قصيده قلتها في الوطن فبل أيام معدوده,,

الشعر, قصيدة , شعراء, القصايد ارسال إلى Twitter ارسال إلى facebook
  1. أسير النعيرية
    19-07-2011, 01:52 AM

    قصيده قلتها في الوطن فبل أيام معدوده,,

    قصيده قلتها في الوطن فبل أيام معدوده,,


    السلام عليكم ورحمة الله وبركاته


    هذي قصيده وطنيه والوطن له حق كبير على كل مواطن

    والله يحفظ اوطاننا من كيد الأعداء وأليكم القصيده :






    الله يعز الوطن ويعز حكامه
    الله يعز الوطن في ظل أخو نوره

    الله يعز الوطن والعز بأسلامه
    الله يعز الوطن وعداه مدحوره


    الله يعز الوطن والشر بعدامه
    الله يعز الوطن وأليا بدت ثوره

    حنا فشق للوطن وسيوف وحزامه
    دونه نشوت المعادي شوتت الكوره

    حنا جيوش الوطن خلفه وقدامه
    عدونا لقمته تنشب بحنجوره

    عاش الوطن بالفخر ويعيش بنظامه
    سنة محمد وشرع الله دستوره

    في ظل شيخ.ن مليك.ن شامخ الهامه
    من اسرتن من قديم الوقت مشهوره

    في ظل ابومتعب الله يمهل أعوامه
    يالله عسى ما يجيه أخلاف وخطوره

    عاش الملك حارب الأرهاب واجرامه
    عاش الملك ما نعارض رايه وشوره

    عاش الملك سجل التاريخ بقلامه
    عاش الملك يسعد الحضار بحضوره

    عليه تاج الوفا والطيب ووسامه
    مواقفه شاهده بالصوت والصوره

    عبدالله اللي يدوس الضد بقدامه
    بسياسته يجعل العدوان مقهوره

    خادم بيوت الحرم والشعب خدامه
    المملكه بنت ابومتعب ومعموره

    حافظ عليها بستر الشعب واكرامه
    من وابل العدل والأحسان ممطوره

    يدعي له المسلم اللي يلبس احرامه
    يدعي له اللي بلاه الوقت في جوره

    راعي وفا والوطن عاشوبه ايتامه
    ما يوفي الشعر في مدحه ولا بحوره

    ولي عهده سواته يقهر اخصامه
    مواقفه بين كل الناس مذكوره

    سلطان جعل السعد يصحبه بيامه
    سلطان يمنى الملك باللين وعسوره

    سلطان يبصم له التاريخ ببهامه
    سلطان شر العدى شله من اجذوره

    كم من فقيرن نصاه وحقق احلامه
    كم فك نفس.ن من الضيقات محشوره

    ياهاجسي والشعر يطلبك بأطعامه
    ياهاجسي جملي منتي بمعذوره

    عومي مع اللي بوسط البحر عوامه
    دام الوطن في سماه اترفرف اطيوره

    حكامنا بالطويله تركز اعلامه
    والشعب واحد وأل سعود مشكوره

    عيال عودن يقود المجد بأخطامه
    وحد وضم القبايل وأنجر بدوره

    سيفه ليا أوما يقص العرق وعظامه
    معاركه بين كل الناس مخبوره

    شيد صروح الوطن واستعزف أنغامه
    زاح الجهل يوم بعض الناس معثوره

    عبدالعزيز الملك رجم العلا رامه
    يالله عسى يسكن الفردوس وقصوره

    يوم القيامه عسى يدمح أثامه
    الله يبيحه ولا قصر بمذخوره

    عسى سحاب.ن يلوح البرق بركامه
    يسقي وطنا ويزهى القاع بزهوره

    حنا بأمانه وأمن من كل هدامه
    أبلادنا من عظيم الشان منصوره

    الشر دونه نصك الباب والجامه
    نحمي بلدنا وعهد الله ما نبوره

    ويالله رحمتك وقت انشور وقيامه
    رحمتك ياللي بديه الموت ونشوره

    وعداد راس.ن عليه اعقال وعمامه
    وعداد غصن.ن يجر الصوت عصفوره

    وعداد دمع.ن يسيل وغرق اكمامه
    وعداد دور الزمان ودورة اشهوره

    صلو على محمد المرسول بختامه
    الهادي اللي هدانا وأكتمل نوره














  2. ᵽ¡ҋʞ ║•
    19-07-2011, 02:07 AM

    رد: قصيده قلتها في الوطن فبل أيام معدوده,,

    قصيده قلتها في الوطن فبل أيام معدوده,,




    عاش الملك حارب الأرهاب واجرامه
    عاش الملك ما نعارض رايه وشوره

    عاش الملك سجل التاريخ بقلامه
    عاش الملك يسعد الحضار بحضوره

    يالبيةة بس

    ابيات في قمةة الروعةة ~

    اختيار موفق ‘

    دمت مبدع ~
  3. *مزون شمر*
    19-07-2011, 06:11 AM

    رد: قصيده قلتها في الوطن فبل أيام معدوده,,

    قصيده قلتها في الوطن فبل أيام معدوده,,


    الله الله
    نص رائع
    صح السانك و يسلم منطوقك
    لاهنت على الرائعه
  4. صقر المحيلبي
    19-07-2011, 12:58 PM

    رد: قصيده قلتها في الوطن فبل أيام معدوده,,

    قصيده قلتها في الوطن فبل أيام معدوده,,


    صح لسانك يالامير ولا هنت وهذا ليس غريب عليك انت كريم والوطن يستاهل