صفا حا ت من الحياة..

ههههههه شر البليه مايضحك

هههههههههه
تدرون ليه اضحك؟؟؟إذا عرف السبب بطل العجب!!
(هالسولافه كان المفروض اقولها لكم يوم السبت بس نظرا لان اريل دماغي كان مشوشا قليلا..
ماكتبتهاشي وعاد اليوم حلو فقلت خليني يابنت نستانس شوي مايصير كلها اجواء صمت بدون ضحك..
وصلحت اريل نفوخي والان مستعد للعمل قصدي للضحك)

هذا ياطولين العمر والعمرات كالعادة باخر ايام الاسبوع لازم نخرج حتى لو في اختبارات مفيش أي رداع بيمنعنا ^^ رحنا بيوم الجمعة الي طاف لمزرعتنا ..
تخيلو لما وصلنا عند البوابة لقينا ذاك الشي الي ندخل فيه المفتاح ونحركه عشان يفتح الباب عرفتوه ؟؟؟تخيلوا لما الوالد نزل يبي يفتح بالمفتاح مالقى ذاك الشي موجود؟؟والبوابه شبه مفتوحه يعني الي يدف الباب لداخل يفتح وياه!!!!!! تخيلوا طلع مكان المفتاح مسروق ههههههههههه تدرون ليه اضحك؟؟
لان مزرعتنا الكريمه مو اول مره تنسرق الحمد لله ان البيت والبير الي فيها مثبته بالارض والا كان مسيو حرامي سرقها بعد هههههههه المهم دشينا داخل والوالد منقهر (بجد شي يقهر حسبي الله عليه) فجلسنا برى مو داخل البيت نتقهوى وسوالف وضحك وجاء الوالد يتقهوى ويانا بعد ماتفقد احوال الرعيه الله من الرعيه عاد الا المسروقات :k:

المهم جلس يشرب قهوة ويتحسب ع مسيو حرامي عاد تعرفون اختكم في الله مسويه فيها المحقق كونان ع غفلة مسويه فيها كشفت الحرامي المهم لما كان البابا جالس قريب مني تعرفون كان متربع وحاط ايديه ع رجوله جلسه رجال تعرفونها وبين ذراعه وفخذه مساحة مثلث(دخلنا جو رياضيات:h:) المهم دخلت راسي في هالمثلث يعني راسي كان بين صدره محصور بين ايده وبطنه فطلعت راسي للجهه الي خلف بابايه وقلت له يبه شوف هاذي اثار الحرامي شوف هالسيقاره الي طايحه هناك واشرت له بيدي وناظر عليها وبكل عفويه وبراءة خلاني افطس ضحك عليه تدرون شنو قال ؟؟؟
قال ايه هذا حرامي تلاقينه طفشان وقاعد يتمشى أنا لما سمعته طلعت راسي من فتحت ايده وضحكت قلت له اما عاد يتمشى ليه فاتحين مزرعتنا سبيل له هي سايبه :k:
المشكله ان الوالد كان يتكلم بعفوية وبهدوء يمكن تعود ع هالحرامي ههههه الله يرجه من حرامي بجد متهور ماخلا شي بحاله ..هالمره مسكين مالقي شي قام سرق مكان المفتح الحمد لله ماسرق الباب بكبره ههههههه عاد هاذي فيها حقوق وقطع رقاب :k:

المهم بعد ماضحكت ع كلمة ابوي قلت له اسمع يبه هالحرامي مسكين شكله متعود ع مزرعتنا كثير ويحس انها بيته؟؟؟عشان يتمشى فيها هههه خذ ورقه واكتب له فيها إلى السيد الفاضل حرامي الرجاء ثاني مره لما تجي تتمشى لاتسرق بس خذ لفه واطلع ..ورجع لو سمحت حق المفتاح هههههه
الي يضحك اكثر ان الوالد مازال يرد علي بعفويه بدون ضحك قال لي هو تلاقينه مالقى شي يسرقه هالمره واخذ المفتاح..؟؟؟ وبعدين قال انه كتب له ملاحظة وعلقها ع الباب يذكره فيها بالله ويتحسب عليه؟؟ بس شكل الحرامي مانتبه لها يمكن دخل مع البوابه الكبيره مو الثانيه الي معلق فيها الملاحظة "شوفوه: وربي ضحكت قلت الحمد لله بيتنا لاصق بالارض والا كان شاله بكبره وياه هههههههههههه الله يرجك من حرامي شكله كذا مهوي وبايع الدنيا ومافيها

المهم ياسادة ياكرام وكل وحده فينا تفرقت وانتشرنا كالجراد في ارض مزرعتنا الحبيبه وطبعا أنا اختليت بروحي في مكان ما تحت الشجرة شاردة بفكري ومتاملة بعيني يمنة ويسرة عن أي كائن حي (المدعو سيد والسيدة نمله) يمرون من جانبي وحولي .. تتذكرون لما قلت لكم سالفه لما سقنا السيارة مع اخونا في الله وطحنا بحفرة شجرة تتذكرون ولا لاء؟؟؟:b:
مالي خلق اعيدها ارجعوا كذا صفحه للوراء واقروها تتذكرون وقتها قلت لكم شكل الشجره كانت تتمشى عند شجرات الجيران لما غرزنا بمكانها هالحين عرفت الشجرة وين؟؟
شجرتنا العزيزة مخطوفه من قبل الخبل مسيو حرامي هههههههه وانا ظلمتها المسكينه وقلت عنها تتمشى الا الحرامي الي يتمشى وشكله كذا عجبته وسرقها بعد هههههههه

نكمل السولافه اكيد حضرتكم تتسائلون سقتوا سيارة بذاك اليوم ولا لاء؟؟ طبعا بما إنا رحنا بسيارة العائلة فقط فكانت الاحتماليه ضعيفه جدا وجلست تحت شجرة طويله الحمدلله ماشافها الحرامي والا كان أنا رحت بنفسي وبلغت عليه الا شجرتي ذي عاد :j:
وشوي الا صوت السيارة تشتغل أنا ماصدقت ناظرت من ورى الشجرة الا اخونا المفعوص يسوق واشرت له يعني تعال ابي اركب وياك ..الاخ كان ناوي يسوي فيها نذاله ويدوس ويخيلني بس أنا جريت بسرعه ومسكت بالباب :k: قالي انزلي دشي داخل قلت له مابي ابي اوقف هنا واتمسك بالباب في شي داخل السياره تمسكين فيه بس للحين ماعرف ليه حطوه داخل المفروض يكون برى عشان الي برى هم الي يمسكون فيه يعني بالله شنو يسوي داخل يعني نبي نطيح ونحنا داخل السيارة الحمد لله والشكر؟؟؟ :b:
المهم مسكت بذاك الشي وأنا برى واصارخ واشر ع شغالتنا واقولها مع السلامه احيانا والله اشك اني صاحيه يعني وش مع السلامه الاخت مسافره انتي وجهك؟؟ :l:واخوي خايف يقول اركبي لاتطيرين ليه الاخ شايفني عصفور مثلا
وقمت وجلست على طرف النافذة(حلوة النافذة حبيتها:h: ) مثل لما تجلسين بطرف كرسي فهمتوا علي بنات وجسمي كله برى وجالسه العب برجولي
قال ابوي يبنت ادخلي داخل قلت له خلني العب خلنا نستانس مافي احد قال لي بعدين تطحين وتصير مشكله قلت له ماعليك أنا متمسكه قوة..والله ونفرفر بهالمزرعه شوي واختي الملقوفه هوب والا هي مثل القرد بالباب الي وراي يشين التقليد:k:
وبلقافه مني قلت لاخوي يافلان خذ بنا لفه ع البيت وتذكرت شي(المؤمن لا يلدغ من الجحر مرتين) thumbs_up
وقلت بس انتبه من هالحفره الي اخر مره غرزنا فيها الاخ رجعت له الذاكره من الخوف وقف بنص الطريق قالت اخت الخبله لا يافلان المساحه صغيره والسياره كبيره خاف وقف :k: لا تخافون ماغرزنا هالمره غرزنا بشي ثاني "شوفوه: لو اقولكم وش صار راح تفطسون من الضحك أنا شاكه ان عائلتي طبيعيه بصراحه.. كل يوم اكتشف شي جديد :k:
تدرون اخوي من الخوف وقف بنص الطريق وقرر انه يرجع للخلف ونلعب بعيد عن البيت بس الي اكتشفته ان اخوي المفعوص يعرف يسوق لقدام بس مايعرف يرجع ورى "شوفوه:"شوفوه:
قال انزلوا ودفوا السياره لوراء !! وقلنا ليه ؟؟ قال ماعرف اريوس ورى(صح اسمها كذا اريوس؟؟؟)الشي الغريب ثلاثتنا كنا مع بعض المره الاولى وهالمره بعد فجلست أنا واختي انناظر ببعض وضحكنا قلنا مثل المره الاولى وندف مو راضيه تتحرك ونزل الاخ يدف ويانا وتحركت شوي ماشاء الله عليه مثل صغير الفيل :k: فديته
والله العظيم بدون مابالغ وانا ادف السيارة طحت عند فمها لالا السياره مالها فم عند وجهها الي فيه أنوار(باختصار عند واجهة السيارة من الامام)وطحت تحتها واضحك اضحك مو قادرة امسك روحي وانا تحتها ع قولة اختي سكاكر جاني شد عضلي باسناني من كثر ماضحك :k:واخوي معصب ويرفع صوته علي يقول مافي شي يضحك قومي دفي السياره قبل لايشوفنا ابوي:f:المشكله مو قادره اشكالنا بجد تضحك وللمره الثانيه يصير نفس الموضوع فماقدرت:k:
نزل من السياره وهو معصب قلت خلاص خلاص راح ادف ..
يعني بالله سيارة وش كبرها وعرضها بنات يدفونها وهم يضحكون اكيد ماراح تتحرك "كا كا:والله وشوي شوي طلع ظهر السيارة من ورى البيت وبقي راسها خلف البيت وظهرها مكشوف لجهة الوالد هذا كله والوالد يناظر فينا
أنا لما كنت ادفها بكل فزعه ^^ رفعت راسي ابي اخذ نفس الا وعيوني تشوف ابوي ..هنا ماقدرت امسك روحي والله ماقدرت شي يضحك يشوفنا ونحنا ندف بهالبلوة وطحت ع الارض يعني ظهري كله ع الارض وجهي للسماء وماسكه بطني يوجعني من كثر ماضحكت بوقتها شكله كذا الشد العضلي انتقل من ضروسي لمعدتي "شوفوه:
وقلت لاخوي واختي ابوي شافنا للمره الثانيه هههه والاخ معصب مني مدري ليه ويقول دفي بسرعه ..

ياسلام هو مايعرف يسوق شنو ذنبي أنا اتعذب وياه ماهي الا دقائق الا الوالد وقف من بعيد وجاء يمشي لجهتنا لما قطع ربع المسافه والا حضرت السياره تتحرك وترجع لوراء بسرعه واخوي نط بداخلها :k:
الشي الغريب في امر السيارات لما نكون ندفها ماتتحرك ولما يجي الوالد سبحان الله تخرج من مكانها وتتحرك شكلها كذا تخاف من أبوي معطيها العين الحمراء :k:او انها ناويه تعذبنا او تلعب ويانا ..

المره الجايه لو يصير نفس الشي راح اخوفها واقول لها ها شوفي لو ماتتحركين اعلم عليك الحرامي يسرقك انتي بعد ههههههههه لحظة لحظة ليه نعلم الحرامي اصلا ماعاد العب ويا هالاخ الخبل لحد مايتعلم اصول السواقه مثل العالم والناس ههههههههه بس وانتهى الموضوع ع خير واستانسنا وردينا للبيت
 
صفا حا ت من الحيــــــــاة..

.

(من بحور الشعر)


عسى مزعلتك البارح
وزودت الجراح جراح

عسى مامرت الدمعة ع اهدابك من اسبابي

جرحتك من كثر شوقي
وخليت الكلام رماح

ولا أدري شلون ياعمري طعنتك حيل بعتابي

بدون شعوري صدقني
ترى كثرالغلا ذباح

تعال وشوف بغيابك غلاك وشلون سوا بي

حرام تغيب من عمري
وتعطيني الفراق وشاح

حرام الدمع في عيني مناديله هي اهدابي

غيابك يشعل عيون الزوايا
وامتلي اشباح

وأنا انثر صوتك بقلب المكان واشعل أبوابي

تلفت للأمل دام الرجا
في عمري منواح

اناديلك ولو شرهت وصولك تقطع اعصابي

ابيك الجاي من عمري
أنا مابيك شي وراح

مدامك اجمل واخر احبابي
ابي ارتاح ياعمري

أنا ادري هم تبي ترتاح

تعال وقبل ما افرح ترى تفرح بك ثيابي

احبك يابعد عمر الحزن
والجرح والافراح

أحبك

أحبك

كثر مانامت عيونك داخل أهدابك


.
 
صفاحـــــــــــــــات من مذكرات طيـــــــــــــــف

.​
( جنو و و ن طفلة )






تسلل إلى عمق ذاتي
ليسرق عالم ليس بعالمه
تجول في


wallpaperheartsanimated1-1.gif


ارجاء القلب
وجد هناك مكان
يتسع للجميع
وقف مليا ينظر
الي بصمت
بداخله شيء لايقوى ع البوح به
يخاف كثيرا أن يفقد
ملامحه على سطوري
إن باح بمايخبي قلبه المجروح.!!
لا يعلم أني
في ذات الوقت انتظر حروفه لي..

في اللحظات الاخيرة
مع ملامسة الايدي
جهاز الحاسوب


373731women-1.gif


تلتقي العيون مره اخرى
بانبهار
يذوب صمته
فوق شموع الكلام
مع ذوبان المشاعر
على شفاه الحروف
ينتشر عطر عبيرها الفواح


x.png


ويملى حجرات قلبي
فينبض بنبضات متسارعه
تسكن ساعات السعادة

ay9oi22uqggt-1.gif

اختناق انفاسه
تمل من الانتظار
ينظر إلى جواله المقتول
بساعات الصبر
مازال لديه الأمل
بأن يسمع رنين قلبه
وماهي الا لحظات

نطق جواله المتيم
برقم غريب عنه
لكن ليس بغريب عن
نبضات قلبه

أراد أن يسمع صوتها
بأي ثمن
كانت من ضمن امنياته وأحلامه
كانت ككنز له مفقود
الو..
ارتجاف احاسيسه منعته من الرد
مازال همسها
يردد كلماتها الطفوليه له
أين أنت يا دبدوب؟؟
لم تحتمل مشاعرها فرحه اللقاء به
ضحكت بصوت ملى مسامع روحه

فابتسم
قال لها :/ الن تكفي عن جنونك
حتى في أول لقاء لنا ؟!
فضحكت
وقالت :/ أين أنت الان..؟؟
قال :/ لما؟؟
قالت :أجب فقط؟؟
قال:/ في ذات المكان الذي اعتدت أن أراك فيه من بعيد

ابتسمت لأنهما في ذات المكان
قالت له : اغمض عينيك
استسلم لجنونها وابتسم
وقال لها : ماذا تريدين أن تفعلي هذه المره ايتها المجنونه
قالت: افعل كما قلت لك يا من كنت سببا في جنوني
ابتسم واغمض عينيه
ايتها المجنونه اسرعي سيظن الناس أني مجنون
مازلت تضحك من اعماق روحها
وأنت كذلك عندما وقعت في حبي

وضعت اكف ايديها على عينيه المغمضتين
وقالت له : من أنا وهي تبتسم.!!
اخذ قلبه يخفق بشده لقربها منه لهذه الدرجه
همست باذنه اشتقت لك حبيبي
زاد نبضه اكثر
ماهذا ياقاتلتي ارجوك
كفاك تلاعبا بي
ارحمي قلبي
فأنا أحبك

أحبك
كلا بل
أعشقك بجنون



هلمي إلى حضني
ايتها الطفله المجنونه
لن أدعك ترحلين عن ناظري
لن أدعك تبتعدي عني بسهوله
لن أدعك تذهبين لغيري
حتى ان أردتي ذلك
لن أدعك تذهبين
فأنتي الان ملكي
لن اسمح لكي بذلك
فأنا أعشقك
اعشقك
يا
صغيرتي
المجنونه




نقطه
انتهى..​

.​
 
التعديل الأخير بواسطة المشرف:
رد: صفا حا ت من الحياة..

"كا كا:

وربي حالتكم صعبة مع السسيارة طيف
الله يسسعدك والله ..
موتيني ضحك أنتي والحرامي بتاعكم "شوفوه:

شوفوا البنت جالسه تضحك علي :h:
حسبي الله ع ابليسك
وربي صدق اقول ما أكذب:j:
من جد قهر هالحرامي ماخلا شي بحاله
المشكله مو اول مره :l: الحمد لله انو مو ساكنين فيها
ولا كان سرقنا واحنا نايمين بعد هههههههههههه
تصدقين وربي صدق انو هو حرامي ومجنن الوالد بس وربي
كل مانروح المزرعه يخليني اضحك "شوفوه:
الله يخليه من حرامي مرجوج ويهديه بعد ويبعد ه عن مزرعتنا :k:
هو لو يسمع كلام الوالد بس يعني مثل ماقال البابا يتمشى بس
لا يسرق يكون حرامي طيب وابن حلال :k:
انا مو خايفه الا ع شجرتي الي دايم اجلس تحتها لي وياها ذكريات ههههههه
اخاف يسرقها هي بعد :k: وتصير مشكله وادعي عليه
المشكله ماحب ادعي ع المسلمين لانو مايجوز بس توصل لشجرتي لا والف لا :k:

فديت روحك ياسكاكر:k:
 
خبر عاجل خبر عاجل توه جديد لحقو بسرعه ههههههه

"شوفوه:هههههههههه خبر عاجل خبر عاجل
تو جديد وتازة مثل مايقلون اخوانا المصريين:k:
في هذه اللحظات والتو:k:
دخل اخي المفعوص الذي تربطني به ذكرى سيئة
مع السيارات :h:
دخل مسرعا في هذه اللحظة الى البيت وهو مرعوب
وقالب وجه وشفايفه بيضاء اللون
كأفلام الكرتون وذلك بسبب خوفه من الحكومة هههههههههههه
تدرون الخبل يطق الباب بخوف ويقول افتحوا بسرعه
دش علي غرفتي ويقول لي ناظري من الدريشه شوفي الحكومه راحت
انا فغرت بعينيا الكبيرتين مدهوشه :g:
قلت حكومه مره وحده ليه الاخ ارهابي وانا مادري هههههههه "شوفوه:"شوفوه:
تدرون ليه خايف ؟؟؟؟؟؟؟؟ :b:
هالعادة البزارين حتى المراهقين مايبطلونها ايام الاختبارات
بهالوقت بعد مالناس يطلعون من الاختبار يجون هالمفاعيص
امثال اخي الصغير حفظهم الله
وياخذون قطع من ذاك الشي الي يشبه كيس اللحم عرفتوه ؟؟؟
ويملؤنها بالماء ثم يرمونها ع الباصات واي هندي يمر بالشارع هههههه :k:
حرام انا ماحب هالحركات خصوصا لما كنا نمشي قبل يالبنات تخاف الوحده تجي ع راسها :k:
تخيلوا عاد شكلنا ونحنا لابسين عباة وتجي وحده بوجهك او راسها "شوفوه:"كا كا:
قال الاخ بسرعه الحكومه جات ههههههههه والله ضحكني قال حكومه قال
خبل اخوي ذا مو صاحي :k:
 
صفا حا ت من الحياة..

.​

( نحن من نختار أن نكون )


x.png



لا يوجد رجل فاشل

أو

امرأة فاشلة

ولكن هناك من..

بدأ بالقاع وبقي فيه..




.
 
صفا حــــــــــــا ت من الحيـــــــــاة..

.

( من روائع السطور)



vacationonmaldivespictures3-1.jpg


كن فاصلھ ,

إذا رأيت موقف يجمد قلبك من الحزن

،

ضعھا وأكمل طريقك ..

ولا تكن نقط .

تتوقف عند هذا المشھد‏

لأنه بإمكانك تغييرھ فقط ..

ثق / ي .. بنفسك وأفعل الصواب




.
 
من الأعمــــــــــــــــــــــــــاق شكرا

.

إلى أخوتي وأخواني الفضلاء:/

زيتية العينين..

أخلاقي سر كياني..

أخوي:/سعود

شغوفه..

أخوي :/نفر كويس

دنيا الأمل..


غلا أمي رووووووووعه دائما حروف مميزه ك انتي ,, واخير قبل يقيمج من متى احاول فيه ,, اللي يدخل مدونتج ما وده يطلع منها ... متابعه عسوله والله يوفقج .

والله أنتي الي روعه..هههه عادي تصير حتى انا مو راضي يقيم اكثر من مره لازم نسوي مظاهرة ع هالموضوع :k: ويوفقك يالغاليه

بنت ماتهاب اللهم صلي عليه وسلم

بنوته ماتهاب تصدقين كل مادخل اشوف التقييم اصلي على نبينا علية أفضل الصلاة و والتسليم بسببك
thumbs_up



هالأخت احترت وش هو ردها بالضبط بالاخير طلعت تضحك بالمقلوب الله يرجها "شوفوه:
ثاني مره ركزي بضحتك جلست فتره وانا احاول اكشف خبايا الرموز طيب ع الاقل سوي كذا ^^
أسهل :k:


والله ما أعرف وشلون اشكركم
حروفي تعجز عن الشكر
من أعماق قلبي شكرا لكم
080525152614TdET-1.gif



.​
 
صفا حاـــــــــ ت من الحيـــــــــــــــــــاة..

.


262516820_4453e82019_o-1.jpg


إن جهاز الضغط والتحكم

في

العلاقات الإجتماعيه ..

يكون في يد الشخص نفسه ولا يعطيه للاخرين..


.
 
وقفــــــــــــــــــة صباحيـــــــــــــــة

.



x.png


الدنيا كالمراءه ابتسم لها تبتسم لك

حتما إنها ليست كالأسعار ترتفع أو تنخفض قيمتها ؟؟!!

ابتسم اليوم فربما لن تستطيع أن تبتسم غدا

الإبتسامه ضياء للعقل ..دفء للقلب..

.
 
شكـــــــــــــــرا على هذا الإهــــــداء..

.

(هذه الحروف أتت الي كإهداء.. فشكرا على كل حرف فيها)


كم أنت رائعة ... كروعة هذا المساء

كروعة هذا الموج الهادئ ... في الماء

كروعة هذا القمر الباسم ... في السماء

كم هو صعب أن يغوص عاشق ... في عيونك

كم هو جنون أن يتوه عاقل ... في جنونك

كم هي قاتلة عيونك ... كم هي ناعسة جفونك

مثلث برمودا يسكن بين أجفانك

بحر من الموت موجه وسط أحضانك

أهي سكرة الموت ... بين ذراعيك

أم دفء الحياة ... بابتسامة شفتيك

عيونك بحر من الظلام

ليل بلا قمر ولا شمس ولا نهار

ظلام لا يسكنه إلا المجانين العاشقين

أتوه في ظلامك وأنا سيد التائهين


t002-1.gif



.
 
صفا حا ت ونا اا اا اسه ترى اقول الصدق وربي

.

امس بالليل حزروا شو تعشينا؟؟؟
لا تفكرون أنا أقو لكم:k:
تعشينا تمساح ههههههههه :k:
ترى اتكلم بجد مامزح وياكم..:m:

طبعا الكل مكذبيني هالحين؟؟؟؟!!!:b:
يعني انتم بالله ماتكلون تماسيح :e:
عيني بعينكم هههههههه :k:

هذا ياطويلين العمر والعمرات
كنت اتعشى في امان الله واكل اخونا تمساح :k:
وهو عبارة عن ايدام الباميه اكيد تعرفونه :i:
بس من وانا صغيره اقول عليه تمساح هههههههه
شكله بجد تمساح حتى بداخله بيض مالحظتوا :b:
جالسه الوالده تقولي ليه تقولين عليه تمساح قلت اسالي روحك انتي الي قلت لي ههههههه "شوفوه:"شوفوه:
وقلت لها وانا اضحك عليها شكل جدتي كانت تكذب عليك وانتي صغيره وقالت لك اسمه تمساح .. :k: "شوفوه:
وانتي تكذبين علينا وقلت لنا انو تمساح وانا بكره اذا تزوجت اكذب ع اطفالي الاعزاء واقولهم انو تمساح هههههههه "شوفوه:
يارب سامحني أنا مو قصدي العب بالنعمه بس لما كنت اكل أنا واخوي كنت ماسكه راس التمساح وباقي ذيله خارج الخبز وافحط فيه داخل الصحن
واقوللهم جاكم التمساح وبعدين صرخت وقلت أنا صدته ناظروا فيني اهلي :g:
وقلت لهم أنا صدت التمساح شوفوه وبعدين رفعت التمساح فوق وقلت هممممم يعني اكلته ترى بجد سويتها وفطست ضحك أنا واهلي :k:
عاد الوالده غاسله ايدها مني اني اعقل هههههه
جاء الوالد وانا مسكت تمساح ثاني وجالسه احرك بحركه خفيفه من راسه وذيله يتحرك بسرعه يمين يسار كانه تمساح حقيقي واخوي فاطس ضحك علي :k:"كا كا:
قلت يبه شوف هذا تمساح ماعطاني وجه كثير قال طيب :l:
اما أنا عادي كملت اكل التماسيح بعد ماجاء شد عضلي ببطني من كثر ماضحكت وامي تناظر فيني وتقول الحمدلله والشكر انتي متى تكبرين ههههههههه
اذا مت اعقل ..أما وأنا حية ماقدرشي خالص هههههههههه "شوفوه:

هذي صور لثلاث تماسيح من عند سوبرماركت عمي قوقل :k:


x.png


اي نسيت اقولكم امس كان في وحده من بينهم طو و و يله وقلت لهم بصوت عالي وانا اضحك صدت تمساح كبير :m:
امي فسطت علي وباقي العايله شكلهم كذا يضحكون علي :l:

.
 
رد: صفا حا ت من الحياة..

مالاحظتوا في عضوة مختفية

---> إيش دخل ذا في ذا
x.png




طيف إختفت من يومين ..
لا يكون بتطلع قبل الموعد حقها
ترى بسسوي عليها بلاغ في السسلطات العليا "سيف:

هههههههههههههه انا ماكنت مختفيه يادبه
الا الشبكه يعل عينها البط تعللللق كثير فشلتني معاكم:j:
مو طالعه الا باخر يوم حددته بإذن الله
وبعدين وش ذا الاخت جايبه لي ايكونة ننجا :k:
ناويه حرب هههههههههههه
سكاكر جهزي المروحه في ناس ايضا مختفيين
اجل انا ليه كنت مختفيه اسوي مثلهم عشان اكفشهم :h:
بس ترى نمور خلاص عفوت عنه وبعد في اسم اخونا المشرف الوسمي كان امس
من ضمن المعذبين بس نظرا لوجوده امس قد عفونا عنه كانمور:k:
اليك قائمة الاسماء :h:
طبعا اختنا في الله كت كات هذه الفتاة مازالت في المقدمة ومحتلة الصداره
المره الاولى ماخافت ولا جاب فيها نتيجه فقررت اشتري مروحه جديده
يعني مو درجة واحد الى خمسه بل الى عشره صناعة صينيه جديده "ماشفتني: "ماشفتني:
واخونا في الله دمعة مظلوم لحظة لحظة لا قد عفوت عنه لانه مظلوم غيابه
خارج عن الارادة لما كنت اقرأ بمدونته اخر سطر فيها قال انو الوالده تعبانه
فالله يشفيها ويلبسها لباس الصحه والعافيه يارب
واشفي جميع امهات واباء ومرضى المسلمين قولوا امين وادعوا لوالدته الله يشفيها
طبعا انتي من ضمن المقبوضين عليهم سكاكر لانك بعد مختفيه ولا تسوين مثلي متخفيه لكشف الحقائق ههههههههههههه
بس بما انك ساعدتني في المهمة الاولى فقررت ماهو ات
تعين سكاكر خليفة لي في التعذيب باشتى انواعه :k: ولها كافة الصلاحيه عند غيابي
بس ها سكاكر بعدي عن نمور نمور ماله ذنب ;tongue;
ونظرا لانها خلصت امتحانات ومسويه لروحها الحمدلله والشكر حفله تقلد بعض الناس"ماشفتني:
قررنا مشاركتها حفلتها لكن بصفحتها ههههههههههههههههههههههه
بالله مو شاعره انا حاسه انو في مشروع شاعره بس ماعطيت روحي وجه خالص هههههه
 
عــــــــــــــــــــــــــــودة إلــــــــــــى قلم طيــــــــــف..

.

(من ورود أحرفي اهدي اليكم منها سطرا)



x.png



الحرف يشبه كثيرا في شكله الوردة الحمراء
يعجبك شكلها ولونها..
فلها معنى سامي في سماء المحبين ،
لكن ..
ما أن تتركها فترة لتذبل
فيعود اللون الأسود



x.png



حينها لونها الحقيقي
فتشوه بذلك جمالها

وينعكس ضوء الحب إلى الكره
الذي بنينا من رونقها عالم الأحلام..
ولكنه في حقيقة اصله عالم الأوهام..!!!

فليغرس كل منا ويحمل بيده وردة بيضاء



x.png


لأنها حتى وأن ذبلت
تحمل مع لونها عالم السلام
فيميل لونها إلى البياض يشوبه بعض الصفرة

فلنحمل لمن نحب وردة بيضاء
ولا نحمل لهم مايجلب لهم الألم بإدعاء أنها وردة حمراء!!!!

.
نقطة

انتهى..

.
 
من سولا ا ا افا ا ا تـــــــــــي

سولافة على السريع..:k:
في مره من المرات الكثيره وفي اجازة الويك اند تحديدا
لازم نخرج من أسوار بيتنا العزيز إلى الهواء الطلق ولان بابا يحفظه الله ويرعاه
أب رحيم يحب يرفه عن عايلته وخصوصا البنوتات امثالنا الحمد لله يارب انه أبوي هو أبوي مو أحد ثاني قولوا ماشاء الله thumbs_up

المهم نرجع للسولافه الثلاث الايام الاخيره لازم خروج واطلاق سراح السجناء من عناء الدراسه وغيره :k:
يعني اذا ماطلعنا الاربعاء نطلع الخميس واذ ماطلعنا الخميس اكيد مانفوت الجمعة ماكو فكه خرجه لازم نخرج :m:
واغلبيتها تكون يوم الجمعه المهم خرجنا لمخطط من مخطاطات بلادي اما عاد بلادي نصابه ^^
قصدي مخطط من مخططات بلدتي حلوة بلدتي هذه تقبل لانها صغيره :k:فيها مخططات طالعه نازله شنو تسمونها مادري يعني مكان مرتفع وبعدين نازل مثل قطار الموت ههههه
مخطط ....مراح اقول اسمه عشان ماتخربون علينا لعبتنا ههههه
هذا ياطويلين العمر والعمرات عند اخونا في الله الصعرور هو موصغرور بس نحنا نشوفه كذا عنده لعبه اسمها سكوتراو شي من هالقبيل سوالف اولاد ماعرفها :b:
المهم لها كفر صغير من قدام واثنين على جوانبه من الخلف طبعا لان اختكم في الله مرجوجه وماتقدر تطوف فرصه للعب والوناسه ماسكه معاي اني العب فيها بكيفي محد له شغل..:n:
مسيو بابا الله يخليه معودنا انو نلعب وناخذ راحتنا يعني نتحجب بس.. واكيد لابسين عباية بس لما تجي سياره كل وحده تتغطى ..هو فديته يخلينا بمكان مافيه احد عشان ناخذ راحتنا على الاخر بس مثل ماتعرفون بما انه المكان مخطط اكيد في سيارات رايحه جايه يعني مو بس نحنا الوحدين بالعالم الي نتمشى :k:

الخلاصه مثل مايقلون قلت للوالد يبه تعطيني الضوء الاخضر؟؟( لاني ماقدر اسوي شي بدون استذان والاكيد عشان ماخذ زفه معتبره بعدين فتجي بطيبة خاطر احلى )
قال على وشهو قلت ابي العب في هذا الشي قال طيب بس اذا جات سياره لا وصيك قلت له ابشر لاتوصي حريص هو اصلا يشوفنا لان جلستنا فوق ولما نلعب بهالعبه تفحطين تحت واكيد يشوفنا .. :k:
المهم والله واختكم تشد على حجابها عشان شعري مايطير والسبب الحقيقي عشان اذا جت سيارة بسرعه اغطي وجهي قلت لاخوي علمني وشلون اسوي قال لا والله ماتلعبين فيها ..:g:
يافلان مو راضي نذل.. على انو جايب معاه ثنتين يعني عارف خطتي المسبقه الي اتفقت فيها أنا وياه من قبل بس عبيط عاد وش تقولون..:l:
ناظرت لممتو العزيزة بعينين حزينتين فيها من كسر الخواطر مافيها(نصب)
قلت لها يمه شوفيه مايخليني العب ..قالت ياكبر ابليس حاطه عقلك بعقله وش كبرك وتبين تلعبين؟؟!!
ياسلام اجل ليه خارجين من جد قهر..يعني لما كنا صغار لاتشاغبون عيب وماعيب ولما كبرنا هم عيب وكبر ابليس بعد هههههه:k: لاحول ولاقوة الا بالله..
قلت لها بابتساماتي المعتادة أحب اعاند امي تعجبني لما تعصب هههه فديتها من باب المداعبه وليس العقوق المهم قلت لها ياسلام وليه هو يلعب وانا لا:k: ناظرت فيني يعني نظرة وشهالبلوة فهالبنت يارب هههه
قالت وهي تغمز بعيونها استحي ابوك فيه وتسوين هالحركات أنا فطست ضحك عليها قلت وانتي قلتيها ابوي مو غريب وناظرت للبابا وقلت له وانا اضحك يبه انت ماتبيني العب وشاره علي مثل ماتقول مس مامي

طبعا ماعطاني وجه ولا حتى أنا اعطيتني وجه :k: وتركتهم وبالقوة القاهرة والجبرية ركبت هالكائن الي مادري شو اسموه :k:
وقلت لهم وانا في بدايه المخطط نحو المنحدر اذا مالعبنا بحياتكم واستانسنا بوجودكم وانتم احياء متى نعيش الحياة تضمنون نتزوج واحد مايخلينا نلعب ونسوي الاشياء الي احبها
بعدين نحنا نسوي الاشياء قدام عينكم مو من وراكم ..حزن ابوي وشفق على طفلته الكبيره وقال وهو طفشان مني روحي العبي ان شاء الله تطحين ههههه شكله تاثر من كلامي ههههههههه.."شوفوه:"شوفوه:
 
ويبقــــــــــــــــى حرفــــــــــــــــك

.
( من سطور دفتر ايامي استخرجت سطرا)


x.png


( أشبا ا ا ا ه ملامح )

فيه شي يشبهني
ومن ملامح جروحي
جروح وملامح
..

كذا قسوة الزمن
تعانده وتعاندني
نستفز الألم
بضحكات ونكابر
..

سافرت ابتسامات الأمل
وبدون أسباب
تركته وتركتني
نغوص بأعماق الحبر
نستخرج الام المواجع
..

وبحر حبرنا

ورقه

وقلم

وحرف

وحبر

وسفينة خواطر
..

تاهت دروب الفرح
وقلبي على قلبه
زاد بالهم زود وانجرح في زيف المشاعر
.

نقطة
انتهى.

طيف عابر

.
 
من أرشيف مذكراتـــــــــــــــــــي سقطت هذه الورقه

.






تناديني أمواج الحياة فرميت روحي
بين أحضانها فغرقت بين مد وجزر الذكريات

.

نقطة
انتهى.


.
 
التعديل الأخير بواسطة المشرف:
عودة
أعلى