غصب عنك ترجعين

بوح الخواطر, مشاعر وخواطر من قلبي ارسال إلى Twitter ارسال إلى facebook
  1. azahrani
    26-02-2005, 12:17 PM

    غصب عنك ترجعين

    غصب عنك ترجعين


    اسمعيني وافهمي معنى الكلام....... للكلام احساس وانتي تسمعين

    جيت اوّصل نبض قلبي باحترام...... باحترام شويّ وشويه (.....)

    كل شخصٍ في طريقي له مقام.......وانتي مالك ايّ مقام.. اتصدقين.؟!

    شنهو يعني لا تناسيتي الغرام..؟!! :> وشنهو يعني لو بغيتي ترحلين..؟!!

    روحي يالله ولا تزيدين الملام............ غصب عنّك ياغشيمه ترجعين

    تحسبين البُعد مفتاح الوئام.............وتحسبين القلب في بُعدك يلين

    مادريتي قلبي قاسي وما يُلام........لو قسى اكثر من اطعون السنين

    ادري مثلتي عليّه بانتظام............كم سهرتي في الظلام اتخططين..

    لجل مَخضع في طريقك بانهزام...... الغريب انك غشيمه وتجهلين

    ان عشقي صادقٍ مثلٍ الحسام...........لاغدرتي ما اظنّك تسلمين

    ماعرفت انه غيابك انتقام............ لين شفتك في حنيني تطعنين

    كنت شاعر غصب عنّي مُستهام...كنت طيّب واحسب انك تمزحين

    لين ماقلبك نزع زيف اللثام...............والحقيقه ماعرفتي تخدعين

    تخدعين انسان طيّب..؟ مو حرام...... تخدعيني وانتي لله تركعين..؟!!

    ماخدعتيني بغدرك يامرام.............. ماخدعتي غير تيار الحنين

    قلبي قبلك كان بافضل مايُرام......ويوم رحتي كنت اظن انك تجين

    لين ماحاسبت نفسي بالتمام..........واكتشفت اني اساساُ مو حزين

    من يبيني مرحبابه والكِرام.........لا عشقهم شخص صاروا طيّبين

    لاعشقتيني اجي كلّي هيام...........تطلبين اللي تبين وتاخذين

    تاخذينه قبل توفين الكلام......مُختصرها..؟ قبل مَنتي ترمشين

    بس لاصرتي تحبين الخصام......تب تعضين الاصابع.../تندمين

    في النهايه اسمعي..!! يالله سلام....بكرى والله غصب عنّك ترجعين000
  2. ๑ஐ زُمُرُّده ஐ๑
    26-02-2005, 10:36 PM

    غصب عنك ترجعين


    عيني عليك بارد اخوي الزهراني

    لن اخفيك سرا ,,, قصائدك دائما اكثر من رائعه

    اثبت انك شاعر غير عادي والغرور الموجود بشعرك غير عادي

    دمت بود تكسوك المحبه :: دلع شرقاوي