علموني وش حياتي

العذاب اللي يزم القلب و الروح الشقيه
ماتركني ما رحمني زاد فيني و اشتفاني
و السنين البيض راحت دون عقل او رويه
كنها اللي ما تصدق يسكن الحزن بزماني
و الدموع اللي بعيني للأسف مني و.فيه
كم بكيت الناس لكن للأسف محدن بكاني
و الخيال اللي اعيشه زاد بالوجدان كيه
ما احتملته وهو خيال كيف لو صدقه دعاني ؟
و السهر ياهو رفيقي فارض نفسه عليه
ما اخبر انه لو احاول جنب العين و نساني
و الحزن من كثر مابي صار في وجهي مريه
من بغى يرثي يجي يلد في وجهي ورثاني
و الجروح ان قلت طابت باقيه بالقلب حيه
تغلي بداخل فؤادي و احتملها لو اعاني
و الشموع اللي بدربي نورها كانت بيديه
انطفت ياويل قلبي و اشعلت نار المعاني
و الأمل من بعد حبي صارلي حد المنيه
عفت انا دنيا تقلب ضايع فيها مكاني
و السحاب اللي بسمايه يبخل بقطره نديه
ضاميه جيته ابا اروى علقمة هل و رواني
و النجوم اللي تخاوي من شكت ضيم الأسيه
شفتها في نور شمس ضيها ياما كواني
و البحر رغم انه اللي شايل احزان البريه
ماقدر يحمل همومي صد في خوف و جفاني
و الزهر يومه بقلبي خابر انفاسه شذيه
انذهل مما جرالي وحرم يعيش بكياني
و قلبي اللي ماتركني نمشي الدنيا سويه
دايم عني يقفي يبتعد مايوم جاني
و الونين اللي اونه اسمع بقلبي دويه
ارتجيت الحب مره و اثر عمره ما رجاني
علموني وش حياتي دامني فيها ضحيه
جد وشهي ؟؟ دام قلبي ماقدر يفرح ثواني
و علموني دام نفسي بالحزن صارت شقيه
بين كل الناس ابسأل ياترى وشهو مكاني ؟؟


مما اعجبني​
 
مميزه دائما في أنتقائك وطرحك
أبيات تضج بالجمال والعذوبه
باقة ورد لروحك الطاهره
شكري وتقديري
 
عودة
أعلى