123

أحلام تتحقق و فنايل تتشقق - نهايات محزنه

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. شكسبير زماني
      03-05-2011, 10:31 PM

      أحلام تتحقق و فنايل تتشقق - نهايات محزنه

      أحلام تتحقق و فنايل تتشقق - نهايات محزنه







      مساء - صباح الخيرات والمسرات

      هذي التكمله جبناها بسرعه لكثرة الطلبات < يتمنن هو وجه !


      للمعلومية السالفة طويلة .. ويبي لها روقان تام ..




      للي ما قرىا الجزء الأول .. يضغط على الرابط اللي تحت ..

      { هنا }



      { .. أحلام تتحقق .. و .. فنايل تتشقق .. }


      الكثير من الناس عندما يكون على بعد خطوة واحده من تحقيق حلمه يتفاجأ بأن العقبات قد كثرت ..
      وكأن الدنيا ترفض وصوله إلى ما يريد ..
      وهذا غير صحيح فالعقبات والمصاعب موجودة في كل وقت ولكن لسهولتها في البداية لا يعيرها أحد اهتماما ..

      وقد أفنى العديد من العلماء والباحثين أعمارهم في هذا الصدد ..

      ويذكر أن العالم البوسني والهرسكي <-- جنسيته حلوه

      ( فرزنيتشيا صوداكاشيا ) قال :
      إنما مسيرة الفتى في تحقيق حلمه كشريط مغامرات بلاي ستيشن يبدأه بالمستوى السهل ثم يتدرج في المستويات ..
      حتى إذا لم يتبقى سوى خطوات على ختام الشريط أتاه الوحش النهائي فيأكله كما يأكل الأسد الفأر ..

      غير أن ما قاله هذا العالم قوبل باستهجان الكثير من العلماء ..
      فمنهم من اعترض على تشبيه السالفه بشريط بلاي ستيشن ..
      لأنه تشبيه في غير محله .

      وهناك أيضا دعاية للسوني على حساب الإكس بوكس والنتندو ..

      أما العالم التونسي ( زكي بو تكويشه ) فقد قال : لا أعلم .

      -- -- -- --
      كانت ابتسامة سالم دليل قوي على أنه يرى حلمه قد لاح في الأفق ولكن الظروف التي تحدث أمامه تخبره ب.أن يردد { ياليل مطولك } ..
      سالم يقول في نفسه : اخ يالقهر يعني الشي اللي طول عمري تمنيته يصير .. لما يكون بهالقرب مني ما أقدر له .!!
      لا .. لا ..
      سعيد يلتفت يمين ويسار يبي يشوف هاني وصل للمواقف ولا لا ..
      وطاحت عينه على جواله وهو يصدر نور قبل لا تشتغل النغمه ..

      مسك الجوال ورد ب.صوت غاضب :
      ألو .. أنت شتبي يا ثور

      سالم على الطرف الاخر :
      يابن الحلال تعال عند سيارتي صارت مشكله كبيرة .. !!

      سعيد :
      لحول طيب كل تراب راجع لك ..

      رجع سعيد وقف عند سالم و عيونه طالعه من مكانها .. يؤؤ يؤؤ وشذا .. ؟؟؟

      سالم :
      والله مدري شغلت سيارتي وجيت بأمشي عيت تتحرك السيارة يوم نزلت لقيتها كذا

      سعيد :
      تستهبل أنت .. أنا يوم حطيتك قبل دقيقه عند السياره كانت سليمة وما فيها أي شي ..

      سالم :
      سليمة ولا حليمة <-- موب وقتك يا ثور أنت وظرافتك
      والله شوف يا سعيد .. أنا لما ركبت السياره وحاولت أشغلها .. يمكن عيال الكلب أستغلوا الفرصه وسوا اللي تشوفه ..

      حاول سعيد يبلع السالفه لكن للأسف ما قدر ..
      بيني وبينكم السالفه ما تخش المخ ..
      يعني قبل دقيقه السيارة مافيها شي ..

      والحين مسروق منها ثلاث كفرات والكفر الرابع مشقوق ب.سكين ..
      ومكتوب على جنب السياره ب.خطاط أحمر .. { إذا ذهبت للبيت سوف تموت يا سالم .. إذهب مع أصدقاءك }

      قرر سعيد يطلع عشرين ريال من جيبه ويعطيها سالم عشان ياخذ تكسي ويروح للحارة ..

      بينما سعيد يمد يده إلى جيبه ..
      سالم كان يسوق الأعذار والتبريرات ويقول ما أقدر أروح البيت أخاف أموت ..
      يا سعيد انا ما اقدر أصبر بدوني <-- اه يا قلبي ..


      وبينما هم كذلك .. سكت سالم فجأه ..
      وسعيد دخل جو مع المشهد ..
      واستمر يحرك يده ببطئ في اتجاه جيبه عشان يغيظ سالم

      سكت سالم والدموع كانت تجتمع في عيونه قال في نفسه : لا .. يا رب يا رب يا رب ..


      توهق الضعيف .. ما يدري وش يقول ..
      يبي يدعو ربه يحقق له اللي في باله .. لكن ضاع الكلام ..

      غمض عيونه .. وكأنه استسلم للموت ..
      موت الحلم اللي كان على وشك تحقيقه ..

      يوم فتح عيونه .. كان أول منظر يشوفه .. هو المنقذ ..
      هو السعادة ..
      هو أحلى منظر ممكن يتخيله أحد ..
      كأنه يشوف لميس قدامه ب.كامل زينتها تغمز له ..
      كأنه يشوف ماردونا يرقص بالكوره على بعد أمتار منه ..
      كأنه يشوف شكسبي على الطبيعة يلقي قصة
      كأنه يشوف بانوراما داخله المواقف .. لا .. لا ..

      فعلا شاف بانوراما داخله المواقف ..
      ولا شعوريا صاح ب.أعلى صوته .. : هاني وصل ..


      نزلت يد سعيد اللي كانت على بعد ثلاثة سنتيمترات وخمسة ملليمترات من جيبه ..
      والتفت للجهة اللي كان يناظر فيها سالم .. وفعلا شاف نور ساطع ..
      يقترب منهم ..
      انطفى النور بعد ما وقفت السيارة على بعد مترين فقط ..

      ولا هذا هاني .. الشاب الوسيم اللي جاي من كندا جالس خلف الطاره ..
      سبحان الله كانت ملامح وجهه كأنها تقول يا عيال الكلب أنا غني أنا كاش أنا أدرس برىا
      ما أدري هل هي فعلا تقول كذا .. أو إن سالم وسعيد يتخيلون ه.الشي ..

      نزل هاني من السيارة باتجاه الشباب وكان لابس جنز وتيشيرت ، طالع مثل القمر اسم الله عليه
      ما يمديه يمشي خطوتين إلا وسالم ناقز عند وجهه ماد يده ويقول :
      هلا هاني السلام عليكم <-- مسوي يعرفه


      سحب عليه هاني لأنه كان يتوقع إنه عامل نظافه يبي فلوس ..
      واتجه لسعيد .. وبعد خمس بوسات بين هاني وسعيد .. أشر سعيد على سالم .. وقال :
      هذا واحد اسمه سالم .. <-- ابن الذينا ماقال صديقي

      ما ألتفت هاني .. لأن النظره الأولى كانت كفيلة إنها تخليه يكرهه شلون لو صار فيه نظرة ثانيه ..
      قال هاني :
      أوك .. <-- حاول يغصب نفسه يقول والنعم .. أو عاشت الأسامي لكن ماقدر ..

      بعد أربع دقايق .. كان فيها هاني هو اللي يسولف ويتكلم ..
      ويسأل عن الحال والأحوال .. لكن ما كان يلقى إجابة من الاثنين ..

      يوم ركز في الموضوع أكتشف إنهم يناظرون ف.الموتر وساحبين عليه .. لذلك قال :
      يالله مشينا ..؟؟

      وردوا بصوت واحد .. :
      مشينا ..

      ركب هاني السيارة .. أما سالم وسعيد .. كانوا واقفين عند باب الراكب الأمامي ..
      كلن يقول أنا بركب قدام ..

      سالم يقول ل.سعيد :
      يخوي كل تراب .. أنا اللي اقترحت عليك نتمشى اليوم وانا اللي اتصلت عليك بجوالي .. يعني انا المفروض أركب قدام ..

      سعيد :
      يابن الكلب هاني خويي أنا .. وسيارته تعتبر خويتي أنا ..
      يعني أنا أولى منك .. أنت ما ودك تحمد ربك لأني ب.أخليك تركب سيارة صديقي <-- ياليل

      سالم .. :
      قسمن ما تركب قدام إلا في حالة وحده .. على جثتي ..!!

      قامت اصواتهم ترتفع وكلن يحلف ويسب ويشتم ..
      وبعد لحظات .. دخلوا في عراك عنيف

      هاني مفجوع من اللي صار .. نزل من السيارة ركض .. باتجاه الحمير ..
      وصل عندهم وفرق بينهم ..
      لكن باقي كل واحد يسب الثاني ..

      سالم يقول : ..
      الشرهه ميب عليك .. على أمك اللي تركت موضوع تربيتك للشغاله ..

      ويرد سعيد : ..
      المشكله وقتها كانت أمك هي شغالتنا ..

      هاني ارتفع ضغطه وصاح ب.صوت عالي .. :
      بسسسسسسسسسسسسس يا ورعان ..
      خلاص انطم انت وياه .. أبوكم لا أبو من جمعكم يالمبزره ..
      سلامات وش فيكم ..؟؟

      رد سعيد .. وهو منزل راسه ف.الأرض :
      الحمار يبي يركب قدام ..!!

      نقز سالم .. :
      إيه أنا المفروض أركب قدام .. لأني اللي خليته يطلع اليوم من البيت .. وأنا اللي ..

      قاطعه هاني وهو شوي وينفجر :
      أقول لك بس يا حيوان ..
      سكتوا كلهم ..

      هاني :
      استغفر الله العظيم .. مين أكبر من الثاني .. فيكم ..؟

      كلهم تكلموا في نفس الوقت .. :
      أنا أكبر لا والله تراه نصاب .. ياخي أنا أكبر منك ..

      هاني حاط يده على راسه يحاول يركز موب قادر .. :
      وبعديييييييييين ؟؟؟؟؟
      كل واحد يطلع بطاقته خلوني أشوف مين أكبر ..

      قال سالم وهو يطلع بطاقته .. ترا يمكن بعد يومين أطلع البطاقة الجديده ..

      هاني :
      على تبن .. بأسفرك البحرين أنا ..؟؟

      سعيد يضحك ب.شويش .. عشان يقهر سالم
      مسك هاني البطاقات وجلس يقارن بين تواريخ الميلاد ..

      ناظر في سعيد .. وقال له .. :
      سعيد أركب قدام ..

      جلس سعيد برى السياره يتراقص من الفرح والنشوه ..
      ويشطف سالم عشان يغيظه ..
      سالم حمر وجهه من الغضب والحقد ..
      وأتوقع لو معه سكين وقتها .. كان نشبها في خشم سعيد ..

      ركبوا كلهم ف.السياره .. وتحركوا باتجاه شارع التحليه ..
      سالم وسعيد صاروا يتحركون بالحركه البطيئة يقال لهم ثقل ورزه ..

      ل.درجة إن سالم كان صوته نحيف وحاد ..
      لكن أول ما ركب .. صار بطيء .. وفيه بحه .. شلون ما أدري ..

      وبينما كان هاني يسولف لهم .. عن الغربه .. وكندا .. وإنه ما بقى له غير سته شهور .. ويحقق حلمه .. ويجيب الشهادة ..

      كان كل بعد عشر ثواني يطلع صوت ..
      كشششششششششننننك .. كشششششششنننك ..
      خاف هاني لا يكون السياره فيها شي ..
      لدرجة إنه من شدة الخوف .. وقف على جنب وطفى السياره ..
      لكن الصوت ما زال مستمرا ..

      لحول وش ه.الصوت ..
      إلتفت ورى .. لقى سالم .. ماسك جواله ..
      وحاط أصبعه على زر التصوير .. وما خلى زاويه ما صور منها ..
      لدرجة إنه مدخل الجوال تحت المرتبه .. وجالس يصور ...

      جلس هاني يتحمد ربه على نعمة العقل ..
      وقرر يتخلص من ه.الدلوخ ب.أسرع فرصة ..

      لذلك ما طرى في باله إلا أنهم يتعشون بعدين يرجعهم ل.سيارتهم ويروح ل.بيته ويمسح رقم جوال سعيد

      وفعلا .. قال هاني .. :
      يا شباب وين ودكم نتعشى ..؟؟

      محد فيهم تكلم ..!!

      فهم هاني الموضوع .. عرف إنهم طفارى ف.تدارك الموقف وقال :
      أنا عازمكم على العشا .. بس وين ودكم نروح ..

      إلتفت سعيد ل.سالم وقال :
      إممم تخبر يا سالم هذيك البوفية اللي تبيع نقانق .!!! .. تعرف موقعها بالضبط ؟؟

      سالم فتح فمة { كناية عن الإنبهار والإعجاب } وقال :
      يوه يلعن أممممممم نقانقهم ..
      بس أنا عندي مكان أحسن .. !!

      تحمس هاني اللي كان يقول في نفسه تخيل أتعشى في بوفية

      قال سعيد :
      وين المكان الأحسن .. ما أظن فيه أحسن من البوفيه اللي تبيع نقانق ..

      رد سالم وهو يناظر نظرة واحد واثق من كلامه وفيه شوفة نفس :
      القرموشي

      سعيد صرخ ب.صوت عالي :
      يوه والله راح عن بالي تتذكر قبل سنتين يوم يعزمنا ولد عمك هناك .. والله إلى الان أحس طعم المعصوب في لساني <-- الله ياخذك فرش أسنانك يا كلب

      تحطم هاني من أقتراحات الزلايب ..
      والمصيبه إنه ما خطر على باله ولا فكر إنهم ناس ضعوف وعلى قد حالهم ..
      أطلق مطعم يطري على بالهم القرموشي ..

      ناظر فيهم وقال :
      طيب أنا أعرف مطعم أطلق من كل ذولي ..
      والحين رايحين له ..

      قال سالم .. :
      ما أظن فيه أحسن من القرموشي .. لكن يالله نشوف .. !!

      بعد فترة بسيطة .. وقف هاني عند تشيليز
      و قال لهم يالله وصلنا ..
      محد رد عليه ..

      ناظر فيهم .. لقاهم يطالعون في بعض وعيونهم مفتوحه ع.الأخير وكل واحد فاتح فمه ..

      ابتسم هاني ابتسامه خبث تدل على إعجابه ب.نفسه .. وقال :
      ما تبون ه.المطعم نروح القرموشي أجل ..؟؟

      في لمح البصر لقى الثنين واقفين عند باب المطعم وينتظرونه

      دخلوا الثلاثه للمطعم .. وجلسوا على طاولة والإبتسامه ما فارقت وجه سالم وسعيد ..

      مر فلبيني من جنبهم وناداه هاني وقال له :
      منيو بليز ..

      يوم مشى الفلبيني نقز سالم وصاح ب.صوت عالي .. :
      يا صديق خلها ثنين منيو .. حقي بدون شطه

      هاني لا شعوريا صفق سالم كف وقال له :
      كل تراب واسكت لا تفشلنا ..

      بلع العافيه سالم وطلع جواله مسوي نفسه يكلم <-- يلعن أم تصريفتك ..

      أما سعيد في هذه اللحظات طلع جواله من مخباه واتصل على صديقه وأول ما رد عليه صديقه قال سعيد :
      أتحداك أنا وين الحين ؟؟
      : ...
      يا مسكين أنا في تشيليز ..
      : .... ... ..
      أقول كل تراب بس ترا لك أسبوع وانت وضعك موب عاجبني .. يالله انقلع .

      قفل الخط سعيد .. وناظر في هاني وقال :
      يا شين البزران .. مدري مين معلمهم إني في تشيليز <-- يلعن أم حالتك ي شيخ

      هاني ما عاد يقدر يتحمل اللي يشوفه واللي يصير قدامه ل.ذلك بدا يكثر من قول حسبي الله ونعم الوكيل ..

      قال للدلوخ اللي قدامه :
      انا ب.أطلب لكم على ذوقي .. ما أبي أحد يتكلم .. فاهمين .. ؟؟

      هز سعيد راسه بالموافقه ..
      ما يبي أي شي يخرب عليه حلمه ..

      من زمان وهو ينبسط إذا مر من جنب ه.المطعم ..
      وأخيرا جاء اليوم اللي يدخله ويتعشى فيه ..
      ياه .. يالها من لحظات سعيده بالنسبة ل.سعيد ..

      وصل الطلب وأخذ هاني الشوكه والسكين وقام ياكل ..
      لكن الشباب ما قدروا ياكلون .. ل.ذلك طلبوا من القرسون يجيب لهم ب.خبز ..

      وبعد ما تعشوا ..
      قرب سالم من سعيد .. وقال له كلمتين في أذنه .. وقام وهو يقول أنا بروح الحمام أغسل ..
      بعده ب.دقيقه قام سعيد وطلع من جيبة قلم ستدلر أبو ريال .. وحطه على الطاولة وقال :
      هاني لا تروح انتبه للقلم انا بروح أغسل وأجيك ..

      استغرب هاني من الحركة بس ما اهتم ..
      عند المغاسل كان سالم ينتظر سعيد .. ويوم وصل سعيد ..

      قال له سالم ..:
      يا ولد فيه مشكله .. مافيه إلا حمام واحد فاضي ..

      سعيد :
      عادي يالله دخلنا

      وفعلا دخلوا كلهم للحمام .. وجلسوا وبعد خمس دقايق .. قال سالم :
      تتوقع هاني دفع الحساب .. ولا باقي ..؟؟

      رد سعيد :
      صاحي أنت ترى هذا مطعم غالي يعني الحساب يطول ..

      وفي صالة المطعم كان هاني ينتظر وينتظر وينتظر .. لين طفش ..
      معقوله ربع ساعه يغسلون ..
      قام وأخذ القلم معه .. واتجه ل.المغاسل ..
      يوم وصل مالقى أحد ..
      المغاسل فاضيه ..
      بس سمع صوت في الحمام ..
      قرب من باب الحمام .. وحط أذنه ..
      في داخل الحمام

      كشششششششششششنننك .. كششششششششششنننك ..

      سعيد :
      هاه تتوقع حاسبهم .. ولا باقي ..

      سالم :
      أتوقع دفعه بس دقيقه ب.أكتب تاريخ اليوم ورقم جوالي ورى الباب .. < عيال فقر لاتلومونهم

      هاني رفس الباب ب.أقوى ما عنده وفعلا شاف سالم وسعيد في الحمام ..

      سعيد ماسك جواله ويصور نفسه ..
      و سالم معه خطاط أحمر ويكتب ذكرياته ورى الباب ..



      لا إراديا ..
      ولا شعوريا ..
      وتلقائيا ..

      صرخ هاني ب.صوت قوي جدا .. :
      ا ه .. لا .. يا ..

      وأصابه الجنون ..
      وأخذ يتخبط في المطعم يمنة ويسرة ..
      يشد فنيلته من على جسده ..
      حتى تقطعت

      وفي تلك الأثناء خرج سالم وسعيد ب.سرعة هائلة باتجاه الباب .. ولاذوا ب.الفرار





      ..

      لك الله يا هاني ..
      ف.بعد أن كنت مصدر فخر واعتزاز ل.عائلتك ..
      أصبحت مجنونا هائما على وجهك ..
      بعد أن كنت مثالا للذكاء والوسامة
      تم طردك من البعثة .. وأصبحت القذارة تغطي جسدك .. بعد أن كانت أمك تبحث لك عن عروس تقترن بها ..

      أصبح أبوك يبحث لك عن مستشفى للصحة النفسية يستطيع علاجك ..

      بعد أن كنت على باب حلمك الكبير ..
      اختفى ذلك الحلم بلا رجعه ..

      تلك هي الحياه ..
      لا تدوم ل.أحد ..
      ف.إن أسعدتك اليوم ..
      ف.انحش منها بكره ..
      وإن سطرتك اليوم ..
      ف.ربما تعطيك وجه في الغد القريب ..

      وتلك هي أحلامنا ..
      تتقاذفها الأيام ولا ندري هل تتحقق ..
      أم أن المقادير تخبئ لنا ما لا نريد ..


      { .. أحلام تتحقق .. و .. فنايل تتشقق .. }




      the END

      النهايه

      مدري وش يستفاد
      250*300 Second
    2. حوسة مشآعر
      04-05-2011, 12:13 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      { إذا ذهبت للبيت سوف تموت يا سالم .. إذهب مع أصدقاءك }



      ههههههههههههههههههههههههههههههاي

      يخرب بيت عدوك,,,ع هالقصه,,,أم الوناسه ههههههههههههههههههه

      يسلمو شكسبيرو,,,مواضيعك دوم مميزه
    3. آحسآس /هـالگ ،،،
      04-05-2011, 12:41 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      هههههههههههههههه نهايه محزنه بصراحه ،،، مسكين هاني ،،،، يسلموووو
    4. شكسبير زماني
      04-05-2011, 12:45 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      المشاركة الأصلية كتبت بواسطة لنو الدلوعه
      { إذا ذهبت للبيت سوف تموت يا سالم .. إذهب مع أصدقاءك }



      ههههههههههههههههههههههههههههههاي

      يخرب بيت عدوك,,,ع هالقصه,,,أم الوناسه ههههههههههههههههههه

      يسلمو شكسبيرو,,,مواضيعك دوم مميزه


      دوووم الضحكه يارب


      إذا أنخرب بيت عدوي وين يروح اخاف يقلط عندي بالبيت أحلام تتحقق و فنايل تتشقق - نهايات محزنه < كل تبن


      الله يسلمك التميز يكمن في مرورك

      لاعدمت طلتك يالغلا
    5. شكسبير زماني
      04-05-2011, 12:48 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      المشاركة الأصلية كتبت بواسطة احساس /هالك ،،،
      هههههههههههههههه نهايه محزنه بصراحه ،،، مسكين هاني ،،،، يسلمو

      دوووم الضحكه


      الله يكون في عونه أحلام تتحقق و فنايل تتشقق - نهايات محزنه


      نؤؤؤرتي لاعدمت طلتك
    6. حوسة مشآعر
      04-05-2011, 12:48 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      أيوه نسيت شيء مهم,,,

      أول فايف ستارز مني في المنتدى ,,,لموضوعك <<<<<<احلفي

      المهم تستاهل ,,عندك حس دعابه مشاء الله ,,,
    7. شكسبير زماني
      04-05-2011, 12:54 AM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      المشاركة الأصلية كتبت بواسطة لنو الدلوعه
      أيوه نسيت شيء مهم,,,

      أول فايف ستارز مني في المنتدى ,,,لموضوعك <<<<<<احلفي

      المهم تستاهل ,,عندك حس دعابه مشاء الله ,,,

      تسلمين والله < باقي ما أستوعب أحلام تتحقق و فنايل تتشقق - نهايات محزنه


      يشرفني أني أول واحد اخذ فايف ستار منتس < اخلص علينا



      تستاهلين الطيب ي وخيتي
    8. عبير احمد
      04-05-2011, 04:11 PM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      هههههههههههههههه

      وقسمممن ان النهإيه ششي ششي خيإلي <-- اذلفففي ض1

      استمممر إلى الطيييرإن ض2

      لا يوقف =)
    9. شكسبير زماني
      04-05-2011, 06:44 PM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      المشاركة الأصلية كتبت بواسطة عبير احمد
      هههههههههههههههه

      وقسمممن ان النهإيه ششي ششي خيإلي <-- اذلفففي ض1

      استمممر إلى الطيييرإن ض2

      لا يوقف =)
      دووم الضحكه

      شي + شي = وش يساوي < الخلا

      علىا طاري الطيران متىا رحلة بانكوك < كل تبن أحلام تتحقق و فنايل تتشقق - نهايات محزنه

      نؤؤؤرتي لاعدمنا طلتك
    10. *الوجدان الصافي*
      04-05-2011, 06:50 PM

      رد: أحلام تتحقق .. و .. فنـايل تتشقق < نهآيآت محزنه

      أحلام تتحقق و فنايل تتشقق - نهايات محزنه


      هههههههههههههههههه

      يعطيك العافية

      يسلمو
    123