12

مارحمت دموع عيني / والمواجع / والأنين

الشعر, قصيدة , شعراء, القصايد ارسال إلى Twitter ارسال إلى facebook
  1. الامير العنيد
    18-01-2011, 01:25 PM

    مارحمت دموع عيني / والمواجع / والأنين

    مارحمت دموع عيني / والمواجع / والأنين


    يا قسو قلبك عليه / لايحن / ولايلين !!
    ليلة البارح بكيتك / وأنت ما كنك دريت

    مارحمت دموع عيني / والمواجع / والأنين
    اه ياضيم الليالي / لاذكرت إني بكيت !!

    شفني بأسبابك أعاني / وكل مافيني حزين !!
    كم تعبت وكم سهرت وكم ترجيت وشكيت

    ماهقيت بيوم إنك : في حياتي تستهين !!
    لين شفتك ماتبيني / وخاب كل اللي هقيت !!

    كيف هانت : هالمحبه / والليالي / والسنين ؟؟!!
    كيف بعد العمر كله / من حياتك أنتهيت؟؟!!

    كيف تنسى ذكرياتي / في غرامك والحنين ؟؟!!
    أسألك بالله قلي : كيف بسهوله نسيت ؟؟!!

    أقسم برب العباد اللي / لوجهه ساجدين !!!
    إنك أشرف من سكني / وإنك أغلى من هويت

    يا...... اليوم جرحي / في حشى قلبي دفين !!
    يا...... العمر كله / كم خذلني وإنحنيت !!!

    انا مظلوم بحياتي / لا صديق ولا عوين !!!
    إنطعنت ألفين مره / ومن طعوني أكتفيت !!!

    انا مهموم بسنيني / كني فاقد لي ظنين !!
    أبتلاني الهم بلوى / وانا بالهم أبتليت !

    انا فرحي بالدقايق / بس حزني بالسنين !!
    انا أكثر شخص يبكي / ولا في عمري أهتنيت !!

    ياألاهي يامجيبا كل دعائي يامعين !!
    يارحيم وياغفور(ن) / تستجيب اللي دعيت !!

    أرحم اللي عاش عمره / هم والام وأنين !!
    كم دعيتك ياإلاهي / وغير لطفك مابغيت !!

    من عرفت العمر وانا / أبكي وهمي سجين !!
    الحزن هذا رفيقي / وانا له صدر(ن) وبيت !

    كانك بليله بكيتي / من عذابي دمعتين ؟؟!!
    وضاقت الدنيا في قلبك وانا / في حقك خطيت !!

    وش يقول اللي بكالك / وأدمعت عينه سنين !!
    وش يقول اللي حياته / كلها ليه و ياليت !!

    الله ياخذني بغيابك / ياعشيري قول امين !!
    العمر دونك مئاسي / لاقدرته و لاقويت !!

    جعل موتي ياعشيري / في غيابك لي يحين !!
    لأني عمري في غيابك / لافرحت ولاسليت !!

    الله يعين بغيابك / والله بهمي يعين !!
    وليتني من قبل أعرفك / عن غرامك أهتديت !!

    وليتني ماقد عشقتك / في حياتي من سنين !!
    وليتني من قبل أشوفك / ليتني بس أنعميت !!

    وليتني انا وقلبي / عن غلاتك ملحدين !!
    وليتني بدرب المحبه / في حياتي مامشيت !!

    عظم الله أجر عمري / لانويتي ترحلين !!
    وليتني يوم المفارق / ياعشيري ماحييت !!

    إنا لله في غيابك / وإننا له / راجعين !!
    البقيه في حياتك / لإني في العمر إنتهيت !!

    خذ وصاتي ياغناتي / ماتعدى كلمتين ؟؟
    إن خذاني الموت عنك / ياحياتي ومابقيت !

    لايجاورني في قبري / إلا قبرك يا...... !!
    خايف تقولين عني : وسط قبري ماوفيت !

    أقسم بربي حفظتك / وأقسم بربي يمين .
    مذكر إني خنت حبك/ كيف أخونك وانا ميت

    لاتقول إنسى رجيتك / كيف أبنسى هالسنين
    كيف أبنساك وخيالك / يحتويني لاسهيت !!

    جيت أبيك تعز شاني / وتملى هالدنيا حنين !!
    ورحت مكسور الأماني / ومن يدينك إنكويت !!

    ياقسو قلبك عليه / لايحن / ولايلين !!
    ليلة البارح بكيتك / وأنت ما كنك دريت !!

    مارحمت دموع عيني / والمواجع / والأنين !!
    اه ياضيم الليالي / لاذكرت إني بكيت !


    مما راق لي
  2. @@@فراولة@@@
    18-01-2011, 01:39 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    كلمات في قمة الابداع والرررررررررررررروعة
    سلمت يمناك الرقيقة على النقل الحلو
    وسلمت اناملك الدهبية يامبدع
    ننتضر ابداعك بفارغ الصبر
  3. دمعآت إشتيآق
    19-01-2011, 10:07 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    جيت أبيك تعز شاني / وتملى هالدنيا حنين !!
    ورحت مكسور الأماني / ومن يدينك إنكويت !!

    ياقسو قلبك عليه / لايحن / ولايلين !!
    ليلة البارح بكيتك / وأنت ما كنك دريت !!

    مارحمت دموع عيني / والمواجع / والأنين !!
    اه ياضيم الليالي / لاذكرت إني بكيت !



    بجد شعر ولا اروووووووووووووع مره لامست مشاعري وحبيتها

    يعطيك الف عافيه بجد شعر ولا اروع
  4. الامير العنيد
    20-01-2011, 09:50 AM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    فراولة & دمعات اشتياق

    اشكر دفئ حضوركم في متصفحي
    اسعدت بمروركم جدا
    لكم خالص تقديري
  5. yuna
    23-01-2011, 03:17 AM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    تسسسسسلم¤¤ ¤¤""دوممممممتا"" **(((مبدعا)))**
    يعتييك الف عافه على الكلمات الررررائعععههههه!^^
  6. نوادر نجد
    23-01-2011, 07:34 AM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    تجنن حيييل .,
    طاب منقولك .,
    تسلم
  7. الامير العنيد
    23-01-2011, 01:56 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    yuna & نوادر نجد

    مروركم عطر صفحتي
  8. black dream
    24-01-2011, 12:24 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    روعه
  9. $$ لحظه شموخ $$
    25-01-2011, 02:35 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين



    ياقسو قلبك عليه / لايحن / ولايلين !!
    ليلة البارح بكيتك / وأنت ما كنك دريت !!

    مارحمت دموع عيني / والمواجع / والأنين !!
    اه ياضيم الليالي / لاذكرت إني بكيت !



    مميز يالعنيد اطربت خواطر قلبي

    انطر الجديد تحياتى $$ لحظه شموخ $$
  10. الامير العنيد
    25-01-2011, 02:38 PM

    رد: مارحمت دموع عيني / والمواجع / والأنين

    مارحمت دموع عيني / والمواجع / والأنين


    وجوووووودك على صفحتي عنوان التميز لحظة شموخ
    اشكرك ع المرور
12