موت الأحزان
وش بقى غير لحظه لقاء .. نجتمع فيها ويموت الحزن من أعماق ذاتنا
ويبتدي ليل ثاني..
فيها القلوب طاهره ..مثل ابتسامه طاهره تشوفهوها فوق شفاه ذاك الطفل
اتركيني الليله افجر ذاتي لذاتك
ابي اسبح في بحر حبك
ابي انسى كل شئ
لا ماضي ..
لا الالم ...
لا علقم سنين ....
راح اكون لك يوسف لو صرتي السنين العجاف
راح اكون ليلك لو احرقتك شمس النهار
ما ابي منك شئ كثير
بس شئ واحد منك ابيه
قلبي اللي بين الضلوع حافظي بقوه عليه
لا تهيني شوقه
لاتنسي صوت نبضه
لا تتركينه وحيد بين جثث القلوب
وابيك منك الأمان ... اه لو تدرين وش يعني امان القلوب
يعني ابتسامه تدوام
قربي أذن قلبك من صوت نبضي اسمعيه وش يقول..
أدري نبضي مشفر ما هو اي قلب يقدر عليه
اسمعيني بكل شئ موجود فيك
افهميني من الألف حتي الحرف ياء
انا ظل موجود فيني يخاف يحترق من شمس البشر
احترقت الف مره ومع هذا ابتسم واقول باكر تبتسم لي الحياه
انا انسان عادي بس قلبي غير
تدرين ..؟
قفلي ابواب كل شئ وتاكدي ان شبابيك التافهيين مقفله
ما ابي حب منشوره بجريده
ولا ابي اكون بطل قصه حب كاذبه
كل اللي ابيه من الحياه قلب يحضن قلبي بلا نفاق
يدور عليه لو عنه غاب
يساله وش فيك لو نبضه ضعف
يضمه لو قدر يضمه
يأخذه من بين الضلوع ويسكنه بين الضلوع
تدري لو فرضنا في يوم غامض
اكتشفت ان صدرك فيه نبضين ترى امر عادي
هذا قلبك واللي معه هذا نبض قلبي
هذا دليل انك انثى غير
تعالي خذي قلبي ونبضه ما ابيه
بكتبه لك وصيه وانا باقي على قيد الحياه
عطر الحروف:
كل شئ في غايه الجمال حينما تعرفه جيدا
كياني انسانه