ما يطرح دموع الرجل
يا صاحبي لا تزعجك دمعة العين
بعض الدموع تعقب للقلب راحه
اليا نزلت من ضيقة فالشرايين
يعود للقلب الحزين انشراحه
بلاك من دمع محدر على وين
ماله بساحات الرجوله مساحه
الاوله لا من غدا الليل ليلين
في ساعة كل هجع في مراحه
لا فز من نومه زبون الامرين
واعلن مع الرحمن ساعة صراحه
عده سجين وقصته عقب يومين
لكن سبقه العفو واطلق سراحه
والثانيه لا فارق القلب غالين
فرقا مهي فرقا السفر والسياحه
فرقا الكفن والمقبرة والمعزين
فرقا سؤال المغفرة والاباحه
في غيرهن يا صاحبي ريح العين
واستنقص الدنيا وتزداد راحه
~~~~
القصيده منقوله