كل عام وجرحي بخير


أشوف مرايتي قصدي أرتب جرحي المسكين
وأشوف الهم قدامي ، غريبة كيف نتشابه

بفكر أقتله لكن أببدا طعنتي من وين؟~
من أطرافي ؟ من أعماقي! أساس الفكرة|كذابه|

لأني صرت بأعماقه وكان العكس قبل الحين
لأني صرت به نبتة وصار بعالمي غابه~

لأني صرت به دمعة وصار العين والخدين
لأني صرت له شوقه وأوفى أوفى أحبابه!

قدر جرحي يزلزلني يزعزعني يأثر زين
بشخص(ن) دمعته سيف(ن) مابين الجفن وأهدابه

طواري موقف(ن) جابه أبنساها ليوم الدين
ولكن كيف أنا بانسى طواري موقف(ن) جابه

نزفت الجرح لجل أنسى ، لقيت النزف لي تدوين
عزفت الفرح لجل أقسى ، هجرني الفرح وأسبابه

فمان الله يا فرحي فمان الضحك للغالين
هلا بالجرح مادامه بينزف حبر وكتابه..!
،
منقول

 
التعديل الأخير بواسطة المشرف:
عودة
أعلى