ما انته معاق











اهدا الى ذوي الاحتياجات الخاصة ( ما انته معاق )

فيك روح العزيمه .. والتحدي وكاد
رغم كل العوايق .. تاصلك للمراد

لو عيونك كفيفه .. أو لسانك ثقيل
لو بك الساق ناحل .. أو فقدت الاياد

في شفايفك بسمه .. ترتسم للوجود
وبمحيك صوره عن طموح الفواد

الاراده سلاحك .. والاماني فضاك
والامل نور يهدي خطوتك للسداد

ما انته معاق لا لا .. في بقاك افتخر
انت مثل الثريا في جبين السواد

المعاق الحقيقي .. لي بكامل قواه
لكن أهدا طموحه .. للكسل والرقاد

ما يفكر بباكر .. والعزيمه عدم
غايته بس يحيى والمشاعر جماد

والذي للمخدر صار عبد(ن) ذليل
ما غدى انسان يحسب مثل باقي العباد

صدق عايش ولكن مات في كل عين
يائس يعيش عاله (ع) الاهل والبلاد

شعر : عبدالله صالح العمري
 
التعديل الأخير بواسطة المشرف:
حياك الله يالشاعر
فعلا قصيده رائعه تستحق ختم التميز
صح السانك و يسلم منطوقك
تقديري لك
 
صح لسانك ياشاعرنا المبدع قصيده اجتماعيه وانسانية رائعه تستحق التمييز
 
يعطيك الف عافيه
وصح لسانك
ابيات جميله اعجبني:.

الاراده سلاحك .. والاماني فضاك
والامل نور يهدي خطوتك للسداد


 
عودة
أعلى