12

رواية قلت أخليك حبيبي بالإسم و أمشي الحال فيك / بقلمي (جريئه)

روايتي الاولى - رواية قصة لم تكتمل ارسال إلى Twitter ارسال إلى facebook
  1. ملائكية النبض
    22-03-2011, 02:13 PM

    رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    قلت أخليك حبيبي بالإسم و أمشي الحال فيك /جريئه






    الشخصيات


    الجد محمود(طيب ومره حبوب وأحفادوا عندو اهم شي وما يقدر يرفض لأحد طلب وعندو أكبر شركات السعوديه)


    الجده سعديه(على قد انهم اغنياء مره على قد إنها شعبية مرره و هي اخذه عادات أهل زمان )


    العم عبد الحميد(رجل اعمال و يد والده اليمين يحب عياله مره طيب و حنون لكن اذا عصب محد يقرب منو


    حنان}زوجة عبد الحميد{ (أطيب من قلبها مافي مره حنونه لكن متفتحه تبغى كل شي اتيكيت ومرتب و أنيقه طبعا محد يقدر يلومها لانهم متربين على عز)


    رباب}بنت عبدالحميد الكبيره{ (عمرها 24 حلوه وبيضا وشعرها طويل وناعم مره و حبوبه مره متزوجه من واحد يقربلهم اسمه وليد و هو مرره يحبها ولو طلبت عيونه فداها وهي دحين حامل)



    أحمد}الولد الوحيد لعبدالحميد{(عمره 22 مره طيب وحنون ونص بنات السعوديه طايحين عليه اسمر وطويل له عضلات ومشترك في نادي المصارعه فيه رجوله مي طبيعيه و دايما يقول قلبي ما أسلمه إلا اللي يقدروا و يفهموا و هو مره فله ويحب يمزح ويضحك لكن وقت الجد ما عنده مزح يشتغل في أحد شركات العائلة)



    ريناد}اخر عنقود عبدالحميد{(مره رجه وفله وبايعه الدنيا بالي فيها عمرها 19 طويله متوسط و بيضا شعرها لين كتفها وناعم و عايشه علشان تبسط نفسها وبس)



    العم عمر}الولد المتوسط للجد{ ( مره فله ويحب المزح و الضحك مدير عام لشركه من شركاتهم و بنته روابي حياته كلها )


    بثينه}زوجته{ (نفس شخصية حنان)


    روابي}بنت عمر و بطلة الرواية{ (ناعمه وفيها جمال الي يشوفها يقول ملاك وانيقه وسمرا عمرها 19 تهتم بنفسها و صوتها مره حلو دايما هي وجدها يغنوا شعرها قصاه فكتوريا و ناعم مره و هي قصيره شويا وهدا الشي مسببلها قعده في العائله و جسمها مره يجنن)


    ياسر}ولد عمر{( عمره 20 ومره فله دماغه بايعها و دمه خفيف يحب يضحك ويمزح ما عنده جد مره عايش لنفسوا وبس وكل يوم مرقم بنت)



    العم عبدالله}أخر ولد لمحمود{(عصبي ومرره يقهر ما يحب عيال اخوانه ولا همن يحبوه دايما يتخاصم مع احمد متزوجوحده اسمها رانيا له 5 سنوات و دحين زوجته حامل و لئيم واذا حط شي في باله يسويه)




    باقي الشخصيات حتتعرفوا عليها في الروايه


  2. ملائكية النبض
    22-03-2011, 02:15 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    البارت الأول

    (في بيت عمر الساعه 9 في الليل)
    طبعا اليوم أول يوم في إجازه الصيف والكل كان مبسوط
    (في غرفة روابي)


    كانت تجههز علشان ياسر يوديها لبيت صحبتها علشان مسويه حفلة
    لابسه فستان اسود قصير فوق الركبه مره بدون حبال مخطط من فوق بأحمر والاسود مطلعها زي الملاك واستشورت شعرها و لبست صندل احمر(الله يكرمكم) وحطت مكياج خفيف لانها ما تحتاج مكياج و حطت روج أحمر واخذت الشنطه والعبايه وراحت على الصاله حطتها وراحت تنادي ياسر علشان يوديها
    (في غرفة ياسر)
    أحمد كان فيه لان نايم عندهم من امس و هو كل يوم عندهم حتى عندو نسخ من مفاتيح البيت
    روابي دقت الباب
    أحمد:أدخل
    روابي:أحمد فين ياسر علشان يوديني بيت صحبتي علشان انا متاخره
    أحمد مو قادر يرد عليها لانو شايف ملاك على الأرض بس عصب لما شاف روابي لابسه زي كدا
    أحمد بعصبية:لا أنا الي حأوديكي ياسر راح يجيب أغراض لأبوكي
    روابي: طيب يلا بسرعه الله يخليك
    أحمد بنفس العصبيه:بس روحي اول شي غيري المايوه الي انتي لبساه
    روابي عرفت إنو أحمد ما عجبوا اللبس: دا مو مايوه
    أحمد:انا بالنسبه ليا مايوه
    روابي:بالنسبه ليك مو ليا وانا عاجبني لبسي وانت مالك شغل فيا
    لا تكون بابا وانا ما ادري
    احمد ما قدر يشوف روابي تزعقله قام من السرير و قرب عليها
    وهيا سارت تبعد وهو يقرب وسار ظهرها على الجدار واحمد مره قريب من لدرجه إنو روابي تحس بأنفساه الحاره
    أحمد ما قدر يمسك نفسوا لما ركز في الروج وباسها على شفايفها روابي انصدمت وما عرفت ايش تسوي وما قدرت تدفوا ولا شي بس ساكته و مغمضه عينها
    أحمد حس بالي هو يسويه فتح عينه وشاف روابي مغمضه عينها بعد عنها أدالها ظهره
    أحمد: روابي انتي مره استغلاليه ما ادري ليش لما اشوفك مره اقدر امسك نفسي
    رجع لعصبيته الي كان فيها وقالها:دقيقه وحده لو ما غيرتي المهزله الي انا شايفها الا وربي مافي خرجه من البيت

    روابي ما قدرت تتكلم بعد الي حصل راحت غرفتها طلت في المراية شافت
    الروج ملغوص وطالع على برا عرفت انو الي كانت فيه حقيقه
    مسحت الروج وحطت روج تاني لونه بنك فاتح
    غيرت ملابسها لبست فستان مقلم اسود وازرق برقبه و ظهروا شويا مفتوح فوق الركبه بشويا ولبست تحته هيلاهوب(شراب طويل) متين لونه اسود
    (في غرفة ياسر)
    أحمد يدور في الغرفه مو عارف ايش يسوي وهو ليه سوا كدا
    طل في المرايه شاف روجها على شفايفه عض على شفايفوا و مسح الروج بيده
    وخرج يستناها في الصاله الي فيها عبايتها والشنطه وجلس على الكنبه وحط يده على راسوا و هو منزل راسوا
    دخل أبو روابي(عمر) الصاله وشاف احمد بالمنظر
    عمر:حماده
    أحمد:هلا عمي
    وقام سلم عليه
    عمر:من متى وانت هنا؟
    أحمد: من أمس
    عمر: والله خايف انك تتزوج
    أحمد:ليش عمي تقول دا الكلام
    عمر:تتزوج ما تسير تجي بيتنا و زوجتك تاخذ عننا وما نسير نشوفك ولا تنام عندنا وشكلك ترجعلي المفاتيح


    احمد:لا يا عمي دا بيتي التاني
    عمر: أصلا انت من كثر ما انت تنام عندنا نسيت لون غرفتك في بيتكم
    أحمد وهو يضحك: خلاص سويلي غرفه عندكم بدل ما انام جمب ياسر
    عمر:أبشر من عيوني
    وقال عمر بالمصري: يا حماده يا قلبي
    أحمد جلس يضحك
    روابي خرجت من غرفتها ولقيت أحمد يضحك
    روابي(وهي تتذكر الي سار في الغرفه ولسه مصدومه): أحمد يلا مشينا
    أحمد(انتبه لروابي و اتذكر الي سواه): يلا البسي عبايتك
    عمر:دحين انتي مو قلتي تبغي تلبسي الفستان الأسود الي من باريس
    روابي(وهي تدق احمد بالكلام): ايوه بس لما لبستوا حسيت انو كأنو مايوه علشان كدا غيرته
    عمر:من يومك وانتي هدا لبسك ايش الي غيرك هدي المره يعني
    روابي:مممممم مدري يلا مع السلامه
    عمر:مع السلامه
    لبست عبايتها ونزلت هيا وأحمد في السياره
  3. ملائكية النبض
    22-03-2011, 02:16 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    (في بيت عبد الحميد)
    عبد الحميد:فين أحمد ما شفتوا من بداية الإجازه
    ريناد (اتمددت في الأرض من كثر ما تضحك):بابا اليوم اول يوم في الإجازه
    حنان:بنت لا تتريقي على أبوكي
    وليد:يعني يا خالتي الي يشوفك يقول انو ريناد اول مرره تتريق على عمي
    ريناد:اقول وليد اهجد لا اقوم أدوس ببطن أمك دحين
    حنان:ايش هدا الكلام الي انتي تقوليه ما ربيتك على كدا أصلا هدا كلام مو لايق بمقامنا
    ريناد:طيب خلاص يلا انا بروح البس علشان رايحه مجمع العرب
    رباب:اتصلتي على السواق علشان يجهز السياره
    ريناد:لا رايحه مع ليان صحبتي
    طلعت فوق غرفتها لبست و اتصلت على ليان و جات اخذتها
    (في سيارة أحمد)
    الكل كان سرحان في الي حصل وما كلموا بعض من اول ما خرجوا من البيت
    روابي حبت انها تتحس لأحمد انو مافي شي حاصل وهو مي زعلانه منه
    روابي: أحمد
    أحمد(خاف إنها تفتح معاه الموضوع):نعم
    روابي:بكره بنروح بيت جدي؟؟
    أحمد:أكيد بكره جمعه إشبك نسيتي
    روابي:لا ما نسيت بس دحين إحنا إجازه
    أحمد:طيب ويعني إجازه انتي عارفه انو كل جمعه لازم نروح بيت جدي
    روابي ايوه صح.في حنروح في هدي الإجازه؟
    أحمد:قلنا تركيا و ماليزيا
    روابي (بحماس على براءه تمسك كتف أحمد):الله يخليك بنروح تركيا والله مره نفسي اروح اقلكم من السنه الي فاتت يا احمد أبغى أروح تركيا
    أحمد(في نفسه ياويل قلبي على اسمي من فمها):دحين انتي شيفاني انو انا أحدد في نروح
    روابي:طيب كلم بابا و أبوك نروح لا تقلي لا
    احمد بإبتسامه وفرح إنها نسيت الموضوع:طيب
    روابي:يلا شغل اغنيه
    أحمد:ايش تبغي؟
    روابي:ممممم مدري أي شي
    أحمد حط اغنيه رابح صقر أحبك
    أحبك وأحلف أني لك بربي ولا فكرت أحب إنسان غيرك
    مهما كنت عنك أخفي واخبي أنافي واقع إحساسي أسيرك
    ولا غيرك ملى عيني وقلبي هواك في قربك إحساسي سفيرك
    على ما صار دربك صار دربي ولا فكرت في شرك وخيرك
    ولي قلب من الغيرةيشب على حبك ولا يقوى يثيرك
    أنا تحديت الملا وأعلنت حبي عمري صار مربوطبمصيرك
    روابي :حماده ما احب رابح صقر
    أحمد:يا روابي والله حلو ملك الإحساس بس انتي اسمعي
    روابي:طيب

    (في مجمع العرب)
    ريناد: ليان ليان
    ليان:نعم اشبك؟
    ريناد:شوفي الولد هداك الي هناك
    ليان:اشبوا؟
    ريناد:عمي
    ليان(شرقت وهي تشرب الكوفي):دا عمك الحلو؟
    ريناد بقرف:ايوه عمي عبدالله عمره 27
    ليان:طيب اشبك تقولي اسمه كدا
    ريناد:ماأحبوا
    ليان:أحد ما يحب القمر دا
    ريناد:كلنا
    ليان:ايش قصدك بكلنا؟
    ريناد:قصدي انا و روابي و أحمد وياسر
    ليان: يا قلبي على أحمد ما دام هو ما يحبوا حتى انا ما احبو عمك
    ريناد:دحين انتي من جدك تحبي أخويا؟
    ليان:ايوه احبو و أموت فيك
    ريناد: بس انا شاكه انو يحب وحده تانيه
    ليان بعصبيه:مين هي؟
    ريناد:روابي بنت عمي
    ليان:يعني روابي أحلى مني
    ليان(إنسانه مغروره بس طيبه فيها جمال بس طبعا روابي احلى منها نفس شخصية ريناد بس هي ليان اخف)
    ريناد:الصراحة ايوه
    ليان:طيب ابغى اشوف روابي
    ريناد :خلاص بكره في الليل مري عليا في بيت جدي وتشوفيها
    ليان:طيب فتحتي موضوعي مع أحمد؟
    ريناد بإستعباط:أي موضوع؟
    ليان:الموضوع انو انا احبوا و خليه يفكر فيا
    ريناد:انا ليا كم يوم ما شفته
    ليان:ليش هو ما ينام عندكم في البيت
    ريناد:لا هو ينام عند عمي عمر بيت روابي
    ليان وتحاول تخبي غيرتها الي من روابي:اها طيب

    (في النادي)
    دق جوال ياسر بنغمة محدده ابتسم ياسر لما شاف الرقم
    ياسر:يا هلا والله
    :يا هوو فين الناس
    ياسر:موجودين
    :معقوله جات الإجازه ونسيتنا
    ياسر:انا انسى قلبي يا قلبي
    : خلاص اجل لازم أشوفك مرره وحشتني
    ياسر: من عيوني اليوم
    : لا اليوم ما اقدر معزومه
    ياسر:خلاص بكره اشوفك
    : طيب حبيبي انا دحين لازم اقفل
    ياسر: طيب حياتي انتبهي لنفسك
    : وانت كمان يا قلبي باي
    ياسر:باي
    وباس الجوال ورجعوا مكانه و راح كمل تمرين

  4. ملائكية النبض
    22-03-2011, 02:18 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    (في سيارة أحمد)
    أحمد:يلا وصلنا إنزلي
    روابي بطريقة مزح:تبغاني أجبلك شي معايا؟؟
    أحمد:زي إيش؟
    روابي:أكل كيكة عصير
    أحمد بمزح :أقول روابي إنزلي لا أرميكي بأقرب شي جمبي
    ضحكت روابي وعاد ضحكتها كأنو نونو صغير يضحك مرره تجنن
    أحمد (في نفسه:يا فديت الضحكة):يلا إنزلي أخرتيني
    روابي:طيب باي
    أحمد: باي
    (في بيت الجد)
    الجد محمود:فين العيال مو شايفهم فيه؟
    رباب:والله يا جدي كلهم خارجين تعرف اول يوم الإجازه لازم يخرجوا
    الجده سعديه:تربية خرا والله عيالي ما عرفوا يربوهم
    عمر:والله يا أمي أمس كانوا عندك واليوم قالوا يبغوا يخرجوا
    بثينه:أكيد بكره حيجوا لا تخافي
    وليد:رباب ايش رأيك نخرج نغير جو شويا
    رباب:يلا اصلا كنت ابغى اقلك
    وليد:يلا مشينا
    رباب:مع السلامه
    الجميع:مع السلامه
    (في سيارة ياسر)
    مروان:طيب هيا تحبك؟
    ياسر:إيوه هيا تحبني وأصلا هيا الي جابت رقمي وكلمتني
    مروان:طيب حتتزوجها؟؟
    ياسر(ما إتوقع إنو مروان يسأل هدا السؤال):لما أبغى أتزوج يحلها حلال
    (مروان صاحب ياسر الروح بالروح ودايما يقولوا لبعض أسرارهم)
    (في الحفلة عند روابي)
    روابي:أقلك باسني في فمي
    ملك:باسك زي كدا(ورسلتلها بوسه على الهوا) ولا باسك زي البوس الي في الأفلام؟
    روابي بحياء:زي الي في الأفلام
    ملك:ياويلي عليكي يا أختي .طيب انتي ايش سويتي؟
    روابي:ما قدرت اسوي اقلك كان يزعقلي فجأه قرب مني وباسني وقال انو انا إستغلاليه
    ملك:روابي انتي تحبيه؟
    روابي:لا وما عندي أي مشاعر إتجاهه و حتى لو كانت عندي ما ابغى احب
    ملك:ليش ما تقدري؟
    روابي:انتي الوحيده عارفه ليش
    ملك:لا تخلي التجربه تأثر في حياتك
    روابي بزعل: هيا حياتي كلها كيف تبغيني ما أتأثر
    ملك(حست انو روابي زعلت فحبت تقفل موضوع التجربه):ايش رأيك في شفايف أحمد(وغمزتلها)
    روابي(إنحرجت من سؤالها):تجنن قالتها وهيا منزله راسها
    ملك:يا قلبي عليكي
    روابي:طيب إمشي نقعد مع البنات
    ملك:يلا
    (ملك صحبة روابي وتعتبرها أختها جريئه بدرجه ما تتخيل تحب روابي مره وتخاف عليها حنطيه و طويله جسمها حلو وشعرها طويل لين ظهرها وناعم)
    (في البحر)
    أحمد:أنا مو بس أحبها الي أموت فيها هيا أخذت قلبي وعقلي
    بندر:طيب ليه ما تقلها؟
    أحمد:مدري أحس مو وقتو اني افاتحها في الموضوع
    بندر:طيب انت اشبك منت على بعض فيه شي حصل؟
    أحمد:ايوه


    بندر:ايش؟
    أحمد:اليوم بستها في شفايفها
    بندر وهو مخلوق:كيف بستها؟
    أحمد:بستها زي أي واحد يبوس حبيتوا
    بندر:طيب هيا ايش قالتلك؟
    أحمد:ما قالتلي شي ولا فتحت فمها واليوم وصلتها بيت صحبتها ما فتحتلي الموضوع
    بندر:انت كيف سويت زي كدا؟
    أحمد:ما أقدر شفتها قدامي و كانت قمة في الجمال وكانت قريبه مني لدرجة إني أحس بنفسها تقلي كيف سويت زي كدا
    بندر:خلاص الحمدلله إنها جات على قد كدا
    أحمد:من جد
    الساعة 3 ونص في الليل:
    الكل رجع بيتهم وطبعا ناموا بدري علشان الظهر رايحين بيت جدهم
  5. ملائكية النبض
    22-03-2011, 02:20 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    (يوم الجمعه )
    (في غرفة روابي)
    ميري:يلا روابي حبيبي قوم
    روابي:الساعه كم؟
    ميري:الساعه 1 دحين روح بيت بابا محمود علسان مافي تاخر
    روابي: طيب اخرجي و سكي الباب وراكي
    ميري:طيب
    قامت روابي اتروشت ولبست بلوزه بيضا مكتوب عليها بالأسود
    Ilovemy boy friend والبلوزه بدون حبال ولابسه صدريه سودا ومبينه حبالها ولبست شورت فوق الركبه بشويا و حطت بلاشر أحمر و قلوس أحمر و سوت شعرها غجري ولبست جزمه(الله يكرمكم)سودا و بيضا وحطت خلخال في رجلها وطلع شكلها مره يجنن
    (في غرفة ريناد)


    لبست تيشيرت فوشي وعليه بنت مسويه قرنين في شعرها و لبست بنطلون سكيني و سوت شعرها قرنين و حطت كحل أزرق وبلاشر بنك فاتح و قلوس بنك و طلع شكلها مره لزيز

    ريناد(تكلم نفسها):خليني أتصل على ليان أقلها تيجيني في بيت جدي


    ريناد:هلا ليان كيفك


    ليان:تمام كيفك انتي


    ريناد:تمام حتجيبي في بيت جدي؟


    ليان:ايوه علشان اشوف الي اخذه حبيبي مني


    ريناد:انا ما قلت انها تحبوا انا قلت انو هو يحبها


    ليان:يعني هو الي يحبها؟


    ريناد:ايوه


    ليان:يسير خير يلا انا بأقفل باي


    ريناد: باي


    (في صالة عبدالحميد)


    أحمد:أبويا فين ريناد يلا تأخرنا؟


    حنان:خلاص هيا خلصت


    عبدالحميد:ريناد يلا يا بابا تأخرنا


    ريناد(وهي تخرج من غرفتها):خلاص انا خلصت


    عبدالحميد(مو قادر يمسك الضحكه)


    حنان(منزله راسها في الأرض وتضحك)


    ريناد:يلا خلصت خلينا نروح إشبكم


    أحمد:يلا يا شاطره خذي فطورك بسرعه علشان باص الروضه لا يروح عنك


    ريناد:ايش تقول انت؟


    أحمد:أقول الشي الي انتي مسوياه في شعرك


    ريناد:أقول اسكت محد طلب رأيك ماما وبابا حلو؟


    حنان:يجنن مره حلو عليكي


    عبدالحميد:يلا علشان تأخرنا


    (في بيت عبدالله و رانيا)


    رانيا:انت اليوم حتروح بيت اهلك؟


    عبدالله:ايوه حنروح بس قبل خلينا نسوي تصوير للنونو بعدين نروح


    رانيا:عيال أخوانك حيكونو فيه؟


    عبدالله:أكيد عيال الكلب لازم يكونوا فيه بس ان شاء الله ما اشوفهم لأني ماني ناقص هبلهم


    (في بيت الجد)


    كان فيه عبدالحميد وعياله وزوجته وعمر وعياله وزوجته و رباب و وليد والجد والجده.


    الجد:روابي قومي جيبي العود خلينا نغني شويا


    روابي :طيب


    روابي:جدي خذ يلا ايش نغني؟


    الجد:لا انتي غني وانا ادق بالعود


    روابي:طيب في ايش اغني


    الجده:شاب الشعر يا عبيد


    ريناد(كحت):جده مره طلعتي غبار قديمه هدي الأغنيه إنقرضت خلاص


    الجده:أقول اسكتي لا أرفك بالصحن دحين


    وليد:غني شاب الشعر يا عبيد انا مره أحبها


    روابي:خلاص ما دام تحبها اغنيها لعيونك


    رباب بمزح:هيه روابي ترا انا اغار


    ياسر:فديت الي يغاروا انا


    وليد بمزح:ولد بعد عني زوجتي


    ياسر:بنت عمي قبل لا تكون زوجتك


    وليد:ياسر اهجد لا اقوملك دحين


    أحمد:بببببببببببببببببس خلينا نسمع صدعتوني


    روابي:يا ماما خلاص دحين ابغى اغني


    أحمد:ليش تخافي مني؟


    روابي:الصراحه ايوه انت لو عطست في وجهي أموت


    حنان:لا ولدي ما ياكل احد


    روابي:بس شخصيتوا رجوليه وانا اخاف من هدي الشخصيه






    أحمد(أنا اوريكي بعدين الشخصيه الرجوليه بجد):طيب يلا غني لا اقوم اضربك

    بدأت روابي تغني وترقص مع الأغنيه


    خلي هجرني وزود الهم بيا


    شاب الشعر يا عبيد


    خلا حياتييارفيقي نكاده


    شاب الشعر يا عبيد


    ياعبيد قله لا يطول عليه


    شاب الشعر يا عبيد


    قله ترا خلك طريحالوساده


    شاب الشعر يا عبيد


    بيني وبين الموت باقيشويا


    شاب الشعر يا عبيد


    اسهر طوال الليل ابكي بعاداه


    شاب الشعر يا عبيد



    أحمد كان مندمج بروابي و حركاتها الي تسويها مره


    ريناد(وهي تصفر):برافو برافو


    روابي:ايش رايكم بس؟


    ياسر:صوتك مو حلو صاحبي عبدين أحلى منو


    أحمد:انت دحين تقارن صوت روابي الأنثوي بصوت عبدين


    ياسر:أنا قلت الي عندي


    روابي:فيه موضوع أبغى أفتحوا معاكم


    الكل:ايش هو؟


    روابي:نبغى نسافر تركيا هدي السنه


    ريناد(وهي تجري على جدها وتجلس على رجله):الله يخليك جدو والي يسعدك


    الجد:ماليا فيكم أنا وجدتكم بنسافر المدينه نقضي الإجازه هناك وانتوا ادبروا فين تروحوا


    ياسر(وهو يغمز لجده):لا تكون ناوي تجدد شهر العسل


    أحمد:لا وانت الصادق يبغوا يجيبوا الرابع


    ريناد:ها جدي شد حيلك نبغى توأم


    الجده:تفو عليكم قليلين الأدب ما تربيتوا


    أحمد:اشبك سوسو معصبه؟


    روابي:لا ماهي معصبه بس أحرجتوها


    الكل:هههههههههههههههههههههههههههههههههه


    (دخل العم عبدالله الصاله)


    عبدالله:يا باسط أشوفك مبسوطين


    ياسر:ايوه كنا مبسوطين لكن حسبي الله على الي كان السبب


    رباب:عبدالله كيف حالك؟


    عبدالله:الحمدلله كويس انتي كيفك وكيف حملك؟


    رباب:والله شويا رايحين نسوي تصوير


    رانيا(والفرحة شاقه وجهها):أنا سويت تصوير شوفوا شوفوا (و طلعت الصور و وزعتها) مره يجنن يا ناس عليه مره حلو


    روابي(وهي تهمس لأحمد):حسستني إنو مجسم


    أحمد(وهو يدق يد روابي):من جد والله كأنها اول وحده تخلف


    رانيا:ياسر ياسر شوف الصوره


    ياسر:الله يخليه خليكي ويتربي في عزكم


    ريناد(وهي تسحب الصوره من ياسر):ماشاء الله مره يشبهلك يا رانيا بس فيه لمحه من عبدالله


    الكل:ههههههههههههههههههههههههههههههههه


    وليد(وهو كاتم الضحكه):يلا رباب مشينا خلينا نلحق التصوير


    رانيا:انتو تصوروا عند المصري؟


    ريناد(وهي تغمزروابي):مصصصصصصصصصصصري



    ريناد وقفت على الطاوله و روابي صارت تغني
  6. ملائكية النبض
    22-03-2011, 02:36 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)




    لو سألتك انت مصرى تقولى ايه ؟؟
    تقولى مصرى ابن مصرى
    و ابن مصر الله عليه
    ...
    قولها بأعلى صوت و ارفع راسك لفوق
    أنا مصرى و ابويا مصرى
    بسمارى و لونى مصرى
    و بخفة دمى مصرى
    و كل مصرى الله عليه
    ...
    ملوك الجدعنه و دى حاجه فى طبعهم
    و عشقاهم أنا و أتمنى حبهم
    شربت من نيلها ..مصر
    و قلبى حنلها .. مصر
    و قلت أغنلها غنوة محبه و فرح
    ..
    يارب تحميها ... مصر
    يارب خليها ... مصر
    انصرها.. علييها
    و احميها من كل شر
    ..
    قلها بأعلى صوت و ارفع راسك لفوق
    أنا مصرى و ابويا مصرى
    بسمارى و لونى مصرى
    أنا مصرى و ابويا مصرى
    و كل مصرى الله عليه !!

    عبدالله(بعصبيه):بسس يا عيال الكلب
    أحمد:لو سمحت الزم حدودك لأن أنا لو أحد يسب أهلي أمسح بكرامته الأرض و أنسيه حليب امه
    روابي:يعني يا عبدالله ما يحتاج تقعد تسب في اهلنا لأن انت تعرف الي يسبنا كأنو حفر قبره بيده
    ريناد:انت عمي على عيني وعلى راسي لكن اذا أخوانك كلاب اكيد انت تكون زيهم يعني مو معقوله تكون انت انسان وهمن كلاب
    ياسر:على ما أعتقد كفو و وفو ما يحتاج أنا أتكلم
    عبدالحميد:عبدالله احترم نفسك ولا تنسى انو إحنا أخوانك الكبار
    عمر:ولا العيشه بالخارج و معاشرة الأجانب و الكفار نستك إحنا مين
    الجده:يا خساره تربيتي فيك
    الجد:أتأسف لأخوانك يا عبدالله
    وليد(وهو يهمس لرباب):حاسس وجودي خطأ بينكم
    رباب:لا تقول كدا انت مننا وفينا
    وليد:هذي مشاكل أهل لا تدخليني فيها ولا تدخلي فيها علشان ما تجينا مشاكل
    رباب:خلينا نخرج
    وليد:يلا
    رباب:مع السلامه احنا رايحين نسوي تصوير
    عبدالله ورانيا خرجوا وهمن معصبين
    (في سيارة عبدالله)
    عبدالله:أنا اوريهم عيال ال.....
    رانيا:ايش تبغى تسوي؟
    عبدالله:تشوفي بعدين لو ما نزلت شرفهم في الارض ما أكون انا عبدالله
    رانيا:بس هذولا راضعين مع إبليس ولا عليهم من أحد
    عبدالله:والله لا أوريهم
    (في بيت الجد)
    بثينه:مو عيب عليكم الي سوتوه في عمكم ؟
    ياسر:لا تقولي عمنا إحنا ما عندنا عم إلا واحد
    ريناد:يطول لسانه وما يبغى أحد يرد عليه
    حنان:بس ايش الحركه البايخه الي سوتوها


    روابي:مجرد مزح وضحك لا أكثر ولا أقل
    أحمد:مع نفسه اذا زعل يشرب بحر
    عبدالحميد:أحمد قوم إتصل على المطار شوف أقرب رحله لأسطنبول
    أحمد:طيب
    إتصل و شاف متى الرحله
    أحمد:أقرب رحله بعد ثلاث الايام
    حنان:خلاص انا وبثينه نروح السوبر ماركت نشتري أغراض
    روابي:ريناد نروح رد سي نشتري ملابس جديده
    ريناد:خلاص بس استنى ليان دحين جايه هنا تبغى تقلي شي
    أحمد:أبغى أحجز بندر و أخته ريم معانا
    عبدالحميد:أوكي عادي ما يأثر شخصين
    ريناد:أهم شي أخته فله
    أحمد:ايش يدريني عنها بس خليهم يغيروا جو من أول ما ماتوا أمهم وأبوهم ما سافروا
    حنان:دحين كم عدا على موت أمهم و أبوهم
    روابي:تقريبا 8 أشهر صح؟
    ياسر:ما شاء الله ايش عرفك؟
    روابي:أفتكر لما رحنا عزينا
    ريناد:ايوه يا قلبي على ريم كانت ايامها مره تحزن
    أحمد:الله يصبرهم
    ياسر:خلينا نروح عند العيال
    أحمد:ايوه يلا
    ريناد: ممممم أحمد
    أحمد:خير ايش تبغي؟
    ريناد:حتجي اليوم تنام عندنا؟ علشان أبغى أقلك موضوع
    أحمد:أجل حأنام في الشارع
    روابي:لا ايش رأيكم ننام اليوم عند جدتي
    الجده:ايوه تعالوا تونسوني
    أحمد:تعالي برا في الحوش قوليلي هو
    ريناد: طيب
    عبدالحميد:يلا نخرج عمر وحنان و بثينه نعديكم على السوبر ماركت بعدين اتصلو على السواق يجيكم
    الكل : يلا
    (في الحوش)
    أحمد:ايش الموضوع الي تبغي تقوليه
    ريناد:ها لا خلاص نسيت
    أحمد:ريناد بلا هبل قولي ماني ناقص
    ريناد:خلاص بعدين دحين نسيت
    دق جوال ريناد
    ريناد:ايوه ليان انتي برا؟
    ليان:ايوه بسرعه افتحيلي الباب
    ريناد: يلا
    أحمد:انا حأخرج من الباب الخلفي ماني ناقص قرف صحبتك
    ريناد:طيب
    (عند الباب الرئيسي)
    ليان:فين روابي؟
    ريناد:دقيقه. روابي روابي
    روابي:بس وطي صوتك الجيران سمعوه
    ليان(إتخلعت من جمال روابي)
    ريناد:هذي صحبتي ليان .ليان هذي بنت عمي روابي
    روابي(وهي تسلم على ليان):كيفك
    ليان:تمام كيفك انتي ؟
    روابي:تمام
    ريناد:ليان انا وروابي رايحين رد سي علشان بعد 3 ايام مسافرين تركيا
    ليان:لا معليش خليها وقت تاني
    ريناد:اوكي براحتك
    ليان:ليا الشرف اني تعرفت عليكي يا روابي
    روابي :الشرف ليا


    ليان:يلا مع السلامه
    الكل:مع السلامه
    راحوا البنات رد سي و العيال الإستراحه بعدين ياسر راح قابل البنت و عمر وعبدالحميد راحوا سووا اوراق السفر حقتهم وحقت بندر وريم وبندر انبسط لما دري انو احمد حجزلهم وريم كلمت البنات و قالتلهم انها مره انبسطت و اليوم عدا كدا ولا تنسوا وعد عبدالله
    نهاية البارت
    توقعاتكم

    أحمد حيعترف لروابي بحبه؟؟
    مين البنت الي كلمت ياسر؟؟
    ريناد حتقول لأحمد على موضوع ليان؟؟
    عبدالله ناوي على ايش؟؟
    حيسير احداث في السفر؟؟
    بندر حيحب روابي لما يشوفها؟؟
    ليان اذا إتأكدت إنو أحمد يحب روابي ايش حتسوي؟؟
    ايش الموضوع الي قالته روابي لصحبتها؟؟
  7. *مزون شمر*
    23-03-2011, 07:21 AM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    هلا بك
    الروايه حلوه
    يعطيك العافيه
    استمري متابعه لك
  8. انثى من الخيال
    28-03-2011, 01:11 AM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    متابعتك
    استمري
  9. بنت آبوها
    31-03-2011, 11:40 PM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    روعه استمري
  10. SOoΚaRh
    01-04-2011, 10:30 AM

    رد: رواية قلت أخليك حبيبي بالإسم و أمشي الحال فيك / بقلمي (جريئه)

    رواية قلت أخليك حبيبي بالإسم و أمشي الحال فيك / بقلمي (جريئه)


    حلوة الرواية
    حمستيني أعرف الباقي ..
    كمليها وننتظرك ^_^
12