قصيدة سيف العشق - مساعد الرشيدي

ديوان الشاعر مساعد الرشيدي ارسال إلى Twitter ارسال إلى facebook
  1. جرح الغدر
    03-12-2006, 06:45 PM

    قصيدة سيف العشق - مساعد الرشيدي

    قصيدة سيف العشق - مساعد الرشيدي


    كيف أطفي الريح بثيابك وكيف اشعلك
    كيف اتنثر على جمرك وكيف احتويك

    نقضت لليل الحرير وجيت ما انت لهلك
    سميت باللي فتني بك وقلت ابتديك

    هذا اول الدرب اوهذا الطريق اولك
    جيت اتوقا عذابات المدى واهتديك

    شوقي مسافة وهمساتك مدار وفلك
    ان ما ضميتك غلا ياعلني ما ارتويك

    اية اعرفك واعرف اني من غلاك اجهلك
    مرات اضمك واخاف اني مشبة عليك

    مرات اشوفك بنفس الوقت واتخيلك
    وانشد كفوفي عن اخر سالفة من ايديك

    اعن لك لو تصب الموت واتهيلك
    واجوع لك واتمنى خنجرك واشتهيك

    ماقلت لك عمر سيف العشق مايقتلك
    ماتشوفني حي قدامك وانا اموت فيك

    اشتق لك قبل اجيك وجيت واشتقت لك
    لبارحة طول ليلي بين هاذي وذيك

    مليت جمر انتظارك واستحيت اسالك
    واحسبني ما بعد جيت وفكرت اجيك

    اثرك بقلبي من البارح وانا استعجلك
    واثري نسيتك من الفرحة وقمت احتريك

    http://www.movn.net/MSa3D_AL_RSheDY/Seef_AL_3SHG.ram
  2. أروى
    29-06-2009, 08:04 PM

    قصيدة سيف العشق - مساعد الرشيدي


    يسلموووو
  3. طير القوافي
    21-07-2009, 01:40 PM

    قصيدة سيف العشق - مساعد الرشيدي


    ماقلت لك عمر سيف العشق مايقتلك
    ماتشوفني حي قدامك وانا اموت فيك

    الله الله
    صح لسانك