يزورني,,,,,طيفه

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. لعيوونها
      17-05-2011, 11:30 PM

      يزورني,,,,,طيفه

      يزورني,,,,,طيفه



      يزورني طيفك مع الليل ساري
      = واشم طيبك والمحك طيف وأحلام
      اصيح بسمك واحسبك لي مباري
      = اسمع صدى صوتك واخايلك قدام
      تغرني دايم طيوف الغداري
      = افز واعي واكتشف كله أوهام
      من فرحتي ناديت بسمك اجهاري
      = فضحت نفسي والمخاليق نيام
      أسهر على شانك ولانته بداري
      = أرقد دقيقه وأكثر الليل ما نام
      يطري على طاريك مليون طاري
      = شاعرك من زود التباريح منضام
      أفراح عمري مثل شمس العصاري
      = ياسرع ماتغرب وتاتيك بعسام
      صبري قضى من لوعتي وانتظاري
      = تكفى ترى حالى غدى جلد وعظام
      قربك هناي وغيبتك إنتحاري
      = أرجوك لاتبعد ترى بعدك إعدام
      شوفك سحايب ترتوي به دياري
      = وش عاد لو شوفك من العام للعام
      شوفك مثل شمس عشقها نهاري
      = تشرق على كل الكواكب والأجرام
      حبك نهر وسط الشرايين جاري
      = حبك سحر عيشني في غي وهيام
      تفرك يميني يوم أشوفك يساري
      = واعض لامنك تثنيت الإبهام
      ياللي شعرك الليل فيه المساري
      = من شاهدك لو يسهر الليل مايلام
      مثلك أبد ماشفت يابو خزاري
      = ياناقض المرجود يالابس زمام
      انته غرامي غايتي وإختياري
      = يشهد على ماقول حبري والأقلام
      مهما تغيب وتبتعد عن مساري
      = تبقى مواثيق الغلا طول الأيام

      منقوووول
      250*300 Second
    2. الرهاوي
      17-05-2011, 11:46 PM

      رد: يزورني,,,,,طيفه

      يزورني,,,,,طيفه


      الله يعطيك العافيه قصيده جميله
    3. متاهات
      17-05-2011, 11:47 PM

      رد: يزورني,,,,,طيفه

      يزورني,,,,,طيفه


      ابيات رائعه

      يعطيك العافيه ع النقل ..
    4. طير القوافي
      20-05-2011, 08:08 PM

      رد: يزورني,,,,,طيفه

      يزورني,,,,,طيفه


      صح لسانك
      يعطيك الف عافيه
      طرح جميل كثير
      والله يوفقك
    5. اميرالظلام
      22-05-2011, 02:17 PM

      رد: يزورني,,,,,طيفه

      يزورني,,,,,طيفه


      صح السانك

      انتقاء جميل
    6. ᵽ¡ҋʞ ║•
      30-06-2011, 02:17 PM

      رد: يزورني,,,,,طيفه

      يزورني,,,,,طيفه




      يشهد على ماقول حبري والأقلام
      مهما تغيب وتبتعد عن مساري
      = تبقى مواثيق الغلا طول الأيام


      أبيات رائعةة ~

      اختيار موفق ~

      تستاهل التقييم ~


      دمت بود