مات حبك بس احبك

الشعر, قصيدة , شعراء, القصايد ارسال إلى Twitter ارسال إلى facebook
  1. همسة الحب
    21-06-2011, 05:40 PM

    مات حبك بس احبك

    مات حبك بس احبك


    قصيده بعنوان مات حبك بس احبك.......



    ولك مشتاك الك انه اعترف مشتاك
    افكر بيك صدك عايش بحركه

    واذا واحد ذكر اسمك يهزني الشوك
    واحس كل الخلايا بجسمي محتركه

    بعدهه ايديه ترجف من يمر طاريك
    وبعدهه الروح ضلت بيك متعلكه

    تذكر جنت اشبكك و انشبك بيديك
    واسافر للشمس من تكبر الشبكه

    باوع خدك الجنت انه ابوسه هواي
    هم تذكرني لو غيرتك الفركه ؟؟

    بوساتك بعدهه بصدري يمي تبات
    وعطرك بعده يصعد بيه كل شهكه

    غلط صار وظلم فرقنه ليش شلون
    طحنه وللأسف وركه بأثر وركه

    وي نفسي شكثر مرات احجي اعليك
    وأرد ارجع واكولن هو هم حكه

    تعب خلكي شكثر تعبني التفكير
    خلكي من التعب مل حته من خلكه

    انه اتنازلتلك وبجروحي ارضيت
    لان شفتك صدك مرتاح بالفركه



    اريد الخير الك وتحب بعد وتعيش
    ومرسومه تضل بشفافك الضحكه

    خل يبقه الحزن طلقه ويه كلبي تنام
    وخل يبقه الزمن شايل علي تفكه

    باجر تعشك ويهواك غير انسان
    واذا كلك يحبك مثلي لتصدكه

    نعم تلكه اليحبك وانه اضن الكيت
    بس كد ماهويتك والله ماتلكه

    اكثر من ابوك وامك انه اهواك
    واضن باين علييه بساعة الملكه

    خلص هسه انتهينه وعمري صار كتاب
    خليه اعله رفك والمهم طبكه

    ضل اسمك نبض فاضحني صبح وليل
    يدك بكلبي سيف وتجرح الدكه
  2. *مزون شمر*
    22-06-2011, 04:04 PM

    رد: مات حبك بس احبك

    مات حبك بس احبك


    قصيدة جميله
    يعطيك العافيه عالنقل
  3. همسة الحب
    22-06-2011, 04:15 PM

    رد: مات حبك بس احبك

    مات حبك بس احبك


    شكرا على المرور
  4. اعتزلت الغرام
    22-06-2011, 04:26 PM

    رد: مات حبك بس احبك

    مات حبك بس احبك


    قصيده جميله و ذوق أروع

    ... اشكرك ...
  5. اميرالظلام
    22-06-2011, 04:26 PM

    رد: مات حبك بس احبك

    مات حبك بس احبك


    راقت اي اوي

    يسلمو
  6. دنيتي صعبه بدونكـ
    22-06-2011, 10:53 PM

    رد: مات حبك بس احبك

    مات حبك بس احبك


    حياتي قصيدة روووووؤؤوعه
    في انتظار جديدك
  7. مناور
    23-06-2011, 07:52 AM

    رد: مات حبك بس احبك

    مات حبك بس احبك


    شلال موج ..
    تتوالى !افواجا افواجا
    اعلى حاجبين تقوستا لناظري .. "اقواسا"



    >~~~~~~~~~~~~~~~~



    الرجاء تقبل مروري : وإختيار رائع وايادي من حرير



    طلتك لامواجها " عندي " تسوى البحر .