1234

مساحه خاصه له / حمد البريدي

ديوان قصائد الشاعر - ديوان قصائد الشاعره
  • ارسال إلى Twitter
  • ارسال إلى facebook
  • ارسال إلى google plus
    1. • عنآقيد تۈت •
      26-03-2011, 10:58 PM

      مسآحه خآصه له / حمد البريدي

      مساحه خاصه له / حمد البريدي


      *



      مساحه خاصه له / حمد البريدي


      7
      شغفت بحرفه حد الثماله ومازلت ..!
      هنا مساحه خاصه لنبض حرفه وإحساسه مساحه خاصه له / حمد البريدي
      كونو بالقرب /~ مساحه خاصه له / حمد البريدي



      .
      250*300 Second
    2. • عنآقيد تۈت •
      26-03-2011, 11:07 PM

      فلسفة شــــاعر .،

      مساحه خاصه له / حمد البريدي


      .


      قالوا الشقا وشهو الشقا قلت الشقا .. ظلم السنين
      ( احد يمر ويتعبه ) !! ( واحد يمر ويقهره ) !!
      قالوا الحزن وشهو الحزن قلت الحزن .. دمعة وعين
      احد قوي .. ويصطبر .. واحد تبلل محجره !!
      قالوا الوفا .. وشهو الوفا قلت الوفا .. مسالم يدين
      واللي يغدر فصاحبه .. عاد الليال بتغدره !!
      قالوا الجفا وشهو الجفا قلت الجفا قسوة ولين
      يما تغلى صاحبك .. يما ملقيك ظهره !!
      قالوا الوصل وشهو الوصل قلت الوصل ماله وزين
      يبري جروح ما برت .. والعفو عند المقدره
      قالوا الامل وشهو الامل قلت الامل .. في نظرتين
      احدن يحاول يكسبه .. واحدن يخاف ان يخسره !!
      قالوا الرجاء وشهو الرجاء قلت الرجاء .. قلب حزين
      يمشي على تراب الامل ,, ويخاف لا يسفى ثره !!
      قالوا الوجيه اشهي الوجيه وقلت هي من جانبين
      ( وجه يزينه العفاف ) .. ( وجه زين بمظهره ) !!
      قالوا الحكي وشهو الحكي قلت الحكي .. ما بين بين
      خير الحكي ما قل دل .. وزبدة القول ( ثمره )
      قالوا الخجل وشهو الخجل قلت الخجل بالعام زين
      ( بس الخجل لا صار دون الحق .. خزي ومحقره )
      قالوا الزمن وشهو الزمن قلت الزمن في ساعتين
      ساعة طرب نفس وهوى وساعة خشوع وتذكره
      قالوا الغلا وشهو الغلا قلت الغلا .. حب دفين
      والحب لا قدهو حقيقه ودك انك تستره !!
      قالوا الخطا وشهو الخطا قلت الخطا الله يعين
      احدن ما لاخطاءه عذر واحدن ليا اخطا تعذره
      قالوا المره وشهي المره .. قلت المره ضلع لدين
      يبقى على طول اعوج .. من جاء يعدله كسره
      قالوا الرجل وشهو الرجل قلت الرجل في حالتين
      ابختصرها والذكي لا جاه حكيي فسره
      ( رجل سليط وكلمته ماهي تغدي لك كلمتين
      ورجل مع العالم رجل .. لكن مسيرته مره !! )

      ،
    3. • عنآقيد تۈت •
      26-03-2011, 11:18 PM

      يعني آكون آغليك وآعيش محـروم .، احسن من جروحك علي كـل ساعـه

      مساحه خاصه له / حمد البريدي


      .


      ويش انت تبغي بي .. معا طاري النوم ؟!
      طيفك يبيتني .. ولابه مناعه ..!
      احط خدي شوي واطريك . . . واقوم
      ويغزي السهر عيني ولابه .. فراعه
      اسري وادور خط ماهو بمزحوم ؟؟
      واقول للهاجوس .. سمعا وطاعه ؟؟
      من غبت حافظ لك وسط جوفي البوم
      ما اغير اقلب بالصور . . . كل ساعه
      وجهك على جدار المعاليق مرسوم
      عين المهاه .. وخد يبرق شعاعه
      عز الله ان الناس معطى ومحروم
      فلان شاري فلان وفلان .. باعه
      غدا بك الوقت الردي جعله القوم ؟
      والروح عقبك عايشه ... في مجاعه
      غذيتها .. دمع وتناهيت .. وهموم ؟ ؟
      والقلب لا غذي من الصبر زاعه
      اي والله احبك لا ادري وش الوم
      الوم وصلك ولا الوم .. انقطاعه ؟ ؟
      باحلفك بالله .. هو يقبل السوم ؟؟
      قلب " ما صدق فيك .. هرج الاشاعه
      واحلفك بالله .. والقلب مضيوم ؟؟
      متاك تنسى عاشقك .. وارتياعه ؟؟
      حبك بكوم .. وصدك التالي بكوم
      فليت لجروح الليالي .. شراعه ؟؟
      انا كان ما يجيبك سوى جرح وسهوم
      اجرح ويفداك الحشا .. والتياعه
      قصايدي باسمك .. سبت كل مهيوم
      لين فضحتني .. في عيون الجماعه
      ياللي تواصل يوم .. وتغيب كم يوم ؟
      غلاك في نقصان .. عقب ارتفاعه
      سكين غدر الوقت .. قاتل ومسموم
      ويالله سترك .. من طعون البشاعه
      متسحرك قلبي .. ولا فادك بك صوم
      ما كني موصيك .. واقول راعه
      مابه على دنيا الفنا .. حاجه تدوم
      واكبر دليل .. الحب .. ضعت بضياعه
      يا ليل .. وش سراك في قلب مظلوم
      منت برفيق لي ولا لك .. وداعه
      سريت متثبت .. وذا الحين منجوم
      وش يرحم المشتاق .. والشوق لاعه
      فيا من .. تقول ان الحكم دايمه دوم
      وش رايك ان الضد .. يصبح ( قناعه )
      ركز معي .. واسمع مفاهيم وعلوم
      عشان تدري كيف حبك .. الصناعه
      الخبث في الاعداء .. ما يلحقه لوم
      والكذب لجل الوصل .. ينهي القطاعه
      وطعم السهر بالحب احلى من النوم
      والذل من فرقا المحبه .. شجاعه
      يعني اكون اغليك .. واعيش محروم
      احسن من جروحك علي كل ساعه

      ،
    4. • عنآقيد تۈت •
      26-03-2011, 11:24 PM

      مبدا المحبه غرام ومنتهاها جروح .، هي هكذا تجربتها .. يوم عانيتها !

      مساحه خاصه له / حمد البريدي


      .


      يا من ذبحت المحاني من غلاك الجموح
      مرابطك في خفوقي ليه .. خليتها !!
      نسيت مفلاك في ضلع الغلا والسفوح
      اللي على طارف اضلاعي تخطريتها
      فوحت دلة غلاتك .. والمشاعر تفوح
      وبن الهوى يحيي الاذهان ويميتها !!
      وصبيت لك من بهار الطيب ( فنجال روح )
      ونثرت صبة يميني .. يوم مديتها !!
      اوجعتني وانت ما تدري .. لو انها مزوح
      وفهمت وش مقصدك منها .. وقاسيتها
      يا ليت جرح الهوى لحظات عقبه يروح
      ما كان نفسي على فرقاك .. حديتها !!
      عواصف الحزن هدت من جفاك الطموح
      في كلمة (ن) لا وصلت إلها .. تعديتها !!
      أسكت الحزن في .. وتنطق العين بوح
      حسبي على دمعة لرضاك هليتها !!
      خلاص باح العزا لو كان قلبي سموح
      يا أول واخر أماني قد .. تمنيتها !!
      الحب ماهو بغصبا !! تبغي تروح روح
      ذبلت ورود المشاعر وأنت ما اسقيتها
      قد قلت لك .. والقسى في عين صدك يلوح
      حدك معك بالجفا .. وما كنك اوحيتها !!
      مبدا المحبه غرام ومنتهاها جروح !!
      هي هكذا .. تجربتها .. يوم عانيتها !!
      ما كنك اللي عرفته !! يا الغزال الذبوح
      حيرتني باربع اشياء .. ما تهقويتها
      ( حبك / وداعي غلاك / وغيرتك / والوضوح
      ماتت من الحزن ولا وين وديتها !! )
      ان رحت عنك تجي .. وان جيت يمك تروح
      يا تنهي المسأله ولا ترى انهيتها !!
      كرامتي مالها .. إلا استاذنك بالنزوح
      فإجمع خطايا الغرام .. وشب كبريتها

      ،
    5. *مزون شمر*
      15-09-2011, 01:22 PM

      قصيدة / بآفارقك

      مساحه خاصه له / حمد البريدي


      بافارقك .. لو كان ما اخترك فرقاك
      بافارقك .. وانا فرجوى وصالك

      البعد لو به خير ما كان خلاك ؟؟
      تقطع من عيون المحب اتصالك

      ما اكثرك فالصده وفالوصل ما اشواك
      الكبر لله .. ( لا يغرك جمالك ) !!

      خليتني للبعد .. والبعد قساك
      خلاك تنسى واحد" قد وفا لك ؟؟

      سليت سيف الهجر ؟؟ كني من اعداك
      وذبحت شوق الروح شاللي جرى لك

      العام ما تصعب الى قلت بلقاك
      واليوم من دون المواصيل هالك ؟؟

      منت بردي .. حسبي على الوقت رداك
      غير صفاك / وطيبتك / واعتدالك

      حاولت نسيانك .. وعييت لا انساك ؟؟
      لا جيت ابنسى .. ذيب صدري عوى لك

      لو انك بترجع كثر ما اتمناك ؟؟
      ما كان ذا حالي .. ولا ذا بحالك ؟؟

      كثر الجفا وانا أستغفر الله اشراك
      حبك كفر بي .. لعنبو من صفا لك

      خذاك مني البعد ما عاد بقاك ؟؟
      لكن على قول المثل مش حالك

      تدري وش اللي يقتل الشوق يا ذاك
      لاني بولد عمك ولا ولد خالك ؟؟

      الشوق برد .. ودافي الوصل لقياك
      وثلج الجفا خرب طريق اللقا لك

      علمتني حبك .. وعلمني انساك ؟؟
      لو كان من دنياي .. مابه بدالك
      تبغي تضيق خاطري جعله فداك ؟؟

      مهوب انا اللي يعاتبك في حلالك

      طلبتني قلبي وانا قلت لك .. جاك
      والحين سو بخافقي ما بدا لك ؟؟
    6. *مزون شمر*
      15-09-2011, 01:25 PM

      قصيدة / شفتك بعد غيبه

      مساحه خاصه له / حمد البريدي


      شفتك بعد غيبه .. وحاولت احاكيك
      مهوب من قلبي ولا من جراته !!

      بغيت اقول / فلان وازريت احاكيك
      وكني سمعت اسمي معا لالتفاته

      فزيت من نومي وانا اقول لبيييك
      واثرك رويا .. في منامي وجاته

      صفقت كف .. وقلت يا حلم يشوويك
      جددت لي جرح هنى في مباته

      يا اللي شريت البعد .. ما غاب طاريك
      حتى لو ان البعد .. سوا سواته

      مهوب محزني .. على حاجة فيك
      إلا إن قلبي شايف بك غناته !!

      كن الطيوف تقول وشحال غاليك
      واقول راح .. وما بقى الا غلاته

      لو ان ما جاني من الهم ياتيك
      كان المصلي ما حفظ وش صلاته

      مريت شارعكم .. وصادفني اخيك
      واللي قطع كبدي .. حلاتك حلاته

      بغيت الخبط من دعاياه ,, وادعيك
      واسمك وقف بين اللسان ولهاته !!

      وبغيت اجيب العيد واقول : يرضيك
      فاللي وصاتي له .. وضيع وصاته

      البعد شيب خافق ميت فيك !!
      والى مشى خطوه عثر في عصاته

      مشكلتي / إن قلبي يحبك ويغليك
      ومشكلتك / انك شخص عايش حياته

      كثر الجفا .. نار .. وحطبها تغليييك
      خف الحطب .. لا تزيد نار الشماته

      إن ما احزنك جرح برجواه يدعيك
      ما عاد تفرق .. عيشته من مماته

      قلبي وعمري كلها بين اياديك
      العمر فدوه .. لكن القلب هاته !!

      وإن ما بغيت ترد قلبي ما اوصيك
      احسن عزاه .. الى دريت بوفاته
    7. *مزون شمر*
      15-09-2011, 01:29 PM

      قصيدة / يا طير

      مساحه خاصه له / حمد البريدي


      يا طير حظك لا بغيت تطير ما اضناك المطير
      تنطح صلافيح الهوى من هيبتك وتعوقها !!

      وش لك بالارض العابسه والظلم والحظ الفقير
      بيض الليالي رخت ارشاها .. وقفت نوقها !!

      ما فيك لا برقع ولا لك وكر ولا لك جرير
      والله لو اني اياك لاشق السحب وافوقها !!

      لا ضاق صدري .. رحت بلحالي وحثيت المسير
      وان ضاق صدرك توكر بروس الجبال وفوقها

      شامخ ولك هيبه .. ولك سطوه ولك عزم خطير
      واليا نويت الصيده الجزله .. قدرت تبوقها !!

      اشبهك في غيك وغيك غير واحساسك عسير
      بس اختلف وياك .. فالقدره وفي منطوقها

      لا جعت مالي غير مالي .. بين زادي والحصير
      ولا انت مخلابك .. يقطع صيدتك وعروقها !!

      يا ليت لي جنحانك اللي لو بغت وادي عسير
      ما ردها منه سوى منشي السحب وبروقها

      يا طير .. شفني والله اني من عنا الدنيا كسير
      وكسرة جناح العزم .. ما تثنى الطموح بعوقها

      سيف القهر مبطي وهو ما فارق اطراف الجفير
      وانا علي مرفوق نفس خاطري .. مرفوقها

      احاول اجمع ما بقى لي من امل .. باحساس غير
      واكبح جموح النفس .. لو نفسي ذبحها شوقها

      انا ادري اني ماني بحاكم بلد ولا أمير !!
      لكني اجاري كبار الناس .. واسلب ذوقها

      أملك من الاحساس والقدره وتحديد المصير
      ما يكفي انه يحل ازمات العرب ووثوقها

      لكن حدود العقل والحريه وشوف البصير
      كنها تقول الابتعاد احيان .. من منطوقها

      ياليت مالي قلب يشعر ويتضايق ثم يغير
      ما كان وجهي شحبته الاقنعه وطروقها

      عيبي خلقت من الوفا .. بس الزمن ما فيه خير
      مثلي مثل ناس تعيش .. وما توفي حقوقها
    8. *مزون شمر*
      15-09-2011, 01:32 PM

      قصيدة / خطايا الغرام

      مساحه خاصه له / حمد البريدي


      يا من ذبحت المحاني من غلاك الجموح
      مرابطك في خفوقي ليه .. خليتها !!

      نسيت مفلاك في ضلع الغلا والسفوح
      اللي على طارف اضلاعي تخطريتها

      فوحت دلة غلاتك .. والمشاعر تفوح
      وبن الهوى يحيي الاذهان ويميتها !!

      وصبيت لك من بهار الطيب ( فنجال روح )
      ونثرت صبة يميني .. يوم مديتها !!

      اوجعتني وانت ما تدري .. لو انها مزوح
      وفهمت وش مقصدك منها .. وقاسيتها

      يا ليت جرح الهوى لحظات عقبه يروح
      ما كان نفسي على فرقاك .. حديتها !!

      عواصف الحزن هدت من جفاك الطموح
      في كلمة (ن) لا وصلت إلها .. تعديتها !!

      أسكت الحزن في .. وتنطق العين بوح
      حسبي على دمعة لرضاك هليتها !!

      خلاص باح العزا لو كان قلبي سموح
      يا أول واخر أماني قد .. تمنيتها !!

      الحب ماهو بغصبا !! تبغي تروح روح
      ذبلت ورود المشاعر وأنت ما اسقيتها

      قد قلت لك .. والقسى في عين صدك يلوح
      حدك معك بالجفا .. وما كنك اوحيتها !!

      مبدا المحبه غرام ومنتهاها جروح !!
      هي هكذا .. تجربتها .. يوم عانيتها !!

      ما كنك اللي عرفته !! يا الغزال الذبوح
      حيرتني باربع اشياء .. ما تهقويتها

      ( حبك / وداعي غلاك / وغيرتك / والوضوح
      ماتت من الحزن ولا وين وديتها !! )

      ان رحت عنك تجي .. وان جيت يمك تروح
      يا تنهي المسأله ولا ترى انهيتها !!

      كرامتي مالها .. إلا استاذنك بالنزوح
      فإجمع خطايا الغرام .. وشب كبريتها
    9. *مزون شمر*
      15-09-2011, 01:36 PM

      قصيدة / مكالمه

      مساحه خاصه له / حمد البريدي


      تغيب وتخلي !! .. المولع بين هجران ولضى !!
      وأنت الوحيد .. اللي ملك قلبه .. وعاش بعالمه !!

      وغيرت فيه .. اشياء ..كانت فيه .. من وقت مضى
      واطباعه اللي قبل عرفك.. كلبيها .. والمه !!

      يرسم لك البسمه .. وخافي ما بصدره ما نضا
      حتى لو ان سيف الزمن جاير عليه و ثالمه !!

      يدرى عليك من الزعل .. ويموت في كلمة رضى
      يشفق عليك من الهوى .. يا جعل روحك سالمه

      هذا أنا .. نعم أنا .. كوكب يعيش بلا فضا !!
      حبك غرامه فالحياه .. وخوف فقدك .. المه !!

      تغيب وضلوعي .. تناثر لك .. شضا شضا شضا
      ويلك من الله .. كان قلبي ما سواتك .. ظالمه

      مشيت دربك .. والهوى بارد .. وبي جمرة غضى
      اضمها بكفي .. واغني للعيون الحالمه !!

      يا حظني بك .. ايه !! لكن .. يوم قلبي بك حضى
      وش هي حياته دون ما تشوفه ودون تسالمه !!

      يا غاوي مغوي عيوني .. في جمال وفي عضا
      بيت ربيت وعشت فيه .. استوحشت . سلالمه !!

      قاسي ولا تدري شحصل .. واهداب عيني مرضا
      وحمد ما عاده لك حمد .. تغيرت معالمه !!

      محد سواك فغيبته .. احس باهمال .. وفضى
      ومحد سواك فعالمي .. وأطمح اعيش بعالمه !!

      صبرت .. يا لاهي .. وصبري من ( جفا صوتك ) قضى
      واحرقت قلبي .. والسبب .. كله عشان مكالمه !!
    10. *مزون شمر*
      15-09-2011, 01:38 PM

      قصيدة / سحايب

      مساحه خاصه له / حمد البريدي


      تغيب ما علمتني .. ليه غايب !؟
      كنك تعودني على ( غيبتك ) دوم

      سما غلاك ابطت عليها السحايب
      وطيور حبك قد لها ماهي تحوم

      نار الهموم لها ضلوعي حطايب
      وصدري وجار " ناره افكار وهموم

      والشوق يلفح نارها بالهبايب
      حتى دفنها طاري بالبعد بالسوم !!

      الحب لا جاء ما يجي بالغصايب
      حتى ولو تفرضه عادات وسلوم


      والوقت .. جارحني ولاني بطايب
      ويزيد جرحه جرح يا جعله القوم

      اخطيت فغيابك وابد منت صايب
      وما ينهدم حب بنيناه في يوم !!

      لا جيت لي بسألك ويش انت جايب؟
      احس غيباتك وراها لي اعلوم

      يرحمك يا قلب من الحب ذايب
      ويرحمش يا عين معد جالها نوم

      الدمع منها فوق خدي صبايب
      ارخى مشاهيبه على خدي وسوم

      يا وجد حالي وجد عود وشايب
      لا جاء يقوم تعيي ارجيله يقوم

      جافينه عياله ولا له قرايب
      من عقب ماهو لحاله يناطح القوم

      على الذي هو لوعتي والسبايب
      متنابي الردفين .. بالذوق مفطوم

      صفين رمشه صف جيش وحرايب
      كنها جيوش الفرس في مجابه الروم

      ياما علشانه شعبت الركايب
      ما همني منقود ربعي ولا اللوم

      لا شك دونه .. بالمحبه طلايب
      دونه بني عمه .. على الحايم تحوم

      فإن مت .. من حبي فسود الذوايب
      فالموت حق وكل نفس لها يوم

      لا شك .. انا باجيه ماني بهايب
      وما قدر الله للفتى جاه ( مقسوم )
    1234