لا صار صوتك صدى

الشعر, قصيدة , شعراء, القصايد ارسال إلى Twitter ارسال إلى facebook
  1. عبدالله صالح العمري
    29-06-2011, 05:50 PM

    لا صار صوتك صدى

    لا صار صوتك صدى


    لا صار صوتك صدى

    ما دام شوفك غدا .. ما يملي عيوني
    يا كيف غيرك تقر بشوفته عيني

    ولا صار صوتك صدى ما يحرك شوجوني
    يا كيف صوت الربابه عاد يشجيني ؟

    لا يا حبيبي حياة الروح مضنوني
    لا تسمح الخاقك .. يقسى وتضنيني

    ما همني لو جميع الناس يجفوني
    شوفتك عن كل من في الكون تغنيني

    النور من طلعتك يشرق على كوني
    والورد من بسمتك يضحك ويغريني

    صورتك بين الرموش وظلة جفوني
    عن شوف غيرك تغمض بي وتعميني

    من صغر سني مولع بك ومفتوني
    معسول حبك تغلغل في شراييني

    أعيش في شبه غيبوبه ومجنوني
    إن غبت عني حسبت الساعه سنيني

    وادري أنا بخافقك لي ود مكنوني
    في البعد طيفك يصور شوقك لعيني

    ما اعيش دونك ولا انت تعيش من دوني
    لا فرق الله حبيبي .. بينك وبيني


    شعر : عبدالله صالح العمري
  2. اعتزلت الغرام
    29-06-2011, 06:18 PM

    رد: لا صار صوتك صدى

    لا صار صوتك صدى


    إبداع

    قصيدعه روعه و أبيات اروع

    أهنئك ع هالابداع
  3. ᵽ¡ҋʞ ║•
    30-06-2011, 11:42 AM

    رد: لا صار صوتك صدى

    لا صار صوتك صدى




    صح لسانك خيو ~

    أبيات في قمةة الروعةة

    بإنتظار جديدك


    دمت بود
  4. غآلي
    30-06-2011, 02:14 PM

    رد: لا صار صوتك صدى

    لا صار صوتك صدى


    ما دام شوفك غدا .. ما يملي عيوني
    يا كيف غيرك تقر بشوفته عيني

    ولا صار صوتك صدى ما يحرك شوجوني
    يا كيف صوت الربابه عاد يشجيني ؟



    صحححححححححح لسانك يالشاعر
    رائع رائع رائع يعطيك الف عافيه