وحشتيني

الشعر, قصيدة , شعراء, القصايد ارسال إلى Twitter ارسال إلى facebook
  1. ظحكة حسين
    12-07-2011, 11:40 AM

    وحشــــــتيني

    وحشتيني


    وحشتيني كثر ماقلت من قلبي (أحبك موت)
    وحشتيني..وحشتيني..كثر ما أنتي وحشتيني..؟
    يقولون الجفى حب محنط داخل التابوت
    وأقول إن الفراق الموت وإن الوصل يحييني.!
    أنا ياحبي الغايب شعور من وفا مكتوت
    على صفحة كتابي منسكب من شان تقريني..؟
    أنا فدوه لعيناكي أنا فدوه لذاك الصوت
    أنا رهن الغلا اللي يزدحم داخل شراييني.!
    أنا فدوه لذيك الشفتين أم الكرز والتوت
    وأنا فدوه لذيك الشامه اللي عذبت(عيني)
    ويالبى المبسم اللي لا أنجعد غمازتيه سكوت
    تقول إن الحلا مني وأنا منه وهو..فيني
    ويالبى النحر وألماسته واللول والياقوت
    أنا مدري ولكن كيف ما ادري لاتلوميني.!
    غشاني ماغشاني صمت يحكي عن سحر..هاروت
    ونساني غرابيل..جرت في سالف سنيني..؟
    ذبحني خصرك الضامر ياغصن من شجر نبوت
    يلين وينثني ..لاهبه النسناس يغريني.؟
    أنا شاشه تبث الشوق وأنتي يدك الريموت
    على كيفك وتحت أمرك على أيت..شي حطيني
    غرامي من غرامك في بحور أهل الهوى مفلوت
    دخيلك يابعد قلب المشقى لاتخليني
    رميت بكل عمري في بحر حبك وشته شوت
    إلا منك لقيتي عمري الضايع..لقيتيني!!
    على موج البحر ماهبت من غدره ولا من حوت
    أضحي لجل عينك وانتي المرسى ورسيني.؟
    حبال الوصل بأيدينك ولا أمهلتي يفوت الفوت
    طرفها ياغناتي ماسكه في قبضة..يديني..!!
    ضميتك وانتي الماي القراح..وجعت وانتي القوت
    وياكيف اهتني واعيش كان إنك../تركتيني..؟
    نقشت أسمك على عوج الضلوع وبالغلا منحوت
    وهو باقي على حطت يدك وانتي تخبريني.!
    تسابق لك شعوري بالقصايد وابتدعت بيوت
    بها من صادق الإحساس يكشف لك عناويني.؟
    أنا قصة هوى عاشت بعد قصة (عقاب)و(نوت)
    وما جاهم من الفرقى ياخوفي بس ..ياتيني ؟
    أنا في وجه من يدري عن اللي بالحشا مكبوت
    يهونها علي وبالمفارق مايجازيني.!
    والا يالله أنا عبدك ضعيف وتاليته/الموووت
    طلبتك تغفر/ذنوبي/وتصلحني/وتهديني..
    أنا شاعر يهيم بكل وادي والأنام خفوت
    ولا غيرك ليا هوجست في مسراي..يوحيني..!!
  2. طير القوافي
    12-07-2011, 01:17 PM

    رد: وحشــــــتيني

    وحشتيني


    صح لسانك لسان الشاعر
    رائعه
  3. ظحكة حسين
    12-07-2011, 01:24 PM

    رد: وحشــــــتيني

    وحشتيني


    صح بدنك والشاعر ترى اخوي
  4. مرامي البدر
    12-07-2011, 01:46 PM

    رد: وحشــــــتيني

    وحشتيني



    +

    +

    روؤوؤوؤوؤوؤوؤوعه

    وتسلم يد خطت ويد اتحفتنا بهالبوح

    ودي لذلك الابداعै‏
    ‏ ‏