرفة ام دانة))
    دانة:ها دكتور
    الدكتور :انتي تقربينلها
    دانة:انا بنتها و هذي صديقتي..انزين اشفيها دكثور
    الدكتور:توفت و عطتج عمرها
    ((دانة اول ماسمعت هل كلمة حست الدنيا اتدور و ادور و سقطت على الارض و اغمى عليها))
    اما خلود فكانت اتصيح و اول ماجافت دانة سيدة قالت حق الدكتور ايودونها غرفة
    ...........................................
    اما في بيت ام ريم
    دينا:ريم باقوولج شي
    ريم:قولي
    دينا:سوري على الكلام الي قلته لج قبل
    ريم: لا عادي ريم مسمووحة
    ((دينا احظنت اختها و هي مستانسة ان اختها سامحتها ))
    ريم:دينا اشرايج اتروحين وياي انتي و رانيا اندور لنا اغراض حق العرس
    دينا:اوكي
    ((ريم اتصلت حق رانيا و قالت لها ان اتمر عليها الساعة 6 ))
    .......................................
    خالد:الو احمد
    احمد:هلا خلووود شخبارك
    خالد:بخير الحمدالله و انت
    احمد:بخير
    خالد:احمدووو مر بيتنا اقعد وياي لايعة جبدي ابي اقووولك اب سالفة
    احمد:افا عليك اكاني بايي
    خالد:جاهز حق السوالف انت
    احمد:ايييييييييي
    خالد:مينوون انت
    احمد:افا
    خالد:يلا عاد تعال لت تتاخر
    احمد:اوكي
    خالد:باي
    لحمد:باي
    ..............................................
    سوري كتبت الجزء قصير هل مرة بس لان عشان الي عقبه بتصير الاحداث اكثر و اكثر



    ((الساعة 6 ))
    رانيا :الو ريم
    ريم:هلا رانيووو وينج فيه
    رانيا:في الطريج
    ريم:اكاني انا و دينا ننتظرج اوكي
    رانيا:اوكي اكاني يم بيتكم طلعوا لي
    ريم:اوكي يلا باي
    رانيا:باي
    ............................
    ريم:دينووو يلا رانيوو تنتظرنا
    دينا(تعدل شيلتها ):اوكي يلا
    ((دخلوا ريم و دينا السيارة ))
    رانيا:هلا بالمتكشخين
    ريم و دينا:هههههههههههههههه هلا
    ريم:أي متكشخين انتي بعد
    ((نسيت اقووولكم ان رانيا انجحت في تدريب السياقة من شهر))
    رانيا:ههههههههههههههههه
    دينا:بناكل اهناك
    ريم:ايي
    دينا:اها اوكي
    رانيا:اقوول عقب تعالوا بيتنا
    ريم:انشاءالله
    ((وهم يتكلموون الا فجأة رن تلفون ريم))
    ريم اول ماجافت الرقم اسكتت
    رانيا:ريموو شيليه
    ريم:لا لا عقب
    دينا:ههههههههههه
    رانيا:يلا شيليه اخوي يبيج ههههههههههههه
    ريم(ويها احمر) شالته :الو
    خالد:هلا بالغالية حبيبتي
    ريم:هلا
    خالد:ولا كلمة حبيبي
    ريم:خلوود رانيا موجودة اهي و دينوو
    خالد:اوووووهوووو سويني ((سبيكر)) ابي اكلمها
    ريم:من صجك انت
    خالد:أي
    ريم:اوكي هههههههههههههههههه
    ((سوته سبيكر ))
    خالد:رانيوووو
    رانيا:نعم
    خالد:قلبي ويهج بليز ابي اكلم حبيبتي
    ((ريم ويها حمر اوو تمت تضحك ))
    ريم:هههههههههههه
    دينا:اشوه انا ماقالي
    خالد:ولا يهمج قلبي ويهج انتي الثانية
    رانيا:افا اخوي الوحيد يقولي جذي
    خالد:أي كيفي ابي اكلمها
    دينا:هههههههههههههههههههههه
    ريم:خالد بس فشلتني هههههههههههههه
    خالد:افا انا افشل حبيبتي بالعكس انا ادافع عنها
    رانيا:الله الله بالرمانسية
    خالد:جب انتي
    رانيا:ههههههههههههههههه
    دينا:انزين الحين احنا بنسكت انت كلمها على كيفك
    خالد:أي عفية على الشاطرة احسن من رانيا
    رانيا:تر انا اهني
    خالد:شاسوي فيج ههههههه
    خالد:انزين ريم انا و انتي بنتغزل على بعض و خلهم يحترووون
    ريم((ويها حمر و استحت)):........
    رانيا:ريموو ويها ويه كلام غزل هههههههه اكاهيه استحت
    خالد:رانيووو تر مارضى عليها اكيييد تستحي مو مثلج يالخبلة
    رانيا و ريم و دينا :هههههههههههههههههههههههههه
    ريم:انزين خالد الحين باخليك
    خالد:انزين حبيبتي يلا باي
    ريم:باي
    .................................................. .
    ((اوصلوا ريم و رانيا و دينا المجمع ))
    دينا:بارووح هذي المحل
    رانيا : انا بعد ريموو تعالي
    ريم:اوكي
    دينا:اشرايج في هذي الترجيه
    ريم:مرة حلوووة بس مايصير تاخذينها قبل ماتدورين لج فستان
    رانيا:أي عبقرينوو
    دينا:وييييييييييييييي صج
    ((استانسوا و شروووا اغراضهم و في السيارة))
    رانيا :باشغل الاغاني
    وحطوا اغنية about time للمغنية ((Cassie))
    .................................................. ..
    في بيت ابو خالد
    ابو خالد : ام خالد
    ام خالد : هلا
    ابو خالد:انا باطلع بارووح اجووف اشغالي
    ام خالد:مابتعشى
    ابو خالد:لا ماعندي وقت يلا بارووح باي
    ام خالد:باي
    ((في غرفة خالد))
    خالد:احمدووو
    احمد:ها
    خالد:لت تنسى باجر مباراة
    احمد:افا عليك
    خالد:تر بنروووح انزين مر علي
    احمد:اكيييد
    خالد:مشكووور انزين خلنا ننزل نتعشى
    احمد:يلا
    ...............................................
    ((اوصلوووا رانيا و ريم و دينا بيت رانيا ))
    رانيا تفتح الباب ..

    رانيا :تفضلوا
    ريم و دينا :اوكي
    ((رانيا اول ماوصلت راحت حق امها ))
    ((و في هل وقت احمد و خالد ينتظروون ام رانيا اتحط العشى
    رانيا فصخت شيلتها و هي تمشي عبالها محد غريب
    وهي تمر جافها خالد ويا احمد ))

    خالد:جوووف الهبلة
    احمد:أي هبلة ؟
    خالد:اختي بعد من
    ((احمد اول ماجاف رانيا تعجب من جمالها و حس روحه طاير و افكاره طايره وياه))
    خالد:احمدوو لحظة باقوولها لان ماتدري ان انت موجود
    احمد:اوكي
    .............................
    ((خالد راح لها))

    خالد:يالهبلة
    رانيا((خافت)):يمه خوفتني
    خالد:احمدوو جافاج بدون شيله
    رانيا((تفشلت)): احلف و انت ليش ماقلتلي
    خالد:راح عن بالي
    ((خالد مايدري ان ريم و دينا وراه))



    ((خالد مايدري ان ريم و دينا وراه))
    رانيا:خلوود في ناس وراء
    ((خالد ألتفت الا جاف ريم و دينا وراه))
    خالد(شاق الحلج):هلا و غلا بحبيبتي و اختها
    ريم(استحت ونزلت راسها ):هلا
    رانيا:احم احم لت عاقبني الحين
    خالد:هههههههههههه افا انا اعاقب اختي الوحيدة
    ريم و دينا و رانيا:هههههههههههههههههههههه
    خالد:اقوول خليتوني انسى رفيجي و عليه بارووح له بس رانيا لت قطين الشيله تر قلت لج
    رانيا:افا عليك
    .........................................
    ((خالد رجع حق احمد و ام رانيا حطت الاكل و كلوا و اشكروا ام رانيا ))
    .........................
    في حجرة خالد..
    احمد:خلووود انت بس عندك اخت
    خالد:أي وحدة هبلة اسمها رانيا
    احمد:ههههههههه حرام انزين جم عمرها
    خالد:17
    احمد:العمر كله انشاءالله
    خالد: انزين انت ليش تسال
    احمد:بس فضوول عندي اشوي بعد شنو لازم اعرف كل شي عن رفيجي
    خالد:هههههههههههههههههه
    احمد: انزين انا بارووح البيت
    خالد:تو الناس
    احمد:لا والله حدي تعبان
    خالد:اوكي
    ((احمد و خالد انزلوا عشان خالد يوصل احمد عند الباب وهم نازلين جافوا رانيا قاعدة في الميلس معاها ريم و دينا))
    ((احمد جاف رانيا وهو متعجب على جمالها و تم يمشي بخطوات بطيئة كلش))
    اما رانيا فاول ماجافت احمد استحت منه لانها فعلا انعجبت فيه من اول نظرة
    .....................
    خالد وصل احمد و سلم عليه و كل شي

    واول ماراح احمد سيده رز الفيس و قعد في الميلس بجنب ريم و اشر حق رانيا ان تروح اتيب شي

    رانيا:دينا اتيين وياي
    دينا:انشاءالله
    ريم:بتهدوني بروحي
    خالد:افا انا وياج
    ريم(مستحية):......
    خالد:فديت الي يستحون
    ريم(خلاص ويها صار حمر نفس الطماط ):............
    خالد:لا تسألني عن الندى فلن يكون ارق من صوت..ولا تسألني عن وطني فقد اقمته بين يديك..ولا تسألني عن اسمي فقد نسيته عندما احببتك
    ريم:اقوول خالد ماشاءالله عليك تكتب شعر
    خالد:اصلن انا ماكنت اعرف بس اول ماجفتج في عيني صرت اكتب شعر
    ريم:هههههه
    خالد:ريم الحين احنا ملجنا يصير نطلع ويا بعض
    ريم(نزلت راسها وهي مستحية):مادري باسال امي
    خالد:اوكي حبيبتي
    ((رانيا و دينا ارجوا الصالة ))
    خالد:انزين اخليج قبلي
    ريم:اوكي
    خالد بهمس في اذن ريم : اموووت عليج
    ريم(استحت و نزلت راسها ):و انا بعد
    ......................................
    يالله ابي تفاعل عشان اكملها
  3. زوزو
    31-07-2011, 05:44 AM

    رد: قصة ريم وخالد (قصة حب روووووعة)

    قصة ريم وخالد (قصة حب روووووعة)


    ((عقب شهر ))
    في بيت ريم
    ام ريم: ريم تره مابقى على عرسج شي الا اسبوعين
    ريم : انا رحت حق المصمم و سويت كل شي بس انتظر يسويه
    دينا:ماما انا رحت ويا ريم وشريت لي فستان سهرة
    ام ريم:زين عيل ..يلا ريم مابقى شي واجوفج عروووسة
    ريم((عيونها تتدمع))
    دينا:اول مرة اجووف عرووس اتصييح
    ((ريم راحت احظنت امها ))
    ريم : الله يخليج لي يمه
    ام ريم ((تمت اتصيح ويا ريم ))
    .................................................. .......
    في بيت دانة
    ((دانة للحين اتصيح و تتألم بفرقان امها .. بس عمها طلب منها ان تسكن وياه بس ردانة ارفضت لان ماتبي تبتعد او اتهد البيت ..فصار يمر عليها كل يوم و يسأل عنها))
    عم دانة(عبدالله):هلا دانة
    دانة:هلا عمي حياك البيت بيتك
    عبدالله:لا مشكوورة بنيتي بس بقيت امر عليج شوي اسأل عنج
    دانة:سألت عنك العافية عمي
    عبدالله :الله يعافيج بنتي..انزين الحين انا اترخص
    دانة:وين عمي توه الناس..باصب لك العصير
    عبدالله:لا مشكوورة ..خليها المرة الياية
    دانة:اوكي
    عبدالله:باي
    دانة:باي
    .................................................. ....
    في بيت ابو خالد
    ابو خالد: خالد ابي اكلمك
    خالد:انشاءالله يبه
    ابو خالد:اسمع يا ولدي الحين انت عقب اسبوعين بتعرس ابيك اتكون ريال و مسؤول عن حرمته و بيته
    خالد:انشاءالله يبه
    ابو خالد:بارك الله فيك يا وليدي
    ((رن تلفون خالد))
    خالد(عرف ان ريم ):انزين يبه اخليك الحين
    ابو خالد:اوكي
    خالد:هلا بالقمر
    ريم(استحت):هلا فيك
    خالد:شخبارج حبيبتي ؟
    ريم:الحمدالله بخير..انت شخبارك
    خالد:دووم انشاءالله ..انا بخير دامج بخير
    ريم:تسلم
    خالد:اقوول ريم اشرايج نطلع انرووح مطعم
    ريم:امم باكلم الوالدة
    خالد:انا ريلج انا ولي امرج
    ريم:بس امي حبيبتي
    خالد:دامها حبيبتج خلاص روحي ساليها
    ريم:اوكي
    ((عقب خمس دقايق))
    ريم:امي وافقت
    خالد(استانس):صج؟
    ريم(استحت):أي
    خالد:اوكي حبيبتي انا باخذج ساعة ثمان
    ريم:اوكي
    خالد:قبل ماروح قولي لي حبيبي
    ريم(ويها احمر):حبيبي
    خالد:ريم اموووووت فيج
    ريم:و انا بعد
    خالد:اوكي باي حياتي
    ريم:باي

    في بيت ابو احمد
    ((كان ابو احمد قاعد في الصالة يطالع التلفزيون ))
    احمد:يبه
    ابو احمد:نعم احمد
    احمد:يبه ابيك بكلمة راس
    ابو احمد:خير يا وليدي شفيك
    احمد:يبه انا ناوي اتزوج
    ابو احمد:بارك الله فيك يا وليدي
    احمد:الله يبارك في حياتك يبه
    ابو احمد:انزين من البنت الي ناوي تخطبها
    احمد: رانيا اخت رفيجي خالد
    ابو احمد:انزين انا باكلم الوالدة و بنتفق على يوم نخطبها لك
    احمد(مستانس):مشكوور يبه
    ابو احمد(مستانس حق احمد):العفو يا وليدي
    .................................................. .......
    ((بعد اسبوع وهو يوم خطوبة رانيا))..

    ((رانيا كانت لابسة بدلة وردية فاتحة و حطت مكياج وردي خفيف))
    ريم:هلا رانيا
    رانيا((ريموو حدي خايفة))
    ريم:هههههه عيل في الملجة شنو بتسوين
    رانيا:ههههههه و انتي الصاجة
    ((ريم كانت لابسة بدلة ازرق سماوي و حطت مكياج خفيف و فلت شعرها السايح و كانت صج صج قمر))
    ام رانيا((اتبخر الصالة ))
    ام ريم:مابقى شي على مايوون
    رانيا(استحت):.......
    ((بعد ساعات من الخطووبة و الفرح الي عم الجميع و خصووصا رانيا و احمد ..خالد اتفق ويا ريم ان يطق لها رنة عشان تطلع له ))
    .................................................. ..............
    ريم:دينوو يبي شنطتي
    دينا:انشاءالله
    ((وهي دينا اتييب الشنطة رن التلفون))
    ريم((جافت رقم خالد))
    ..................................
    ((ريم اطلعت برع الا جافت خالد ناطرها عند السيارة ))
    ريم:هلا
    خالد:هلا حبيبتي ..وحشتيني
    ريم استحت : خالد
    خالد:عيووون خالد
    ريم:وين بتوديني
    خالد:مكان
    ريم تدلع:انزين وين
    خالد:اهو مكان حياتي مكان كل انسان يلجأ له
    ريم:ممم بيت يدتي
    خالد:ههههههههه لا لا غير
    ريم:هههههههههه ماعرف
    خالد :عقب خمس دقايق بتعرفين
    ريم:اوكي
    ....................................
    تتوقعوون وين ؟؟


    ((بعد خمس دقايق ))

    خالد:وصلنا
    ريم:البحر
    خالد:أي
    ((ريم طاحت الشيلة اشوية و خصل شعرها يتطاير بنسائم البحر و هي تحاول تعدل شيلتها ))
    خالد:ريم امووت فيج
    ريم:و انا اكثر
    خالد:ضم ريم في احضانه
    ريم(ويها حمر و مستحية)
    خالد: مشكلتي اني اهواج وحبج مجنني
    ريم:ههههه صرت شاعر
    خالد:وانا من ماعرفتج صرت شاعر
    ريم(استحت):تسلم
    خالد((شال ريم بيديه و وداها عند البحر وهي تحاول تنزل))
    ريم:خالد نزلني بلييييز
    خالد:لا لازم اغرقج في البحر
    ريم:خالد بليييز تر اخاف
    خالد:انا وياج بنغرق
    ريم:لا
    خالد:هههههههههههه اقص عليج بس كنت ابيج تنزلين وياي
    ريم(تمت تتأمل البحر ):.........
    خالد(باس ريم على خدها)
    ريم(ويها احمر):خالد
    خالد:عيووون خالد
    ريم:تأخرنا
    خالد(يقلد اليهال):لا لا ماما قعدي اشوي لا اصيح
    ريم:ههههههه كأنك ياهل
    خالد:هههههههههههههههههههههه
    ريم:اوكي بس خمس دقايق
    خالد:بس خمس انا خمس دقايق
    ريم:اوكي عشر دقايق
    خالد:انا عشر دقايق بس
    ريم:ههههههههههههه أي بس عشر دقايق
    خالد:اوكي
    ((تموا ريم و خالد يلعبوون في ماي البحر كأنهم يهال ))
    و خالد وصل ريم البيت و قبل ماتطلع من السيارة عطاها ورقة
    ريم:شنو ذي
    خالد:ورقة
    ريم:ادري بس شنو فيها
    خالد:اذا رحتي غرفتج قبل ماتنامين اقريها
    ريم:اوكي
    خالد:باي حياتي
    ريم:باي
    ..........................................
    ((ريم ردت البيت و اول ماردت راحت غرفتها وربدلت و قبل ماتنام تذكرت الورقة))
    ريم:الورقة
    ((افتحت الورقة و كان مكتووب فيها ))
    انت الحب الكبير الاول والخير ولا غيرك يا حبيبتي قلبي لهواه اسير
    ((ريم اول ماقرت الورقة خذت موبايلها و طرشت حق خالد مسج))
    و عقب المسج نامت وهي مستانسة عقب يوم كامل .....

    ووووووووووووووووووووووووبس شو حلوووووة القصة ارجووووو الررررد
  4. ميكى الامورة
    08-08-2011, 12:21 AM

    رد: قصة ريم وخالد (قصة حب روووووعة)

    قصة ريم وخالد (قصة حب روووووعة)


    طويله اوى بس حلو
    يسلمووووووووووووووووووو
  5. ينبوع السعادة
    18-08-2011, 08:43 PM

    رد: قصة ريم وخالد (قصة حب روووووعة)

    قصة ريم وخالد (قصة حب روووووعة)


    يسلمووووووووو يا قمر الرواية تجنن
12

الكلمات الدلالية لهذا الموضوع