12

ذكريات المدرسه والمعاناة

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. متاهات
      01-05-2011, 12:34 AM

      ذكريات المدرسه والمعاناة

      ذكريات المدرسه والمعاناة


      بكيت بعدك لين حزني بكاني
      واصبحت في الدنيا بليا هوايات

      يالغاليه مدري علامه زماني
      يبغاني انسى مامضى واللذي فات

      والله مانسى ذكريات الاماني
      وذكريات المدرسه والمعانات

      في حصة التعبير كم كنت اعاني
      وتكتبين تعليق من عدة ابيات

      واضحك عليك بصمت وادعي عساني
      فدوة صديقة غربتي والبدايات

      وبالفصل اذكر كنت مبغى مكاني
      ابغى اكون بقرب اغلى الصديقات

      واقول :: يأبله دخيلك هذاني
      فديتك استاذه مابغى الاخيرات

      واتعلل اني ماشوف المعاني
      ولاشوف اللي انكتب والعبارات

      ليتك اخذتي ذكرياتك عشاني
      وباقي اغراضك وحتى المسجات

      يالغاليه حزني وضح للعياني
      يسكن بداخل عزلتي والكتابات

      صديقتي تبقين بأقصى المحاني
      وذكرياتك ساكنه في الممرات

      يالغاليه طيفك يعيش بكياني
      هيهات يتركني وهو داخل الذات

      من يوم غادرتي وحزني لفاني
      ماعد يفارقني ولو بس لحظات

      اواه ياذكرى وهما دعاني
      بدري اعيش بحزن وابدأ النهايات

      ثلاثه وعشرين وهمي غشاني
      من شافني يقول اكبر بلا اثبات

      ياليني ماحس هما شكاني
      ولا اذكر الماضي ولاهل عبرات

      وياليت ياحزني تغادر ثواني
      واقول ياقلبي مافات هو مات

      يارحمة الله ارحمي طيف جاني
      يعيش داخل قلب عايش متاهات

      يالله عساها فوق بأعلى الجناني
      وعسى حياتي تنقلب للمسرات


      ...بقلمي...
      250*300 Second
    2. الامير العنيد
      01-05-2011, 01:20 AM

      رد: ذكريات المدرسه والمعاناة

      ذكريات المدرسه والمعاناة


      ابداع ابداع متاهات

      اولا الله يرحمها

      يالله عساها فوق بأعلى الجناني

      شاعرة بمعنى الكلمة
      كلمات ومعاني جدا رائعة
      تملكين احساس مميز

      تقبلي مروري

      العنيد
    3. متاهات
      01-05-2011, 01:40 AM

      رد: ذكريات المدرسه والمعاناة

      ذكريات المدرسه والمعاناة


      العنيد

      الابداع والتميز هو حضورك وردك

      لاعدمت التواجد..
    4. *مزون شمر*
      01-05-2011, 07:54 PM

      رد: ذكريات المدرسه والمعاناة

      ذكريات المدرسه والمعاناة


      الله يبعد عنك الهم و الحزن
      ويجعل حياتك سعاده ..

      متاهات
      نص رائع
      صح السانك و يسلم منطوقك
      لاهنتي يالغلا
    5. غآلي
      01-05-2011, 11:35 PM

      رد: ذكريات المدرسه والمعاناة

      ذكريات المدرسه والمعاناة


      صح لسانك شاعرتنا الرائعه متاهات الله يصبرك ويبعد عن الاحزان امين
    6. متاهات
      02-05-2011, 12:02 AM

      رد: ذكريات المدرسه والمعاناة

      ذكريات المدرسه والمعاناة


      مزون شمر

      صح قلبك حياتي
      ولاهنتي ع مرورك
      الله يسعدك ويعطيك العافيه؛
    7. متاهات
      02-05-2011, 12:07 AM

      رد: ذكريات المدرسه والمعاناة

      ذكريات المدرسه والمعاناة


      غالي

      صح بدنك اخوي
      وتسلم ع المرور والرد
      الله يسعدك ويعطيك العافيه؛
    8. @@@فراولة@@@
      02-05-2011, 12:15 AM

      رد: ذكريات المدرسه والمعاناة

      ذكريات المدرسه والمعاناة


      يارحمة الله ارحمي طيف جاني
      يعيش داخل قلب عايش متاهات

      يالله عساها فوق بأعلى الجناني
      وعسى حياتي تنقلب للمسرات




      ماشاء الله عليك ياشاعر
      كلمات فائقة ومعبرة وحزينة
      كلمات في قمة الابداع والروعة
      سلمت يمناك الرقيقة على الكلمات الجميلة
      واناملك الذهبية على الابداع الحلو
      انتي شاعرة بمعنى الكلمة
      ان شاء الله دوووم يكون قلمك ساطع في عبير
      ننتضر ابداعك بفارغ الصبر يامبدعة
      تحياتي فوفو
    9. متاهات
      02-05-2011, 03:53 AM

      رد: ذكريات المدرسه والمعاناة

      ذكريات المدرسه والمعاناة


      فراوله

      تسلمين ياقلبي ع الرد
      الله يسعدك غلاي
      ولاعدمت تواجدك ومرورك
      يعطيك الف عافيه ..
    10. طير القوافي
      02-05-2011, 02:39 PM

      رد: ذكريات المدرسه والمعاناة

      ذكريات المدرسه والمعاناة


      صح لسانك
      جميله كثير القصيده
      الله يوفقك
    12