لا واهني اللي ليا حط راسه

الشعر, قصيدة , شعراء, القصايد ارسال إلى Twitter ارسال إلى facebook
  1. الهاجري
    17-11-2006, 01:08 PM

    لا واهني اللي ليا حط راسه

    لا واهني اللي ليا حط راسه


    لا واهني اللي لياحط راسه يغط في نومه عن الهم بنعاس
    ماله على بعض الدعاوي حماسه ولا عرف للنفس قدر ومقياس
    ما همه الا غطته في نعاسه عنده تساون المكاسب والافلاس
    ما جاه من ظيم الليالي عكاسه يروح ليله بين سجه وهوجاس
    ولصبح عليه الصبح غير لباسه يقول أبدله واتسلا مع الناس
    ويمشي على الهوجاس من قو باسه مايبدي اسراره على كل بلاس
    تجيه عومات الضحا من عماسه والواجب اللي يلحق النفس حساس
    ياللي تعرف الجوهره من نحاسه خذ لك على درب التجاريب مرواس
    مبني على الغرمول ينهد ساسه ويثبت الى عزيت مبنى على ساس
    واجب على الرجال يلبس مقاسه ويصير بعيون الرجاجيل نبراس
    ويحسن اخلاقه بليا شراسه لو هو شجاع ويبلس الدرع والطاس
    يرفع مجاله عن دروب الدناسه ونفسه يدربها على قوة الباس
    وياخذ تجاريب الليالي دراسه ويميز الياقوت من لمعة الماس
    لو ذاق في بعض الليالي تعاسه يصبر ولو صارن اشافيه يباس
    ومن يصحب الانذال واهل النجاسه يقضب عليه الهرج في كل مجلاس
    ناس تميز كحته من عطاس ويصورون الكذب في صفح قرطاس
    الذيب يرفع همته عن مداسه يوم يجوع وساعة يرفع الراس
    وبعض العرب ما همه الا لباسه دايم على عورات الاجواد دساس
    نفسه دنوع وعيشته باللحاسه على صحون اهل المواجيب لحاس
    ومن طاول الكهرب يذوق التماسه يجيه شوط فيه قطاف الانفاس ..

    الهاجري
  2. الياااسمين
    17-11-2006, 01:13 PM

    رد: لا واهني اللي ليا حط راسه

    لا واهني اللي ليا حط راسه




    ومن طاول الكهرب يذوق التماسه يجيه شوط فيه قطاف الانفاس ..

    0
    0
    أخوي الهاجري
    0
    0
    أظن أن هذا البيت أعطى حكمة بليغة ورائعة

    كلمات قالت لنا بكل بساطة

    أن الذي يتمنى فوق قدرته من بني البشر

    أن لم يجد ما يريد فهو حتما سيجد ما لا يريد
    0
    0
    لك كل التحايا والتقدير

    وجزيل الشكر لشخصك الكريم
  3. ام شوشه لشقق المفروشه
    19-11-2006, 04:14 PM

    رد: لا واهني اللي ليا حط راسه

    لا واهني اللي ليا حط راسه


    يسلموو خيتوو كلمات في قمه الررررووعه