قصيدة فديتك ياوطن - مطلق النومسي

ديوان الشاعر مطلق النومسي
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      05-05-2011, 02:47 PM

      قصيدة فديتك ياوطن - مطلق النومسي

      قصيدة فديتك ياوطن - مطلق النومسي


      فديتك يا وطن وأصل القلوب الوافية تفداك
      و لا به شي فوقك حي ما قام وتفدالك

      أحبك وأعشقك وأحضن حصى ترابك تحت رمضاك
      ولا أشكي من لهبك ألا بعد ما عانق ظلالك

      تنفسنا هواك وكل من ينبض وفا يهواك
      و كحلنا العيون من الغبار اللي على جالك

      و أنا الطفل اليتيم اللي ربى فوقك وقلبه جاك
      مثل طير يدور له غصن والغصن متهالك

      يخاف من الظلام و من وحوش الليل و الشباك
      ولا غيرك ملاذ من الظلام الموحش الحالك

      على صدر الحنون اللي خذاها الموت مع بلواك
      رضعتك عشق لين عروق قلبي جت تثنى لك

      و كبرت وصرت رجال وكبر عشقك معي بادراك
      على كل البقاع ألا البقاع اللي على بالك

      و أنا واحد من رجالك ويموت ولا يمس حماك
      و لا هو بس أنا لا والل الا كل ابو رجالك

      من رجال القبايل والعوايل كلهم لرضاك
      يبيعون العمر ببلاش قبل تطلع ريالك

      ولا من دحو رجال عنزة للحرب ضد عداك
      تراها دحة من دون نهامك و يا مالك

      توحدنا قبل لا النفط ينبع ويتغير ماك
      ووحدتنا سبب بعد الله لتثبيت منزالك

      ترى اللي صار بأرض الرافدين وموجة الارباك
      عبر ودروس للي شال همك بعد ما شالك

      و أنا ماني محامي عن حقوق مسلم البراك
      ولكن بندق الجهال لا ترمي وتغتالك

      تعبنا يا وطن من حالة التأزيم والانهاك
      نبات الليل نبكي والصباح يأمل عيالك

      صباح العيد أو عيد الصباح أو ذاك ولا ذاك
      تعبرر عنك يا سيدي صباح وتشرح أحوالك

      عسى عمرك طويل وجعل للفردوس من رباك
      يا اخو جابر وولد أحمد وعرق الطيب من خالك

      سلالة طيب والله يطيب حظك و مسعاك
      بعد ستين شهر من الحكم والحكم يزهالك

      غرقنا فيك حب.. وغرقتنا بالكرم يمناك
      وحنا محزمك يا سيدي جعل العد فالك

      ثلاث أعياد نرسمها على شط الخليج .. أفلاك
      و نرسم صورتك لنك أساسا عيد بلحالك

      يقوله شاعر يمشي لأجل داره على الأشواك
      ولا وقف يدور ما وراء البياع والمالك

      عسى ربي يحفظك يا كويت و بالأمن يرعاك
      بعيدك عيدي و العيد يحلا له و يحلا لك....
      250*300 Second
    2. hanadi
      19-07-2012, 05:12 PM

      رد: قصيدة فديتك ياوطن - مطلق النومسي

      قصيدة فديتك ياوطن - مطلق النومسي


      جميلة جدا تسلم يا سيد
    3. مغرورة بس معذورة
      19-07-2012, 05:17 PM

      رد: قصيدة فديتك ياوطن - مطلق النومسي

      قصيدة فديتك ياوطن - مطلق النومسي


      الله يطيك العافية
      لاعدمناك وطلتك
      الحلوة ي♡̨ا حلوة
      لا تحرمينا ‏​​م̸̸̸̸̸̨̨̨♡̸̸̸̸̸̨̨̨ن
      جديدك يالغلا
    4. المريسي
      08-09-2015, 10:08 AM

      رد: قصيدة فديتك ياوطن - مطلق النومسي

      قصيدة فديتك ياوطن - مطلق النومسي


      شكرا عالكلمات

      تحياتي