العمر محدود ولا الوقت له دوره

الشعر, قصيدة , شعراء, القصايد ارسال إلى Twitter ارسال إلى facebook
  1. الحطاب
    26-01-2011, 07:23 AM

    العمر محدود ولا الوقـت لـه دوره

    العمر محدود ولا الوقت له دوره




    اقدم احدى قصائد المبدع الشاعر سالم ابن جخير

    واتمنى ان تنال على اعجابكم



    العمر محدود ولا الوقت له دوره
    وانا الى الحين واحزاني هي احزاني

    والوقت لو جار ماهتميت من جوره
    بدري على الوقت يامرني وينهاني

    شفني هنا والنجوم هناك منثوره
    ان كان ماطلتها مانيب عرجاني

    شاعر واحب الشعر واغوص فبحوره
    كن القصايد تعزوابي وتنخاني

    والشاعر اللي لا غنى يقفد شعوره
    يستاهل انك تجي لمشاهده عاني

    والجادل اللي معي بالصوت والصوره
    تاقف على باب فكري ماتعداني


    كنها تردد بعون الله منصوره
    وكنها تغذا على دمي وشرياني

    احيان فيها عقل واحيان مطيوره
    واحيان تخطي علي وتقول بلعاني

    تضحك على لهجتي لاقلت ماجوره
    والحين صارت بلهجتنا تحداني

    ماهي على الوصل ملزومه ومجبوره
    تقرب وتبعد وتذكرني وتنساني

    تقول كان الغلا في جوف سبوره
    قم اكتب اسمي غلا ولا قم امحاني

    لبى الغلا يابرنسيسه ياسنيوره
    امن الغلا ماذكرت اسمك على الساني

    اخاف من واحد لادق لي زوره
    قدام عيني والى من رحت يقفاني

    يامطلعة شاعر الابداع عن طوره
    الى متى والخطا منك يتمثناني

    تخطين واسامحك واقول معذوره
    اروح فيها لمن قلتي على شاني

    القلب بستان وانتي اجمل زهوره
    مايقطفك من خفوقي واحد ثاني

    تربعي دام لك فالقلب مقصوره
    والله مانسى غلاك ان الله احياني
  2. قلب صافي
    26-01-2011, 07:31 AM

    رد: العمر محدود ولا الوقـت لـه دوره

    العمر محدود ولا الوقت له دوره


    يعطيك العافية وتسلم على النقل المميز


    تقبل مروري..
  3. الحطاب
    26-01-2011, 11:54 PM

    رد: العمر محدود ولا الوقـت لـه دوره

    العمر محدود ولا الوقت له دوره


    الله يعافيك يالغلا يسلمؤ
  4. غآلي
    27-01-2011, 06:35 AM

    رد: العمر محدود ولا الوقـت لـه دوره

    العمر محدود ولا الوقت له دوره


    احبه ها الشاعر يسلمو عوافي ياغالي
  5. ᵽ¡ҋʞ ║•
    28-07-2011, 05:07 PM

    رد: العمر محدود ولا الوقـت لـه دوره

    العمر محدود ولا الوقت له دوره



    إختيار موفق خيو ‘

    لاعدمناك :) *