روايه , بسمه من شفاتك تموتني وتحييني , ! كامله

رد: روآيه , بسمه من شفاتك تموتني وتحييني , !

يعطيك العافية يا عسسل
وننتظر التكملة =)
 
رد: روآيه , بسمه من شفاتك تموتني وتحييني , !

الحلقه الرابعه والعشرون ..


جواهر وعينها دموووع : في المستشفى ,,

طالعتها خفت انها درت اني حامل ,,, وصديت الصوب الثاني وقلت : شو صار بي جيييه يبتوني ,,..؟؟
جواهر : طحتي في الكليه ويبناج اهني ,,

طالعته وقلت : انتي بس وياي ,,
جواهر امتلت عينها دموووع : هي ,, نوره انتي ,,,, ان........ ...تي ...........؟
ما خليتها تكمل وقلت : هي أنا حامل ,,

جواهر : نوره ليش جذبتي عليه ,,
طالعتها وقلت : جواهر انتي فاهمه غلط ,, أنا متزوجه ,, والله العظيم ,,

جواهر طالعتني مستغربه ,, : كيييف .. انتي ... ما قلتي لي ,,؟؟
قلت لها : اللي شفتيه في المول ,, هذا ولد عمي وريلي ,, بعد ,,

جواهر جنه ردت لها الروح : هييييييييه قلت يمكن بعد .. الحمدلله ما خاب ظني فيج ,,
سألتها : في أحد درى اني اهني ,,

جواهر : لأأأ بعدني ما خبرت أحد ,,
هزيت راسي : زين سويتي ,,

جواهر : أخبر ريلج ,,
قلت لها بسرعه : لأأأأأأأأأأأأأأ

جواهر : لييييش ..؟؟
قلت لها : نحن على خلاف ,, وبليز جواهر محد يدري عن هالحمل الله يخليج ,,

جواهر استغربت وقالت : انشالله ,,
قلت لها : طلعوني من اهني ,,

قالت لي : لأأأأ ما يصير وايد تعبانه انتي ,,
قلت لها : لأأأأ مابا أتم .. هلي لو يدرون بتصير سالفه .. مابي أي أحد يدري عن الحمل ,,

جواهر استغربت وقالت : برايج ..
بعد نقاشات ومحاولات كتبو لي خروج ,, طلعت من المستشفى وجواهر ردتني البيت ,,,

أول ما وصلنا حمدت ربي ان الساعه بعدها ثمان ,, محد بيشك بغيابي .. نزلت من السياره ,, جواهر أصرت توصلني الحجره ,, ما رضيت ,, لو بيشوفونها بيسوون تحقيق .. حسيت بألم فضيع ماسكني ,,
استحملت و حاولت أمشي ما قدرت أمشي عدل .. ومشيت بتعب وبطء,,, الين يالله يالله وصلت لحجرتيه ,,,


رن تلفوني شفت الرقم غريب ,, ما رديت ,,
رحت طلعت عباتي عشان أرقد ,, شفت رد الرقم نفسه يتصل بي ,,

رديت : ألو ..
............: هلا ..

قلت : هلا ساره ..

ساره : تعالي تحت نتعشى ,,
قلت لها : مالي خاطر تعشو روحكم ,,

وبندت التلفون بويهها .. مالي خلق لا أسئلة أحد ولا نقاشات يكفيني اللي فيني ,, حطيت راسي ع المخده ,,

اليوم كنت بنفضح بس الله ستر .. الحمدلله ,, محد درا ..

حطيت عيني ع التلفون .. مشتاقه لحس يوسف ,, صح سلطان محد من كم يوم ما شفته ,, غريبه شو السالفه ..؟؟

طالعت التلفون ,, وفتحت لستة المكالمات المستلمه ,,عسب أدور رقم سلطان ,, لأنه متصل بي قبل كم يوم .. طالعت رقم ساره ,, أول مره أعرفه.. ,اول مره تتصل بي ,, ركزت في الرقم تذكرت شي ..

قعدت مسكت التلفون وتذكرت هالرقم .... هي هو هذا الرقم ...

هالرقم اللي راواني اياه يوسف ,,, يعني ساره ,, ساره هي اللي كانت ترمسه ,,

وبالفعل يعني قوم خوالي هم اللي مدبرين لكل هالسالفه ,, بسسسسس ,, ولا ساره روحها ,,
أكيييييد كلهم مع بعض ,, لأانه ذاك اليوم سمعته بأذوني يحرض ولده ..

لو ولد أوكي يمكن نقول هي ,, بس بنت ؟؟ بنت مره وحده .. توافق عشان البيزات هي وأهلها عشان تبيع روحها وترخص بنفسها ,, الله يالدنيا ,, والله اخر زمن ,,

بس كيف تهون عليهم بنتهم يبيعونها جذا وعشان شو .. عشان الفلوس ,,, أول مره في حياتي أشوف عايله جذا ,,
ما نجحو وما قدرو يلعبون ع يوسف .. الحين يبون يلعبون عليه من طرف سلطان بس الحمدلله سلطان كشفهم على حقيقتهم ,,

لازم أدبر حل لهالسالفه لازم ,, قبل ما تكبر ,,, أتصل ب سلطان أتطمن عليه ,, عقب أفكر في ه السالفه اللي مالها اخر ,,

دورت ع رقم سلطان واتصلت به ,,
ترييت وترييت ما رد عليه ,, تميت ماسكتنه ,, ماني قافله الا يوم يرد ,, وجذا الين ما رد ..
قلت بفرح : سلطان

ترييت يتكلم ما تكلم ,, حسيت روحي أحبطت مره ثانيه ,, قلت : الو سلطان ,,
رد عليه ومتضايج : نوره ..

قلت له : هي .. شخبارك ..؟؟
سلطان : بخير .. انتي شخبارج ,,؟؟

قلت له : الحمدلله وينك ضايع ,,
سلطان : نوره سالفه طويله عريضه ,,, أحسن لج ما تعرفينها ,,

استغربت : سلطان بلاك ..؟؟
سلطان : نوره اطلعي من بيتنا ,, ردي بيت ريلج أحسن لج ,,

قلت له : سلطان أنا سمعت كل شي يدور بينك وبين أبوك ..
سلطان : زين ,, تراني هب راد البيت ,,

قلت له : برايك ,, يمكن هالشي أحسن لك بس لا تقطعني ,,
سلطان : وبعد الكلام اللي سمعتيه كيف لج خاطر تتمين ,, دام تعرفين انهم طمعانين بج ..

قلت : لما أصفي أموري ,,
سلطان : نوره انتي هب قد اللعبه انسحبي أحسن لج ,,

قلت : قدها وقدود يا سلطان صدقني مب طالعه من البيت الا وأنا ماخذه حقي ,,
سلطان : نوره قبل ما أسكر بغيت أقول لج شي ,,

قلت له : هلأ ..
سلطان : ديري بالج من بدر تراه مب هين ,,

قلت له : أدري ,,
سلطان تنهد جنه ماشي فايده من الرمسه ويايه : يلا عاد ديري بالج ع روحج ,,

قلت له : وانت بعد ,, فمان الله ,,
سلطان : فمان الكريم ..

...........................

سكرت من عند سلطان ,, حتى سلطان حذرني من بدر ,,, يعني صدق يا بدر انت هب هين ,, والله اني كنت بلعبها صح لولا ظهورك في الساحه ,,

بس بينا الأيام يا بدر ,, على كثر ما تخوف .. الا اني أوقات اشوفك حل لانتقامي ,,

،، حطيت راسي ع المخده ,, على أمل باجر أنش ويكون اليوم أحسن .. بس وين وييييييييين ..؟؟
باجر الويك انك ,, يوم اليمعه ,, يعني لازم أشوف بدر ,,

أحسن لي ما أنزل بس مايصير ,,, يلا أنا برقد ويحلها ربي الين باجر ,,


.....................

قمت ع صوت العصافير وهي واقفه على البلكونه ,, تجدمت عن الستاير ,, وسحبتها ,, خليت الضوو يدش الحجره ,,

طالعت بره ابتسمت ,, يلا انشالله اليوم يكون يوم خير وما يصير أي شي يضرني ,,
شفت العصافير ,, تمنيت للحظه اني أكون مكانهم ,, يمكن حياتهم أحلى عن حياتنا نحن اللي كلها هم وجحيم ,,

خذيت ملابسي و رحت صوب الحمام وانتو بكرامه ,, تسبحت ولبست ,,, حطيت ميكب خفيف ,, ولبست اكسسواراتي ,, ولبست الأوقايه ,, وقريت سورة الكهف ,, يارب أوعدنا كلنا الجنه ,, اللهم امين ,,
الين ما المطوع خلص الخطبه وصله جان أصلي الظهر ,,

دعيت ربي يييسر ولادتي ,, مدري ليش قمت في كل صلاه أدعي ان ربي يسهل ولادتي و يطلع ولدي حلو شرات أبوه .. حطيت ايدي ع بطني ,,

وقلت : حبيبي لا تزعل انشالله يوم تطلع تشوف ماما وبابا مع بعض ,,
ابتسمت ,, حلوه حياة الأم مع ولدها ,, مبنيه علاقتهم ع التفاهم والحب والعطف والحنان ,, شو نبا غير .. هذي أسمىىىىىى العلاقات في الدنيا ,,

قمت .. رحت صوب التلفون .. بغيت أتصل ب يوسف ,,
سحبت ايدي بسرعه لأأأأ .. اذا اتصلت يمكن ييي ويزورني .. وأنا مابا أي مشاكل في ه الفتره ,,

طالعت الساعه ,, ترددت اني أنزل أكيد بشوف بدر ,,
بس لازم أكون أقوى عنه وأواجهه ,, يلا بنزل واللي فيها فيها ,, يا بدر ,,

نزلت وأنا خايفه ومتردده ,, الين وصلت الصاله حمدت ربي يوم شفت بس خالي ومرته وساره ,,
سلمت وقعدت وياهم ,,

خالي : وينج ضايعه ما تنشافين ,,
قلت له : موجوده ,, انتو اللي ما تنشافون ..
مرت خالي بحقد : نحن ولا انتي اللي قافله ع روحج الله يعلم شو تسويين ..

قلت : أرمس ريلي ,, فيه مانع يعني ,,
سمعت صوت من وراي ,, : هي في مانع ,,

لفيت متخرعه ,, بغيت أقوم أرد الحجره ,,
بس وقفني صوت بدر يوم قال وهو يلعب في ورقه : لأنه مسافر ,, غريبه ما خبرج الحبيب .. ( قال بسخريه ) شووه انتو ع خلاف .. عسى ماشر ..
طالعت الكل مصدومه ,, مدري شو ياني وقلت : جذاب انته .. كلكم جذابين ,,

فر الورقه بويهي ,, وقال : تبين تتأكدين هاج ..
قلت وأنا أصيح : يالنذل لا تتدخل ب حياتي ..

خالي عبدالرحمن : نوره اهدي .. يمكن يوسف خلاص ما يباج ,,
وقفت .. وقلت وأنا منهاره : انتو جذابين .. شوووه ما تخافون ربكم ,, ربي يراويكم ..

وصعدت الحجره وأنا أصيييح ومنهاره ,,,
دخلت الحجره .. بديت أصيح وأصيح ,, ما قدرت أفكر بأي شي ,,

وقفت تجدمت للتلفون .. للحظه هذيت ,, هذي أكيد وحده من ألاعيب بدر أكييييد ,,,

على طووول اتصلت بيوسف ,, اتصلت ع أمل يرد ويبشرني ويقول نوره أوكي أنا ياي وراج ,,
اتصلت يعطيني مغلق ,, أتصل وأتصل يعطيني مغلق ,, اتصلت على مكتبه ,,


قلت : ألو ..
...........: ألو ..

قلت : الأستاذ يوسف موجود ..
............: لأا أختيه مسافر ,, خير في شي ..

قلت : لا شكرا ,,
بديت أصيح و أصيح وقته تسافر يا يوسف ,, بتصل ب سلطان ,, أحسن لي ,,
اتصلت ب سلطان .. ما رد عليه ,,, استغربت ,, أكيييد هذا الثاني بعد سافر ,, يعني يوسف سافر اليوم لأني البارح كلمت سلطان ,, بس بدر ليش جذب هالجذبه الوسخه .. شو المغزى منها .. والله انه حقيييير ..

.. أخر شي عصبت ,, ورميت الموبايل ع الأرض ..

حسيت بألم في ظهري فظيع ,, ما رمت أستحمل ,, قلت أتصل ب جواهر توديني المستشفى أحسن ,,
دورت الفون يمبي .. ما حصلته ,, تذكرت اني فريته ع الأرض ,,
نزلت راسي وايدي عشان ,, اشل الفون من ع الأرض ,, مديت ايدي ,,

ما حسيت بريل عالفون ؟؟

تخرعت وسحبت ايدي وعدلت قعدتي ,, رديت لورا السرير بسرعه ,,
قلت وأنا أسحب شيلتي عشان ألبسها ,, : شو تبا ..؟؟ اطلع برا منو سمح لك تدخل ,,

قال وهو مستانس : أنا .. سمحت لروحي ..
قلت له : والله ان ما طلعت بصارخ والبيت كله بيسمع ,,

قال : صارخي وباغمي الين باجر ,, محد في البيت .. ظهرو راحو يتغدون في بيتنا ,, وبيتنا يالحلوه تعرفين انه فاخر الدنيا ,,

قلت له : شو تبا ,,
شل التلفون وحطاه في ايده وتم يضرب التلفون ع ايده الثانيه ,,

قال : مابا شي يا الحلوه .. بس حبيت أسولف وياج ..
قلت له : والله بتصل ب عمي ,,

قال : ههههه اتصلي الين باجر ,, أصلا البيت اهني فيه حرس .. محد يقدر يدخله الا باستأذان ..
قلت : انت حيوان نذل حقير .. شووووووه ما تخاف ربك ,,

ما حسيت الا وبدر يسحبني من ايدي من ع السرير ,, بقوه .. لدرجه حسيت ان ايدي بتنجلع من مكانها ,, طالعني ابتسم ,, ردني لورا ولصقني في اليدار ,,

حط ايده ع بطني ,, حسيت روحي شوي وأبي أضربه بس ما قدرت ,,
وهو حاط ايده ع بطني ويطالع بطني ,, ابتسم ,,

قال : شخبارك حبيب ماما اليوم ..
طالعته مصدومه .. هذا شو درررراه عن الياهل ,, كيف عرف ومنو خبره ...؟؟

حاولت ابعد ايده عن بطني ,, رص ع بطني أكثر لدرجه ان روحي حسيتها بتطلع ..

قال وهو ضاغط على بطني : منو النذل يا حلوه ,.
قلت له بعناد : انت ,,؟؟

قال : لا لا كيف أبو ولدج يصير نذل ,,
قلت له : اتهبي الا انت تصير أبو ولدي أصلا ما أتشرف ... حتى هالياهل ما يتشرف ,,

قال وهو يضحك : بس الأوراق تثبت العكس ,, عادي يعني أخليج الحين حامل وبعدج مب مكمله شهر ,, وانتي صار لج مودره يوسف شهر ,, يعني معنى هذا .. ( وضحك ) تعرفينه صح ...؟؟

قلت له : انته حيوووان شو ... ما تخاف ربك ,,
رص ع بطني أكثر وأكثر .. بديت أصيييييييح من الويع ... ما استحملت الويع ,, وقال : منو الحيوووان ..؟؟

صحت وأنا أتألم ومنهاره .. حسيت نفسي بدا يخف ,, بديت أشاهق ,,,
الين ودرني ,, ورد ورا وضحك قال : أوكي حبوبه .. يلا سي يو ..

طالعته الين طلع من الحجره ,, رحت زحف لباب الحجره وقفلته ,,, رديت للسرير ,, طحت عليه بديت أصيييح .. وينك يا يوسف رد لي بسرعه حررررام بموت اهني عند هالوحش بموووت والله ..
 
رد: روآيه , بسمه من شفاتك تموتني وتحييني , !

.............................

ما حسيت بروحي الا وأنا أنش من الرقاد .. طالعت يمبي .. تذكرت الظهر شو صار ,, حطيت ايدي ع بطني أتطمن ع ولدي ...

وبديت أصيح ... يارب فكني من هالبلوه .. والله اني بديت أضيع صوابي .. مدري شو الصواب من الخطا ,,

قمت صليت .. العصر لأنه قرب يأذن المغرب ,, بعد ما خلصت .. اتصلت بجواهر .. أسولف وياها شوي .. عسب أنسى ..
قلت بتصل في حمده لأنه عندي رقمها ,,, بغيت أدق ع اتصال ,,

ياني مسج من رقم غريب ,, ( يا حلوه لا تتصلين بحد عسب ييي وراج .. ترا ماشي فله خلاص .. حتى من الجامعه للبيت ومن البيت للجامعه .. محبوبج بدر .. )

فريت التلفون بقوه .. مابي أسمع حس أحد خلاص ,,
حسيت روحي بموت من اليوع خلاص ,, نزلت عسب أأأكل ,,, كليت بشهيه ,, طبعا لا متغديه ولا متريقه بعد ... خلصت أكل صعدت الحجره ,,

قعدت مع روحي شوي .. طالعت صوب اللاب .. مالي خاطر أحدر ,,
شفت صوب التلفزيون من زمان مب مطالعه لا مسلسل ولا فيلم ,, حتى شي اسمه برنامج نسيته ..
شغلت التلفزيون .. بديت أغير بين القنوات واغير ,, الين قريت على قناه ,,

طالعت .. هي هالمسلسل طالعته ,, هذا سنوات الضياع ,,
بديت أطالعه .. للحظه سرحت .. تذكرت ,, يوم تيم يزور التحاليل مال حمل لميس ,, وتكون عساس انها حامل من تيم هب من يحيى ,,

طالعت بطني,, بدر شكله ناوي يلعب نفس اللعبه اليوم ,, والله حياتي صارت أشبه بمسلسل ولا روايه ,, شي خيالي بعيد عن الواقع كل البعد ,,

لكن هكوه اليوم موجود في الواقع وقاعد يصير .. اللي يعيني ,, عليك يا بدر ..
رديت راسي لورا ,, أفكر شو الحل ,, متى يوسف يرد من السفر ,, أباه ينقذني من هالوحش اللي اقتحم حياتي ,,

حاولت أسلي روحي وأنا أشوف تلفزيون .. بس أكيد بدر وألاعيبه ما غابو عن بالي ,,,
فكرت في حل بس للأسف ما شفت أي حل للحين ,, شكلي لازم بتريا رجوع يوسف ,, يوسف رد والله اني محتاجتنك وايد وايد ......

ليتني سمعت كلامك ورديت وياك ولا تميت اهني .. هني جحييييم ...
اه متى أفتك وأرد أعيييييش حياتي طبيعيه ,, وياك يا يوسف ..

بس أنا قلت قبل لازم أخذ حقي لازم ,, بس مافي أي حل للحين مافي أي فكره يت ع بالي عشان أنتقم منكم مافي أي حل بعد .. شلون بنتقم منكم وكيييييييف ,,؟؟

خاصتا انت يا بدر لازم أرد لك الصاع صاعين لازم ,, وأراويك منو نوره .. مب أنا اللي أتهدد ..
رقدت وانا ميته تعب وخوف لدرجه اني قمت مرتين من مكاني أتأكد اذا الباب مقفول ولأأأأ ..

مو بعيده هذا بدر يدش .. وحش عادي موجود بأي مكان وبأي زمان ,, يارب عونك ... يارب ساعدني ,,

،،،،،،،،،،،،،،،،،،،،،،،

قمت يوم السبت وأنا ميته تعب ,, وخوف ,, تسبحت ولبست ,, ونزلت عشان أتريق ,, ما شفت غير ساره ,, الحمدلله فيه أحد ,,

بس هذي مو بعيده تشاركه جرايمه من نفس الطينه ,, دام كانت تبا تفرق بين زوج وزوجته .. عادي تسوي أي شي ,, هذي اللي ما تخاف ربها ,,

رحت المطبخ .. سويت لي سندويشه وخذيت لي عصير ,, شليتهم وطلعت الصاله ,,
رحت قعدت في صوب .. تميت أتريق وأطالع تلفزيون .. بس بالي ب مكان ثاني أبد مب مع المسلسل ,,
بس وعاني من خيالي ,, صوت ساره ..

ساره : نوره تيين الجيم ويانا اليوم ..
قلت لها : لأأأأ مالي خلق ..

موبعيده هذي تياني أروح وياها لسبب ثاني ولا هذي متى دخل الاحترام قاموس حياتها ,,
ساره : برايج بس حبيت أسألج ,,

قلت لها : مشكوره ما تقصرين ,,
ساره : تعالي أمس جييه ما خبرتينا انج ما بتيين بيت خالي حميد ,,

قلت لها : جيه انتو خبرتوني انكم بتسيرون ..
قالت : هي بدر قال انه سألج وانتي قلتي ان نفسيتج تعبانه وايد ..

طالعتها وقلت بسخريه : هي وايد ..
ساره : بلاج انتي اييييه ترمسين من خشمج ..

ما رديت عليها ,,
قالت : أرمسج ايييييييه
وقفت وقلت بعصبيه : أوف ممكن تودرون الواحد في حاله في هالبيت محد يقدر يشوف الراحه ,,

بغيت أمشي ,, بس وقفني صوت ..
.........: له له جيه ما نخليج ترتاحين ,,

طالعته وقلت : انت أدرى ,,
بدر بسخريه : زين خبرتينا .. خلاص ولا يهمج بنخليج تعيشين براحه أوكي

مشيت وأنا أأشر بايدي بمعني سير لاه وتأففت صعدت حجرتيه ,, دخلت وقفلت الباب ,, رديت طالعت اذا قفلته قفلتين ولا لأأأ ..

بعد ما تأكدت تنهدت عن خاطر ,, ورحت صوب السرير ,, بديت أحضر لباجر ,, يكفي يوم الخميس ما داومت بعد ,,

بعد ما خلصت ,, حاولت اني ما أنزل الا وقت الوجبات .. وبالفعل سويت جذا ,, ما نزلت الا وقت الوجبات ,,

مر اليوم جدا ممل وفي قمة الملل ,,

ياه يوم الأحد .. الحمدلله اليوم بدر محد ,, مدري ليش حسيت روحي مستانسه ومرتاحه وايد اليوم ..
الين ياه وقت أروح الجامعه ,, لبست وكشخت ,, رحت ركبت السياره ,,

تحركنا .. طالعت ورانا بعدها الرنج اسبورت السوده المخفي ,, تلحقنا ,, شو هذي يوميا ورانا هالسياره خل يفكونا ويتركونا بحالنا ,,

مو بس في بيتهم الواحد ما يعيش بأمان ,, حتى برا بيتهم لاحقينا والله حاله ,,
حاولت أنسى .. عطيت الدريول سيدي قلت له يشغله ,,

ركبه ,, وبدت أغنية ,, أحبها موت أحسها تخفف عنيه الألم أوقات ,, المفروض نسمع قران لأنه يريح النفوس ,, بس أوقات مدري شيصير فيني ,,

بدت الأغنيه حسيت روحي أبحرت في عالم ثاني .. بعييييييد بعييييييييد ,.,

اذا ناوي تروح ..
أبفهم ويييييييين أروح ..
تخليني أنا لحالي ,, أعييييش بعدك ألم وجروح ..
واذا عني مشيت .. واذا غيري لقيييييت ,,
منو غيرك أنا بلقا يا روح الروح ...

......... بس فيه مقطع شدني وايد له وايد ,, حسيته يعبر عن حياتي حاليا ,,

يعني ترضاها علي ,, تترك ايدينك ايدي ,, تنسى من عايش عشانك ان كان ميت ولا حي ,,

...............................

اه يا يوسف رد .. رد بسرعه ,, والله اني عايشه بعدك بألم وجروح ..
صحيت من مخيلتي ,, يوم السياره وقفت ,, نزلت بسرعه ,, دخلت الجامعه ,,,

البنات كلهن تحمدو لي بالسلامه ,, لأني طحت الخميس عليهم ,,
فرحت نوعا ما .. الحمدلله في ناس مهتمين لي ,, غير جذا .. ع الأقل باقي ناس طيبين في هالدنيا ,,
الحمدلله في الزين وفي الشين ,,

قعدت مع جواهر ..
جواهر : نورو شخبارج عقب الطيحه ,,
قلت : الحمدلله بخير ,,

جواهر : يلا الحمدلله .. ديري بالج ع روحج أوكي ,,
قلت لها : انشالله هههه
جواهر حطت ايدها ع بطني : حبيب خالو لا تتعب ماما أوكي ..

قلت لها : هههه فديتج ,,

تذكرت قبل أمس لما بدر حط ايده ع بطني وتذكرت كلامه كلمه كلمه وحرف حرف بدا يون في اذوني ,,

جواهر : نوره فيج شي ,,؟؟
طالعتها : هاه لا لا مافيني شي ,,

جواهر : نواري شسمه ريلج ,,؟؟
طالعتها وقلت : يوسف ,,

جواهر : يا ربيييييييي روعه هههه
طالعتها وقلت : تراني أغار ,,

جواهر : مدري عنج متضاربه وياه وتغارين والله حاله هههه
ابتسمت لها وقلت : جواهر انتي مخطوبه ..

جواهر : كانو محيريني لواحد من عيال عمي ,, بسسسسسسس ..
عيونها امتلت دموع ,,

طالعتها وقلت : اسفه اذا أزعتج ,,
جواهر : لا عادي .. بسسسس توفى ,,

انصدمت ,, وقلت : الله يرحمه ويصبرج ,,
جواهر طالعت صوب اللي رايح واللي ياي ,,

قلت لها : ممكن سؤال ,,؟؟
جواهر : هلأأأأ ,,

قلت لها : اذا عمامج ظالمين .. كيف انتي حبيتي ولدهم ,,

جواهر : كان يحبني وايد .. صح اني كنت بس محيره له وهو أكبر مني ثمان سنوات ,, بس دوم كان ايي عندنا ويسأل عنا باستمرار ,, وكذا مره ودى أمي عشان نعالجها ,, وعاد ياه يوم أجله ,, سوا حادث سياره وتوفى ..

طالعتها بأسى وقلت : الله يصبرج ,,
جواهر ابتسمت من بين دموعها : ويهديج ,,

ابتسمت لها ,, حسيت بعيونها وايد كلام تبا تقوله وايد ,,
طالعتها وقلت : فضفضي بسمعج ,,

وهناك أنا اللي يبالي من يسمعني ,,,هه والله دنيا عجيبه وغريبه ,,

جواهر : نوره يدتي أصلا ظالمه ,,
طالعتها وقلت : جواهر انتي صاحيه تقولين هالرمسه ,,

جواهر : هيه ,, يدتي هي اللي قالت له ,, اطلع من هالباب وعساك منت ب راد ,, وطلع .. وصار الحادث ,,

قلت لها ..: بس يا جواهر هذا كان يومه ومكتوب له هاليوم يموت ..
جواهر : استغفر الله مدري شو قمت أهذر ,, شكلي غثيتج بسوالفي ,,

قلت لها : لا لا عادي ,,

بغيت أقول ل جواهر عن حياتي .. بس فيه شي مسكني ,, مدري ليش ,,, مب متعوده أقول الا ل شيخه ,,
بس طلعت مني جمله مدري هي في محلها وقتها ولا لأأأ ويا ترى بتساعدني ولا لأأأ ,,

قلت : جواهر اذا في يوم تأخرت اتصلي ب هالرقم ,,
جواهر : طالعتني مستغربه ,,

قلت لها : اذا في يوم تأخرت عن الدوام اتصلي بي على هالرقم أوكي ,,
جواهر : أوكييييه ,,

طالعتها ابتسمت لي وقالت : ورقمج ,,
قلت لها : انتي بس اتصلي بي ع هالرقم ,, ويحلها ألف حلال أوكي ,,
جواهر : أوكي حبيبتي ,.

مر اليوم ممل وفي غاية الملل ,, قضيت يومي بالسوالف مع جواهر ,, ما دخلت ولا حضرت المحاضره ,, طاف مب متفيجه ,, أصلا مالي خلق ,,
حتى لو دخلت ,,, ما بفهم ولا ربع كلمه من المحاضره ,,
مر الأسبوع قمه في الملل .. وأنا أتريا يوسف يرد من السفر بس الظاهر بعده ما رد مدري متى يرد ويفكني من هالحياه ومن شر هالناس ..

والله انهم ذئاب ,, هب بشر ,, مدري الواحد كيف يتحمل العيشه معاهم ,,

ياه يوم الخميس ,, داومت ورديت ,, على طول سرت غيرت .. وصليت العشا ,,
مالي خلق أتعشى ,... لأنه باجر اليمعه ,, عيدنا نحن المسلمين ,, وأنا أتحرا انه كئيييب ومخيييييف .. كله منك يا بدر ,,

رقدت وأنا أفكر في باجر شو بيصير ,,

..........................

صحيت من نومي تسبحت وتلبست ,, وقريت سورة الكهف ,, وصليت الظهر ,,
طالعت صوب التلفون ,, مدري كم المده اللي أنا قاعده فيها في بيت خالي ,,

صار لي أكثر من شهر ,, اه مدري متى تمر الأيام بسرعه ,, أبا أفتك من شر بدر وطوايف بدر ,, وخوالي .. ومرت خالي وبنات خالي ,,

ابي أطلع من بيتهم خلاص ,, قبلت الهزيمه ,, بس أطلع ,, مابي أتحدى أحد ,,
أتم على حالتي وايد أحسن لي بس يتركوني بحالي ,,

نزلت عسب نتغدا ,, تغديت مع قوم خوالي .. الحمدلله بدر محد ,,
خل ألحق ع روحي وأنش .. قبل ما ايي هذا قطو بو سبع أرواح ,,
قمت ,,

مرت خالي : نوره سيري ازقري الخدامه ,,

ما رمت أقول لأأأأ مهما كان الحشيمه للكبار زينه وايد ,,
رحت صوب المطبخ ,,

قلت : ميري سيري مدام تباج ,,
ميري : أوكي مدام ,,

طلعت ميري ,, تجدمت عن باب الثلاجه ,, فتحت باب الثلاجه ,, طلعت غرشة الماي ,, صبيت لي في القلاص ,, ماي بس ما ترسته ,, ربع بس ,,

شربت شوي منه ,,
صديت عسب أطلع ,,,

وقف الدم ب عروقي ,, شفت بدر مبتسم ,, وحاط ايده صوب الباب ,, ومستند عالطرف الثاني ,,
خفت ,, قلت : ممكن توخر ,,
قال : لأأأأ يا حلوه ,,

تجدم عني .. بغيت أفر عليه القلاص .. توني بفره ,, يوده ,,
طالعته بغيت أموت الشرار يطلع من عيونه ,, بيذبحني خلاص ,,

طالعني وأنا خايفه ابتسم لي ,, وصب الماي الباجي تقريبا قطره في القلاص على ويهي بطريقه فجائيه ,,
تخرعت من برودة الماي ,, مسحت ويهي بالشيله ,,

طالعته وكلي غيض ,,
مسك ايدي وفتحها .. حط القلاص في ايدي ,, وضم القلاص ليدي ,,

طالعني وقال : بعده دربنا طوييييل يا نوره ,,و طويييييييييييل وايد ,,
طالعته خايفه مدري اش صابني بالضبط ..
 
رد: روآيه , بسمه من شفاتك تموتني وتحييني , !

الحلقه الخامسه والعشرون .. قبل الأخيره ..


قال : هذا بس رديت لج ,, يوم صبيتي الماي عليه ,,( وأشر بيده على عقلي ) تتذكرييييييييييين ولا لأ ,..
ما تكلمت بغيت أتحرك ,,
بس وقفني يوم طلع شي من جيبه ,, وفتح الورقه ,,

بالي على طول راح .. انه مزور تاريخ الحمل ,, ما اعتقدت انه شي ثاني لأني متأكده انه بيزور تاريخ الحمل ,,
بس فاجئني يوم فتح الورقه ,,

طالعت الورقه ,, فتحت حلجي ,, وطاح القلاص من ايدي فجأأأه وتكسر ,, تناثر لفتات ,,
مثل ما عقلي ألحين متشتت ومتناثر ,,

قلت له : شو انت ما تخاف ربك ,,؟؟
بدر : ههه هذي مجرد صوره يعني ,, وبروحج .. تخيلي اذا أحد وياج ,,

طالعته وقلت : انت حقيييييير ..
بدر : تعودنا عادي ,,

طلعت ركض من المطبخ ,, بس سمعت صوته ,,
بدر : ترا هذا ولا شي يدام اللي بتشوفينه ,,

ركضت وأنا أصيح دشيت الحجره قفلت الباب ,, هذا الله ينتقم منه ,, ذبحني غربلني ,,
يوسف رد يوسف محتاجتنك وايد وايد رد لي بسرعه بلييييز ,,

شاللي بيسويه يدام الله يعيني .. الله ياخذك يا بدر الله ياخذك ويفكني من شرك وبلاويك ,,
قمت أصيح واصيح ,, قمت أقوم ع الخوف ,, وأرقد ع الغربال ,, مدري متى بفتك وبرد شرات أول ,,

أصلا أنا الغبيه اللي ييت اهنيه ,, كنت تفاهمت مع يوسف ,, وما لعبت هاللعبه ولا أبي أخذ لا حق ولا باطل منهم ,, بس ربي يكفيني من شرهم ,,

حسيت روحي بموت لو تميت أكثر ,,
اتصلت ب يوسف ,, مغلق تلفونه .. استغربت ,, بعده مسافر ,, صار له أسبوعين مسافر ... وين ,, ؟؟
لو انه حق الشغل جان رد بسرعه ,, عاد لييييش مسافر ,,

حسيت روحي بموت من التفكير أكثر .. خلاص أحس نهايتي قربت وعلى ايد بدر بتكون ..
لأأأأ بس انتي يا نوره ما تستسلمين بسرعه ,,, هي لازم ما أستسلم ,, وبنشوف منو بيفوز يا بدر ,,,

صحيح اني بنت بس وقت الشدايد فيني رجوله ,,,
.....
تميت على حيرتي ومعاناتي وتفكيري ,, شو نهايتها وياك يا بدر ,,
حتى يوسف هب طايع يرد ,, ابي أخذ رقمه من قوم عمي ,, بس لما دقيت على عمي الظاهر ما يعرف انه مسافر ,, غريبه مدري ليش ما خبر أحد ؟؟

حتى غيبته طولت وايد وايد .. أسبوعين مرو عليه مثل سنتين ,,

قلت في خاطري ,, عاد وينج عنه من شهر ونص أو شهرين ناستنه .. وهو روحه ياه يترجاج ترجعين معاه ,,

توني يا يوسف أحس بقيمتك وانك حاميني من كل أذى وشر ,, حواليني ,, لو اني وياك جان بدر ما تجرأ يكلمني بعد ,,,

أحس روحي بنتهي لازم أتصل بأحد لازم .. من ما يكون بس المهم يحميني من بدر الوسخ ..وأفعاله ,,
طالعت التلفون ,, بتصل ب منو .. ؟؟

يوسف ومسافر وما يرد وما أعرف أي شي يوصلني له ,,
سلطان نفس الشي ,, مدري وينه ولا أعرف عنه شي ..

عيال عمتي ,, حمد ولا فهد .. السالفه بتكبر وتكبر .. أخاف توصل للمحاكم وما بيكون لها نهايه ,,
بس حمد يمكن يساعدني ,, أتصل به ولا لأأأأ ,,

احترت وايد تميت أفكر وأفكر ,,, ماشي فايده .. أحسن لي أتريا الين أسبوع ويحلها ألف حلال ,,
بس يمكن خلال هالأسبوع تزداد المشاكل ,, لازم السالفه تنحل بسرعه ,,

يوسف لوصدق بدر بتصير سوالف الله يعيني ,, بس مستحيل يوسف يصدقه لأنه يعرف طينته ,,

...........................................

مر يومين وما شفت بدر حسيت روحي مرتاحه متهنيه ,, بعيده عن الشر كل البعد ,,
مدري شو مخبي لي بعد من مصايب ,,,

الله يعيني على بلاويك ,, يارب ابعده عني .. ماباه يكون موجود ب قاموس حياتي ,,
شفت روحي في المرايه ,, حطيت ايدي ع بطني وابتسمت ,,

اليوم صار لي شهر ونص ,, يعني باقي سبع شهور ونص عسب أولد ,,
يا ربيييييه متى ييي هاليوم .. أكيد بكون مستانسه ,,

أخاف أولد ويوسف ما بيكون وياي ,, أبا يوسف يكون وياي ,, وأباه هو أول واحد يشيل ولده ,,
لو صار جيه . أكييييد بكون أسعد انسانه في الكون ,,

أهم شي في حياتي الحين .. يوسف ولده ,, أبا يوسف يكون ويايه ويمبي ,, الحياه مره بدونه ,,
ما أحس بالأمان من دونه .. والله اني أموت ع طاريك بعد يا يوسف ,,

وينك ...؟؟ رد بسرعه أنا ولدك محتاجين لك وايد ,,,
شفت الساعه ,, تخرعت .. أوه تأخرت ع الجامعه ..

تجهزت بسرعه بسرعه ,, ولبست عباتي .. حتى ما كشخت .. وايد متأخره ,,
رحت السياره بسرعه ,, والدريول تحرك ,,

شفت وراي كالعاده هالرنج يمكن صار لها ثلاث أسابيع أو أكثر تلاحقني ,, مدري من طرف منوه ..
جايز بدر ,,, وجايز يوسف ... والله ما يندرا ,,؟؟

وصلت يدام باب الكليه ,,, محد برا أكيييد البنات كلهن داخل لأنه الدوام بدا ,,
نزلت من السياره بسرعه ,, والدريول تحرك ,,

تجدمت عسب أخطف الشارع الأولاني اهوه مب شارع شارع ,, لأأ بس المكان اللي تخطف فيه السياير يوم ينزلون بناتهم ,,

بغيت أتجدم ,,, حسيت بألم قبضني في يمبي ,, ما رمت أوقف ,,
طاحت كل الكتب والدفاتر من ايدي ,,

وثواني ودرني الألم ,, نزلت عشان أشل الكتب والدفاتر ,,
حطيت ايدي ,, بس شفت ظل طويل حجب الشمس عن عيوني ,,

رفعت راسي ,,, شهقت ,,,
قلت وأنا أتاتأ .. : منوه ..؟؟

ما عرفته بس قال : نوره وينج من زمان ضايعه ,,
ما رديت يمعت الكتب وييت أخطف الشارع ,, ما حسيت الا وأحد يسحبني سحب وقبضني عدل ,,
بغيت أصارخ ما قدرت ,, محد من البنات برا .. حتى الحرس داخل ,,,

كانت السياره واقفه يمبنا ,, ما حسيت الا وأنا أنرمي داخلها ,,,

حاولت أتحرك ما قدرت بديت أرفس بريولي رفست ورفست ,, ما قدرت أتحرك ,, الين ما حسيت روحي انهد حيلي ,,

حسيت السياره وقفت ,, كنت قاعده أصيح وأصارخ من قلب ,, بس محد يسمعني ,,
حاولت أطالع حولي بس ما قدرت أطالع الا اثنين ,, ماسكيني عدل ,,
نزلوني من السياره وهم يسحبوني سحب ,, بديت أحاول أفك روحي ,وأضربهم ,, فيه واحد مسكني بقوه من ايدي حسيتها خلاص بتنجلع من مكانها ,,
رد لي عوار في يمبي بغيت أموت منه ,,, وما حسيت الا الدنيا تظلم بعيوني ..
.................................
فتحت عيني ,, شفت روحي في حجره ,, سحبت روحي سحب ,,,
تجدمت عن الباب ,, فتحته بسرعه ,, بس للأسف خابت ظنوني يوم ما فتح ,, حاولت أدور على مطرقه أي شي عشان أفتحه ,, ما حصلت ,,

قعدت في صوب ,, يعت وايد مدري كم من الوقت مضا وأنا اهني ,,

قعدت في زاويه وأنا أصيييييح من الألم اللي في بطني وظهري ,, ما قدرت أستحمل ,, حسيت اني بطيح الياهل في هاللحظه خلاص ...

منو يابني هالمكان وليش يابني ,.. مابا يسون بولدي شي مابا ,,

حضنت روحي بايدي .. كنت أتنفض من البرد والخوف ,, حسيت روحي لازم أسوي أي شي عشان أطلع من اهني ,,

تجدمت عن الباب .. ولصقت فيه ,, بديت أدقه بأقوى ما عندي ,, دقيته ودقيته الين حسيت ايدي احترقت من كثر الدق ,,

صارخت بأعلى صوتي ,, : افتحو الباب بموت ..
قمت أصارخ وأصارخ الين صوتي بح ,,, ما عاد فيني حيل ,,

سمعت صوت مفتاح ع الباب .. لصقت بالمقبض وقمت أحركه بقوه ..
الين الباب انفتح بقوه .. حسيت روحي طرت مع الباب لصقت في اليدار ..

ابتسمت ,, ع بالي يوسف اللي فتحه ,, تجدمت بسرعه من الباب ,,
شفت بدر ,,,

اختفت الابتسامه .. قلبي طاح من مكانه ,, حسيت روحي بموت خلاص ... وعلى ايدين بدر بتكون نهايتي ,,

طالعني وقال وهو يبستم ويلعب في موبايله : اش فيج يا حلوه ,, ليش تصارخين ,,؟؟
قلت له : طلعني من اهني أحسن لك ,,

قال : نتش نتش نتش .. في أحلامج ,,
قلت له : والله بخبر عليك يوسف وسلطان ,,

بدر بسخريه : أول شي ما عندج فون .. وثاني شي .. وين بييون لج اليوم من كندا ..
طالعته وقلت : انت واحد حقير ونذل ..

بدر : لا يا حلوه عيب نغلط ع اللي أكبر منا ..
قلت له : شو انت ما فيك احساس .. ما تحس يا أخي حس ولو شوي ..

بدر : امبلى ,, بس احساسي يوقف يوم أشوفج ..
قلت له وأنا أصيح : طلعني من اهني ,,

بدر تم يطالعني ويضحك ,, تجدمت عنه عشان أضربه ,, بس فاجئني يوم مسك ايدي ولفها حوالين ظهري ,,

تألمت وايد غمضت عيوني ,, من شدة الألم .. نزلت دمعه غصب عني يدامه ,,

طالعني وعدلني قال وهو يمسح دمعتي ,,, : عيييب يا ماما ,,
نزلت ايده من ع ويهي ب قوه .. وبغيت أضربه ,,

مسك ايده هالمره أقوى عن اللي قبل ,, صرخت من شدة الألم ,,
قال : ان مديتي ايدج .. بكسرها ,,

قلت : طلعني من اهني ,, طلعنني ,,

طلع وطالعني قبل ما يسكر الباب ابتسم وطير لي بوسه من ع الهوا ,, وسكر الباب ,,
تجدمت عن الباب ورفسته بأقوى ما عندي و
قلت : أختفوه عليك يا حقيييييير ..

ما حصلت أي رد منه .. فقدت الأمل عرفت انه طلع ,,, رديت مكاني .. بديت أصيح وأصيح ,, مدري جم من الوقت راح وأنا اهني ,,,


مدري اصلا أنا وييييين وفي أي مكان بالضبط ,,
هالحجره ما فيها درايش بعد ...
حسيت روحي بموت من اليوع ,,, رفعت راسي سمعت صوت خطوات قريبه عن الباب ,,
قعدت وحضنت روحي .. بايديني وضميت ويهي ل ريولي ,,
من الخوف ,,

الباب تبطل .. رفعت راسي أشوف .. منو ..؟؟ دخل واحد ومعاه أكل ,,
طالعته ياب الأكل صوبي ,,

طالعته وقلت وأنا أترجاه : طلعني دخيلك من اهني وبعطيك كثر اللي تبا ,,

ما رد عليه ,, حطا الأكل ,,, لا اراديا ,, رفست الأكل وانكسر القلاص وتناثر اللي في الصحن ,,
وبديت أصيح وأصيح ,.
ما كليت شي من الأكل معني يوعانه ميته يوع بعد ..

طالعت حواليني .. سجدت ل ربي اني أطلع من اهني بسرعه ,, خلاص ما عاد فيني أي شي يستحمل أكثر
اليييين ما حسيت روحي الا وأنا مدوخه ,,

فتحت عيوني ,, شفت المكان فاضي ,, حتى الأكل اللي فريته مب موجود .. تخرعت .. عدلت قعدت ,, وطالعت روحي ,, الحمدلله مثل ما أنا ,,

مسحت راسي ,, ما شفت الشيله ع راسي ,, خفت ,,
بسرعه التفت حولي ,,

شفتها يمبي ,, الحمدلله الظاهر طاحت يوم رقدت ,, حاولت أقوف وأروح صوب الباب ,,
أبي أشيل روحي ,, ما قدرت ,, رفعت راسي أطالع صوب الباب مسكر ,,

مسكني ألم في يمبي يذبح ,, حطيت ايدي ع يمبي ,, وبطني ,, ما رمت أستحمل دموعي نزلت ,,
غير اني ميته يوع .. طالعت يمبي عشان أحصل على شي من اللي فريته ما لقيت ,,
بديت أصيح بصوت عالي ,, وبدا صوتي يعلى ويعلى ,,

الين ما سمعت صوت خطوات عاليه تتقرب من الحجره ,, بغيت أزحف للباب .. حتى زحف ما رمت أزحف ,, شو تتوقعون يعني ,, حسيت روحي بموت خلاص ,,
 
رد: روآيه , بسمه من شفاتك تموتني وتحييني , !

حسيت ان روحي قاعده تطلع من العنا اللي فيني ,,
انفتح الباب ,, ودخل واحد ومعاه الأكل ,, حطاه هالمره ما رفست الأكل لأاني بالفعل ميته يوع ,,

مديت ايدي للأكل عشان أكل ,,, سمعت صوت ضحكه ..
أكرهها أكرهها من أعماق قلبي ,, وأكره راعيها بعد ,,
رفعت راسي ,,

قال : ليييش ما تعشيتي أمس ,,؟؟
ما رديت عليه ,, يعني أمس بليل يابو الأكل والحين الضحى ولا الظهر ,,

طالعني وقال : برايج حبوبه ,,
ابتعدت عن الأكل ولفيت ويهي عن أطالعه .. مابي أطالعه ولا أطالع رقعة ويهه ..

حسيته تقرب عني ,, لفيت ويهي أكثر ,,
مسك قطعة الخبز ,, وقربها عن حلجي ,,

قال : كلي يا حلوه ولا تبيني بيدي أوكلج ,,
ما طالعته تميت أغلي غلي من داخلي أحس روحي بركان قابل للانفجار ,,

قرب الخبز عن حلجي ,, رصيت ع حلجي عسب ما أكل من ايده القذره ,, اللي كلها حقد ونذاله ,,
قال : شكلج تبيني أوكلج ,,

ما رديت عليه ,, تميت ساكته ,, عيوني اللي كانت تحكي بدالي ,,

قال وهو يأشر ع بطني : انزين مب عشانج .. عشان هذا الياهل المسكين ..
قلت له بعناد : اذا تدري انه مسكين جيييه حابسني اهني ,,

تم يطالع بطني مبتسم ما رد عليه ,, ابتسم ابتسامة سخريه ,,
مد ايده وحطها ع بطني ومسح عيه وقال : يا حلو قول لأمك تاكل عن تتعب .. تراها غاليه ,,

حصلتها فرصه .. مديت ايدي بسرعه لقلاص الماي ,, عشان أجبه عليه ,,

بس هالمره ما لحقت شييييييييييت ,, الله يلعنه ما خلاني أصب عليه الماي ,, سحب القلاص بسرعه ,,
طالعته ما رديت .. نزلت عيوني بسرعه ,,

ما حسيت الا و شي بارد ينجب عليه ,,,
شهقت من برودة الماي اللي قاعد ينجب عليه ,,

بديت أصيح من البرد والخوف ,, طالعت ايدي ,, بديت أرتجف بشكل مب طبيعي ,,,

قال : هذا يزا اللي يعاند بدر ,,
وطلع ,,

طالعت صوب الباب ,, فريت القلاص ع الباب ,, بديت أصيح وأصيح ,, من البرد والخوف ,,
حسيت المكيفات يتعلى عليها ,, بديت أنتفض من البرد ..

حطيت ايدي ع بطني لأنه ويعني وايد ,,,
ما حسيت بروحي الا وأنا أدوخ ... ومغمي عليه ,,

.................................

رحت لعالم ثاني مدري وين .. لا أحس فيه ولا أتكلم ولا أقدر أسوي أي شي ,,
فتحت عيوني ,,و تذكرت كل شي صار .. انتفضت من الخوف ,,,

طالعت يمبي ,, شغفت الأكل بعده مثل ما هو .. تجدمت منه بسرعه ,, وبديت أكل بغجريه من اليوع ,,
الين لحست اللي في الصحن ,,,

بعد ما خلصت تجدمت عن الباب بديت أدقه وأدقه محد رد عليه ,,

رفسته وقلت : الله ياخذك يا بدر يالحيوان ..
ورجعت مكاني ,, قعدت وأنا أتنهد وأصيح ..


وينك يا يوسف تيي وتشوف نوره حبيبتك شو حل بها ,, تعال يا يوسف شو ولد .. وحبيبتك ,, يوسف الحق عليه ,.,, يوسف ليتني طعتك ورديت دبي وياك ...
بس أنا من غبائي ,, دوم الأمور كلها تصير ضدي دوم ..

كحيت .. حست روحي مريضه ,, أكييد خذيت برد ,,
بديت أكح وأكح ,, حسيت حنجرتي بتنطر من الكحه ,,

بديت أدعي ربي متى ايي يوسف ويردني وياه .. خلاص مابا أعيش اهني ,, مابا أنتقم مابا ,,
أبا أرد لحياتي الأولانيه البسيطه اللي كنت عايشتنها ,,

بس ولا الذل هذا ,,, يارب أنا شو سويت بحياتي عشان يستوي بي جيه ,,,
بديت أضرب راسي ,,, واقول ..
يارب أموت .. يارب أفتك من هالدنيا ,, أنا من وعيت بهالدنيا ,, والهموم تلاحقني متى بفتك متى ..؟؟

غالبا أسمع يقولون لا تقل يا رب عندي هم كبير ,,
بل قل ياهم عندي رب كبير ,,

تعبت متى بفتك متى .. متى ترحل عني الهموم وتتركني بحالي ,, أبا يوسف ,,
يوسف وينك رد لي محتاجتنك رد تعال بسرعه ,,

حطيت راسي ع اليدار وأنا أتنهد بألم ...
ليييش بدر يسوي بي جذا ,, ليششش .. وينهم خوالي عني وين ,,؟؟

أكيييد يدرون ان بدر يايبني اهني ,, بس ما يدرون انه يعذبني ,,
لأأأ هالناس حتى ولو يدرون ما يأثر فيهم هالشي ,, قلوبهم من حجر ما يحسون ..
حتى الحجر اللي هو حجر يحس يمكن في هالحاله ,,
بس هذيل نو وي .. هه أصلا ياريت لو يكون عندهم ذرة كرامه ويسئلون عنيه بعد ..
سمعت صوت خطوات جذا قريبه عن الحجره ,,

قعدت عدل بسرعه ,, دعيت انها تكون لحظه فرج ,,
دخل بدر ,,, طالعني ما علق

أول مره ما ترتسم ع ويهه ابتسامة سخريه ,,
قال : كليتي أكلج وأخيرا ,,
ما رديت عليه صديت الصوب الثاني ,,

بدر : أنا بسافر باجر ,,
طالعته وقلت : وأنا ,,

بدر : شو انتي ..؟؟
قلت : ما بتطلعني من اهني ,,

بدر : بخليج اهني لما تخيسين فاهمه ولا لأأأ .. موتي بعد أحسن ,,
طالعته وقلت وأنا أصيح : بدر الله يلعنك ,, طلعني من اهني ,, انت تدري لو يوسف يدري شو بيسوي بك ..

بدر : هههههه شو بيسوي .. الفارس الشجاع ,,
ما طالعته ,,,
تجدم عن الباب عسب يطلع ,,

لحقته وأنا أزحف زحف ,,, الين يالله يالله وصلت له ,,
قلت له : بدر دخيلك طلعني ,,
ما رد علي ولا طالع صوبي حتى ,,
لصقت في ريوله ومسكتهم ,,
قلت : بدر طلعني بدر الله يخليك ,, والله بطلع من حياتكم ,,
رفسني ,,, رحت بعيد والرفسه كانت على بطني ,,

مسكت بطني بألم وتألمت وطلعت مني ونة ألم ..
سمعته يقول .. : تسمع حبيبة القلب تتألم ,,
رد طالعني وقال : بس أنا ما أباج تطلعين من حياتنا الا يوم أخذ اللي أباه ,,
طالعته وقلت بألم : فلوس .. خذ كل شي نمكله خذه ,, بس طلعني دخيلك ..
ما طالعني وبدا يعابل في الفون ,.,
الين سمعت صوت يوسف ,.,
يوسف ,,,
سمعته يقول : يالجلب .. ودرها أحسن لك ..
بدر : ههههه

يوسف : وقسم بالله ان ما رديتها ... بيي وبطلعك من تحت الأرض ,, وين ما تكون .
.
بدر : ههههه انزين بدلك وين أنا هب لازم تطلعني من تحت الأرض ,, ( وقال بتهديد وأسلوب مقرف ) بس ما بتاخذها الا قبل ما نصفي حساباتنا ,, أوكي

قلت وأنا أصارخ : يوسف تعال بموت ..
ما سمعت حسه ,, ليتني مت قبل ما أحد يبعدك عني يا يوسف ,, ليتني مت ..
طالعني بدر وقال : باجر الفير حبيب القلب بيي ,, استعدي أوكي ,,

ما رديت عليه حضنت ريولي ,, وحطيت راسي عليهم ,, وبديت أصيح ,,,
ما سمعت حس بدر ,, أكيييد طلع ,,

رديت ع ورا .. سندت روحي ع اليدار ,,,
حاولت ألف الشيله حوالين رقبتي ,, بس مهما كان ما بسوي هالشي.... نهايتي بتكون النار ,,
عذاب الدنيا ولا عذاب الاخره ,, شو ع بالهم الموت شي سهل وعادي ,,

بدت دموعي تنزل بحراره وحرقه ,,
بدر قال يوسف بيي باجر الفير ,, شو قصده ,,؟؟

يعني صدق باجر يوسف بيي وأخيرا الحمدلله ,,
يوسف تعال صدق والله أني أباك محتاجتنك أكثر من أي وقت مضا بحياتي ,,,

أبيك اليوم يمبي ,, وباجر وبعده وطول عمري ,, أدري اني معاك وين ما أكون وفي كل الحالات بكون بأمان ,, بس وياك انت يا يوسف وحدك ,,

فجأأأة نقزت من مكاني .. تذكرت شي ,,
بدر ,, بدر قال باجر تعال ,, ليكون يسوي فيه شي ,,

لأأأأأ مابا يستوي بيوسف شي يستوي بي أنا ولا يوسف ,, أنا أحب يوسف مابا يمسه أي شي بالدنيا ,,
بدر قال قبل ما نصفي حساباتنا شو قصده ب هالجمله ,,

والله لو اني أقدر لك يا بدر .. كنت محيتك من ع الأرض .. من الكون كله ,, وما عديتك واحد من البشر ,, صدق انك عديم احساس ,, حتى ذرة مشاعر ما تحمل ,,

يمكن حتى ذرة كرامه ما تحمل يا بدر ..

،،،،،،،،،،،،،،،،،،،،

ما حسيت بروحي الا وأنا أفتح عيوني ,, فتحت عيني ,,
طالعت حواليني ,, ما أعرف نحن بأي وقت ,, يارب الفير أبا يوسف أباه اييي بسرعه ,,
ترييت وترييت ,, محد ياه الظاهر نحن مب فير الحين ,,

سندت راسي وأنا أحسب بأصابعي الوقت ,,, بس مستحيل أعرف نحن متى ,, وبأي وقت ..؟؟
أصلا ما أعرف أنا وين بالضبط عشان أعرف بأي وقت ,, هه عجيبه الدنيا ,,

سندت راسي ع اليدار أتالم من داخلي ع حالي .. وضعي ,,
بس رفعت راسي متخرعه يوم سمعت صوت المفتاح ,,
رفعت راسي بفرح بسرعه ,,

يوسف أكيييد يوسف ياه يارب يوسف ,,,
لو انه يوسف برمي روحي بحضنه على طول وبصيح وبصيح ,,,
وأطلع كل اللي بداخلي من حزن وألم ,, وحسره ,,

بس انصدمت يوم شفت واحد ومعاه أكل ,,, اه ه ه ه ه خابت ظنوني ,,,
لو اني ميته يوع المهم اني أشوف يوسف ,, مابي أي شي بس أبي يوسف ,,
حط الأكل ,,

سألته : كم الساعه ,,؟؟
ما رد عليه وطلع ,,

قلت بصوت عالي : غبي حيوان شرات معزبك هذا اللي متربي ابلييييس ..
طالعت الأكل .. نفسي منسده ,, مالي خاطر أكل ولا لي شهيه ,,

بس حسيت روحي يوعانه ..
وتجدمت وكليت ,,, بس بسرعه شبعت ,,
رديت قعدت في الزاويه ,, حطيت ايدي ع ظهري ,,

ظهري تكسر من الرقاد ع الأرض ,,, حرام محد متعذب كثر هاللي في بطني ,,
بديت أصيح من الويع اللي يمكسني في ظهري ,,,

سمعت صوت الباب بعد نص ساعه ,,
مسحت دموعي بسرعه على أمل انه يوسف ,,

وقفت بمكاني ,,
شفت بدر دخل ,,, مبتسم ويطالعني ,,
قال : ههههه ها الحلوه تتريين ريلح ,,
ما رديت عليه ,,

بدر : لا لا ردي جذا تزعليني منج ,,
سكتت وتم هو ساكت ,,

بس قال بصوت عالي .. : وليد .. يوم يوسف ايي دخله انزين ,,
طالعته وقلت وأنا متخرعه يا ربيه شو ياي يسوي هالثاني الحين : يوسف وينه ,,
 
رد: روآيه , بسمه من شفاتك تموتني وتحييني , !

الحلقه السادسه والعشرون .. الأخيره ..


قال : ياي في الدرب ,,
حسيت روحي ارتحت نفسيا ,, بغيت أبتسم ,, بس أخاف السالفه تنجلب عليه الحين ,,
طالعني وقال ,, : لهالدرجه مشتاقه لريلج ,,

ما رديت عليه.. بس اكتفيت باني أقول ,, : ما يخصك ,,
يا قريب عنيه ومسك ويهي وعصره وقال : عيب هالكلام يا نونه ..

نزلت ايده بقوه وقلت : انت تدري شو نهايتك ,,
رد عليه وقال : شوه يا حلوه ...؟؟


قلت له بغيض : حلوه في عينك ,, نهايتك نار جهنم ,, يعلك تحترق بها وما تطلع ,,
بدر : نتش نتش نتش ,,, عيب هالكلام يا ماما ,,

ما رديت عليه ,, مسكني بقوه ورص عليه ,, : تدرين انج أجمل ما رأت عيني ,,
حاولت أبعد روحي عنه ما قدرت ,, بديت أصارخ ,,,

بدر : لأأأأأ لأأأأ عيب جذا .. تفضحينا بعدين ,,
ما قدرت أبعد روحي عنه ,, حط ايده حوالين رقبتي وضمني له ,,
شفت هالحركه سبيل للخلاص ,,

عضيته ع ايده بأقوى ما عندي ,,
تألم وابتعد عنيه ,,

مسك ايدي وقال : أنا أراويج يا حيوانه ,,
تجدم عنيه وأنا أصارخ ,.,,

بس وقف يوم دخل يوسف ,,
يوسف طالعني ,, حاولت أشوف أي تعبير على ويهه ما قدرت أفسر ,,

فرح لأنه شافني ,, حزن لأنه شاف حالتي ,, منشغل باله ,, يبي يتخلص من بدر ويخلصني منه ,,

قلت وأنا أصيح : يوسف الحق عليه يوسف ,,
بدر قال بصوت عالي : ولييييييييد ,,

دخل الريال .. بنيته الجسده ضخمه ومسك يوسف ,,,
يوسف حاول يفج روحه وتم يتضارب مع الريال ,,

بدر تقرب عنيه ,, وقال وهو يطالع يوسف ويأشر ع بطني : تدري ان حرمتك حامل ,,
يوسف تفاجئ بس ما رد بدا يتضارب مع الريال اللي ميودنه ,,

بدر تجدم عنيه ,, ودزني صوب اليدار بقوه ,, طحتي ع ظهري ,,
بديت أصيييح من الألم اللي فيني ,
,
بدر تقرب مني مدري شو كانت نيته بالضبط ,,
يوسف فلت بقوه من الريال اللي عنده ,, وياه من ورا بدر ,,

وسحبه من قميصه ,,
بدر طالعه .. وابعد ايد يوسف عنه ,,

يوسف حاول يتضارب مع بدر ,, حتى بدر سوا نفس الشي ,,
الريال تجدم من بدر ويوسف ,,

بدر قال : وليييييد وخر لا تدخل ,,
بدو يتضاربون بقوه ,,, حسيت روحي في فيلم هندي ,, الصراحه ,, ما دريت ان هالشي يحصل بمجتمعنا ,, والسبب بنيه ,, هه اخر زمن ,,

بديت أصييييح واصييح .. حاولت أزحف وأروح صوبهم ,,
وقفت وأنا أتألم بشده ,, حاولت أتجدم عنهم ,,

تجدمت شوي ,, بدر هاللحظه فلت من يوسف .. وتم يتجدم صوبي ,,
رديت بسرعه لا اراديا لورا ,, ما دريت كم المسافه بيني وبين اليدار ,, ييت بسند ,,

بس طحت بقوه ع ظهري ,,

وتألمت ,,, حسيت الياهل طاح مات استوا به شي ,, بس ما قدرت اسوي شي سوا اني أصرخ صرخه ,,
حسيت الامارات كلها سمعت صرختي ,, من الألم ,,

يوسف وبدر اثنينهم طالعوني متخرعين ,,
بديت أتشهد ,, حسيت روحي بموت خلاص ,, ما في أي أمل بأني أعييييش ,,

ما حسيت الا بايد يوسف على راسي وتضمني له ,,,
يوسف : نوره ,,

وبدا يصفعني ..
ما حسيت الا بدر .. يضرب يوسف ب شي ,,

بس يوسف .. ما حس بضربة بدر تم يصفعني ويزقرني ,,
حسيت ان كل شي بدا يصير يدامي يصير اثنين ,, وغبت عن الوعي ,,
رحت لعالم ثاني كالعاده ,,

سهيت عن كل شي بالوجود ,, حتى عن روحي ,, وقتها بس فكرت .. الياهل ما يستوي به شي ما يمسه أي شي ,,

حتى بدر ما حقق نيته الوسخه ,, الحمدلله ,, بس الله العالم شو سوا بعد ما غبت عن الوعي ,, يمكن شي أكبر وأكبر ,,

،،،،،،،،،،،،،،،،،،

حاولت أبطل عيوني بتعب ,, وفتحت عيوني بعد محاولات ,, طالعت كل شي حواليني ,,
أنا في مكان أبيييض .. البياض الحالك عام المكان ,,

رفعت راسي ,, شفت حواليني أجهزه ,,, والمغذي بيدي ,, وأكثر من شي ,,
حاولت أتكلم ما قدر ,, حاولت أتأتأ ما قدرت ,,

بس اللي شفته ,, وحده لابسه أبيض مبتسمه .. وطلعت رككككككض ,,
حاولت أفهم و افسر اللي قاعد يصير حولي ما لقيت أي تفسير ,,

دخلو مجموعة أطبا ,, هالشي أعرفه الحمدلله ,,
كانو مبتسمين ,, في واحد منهم ياه عندي ومسك ايدي ,, وتم يجس النبض ,,

طالعتهم وقلت وأنا أتاأتأأأ : وي ..... ن ,,,, أأ .. ن .... ،،، ا ...؟؟؟
طالعني واحد منهم وقال : الحمدلله ع السلامه ..

ما رديت ورددت : شو يابني اهني ,,
الدكاتره تم كل واحد يشوف شغله ,, اكتفو بالابتسامه ,,

ما حسيت الا وعيوني .. تتصكر ,, واغيييب عن الوعي مره ثانيه ,,

,,,,,,,,,,,,,,,,,,,,,,,,,,,,,,,

فتحت عيوني ,,, شفت حواليني .. بس هالمره غييير مافي أي أجهزه ولا شي ,,
كان فيه .. أحد حاط ايده ع ايدي ,,

رصيت على ايد اللي يمبي ,,
رفع راسه بسرعه ,,

فتحت عيوني حاولت ,, أطالع صح لأنه نظري مشوش شوي ومدوخه ,, الين ضبطت الرؤيه ,,
طالعت وقلت : شو يابني اهني ..؟؟

........ : انتي ارتاحي حبيبتي أول ,,
قلت : شو يابني اهني ,, خبروني ,,,؟؟

اندق الباب مال الحجره ,,
دخل حمد ,, والجوهره تغشت استغربت ,, ليش تتغشى عن ريلها ,,
بس شفت واحد ثاني ورا حمد ,,


شفت سلطان .. تذكرت كل شي ,, ردت بي الذكرى لورى ,,,
تذكرت بدر ويوسف وكل شي صار وقتها ..
قلت وأنا أصيح ,, .. : يوسف ويييييييييين ..؟؟

الجوهره مسكت ايدي : يوسف بخير نوره انتي اهدي شوي ,,
شليت اللحاف عنيه حاولت أنزل من ع السرير,, بس في ألم مسكني ع يمبي ,, بقوه ,,
تنهدت ونيت من الألم ,,

الجوهره تخرعت ,, : نوره صار بج شي ,,
حمد تجدم عن الجوهره ,, طالعني وقال : نوره لا تحاتين ,,

طالعته وقلت : كيف ما أحاتي وين يوسف وينه ,,
سلطان تجدم وقال : يوسف بخير يا نوره مب مستوي به شي بس انتي اهدي ,,
طالعتهم وقلت : من يابني ذاك اليوم المستشفى ,,

حمد : أنا وسلطان ,,
استغربت : كيييف بس يوسف اللي كان ويايه ,,

حمد : نوره اهدي وارتاحي ,, وانشالله ما يصير الا الخير ,,
طالعته وقلت : ييبو لي يوسف .. الحين الحين ,,

حمد أشر للجوهره بنظرات .. وطلعو حمد وسلطان ..
طالعت الجوهره مسكت ايدها وأنا أترجاها ,, وأصيح بنفس الوقت ..

قلت : جوهره دخيلج وديني عند يوسف حرام أبا يوسف ييبو لي يوسف ..
الجوهرة : نوره يوسف بخير اهدي شوي ..

طالعتها وقلت : بدر شو سوا ب يوسف ..
الجوهره حركت نظرها وردت طالعتني ,, حسيت من نظراتها انها متوتره ,,

قلت لها وأنا أصيح : يوسف صار به شي ..؟؟
الجوهره : لا نوره اهدي يوسف بخير ,,

قلت لها : انزين ييبو لي اياه الحين الحين ,,
الجوهره : نوره يوسف .. تعور ..
طالعتها وقلت وأنا خايفه : بدر السبب صح ,, شو استوى به ,,

جوهره يت بترمس ,, هزيتها بقوه : ارمسي بسرعه ,,
قالت لي وهي محتاره : نوره بس ايده ياها شرخ بسيييييييييط ما استوا به شي ثاني .
.
طالعتها وتخرعت : هاه .. وينه الحين وشخباره ,,
الجوهره ..: ا ......
باب الحجره تبطل , لفينا اثنينا للباب ,, ..

تفاجئت لما شفت يوسف حسيت ردت لي الروح ..
ييت أنزل عسب أتجدم منه ..

الجوهره مسكتني ,, ما خلتني ,, طالعتها وما تكلمت ,,
يوسف تجدم عن السرير ,,
الجوهره طالعت يوسف وطلعت ..

ابتسمت ل يوسف .. قلت له وأنا عيوني كلها دموع : يوسف أنا أحبك لا تودرني ,,
يوسف طالعني وابتسم ,, تجرب عني ويلس ع طرف السرير ,,

طالعته وعدلت قعدتي ونيت من الألم ,,
حط ايده ع ايدي وطالعني قال : الحمدلله ع السلامه حبيبتي ,,
ابتسمت له وقلت له : يوسف لا تتركني والله اني محتاجتنك ,,

يوسف رص ع ايدي ,, : بس زعلتيني وايد منج ,,
طالعته وعيوني امتلت دموع : يوسف لا تصحح الغلط بغلط ,, لا تتبع أسلوبي الفاشل ,,

يوسف : مدري كيف رضيت اني أودرج ع راحتج ,, معني أعرف انج مب قد المسؤوليه ,,
طالعتها وقلت : والله اني ندمت ع قد شعر راسي ..

يوسف اكتفى انه يطالعني .. حسيت بنظراته الأمان والحنان اللي بالكون كله ,, حسيت انه يوسف هو الوحيد اللي يقدر يحميني من أي شي بالكون ,, ومن غيره مقدر أكمل حياتي ,,,

قلت له وأنا أأشر ع ايده : شو صار ..؟؟
يوسف : لا تهتمين .. سالفه عدت وانتهت ,,
قلت له : كيف يابوني اهني ,,

يوسف : قلت لج سالفه عدت وانتهت ,, ولا تعيدين وتفتحين ب هالموضوع مره ثانيه ,,
قلت له : بدر ..

يوسف تعابير ويهه تغيرت وقال : قلت لج خلاص لا تعيدين وتزيدين يا نوره ..
قلت له : نحن أي يوم ,,
يوسف : الأربعا ..

قلت له : اييييييه كل ها كنت راقده ..
يوسف ابتسم : عنلا اتج خرعتيني .. قلت ليكون الولد يستوي به شي لا سمح الله ..
طالعته وقلت : همك الولد وبس هاه

ابتسم ابتسامه ذوبتني .. خلتني أتجدم منه حطيت عيني بعينه ..
قال : وأمه أكثر .. أمه حياتي كلها ..

نزلت راسي .. قذلتي نزلت ع ويهي ,, رفعتها ورفعت راسي طالعته ابتسمت وأشرت ع بطني
قلت : اليوم دشيت الشهر الثاني .. يا رب ولد ..
يوسف : بس أنا أبا بنيه ..

قلت له : لا ولد أحلى .. عسب يطلع شراتك ..
يوسف : اللي ييي من الله حياه الله ,, المهم ذريه صالحه ..

ابتسمت له وقلت ,, : متى بيرخصوني ..؟؟
يوسف : الحين بروح وبشوف متى يكتبون لج خروج ,,
قلت له : حرام لححح عليهم ,, مابا أتم اهني ,,

يوسف : وتردين ويايه دبي سمعتي ,,
قلت : انشالله بس فيه مشوار صغنون قبل أوكي ,,

يوسف : ردينا ع الطير ياللي ..
قلت له : والله بوديك ويايه ..
يوسف ابتسم وظهر .. راقبته الين طلع من الحجره ,,

ابتسمت ... يا ربي اش كثر أحبك يا يوسف على كثر صدي الا انك ما تركتني وتمسكت بي أكثر وأكثر ,, ربي ما يحرمني منك ولا من حبك يا رب ,,

طالعت صوب الدريشه ونزلت ب صعوبه ,, تجدمت عن الدريشه ,,
حسيت بألم بس أخف عن قبل ,,, ابتسمت ,,

قبل شهور وقفت يمب الدريشه وأنا مرقده في المستشفى ,, طالعت الناس اللي رايح واللي راد ..
قلت .. ليتني شرات هالناس أعيش حياتي مثل ما أبا ,,

واليوم ياه اليوم اللي بعيش فيه مثل ما أبا ,, يارب اسعدني مع يوسف ..
حطيت ايدي ع بطني وطالعت برا ,,

سبحان الله على كثر المشاكل واللي شفته ,, الا انه بعده ما استوا به شي ,,
صدق الأعمار بيد الله ,, الموت اييي للواحد حتى ولو يكون ع سريره ,,

حلوه الحياه لو عرفنا نعيشها .. وتكون أحلى اذا ذقنا مرها ,, وعقب نعيش حلاوتها ,,
حسيت بايد مسكت يدي .. التفت ,, شفت الجوهره ,,

قلت لها وأنا ابتسم : أهليين ,,
الجوهره : هلأأأ ..

رديت قعدت ع السرير .. الجوهره تجدمت عنيه ,, وحطت ايدها ع بطني ,,
قالت : اش حالك حبيب عموه ..

طالعتها وقلت : هههه يسلم ع عموته ,,
الجوهره ابتسمت ,, وتمت تطالعني ,,
قلت لها ,, : وين قوم عمي ,,

الجوهره : محد يدري عنج غيري أنا وحمد ,,
طالعتها مستغربه ,, ما فهمت عليها

الجوهره : يوم نرد البيت ,, جنج رديتي روحج أوكي ,,
قلت لها وأنا ابتسم : انشالله .. شخبارهم وشخبار عموري وعدول ,, والله وايد قصرت في حقهم ,,

الجوهره : كلهم بخير الحمدلله ,, ميثاني طايحه أربع وعشرين ساعه تدرس ,,
ههههه أكيييد يسور مهددنها ,, طالعتها ,,

كملت : وجواهر .. هه يالله يالله مقزره روحها ,, تدرس وتستعبط بعدها ,, يوميا طايحه لج ضرابه مع عموري ,,

ابتسمت ,, فديت أخوي ,, وايد يحب جواهر ,, شكله بياخذ بنتها ههههه
الجوهره : وعدول وعلاوي ,, كلما يتضاربون عدول يقول ,, أختي تدرس قانون يعني لو تبا توديك الاعدام عادي توديك ,,

قلت لها : فديتهم خواني والله .. أول ما نرد دبي بشلهم ويايه .. بسكنهم عندي ,,
الجوهره : مدري انتي حره ب حياتج ,,

قلت لها : ما خبرتيني عنج ,,
الجوهره : دشيت الرابع ويوم فحصت ,, قالو لي بنيه ,,

قلت لها : مبروك فديتج ,,, يلا خلاص باخذها حق ولدي ..
الجوهره : خبرج عتيييج ,, علايه حجزتها هههه

قلت لها : جيه قالو لها ولد ,,
الجوهره : هي .. يلا عاد نواري حمد قال سلمي عليها واطلعي وأنا عاد طق حنك ما صدقت هههه
قلت لها وأنا أبوسها : فديتج والله ما قصرتي ويايه ,,

الجوهره : يلا حبيبتي عاد نترياج في دبي ,,
قلت لها : انشالله بس يرخصوني برد فديتج ,,

الجوهره راحت صوب الباب طيرت لي فلاي كيس وطلعت ,,
ابتسمت ,, فديتها الجوهره .. معاي بالحلوه والمره ,, الله يحفظها ,,

قعدت ألعب بشعري ,, سمعت الباب يندق حطيت الشيله ع راسي ,,
دخل يوسف ومعاه سلطان ,,
ابتسمت لهم ,,

سلمو وقعد يوسف جريب عنه ,, ويمبه سلطان ع الكرسي اللي ع اليمب ,,
يوسف : ها ارتحتي يوم رمستيها ,,
قلت : هي وايد ,,

سلطان : اش حالج نواري ,,؟؟
قلت له : بخير ومن صوبك ,,
سلطان : بخير ,,
يوسف ضرب سلطان بخفيف ع جتفه .. وابتسم ابتسمت له ,,
قال : يلا عاد تزوج شوف كيف أنا مرتاح ,,

سلطان : يا ريال شو أبا في عوار الراس ,,
يوسف : لا صدق والله ما أتمصخر ,,

سلطان طالعني وقال : صح نوره في وحده اتصلت بي وقالت أبا نوره ,,
طالعته مستغربه ,,
سلطان مد فونه : ها رقمها ,,

طالعت الرقم ابتسمت ,, قلت : هي هذي ربيعتي ,, عطيتها رقمك ,, عسب لا سمح الله صار شي تتصل بك ,,

يوسف طالعني : ماشالله وأنا صفر ع الشمال ,,
قلت : لا والله ,,, بس جذا قلت لها يوم أتأخر اتصلي ب هالرقم ,,

يوسف وسلطان طالعو بعض ابتسمو ,, ما فهمت سبب ابتسامتهم ولا شفت لها أي تفسير ..
بس فسرتها ع كيفي ,., يمكن هالشي أنقذني وايد .. وأنقذ حياتي ,,

....
 
رد: روآيه , بسمه من شفاتك تموتني وتحييني , !

قلت وأنا متفاجئه ومنفعله : لقيتها ..
يوسف استغرب : شو بعد ..؟؟

قلت : سلطان عندي البنيه ,, بس انت قول تم وبخطب لك اياها ,,
سلطان مستغرب : منو هاي بعد ,, ما أحيد عندج خوات ..

قلت : جواهر ,,
يوسف : حوه شو شفرتي شكلج من الضربه ,, جواهر مخطوبه ,,

قلت : لا لا هب جواهرنا نحن .. جواهر ربيعتي اللي اتصلت بك ,,
سلطان .. : ما أبا أميه مابا ,,

قلت : انزين انت طالعها واحكم عقب ,,
سلطان اكتفى بالسكوت وابتسم ,,
سلطان : يلا عاد أنا بترخص ,,
يوسف : مرنا باجر الصبح ,,

سلطان : انشالله ,,
طلع سلطان ,, طالعت يوسف وقلت : متى يرخصوني ,,؟؟
يوسف : باجر الصبح ,,

استانست وابتسمت ليوسف ,,
يوسف : يلا حياتي أنا بعد بترخص ,, بييج باجر الصبح ,,
طالعته بحزن : تم ويايه حرام ,,
يوسف : باجر الساعه ثمان بيي لج ,,

ابتسمت له ,, طلع ,, راقبته الين ما وصل للباب وطلع ,,
يا يوسف والله انك حياتي وعمري وحبيبي وكوني ودنيتي كلها ,, والله ان دنيتي مالها طعم من دونك ,,

...................

صحيت الصبح مستانسه ,, اليوم بطلع ,, اليوم باخذ بثاري وأخيرا .. وبرد دبي ...
يا ربي اش كثر اشتقت لأهلي وناسي ,, أحبهم أحبهم ..

تسبحت ولبست ,, قعد ع السرير .. يا بو لي الريوق ,,
شفت الساعه ,, الساعه ثمان الا خمس باجي خمس دقايق عسب ييي يوسف ..

بديت أحسب الثواني واللحظات بعد ,, الين ما سمعت باب الحجره ينفتح ..
تجدمت عن الباب .. وأنا مبتسمه كلي أمل ان يوسف بيدش ..
بس الابتسامه اختفت على ويهي ,, لما شفت خالي ..

قلت : انتو شو يابكم ,,؟؟
خالي حميد طالع خالي عبدالرحمن ,,: أعتقد خللاص ما بينا أي شي .. كل شي انتهى ,,

خالي حميد .. : نوره تنازلي عن القضيه أحسن لج ,,
استغربت طالعتها وقلت : قضية شو ..؟؟

خالي عبد الرحمن : أونج عاد ما تدرين ,, القضيه اللي رافعتنها ع بدر ,, انه تعدى عليج ,,
قلت : بالفعل انزين ,, هو حاول ,,

خالي حميد : نوره اقصري الشر أحسن لج ,,
طالعته وقلت : شو ع بالكم ,, اللي ذقته من ولدكم شويه ,, صحيح على قلة الأيام اللي تعرفت عليه لاكنني كنت أموت في الثانيه مليون مره ,,

خالي عبالرحمن : انزين خلي القضيه مفتوحه ,, بس يطلع من السجن ,,
استغربت محد خبرني عن سالفته أصلا قلت وأنا أبتسم : خل يذوق عدسهم ترا يمدحونه وايد لذيذ ...
خالي حميد يبا يرمس ,,

لكن باب الحجره انفتح ,,
التفتنا كلنا صوب الباب ,,

طالعت يوسف وسلطان ,,
يوسف دخل وقال: السلام عليكم ,,

ردينا السلام ,, سلطان لف عسب يظهر ,,
قلت : سلطان تعال هب لازم تطلع ,,

خالي عبدالرحمن : يوسف رمس حرمتك خل تتنازل ,,
يوسف ابتسم : عندك لسان رمسها روحك ,,

خالي حميد : حرام عليج ,, بعده بأول عمره ومسجون ,,
طالعته وقلت : يعني أبوي كان شيبه لما دخلتوه السجن ,,

خالي عبدالرحمن : بس أبوج غييير ,,

وقفت وقلت : بالفعل أبوي غيييير لأنه دخل السجن مظلوم والسبب جيكات بدون رصيد وشوه كل السالفه مزوره ,, والناس بس تقول عنه فقير شي جذا يعني مب عيب ,,

وشديت بالكلام وقلت : بس ولدكم قضيته وسبب دخوله السجن غير ,, تعرفون شو يعني غيير .. دخل السجن بسبب قضية خطف وحده متزوجه وحامل وبغا يعتدي عليها وغير جذا اهيه من أهله ,, صح ..
يعني الناس باجر بترمس وتقول .. عايلة فلان ولدهم سوا جذا ,, يعني العار بيلاحقه طول عمره ,,
دام انه ما حشم القريب ولا حطا أي معنى لصلة القرابه عاد لو البعيد شو بيصير ,,


خالي تجدم عني : نوره المبلغ اللي تبين بعطيج بس تنازلي ,,

قلت له باستهزاء : يا خوالي الكرام ,, كل جرح فات لي منكم هديه وش بلاكم ..؟ تخافون من رد الهدايا ,,,

وقلت وأنا أضحك : قولو لبدر هالكف اللي رديته له ..
طالعت يوسف وقلت : يوسف خلاص يلا نطلع جبدي لاعت من هالمكان ,,

طلعت مع يوسف .. وسلطان راح صوب الصيدليه عسب يشتري الدوا اللي كتب لي اياه الطبيب ,,
ونحن ماشيين في الممر ,,

طالعت حرمة عيوز كبيره في العمر ويمبها وحده ,,
تجدمت عنهم وابتسمت : السلام عليكم خالو ...

بستها فوق راسها وسلمت ع البنيه وقلت : اش حالج جواهر ..؟؟
جواهر ركزت لأني كنت متغشيه : أهليييين .. وينج ضايعه اتصلت بج كذا مره ما تردين جان أتصل ع رقمج الثاني وفضحتيني معطتني اياه غلط ..

ابتسمت لها : ها رقم ولد خالي ..
جواهر سحبتني ورحنا بعيد عن أمها : غربلاتج فضحتيني ,, وهو تم خايف .. يسألني يت الجامعه ولا لأأأأ
طالعتها وابتسمت : طالعيه هكوه جدامج

جواهر : نوروه انجبي .. بيعرف انه نرمس عنه ,,
قلت لها : تعالي سلامات الوالده شو فيها ..؟؟

جواهر : يايين نقيس الضغط عندها ,,
قلت لها وأنا أبوسها :الله يشفيها انشالله ؟؟؟ يلا باي انشالله أشوفج عروس .. تراني راده دبي ,,,
جواهر سحبتني ودخلنا حجره الانتظار ,,

جواهر : شو تقولين انتي ,,؟؟
قلت لها : خلاص تراضيت ويا ريلي ,, وبرد داري ..

جواهر : نورو لا تقولييين ما صدقت حصلت وحده أعزها عدل ,,
قلت لها : قلت لج بشوفج عروس انشالله ههه وتيين صوبنا دبي ...

طلعت وأنا أسوي لها باي وحطيت الغشوه ع ويهي .. ما شفت على ويهها سوا تعابير التعجب والاستفهام
,,
طالعت يوسف طالعني ومبين عليه نار .. ابتسمت له بس ما شاف ابتسامتي من تحت الغشوه ,,

قال : ليش جذا تروحين وما تقولين ,,,
قلت له : والله هاي ربيعتي الوحيده اللي تعرفت عليها اهني ,,

يوسف طالع سلطان : اللي تبينها حق ولد خالج هالهرم ,,
ابتسمت وطالعت سلطان ,, ما شفت على ويهه سوا ابتسامة رضا .. حسيت روحي مستانسه ,, وأخيرا بودع الهموم ,,, من اهني

ركبت السياره مع يوسف ,,
سلطان كان موقف سيارته يمبنا ..
قال : يوسف حرمتك ما يبين انها طالعه من المستشفى ,, الحين ..

يوسف : صل ع النبي عن تصكها بعين ,,
طالعت سلطان كان واقف يمب دريشه يوسف ..

قلت له : بنشوف حرمتك كيف تطلع ,, ...
سلطان ضحك ويايه وأشر ع المستشفى ,, فهمت شو قصده وابتسمت ,,
ويوسف حرك السياره ,,

قلت له : يوسف ممكن مشوار واحد بس ..
قال لي : وييين ,,
قلت له : المخفر ,,

يوسف طالعني : شوه ..؟؟ نوره شكلج تبيني أزغتج أموتج بروحي الحين ,,
طالعته وقلت : بس أكفخه والله ,,

يوسف : بس خلاص الريال بيخيس في السجن ثلاث سنوات وانتي جذا حاقده ,,
طالعته وقلت : أوكي خلاص نرد البيت ,, بس أنا مب شراتهم نذله .. بتنازل انشالله ..

يوسف : بشوف السالفه وبرد لج خبر ,, خلاص نرد دبي يعني خلاص ..
طالعته وقلت : هي اكييد .. فديت هل دبي والله اشتقت لهم وايد ..
يوسف : وأنا اشتقت لهل دار الظبي

قلت : هاه عيد ما سمعتك ..
قال : لو انج في الشارجه جان أقول اشتقت لهل الشارجه بس انتي كنتي فالعاصمه ,,

طالعته وقلت : أتحرى بعد هههه
يوسف ابتسم لي ,,,
طالعته رديت له الابتسامه ,, بس ابتسامته غير غييير تذوب و تذبح تدوخ يا ناس ..
وطول الدرب حسيت روحي بموت من العوار اللي في الظهر .. ما قدرت أقعد حسيت هالساعه ونص .. جنهم سنوات ,,, من كثر العوار ,,

حتى يوسف لاحظت كان يسرع ,, عسب نوصل بسرعه ,,
وصلنا دبي وتحديدا ... يدام بيتنا ..
قلت له : ليش ما نروح بيت عمي ,,؟؟
يوسف : باجر بنروح لهم ,,

قلت له : بس أنا أبا أشوف خواني اشتقت لهم ,,
يوسف : خوانج من باجر سكنيهم عندنا وأنا بتحمل مسؤوليتهم بس انتي انزلي الحين وريحي ,,
طالعته وما باليد حيله نزلت ,,,

أول ما دشيت البيت صار لي يمكن شهرين وشي ما ييت له ,,
اشتقت لكل شي اهني ... وأكثرهم يوسف أكيييد اللي غلاته غير بقلبي ..

دخلت تسبحت وغيرت ,, شفت ويهي شاحب .. أكيد صار لي فتره مب متهنيه بحياتي...
رحت قعدت ع السرير .. شفت يوسف واقف عند الباب .. ... بس باجي لي اللحظات الأخيره أكتبها وأكون مخلصه ...

قلت له : يوسف لابي وينه ..
يوسف : سلطان حطاه في سيارتي ,,
قلت له : نزلته ,,

يوسف : هي هكو ع المستواليت ,,
رحت صوب المستواليت شغلت اللاب ..
يوسف ياه قعد يمبي ,,

قال : باجر الصبح بنروح بيت أبوي أوكي ..
قلت له : أوكي .. والله اشتقت لهم وايد

يوسف : ممكن أعرف انتي ليل ونهار طايحه يدام هاللاب حتى في المستشفى كنتي تقعدين عليه .. شو تسويين ..؟؟

طالعته وقلت : أتسلى ,, وبس ..
يوسف : نورو رمسي عدل تراني أعرف ,,
قلت له : شو تعرف ..؟؟

يوسف : أعتقد تكتبين شعر ولا شي جذا ,,
قلت له : يجور بس شو دراك اني اكتب شعر ,,
يوسف : أبوج الله يرحمه كان يسولف عنج دوم ..

عيوني امتلت دموع : هي أحيد يوم نازعني يوم قرا اشعاري ,,
يوسف : غريبه نازعج يوم قرا الأشعار ,, احيده يحب الشعر

طالعته وابتسمت : عاد انت فسرها روحك ,,
يوسف ابتسم لي وقال : أعرف ,,

فهمت من كلامه ان ابويه قال له عني كل شي وعن كل صغيره وكبيره في حياتي ,, وأكيييد خبره يوم قرا اسم يوسف في دفتري وعلى أشعاري,,, واء والله فشله ,,

قلت : يسوف تدري اني أكتب روايه ,,,
يوسف طالعني مستغرب : عمي قال انج تقرين بس انج تكتبين عاد ما اعرف ؟؟

قلت له : ماشالله بابا كل شي مخبرك ,, اممم كتبتها بعد ما بابا قال ليش ما فكرتي تكتبين ,,
يوسف : أشوف جيه طايحه يدام هاللاب ..

يوسف حط ايده ع بطني وقال :,, بس حبيبي القعده وايد هب أوكي حق خلوف ..
طالعته وقلت : صدق يوسف بتوافق نسميه خليفه ,,

يوسف : أكيييد أصلا أنا من أول كنت بسميه ع اسم يده ,,
حطيت ايدي ع يمبي ونيت ونة ألم وقلت : يسوف الحق عليه ولدك خلوف ذبحني ,,

يوسف : ههههه زين يسوي يأدب أمه يوم ودرت أبوه وما سألت عنه
طالعت يوسف بغيت اعلق ع رمسته بس ما قدرت لأني قريت في عيونه كلام ,,, كأنه يبي يقول ..

( شسولف لك عن أخباري وعن الدنيا بعد فرقاك
حشا والله ماتسوى لا الدنيا ولاأخباري
ورب البيت ماجامل قليلة كلمتي أهواك
أنا عندي انا عندي كلام يهز الحب وأقداري
أحبك ايه متأكد ولا يطري علي أنساك )

اكتفيت اني أحط عيني بعينه وعيني هي اللي حكت وعبرت عن اللي بداخلي ,, وأنا بعد مستحيل أنساك ,,

طالعته وقلت عن خاطر ومن قلب : يوسف أحبك أحبك أحبك ..
يوسف ابتسم لي .. ابتسامه تذوب تطيح تدوخ وقال وهو مستانس .. : وبعد يا نونوتي .. أطربينا بالكلام الحلو ..

قلت له : والله بس بسمه من شفاتك تموتني وتحييني ,,

طالعني وابتسم وقال : خلاص عاد ما ببتسم مب ناقص أفقدج هههه..
ابتسمت له ,, حط ايده ع ايدي وحط عينه بعيني ,,

قال : والله يا نوره بتم أحبج الين الله يوافيني ...

حطيت ايدي ع حلجه بسرعه .. نزلت مني دمعه ,,

ما عرفت اهيه دمعة فرح حزن ,, حب .. شوق ... ما لقيت الها أي تفسير ..

واكتفيت باني أقول : يعل يومي قبل يومك ,, وربي ما يحرمني منك ,, يا أغلى ناسي وهلي ,,,

.................................................. .................................................. ......

تمت ..

عشت معهم لحظه ب لحظه ..
بكيت معهم ,,
وضحكت معهم ،،
ولكنني اليوم أقول ..
وداعا ...
لأبحر في عالم جديد مع شخصيات جدد وأبطال جدد ..
ولكن ستظل ذكرى نوره ويوسف عالقه في ذهني وقلبي للأبد ,,
ك بقاء رحيق العطر في الزجاجه ,,

.........

أتأأأأسف كثيرا .. لمن أبكيتهم ولمن وترتهم ,,,
ولكن ....
لولا وجود الحزن فما كان للحياة طعم ,,
ولولا وجود البسمه فما كان للحياة معنى ...

تحيه أخيره أوجهها لجميع قراء روايتي ,,
و أقول لهم دامت دياركم يا أهل الحب ,, عامره بالابتسامات ,,
أجمل وأرق تحيه ,,
من أختكم ,,
يتيمة زايد ...
انتظروني بروايتي القادمه قريبا انشالله
 
رد: روآيه , بسمه من شفاتك تموتني وتحييني , !

احم , واخخيرا , خلصصت الروا ا يه , !
اسفه ع التاخخير , . بس هب ب ايدي والله , ..
همممم . . ,

اتمنى الروايه عيبتككم , شرات ما عيبتني , :حب"

و .. ب التوفيج لليميع , :حب" , ..
 
رد: روآيه , بسمه من شفاتك تموتني وتحييني , !

يعطيك ألف عافية غصب عني
تسسلم يدينك على هالنقل :حب"
لي عودة لتكملة قراءتها ^_^

خالص تحياتي "ورده سي:
 
رد: روآيه , بسمه من شفاتك تموتني وتحييني , !

مشكوره لانك لرحعتي وكملتيها لنا
الله يعطيك العافيه
 
رد: روآيه , بسمه من شفاتك تموتني وتحييني , !

الله يسلمكم كلكم .. :حب"
مشكورين وايد .. لمتابعةة الرواية :حب""ورده سي:

تحياتي
 
رد: روآيه , بسمه من شفاتك تموتني وتحييني , !

تسسسسسسلمي رورو يا بعد قلبي ..
مششكوره على اكمالها ..
روايه روعه
وانشالله يقيم..
:)
 
عودة
أعلى