هم الدنيا ،،، ونهايه انسان ،،،!

الشعر, قصيدة , شعراء, القصايد ارسال إلى Twitter ارسال إلى facebook
  1. ASER..4KRAK
    07-04-2011, 01:29 AM

    هـــم الــدنــــيا ،،، ونهــــايه انســـــان ،،،!

    هم الدنيا ،،، ونهايه انسان ،،،!


    بسم الله الرحمن الرحيم "




    السلام عليكم ورحمه الله وبركاته





    ياهم صدري علامك ليه تشقيني=
    وش عاد تبغى بحالي عقب سميته


    لك مده وانت ياهمي مخاويني=
    ولافيه جرح بصدري ماتبنيته



    وقتي غدربي وحظي خالف سنيني=
    موال حزني على الأطلال غنيته



    ياضيقة الصدر مابه من يواسيني=
    ياكود رجم ليا ضاقت تعليته


    وأبيات شعر على الحروه تناديني=
    لاصغت موالها والصوت جريته



    والهاجس اللي على الذكرى يسريني=
    مامل مني وأنا ياناس مليته



    دنيا رديه على الغالين تبكيني=
    ياكم فقيد عليه الثوب شقيته



    همي من أحزانها ياناس طاويني=
    والجرح ينزف ودمع العين هليته



    يالله وأنا طالبك بالعسر والليني=
    ياسامع ادعاي ياربي وماخفيته



    لاحان وقت القدر يارب تحميني=
    واللتفت الساق عز المال خليته



    وأنهلت ادموع ربعي والعزاء فيني=
    والمقبره ضايقه والقبر واريته




    وأقفوا وخلوا ظلام القبر يحويني=
    وأخرهم اللي على قبري تناهيته



    في ظلمه القبر مابه من يسليني=
    ياكود ماصار في الدنيا وسويته




    يالله عسى كتابي إليامت بيميني=
    يامنزل الغيث يامسقي نوابيته
  2. طير القوافي
    07-04-2011, 01:45 AM

    رد: هـــم الــدنــــيا ،،، ونهــــايه انســـــان ،،،!

    هم الدنيا ،،، ونهايه انسان ،،،!



    لاحان وقت القدر يارب تحميني=
    واللتفت الساق عز المال خليته



    وأنهلت ادموع ربعي والعزاء فيني=
    والمقبره ضايقه والقبر واريته


    صح لسانك
    قصيده جميله ومعبره
    الله يسعدك على الطرح الجميل
    لاتحرمنا جديدك
    احترامي
    طير القوافي
  3. ¤*Beautiful*¤
    09-04-2011, 04:15 PM

    رد: هـــم الــدنــــيا ،،، ونهــــايه انســـــان ،،،!

    هم الدنيا ،،، ونهايه انسان ،،،!


    واو أروع
    وأحلى شعرمرأأأأ روعه

    صح لسسانك يالغلا
    اكييد تسستأهل احلى واطلق تقييم
    تقبل مروري

  4. *مزون شمر*
    09-04-2011, 07:52 PM

    رد: هـــم الــدنــــيا ،،، ونهــــايه انســـــان ،،،!

    هم الدنيا ،،، ونهايه انسان ،،،!


    وعليكم السلام ورحمة الله وبركاته

    حياك الله اخوي

    نص جميل
    يعطيك العافيه

    بس ياليت توضح لنا القصيده لك اولا حسب القوانين هنا
    ولك شكري