الدمعه اللي ماتهز صدور ربعي لاتسيل

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. تحكمني قناعاتي
      06-06-2011, 05:39 PM

      الدمعه اللي ماتهز صدور ربعي لاتسيل

      الدمعه اللي ماتهز صدور ربعي لاتسيل













      الدمعه اللي ماتهز صدور ربعي لاتسيل


      لولا البكا ماينشرح خاطر ولاينزاح ويل
      خل الكدر يطفي سعير الليلتين اللي خلت

      دام العيون الليا اهملت تشفي القليل من الغليل
      الله يبارك بالعيون اللي ليا ضقت اهملت

      دمعة قهر تثبت لي ان اللي يحبوني قليل
      ولاضحكه بوجيه ناس لي تضايقت انكلت

      البارحه يوم الهموم تحط بالصدر وتشيل
      والشاهد الله ماحبست بمحجري دمع وفلت

      الدمعه اللي ماتهز صدور ربعي لاتسيل
      اكنها مثل الجمر ولايقولون انزلت

      اللي وهو مافزلي كنه محملني جميل
      اجيه برجولي عشان اشكي له الحال ؟ اكملت

      ماكل من شافك قوي يفرح ليا جيته ذليل
      الناس لي من حست بضعف الشجاع استذلت

      بعيونهم ببقى مثل ماللهبوب من النخيل
      على كثر ماضامها صفق اللواهيب اعتلت

      وشلون احس ان العذاب اللي على متني ثقيل
      وانا ادري ان اللي تصبرني على الحزن وصلت

      معشوقتي لاضاق صدري من ليالي الحزن ليل
      ياكثر ماشربت معي من علقم الحزن وكلت

      معشوقتي ما للفرح برجوعها يمي سبيل
      الا مثل ما للربيع من الزهور ليا ذبلت

      معشوقتي من عمر جيل ومدرسة مليون جيل
      معشوقتي ورث السنين اللي تجلت وانجلت

      اللي على كثر المصايب كل مافيها جميل
      الناس لي كبرت تشين وذيك لي كبرت حلت

      لامن تثنت للهبوب تميل اللي مايميل
      وان مالت عقول الخفاف من الرياجيل اثقلت

      كن الكلام بثغرها مجرى سبيل للسلسبيل
      مسترسله لو ماضميت ولو ضميت استرسلت

      تقبل على لون المسا لاجات مفتوله جديل
      غصبن عن عيون النسا مايرمشن اليا قبلت

      عشقتها لاني من اللي يعشقون المستحيل
      صدقتها لانها لي قالت القول : افعلت

      الترفه اللي تنطح الفريس وتفك الدخيل
      ما الرجال اللي تحملني مثل ماستحملت

      لو كل خلق الله ملو ماتمل وماتميل
      لان الرجال بهالزمن قلو هذيك استرجلت

      ان كان وقفتهم معي من باب مايخدم بخيل !!
      هذيك ماهيب وقفت جنبي .. هذيك تبهذلت

      خانوا وهي ماهونت عالو وعيت لاتعيل
      تبدلتت كل الوجوه وذيك ماتبدلت

      لانه ليا عز الرجا ما للخليل الا الخليل
      ماكد قرت في محجري قصة عن الحزن وسلت

      كل الذي يجري معي يجري مع الطرف الكحيل
      اليا رضيت ترضى عشاني وان تزعلت زعلت

      تدوي بخفاقي دوي لين احيت الحلم القتيل
      عشق بدويه لبدوي لاجت على البذل ابذلت

      معها عرفت اني قوي حتى وانا مافي حيل
      واعدها بمية خوي كان الهموم استفحلت

      دام الشدايد تكشف بصاحبك معدنه الاصيل
      ليت السنين اللي حدتني على الضياع استعجلت

      الشدخ اللي تثبت ان اللي يحبوني قليل
      ولا ضحكه بوجيه ناس لي تضايقت وانكلت

      بنت ليا منك وقعت تشيلك من القاع شيل
      ابرك من وجيه الرجال اللي ليا طحت جفلت






      مما راق ليالدمعه اللي ماتهز صدور ربعي لاتسيل

      دمتم بحفظ الرحمن












      تقبلوا ودي :

      تحكمني قناعاتي






      م/ن
      250*300 Second
    2. اعتزلت الغرام
      06-06-2011, 07:42 PM

      رد: الدمعه اللي ماتهز صدور ربعي لاتسيل

      الدمعه اللي ماتهز صدور ربعي لاتسيل


      الشدخ اللي تثبت ان اللي يحبوني قليل
      ولا ضحكه بوجيه ناس لي تضايقت وانكلت

      بنت ليا منك وقعت تشيلك من القاع شيل
      ابرك من وجيه الرجال اللي ليا طحت جفلت




      روعه قصيده جزاله وفي قمة الإبداع
      راق لي ما راق لكي
      أهنئك ع هالذوق الراقي
    3. غآلي
      07-06-2011, 05:00 PM

      رد: الدمعه اللي ماتهز صدور ربعي لاتسيل

      الدمعه اللي ماتهز صدور ربعي لاتسيل


      راق لي ماراق لك

      يعطيك العافيه ع الذوق الراقي
    4. ᵽ¡ҋʞ ║•
      29-06-2011, 10:46 AM

      رد: الدمعه اللي ماتهز صدور ربعي لاتسيل

      الدمعه اللي ماتهز صدور ربعي لاتسيل



      ماكل من شافك قوي يفرح ليا جيته ذليل
      الناس لي من حست بضعف الشجاع استذلت

      عجبتني هالبيت ~

      تسلم يالغلا ع هالذوق الحلو ‘ ~

      بإنتظار جديدك

      دمت بخير ~