12

اهم شي سويت اللي بنفسي انا وشارون

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. ريم الرياض
    30-11-2006, 10:51 PM

    اهم شي سويت اللي بنفسي انا وشارون

    اهم شي سويت اللي بنفسي انا وشارون


    السلام عليكم ورحمة الله وبركاته

    بعد التحيه والسلام يحلا الكلام ........

    نبدا اللعبه قصدي القصه


    في احد ايام اغسطس الجميله اللي فيه كلن يسافر يتمشى خارج الوطن مدري وش يدورون لوانهم يجلسون بربوع بلادنا

    الخلابه اللي فيها الخضره والماءوالوجه الحسن ((خضره وماء يمكن بس وجه حسن والله لو يتشقلبون على روسهم

    مايلقون )) يكفينا الجنوب وجبالها اللي تضاهي الهملايا والا الشلالات اللي تجاكر شلالات نياقرا مدري وينها فيه

    بس قد سمعت ان عندهم شلاشلات لو يروحون اهل الحساء لها يستانسون وينسون عيونهم




    دق التلفون وانا كنت جالسه افكر في قصيده تخلي اللي يسافرون ويخلون بلادهم في الصيف ويخلوني

    ترن ترن ترن يوووووووووه وقته الوووووووووبكل عصبيه ترى دايم اذا رديت على التلفون يسكرون بوجهي

    المهم نرجع للي دق الووووو هلا جدتي كيفك طيب طيب طيب اصبري لحظه <<< مستغربه جدتها مستعجله ليه امي

    امي امي امك تبيتس امي :وش تبي امي امس مكلمتها <<<<< امها طفشانه لان ابوها مصر يطلعهم البر معه

    امي :هلا امي ايه موجودين ليه فيه شي انشاء الله العصر بالمطار خلاص بيجون اوكي

    <<<< جالسه تقول زين بتجي جدتي وتخرب على ابوي الطلعه بس كيف انا ادخل نت الحين والله النشبه اذا جت

    طردتني من غرفتي امي :مط مط وصمخ انا:لحووووووول الحين اذا زعلتي من ابوي تحطين الحره فيني وش تبين

    يابعدهم كلهم امري امري ياحلوه حليل امي صارت خدودها خضر امي : روحي صحي احد اخوانك يروح المطار يستقبل

    خالك انا :ليه خالي بيجي وجدتي وجدي ليه مايجون امي :مالت عليك وعلى وجهك وش يجون يناظرون خشتك والا خشة

    ابوك >>>> معصبه وبقوه من ابوي وبره امي : بيسافرون برا المملكه جدتك بتروح مع جدك يحتفلون بعيد

    زواجهم ياحسره علي بس انا:امي ياشين امك ودلعها ترى مامودي ابوكي ورا الشمس غيرها الله يهديها تشيب وتعيب

    <<<<< جتها اقوى ضربه تلقتها بتاريخ العالم الاغريقي والحجري والهجري والميلادي

    امي :انقلعي بس صحي اخوك يجيب خالك انا:والحين جدتي ليه ماخذت ولدها معها امي :اقولك تبي تقضي شهر العسل

    وهو صغير ماتبي تخليه لحاله بالبيت <<<<< طالعه الدرج وتقول امحق صغير عمره 18 وصغير الا والله من كثر الدلع

    والمصاخه اللي فيه ولد العجوز <<< وجه يقول اخ ياحسره علي انا وبنات عمي تجي اجازه وتروح وحنا منثبرات حدنا

    ببان والا الصمان واذا يبون الفكه مننا ودونا افغانستان وقال ايش على وزن لبنان واليونان








    وصل الخال المبجل وجميع من له سياره ركبها وراح الا انا وامي اه بس يالقهر لو معي سياره كان اخذت امي ورحنا

    المهم جلسنا نسولف مع خالي هاه كيف نسبتك قدمت والا لا وش بتدخل قسم والولد المسكين مايدري يرد على اخته والا

    بنتها المهم داخ من كثر مايجاوب كانه جالس بتحقيق قالت له امي بروح ازين الغرفه اللي بتنام فيها

    <<< تفكر كيف تصدمه بخبر البر اللي بيروحون له بكره خالي عمرك رحت البر خالي: لا وربي عمري مارحت

    نفسي اروح واشوف الطبيعه الخلابه واشوف الحيوانات <<< ميته ضحك اما طبيعه طبيعه كلها طعوس وزرع مدري وش

    يبي وسط الرمال وضبين وخمسه جرابيع وذود ابل على كم سحليه وخنفس وجرادده خلاص خالي حنا بنروح وانت شوف

    وش شكل الطبيعه اللي بنروح لها خالي :اقولك مط مط فيه بعارين هناكا ايه فيه وانا بنت اختك واجد خالي: نفسي

    اركب واحد انا:بتركب ركبك جني مسعور (( نسيت اقولكم خالي من جده يعني ولد دلوع وولد عجوز يعني انواع

    الخكرنه وانواع الدلع ويدرس بمدرسه كلها دوافير وشكيب يعني الولد ماكانه عايش بالدنيا انسان غير زي جده غير ))
    يقولك من كثر موب نعوم مره مر من جنبه عربجي من عرابجة مكه انفقش مسكين ناعم مره خالي النشبه








    رحنا ومن النقمه وابوي يصايح ويهاوش وامي زعلانه وحالت البيت حاله وخالي يقلب راسه كانه راس نعامه مايدري وش

    في ابوي مايدري انه يسوي بروفات عشان البر وامي تسوي بروفات للزعل مابعد الرجعه وانا بطبعي رايحه جايه

    واسمع من ابوي ذبه ومن امي ذبه وخالي يقول ليه يقولون لك كدا قلت يدلعوني امحق دلع وربي عويناتي متحجر

    الدمع فيها بس الشكوى لله ابوي وامي لو بيدي كان طردتهم وارتحت رحنا بعد ماطلعت الشمس ووصلنا كان وقت العصر

    بس الجوووووو كان خيالي وجنان طبعا العصر وصولنا هو المفروض قبل كذا بس ابوي كل ماشاف له محل وقف وجلس

    الله يازين الربيع وامي اركب خلينا نروح كلو زي بعضو وهو يعاند مدري وش بلاه البدوي يعرف الحجازيه خلقه معصبه

    وجالس يعاند فيها المهم مرينا من جنب ذود ابوي الاول وهو العفر (( البيض من الابل )) قلت لخالي وش رايك وش تذكرك

    فيه اوصفها لي قال وهو متحمس كانها قطع ثلج بوسط عصير برتقال <<<<<< وشنهو ابك يالبارد تشبيهك

    بارد مثلك مشينا شوي ووصلنا عند الذود الثاني وهو المجاهيم (( السود من الابل )) قلت هاه يالنشبه هذي ماتذكرك

    بالبيذنجان >>>>> ابوها يناظرها بحقد يقول وجعه توجع قلبك

    بعد شوي مرينا من ذود قال ابوي هذا ذود فلان وهذاك بعيري شقحان مستعيره مني شهرين وينط خالي نطة الجني

    وليه مستعيرو منك ماعندو بعير والا عينو فارغه ابوي قال لا هو يبيه بشغل ويرده خالي :ايش هوا شغلووو

    قولي قولي نشبه وربي عاد ابوي يابعد عمري استحى مايدري وش يرد عليه سكت ويدير النشبه وجهه لي وادير

    وجهي اتهرب منه قال مط مط وبكل برود هو ليه مستعيره من ابوكي انا:هههههه لحوووووول اقولك >>>ابوي

    عيونه طارت وحسيت انه بيوقف ويسطرني ابد يبيه يعطي بعارينه كورس يعلمهم كيف التعامل مع الناقه العصبيه

    والمدلعه ويدرب بعارينهم الصغار على المبارزه وكرة القدم والجمباز ههههههههههه







    وصلنا للمخيم وكل واحد شاف له حاجه يسويها انا نزلت اغراضي وجلست افرفر بالراديو وخالي هو وسيقانه >>>>>>

    لابس برموده ووين بالبر يتمشى ويتفرج وكل شي يسال عنه ومحد معطيه وجه المسكين ابوي مشغول مع

    الصبيان وامي تسوي قهوه وماله الا مط مط اقولك مط مط هداك الجمل ليه جالس لحالو انا:هذاك البعير ابوي

    حابسه هو:ليه يامط مط ايش مسوي ابوكي مجرم اسمحيلي يعني طيب وش رايك اروح افكوو يامط مط انا:لا ابك

    لاتفكه هم ابوي يفك رقبتك ويربطك معه وي وليه يربطني لاتعليق ..........


    جا الليل وكلن تعشى وراح ينام ابوي وامي بخيمتهم وانا والشغاله بخيمه وخالي المفروض بخيمته بس هو قال ماراح

    انام لحالي وربي اخاف قالت امي خلوه ينام معكم انا خير وين ينام المهم قسمنا الخيمه بشرشف كانه ستاره وراحو

    الكل ينامون وانا زي كل مره نروح فيها البر فرشت برى الخيمه وجلست افرفربالراديو لين لقيت اذاعة البر

    المفضله عندي والقمر في تمامه والجو خيالي والنجوم طالعه سهرانه معي وطبعا انا جالسه ادندن باغنيتي المفضله

    يعني داخله جوو ولا احلى كان ناقصني باربيكان وتكمل الجلسه وراس معسل ياسلام <<<< تحسون

    انها تعرف انواع المعسل تراها داجه بس تسمعه به تحسبه علك بنكهة الفراوله المهم الا يطلع لي النشبه من

    الخيمه انتوو كيف تنامو يامط مط كيف ننام !!! ابد زي الناس نغمض عيوننا ونام كيف يعني ليه انتم عندكم نوم

    غيرنا ياهل جده اكيد غير لان جده غير خالي :اقولك كيف تنامو بالبر يعني انا مو قادر اسمع صوت الغنم وهذا بعيركم

    مو راضي يسكوت وفيه صرصور بس يصرخ <<<<<<< طاحت من فوق طعس من الضحك يمكن وانا بنت

    اختك فيه احد يخنقه والا بيته مسروق خالي :اقولك بلا تريقه انتي ووجهك اللي كانو دفايه صينيه <<< ميته

    فرحه خالها صار يعرف يذب بس بتكنلوجياحليلك خالو صرت تعرف تذب خالي :ايش يعني تذب انا :يعني تسب بس بتريقه

    يعني صاير تجنن ستايل بدوي خالي : تصدقي يامط مط نفسي اصير زي ابوكي بدوي مره احس ابوكي مدري

    ايش اقولك تحسيه كدا شي خطير عربجي بس عربجي بدوي مو زي حقون مكه

    انا : وجع ابوي موب عربجي ابوي رجال شهم البداوه فيه من راسه لرجوله بس تدري خالي والله لاخليك زي ابوي

    بس اسمع كلامي وانا اخليك شي خطير <<<<<<<<< ناويه تدهور الولد

    شوف وانا بنت اختك اول شي لازم تغير هرجك وتصير ذرب وتتعامل مع الناس بخشونه <<<<<<<<< وفي عز الانسجام

    وهي تشرح وتتفلسف على ذا المسكين نط عليها خالها وقام يصارخ ابك ا نت وش فيك وش بلاك وش جاك خالي :

    مط مط الحقي الذيب راح ياكولنا انا : وين مافيه ذيابه بهذي المنطقه خالي : الا فيه شوفيه انا : وينه خالي: هذا

    <<<<<<<<<<وجهن استراح يوم شاف الذيب ويقول اشوا انه ذا موب ذيب حقيقي

    خالي: هيا نهرب لخيمة ابوكي عشان يموت الذيب انا: لا مايحتاج هذا موب ذيب هذا شارون كلب ابوي كلب الحراسه

    ياخبل خالي:ايش اسمو اقول اسمه شارون خالي:ليه ابوكي مسميه شارون انا :مسميه شارون عشانه قوي

    خخخخخخخخ ووراه بوش يعني كل الذيابه تخافه مايقدرون يرفعون روسهم فيه وهو مخوف كل الذياب عشان كذا

    ابوي سماه شارون بس تدري بعد فيها اذلال لشارون انه كلب ابن الكلب ابن السلقه خالي: ايش يعني سلقه

    انا :السلقه زي الكلب بس مخصوص للصيد المهم غير الموضوع لان ماعندي خلفيه عنه <<<< تصرف

    خالي :اقول مط مط وش رايك تخلي كلبكم يروح بعيد عننا انا :مايسوي شي يدور ويرجع يروح مكانه بس ولا

    يهمك بقوله يروح شارون روح نام >>>>> راح شارون حليله يسمع الكلام موب خالي اللي صجني نرجع ياخالي

    للموضوع اللي انت غيرته لازم تسوي كل شي اقوله لك بس لاتقولي لا واخاف خلاص خالي : خلاص بس ياويلك تورطيني

    ترى انا ماقدر على صوت ابوكي وهو يصرخ كنت شوي واموت من الخوف هو يصرخ واختي ياختي عليها صابره

    وساكته انا : صابره وساكته والله امي اللي هي اختك انها مسيطره على الوضع وانهاحاطه ابوي بجيبها بس

    تسوي كذا قدامنا يعننها مسكينه وماخذه مقلب في ابوي وحنا اللي ماخذين مقلب فيها تراني اعرفها اكثر منك

    ياخالي خالي وهوو معصب وشياطين الارض بوجهه تعلب ضومنه وكيرم : لاتقولي على امك كدا حرام عليك عساكي البلا

    اللي يبلي شكلك ترى انا مارضى على اختي وجع يوجعك عساكي تتزوجي <<<<<<<< وجهن يقول امين بقلبه

    ماتحسون اني ودي اتزوج ياناس قطولي في عريس وخلصوني

    انا : المهم خلنا نروح ننام وبكره بنسوي شي ماصار ولا استوى خالي : ايش بنسوي انا : انت رح نام وبكره تشوف بس

    معك ثوب وشماغ وحركات ريجيل <<<<< شاكه برجولته

    خالي:ايوا ايش شايفه انتي يعني انا ماني رجال هاه والا ماني رجال (( رحنا ننام وخالي يرجف خوف من شارون ))





    اصبحنا واصبح الملك لله ياعرب ياعرب ياعرب قومو صلو وادعو ربن مايخلي >>>> ابوي <<< مسميته ديك الوادي

    المهم اننا صحينا من النوم وجلسنا نفطر وتقهوينا وابوي جلس يسولف مع امي وانا استغلها فرصه قلت لخالي

    تعال ابيك بكلام وندخل الخيمه قلت له الحين انت رح والبس ثيابك وشخص وتعالي هنا بس بسرعه خمس دقايق بس معك

    اوكي خالي:اوكي بس ايش بنسوي انا : انت رح وتعال بسرعه

    وابدا انا البس والبس ذاك الثوب الخضر اللي مورد بورد حمر والبس البرقع والبس جلال لونه اصفر مموج بموف

    <<<<< يلعن ام الذوق اتحدى كلوديا في ذوقي المهم والبس لي زنوبه ام اصبع واخذ شنطتي الفرزاتشي

    <<<<<<<<< وش تبي ذا الشنطه

    واخذ مفتاح الشاص من جيب ثوب ابوي المعلق بالخيمه المهم ويجي خالي ونركب الجيب قال خالي انت استاذنتي

    من ابوكي قلت لا قال اقولك انزلي قبل مايهاوش انا لحووووووووووول انت مالك شغل ببوي لازم نغامر عشان نحس

    بطعم الطلعه انا : انت تعرف تسوق خالي : ايوا بس هذي السياره لا انا : خلاص اركب وانا بسوق خالي:

    اقولك انزلي قبل ماتصدمي وبعدين انتي بنت كيف تسوقي السواقه مو مسموحه لكم انا : ليتك تسكت مافيه هنا احد

    بنروح شوي ونرجع<<<<<< بدت تسوق وانواع التنتيع بخالها المسكين لين صابه ارتجاج وداخ >>>>> خكري

    يدوخ بسرعه وهو يصايح ايش هدا سواقه والا عمليه انتحاريه مط مط الله يخليكي نزليني وبعدين سوي اللي

    تبغي انا مادخلت الجامعه الله يخليكي يامط مط <<<<<<< تناظره وتقول وانا مادخلت دنيا ودي ادخلها بس بشرط

    بجيب شاص خخخخخخخخخخخخخخخخخخخخخخ وربي اني مهبوله خصوصا اذا صرت قياديه خخخخخخ

    رهيبه قياديه مدري من وين جتني الوكاد انها من كتابن امس جلست اتفصحه وشفتها فيه قلت لازم اقولها بموضوعي بس

    ماخاب ظني جت بمكانها ونمر على اثنين متعطله سيارتهم واوقف جنبهم قال ايش مسويه فزعه

    قالي اول واحد معك عفريته قلت وانا كلي كشخه معك جنيه لنا الشرف اخ عفريته قال : انا اسالك معك عفريته

    قلت : لا معي خالي <<<< تستهبل المهم واخمس عليهم واروح وندوج شوي وخالي انواع الزعل

    ونرجع للمخيم بعد ماطلعت اللي براسي من زمان نفسي اسوي كذا بس ماكان فيه احد يشجعني يعني مامعي محرم

    اضحك عليه زي خالي ويوم رجعنا الا ابوي عيونه تروح الوان كانها السفتي حق سيارة المرور وانزل قال وين

    مط مط يسال خالي ومنو هذي اللي معك قال هذي مط مط وانا فرحانه ابوي ماعرفني وانا بدويه

    ابوي : يامال الساححق والماحق والسلال وكثر الهبال وقل العيال وش مسويه انتي هاه ويشدني مع شعري

    ووين تحسين يامط مط (( ماودي اقولكم وين انضربت بس اكلت ضرب موب شي )) عاد وخالي المسكين واقف

    ورا امي قالت امي احسن تستاهلي الحين ابوكي يبغى يروح يشوف شغلو وانتي اخذه السياره اللي يروح فيها انا :

    يعني افهم من كلامك يامي انو عادي اخذ السياره بس مو حقة شغلو يعني لو اخذ الثانيه مافيه مشكله <<<< منضربه

    وتجادل هي ووجهها وتجيني ذيك الضربه اللي حسيت اني بديت ادوخ منها ولا حسيت بنفسي الا وخالي يهرج

    مع امي بسالفة العفريته وانا اصحى واجلس اضحك قالت امي :ياويلي بنتي انجنت قلت : لا يامي بس تذكرت وجه

    الرجال وجلست اضحك ليتك معنا يامي <<<<< وتجيها الملعقه طايره مليون الا على خشتها امي :مابقي الا انا تاخذيني

    معاكي واروح اتسرمح زيك يكفي اخويه ضاحكه عليه وقال ايش بتعلمينه كيف يصير رجال اول تعلمي كيف

    تكوني بنت سنعه





    تدرون ان كلام امي بدا يقرقع بقلبي بس تدرون ليه اني ماني بنت سنعه لو سنعه كان ماخويت اخوها اللي

    فشلني والله لو مخاويه شارون ابركلي المهم نجلس في حالة ركوود غير طبيعيه قلت لامي تصدقين يامي هذا

    الهدوء ماقبل العاصفه قالت:يهب عيلكي وعلى فالك منتي صاحيه >>>>> امي تتشائم من كلامي

    شوي الا ذاك الصوت القوي اللي تحس الدنيا اهتزت له صوت عاصفه قوي مررررررررررره وغبار يغطي كل المكان وامي

    ياويلنا بتطيح الخيمه وش نسوي وانا يابنت الحلال تعالي للسياره وخلي الخيمه لاتجلسين فيها وهي تبغي تسرقي

    السياره مره ثانيه وش يقول ابوكي اذا جا ضحكت عليكي بنتك يافلانه

    يابنت الحلال حنا بحاله طارئه قال خالي اتصلو 911<<<<<< تناظره بحقد ابك ماعندنا ارسال تقول اتصلو المهم بعد جهد

    جهيد وبعد ماصرنا كتله رمليه اقتنعت امي تطلع المفتاح وندخل السياره نحتمي من العاصفه او (( العجه بالمصطلح

    البدوي )) ونجلس بالسياره نراقب الا كل شي يطير ونشوف ذود ابوي العفر مع المجاهيم مسوين كوكتيل كانه نادي

    الشباب وامي سبحان مسير الكون اختبصت ابل ابوكي يامط مط انا : شفتي يامي هذي غضب من ربي لان ابوي

    طقني وانا مالي ذنب كل اللي سويته رحت ارفه عن نفسي شوفي وش صار له امي: وجع فيكي يعني يوم من

    الايام لو اهاوشك بيصير لي كذا <<<<<<<<< وهي فرحانه مخوفه امها اكيد بيصيرلك اكوود بس خليكي عاقله ولا

    تلعبين معي وبسرعة البرق اناظر خالي وانت بعد خالي: وعيونه مبققه وربي ماقلت شي <<<<<<

    مسويه ارهابيه على امها وخالها المسكين ماقول غير ياربي تعفي عني

    المهم ويجي ابوي قال مالنا جلسه يلا خذو اغراضكم وخلنا نروح الرياض ونلم اللي لقيناه واللي مالقيناه وصينا الصبيان

    يدورونه




    رجعنا الرياض والحياه الممله وارجع لحالتي من التلفزيون للكتب ومن الكتب للنت ومع مرور الايام تعلم خالي بعض الاشياء

    من اخواني وتعلم من ابوي وصار شقردي وعزمني على طلعه ورحت معه وامي وتمشينا وقال انه استفاد مني

    كثير وكل ماشاف شي جلس يذب وانواع الوناسه وقلت له تكفى ياخالي لاتسافر خلك معناوالله انك رهيب صاير

    بدوي كانك واحد مننا خالي :اعجبك وربي يامط مط اصلا انا باخذ اوراقي واجي اسجل عندكم بالجامعه واعيش عندكم

    <<<<<<<< وحنا ناقصين رجاجيل بالبيت لحول بس ليتك بنت ياخالي كان اقول حياك بس انت ولد خالي :افا يامط

    مط ماهقتها منس الحين بجلس عشانس

    <<<<<<<< وجهن فاتح فمه من الفجه اس وش تبي بكلامك خالي بليييييييييييييز اقين اي دونت نو وت يو تهرج

    اذا فهمتو شي فهمو خالي المهم ان خالي صار شقردي



    وحان الان سفر الخال المبجل الى ديار اهله بجده وحنا بين فرحانين وزعلانين فرحانين انه تغير وزعلانين انه بيفارقنا

    بس كان خالي مسوي لي مفاجئه يقول انها تجنن وانا اتلهف اعرف وش هي المهم قال بكره بتشوفينها اذا جيت اسافر

    <<<<<<<<<<<<< طول الليل تفكر وش هي يارب المفاجئه ومن اشرقت الشمس وانا صاحيه مابي شي يفوتني مع اني

    مانمت زين

    والحين جت لحظه الوداع الحقيقيه ودع اهلي وقال بقولك شي يامط مط انا جبت لي سلقه وسميتها الكودليزا رايس

    زي اسم كلب ابوكي شارون<<<<<< والدهشه ملؤ عينيها وشنهو سلقه وش تبي بها ايوا ابغها عشان اصيد فيها ناوي

    اطلع رحلة صيد مع اصحابي واعلمهم كيف يصيرون زيي انا : زين والله فكره حلوه بس وين عندكم بجده في

    اماكن لصيد والا ناوي تروح لاحد هالمحميات وتخالف القوانين ترى خطا ياخالي

    خالي:انا عمري ماخالفت القوانين يامط مط بس معك انتي خالفتها يوم سرقنا سيارت ابوكي وبعدين مين قالك مافيه

    عندنا اماكن للصيد في جده فيه واشهر مكان هو ابحور <<<<<<< ميب مصدق ابحور يعني اللي وين

    خالي : ابحور ماتعرفيه اللي يصيدو فيه سمك <<<<<<<<< صرخت وقالت احد يصيد سمك بسلقه وطاحت من القهر

    من يومكم هذا وانا احس بكره لنفسي ليه كذا ليه بس ياربيه حتى يوم قلت اني نجحت وعلمت خالي حاجه تفيده في

    حياته طلع تعليمي على الفشوش يالاهوي يالاهوي دنا طلعت خيبه


    مايستفاد ولو ان مافيه فايده:

    1- لاتفرح بالصيف لانك بتطفش وتطلع حرتك في ناس مسكينه مالها ذنب

    2- استخدمو فيري لغسيل الصحون تراه يزيل الدهون والسعابيل العالقه بالملاعق

    3- اذا لك خال زي خالي تبرا منه احسن من انك تتعب نفسك معه وبالاخر يطلع خرطي ماعنده ماعند سلقته




    العذر والسموحه ان كان طولت عليكم واذا ماعجبتكم قصتي اعتبرو نفسكم ماقريتو شي واسترو ماوجهتم

    طبعا انا حطيت ابتسامات بعدين مسحتها كلها تتوقعون كم ابتسامه حطيتها

    367ابتسامه وكل وحدة منها درزن
    قمت مسحتها كلها

    بس بصراحه تعبت جاني شد عضلي ودماغي في جسمي


    اخخخخخخخخخخخخخخخخخخخخخخخ
  2. سحلية فوشية*
    30-11-2006, 10:58 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    يوووووه ريووومة حرام عليك تعبتي

    وبعدين تمسحينها والله حرام <<< تراها عجازة خخخ

    مشكووووورة

    بس طولتي

    مرة ماقلتلك انا زووولة اعجز سودانية في تاريخ السوودان العالمي والخرطوووومي خخخ

    يلقبوووني في البيت السودانية لاكن ولي الفخر انا زيك من الرياض السعووودية

    خخخخخ تجنن قصتك

    عندي سوال
    هذي قصتك صدق ؟؟
    خخخخخ <<<< ملقووووفة
  3. رماد القناع
    30-11-2006, 11:39 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    مرجج وربي ههههههههههههههههههههه

    اعجبتني الخضره والماء والوجه الحسن ههههههههههههههههه فينها بس

    الخضره = منتزهات تعج باكياس الزباله السودددداء طبعا فاضيه الاوساخ جنبها

    الماء = مياه راكده تعج بالبعوض المميت او مغيره القانون الي يقول ان الماء لا لون له وباين ان له مليون لون عندنا

    الوجه الحسن = ابصم بالعشره طبعا


    تحياتي واشواقي
  4. ريم الرياض
    30-11-2006, 11:53 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    مشكوووووووووورين على الردود السنعه
  5. ريم الرياض
    02-12-2006, 01:57 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    مشكوووووووووووووووووووره على اختي
  6. على البال
    02-12-2006, 01:59 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    والله تعبتيني
  7. ولدالرياض
    02-12-2006, 11:57 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    ريم يادبه والله فريتي راسي قصه هذي والا خط سريع ههههههههههههههههههههه

    على العموووم مشكوره اختي على التسحيب
  8. ريم الرياض
    03-12-2006, 08:13 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    مشكوووووووووووووره على الرد اخوي على البال
  9. ريم الرياض
    03-12-2006, 08:14 PM

    رد: اهم شي سويت اللي بنفسي انا وشارون

    اهم شي سويت اللي بنفسي انا وشارون


    ههههههههههههههههههه

    مشكوووووووووووووور اخوي ولد الرياض على المرور
  10. نوارة
    31-03-2007, 01:26 PM

    رد : اهم شي سويت اللي بنفسي انا وشارون

    اهم شي سويت اللي بنفسي انا وشارون



    جد طويلة حيييييييييل

    مجهود رائع منك

    بس تسلمين عليها شكرا غاليتي

    تقبلي تحياتي
12