من زود ماحبك وأنا داخل البيت أوطوف وأدعي ولا أدعي لك لحالي

الشعر, قصيدة , شعراء, القصايد ارسال إلى Twitter ارسال إلى facebook
  1. أسير النعيرية
    19-07-2011, 12:27 AM

    من زود ماحبك وأنا داخل البيت أوطوف وأدعي ولا أدعي لك لحالي

    من زود ماحبك وأنا داخل البيت أوطوف وأدعي ولا أدعي لك لحالي


    بسم الله الرحمن الرحيم

    أقدم لكم هذه القصيده أرجو أن تحوز على أعجابكم ورضاكم :





    صديت لكن ليتني يوم صديت
    مخبره بأنه على القلب غالي
    واليوم قاعد بين ليته ويا ليت
    ليته سمعني ليت ماهوب سالي
    يا جرح(ن)قلبي علامك تناسيت
    حلم(ن)تقوده بين صم الجبالي
    حبك بقلبي داخلي لو توفيت
    من جو عيني وأرسمه وسط بالي
    من زود ما أحبك وأنا داخل البيت
    أطوف وأدعي لك ولا أدعي لحالي
    مدري عن أحوالي ليا من توضيت
    يمكن سحاقه ما يفيد الطوالي
    يا شين حظي من عنا الوقت ونيت
    ويا طيب حظك من عنا الوقت خالي
    لا تحسبني ظافر(ن) يوم قفيت
    أجاوب أشجاني ولا من موالي
    في شذوتك خلك ولو ما تشافيت
    ولا نيب أدور بين قيل(ن) وقالي
    حبك طبعته في خفوقي ولا أزريت
    وأعشق هبوب(ن) لافيه من شمالي
    أحاول أمحي حبكم مير ما أمحيت
    وفي حلمي أشوفك سوات الغزالي
    لا قاوي(ن) زولك بحلمي ولا أمسيت
    حتى لقيتك وسط جوف الخيالي
    العام يدك في يدي ما تنحيت
    تنعش فؤادي يا سمو الدلالي
    واليوم لو مديت يدي تماديت
    السانيه طاحت وقطعت أحبالي
    أهب يا عرق(ن) شبك ما تهقويت
    إمسي(ن) عمه وصبح بخالي
    صارت عوايد وأجرحتني وكنيت
    ما ذاقها سمع العدات النذالي
    بكره ليا من جيت غيرك وحبيت
    مانيب ناسي حبنا لو صفالي
    أشوفهم بالجال وأنتم هل البيت
    لو تلتفت تلطم صواديف جالي
    صبري كما صم الجبال وترديت
    في غيبتك صاوي وساهر لحالي
    لا يا غرام(ن) كل ما قلت سجيت
    يضيق صدر(ن) مثل صدر الشمالي
    ميسوره أحوالي ليا من توحيت
    قلب(ن) هجرته صاح وين الموالي
    يا رائد(ن) فالجوف ليه أنت بديت
    فصل المورد عن براد الظلالي
    وأشوفك تقاوم ولا أشوفك أرخيت
    حتى دعيت الثايره بس تعالي
    لو كان قربك مثل الأمريد بليت
    جرح(ن) جرحته يا سمو الدلالي
    ضعيتني خليتني داخل البيت
    أطوف وأدعي لك ولا أدعي لحالي





    وسلامتكم
  2. ᵽ¡ҋʞ ║•
    19-07-2011, 12:42 AM

    رد: من زود ماحبك وأنا داخل البيت أوطوف وأدعي ولا أدعي لك لحالي

    من زود ماحبك وأنا داخل البيت أوطوف وأدعي ولا أدعي لك لحالي



    إختيار موفق ~

    بإنتظار جديدك ~

    تقبل مروري

    دمت متألق ~ ‘
  3. اعتزلت الغرام
    19-07-2011, 01:04 AM

    رد: من زود ماحبك وأنا داخل البيت أوطوف وأدعي ولا أدعي لك لحالي

    من زود ماحبك وأنا داخل البيت أوطوف وأدعي ولا أدعي لك لحالي


    لو كان قربك مثل الأمريد بليت
    جرح(ن) جرحته يا سمو الدلالي
    ضعيتني خليتني داخل البيت
    أطوف وأدعي لك ولا أدعي لحالي

    .............

    أبيات راقيه جدا و ذوق جميل

    أهنئك ع هالابداع و الذوق الراقي

    )) اشكرك ((
  4. أسير النعيرية
    19-07-2011, 01:10 AM

    رد: من زود ماحبك وأنا داخل البيت أوطوف وأدعي ولا أدعي لك لحالي

    من زود ماحبك وأنا داخل البيت أوطوف وأدعي ولا أدعي لك لحالي


    يعطيكم العافيه ومشكورين على الرد السريع