قصيدة حطني تلقاني - عبير بنت أحمد

عبير بنت احمد, ديوان الشاعرة عبير بنت احمد
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      27-07-2011, 11:09 AM

      قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      النوم له كم من شهر ما جاني
      والهم من كثر العنا.. هميته

      بأسباب من عقب اللقا .. خلاني
      مالي حد غير الفراق ا لقيته

      الفكر يمه .. جابني ووداني
      ما عنه يتخلى و لو خليته

      من دونه.. احيا .. والبشر تنعاني
      وكل من ضحك لي ؟.. في انا عزيته

      قبل اعرفه .. كم كان ليلي هاني
      ان كان جاني نوم والا جيته ..
.
      .
      ذي دعوتي: " يارب لا تبلاني !...
      ... بالحب ".. مير ان البلا حبيته

      كان ا يتشكى عيشته وحداني
      وانا .. على نياتي وحييته !

      شفته حزين .. وكان يترجاني
      ياليتني من يومها رديته

      لا جا يسولف لي .. يضيع لساني !
      وانسى كلامي وين انا حطيته

      حتى سكوته يستفز ألحاني
      على مقامات الغلا غنيته

      يضحك ؟.. ولا اذكر عقبها عنواني !
      يرفع حجاجه ؟.. وانشده عن بيته

      به طيبة تشبه بياض ألواني
      وله هيبة ما تشبه الا صيته

      واموووت به لاقام يتحداني !
      ويموت بي لا قمت وتحديته

      يدري بحالي.. " حطني .. تلقاني !! "
      وش كان ماكان الطلب لبيته

      وبين الرجاجيل ان طرى لي ثاني ؟
      ما اعده الا ( بنت ) .. لو عديته !

      ولا قد ملى عينه سوى قيفاني
      رغم انني بالشعر ما وفيته

      من بن سبيل / لينما / الجزلاني
      محد وصف حس معه حسيته !

      ورغم انني " رمز الوفا الإنساني"
      خليت لجله كل من أغليته !!!

      وانا اشهد انه من نوى يهواني
      يتعب .. م غيره: متعبي .. سميته

      متمكن مني و من وجداني
      ليته درى عن حالتي يا ليته

      صحيح بإنه عمري و خلاني
      مير ان طرت له " ثانية " .. وريته !

      وان فكر ف غيبته يتناساني ؟؟
      ما ينفعه لا جا .. وانا ناسيته
      250*300 Second
    2. ✿كارينا✿
      06-08-2011, 10:45 PM

      رد: قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      يسلمووووووووو
    3. الوجه الاخر
      22-01-2012, 02:37 PM

      رد: قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      وهذه الاخرى من الروائع

      فيها من الوصف الجميل

      والعذوبه ...

      اعجبتني جدا


      شكرا لك اختنا مزون شمر
    4. أنــــا3
      13-04-2012, 12:16 PM

      رد: قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      صح لسانك
    5. ToTo WooW
      23-05-2012, 05:59 AM

      رد: قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      ...||~
      ابداع
    6. المريسي
      09-09-2015, 09:39 AM

      رد: قصيدة حطني تلقاني - عبير بنت أحمد

      قصيدة حطني تلقاني - عبير بنت أحمد


      شكرا عالكلمات

      تحياتي