قصيدة جدي رحمه الله مخاطبا التيس


قصيدة الشاعر:
رشيد بن عابد الترجمي رحمه الله
مع التيس
قال رشيد :
ياتيوس وين أخويكن ياتيوس
حتى نقول أخويهن ذمرنه
ولايدرقن شي ولو كان مدسوس
واللي معه مشروه عيب يكنه
التيس :
أسكت ترا قلبي من الهم محموس
يابس كما حمس المقهوي لبنه
ماشفت أبونا صابته علة الروس
من أفعالك الي قدمنا شيبنه
قال رشيد :
لو الله إلا دق بالتيس هاجوس
جنه هواجيس الخلا وأخلفنه
إن كان هذا علمكم صدق ياتيوس
الله عساكن كلكن تلحقنه
التيس :
قدامك اللي لربع حرسوس
ويخلي التيس يكبر بسنه
وإن كان باعه جابله حوشة فلوس
كم واحد له هو ردي قلطنه
قال رشيد :
ياتيس يانمس تشومت لنموس
حرسوس ماعمر الركايب نصنه
مابيكن إلا تغرمن راعي الموس
والرز بين ضيوفنا تادمنه