رواية قلبي تعلق فيك بقلمي

brbr

New member
بداية السلام عليكم ورحمة الله وبركاته

هاذي الروايه حقيقية وانا كتبتها بيدي ...

اتمنى لكم قراءه ممتعه :c:


ابطال الروايه :

اموش : 19 سنه متخرجه من الثنوي وسجلت ترم في الجامعه والترم الثاني سحبت ، صديقتها المقربه بيرو ، حنونه طيبه مرحه تحب اهلها وصديقاتها و تحب سلطان وهو حلم حياتها .. جسمها نوعا ما حلو لا سمينه ولا نحيفه وسط لكن كل شي يطلع عليها حلو .. بشرتها عموما بيضاء شوي وشعرها اسود طويل شوي وناعم ...

بيرو : 19 سنه متخرجه من الثنوي وماتدرس .. الصديقه المقربه لها وتوئم روحها اموش ، قلبها ابيض وطيبه كثير وحساسه ورومنسيه ..
كانت تحب ولد خالتها خالد وخطبها وفسخو الخطوبه بعد 9 اشهر والتفاصيل في الروايه..
شعرها نص ونص مو مره طويل ولا مره قصير أشقر من الله وهي مخصلته خصل ذهبيه.. جسمها مليان شوي يعني شوي سمينه بس حلو عليها وخدودها حمر تجنن وبشرتها بيضا كثير...

تون : اخت اموش الي اصغر منها عمرها 17 سنه .. ثاني ثنوي ادبي .. شاطره في المدرسه وعندها طموح كبير وتفائل في الحياه ..

طيبه وحنونه كثير فيها شوي غموض مزاجيه نوعا ما .. دلوعه ودلعها يجنن .. جسمها صغير ونحيفه كثير وشعرها طويل كثير اسود وناعم بس مجعد شوي .. تحب اخواتها واهلها كثييير ..

جنو : 19 سنه .. سمراء شوي قصيره ونحيفه شعرها وسط لا ناعم ولا خشن بس تجنن..

تحب تستهبل وتمزح روحها مرحه كثير ضحكتها عاليه ومزعجه شوي ههههه بس حلوه تجنن ..

ماتشيل بقلبها على احد وحساسه ومرهفه ...


زيكو : 19 سنه .. متخرجه ثنوي وتدرس في معهد انجليزي ..
طويله ونحيفه شعرها مو طويل ولا قصير مو ناعم ولا خشن طبيعي وحيوي .. هي انسانه طيبه ومتواضعه تحب الكل مريحه تقط بالوجه متشدده شوي وتحب تنصح صديقاتها ..وتكره الغلط

حبوبه تجنن قلبها ابيض ماتحقد ولاتشيل بقلبها على احد ...

..... البارت الاول..........​


انتهت سنة ثالث ثنوي وتخرجنا كلنا .....

اموش ..انتسبت لجامعة الملك فيصل تخصص تربيه خاصه درست ترم وتركت الجامعه بعدها .. قالت بتاخذ اختبار قدرات من جديد يمكن يقبلونها بوحده من الجامعات الي في مدينتنا ...

بيرو ... طنشت هالسنه وماسجلت جامعه باختصار مالها خلق دراسه قالت اخذلي بريك سنه بعدين اكمل ... توظفت بوظيفه بسيطه وبراتب بسيط .. المهم تشغل وقتها بشي مفيد وبالتالي تستفيد من هالسنه الي بتروح على الفاضي ..

زيكو .. سجلت معهد تحب تستفيد من وقتها وبتعيد القدرات عشان تدخل جامعه السنه الجايه ..

جنو .. ماقبلوها الجامعات وطنشت ماسجلت .. قدمت لكليه تمريض وماقبلوها بس سجلت معهد كورسات انجليزي شهرين هي وبيرو عشان يشوفون بعض ويضيعون وقت ..

تون : مهتمه لدراستها كثير .. حريصه على النسبه تبي تتخرج وتسافر للخارج تكمل دراستها .. تدرس بصف ثاني ثنوي ادبي ... تحب وحده اسمها جمول .. جمول هاذي على حسب كلام تون عنها انها طيبه مره وذوق واسلوبها جذاب ويسحر ... المهم انهم يحبون بعض ...

البدايه ::

في المسن :

اموش : بيرو وينك وحشتيني !!

بيرو : والله توني راجعه من السفر صارلي يومين بس

اموش : الحمد لله على السلامه

بيرو : الله يسلمك يارب

اموش : كيفك وكيف الاجازه ؟؟

بيرو : الحمد لله انبسطنا كثير .. انتو ؟؟

اموش : حلوه كثير الحمد لله انبسطنا ..

>> كملو السوالف والسلام


بيرو وجنو سجلو في المعهد سوا..

اليوم الاول :

بيرو راحت بدري كالعاده توصل عالموعد ..وجالسه في الكلاس

دخلت جنو .. وقامت بيرو ويضمون بعض

جنو : بيرو كيفك ؟؟ وحشتيني

بيرو : بخير والله انا مشتاقتلك اكككككثر

وكملو الكلام والسوالف بينهم طبعن لهم 5 او 6 اشهر ماشافو بعض

ابرار كانت متعرفه علة واحد في النت جاتها اضافه وقبلت .. على اساس انها اموش صديقتها لأنو الايميل يشبه ايميلاتها فهي فكرت انو هي مسويه ايميل جديد

في المسنجر :

بيرو : هاي اموش وينك يالقاطعه ؟؟

....... : هلا

بيرو : كيفك ايش اخبارك ؟؟

......: بخير انتي كيفك ؟؟

بيرو : مشتاقتلك ياروحي وحشتيني ..

.......: بصراحه انا مو اموش انا واحد واسمي فهد .. اخذت ايميلك من بروفايل وحده من البنات

بيرو: ايش؟؟ ايش يعني ؟؟ وانت ايش تبي مني ؟؟

فهد : انا اسف لو ازعجتك بس انا ابوي مات .. وحالتي النفسيه تعبانه ابي احد يسمعني ويفهمني.. ما ابي منك شي بس ابي تسمعيني وتفهميني واشتكيلك همي ..

بيرو تعاطفت معاه ..

بيرو : ايش تبي الحين ؟؟

فهد : شكلك عصبتي وماتبين تكلميني .. انا اسف خلاص احذفيني اذا تبين

بيرو : طيب قول الي عندك مراح احذفك ..

فهد : انا بقولك عن نفسي وانتي قوليلي عن نفسك

بيرو: اوك

فهد : انا فهد عمري 23 سنه اشتغل وادرس بنفس الوقت عشان اصرف على اهلي واخواني وانتي كم عمرك

بيرو: عمري 19 مخلصه ثنوي وما ادرس جامعه

فهد : طيب ما قلتيلي اسمك !! لو ما يضايقك

بيرو : اسمي بيرو ناديني بيرو

فهد : طيب بيرو انا مستعجل والحين وبطلع اشوفك مره ثانيه ..

بيرو : اوك مع السلامه

فهد : مع السلامه

بيرو جلست تفكر بللي صار .. معقوله انا اخون اهلي واكلم واحد ؟؟؟ لا مو معقول بس عادي هو مسكين يبي احد يسمعه ويشتكيله همه .. يلا ما وراي شي خليني اسمعه حرام يمكن مسكين ..


دخلت اموش للمسن ......

بيرو : اموش ..... وقالت لأموش كل الي صار .. طبعن بيرو مستحيل تخبي شي على اموش

قالت اموش :: بيرو لا تصدقيه هاذا واحد كذاب كلهم كذا لاتصدقيه

بيرو : اموش حرام شكله مسكين ويعاني

اموش : كلهم يبدون كذا بعدين ينكشفون لاتصدقيه

بيرو : معليش اضيع وقتي معاه

اموش : بكيفك بس انا قلتلك ..

..............

خلص البارت الاول

ايش توقعاتكم؟؟؟

مين هاذا الي ضاف بيرو وكلمها ؟؟

بيرو ايش بتسوي ؟؟

اموش ايش بيكون موقفها من الي صار؟؟؟


وجنو بتكمل المعهد والا لا ؟؟


انتظر ردودكم حبايبي :b:
 
ولوووو ياعرب من اول روايه محد يرد علي ؟؟؟ :(

وين الردود والحماس ؟؟

مراح اكمل لين الاقي ردود :)
 
عودة
أعلى