لا تعلقني فديتك

الشعر, قصيدة , شعراء, القصايد ارسال إلى Twitter ارسال إلى facebook
  1. الاطلال
    26-06-2011, 11:15 AM

    لا تعلقني فديتك

    لا تعلقني فديتك


    تكفى اعلنها صريحه قل [أبيك] أو [ما أبيك]
    الصراحة بالمحبه...[عادي] ما فيها زعل !

    أنطر بلهفه جوابك كل مابي يحتريك
    لا تعلقني .. فديتك ماني قادر أحتمل


    كل [عرقا بي يحبك كل مابي يشتهيك
    مدري حبي لك طبيعي] والاعامل لي عمل


    والا وش معناها اني [انجرح منك واجيك]!
    وليه أحبك في جنون] وأنت قاتلني قتل؟؟


    شفني لعيونك حضرت وكل حياتي في يديك
    مدري حسيت بحضوري والا كل هذا ثقل !


    قلبي اللي ملكته .. رافضا هذي و ذيك
    عمره ما فكر بغيرك.. ولا عن [ثاني] سأل

    رافض الفكرة بتاتا ما يساوم مره فيك
    أنت متربع لحالك ...وان ظهر [غيرك] أفل !

    أن جرحته يبتسم لك لو تبيعه يشتريك
    هو جنون الحب هذا ? أو كذا سلوم الغزل!

    الغريبه اني اسكت] لو تجي عيني بعينيك
    المشاعر في حضورك ضاعت بلحظة خجل

    ماقدر ينطق لساني ماجمع [حرفين بيك
    وانا ياما في [غيابك] قلت في وصفك جمل

    ارفق بقلبا يحبك بح صوته...يرتجيك
    وانتا مو راضي تبين وش أسوي لك اجل ?

    لو تبي عيوني حلالك اشر [بأصبع] تجيك
    مهما كان اللي تبيه و مهما بسبابه حصل !

    حط في بالك حبيبي....كلي ما أغلى عليك
    مهما تجرحني تاكد..... كلها عندي عسل !

    طال صمتك وصمتي .. قلت[ياويلي عليك]
    في عيوني لك [كلام] وفي حطامي لك أمل

    حتى لو طول [سكوتك] انا صابر واحتريك
    مستحيل احب غيرك لو يسموني خبل !

    تكفي أعلنها صريحة قل[أبيك] او[ما أبيك]
    لا تعلقني [فديتك] ......ماني قادر أحتمل!!

    مما راق ليه
  2. ᵽ¡ҋʞ ║•
    26-06-2011, 12:01 PM

    رد: لا تعلقني فديتك

    لا تعلقني فديتك




    حط في بالك حبيبي....كلي ما أغلى عليك
    مهما تجرحني تاكد..... كلها عندي عسل !

    إيبات في قمة الروعة ة ~

    صح لسان كاتبها وسلمت إيد ناقلها ~

    بإنتظار جديدك بكل شوق


    احلا تقييم لك

    دمت بخير